གསུམ་གྱིས་བསྒྲུབ་པའི་ཚུལ། །འཇིག་རྟེན་འཇིག་རྟེན་འདས་པའི་བདག །ཐམས་ཅད་བདེ་ཆེན་གནས་པ་ལ། །དུས་གསུམ་འཁོར་ལོ་གསུམ་དུ་གནས། །བརྟུལ་ཞུགས་འཛིན་པས་འཐོབ་པར་འགྱུར། །སྒྲུབ་པ་ཆེན་པོ་བླ་ན་མེད། །ཡེ་ཤེས་མགོན་པོ་ཆེན་པོ་ཉིད། །ཁྭ་གདོང་ལ་སོགས་ལྷ་མོ་བརྒྱད། །རིམ་པ་བཞིན་དུ་ཡོངས་སུ་བསྐོར། །དཀྱིལ་འཁོར་ཕོ་བྲང་དབུས་སུ་ཡང༌། །དུར་…

ནི་ལས་ཀྱི་རིམ་པ་སྟེ། །རྟེན་གྱི་གང་ཟག་འགའ་ཞིག་གིས། །དང་པོར་བླ་མ་མཉེས་པར་བྱ། །གཉིས་པར་དབང་བཞི་ཐོབ་པ་དང༌། །གསུམ་པར་བྱིན་གྱིས་བརླབས་ནས་ནི། །བཀའ་བསྒོ་རྗེས་གནང་ཚུལ་བཞིན་དུ། །མ་ནོར་འཇུག་པའི་གོ་རིམ་ཤེས། །རྟེན་ཚུལ་ཁྱད་པར་ཤེས་པར་བྱ། །སྟོབས་ནི་ཆོས་རྣམས་ཐམས་ཅད་ལ། །སྒྱུ་མ་ལྟ་བུར་ཤེས་པ་དང༌། །ཡང་དག་བདེན་པའི་སྟོབས་…

མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། གསང་བའི་རིམ་པ་བསྟན་པའི་ལེའུ་སྟེ་གསུམ་པའོ།། །།དེ་ནས་དཔལ་ལྡན་བདུད་འཇོམས་པའི། །སྒྲུབ་པ་ཡང་དག་རབ་ཏུ་བཤད། །གསང་བའི་མགོན་པོ་ཆེན་པོ་ཡི། །སྦས་པའི་ཡུམ་དང་བཅས་པ་ཡི། །གསང་བ་མཁའ་འགྲོ་མ་བཞི་དང༌། །ལྷན་ཅིག་ཏུ་ནི་དགྱེས་པར་རོལ། །ཞལ་གཅིག་པ་ལ་ཕྱག་བཞི་པ། །གདུལ་དཀའ་འདུལ་བའི་ད…

ཁྲོས། །ངོ་མཚར་ཉོན་མོངས་འཇོམས་མཛད་ཅིང༌། །ཁྲོ་ཆགས་མི་གཡོ་ཞི་བའི་ཐུགས། །གཡས་ཀྱི་དང་པོས་གྲི་གུག་བསྣམས། །གཡོན་གྱི་དང་པོས་ཐོད་ཁྲག་འཛིན། །གཡས་ཀྱི་གཉིས་པས་རལ་གྲི་འདེབས། །གཡོན་པས་ཁ་ཊྭཱཾ་འཛིན་པར་མཛད། །གསུང་གིས་ཧ་ཧ་ཞེས་སྒྲོགས་པ། །ལོག་པར་ལྟ་བ་འཇོམས་པར་མཛད། །སྟག་གི་པགས་པའི་ཤམ་ཐབས་ཅན། །སྣ་ཚོགས་ཆུ་སྐྱེས་ཉི་མར་བཅས།…

