ལ་དྲིས། །འདི་འདྲའི་ཆོས་སྐྱོང་རྙེད་པ་ལ། །ལས་འཕྲོ་ཅན་གྱི་གང་ཟག་དགོས། །བསོད་ནམས་བསགས་པའི་སྐྱེས་བུ་དགོས། །འདི་འདྲའི་ཆོས་སྐྱོང་བསྒྲུབ་པ་ལ། །སྙིང་རུས་ཅན་གྱི་གང་ཟག་དགོས། །སྒྲུབ་པ་གཉུག་ཏུ་བསྲིངས་པ་དགོས། །སློབ་དཔོན་སྟོན་གཞོན་ལ་བདག་དབོན་ཚ་བས་ཞུས་སོ། །

༄༅། །འཇིག་རྟེན་ལས་ཀྱི་མགོན་པོ་བྱ་རོག་གདོང་ཅན་དང་རྡོ་རྗེ་སྲིན་པོ་ནག་པོ་ཆེན་པོ་ཐུགས་རྗེ་འབྱུང་བ་རྩ་བའི་རྒྱུད་ཀྱི་རྒྱལ་པོ་ཞེས་བྱ་བ་བཞུགས་སོ། །

རྒྱ་གར་སྐད་དུ། ལོ་ཀ་ཀརྨ་ནཱ་ཐ་ཁ་ཏ་ལི་བཛྲ་རཀྵ་མ་ཧཱ་ཀཱ་ལ་ཀ་རུ་ཎི་བ་སྟེ་ཨཱ་ཀ་ར་རུ་ཏནྟྲ་རཱ་ཛ་ནཱ་མ། བོད་སྐད་དུ། ཆོས་འཇིག་རྟེན་ལས་ཀྱི་མགོན་པོ་བྱ་རོག་གདོང་ཅན་དང་རྡོ་རྗེ་སྲིན་པོ་ནག་པོ་ཆེན་པོ་ཐུགས་རྗེ་འབྱུང་བ་རྩ་བའི་རྒྱུད་ཀྱི་རྒྱལ་པོ་ཞེས་བྱ་བ། དཔལ་འཁོར་ལོ་སྡོམ་པ་ལ་ཕྱག་འཚལ་ལོ། །དུས་འདི་སྐད་བདག་གིས་ཐོས་པ་དུས་གཅི…

ཕྱུག་མ་ཉི་ཤུ་རྩ་བརྒྱད་དང་། དྲེགས་པ་ཅན་སུམ་ཅུ་དང་། གཙང་མ་རིགས་ཀྱི་མགོན་པོ་བདུན་ཅུ་རྩ་གཉིས་དང་། རོ་ལངས་དམར་མོ་བརྒྱ་དང་། ནག་པོ་བདུད་རིགས་སྟོང་དང་། གནོད་སྦྱིན་འབྱུང་པོ་ཁྲི་དང་། མ་མོ་ནག་མོ་འབུམ་དང་། ཤ་ཟ་བྱེ་བའི་ཚོགས་ཀྱིས་བསྐོར་ནས་བཞུགས་སོ། །དེའི་ཚེ་ན་རྡོ་རྗེ་སྲིན་པོས་བཅོམ་ལྡན་འདས་ལ་འདི་སྐད་གསོལ་ཏོ། །བཅོམ…

ཐུག་ཇི་ལྟར་ལུང་ཡང་བསྟན། །ཕོ་མོ་དབྱེ་བ་ཁྱད་པར་གང་། །སྦྲགས་ནས་སྒྲུབ་པ་གང་ལ་ཤིས། །སོ་སོར་བསྟན་ན་སྡེ་ཚན་གང་། །གནས་སྐབས་མཐར་ཐུག་འབྲས་བུ་གང་། །བདག་ལ་ལེགས་པར་བསྟན་དུ་གསོལ། །ཞེས་ཞུས་པ་དང་། བཅོམ་ལྡན་འདས་བདུད་ལས་རྣམ་པར་འབྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་བཞུགས་སོ། །དཔལ་ནག་པོ་ཆེན་པོ་ཐུགས་རྗེ་འབྱུང་བའི་རྒ…

