བྱ་བ་རྫོགས་སོ།། །།རྒྱ་གར་གྱི་མཁན་པོ་ཨ་བྷྱ་ཀ་ར་དང་། བོད་ཀྱི་ལོ་ཙཱ་བ་ཙ་མི་སངས་རྒྱས་གྲགས་པས་བསྒྱུར་བའོ། །དུག་རླངས་ཁོལ་མ་རྩ་བའི་རྒྱུད། རོ་ལངས་ནག་མོ་བཤད་པའི་རྒྱུད། སྒྲོལ་བྱེད་ནག་མོ་མན་ངག་གི་རྒྱུད། ཐོད་ཕྲེང་ནག་མོ་སྐྱེ་རྒྱུད་སྟོན་པའི་རྒྱུད། ཁྲག་མཚོ་ཁོལ་མ་ལས་ཚོགས་སྟོན་པའི་རྒྱུད། ཟླ་གསང་ནག་མོ་གནད་འགག་སྟོན་པའ…

༄༅། །མ་མོ་འཇིག་རྟེན་གཙུག་ལག་གི་རྒྱུད་ལས་ཡང་ཏིག་བཀོལ་བའི་རྒྱུད་ཅེས་བྱ་བ།

རྒྱ་གར་སྐད་དུ། མ་མ་ལོ་ཀ་སུ་ཀ་སྐལ་པ་ཏནྟྲ་ནཱ་མ། བོད་སྐད་དུ། མ་མོ་འཇིག་རྟེན་གཙུག་ལག་གི་རྒྱུད་ལས། ཡང་ཏིག་བཀོལ་བའི་རྒྱུད་ཅེས་བྱ་བ། བཅོམ་ལྡན་འདས་འཇིགས་བྱེད་ཆེན་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པ་དུས་གཅིག་ན། མ་མོ་དང་ནི་མཁའ་འགྲོའི་གནས། །དུར་ཁྲོད་ཆེན་པོའི་ཀློང་དཀྱིལ་ན། །རྡོ་རྗེ་མཁའ་འགྲོ་ནག་མོ་ལ། །འཇིག་ར…

བསྲུང་བའི་ཕྱིར། །ཆོས་ཀྱི་སྲུང་མར་བསྒྲུབ་འདོད་པའི། །གང་ཟག་སྔགས་པ་གདེང་ཅན་གྱིས། །མ་མོ་མཁའ་འགྲོ་བསྒྲུབ་འདོད་ན། །སྒྲུབ་པ་དུས་ཀྱི་དམིགས་གསལ་དང་། །བསྟན་པ་རྫས་ཀྱི་དམིགས་གསལ་དང་། །གྲུབ་པ་རྟགས་ཀྱི་དམིགས་གསལ་དང་། །བཟླས་པ་སྔགས་ཀྱི་དམིགས་གསལ་དང་། །བསྲུང་བ་དམ་ཚིག་དམིགས་གསལ་དང་། །སྦྱོར་བ་ལས་ཀྱི་དམིགས་གསལ་དང་། །དཔ…

ན་རྡོ་རྗེའི་བྲག་ཀྱང་འཇིགས། །བསད་ན་བསྐལ་པའི་མེ་ཡང་འཆི། །ཉི་ཟླ་གཉིས་ཀྱང་སོད་གྱུར་ན། །དགྲ་བགེགས་བསྒྲལ་བ་ལྟ་ཅི་སྨོས། །གང་ལ་བྱ་བ་གདོན་མི་བྱ། །དེས་ན་གསང་སྔགས་ཟབ་མོའི་དོན། །དམིགས་གསལ་བདུན་དུ་བཤད་པར་བྱ། །ཞེས་གསུངས་སོ། །ཡང་ཏིག་བཀོལ་བའི་རྒྱུད་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་རྡོ་རྗེ་མཁའ་འགྲོ་མས། །བསྒྲ…

ཅིང་བསྟན་པའི་རྫས་བཤད་པ། །གཞལ་ཡས་ཁང་ལ་བརྟེན་པ་དང་། །དམ་རྫས་དག་ལ་བརྟེན་པ་དང་། །ཡིག་འབྲུ་དག་ལ་བསྟབ་པ་གསུམ། །གཞལ་ཡས་ཁང་ལ་བརྟེན་པ་ནི། །རྡུལ་ཚོན་དཀྱིལ་འཁོར་བྲི་བར་བྱ། །གནས་ནི་དུར་ཁྲོད་ཆེན་པོ་རུ། །ཁྲུ་གང་ཚད་ཀྱི་མཎྜལ་ལ། །བཾ་ཆེན་ཁྲག་གིས་ཐིག་གདབ་ལ། །དཀྱིལ་འཁོར་གྲུ་གསུམ་བསྣོལ་མ་ལ། །རོ་བསྲེགས་སོལ་བས་ནག་པོར་བྱ། …