སྙིང་རྗེ་མེད་ན་མི་འགྲུབ་པས། །དེ་ཕྱིར་སྙིང་རྗེ་བསྐྱེད་པར་བྱ། །མཚམས་མེད་ལྔ་ནི་བྱེད་པ་དང༌། །སངས་རྒྱས་བསྟན་པ་འཁྲུག་བྱེད་པ། །ཞེ་སྡང་རིགས་ཀྱི་ཏིང་འཛིན་གྱིས། །རེ་ཞིག་ཙམ་དུ་གསད་པར་བྱ། །གཟས་པའི་ཤ་ལ་རྟག་ཏུ་རོལ། །ཀུན་ཏུ་གཏུམ་པའི་ཤུགས་འཆང་བ། །ཡུལ་དང་ཡུལ་དུ་རོལ་བྱེད་པས། །ཤིང་རྣམས་ལ་ནི་གནས་ནས་ཀྱང༌། །དཀྱིལ་འཁོར་ཞི…

ཉམས་ཕྱིར། །གྲུབ་པ་ནམ་ཡང་ཡོང་མི་སྲིད། །ཁྱད་པར་ཡེ་ཤེས་བླ་མེད་པ། །དམ་ཚིག་མགོན་པོ་སྒྲུབ་པ་ཡི། །དམ་ཚིག་འདི་ནི་རྨད་པོ་ཆེ། །བདེ་བར་གཤེགས་པའི་ལམ་སྦྱོར་མཛད། །བྱང་ཆུབ་སེམས་ཀྱི་ཟླ་བ་འདི། །ཡར་ངོ་མར་ངོ་རབ་ཏུ་གནས། །ཡར་ངོ་ཡིས་ནི་སྐྱེད་བྱེད་ལ། །མར་ངོ་ལ་ནི་འགྲིབ་པར་བྱེད། །ཡར་ངོ་ཡི་ནི་བཅོ་ལྔ་ལ། །བྱང་ཆུབ་སེམས་ཀྱི་མཁའ་…

ཡིན། །འདི་དག་ལས་དང་སྐྱེ་བོ་ལས། །སྒྲིབ་པ་ཐུན་མོང་ལྷ་ཡི་ཆ། །དངོས་གྲུབ་བརྒྱུད་པས་ལུང་བསྟན་པ། །སྲོག་དང་སྲོག་མ་ཡིན་པ་སྟེ། །རྒྱུ་དང་རྐྱེན་གྱི་བསྐུལ་བ་ཡིས། །གསང་སྔགས་བཟླས་པ་མངོན་པར་ཕྱེ། །འདི་ནི་མངོན་དུ་འབྱུང་བའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས། གསང་བ་མངོན་པར་འབྱུང་བའི་ལེའུ་སྟེ་བཞི་པའོ།། །…

ཤེས་ལྔ་ཡི་རང་བཞིན་ཅན། །དེ་ཡི་འོད་ཀྱི་སྣང་བ་ལས། །དཔག་མེད་ཁ་དོག་བཞི་བཅས་བསམ། །རང་བཞིན་གནས་སུ་འཕྲོས་པ་ལས། །བླ་མ་དང་ནི་ལྷག་པའི་ལྷ། །དཀྱིལ་འཁོར་འཁོར་ལོ་བཅས་པ་དང༌། །ནག་པོ་ཆེན་པོ་འཁོར་དང་བཅས། །མདུན་གྱི་ནམ་མཁར་བཞུགས་པ་ལ། །སྐྱབས་སུ་འགྲོ་དང་མཆོད་པ་འབུལ། །སྡིག་པ་བཤགས་པ་ལ་སོགས་བྱ། །བཟོད་པར་གསོལ་ནས་གཤེགས་སུ་གསོལ…

