མཚན་ཉིད་ངོ་བོ་ཉིད་མེད་པ་དང༌། ཀུན་རྫོབ་བདེན་པའི་དོན་ཡང་མ་གྲུབ་པར་བསྟན་པ་ཡིན་ལ། རྣམ་རིག་དང་རང་བཞིན་མེད་པར་བསྟན་པས། གཞན་དབང་སྐྱེ་བ་ངོ་བོ་ཉིད་མེད་པ་སྟེ། ཀུན་རྫོབ་རྟེན་འབྲེལ་གྱི་སྐྱེ་བ་ཙམ་ལས་གཞན་དོན་དམ་དུ་བསྟན་པ་མེད་དོ། །དེ་ལྟར་ཀུན་བརྟགས་དང་གཞན་དབང་གཉིས་ཀྱིས་སྟོང་པའི་སྟོང་གཞིའི་ཡེ་ཤེས་ནི། སྟོང་པའི་ཆོས་ཞེ…

དྲང་སྲོང་ཆེན་པོ་སྟེ། དེས་ཇི་ལྟར་ཐུགས་སུ་ཆུད་པ་དེ་ལྟ་བུར་གདུལ་བྱ་རྣམས་ལ་བསྟན་པ་ལྟར། བདག་མེད་པའི་དོན་རྟོགས་པར་ཤོག་ཅེས་པ་སྟེ། གང་ཟག་གི་བདག་མེད་པའི་ཆོས་ཀྱི་གཏམ་ནི། ཐེག་པ་ཆེ་ཆུང་གིས་བསྡུས་པ་སངས་རྒྱས་ཀྱི་གསུང་ཡིན་ནོ་ཅོག་ལས་ནི་བསྟན་ཅིང༌། སངས་རྒྱས་ཀྱི་བསྟན་པ་ལས་གཞན་དུ་གྱུར་པ་ནི། གང་ལས་ཀྱང་མི་འབྱུང་བས། སངས་ར…

ལོགས་སུ་ཚུགས་ཐུབ་ཏུ་ཡོད་པར་འཛིན་ལ། བདག་འཛིན་ཀུན་བརྟགས་ཏེ་གྲུབ་མཐའ་ངན་ལས་བརྟགས་པ་ལས་བྱུང་བས་ནི། དེའི་སྟེང་དུ་གཞན་ཡང་ཁྱད་པར་དུ་མ་དང་བཅས་ཏེ་འདོགས་སོ། །བློ་འཁྲུལ་བ་དེ་དག་གིས་བཏགས་པའི་བཏགས་ཆ་དེ་གདོད་མ་ནས་ཡོད་མ་མྱོང་བ་ནི་གང་ཟག་གི་བདག་མེད་ཅེས་བྱའོ། །བདག་མེད་དེ་ནི་ནང་པའི་ཆོས་ཁོ་ན་ལས་བཤད་པའོ། །དེ་ལ་སེམས་ཅན་ད…

ལྟར་ཡང་སྲིད་པ་མ་ཡིན་ནོ། །དེའི་ཅིའི་ཕྱིར་ཞེ་ན། ལྷན་སྐྱེས་ཀྱིས་ཀྱང་རྟག་ཅིག་རང་དབང་ཅན་གྱི་དོན་འཛིན་པའི་ཕྱིར་རོ། །འདིར་སེམས་ཅན་དང་བདག་དང་སྲོག་དང་གང་ཟག་དང་གསོ་བ་པོ་རྣམས་ནི་འཇིག་རྟེན་ལྷན་སྐྱེས་ཀྱི་བློ་ལ་ཡང༌། བདག་གི་རྣམ་གྲངས་སུ་འགྱུར་ཏེ། རང་དང་གཞན་སེམས་ཅན་དུ་འཛིན་པའི་ཕྱིར་དང༌། བདག་ནི་ཕ་མས་གསོའོ། །བདག་གིས་ན…

