བཞིན་གཤེགས་པ་གཅིག་གིས་གསུང་གཅིག་ཁོ་ན་བཀའ་སྩལ་ན། དེ་ཡང་ཡན་ལག་རྒྱ་མཚོ་སྟེ། གསུང་གི་རང་བཞིན་ཆ་ཚང་བ་དང་ཆ་ཚང་བ་ཁོ་ན་རིགས་མི་འདྲ་བ་རྒྱ་མཚོ་ལྟར་མཐའ་ཡས་པའི་སྒྲ་སྐད་དུ་འགྱུར་ཏེ། དོན་དང་ཚིག་དང༌། སྐད་དང་དབྱངས་མཐའ་ཡས་པ་ཉིད་ཀྱིས་སྣང་བར་འགྱུར་རོ། །དེ་སྐད་དུ་ཡང༌། མོས་པ་སྣ་ཚོགས་ཅན་གྱི་ནི། འཁོར་མང་རྣམས་ནི་གནས་པ་ལ། ག…

གྱིས་འཇུག་པར་བགྱིའོ། །འདི་ཡང་མཐར་ཕྱིན་པའི་དུས་ནི་སྔར་ལྟར་ཡིན་ལ། ཐོག་མར་ཐོབ་པ་ནི་ལེགས་པའི་བློ་གྲོས་ཀྱི་ས་ལ་སྟེ། དེར་སོ་སོ་ཡང་དག་པར་རིག་པ་བཞི་ཐོབ་པར་བཤད་པ་དང་གནད་གཅིག་གོ །འདིར་གོ་སླ་བར་བརྗོད་ན། སངས་རྒྱས་གཅིག་ལ་ཆོས་ཉན་ཅིང་དོན་གོ་བཞིན་པ་ན། དེ་དང་དུས་མཉམ་ཁོ་ནར་སངས་རྒྱས་གཞན་མང་པོ་ལ་ཡང་ཆོས་ཉན་ཅིང་ཚིག་འཛིན་…

ཅིང་གཤེགས་པར་འགྱུར་བའི་རྒྱལ་བ་ཐམས་ཅད་དག །སེམས་ཅན་རྣམས་གྲོལ་བའི་ཆེད་དུ། ཆོས་ཀྱི་འཁོར་ལོའི་ཚུལ་རྣམས་རབ་ཏུ་བསྐོར་བ་ཡི། སངས་རྒྱས་དེ་དག་གི་ཡང་གསུང་དབྱངས་ཆོས་མི་ཟད་པ་སྟེ་མཐའ་ཡས་པ་ལ། རང་གི་བློ་ཡི་མཐུ་ཐོབ་པའི་སྟོབས་ཀྱིས་བདག་ཀྱང་གསུང་གི་འཕྲིན་ལས་དེ་ལ་ལྷན་ཅིག་ཏུ་རབ་ཏུ་འཇུག་པར་ཤོག་ཅིག་པ་སྟེ། འདིར་སྔ་མ་གསུང་གཅི…

པ་ཡང༌། དེ་བཞིན་གཤེགས་པ་རྣམས་ཀྱིས་མཁྱེན་པ་དེ་བཞིན་དུ། བདག་གིས་ཀྱང་ཡེ་ཤེས་སྐད་ཅིག་གཅིག་གིས་འཇུག་པ་སྟེ། ཤེས་པ་གཅིག་གིས་དུས་ཐམས་ཅད་ཀྱི་དངོས་པོ་ཐམས་ཅད་ཅིག་ཅར་ཤེས་པར་བགྱི་ཞེས་སྨོན་པ་དང༌། གང་ཡང་བསྐལ་པ་སྔོན་འདས་པ་ཐམས་ཅད་དང༌། ད་ལྟར་དང་མ་འོངས་པ་འབྱུང་འགྱུར་ཏེ་དུས་གསུམ་ཇི་ཙམ་ཡོད་པ་དང་ཚད་མཉམ་པའི་བསྐལ་པ་དེ་དག་ཐམ…