དག་སྟེང་གི་ཆ་ལ་ཡང༌། །དབུས་སུ་པཾ་ལས་པདྨ་ནི། །སྣ་ཚོགས་པདྨ་རྒྱ་ཆེ་བ། །ལྟེ་བ་གེ་སར་བཅས་དབུས་སུ། །ཧ་ལས་སྣ་ཚོགས་རྡོ་རྗེ་ནི། །ཁ་དོག་ལྔ་དང་ལྡན་པར་བསམ། །དེ་དབུས་རྃ་ལས་ཉི་མ་ཡི། །ཧཱུྃ་ཡིག་ས་བོན་ལས་བྱུང་བ། །ས་གཞི་མ་ལུས་རྡོ་རྗེར་གྱུར། །སྟེང་འོག་ཕྱོགས་མཚམས་རྡོ་རྗེ་དང༌། །རལ་གྲི་འཁོར་ལོ་མདའ་དང་ནི། །ཕུར་བུ་གྲི་གུག་ཁ…

དེ་ལ་གསང་སྔགས་བརྗོད་ཙམ་གྱིས། །ཕུར་བུས་གདབ་དང་བརྡུང་བར་བྱ། །དེས་ནི་བླ་མེད་མཆོག་དག་འགྱུར། །ཁྲོ་བོ་དེ་དག་རེ་རེ་ཞིང༌། །བརྟན་པར་བྱ་ཕྱིར་གསང་སྔགས་བརྗོད། །ཨོཾ་དཀར་འཁོར་ལོ་དང་བཅས་པ། །འོད་ལྡན་དེ་ལས་སྤྲོ་བསྡུས་པས། །བཅོམ་ལྡན་རང་བཞིན་ཡངས་ཤིང་ཁྱབ། །འོད་དུ་ཞུ་ནས་གཞལ་ཡས་ཁང༌། །རིན་ཆེན་སྣ་ཚོགས་ལས་གྲུབ་པ། །གྲུ་བཞི་སྒ…

མཁའ་གསང་བྱིན་གྱིས་བརླབ་བྱ་སྟེ། །སྔགས་བརྗོད་པས་ནི་དགྱེས་པ་བསྐྱེད། །དེ་ལས་དཀྱིལ་འཁོར་ལྷ་ཚོགས་རྣམས། །ཡབ་ཡུམ་སྙོམས་པར་ཞུགས་པ་ལས། །ཡུམ་གྱི་མཁའ་དབྱིངས་བདེ་ཆེན་དུ། །སོ་སོར་ལྷ་ཚོགས་བསྐྱེད་བྱས་ལ། །ཕྱི་རོལ་དུ་ནི་རིམ་གྱིས་འབྱུང༌། །དང་པོར་གཙོ་བོའི་རྒྱན་དང་བཅས། །རྫོགས་པར་ཕྱུང་སྟེ་དྷཱུ་ཏི་ནས། །གྱེན་དུ་ཐུགས་ཀའི་པདྨ…

བཟློག་བྱེད་མ་དང་དཔའ་མོ་སྟེ། །ཞལ་གཅིག་ཕྱག་གཉིས་རྒྱན་དང་བཅས། །དེ་ཡི་ཕྱི་ཡི་གྲུ་ཆད་ལ། །བེང་འཛིན་པ་དང་ཁ་ཊྭཱཾ་ག །གཎྜཱི་འཛིན་དང་རྒྱལ་མཚན་འཛིན། །སོ་སོའི་ཡུམ་དང་བཅས་པ་སྟེ། །ཞལ་གཅིག་ཕྱག་གཉིས་འབར་བའོ། །དེ་ཡི་ཕྱི་རོལ་སྒོ་དང་གྲྭར། །ལྷ་མོ་བརྒྱད་པོ་གར་གྱིས་རོལ། །ཐམས་ཅད་ཞལ་གཅིག་ཕྱག་གཉིས་པ། །གར་སྟབས་ལྡན་པས་བཞུགས་པའ…