ལ་གྲགས་པའོ། །དེ་ལ་སེམས་ཅན་གྱི་གོ་དོན་ནི་སེམས་པར་བྱེད་པ་པོའོ། །དེ་ཡང་ཡོད་པ་མ་ཡིན་ཏེ། སེམས་པ་པོ་སེམས་པ་ལས་གཞན་དུ་ཡོད་ན། སེམས་པ་མ་ཡིན་པའི་སེམས་པ་པོ་ནི་སེམས་པ་དང་ཕན་ཚུན་དུ་གནས་ན། གཅིག་གིས་གཅིག་ལ་བྱ་བ་མི་མཐོང་བས་སེམས་པ་པོའི་ཡུལ་ལ་སེམས་པར་མི་ནུས་སོ། །ཅི་སྟེ་རྒྱུ་འབྲས་སུ་ཡོད་པར་གྱུར་ན་ནི། གཅིག་ཡོད་པའི་ཚེ་ཅ…

ལས་གཞན་དུ་མེད་ལ། ཅི་སྟེ་རྣམ་པར་ཤེས་པ་སྐྱེ་བ་དང་གནས་པའི་རྒྱུ་བྱེད་པ་ཙམ་ལ་རྟེན་ཞེས་བརྗོད་ན་ནི། དམིགས་རྐྱེན་དང༌། བདག་པོའི་རྐྱེན་དང༌། རྒྱུ་རྐྱེན་དང༌། དེ་མ་ཐག་རྐྱེན་བཞི་ལས་མ་འདས་ཀྱང༌། དེ་དག་གང་ཡང་སྲོག་ཏུ་མི་རུང་ཞིང་ལས་འབྲས་ཀྱི་རྟེན་དུ་ཡང་མི་རུང་ངོ༌། །དྲོད་དང་དྲོད་ཀྱི་གནས་ནི་ལུས་ལས་གཞན་དུ་མི་རུང༌། ཚེ་ཡང་ལ…

དང༌། ཡོ་བྱད་དང༌། རང་གི་རིགས་འདྲ་ཕྱི་མས་སྔ་མའི་རྒྱུན་འཐུད་པར་བྱེད་པ་ནི། གསོ་བའོ་ཞེས་བྱའམ། བྱེད་པ་པོ་གཅིག་པུ་ཞིག་གིས་བདག་ཅེས་བྱ་བ་གཅིག་པུ་ཞིག་གསོ་བར་བྱེད། སྔ་མ་ལྟར་ན་རང་སྡེ་རྣམས་ཀྱི་འདོད་པ་ཡིན་མོད་ཀྱི། རྒྱུ་སྣ་ཚོགས་པས་འབྲས་བུ་སྣ་ཚོགས་པ་བསྐྱེད་དེ་དངོས་པོའི་རྒྱུན་ཙམ་གནས་པ་ལ། གསོ་བ་པོར་བཏགས་པའི་ཕྱིར། འདི…

སེམས་ཀྱི་འགྱུར་བ་ལས་བདག་བདེ་སྡུག་ཏུ་འདོད་པ་དང་འགལ་ལ། ཅི་སྟེ་གཅིག་ན་ནི་ལུས་སེམས་མི་རྟག་ཅིང་དུ་མ་ཡིན་པས་བདག་ཀྱང་ད་ལྟར་འགྱུར་དགོས་ན། དེ་ནི་རྟག་པ་དང་གཅིག་པུར་འདོད་པས་འགལ་ལོ། །ཅི་སྟེ་མི་རྟག་ཅིང་དུ་མ་ཡིན་ཡང༌། བདག་ཏུ་མི་འགལ་སྙམ་ན། དེ་དག་ནི་ལུས་སེམས་ལ་སོགས་པའི་དངོས་པོ་ཉིད་ཡིན་གྱི། དངོས་པོ་རྣམས་པས་གཞན་དུ་བློ…

༼འདི་ན་མ་དཔེ་མེད༽འདིས་གང་ཟག་གི་བདག་མེད་རྒྱས་པར་བསྟན་ཏོ། །གསུམ་པ་ཕར་ཕྱིན་དྲུག་གི་སྨོན་ལམ་ལ། མཚན་ཉིད་ཐུན་མོང་པ་བཤད་པ་དང༌། མཚན་གཞི་ཐུན་མོང་མ་ཡིན་པ་བཤད་པའོ། །དང་པོ་ནི། བདག་འཛིན་བདག་གིར་འཛིན་པ་ཡི་སོགས་ཏེ། བདག་དང་བདག་གིར་འཛིན་པས་ཀུན་ནས་བླངས་པའམ། ལན་དང་རྣམ་སྨིན་ལ་རེ་བ་སོགས་སྤངས་ཤིང༌། དངོས་པོ་སྟེ་སྦྱིན་སོགས…