གསོག་པ་དང་སྤྱོད་ནུས་པའོ། །ཡང་སྤྱི་མཐུན་སྣང་བ་རྩ་བ་དེ་ལ་བསྐལ་བ་མང་པོ་ཡོད་ཀྱང་ཡུན་རིང་དུ་ཐོགས་པར་མ་ངེས་ཏེ། བསྐལ་པ་སྐད་ཅིག་མར་སྡུད་པའི་ཕྱིར་དང༌། བསྐལ་པ་མང་པོའི་བྱ་བ་ཉམས་སུ་མྱོང་བས་ཡུད་ཙམ་གཅིག་ལ་གྲུབ་པར་ཡང་ནུས་ལ། བྱ་བ་ཡུད་ཙམ་གཅིག་པུ་ལན་གཅིག་གིས་བསྐལ་པའམ་བསྐལ་པ་མང་པོ་འཁྱོངས་པར་ཡང་བྱེད་དོ། །དེ་ལྟར་ན་དུས་ཐ…

གྱི་རྣམ་པར་འཕྲུལ་བ་བསམ་གྱིས་མི་ཁྱབ་པ་ལ་འཇུག་པར་གྱུར་ཅིགཚུལ་ཇི་ལྟ་བུས་འཇུག་ན། མཉམ་བཞག་གི་ཡེ་ཤེས་བདེ་བར་གཤེགས་པའི་སྙིང་པོ་སྤྲོས་བྲལ་རྣམ་པ་ཐམས་ཅད་པ་སྒྱུ་མ་ལྟ་བུའི་ཡེ་ཤེས་མངོན་སུམ་དུ་རྟོགས་པའི་ནུས་པས། རྗེས་ཐོབ་ཀྱི་ཡེ་ཤེས་སྒྱུ་མ་ལྟར་སྣང་བར་གྱུར་ལ་དེ་ལྟ་བུའི་ཏིང་ངེ་འཛིན་གྱི་སྟོབས་ལས། སྒྲིབ་པའི་ཁྱད་པར་མང་པ…

ཆེ་ཤོས་ཀྱི་ཡ་མཐའ་ནས་བཟུང་བ་ཡིན་པས། སྤྱིར་བཀོད་པ་ཡང༌། རྡུལ་གཉིས་པའི་བཀོད་པ་ནས་བརྩམས་ཏེ་དུས་གསུམ་གྱི་ཞིང་གི་བར་དུ་སྣ་ཚོགས་པར་སྟོན་ཏོ། །དེས་མཚོན་ཏེ་རིམ་པ་བཞིན་དུ་སྦྱར་ནས། ཉི་ཟེར་རྡུལ་རེ་རེ་ལ་ཡང་དུས་གསུམ་གྱི་ཞིང་ཁམས་ལ་སོགས་པ་དེ་ལྟར་སྟོན་པ་དང༌། བྱེ་མའི་འབྲུ་རེ་རེ་འམ། སྤུ་ཉག་རེ་རེའམ། འབྲས་ལ་སོགས་པ་འབྲུ་རེ…

ཡང་མ་འོངས་བ་དང་མ་འོངས་པ་ཡང་འདས་པར་སྒྱུར་བ་ལ་སོགས་པ་རྣམ་པར་འཕྲུལ་བ་བསམ་གྱིས་མི་ཁྱབ་པ་ཁོ་ན་འབྱུང་བའོ། །དྲུག་པ་ནི། གང་ཡང་མ་བྱོན་འཇིག་རྟེན་སྒྲོན་མེ་རྣམས། །དེ་དག་རིམ་པར་འཚང་རྒྱ་འཁོར་ལོ་བསྐོར། །མྱ་ངན་འདས་པ་རབ་ཏུ་ཞི་མཐའ་སྟོན། །མགོན་པོ་ཀུན་གྱི་དྲུང་དུ་བདག་མཆིའོ། །གང་ཡང་མ་བྱོན་པའི་སངས་རྒྱས་འཇིག་རྟེན་སྣང་བར་བ…

