ཞུགས་པ་དང༌། ཐེག་པ་ཆེན་པོ་མདོ་སྔགས་ཀྱི་སྡེ་སྣོད་ལ་དམིགས་ཏེ། དེའི་འབྲས་བུ་ཐོབ་པ་དང༌། སྤྲུལ་པའི་རང་རྒྱལ་རྣམས་ནི་དམིགས་གསལ་ཡིན་པའི་ཕྱིར་ངེས་པ་དེ་ཡང་མེད་མོད། རེ་ཞིག་ཐུན་མོང་གི་རྣམ་གཞག་གཙོ་ཆེ་བར་བྱས་པའོ། །ཐེག་དམན་འཕགས་པ་འདི་དག་འཇིག་རྟེན་གྱི་ཡོན་གནས་ཆེན་པོར་གྱུར་པ་ཉིད་ཀྱིས་ན་འཇིག་རྟེན་གྱི་ངོ་བསྲུང་བའི་ཕྱིར…

དག་པར་བསྐྱེད་པའི་དོན་དང༌། ལམ་མཐར་ཐུག་པ་ལ་དཀྲི་བའི་དོན་དང༌། འཕགས་མཆོག་རྣམས་ཀྱི་དབང་དུ་བྱས་ནས་ནི། སྐྱབས་སུ་འགྲོ་བ་ཡང་མིན་ལ་ཕྱག་འཚལ་བ་ཡང་མིན་ནོ། །དེའི་ཕྱིར་འདིར་སྨོས་པ་ཡང༌། བསོད་ནམས་འཕེལ་བའི་ཕྱིར་ཞོར་ལ་བསྟན་པ་ཡིན་གྱི། སེམས་བསྐྱེད་པའི་ཡན་ལག་ཏུ་མ་ཡིན་ནོ། །ཐུན་མོང་མ་ཡིན་པའི་སྐྱབས་དང་ཕྱག་གི་ཡུལ་བསྟན་པ་ནི་ང…

བྱེད་ཅིང༌། དེ་ལས་དགེ་བ་དཔག་ཏུ་མེད་པ་འཕེལ་བ་དང༌། རྒ་ཤི་མེད་པ་འཕགས་པའི་ས་དངོས་སུ་སྒྲུབ་པར་བྱེད་པ་ཡིན་ནོ། །ཡང་ན་སྟོང་ཉིད་རྟོགས་པ་ལས་རྟེན་ཅིང་འབྲེལ་བར་འབྱུང་བ་ཤེས་ལ། དེ་ལས་ཀུན་རྫོབ་ཏུ་ལས་འབྲེལ་ཕྱིན་ཅི་མ་ལོག་པ་རྟོགས་པས་སྔ་མ་གཉིས་དང༌། དོན་དམ་དུ་འཁོར་བ་རྩ་བྲལ་དུ་རྟོགས་པས། རྒ་ཤི་མེད་པར་འདྲེན་ཞེས་ཀྱང་སྦྱར་རོ…

ཞིག་དཀྱུས་ནི་སྔར་བསྟན་པ་དེ་ཡིན་ནོ། །གཉིས་པ་ནི། སེམས་ཀྱི་དབང་དུ་གྱུར་པས་ན་སོགས་ཏེ་སེམས་ནི་ཀུན་གཞི་རྣམ་ཤེས་ཏེ། དེ་ལ་ལས་ཉོན་གྱི་བག་ཆགས་ཡོད་པ་མཐུ་བརྟས་པའི་དབང་ལས། ཉོན་མོངས་མངོན་གྱུར་པས་སྡིག་པ་བསགས་ཞེས་ཀྱང་སྦྱར་ལ། དངོས་སུ་ན་སེམས་ཏེ་འདོད་ཆགས་སོགས་ཉོན་མོངས་ཀྱི་དབང་དུ་གྱུར་པ་ཞེས་སྦྱར་རོ། །འདི་ལ་ཀུན་སློང་ཉོན…