ནོ། །ཚིགས་བཅད་འདིས་གོང་དུ་བཤད་པའི་ཡོན་ཏན་བཞི་ལྡན་ཉིད་བསྟན་ཏེ། སྦྱིན་གཏོང་ཞེས་པས་རྒྱ་ཆེ་བ་དང༌། བདག་འཛིན་སོགས་དང་སེར་སྣ་མ་མཆིས་ཞེས་པས་ཟང་ཟིང་མེད་པ་དང༌། སེམས་ཅན་ཞེས་སོགས་དོན་ཆེ་བ་དང༌། དངོས་པོ་སོགས་ཀྱིས་མི་ཟད་པ་བསྟན་ཏོ། །གཉིས་པ་ལ་དྲུག་ལས་སྦྱིན་པ་ནི། དངོས་པོ་དངོས་པོ་མ་མཆིས་པས་སོགས་ཏེ། འདིར་དངོས་པོ་ནི་སྦྱ…

ཁྲིམས་ཀྱི་སོགས་ཏེ། ཚིག་རྐང་གསུམ་པོ་རིམ་ཅན་དུ། ཉེས་སྤྱོད་སྡོམ་པ་དང༌། དགེ་བ་ཆོས་སྡུད་དང༌། སེམས་ཅན་དོན་བྱེད་གསུམ་བསྟན་པར་འཆད་མཁན་ཡོད་པ་ལྟར་བྱས་ཀྱང་རུང་ལ། ཡང་ན་ཚུལ་འཆལ་གྱི་སྐྱོན་མེད་ཅིང༌། ལྟུང་བའི་རྒྱུ་ཉོན་མོངས་པ་རྣམ་པར་དག་པ་དང༌། བདེན་ཞེན་གྱི་རློམ་སེམས་མེད་པ་ཞེས་སྦྱར་རོ། །འདིར་མཁས་མཆོག་འགའ་ཞིག་ཚུལ་ཁྲིམས…

བློ་བརྟན་ཅིང་སྤྲོ་བ་དང༌། དངོས་གཞིའི་དུས་སུ་སྦྱོར་བའི་བརྩོན་འགྲུས་ལེ་ལོ་མེད་ཅིང་གུས་སྦྱོར་རྟག་སྦྱོར་གྱི་བརྩོན་འགྲུས་བརྩམས་པ་དང༌། རྗེས་ཀྱི་དུས་སུ་སླར་མི་ལྡོག་པའི་བརྩོན་འགྲུས་ལུས་སེམས་སྟོབས་དང་ལྡན་པ་སྟེ་ངལ་བ་མེད་པའོ། །ལྔ་པ་བསམ་གཏན་ནི། སྒྱུ་མ་ལྟ་བུ་སོགས་ཏེ། དེ་ཡང་སྒྱུ་མ་ལྟ་བུའི་ཏིང་ངེ་འཛིན་ནི། གཙོ་བོར་ཀ…

མདོ་སྡེ་རྒྱན་ལས། རྣམ་པར་མི་རྟོག་རྒྱབ་ཀྱི་ཕྱོགས། རྟག་ཏུ་དགའ་དང་ལྡན་པའོ་ཞེས། བདག་མེད་སྤྲོས་བྲལ་ལ་དམིགས་པའི་ཡེ་ཤེས་ནི། སྟོང་ཉིད་ཀྱི་ཏིང་ངེ་འཛིན་དང༌། འདུས་བྱས་དང་འཁོར་བའི་མཚན་ཉིད་ཤེས་པ་ནི་སྨོན་པ་མེད་དང༌། མྱང་འདས་ཀྱི་མཚན་ཉིད་ལ་དམིགས་པས་དགའ་བ་ཐོབ་པ་ནི་མཚན་མེད་དོ། །ཀུན་རྫོབ་ཀྱི་དུས་གསུམ་རང་བཞིན་མེད་པར་མཉམ་…

པ་བྱང་ཆུབ་ཀྱི་སྤྱད་པ་སྤྱོད་པ་བྱེད་ཅིང༌། སྨོན་ལམ་གྱི་ཁྱད་པར་འདི་བཏབ་པས་ནི། རྒྱལ་ཚབ་བྱམས་པ་འདི་སྔོན་སེམས་དང་པོ་བསྐྱེད་དེ་མི་རིང་བ་ན། དགེ་སློང་བློ་གྲོས་བརྟན་པ་ཞེས་བྱ་བ་གྱུར་པའི་ཚེ། བྱམས་པའི་ཏིང་ངེ་འཛིན་ཡངས་ཤིང་རྒྱ་ཆེ་བ་ཐོབ་ནས་སྐྱེ་བོ་དཔག་ཏུ་མེད་པ་བྱམས་པའི་ཏིང་ངེ་འཛིན་ལ་བཀོད་པ་དེ་ནས་བཟུང་ནས་དུས་རྟག་ཏུ་བ…