སུ་མི་སྟོན་ཡང༌། སངས་རྒྱས་གཞན་གྱིས་མཛད་པའི་ལས་བྱེད་པ་པོར་འབྱུང་བ་ཡིན་ནོ། །རྩ་བའི་གསུམ་པ། ཐུན་མོང་དང་ཐུན་མོང་མ་ཡིན་པ་གཉིས་ཀར་ལ་འཇུག་པའི། རྣམ་གྲངས་གཞན་གྱི་སྨོན་ལམ་བསྟན་པ་ལ། སྒྲུབ་པ་གཙོ་བོར་གྱུར་པ་སྟོབས་ཀྱི་སྨོན་ལམ་དང༌། ཕན་ཡོན་གཙོ་བོར་གྱུར་པ་བསམ་མི་ཁྱབ་ཀྱི་སྨོན་ལམ་དང༌། མཐར་ཐུག་སྨོན་ལམ་བླ་ན་མེད་པར་གཅིག་ཏ…

བས་ཐེག་པའི་སྟོབས་ཏེ་དེ་རྣམས་དང༌། ཕ་རོལ་ཏུ་ཕྱིན་པ་དང་བསྡུ་དངོས་བཞི་དང་ཚད་མེད་བཞི་ལ་སོགས་པ། ཡོན་ཏན་དུ་མ་དང་འགྲོགས་པའི་སྙོམས་འཇུག་དགུ་དང་ཟད་པར་བཅུ་དང༌། ཟིལ་གནོན་བརྒྱད་དང༌། མངོན་ཤེས་དྲུག་ལ་སོགས་པ་ཡོན་ཏན་ཀུན་ཏུ་སྤྱོད་པའི་སྟོབས་རྣམས་དང༌། ཀུན་ནས་སེམས་ཅན་ཐམས་ཅད་ལ་ཉེ་རིང་མེད་པར་ཁྱབ་པའི་བྱམས་པ་ལ་སོགས་པ་ཚད་མེད…

འཕགས་པ་དཀོན་མཆོག་སྤྲིན་དང་ཕལ་པོ་ཆེའི་སྐབས་གཞན་ལས་འབྱུང་བ་ལྟར་གྱི་བྱང་ཆུབ་སེམས་དཔའི་སྟོབས་བཅུ་དང་ཕལ་ཆེར་འདྲ་བར་སྣང་སྟེ། ཇི་ལྟར་ཞེ་ན། བྱང་ཆུབ་སེམས་དཔའི་སྟོབས་བཅུ་ནི། བསམ་པ་ལྷག་བསམ་སྦྱོར་བ་དང༌། ཤེས་རབ་སྨོན་ལམ་སྤྱོད་པ་དང༌། ཐེག་པ་རྣམ་འཕྲུལ་བྱང་ཆུབ་དང༌། ཆོས་འཁོར་བསྐོར་བའི་སྟོབས་རྣམས་སོ། །འདིར་ཤེས་རབ་ཀྱི་ས…

བཅས་ཀྱི་དགེ་བ་དེ་ཡང་གཉིས་ཏེ། འདོད་ཁམས་ཀྱིས་བསྡུས་པའི་དགེ་བ་བསོད་ནམས་དང༌། ཁམས་གོང་མ་གཉིས་ཀྱིས་བསྡུས་པའི་དགེ་བ་མི་གཡོ་བའི་ལས་སོ། །རྗེས་སུ་མཐུན་པའི་ལས་ནི། ལས་རྣམས་ཀྱིས་བཞག་པའི་བག་ཆགས་གང་ཡིན་པ་སྟེ། དེ་ལྟ་བུའི་ལས་ཀྱི་སྟོབས་རྣམས་ཡོངས་སུ་དག་པར་བྱེད་ཅིང༌། ཉོན་མོངས་པ་ནི། ལུས་དང་སེམས་རབ་ཏུ་མ་ཞི་བར་རྙོག་པ་དང་ར…