དང་མཉེས་པར་བྱ། །སྐུ་གསུང་ཐུགས་ནི་རྒྱས་གདབ་ཅིང༌། །ཡེ་ཤེས་གཞུག་དང་དབང་བསྐུར་དང༌། །བྱིན་གྱིས་བརླབས་དང་མཆོད་པ་དང་། །སྔགས་ཀྱིས་བརྟན་བྱེད་བཟླས་པ་བྱ། །བདུད་རྩི་མྱང་དང་བསྟོད་ཅིང་བསྐུལ། །ཏིང་འཛིན་དོན་བསམ་ཉེར་བསྡུ་བྱ། །དེ་ལས་ལྡང་བར་གྱུར་པ་ན། །གཉིས་པ་ལྷ་རྣམས་ཐམས་ཅད་ཀུན། །སྐད་ཅིག་གིས་ནི་རྫོགས་བྱ་སྟེ། །དེ་ཡི་ངང་…

པས་དབྱངས་དང་གསལ་བྱེད་ནི། །སྡེ་ཚན་རིམ་པས་ཕྱེ་བ་ཉིད། །ཀུན་ནས་བསྐོར་བའི་ཚུལ་གྱིས་ནི། །རིམ་པ་བཞིན་དུ་བཏུ་བར་བྱ། །སྡེ་ཚན་དྲུག་པའི་ལྔ་པ་ནི། །ཧ་ཡི་འོག་ན་གནས་པ་བླང༌། །ཨུསྨ་ཥ་ཡི་བཞི་པ་ཉིད། །ཝ་འོག་གནས་པ་དེ་ཉིད་དེ། །སྡེ་ཚན་གཉིས་པའི་དང་པོ་སྟེ། །ཕ་ཡི་སྟེང་ན་གནས་པ་བླང༌། །ཨན་ཏསྠ་ཡི་གསུམ་པ་སྟེ། །ཡ་ཡི་སྟེང་མ་ཡང་དག་བ…

ཝ་ཡི་འོག་མ་གཟུང་བར་བྱ། །པ་ཡི་སྟེང་མ་ཉིད་བཏུ་བྱ། །ཡ་ཡི་སྟེང་ན་གནས་པ་ལས། །ཉ་ཡི་སྟེང་མས་ལས་ཀུན་བྱེད། །མ་ཡི་སྟེང་གནས་ཡི་གེ་ཉིད། །རི་ཡི་འོག་མ་སྦྱར་བྱས་ལ། །ཉིས་འགྱུར་དྷ་ཡི་སྟེང་མས་བརྒྱན། །ཙ་ཡི་སྟེང་ན་གནས་པ་ལ། །ཨི་ཡི་སྟེང་མ་དྲུག་ཏུ་བཞག །འདི་ནི་དངོས་གྲུབ་འབྱུང་བའི་གནས། །ད་ཡི་སྟེང་མའི་ཡི་གེ་ལ། །དྷ་ཡི་སྟེང་མས་…

བརྒྱན། །ཛ་ཡི་གོང་མ་དྷ་སྟེང་སྦྱར། །ས་ལ་བར་གནས་ཌ་སྟེང་སྦྱར། །ཐིག་ལེ་ནཱ་དས་བརྒྱན་པར་བྱ། །ན་འོག་དྷ་སྟེང་མགོ་བོར་སྦྱིན། །འདི་ལས་མ་སྟེང་རི་འོག་ལྡན། །ཐིག་ལེ་ཟླ་ཚེས་དག་གིས་མཚན། །ཙ་ཡི་སྟེང་ན་གནས་པ་ལ། །ར་ཡི་འོག་མ་དྲུང་དུ་སྦྱིན། །བྷ་སྟེང་གནས་པ་ལ་འོག་སྦྱར། །ཉ་ཡི་འོག་མ་ཡང་དག་ལྡན། །ཤ་ས་བར་གནས་ཉ་འོག་སྦྱར། །འདི་ནི་གསང…