བའི་རྒྱུ་ཚོགས་ཀྱི་ས་བོན་ནམ་བསྐྱེད་འཕེལ་གྱི་རྩ་བར་བྱས་ནས། དགེ་བ་འདི་ལས་དགེ་བ་གཞན་རབ་ཏུ་སྤེལ་ཏེ། བདག་སེམས་ཅན་གྱི་དོན་དུ་སངས་རྒྱས་སུ་གྱུར་ཅིག །ཅེས་བསམ་པའོ། །འདིར་གྱུར་ཅིག་ཅེས་པ་སྨོན་ལམ་གདབ་པ་ཁོ་ན་མ་ཡིན་ཏེ་སྨོན་སེམས་ལེན་པའི་ཆོ་གའོ། །དེས་ན་འདིར་ས་བོན་ཞེས་པ་ནི་རྒྱས་འགྱུར་གྱི་རིགས་ཡིན་ལ། སེམས་ཅན་གང་ཅི་ཡང་ར…

ལས། བདག་མིང་འདི་ཞེས་བགྱི་བས་སྔོན་འཁོར་བ་ཐོག་མ་མེད་པ་ནས་ཐ་མ་ད་ལྟ་ལ་ཐུག་གི་བར་དུ་སྦྱིན་པ་ལས་བྱུང་བ་དང༌། ཚུལ་ཁྲིམས་ལས་བྱུང་བ་དང༌། སྒོམ་པ་ལས་བྱུང་བའི་དགེ་བའི་རྩ་བ་བདག་གིས་བགྱིས་པ་དང༌། བགྱིད་དུ་རྩལ་བ་དང༌། བགྱིད་པ་ལས་རྗེས་སུ་ཡི་རང་བ་ལས་བྱུང་བའི་དགེ་བའི་རྩ་བ་དེས། ཞེས་འབྱུང་བ་སྟེ། གཞུང་འདིར་བདག་ལས་རྣམ་པ་གསུ…

ཉིད་ཀྱི་སྟེང་དུ་བསམས་ནས་ཆོས་དབྱིངས་ལ་དམིགས་ཏེ། སྤྱོད་པ་སྤྱོད་པ་ལ་རག་ལས་པ་ཡིན་པས། དེ་ཕྱིར་སེམས་བསྐྱེད་དང་བསྔོ་བ་ལ་ཡང་འདི་དྲན་པར་བྱའོ། །འདུས་མ་བྱས་ཀྱི་དགེ་བ་བསྔོས་ཤིང་དེ་ལ་སེམས་བསྐྱེད་པས། ཆོས་སྐུ་ཐོབ་པར་འགྱུར་ལ། འདུས་བྱས་ཀྱི་དགེ་བ་བསྔོས་ཤིང་དེ་ལ་སེམས་བསྐྱེད་པས། གཟུགས་སྐུ་ཐོབ་པར་འགྱུར་རོ་ཞེས་ཀྱང་བྱའོ། …

ཅེས་པ་དང་ཤོག་ཅིག་ཅེས་པའོ། །དེ་ཡང་སེམས་བསྐྱེད་པར་བགྱིའོ་ཞེས་པ། བྱང་ཆུབ་ཐོབ་པར་ཞིག་ངེས་པར་བགྱིའོ། །དེའི་རྒྱུར་བྱང་ཆུབ་འདོད་པའི་བསམ་པ་མ་འགྱུར་བར་བགྱིའོ། །ཞེས་པའི་དོན་ཡིན་ལ། དེ་ཉིད་བྱང་ཆུབ་ཐོབ་པར་ཤོག་ཅིག་པ་དང་དོན་གཅིག་པའི་ཕྱིར་རོ། །ཤིན་ཏུ་བསྡུས་པ་ལས། སངས་རྒྱས་འགྲུབ་པར་ཤོག་ཅེས་པ་དེའོ། །འདི་ནི་སྨོན་སེམས་ལ…