བ་ལྟར་རྒྱས་པར་ཤེས་པར་བྱའོ། །བདུད་ཀྱི་སྟོབས་རྣམས་ཞེས་པ་ལ་སྤྱིར་བདུད་བཞི་ཡིན་ཡང༌། ཉོན་མོངས་པའི་བདུད་ནི་སྔར་བཤད་ཟིན་པས། ཕུང་པོའི་བདུད་དང་འཆི་བདག་གི་བདུད་དང་ལྷ་བུའི་བདུད་དོ། །གང་འདུས་བྱས་ཐམས་ཅད་ལ། རང་བཞིན་གྱིས་གྲུབ་པ་དང་རྟག་པའི་ཆོས་རྡུལ་ཙམ་ཡང་མི་དམིགས་ཏེ། ཕུང་པོ་སྟོང་པར་རྟོགས་པས་ཕུང་པོའི་བདུད་བཅོམ་པ་དང༌…

སངས་རྒྱས་རྒྱ་མཚོ་རབ་ཏུ་མཆོད་བྱེད་ཅིང༌། །བསྐལ་པ་རྒྱ་མཚོར་མི་སྐྱོ་སྤྱད་པར་བགྱི། །སངས་རྒྱས་ཀྱི་ཞིང་རྣམས་རྒྱ་མཚོ་ཐམས་ཅད་བདེ་བ་ཅན་དང༌། པདྨ་ཅན་གྱི་འཇིག་རྟེན་བཞིན་དུ་ངན་འགྲོ་དང་ནད་དང་སྡུག་བསྔལ་དང༌། ལྟ་བ་ལོག་པ་དང༌། ངམ་གྲོག་དང༌། ཚེར་མ་ལ་སོགས་པ་སྤངས་པ། རིན་པོ་ཆེའི་ས་གཞི་དང་ལྗོན་པ་ལ་སོགས་པ་རྒྱན་ཐམས་ཅད་ཀྱིས་རྣམ…

རྫོགས་པའི་ཐབས་སོ། །ཐ་མ་ནི་རྫོགས་སྨིན་སྦྱང་གསུམ་དེ་ཇི་ཙམ་དུ་སྤྱོད་པའི་དུས་བསྟན་པའོ། །གསུམ་པ་སྨོན་ལམ་མཐར་ཐུག་བླ་ན་མེད་པར་གཅིག་ཏུ་བྱ་བ་ནི། གང་ཡང་དུས་གསུམ་གཤེགས་པའི་རྒྱལ་བ་ཡིས། །བྱང་ཆུབ་སྤྱོད་པའི་སྨོན་ལམ་བྱེ་བྲག་རྣམས། །བཟང་པོ་སྤྱོད་པས་བྱང་ཆུབ་སངས་རྒྱས་ནས། །དེ་ཀུན་མ་ལུས་བདག་གིས་རྫོགས་པར་བགྱི། །གང་ཡང་དུས་…

འདི་ནི་གཞོན་ནུ་ནོར་བཟང་ལ་སོགས་པ་རྗེས་འཇུག་རྣམས་ཀྱི་འདེབས་པའི་དོན་དུ་གསུངས་པས་མི་འགལ་ལ། ཀུན་བཟང་ཉིད་ཀྱིས་རང་དོན་དུ་ནི་སྨོན་ལམ་གཞན་རྣམས་ཀྱང་འདེབས་མི་དགོས་པར་ཁྱད་མེད་དོ། །ཚུལ་ཇི་ལྟར་ན། ལུས་དང་ངག་དང་ཡིད་ཀྱང་རྣམ་དག་ཅིང༌། །སྤྱོད་པ་རྣམ་དག་ཞིང་རྣམས་ཡོངས་དག་དང༌། །བསྔོ་བ་བཟང་པོ་མཁས་པ་ཅི་འདྲ་བ། །དེ་འདྲ་བདག་ཀྱང…

