བསོད་དང་སྙན་གྲགས་ལ་མ་བལྟོས་པར། །བརྒྱུད་ལྡན་གྱི་བླ་མ་ཉམས་མྱོང་ཅན། །འབྲལ་མེད་ཀྱིས་ཚངས་པའི་རྒྱན་དུ་བཀོད། །དེ་སངས་རྒྱས་དངོས་སུ་ཐག་བཅད་ནས། །མོས་གུས་ཀྱི་ཤུགས་བསྐྱེད་གསོལ་བཏབ་ན། །གནས་ལུགས་ཀྱི་རང་ཞལ་མཇལ་བར་ངེས། །སེམས་ཕྱག་རྒྱ་ཆེ་ཞེས་གཡེར་པོ་ཆེ། །དོན་རང་སྐྱེས་རྣམ་རྟོག་སོ་མ་འདི། །ཆོས་སྐུ་ཉིད་ཡིན་པར་ཙིར་གྱིས་ཟུ…

པོར་བལྟས་ཙ་ན། །གཉིས་འཛིན་གྱི་རྟོག་པ་རང་སར་གྲོལ། །བརྗོད་མེད་ཀྱི་ངོ་བོ་ལྷག་གིས་མཐོང་། འདི་རྩོལ་མེད་དྲན་པས་བསྐྱང་བྱས་ན། །བསྒོམ་བྱ་དང་སྒོམ་བྱེད་ཀྱི་སྤྲོས་པ་བྲལ། །ཐ་མལ་གྱི་ཤེས་པ་རྗེན་ནེར་མཐོང་། །དེ་རྣལ་འབྱོར་གྱི་རིམ་པ་གཉིས་པ་ཡིན། །ཕྱི་ཚོགས་དྲུག་གི་སྣང་བར་མ་ཞེན་ཅིང་། །ནང་འཛིན་པའི་སེམས་ཀྱིས་མ་བཅིངས་པ། །སྣང…

ཟབ། །གེགས་སེལ་དུ་འཆི་བ་མི་རྟག་བསྒོམ། །སྤྱོད་ལམ་དུ་མི་མེད་ལུང་སྟོང་འདུག །ཚེ་འདི་ལ་བྱས་པ་དོན་ལྡན་མཛོད། །འདི་རང་གི་རྟོགས་ཆོས་མ་ལགས་ཀྱང་། །ཁྱེད་ངོ་ཆེའི་དཔྲལ་བ་མི་ལྡོག་ཕྱིར། །ཁོང་གོང་མའི་གསུང་གི་བསྐྱར་ཟློས་བྱས། །དོན་རང་གཞན་ཀུན་གྱིས་རྟོགས་པར་ཤོག །ཅེས་གསང་བ་ལུས་མེད་རྡོ་རྗེའི་གདུང་འཛིན་འཁྲུལ་མེད་ཚང་གསར་གྱི་…

བསླུས། །འཁྲུལ་ཚུལ་འདི་བསམ་ན་ཡི་མུག་ལྡང་། །རྗེ་བླ་མས་རིག་པའི་རང་ངོ་སྤྲད། །གྲོལ་ལུགས་ལ་བསམ་ན་ངོ་མཚར་སྐྱེས། །སངས་རྒྱས་ཉག་གཅིག་ཏུ་སྐད་པ་དེ། །རྒྱང་རིང་དུ་མི་འདུག་དྲུང་ན་གདའ། །དུས་ད་ལྟའི་ཤེས་པ་རྗེན་པ་འདི། །རང་བྱུང་གི་སངས་རྒྱས་ཡིན་པ་ལ། །ཡང་སངས་ཤིག་རྒྱ་རྒྱུ་ཡོད་མ་སྙམ། །རྗེ་ཏི་ཤྲི་རས་པའི་བཀའ་བརྒྱུད་དང་། །ཕ་ས…

ལྟ་བ་དང་སྒོམ་པ་སྤྱོད་པ་གསུམ། །གནད་གཅིག་ཏུ་དྲིལ་ནས་ཉམས་ལེན་གཅེས། །སེམས་གཉུག་མའི་རང་ས་ཟིན་པ་ན། །མཆོག་ཆོས་སྐུའི་གཏན་སྲིད་ཟིན་པ་ཡིན། །འབྲས་བུ་ལ་ཡིད་སྨོན་བྱ་མི་དགོས། །སེམས་སྤྲོ་བ་སྐྱེས་སམ་རྡོ་རྗེའི་མཆེད། །དེང་དུས་སྙིགས་མའི་མར་གཤམ་འདིར། །ཆོས་བརྗོད་བྲལ་ལྷན་ཅིག་སྐྱེས་པ་འདི། །ངས་རྟོགས་དང་ཁོས་རྟོགས་ཁས་ལེན་ཡང་…