པའི་དོན་ཏེ། ཕྱོགས་བཅུའི་མཆོད་པ་དེ་ལྟ་བུ་བདག་གི་འདོད་པས་ཀྱང་དབུལ་ལོ། །ཞེས་པ་ནི་མཆོད་པའི་ཡན་ལག་ཉིད་ཡིན་གྱི། ཡི་རང་གི་ཡན་ལག་ནི་མ་ཡིན་ནོ། །དཔེ་གཞན་ལ་ཐམས་ཅད་མཁྱེན་པའི་ཡི་རང་བས་ཞེས་འབྱུང་བའང་དོན་འདྲའོ། །གཉིས་པ་ནི། སྡིག་པ་ཐམས་ཅད་བཤགས་སོགས། གསུམ་པ་ནི་བསོད་ནམས་ཀུན་ལ་སོགས། བཞི་པ་ནི་སངས་རྒྱས་ཀུན་ལ་སོགས། ལྔ་པ་ན…

ཡང་སྐབས་ཀྱི་དོན་དུ་མི་འགྱུར་རོ། །གཉིས་པ་ལ། ཆོས་ཀྱི་འཁོར་ལོ་བསྐོར་བའི་རྒྱུ་དང༌། དོན་དངོས་དང༌། དེའི་འབྲས་བུ་སྟེ་གསུམ་གྱི་སླད་དུ་བསྐུལ་ཞིང་སྨོན་པ་ལས། དང་པོ་ནི། དོན་གཉིས་ཏེ། རྟེན་དང་དགོས་པའོ། །རྟེན་ནི་བྱང་ཆུབ་དམ་པར་སོགས་ཏེ། བདུད་ཀྱི་སྡེ་མ་ལུས་པ་བཅོམ་པ་དང༌། མངོན་པར་རྫོགས་པར་སངས་རྒྱས་ཟིན་པ་དེས་ནི། འཇིག་རྟ…

རྒྱུན་མི་འཆད་པ་ནི་རྟོགས་པའི་ཆོས་འཁོར་དང༌། དོན་དེ་དང་མཐུན་པའི་གསུང་རབ་ཡན་ལག་རྒྱ་མཚོ་སངས་རྒྱས་ཉིད་ལ་སྣང་བ་ནི། ལུང་གི་ཆོས་འཁོར་ཏེ་འདི་གཉིས་ནི་དོན་དམ་པའི་ཆོས་འཁོར་རོ། །དེ་བཞིན་གཤེགས་པ་རྣམས་ཀྱིས་འཇིག་རྟེན་དུ་ཆོས་ཀྱི་འཁོར་ལོ་བསྐོར་བའི་ཚུལ་ཡང་རྣམ་པ་གསུམ་སྟེ། ཆེད་དུ་བྱ་བ་ཐེག་དམན་གྱི་གདུལ་བྱ་ལ། བདེན་པ་བཞིའི་…

རྣམས་སྡུག་བསྔལ་ལས་ཐར་བར་བགྱིད་པར་ཤོག་ཅིག །ཅེས་ཆོས་བསྟན་པའི་འབྲས་བུ་སེམས་ཅན་རྣམས་སྡུག་བསྔལ་ཅན་གྱི་འཁོར་བ་ལས་བསྒྲལ་ཏེ། ཐར་བའི་བདེ་ལ་འཇོག་པའོ། །བདུན་པ་ནི། བསྐལ་པ་བྱེ་བ་བསམ་ཡས་སུ། །ཞེས་སོགས་ཚིག་རྐང་བཅུ་སྟེ། འདིར་བྱེ་བ་ཞེས་པ། འབུམ་ཕྲག་བརྒྱའི་ངེས་ཚིག་སྟོན་པ་མ་ཡིན་ཏེ། སྤྱི་ཙམ་ནས་ཤིན་ཏུ་མང་པོ་གོ་བར་བྱེད་པའོ…