ད་ཡི་འོག་མར་གནས་པ་ལ། །ཐིག་ལེ་ནཱ་ད་དག་གིས་བརྒྱན། །ད་ཡི་འོག་མའི་ཡི་གེ་ལ། །ཨུ་ཡི་སྟེང་མ་སྦྱིན་པར་བྱ། །ཚ་ཡི་སྟེང་ན་གནས་པ་གང༌། །བྷ་ཡི་འོག་མ་རྣམ་པར་བླང་། །ཏ་ཡི་སྟེང་མས་བརྒྱན་པར་བྱ། །དྷ་ཡི་འོག་མ་གནས་པ་དང༌། །ཝ་ཡི་འོག་མ་གཟུང་བར་བྱ། །ས་ཡི་སྟེང་མ་ཉིད་བསྡུས་ལ། །ཡ་ཡི་སྟེང་ན་གནས་པ་ལས། །ཉ་ཡི་འོག་མས་དེ་ལ་བརྒྱན། །ཉ་ཡི…

བར་བྱ། །ལ་སྟེང་གནས་པ་ཊ་སྟེང་སྦྱར། །ཉ་ཡི་སྟེང་དུ་ཉིས་འགྱུར་བ། །ཕྱི་མའི་ཉ་ཡི་འོག་མས་བརྒྱན། །དབྱངས་ཡིག་དང་པོ་ཀ་འོག་ཅན། །ས་སྟེང་གནས་པ་ཉིད་དང་ཡང༌། །ཨུ་སྟེང་གནས་པ་ཡང་དག་བཅས། །ས་སྟེང་གནས་པ་ཐིག་ལེས་བརྒྱན། །ཉ་ཡི་སྟེང་མའི་གནས་པ་ལ། །ཨཻ་ཡི་འོག་གནས་ག་མདུན་གནས། །ཏ་ཡི་འོག་མ་མགོ་བོར་སྦྱིན། །ང་སྟེང་གནས་པ་ཎ་འོག་སྦྱར།…

ཧ་འོག་ཎ་ཡི་འོག་མར་ལྡན། །དེ་ཡི་ཉིས་འགྱུར་ཤེས་པར་བྱ། །ཁ་འོག་མ་ཡི་ཡི་གེ་ལ། །ཨུ་རི་བར་གནས་སྦྱར་བར་བྱ། །མ་སྟེང་ཕ་འོག་འོག་ཏུ་སྦྱིན། །དེ་ནི་ཉིས་འགྱུར་སྦྱར་བར་བྱ། །ཚ་ཡི་སྟེང་མ་ཕ་ཐོག་དྲུང༌། །ཥ་ཡི་ཐོག་མ་དྲུང་དུ་གནས། །དེ་ནི་ཟུང་དུ་སྦྱར་བར་བྱ། །མ་སྟེང་གནས་པས་ས་ཐོག་དྲུང༌། །ཉིས་འགྱུར་རིམ་པར་ཤེས་པར་བྱ། །ཤ་ཐོག་གནས་…

མེད་བདེ་བའི་གཏེར། །སྙིང་པོ་གསང་སྔགས་འདི་ཉིད་ནི། །གང་དུ་གནས་པའི་ས་ཕྱོགས་སུ། །ནག་པོ་ཆེན་པོ་འཁོར་དང་བཅས། །མ་ལུས་ཞིང་སྐྱོང་འཁོར་དང་བཅས། །དུར་ཁྲོད་རོ་ལ་ལྕེ་སྤྱང་དང༌། །ཤ་ཟའི་ཚོགས་རྣམས་འདུ་བ་བཞིན། །ངེས་པར་འདུ་བར་བྱེད་པ་སྟེ། །བསྟན་པ་རྒྱ་མཚོ་སྲུང་བྱེད་པའོ། །དཔག་ཚད་བརྒྱད་ཁྲིའི་བར་དུ་ནི། །དེ་ཡི་བགེགས་རྣམས་མ་ལུ…