༈ བརྟུལ་ཞུགས་གྲུབ་པའི་དཔའ་བོ་རྣལ་འབྱོར་དབང་པོའི་མཚན་ཅན་གང་ནི། སྐུ་འཁྲུངས་ཡུལ་སྡེ་དགེ་འཇོ་མདའ། ཡབ་མགར་བ་བུ་དགའ་དང་། ཡུམ་སྒྲོལ་མ་ལྷ་དཀར་གཉིས་ལ་སྲས་གསུམ་ཡོད་པའི་འབྲིང་བ་སྟེ་རབ་བྱུང་བཅོ་ལྔ་པའི་ས་བྱི་ལོར་ངོ་མཚར་བའི་ལྟས་དུ་མ་དང་བཅས་བལྟམས་སོ། །དགུང་གྲངས་ལྔར་སོན་པ་ན་ཡབ་གཞིས་ཁམས་སྟོད་སྐྱོ་བྲག་ཏུ་སྐྱས་སྤོས། ས…

བཅད་རྒྱ་མཐར་ཐོན་མཛད་པས་ཐབས་གྲོལ་ལམ་གྱི་དྲོད་རྟགས་མངོན་དུ་གྱུར། ཁྱད་པར་གྲུབ་མཆོག་ཀརྨ་མངྒ་ལའི་ཞབས་པད་གཙུག་ཏུ་བསྙེན་ཏེ་ཉེ་རིང་རྒྱུད་སྲོལ་ཀུན་འདུས་མཉམ་མེད་འབའ་རོམ་རང་ལུགས་ཀྱི་ཆོས་སྐོར་ཡོངས་རྫོགས་དང་། ཁྱད་པར་ཨ་མཁར་སྙན་བརྒྱུད། རྫོགས་ཆེན་དཀོན་སྤྱིའི་ཁྲིད་རྐང་ཆ་ཚང་གསན་ཞུས་ཐོག་སྒྲུབ་གནས་གདོང་ལ་ཀེའུ་ཚང་སོགས་ས…

ཆོས་སྲུང་ལ་ཕྲིན་བཅོལ་གང་མཛད་ཐོགས་མེད་དུ་སྒྲུབ་པ་སོགས་གྲུབ་པའི་རྟགས་མཚན་བསམ་ལས་འདས། སྐྱོ་བྲག་བསྟན་བདག་རྣམ་གསུམ་གྱི་སྐུ་རིམ་གནད་སྨིན་དང་། སྲུང་འཁོར་བྱད་མ་འབུམ་ཐུབ་གནང་། ལྷག་པར་སྐྱབས་རྗེ་གསལ་བྱེད་རིན་པོ་ཆེ་སྐུ་ཚེ་དང་མཛད་ཕྲིན་མཐར་སོན་པའི་ལུང་བསྟན་པ་མངོན་དུ་གྱུར། བར་སྐབས་རྣམས་སུ་དབུས་གཙང་ཁམས་ཀྱི་གནས་དགོན…

དགའ་ནོར་བཟང་སོགས་བསྟན་འཛིན་གྱི་སྐྱེས་བུ་རིག་འཛིན་ཕོ་མོ་དུ་མ་བྱུང་། ཁྱད་པར་ཡི་དམ་གྱིས་ལུང་བསྟན་པའི་ནམ་མཁའི་སྙིང་པོའི་རྣམ་འཕྲུལ་རིགས་སྲས་མཆོག་ལ་ཨ་མཁར་སྙན་བརྒྱུད་གནང་ཞིང་བསྟན་ལ་སྨིན་པར་འབྱུང་ཞེས་ལུང་བསྟན། མཐར་དགུང་གྲངས་བརྒྱད་ཅུར་སོན་པ་མེ་རྟ་ལོར་གཟུགས་སྐུ་ཆོས་དབྱིངས་སུ་བསྡུ་བའི་ཚུལ་བསྟན། དེའི་ཚེ་ངོ་མཚར་…

དཀྱིལ་རྒྱ་མཚོའི་ཁྱབ་བདག་དཔལ་ལྡན་བླ་མ་དམ་པ་ལ་གདུང་དབྱངས་ཀྱིས་གསོལ་བ་འདེབས་པ་ནི། རིགས་ཀུན་གྱི་ཁྱབ་བདག་རྡོ་རྗེ་འཆང་། །དོན་དབྱེར་མེད་དཔལ་ལྡན་བླ་མ་ལ། །ཡིད་མོས་གུས་གདུང་བས་གསོལ་བ་འདེབས། །རྗེ་ཐུགས་རྗེས་གཟིགས་ཤིག་བཀའ་དྲིན་ཅན། །དུས་བརྒལ་དཀའ་སྲིད་པའི་བཙོན་ར་འདིར། །ལྔ་བདོ་སྡུག་བསྔལ་གྱིས་བར་མེད་མནར། །འདི་ཤེས་ཤི…