བའི་འོད་ཀྱིས་བདུད་བཞི་པོ་དེ་དག་བཏུལ་ཀྱང་མ་ཐུལ་བས། དཔལ་བདེ་བ་ཆེན་པོས་བདུད་འདུལ་བའི་ཆོ་འཕྲུལ་གྱིས་ལྷ་མོ་ཨུ་མ་དེ་བ་ལ་དགྱེས་པའི་གད་མོ་བཅུ་གཉིས་ཀྱིས་སྦྱོར་བ་བྱས་པས་དེ་དག་ལས་རྡོ་རྗེ་སྲིན་པོ་རབ་ཏུ་འཇིགས་པ་དག་སྐྱེས་པར་གྱུར་ཏོ། །དེའི་ཚེ་འཇིག་རྟེན་གྱི་ཁམས་ཐམས་ཅད་འགུལ་ཞིང་ལྡེག་པར་གྱུར་པ་ལས་བདུད་དགའ་རབ་དབང་ཕྱུག…

ལས་གིང་ཆེན་བཅོ་བརྒྱད། ཁྲོས་པའི་ང་རོ་ཉི་ཤུ་རྩ་གཅིག་ལས་ཕོ་བདུད་ཉི་ཤུ་རྩ་གཅིག །ཆགས་པའི་གར་ཉི་ཤུ་བརྒྱད་ལས་དབང་ཕྱུག་མ་ཉི་ཤུ་རྩ་བརྒྱད། སྤྱན་གྱི་སྒྱུར་ཟློག་སུམ་ཅུ་ལས་དྲེགས་པ་སུམ་ཅུ། ཕྲིན་ལས་ཀྱི་འོད་སྤུངས་བདུན་ཅུ་ལས་དཔལ་མགོན་བདུན་ཅུ། ཞལ་གྱི་གདངས་བཞད་བརྒྱ་ལས་རོ་ལངས་བརྒྱ། སྤྱན་ལོག་སྟོང་ལས་ནག་པོ་སྟོང་། ཞབས་ཀྱི…

པའི་ལེའུ་སྟེ་གཉིས་པའོ།། །།དེ་ནས་ཡང་གསང་བའི་བདག་པོས་བཀའ་བསྩལ་པ། དང་པོ་སྔོན་བྱུང་འདས་པའི་དུས་ཀྱི་ཚེ། །བསྐལ་པ་བཟང་རྒྱན་བྱ་བ་ལ། །སངས་རྒྱས་ཞི་འོད་འཇིག་རྟེན་བྱུང་། །དེ་ལ་འཁོར་ནི་བྱེ་བ་དུང་ཕྱུར་འབུམ། །དགེ་སློང་དགེ་བསྙེན་ཚངས་སྤྱོད་གཙང་། །སྦྱངས་པ་བཅུ་གཉིས་སྤྱོད་པ་ལས། །བྱང་ཕྱོགས་ཨོ་ཏྲའི་ཡུལ་དུ་སོང་། །སངས་རྒྱས…

དེ་བ་ལ། །བུ་ནི་བརྒྱད་སྐྱེས་ལྷ་ཆེན་བརྒྱད། །དེ་ཡི་ཆུང་ཤོས་མགོན་པོ་སྟེ། །སྲིན་པོ་ནག་པོ་སྟོབས་པོ་ཆེ། །ཤ་དང་ཁྲག་ལ་རབ་དགའ་བ། །སྲིད་པ་གསུམ་ལ་དབང་ཆེ་བ། །འཇིག་རྟེན་གསུམ་པོ་ཟ་བྱེད་ཅིང་། །ཁམས་གསུམ་ཐམས་ཅད་བརླགས་པར་བྱས། །རྒྱལ་ཆེན་བཞི་པོ་བསྒྲལ་བྱས་ནས། །གསང་བའི་ཡུམ་བཞི་ཉིད་ལ་སྦྱོར། །དེ་ལ་གསང་བའི་བུ་བཞི་སྐྱེས། །སྲི…