དཔལ་གྱི་སྨོན་ལམ་ཇི་ལྟ་བ་བཞིན་དུ་བདག་གིས་ཀྱང་སྤྱད་པར་བགྱི་སྟེ། སྤྱོད་པར་གྱུར་ཅིག སངས་རྒྱས་རྣམས་དང་ཀུན་བཟང་དང་འཇམ་དཔལ་གྱི་སྨོན་ལམ་དེ་ཀུན། མ་འོངས་མཐའ་མེད་པའི་བསྐལ་པ་ཀུན་ཏུ་མི་སྐྱོ་ཞིང༌། དགའ་སྤྲོ་དང་བཅས་པར། རྒྱལ་བ་སྲས་བཅས་དེའི་བཞེད་དོན་གྱི་བྱ་བ་མ་ལུས་པ་བདག་གིས་རྫོགས་པར་བགྱི་བ་སྨོན་པའོ། །གསུམ་པ་དོན་བསྡུ་…

བསྐྱེད་པ་དང་འབྲེལ་བའི་སྨོན་ལམ་གྱི་དབང་དུ་བྱས་པ་དང༌། སེམས་དཔའ་ཆེན་པོའི་གནས་སྐབས་ན། རང་དོན་ཡིད་བྱེད་ཀྱི་ཁྱད་པར་གཞན་ནི་ཆེར་མི་འབྱུང་ལ། བདག་དོན་དུ་བྱང་ཆུབ་གཉེར་བ་ཙམ་ཞིག་འབྱུང་ཉེ་ན། དེ་སྤོང་པའི་དུ་ཡང་བཟང་པོ་སྤྱོད་པའི་དམ་བཅའ་བྱེད་པའོ། །སོ་སོ་སྐྱེ་བོའི་གནས་སྐབས་ཐམས་ཅད་དུ་ཡང༌། རང་དོན་ཡིད་བྱེད་འགོག་པ་ལ། དམ་བ…

མོངས་གཅིག་ཀྱང་མ་ལུས་པ་བདག་གིས་སེལ་བ་དང༌། སེམས་ཅན་གཅིག་ཀྱང་མ་ལུས་པར་ཐམས་ཅད་བླ་ན་མེད་པའི་བྱང་ཆུབ་ལ་འགོད་པའི་སྨོན་ལམ་དང༌། དེ་མ་རྫོགས་ཀྱི་བར་དུ་ཡང་སེམས་ཅན་རྣམས་ཀྱི་སྡུག་བསྔལ་དང་མི་འདོད་པ་མཐའ་དག་བདག་གིས་འཇོམས་པ་དང༌། གང་དང་གང་དུ་ཇི་ལྟར་འོས་པའི་ཕུན་སུམ་ཚོགས་པ་ཐམས་ཅད་ཀྱང་བདག་གིས་སྒྲུབ་པར་སྨོན་ཅིང༌། དེ་ལྟར་ས…

ནི་མི་སྲིད་དོ། །དེས་ན་སྨོན་ལམ་རྫོགས་པ་ནི་འགྲུབ་རུང་ཐམས་ཅད་འགྲུབ་ནུས་པའི་དོན་ཡིན། སྔར་རྫོགས་ཟིན་པའི་དོན་མིན་ནོ། །ཚིགས་བཅད་འདི་ཡང་སྨོན་ལམ་གྱི་ངོ་བོ་ཤིན་ཏུ་བཟང་ཞིང་རྒྱ་ཆེ་བར་སྟོན་པ་ཡིན་པས་དང༌། གྲུབ་འབྲས་ཀྱི་ཆེ་བ་སྟོན་པ་ཡིན་པའི་ཕྱིར། ཕན་ཡོན་གྱི་དོན་ཚན་དུ་འདུས་སོ་སྙམ་པ་ནི་བདག་གི་རྣམ་པར་རྟོག་པའོ། ཁ་ཅིག་སྨ…