དུ་མི་རིགས་སོ་སྙམ་ན། འདོད་པ་ནི་འདོད་ཆགས་དང་དེའི་ཡུལ་ལ་ཟེར་བས་མི་འགལ་ལོ། །དེ་ཡང་དེ་རྣམས་ཉིད་ཀྱི་སྲེད་པའི་ཡུལ་ཕུང་པོ་དང་བསམ་གཏན་འོག་མ་གསུམ་གྱི་ཚོར་བ་བདེ་བ་དང༌། བཞི་པ་དང་གཟུགས་མེད་ཀྱི་བཏང་སྙོམས་གང་ཡིན་པ་དེ་ཡང༌། དེ་རྣམས་ཉིད་ཀྱི་འདོད་བྱ་ཡིན་པའི་ཕྱིར་འདོད་པའི་སྒྲས་བསྟན་ཏོ། །ཚིགས་བཅད་འདིའི་དོགས་པ་བསལ་བའི་ཚ…

སྟོན་ཅིང་བཞུགས་ནས་འགྲོ་བ་མཐའ་དག་སྲིད་པའི་མཚོ་ལས་སྒྲོལ་བར་ཤོག་ཅིག་ཅེས་པའོ། །དེ་ལྟར་དགེ་བའི་རྩ་བ་དེ་རྣམས་འཕེལ་ཞིང་ཡངས་ལ་རྒྱས་པར་འགྱུར་བ་ནི། སྨོན་ལམ་རྒྱ་ཆེན་པོས་ཡོངས་སུ་བསྔོ་བ་ལ་རག་ལས་པས། རྩ་བའི་ས་བཅད་གསུམ་པ་འཕེལ་བྱེད་སྨོན་ལམ་དངོས་ནི། རྫོགས་པའི་སངས་རྒྱས་གང་བཞུགས་དང་ཞེས་པ་མན་ཆད་དོ། །དེ་ལ་མདོར་བསྟན་རྒྱས་…

ཕྱིན་དྲུག་རྒྱས་པར་བསྟན་པའི་སྨོན་ལམ། འབྲས་བུ་མཐར་ཐུག་གི་སྨོན་ལམ་མོ། །དང་པོ་ནི། ཕ་རོལ་ཕྱིན་དྲུག་སོགས་ཏེ་བྱང་ཆུབ་སེམས་དཔའི་སྤྱོད་པ་མཐའ་དག་འདུས་པའི་ཕ་རོལ་ཏུ་ཕྱིན་པ་དྲུག་རྫོགས་པར་བགྱིད་པ་དང༌། གཞན་དོན་དུ་འགྱུར་བའི་ཕྱོགས་ནས་བསྡུ་བའི་དངོས་པོ་བཞིས་འགྲོ་བ་དྲུག་གི་སེམས་ཅན། ཐར་བ་ལ་འགོད་པར་བགྱིད་པ་དང༌། མཐུ་སྟོབས…

ཀྱང་བྱེད་དགོས་ན་གཞན་རྣམས་སྨོན་ཀྱང་མ་དགོས་པས་རང་རང་གི་བསླབ་པའི་ཡུལ་མཐའ་དག་ལ་སློབ་པ་རྗེས་སུ་སྒྲུབ་པ་ནི། རྒྱ་ཆེ་བའི་ཡོན་ཏན་ནོ། །ལན་དང་རྣམ་སྨིན་ལ་རེ་བ་དང༌། བདག་གཅེས་འཛིན་ལ་སོགས་པ་ཉོན་མོངས་པའི་བསམ་པ་སྤང་བ་ནི། ཟང་ཟིང་མེད་པའི་ཡོན་ཏན་ནོ། །རང་གིས་བགྱིས་པའི་དགེ་བའི་རྩ་བ་ཡང་གཞན་དོན་དུ་སྒྱུར་བ་དང༌། གཞན་རྣམས་སྤྱ…