ལས་ཀྱི་མགོན་པོའི་སྐྱེ་རྒྱུད་བསྟན་པའི་ལེའུ་སྟེ་གསུམ་པའོ།། །།དེ་ནས་གསང་བའི་བདག་པོ་ཡིས། །འཁོར་གྱི་བསྡུ་ཚུལ་བཀའ་བསྩལ་པ། །དེ་ནས་སྲིན་པོ་ནག་པོ་དེས། །སྔོན་གྱི་སྨོན་ལམ་དམོད་བོར་བས། །ལས་ཀྱི་སྐྱེ་བ་དྲན་ནས་དུག་རི་ཁར། །རྒྱལ་པོ་འཁོར་ཚོགས་སྟོང་གི་ནི། །མཁལ་མ་སྙིང་དང་ནང་ཁྲོལ་གྱི། །འདུ་བྱེད་དག་ནི་བཅད་ཅིང་ཟོས། །སྲིན་…

དྲག་རྩལ་ཆེ་མཐོང་ནས། །ལྷ་མིན་གཡུལ་ངོ་བཟློག་པའི་ཕྱིར། །ཚངས་པའི་བུ་མོ་ཡིད་འོང་མ། །བཞིན་མཛེས་རྒྱན་བཟང་ལྷ་མོ་བརྒྱད། །ཡིད་འཕྲོག་ལུས་འབུལ་སྤྱན་འདྲེན་བཏང་། །བདུད་ཀྱི་བུ་ཕོ་སྤུན་བཞི་ཡིས། །ཡིད་འོང་ལྷ་མོ་གཉིས་གཉིས་རོལ། །བུ་རེ་བུ་མོ་གཉིས་གཉིས་ནི། །མགོ་བརྙན་གཏུམ་ཆེན་འཇིགས་པའི་སྐུ། །དྲག་པོ་གཏུམ་མོ་ཉི་ཤུ་བཞི། །ཟླ་…

ལྷ་མིན་ཤུ་ཀ་མཆུ་རིངས་དང་། །སྟོབས་ཆེན་ཁྱབ་འཇུག་ར་ཧུ་ལ། །གནོད་སྦྱིན་ནག་པོ་འབུམ་སྣ་ཅན། །བགེགས་རྒྱལ་བི་ན་ཡ་ཀ་དང་། །ལྟོ་འཕྱེ་ནག་པོ་མིག་དགུ་དང་། །རྩེ་ལུང་བདག་པོ་བེ་དུར་འགྱེད། །བདུད་རྒྱལ་བྱེ་བ་གུང་རིངས་རྣམས། །རི་རབ་རྩེ་ལ་བྲོས་པ་ལས། །རང་རང་དཔུང་བཅས་འབུམ་འབུམ་རྣམས། །སྟོབས་ཆེན་བྱེ་བ་དུང་ཕྱུར་བཅས། །མུན་པའི་ཚལ་…

འབར་བ་ལས། །ལྷ་དམག་བྱེ་བ་འབུམ་འབུམ་བཀྱེ། །ཁ་ཊྭཱཾ་ཐོད་ཁྲག་དམར་པོ་ལས། །ལྷ་དམག་བྱེ་བ་འབུམ་འབུམ་བཀྱེ། །འཇིགས་པའི་གར་སྟབས་སུམ་ཅུ་ལས། །ལྷ་དམག་བྱེ་བ་དུང་ཕྱུར་བཀྱེ། །ལྷ་མིན་ཞེ་སྡང་གཡུལ་ངོ་བཟློག །ལྷ་མིན་བདུད་ཀྱི་རྒྱལ་པོ་བརྒྱད། །ཤར་ཕྱོགས་ལྷ་ཆེན་བརྒྱད་པོ་ཡི། །མགོ་བཅད་ཐོད་པ་ཁྲག་བཀང་གསོལ། །བདུད་ཀྱི་དམག་དཔོན་ཆེན་པ…