༈ འཇམ་དབྱངས་བློ་གྲོས་རིན་ཆེན་གྱི་རྣམ་ཐར་མདོར་བསྡུས་ནི། དེའང་སྐྱེས་རབས་ཉིད་ཀྱི་ཞལ་གསུང་ལས། གྲུབ་པའི་དབང་ཕྱུག་ཏིལ་རྡུང་གླིང་ཆེན་རས། །རྒྱལ་སྲས་ཚུལ་ཁྲིམས་སེང་གེ་དྲུང་རྨ་སེ། །ད་ལྟ་སྦས་ཚུལ་སྔགས་རིགས་གདོལ་སྤྱོད་འཆང་། །ལྷན་སྐྱེས་བདེ་བའི་རྡོ་རྗེར་གསོལ་བ་འདེབས། །ཞེས་གསུངས་

པ་ལྟར་དང་། རྗེ་དེ་ཉིད་སྐུ་འཁྲུངས་པའི་ཡུལ་ནི། ལྕི་ལུང་ས་ཡི་ཐིག་ལེ་འཛོམ་བུ་ཁ་ཞེས་པར། ཡབ་ཚང་གསར་དཔོན་བསྟན་འཛིན་རྣམ་རྒྱལ་དང་ཡུམ་ས་བཟའ་ནོར་གཡང་གཉིས་ཀྱི་སྲས་སུ། རབ་བྱུང་བཅོ་ལྔ་པའི་ཤིང་ཡོས་སྣྲོན་ཟླའི་གྲལ་ཚེས་དགེ་བར་ངོ་མཚར་བའི་ལྟས་དུ་མ་དང་བཅས་མཚན་དཔེའི་དཀྱིལ་འཁོར་བཞད། དགུང་གྲངས་གཉིས་ལ་སོན་སྐབས། དཔལ་རྒྱལ་དབང…

རྗེ་སོགས་དམ་པའི་སྐྱེས་ཆེན་མང་པོའི་ཞབས་ལ་ཉེ་བར་གཏུགས་ནས། སུམ་རྟགས་དག་གསུམ། རྩིས། ས་རིས། གསོ་བ་རིག་པ་སོགས་རིག་གནས་སྤྱི་དང་། ཁྱད་པར་གཞུང་ལུགས་རྒྱ་མཚོ་ལྟ་བུ་གསན་བསམ་མཐར་ཕྱིན་པ་མཛད། རྒྱལ་བའི་བཀའ་འགྱུར་རིན་པོ་ཆེས་གཙོས་གསར་རྙིང་རེས་མེད་ཀྱི་བཀའ་ཆོས་མང་དུ་གསན། ཁྱད་པར་རང་ལུགས་བདེ་མགོན་གཉིས་གཙོས་རྒྱུན་མཁོའི་དབ…

དབང་ཀརྨ་བཀའ་བརྒྱུད་བཀྲ་ཤིས་ཀྱི་ཞབས་པད་མཉེས་པ་གསུམ་གྱི་སྒོ་ནས་བསྙེན་ཏེ་སྨིན་གྲོལ་ཟབ་མོའི་གདམས་པ་རྣམས་འབད་པ་ཆེན་པོས་གསན་སྦྱང་མཛད། སྒྲུབ་སྡེ་གསར་འཛུགས་དང་སླད་ནས་བསྟན་པ་སྤེལ་དགོས་པའི་བཀའ་སློབ་གནང་བ་བཞིན་སྒྲུབ་གྲྭ་འཛུག་རྒྱུའི་དམ་བཅའ་ཕུལ། དོན་བརྒྱུད་འཕོ་བའི་དབང་བསྐུར་ཞུས་ནས་དགོངས་ཀློང་གཅིག་ཏུ་གྱུར། སླར་ཡང…

གསར་འཛུགས་གནང་། གསུང་རྟེན་ལ་འབའ་རོམ་ཆོས་སྐོར་ལྡེབ་གྲངས་སྟོང་ཕྲག་བདུན་ལྷག་ཙམ་ཤིང་པར་བཞེངས། ཁྱུང་སྤྲུལ་རིན་པོ་ཆེས་སྒྲུབ་བརྒྱུད་འབའ་རོམ་པའི་རིང་ལུགས་འཛིན་སྐྱོང་སྤེལ་བའི་བཀའ་ལུང་གིས་མངའ་གསོལ་གཟེངས་བསྟོད་དང་འབྲེལ་འཇམ་དབྱངས་བློ་གྲོས་རིན་ཆེན་ཞེས་མཚན་གསོལ་ཏེ་འཆད་རྩོད་རྩོམ་གསུམ་གྱི་བཀའ་བབ། ཁྱད་པར་དཔལ་ལྡན་འབའ…