ཚིགས་བཅད་དང་པོ་གཉིས་ནི་སྐྱབས་འགྲོའི་སྐབས་དང༌། བཤགས་པ་དང་བསོད་ནམས་ཀྱི་ཚོགས་ནི་རིགས་སད་བྱེད་དང༌། ཀུན་མཁྱེན་ས་བོན་ཞེས་པ་རིགས་དངོས་ཏེ་རིགས་ཀྱི་སྐབས་སོ། །བྱང་ཆུབ་མི་ཟད་ཅེས་པ་སེམས་བསྐྱེད་ཀྱི་སྐབས་དང༌། ཕྱོགས་བཅུ་དག་གི་སོགས། མཆོད་པ་དང༌། བཤགས་པ་དང༌། ཡི་རང་ཕྱག་འཚལ་རྣམས་སེམས་བསྐྱེད་ཀྱི་བསླབ་བྱ་ཡིན་པའི་ཕྱིར་སྒྲ…

ཡང་བསྟན་ཞེས་བཤད་ཡམས་སུ་མཛད་དེ། འོན་ཀྱང་བཀའ་སྒྲུབ་ལམ་རིམ་ལ་མི་གཏོགས་པས། དེའི་དོད་མེད་ཀྱང་རྒྱན་གྱི་བརྗོད་བྱའི་གཙོ་བོ་མ་འདུས་པར་མི་འགྱུར་རོ་སྙམ་པ་ནི་བདག་གི་རྣམ་རྟོག་གོ །གཞུང་གཉིས་སྦྱར་བའི་འཆད་ཚུལ་འདི། མཁས་པ་རྣམས་ངོ་མཚར་བསྐྱེད་པའི་སྒོ་ཁྱད་པར་ཅན་དུ་སྣང་བའི་ཕྱིར། འདིར་ཡང་བླངས་པའོ། །ཞེས་པ་འཕགས་པ་བྱམས་པའི་ས…

བདེ་བ་ཅན་གྱི་སྨོན་ལམ་བཞུགས། ཨོཾ་སྭཱ་སྟི། བདག་གཞན་དགེ་བའི་རྩ་བ་མ་ལུས་པ། །གཅིག་ཏུ་བསྡོམ་ཞིང་མཁའ་དང་མཉམ་པར་སྤེལ། །ཆོས་ཉིད་ཆེན་པོར་རོ་གཅིག་རྟག་པའི ངང༌། །གདོད་ནས་འོད་གསལ་ཆེན་པོར་རྒྱས་བཏབ་སྟེ། །སྣང་གྲགས་ཐམས་ཅད་ཡེ་ནས་ཆོས་སྐུའི་ངང༌། །སྣང་བ་མ་འགགས་གཟུགས་སྐུ་རང་ཤར་བ། །གང་འདུལ་འཕྲིན་ལས་ལྷུན་གྲུབ་རྒྱུན་མི་འཆད། …

དུ་སྦྱངས་གྱུར་དེ། །དག་པའི་བདེ་བ་ཅན་དུ་སྐྱེ་བར་ཤོག །ཞིང་དེར་སྐྱེ་མ་ཐག་ཏུ་ཏིང་འཛིན་དང༌། །གཟུངས་དང་ཡེ་ཤེས་རྣམ་ཐར་ཀུན་གྲུབ་ནས། །བླ་མེད་མཆོད་སྤྲིན་རྒྱ་མཚོའི་ཚོགས་སྤྲུལ་ཏེ། །རྒྱལ་བ་ཐམས་ཅད་མཆོད་པས་མཉེས་བྱེད་ཤོག །སྣ་ཚོགས་སྤྲུལ་པའི་འཇིག་རྟེན་ཁམས་ཀུན་ཏུ། །གང་ལ་གང་འདུལ་འགྲོ་བའི་དོན་སྤྱོད་པའི། །བསམ་ཡས་མཁའ་དང་མཉ…