བར་ཁས་བླངས་ཚེ། །ལྷ་ལ་ཕྲག་དོག་སྐྱེས་པ་ལས། །ལས་ཀྱི་དབང་གིས་ལྷ་ཡི་ཡུལ། །འཁོར་དང་བཅས་པའི་སྲིན་པོ་དེ། །དཔལ་ཆེན་ཁྲག་འཐུང་ཧེ་རུ་ཀས། །དབང་བསྐུར་མིང་བཏགས་དམ་ཚིག་ཕོག །ལག་ཏུ་གྲི་གུག་གཏད་ནས་ཀྱང་། །བསྟན་པ་བསྲུང་བར་གཙིགས་ལ་ཕབ། །རང་སྔགས་སྲོག་སྙིང་འབྲུ་བདུན་ཕུལ། །བསིལ་བའི་ཚལ་གྱི་དུར་ཁྲོད་དུ། །ཕོ་བྲང་མཐའ་ནས་མངའ་ཡང་ག…

པ་ཡང་དག་བཤད། །སྲོག་དང་ཆོ་འཕྲུལ་སེལ་བ་དང་། །ཐོག་དང་གཏད་ཆེན་ཟེ་ནག་དང་། །ནང་རྒྱས་བཟློག་དང་བསྲུང་བ་སྟེ། །ཕྱི་སྒྲུབ་ལྷ་སྲིན་སྲོག་ལ་གཏད། །ནང་དུ་ཆོ་འཕྲུལ་གིང་ལ་བསྒྱུར། །གསང་བ་བདུད་ཀྱིས་ཐོག་སེར་དབབ། །གཏད་དང་ཟེ་ནག་ཀླུ་ལ་བསྐོར། །ནང་རྒྱས་བཟློག་པ་གཤིན་རྗེ་སྔགས། །སྲུང་བའི་གཙོ་བོ་མཁའ་འགྲོ་མ། །དེ་ནི་རྩ་བའི་བསྟན་སྲ…

བའི་བདག་པོ་ཡིས། །ཕྱི་ནང་གསང་བ་དང་བཅས་པའི། །དེ་ཡི་ལས་མཐའ་ཡང་དག་བཤད། །བརྒྱད་ཚན་བརྒྱད་ཀྱི་གོ་རིམ་ལས། །གནད་ཆིངས་འགགས་དང་བླ་རྡོ་ནི། །གསང་བའི་ལས་ཆེན་ཉིད་དུ་གསུངས། །མཆོད་དང་ལས་ཚོགས་ཆ་ལག་ནི། །ནང་གི་ཡན་ལག་ཡིན་པར་བཤད། །མཐའ་གནད་བརྒྱད་ཅེས་ཕྱིའི་ལས། །དེས་ན་ལས་ཆེན་དཔག་མེད་ཀྱང་། །བསྡུས་པ་ཞི་རྒྱས་དབང་དང་དྲག །ལྷ་དང་…

ལས་སྣ་ཚོགས་པ་བསྟན་པའི་ལེའུ་སྟེ་དྲུག་པའོ།། །།དེ་ནས་གསང་བའི་བདག་པོ་ཡིས། །དཀྱིལ་འཁོར་དམ་རྫས་ཡང་དག་བཤད། །དཀྱིལ་འཁོར་རྣམ་པ་བཞིར་གསུངས་ཏེ། །དབང་བསྐུར་བསྙེན་པ་ཕྱི་ཡིན་ལ། །སྒྲུབ་པ་ལས་ཚོགས་ནང་གི་ཡིན། །ལས་སྦྱོར་དྲག་པོ་གསང་བའི་ཡིན། །སྤོགས་དང་གནད་འབེབས་མཐར་ཐུག་ཡིན། །ཕུང་བའི་ས་ལ་དུག་ཁྲག་གདབ། །རྒྱུས་ཆེན་ཤི་སྐྲས་ཐ…