ཞིང་ཞིབ་པར་བཅད་དེ་གསང་བའི་མན་ངག་དང་། ཐུགས་རྒྱུད་ཀྱི་ཉམས་རྟོགས་སོགས་བུམ་པ་གང་བྱོ་ལྟར་དགོངས་ཀློང་གཅིག་འདྲེས་སུ་གྱུར་པའོ། །དག་སྣང་ཞལ་གཟིགས་སྐོར་རྟེན་འབྲེལ་ཙམ་ཞིག་སྨོས་ན། ཟབ་དོན་དགོངས་པའི་བཅུད་ཧཱུྃ་ནག་སྙིང་ཐིག་རྩ་བ་དང་ཡན་ལག་གི་སྐོར་དང་། གཞན་ཡང་བཀའ་གཏེར་གྱི་གདམས་པ་མང་དུ་སྩལ་བ་དང་། དངོས་ཉམས་རྨི་ལམ་དུ་འཕགས…

པ་བཀའ་བརྒྱད། འོག་གི་ཆ་ལ་བདེ་སྟེར་རྡོ་རྗེ་ཕག་མོ། འབུམ་ཕྲག་ཡངས་པའི་རིགས་ལྔའི་མཁའ་འགྲོ་མ་རྒྱ་མཚོ། མགོན་པོ་དམ་ཅན་སྡེ་དགུ་ལྕམ་དྲལ། ཚེ་རིང་མཆེད་ལྔ། མ་གཟའ་དམ་གསུམ། ལྷ་བཙན་གཉན་པོ་ལ་སོགས་པ་གསལ་བར་གཟིགས། དེ་ལྟར་རིག་འཛིན་གོང་མ་རྣམས་དང་། ཡི་དམ་ལྷ་ཞལ་མཇལ་བ་དང་། ཆོས་གསན་པ་སོགས་དག་སྣང་གི་སྐོར་མང་དུ་བཞུགས་པ་རྣམ་ཐར་…

མཆོག་གི་ཞལ་སློབ་ཀྱང་མདོ་དབུས་ཁམས་གསུམ་ལ་གྲངས་མང་བར་བཞུགས་པ་རྣམས་ཀྱིས་ཀྱང་། བསྟན་འགྲོའི་དོན་དུ་ཐོས་བསམ་སྒོམ་གསུམ་དང་། འཆད་རྩོད་རྩོམ་གསུམ། མཁྱེན་བརྩེ་ནུས་གསུམ་གྱི་མཛད་བཟང་བཞེས་བཞིན་བཞུགས་པ་ལགས་སོ། །དམ་པ་དེ་ཉིད་ཀྱི་རྡོ་རྗེའི་གསུང་མགུར་ནི། རྗེ་བཙུན་བླ་མའི་ཞབས་ལ་ཕྱག་འཚལ་ལོ། །ཁོ་བོ་བདག་ནི་སྐྱེས་སྦྱངས་བློ་…

བྱས། །བསལ་གཞག་སྤང་བླང་བྲལ་བའི་གཤིས་ཀྱི་བབ། །མ་བཅོས་མ་སླད་དེ་བཞིན་ཉིད་དུ་བཞག །དེ་ཚེ་འགྱུ་འཕྲོའི་རྟོག་ཚོགས་གང་ཤར་ཡང་། །མི་སྤངས་མི་བསྒྱུར་རིག་མཁན་རང་ངོ་སྐྱོང་། །ཤར་གྲོལ་དུས་མཉམ་ཆུ་ཡི་རི་མོ་འདྲ། །བདེ་གསལ་མི་རྟོག་རེས་ཡོད་རེས་མེད་ཉམས། །གང་ལྟར་བོགས་འདོན་མོས་གུས་རྩལ་ཤུགས་བསྐྱེད། །བསྒོམ་རྒྱུ་མེད་ཀྱང་མ་ཡེངས་ད…

ཤེས་མཛད་པ་སོགས། །རང་ཆས་རང་གྲུབ་འབྲས་བུའི་ཡོན་ཏན་རྫོགས། །དེ་ལྟར་གང་དྲན་ཕུལ་བས་ཐུགས་དགྱེས་ཏེ། །གོང་མའི་ཤུལ་སྙེགས་མཛད་པ་དེའི་ནང་བཞིན། །དོན་གཉིས་ཕུན་ཚོགས་རྡོ་རྗེ་འཆང་ཆེན་པོའི། །གོ་འཕང་ཐོབ་ནས་ཆོས་ཀྱི་རྒྱལ་པོར་མཛོད། །སྐྱོ་བྲག་དུང་དཀར་རིན་པོ་ཆེས་བསྐུལ་ངོར་མ་ཏི་རཏྣས་སོ། ༈ །ཡང་གང་ཤར་ཉམས་ཀྱི་རྒྱང་གླུ་རྫ་ཆབ་སི…