ལ་ཞུམ་པ་དང༌། ཆུང་ངུ་ལ་བརྙས་པ་དང༌། ལེ་ལོ་ནི་དང་པོར་འཇུག་པ་ལ་མི་མཐུན་པའི་ཕྱོགས་སོ། །ཆོག་ཚོད་དུ་སེམས་པ་ནི་འཕེལ་བ་ལ་མི་མཐུན་པའི་ཕྱོགས་སོ། །ལན་དང་གྲགས་པ་དང་རྣམ་སྨིན་ལ་རེ་བ་དང༌། ཉེ་དུ་འདི་ཕྱིར་དང༌། འགྲན་པའི་ཕྱིར་དང༌། གཞན་ལ་བརྙས་པ་ལ་སོགས་པ་ཉོན་མོངས་ཅན་དང་འབྲེལ་བ་ནི། འབྲས་བུ་ཆེན་པོ་འགྲུབ་པ་ལ་མི་མཐུན་པའི་ཕྱོ…

བཙོན་པ་ནི་དོན་མཐུན་པའོ། །མངོན་པར་ཤེས་པ་དྲུག་ནི། ལྷའི་མིག་དང༌། ལྷའི་རྣ་བ་དང༌། ཕ་རོལ་སེམས་ཤེས་དང༌། སྔོན་གནས་རྗེས་དྲན་དང༌། རྫུ་འཕྲུལ་གྱི་ཡུལ་དང༌། ཟག་པ་ཟད་པའོ། །དེ་ལྟར་ཡང༌། སྐྱེ་དང་ངག་སེམས་དགེ་དང་མི་དགེ་བསྐྱེད། །དེའི་གནས་དང་ངེས་འབྱུང་མངོན་སུམ་དང༌། །ཤེས་པ་ཀུན་འགྲོ་རབ་ཏུ་དབྱེ་བཅས་ལ། །ཐོགས་མེད་བརྟན་པ་ཐོབ་པ…

ཆོས་ལ་དམིགས་ནས་བདེན་པར་འཛིན་པ་ནི་ཆོས་ཀྱི་བདག་འཛིན་ཡིན་ལ། དེ་ལྟ་བུའི་ཆོས་གང་ཡང་དངོས་པོའི་གནས་ཚུལ་ལ་ཡོད་མ་མྱོང་བ་ནི་ཆོས་ཀྱི་བདག་མེད་དོ། །དེའི་དབང་དུ་བྱས་ནས་འདིར་བཤད་པ་དེ་ལ་མ་སྐྱེས་པ་ནི་མ་འོངས་པའོ། །མི་འབྱུང་བ་ནི་འདས་པའོ། །འདས་མ་འོངས་ཀྱི་དངོས་པོ་གཉིས་ནི་རང་བཞིན་གྱིས་མེད་པའོ། །གལ་ཏེ་འདས་པའི་དངོས་པོ་ཡོད་…

ཆའི་དབྱེ་བས་བརྟགས་ན་གཅིག་དང་དུ་མ་གང་དུའང་མི་འགྲུབ་པའི་ཕྱིར་རོ། །རྒྱུ་མཚན་དེའི་ཕྱིར་སྣོད་ཀྱི་འཇིག་རྟེན་ཡང་མ་གྲུབ་ལ། རྣམ་རིག་སྣང་བ་རྣམས་ཀྱང་བདེན་པར་མི་འགྲུབ་སྟེ། སྔོན་པོ་མི་བདེན་པ་ཉིད་ཀྱི་ཕྱིར། སྔོན་པོར་སྣང་བ་ཡང་འཁྲུལ་བ་སྟེ། མོ་གཤམ་གྱི་བུ་མེད་པ་ཉིད་ཀྱི་ཕྱིར། དེ་མཐོང་བའི་རྣམ་པ་ཡང་རྫུན་པ་ཁོ་ན་ཡིན་པ་བཞིན…