བསྩལ་ཏོ། །དཔལ་ནག་པོ་ཆེན་པོ་ཐུགས་རྗེ་འབྱུང་བ་རྩ་བའི་རྒྱུད་ལས། དཀྱིལ་འཁོར་དང་དམ་རྫས་བསྟན་པའི་ལེའུ་སྟེ་བདུན་པའོ།། །།དེ་ནས་རྡོ་རྗེ་འཛིན་པ་ཡིས། །སྔགས་ནི་ཡང་དག་བཤད་པར་བྱ། །ཨོཾ་མ་ཧཱ་ཀཱ་ལ་ཧཱུྃ་ཕཊ། ནག་པོ་སྤྱི་ཡི་སྔགས་སུ་བཤད། །ཨོཾ་ཤྲཱི་ཛྙཱ་ན་བཛྲ་མ་ཧཱ་ཀཱ་ལ་ཧ་ན་ཧཱུྃ་ཕཊ། ཡེ་ཤེས་ཀྱི་མགོན་པོ་ཕྱག་བཞི་པའི་སྔགས་སུ་བཤ…

གསང་བའི་བདག་པོ་ཡིས། །སྔགས་བཏུ་བ་ཡི་རིམ་པ་ལས། །ཕྱི་ནང་གསང་བའི་འཁོར་ལོ་ནི། །དབུས་ཀྱི་ལིང་ཙེ་དགུ་པོ་ལ། །དྲག་པོའི་ཡིག་འབྲུ་བཅོ་ལྔ་བྲི། །ཧཱུྃ་དྷརྨཱ་ཙ་ཤྲཱི་ཀ་ལ་དང་། ཤྲཱི་ཀྵ་ཀྵ་ཤྲཱི་ལ་ནྲི། །མདུན་ནས་བརྩམས་ནས་དགོད་པར་བྱ། །དེ་ཡི་དཀྱིལ་འཁོར་མུ་ཁྱུད་ལ། །དམ་རྫས་བསྲེ་བའི་སྔགས་བཀོད་ལ། །ཨོཾ་བཛྲ་མ་ཧཱ་ཀཱ་ལ་ས་མ་ཡ། ཤྲཱི་…

ཤཾ་ཀུ་རུ་སྭཱ་ཧཱ། ཨོཾ་མ་ཧཱ་ཀཱ་ལ་དྷ་ཤ་ཀཾ་ཙཾ་ན་མེ་ཙ་ཚན་དྷ་ཐ་བ་ཤཾ་ཀུ་རུ་སྭཱ་ཧཱ། སཾ་སཾ་གྷ་ཏ་ཡ། མ་ཧཱ་ཡ་ཡཱ་ཡཱ་བ་ཏི་ཙ་ཤ་ཡཱ། མ་ཧཱ་ཀཱི་ནིཉྵ་ཀྵཾ་ཀྵ་ཀ་ཀྴ་ཧྲིཿ མ་ཧཱ་ལཱ་ར་པཾ་པཾ་པཾ་ཤཾ་ན་ཏ་ཡ། མ་ཧཱ་རཾ་རཾ་རཾ་ར་ར་ར་ཀ་ཏ་ཤ་ཀྲ་ཡ། མ་ཧཱ་ཧཱུྃ་ཨ་ཙར་བྱ་ཧ་ན་ཛཿ མ་ཧཱ་ཀཱ་ལ་ཡ་ཀྲ་ཀྲ་ཀྲཾ་ཀྲ་ཏི་ཏི་བ་ཥཾ། ཨ་བེ་ཤ་ཡ་ཧྲིཿ ཨ་ཀར་ཤ་ཡ་ཤཾ་ཀ་རུ་ས…