ཡས་ཁང་། །ཡིག་འབྲུ་སྔགས་ལ་ལྷ་ཡི་སྐུ། །གཏོར་མ་བསྒྲུབ་བྱའི་ཤ་དང་ཁྲག །བྱིན་གྱིས་བརླབས་ཏེ་མཆོད་ཅིང་སྒྲུབས། །ཡང་ཏིག་བཀོལ་བའི་རྒྱུད་ལས། བརྟེན་པ་རྫས་དམིགས་སུ་བསྟབ་པའི་ལེའུ་སྟེ་གསུམ་པའོ།། །།དེ་ནས་རྡོ་རྗེ་མཁའ་འགྲོ་མས། །བསྒོམ་པ་ལྷ་ཡི་དམིགས་གསལ་བཤད། །གཙོ་བོ་ལྷ་དང་འཁོར་ཀྱི་ལྷ། །གནག་པ་ལས་ཀྱི་ལྷ་དང་གསུམ། །གཙོ་བོ་ཡ…

དྲོན་མོ་ཞལ་དུ་གསོལ། །གཙོ་མོ་དག་ནི་རེ་རེ་ལ། །འཁོར་ནི་དྲུག་དྲུག་སུམ་ཅུ་དྲུག །མཁའ་འགྲོ་བཞི་བཅུ་རྩ་གཉིས་ནི། །སྙིང་པོ་སྔགས་ཀྱིས་ཡིག་འབྲུ་བསྐྱེད། །གཏོར་མས་མཆོད་ཅིང་ཕྲིན་ལས་བཅོལ། །ཨརྒྷཾ་སྦྲེང་ཞིང་བསྒྲུབ་བྱ་བཏབ། །ཅེས་གསུངས་སོ། །ཡང་ཏིག་བཀོལ་བའི་རྒྱུད་ལས། བསྒོམ་པ་ལྷའི་དམིགས་གསལ་བསྟན་པའི་ལེའུ་སྟེ་བཞི་པའོ།། །།ད…

ས་དང་རླུང་གཉིས། ཧ་ན་གསུམ་ཕྱི་འཕྲེད་བཟླས། །སྲོད་ཀ་དང་ཐོ་རངས་མཚན་གུང་གསུམ། །དུས་དྲུག་ཐུན་དྲུག་འབད་ལ་བཟླས། །བཟླས་ཉུངས་ཐུན་གྱིས་གཟུགས་ལ་བརྡེག །མ་ར་ཡ་ལ་མིང་རུས་གཞུག །སྔགས་ཀྱི་འོད་ཟེར་ལྷ་ལ་སྤྲོ། །ཁྲོས་ཅིང་བསྒྲུབ་བྱ་བསད་ཅིང་ཟ། །འཁོར་གྱི་མ་མོས་ལས་དྲུག་བྱེད། །ལྕགས་ཀྱུས་དགུག་ཅིང་ཞགས་པས་བཅིང་། །གྲི་གུག་ཐོད་པས་…

སྙིང་པོ་གནད་ནས་བསྐུལ། །ངེས་པ་ཁོ་ནར་ཤི་ས་སྟོན། །དྲགས་ན་རང་རང་ཚེ་ལ་གནོད། །འདི་ཡིས་ལས་ལ་ཐེ་ཚོམ་མེད། །རང་དབང་མེད་པར་ལས་ལ་གཟུགས། །ཞེས་གསུངས་སོ། །ཡང་ཏིག་བཀོལ་བའི་རྒྱུད་ལས། བཟླས་པ་སྔགས་ཀྱི་དམིགས་གསལ་བསྟན་པའི་ལེའུ་སྟེ་ལྔ་པའོ།། །།དེ་ནས་རྡོ་རྗེ་མཁའ་འགྲོ་མས། །བསྒྲུབ་པ་རྟགས་ཀྱི་དམིགས་གསལ་བཤད། །ལྡོག་པའི་རྟགས་ལ་ར…

བསྒྲུབ་པ་ཕྲིན་ལས་ཀྱི་དམ་ཚིག་དང་། །ལྟ་བ་ཕུགས་ཀྱི་དམ་ཚིག་དང་གསུམ་མོ། །སྤྱོད་པ་རྒྱུན་གྱི་དམ་ཚིག་ནི། །ལྷ་སྲུང་ལ་སྤོང་ལེན་མི་བྱ་ཞིང་། །སྒྲུབ་པ་འཕྲལ་གྱི་དམ་ཚིག་ནི། །སྒྲུབ་པ་པོ་རྣམས་འཁོན་མི་བྱ། །ལྟ་བ་ཕུགས་ཀྱི་དམ་ཚིག་ཏུ། །རྟག་ཏུ་ལྷ་དང་དམ་ཚིག་བཀུར། །བསྲུང་བའི་དམ་ཚིག་མ་ཉམས་ན། །ལྷ་སྲིན་སྡེ་བརྒྱད་བྲན་དུ་ཁོལ། །མ…

བརྡེག་པའི་དུས། །སྔགས་ནི་དྲུག་པ་ལས་ཀྱི་སྔགས། །འོད་ཟེར་ཐོག་དང་མེ་ལྕེ་འཕྲོ། །ཐུན་རྫས་དུག་དང་ཉུངས་ཀར་ཁྲག །དུག་དང་མཚོན་ཆར་བྱིན་གྱིས་རློབས། །དུས་ནི་ཉིན་ཕྱེད་ནམ་ཕྱེད་ན། །ཞེ་སྡང་ཁྲོས་པས་གཟུགས་ལ་བརྡེག །བསྲེག་པའི་བུད་ཤིང་མེ་དང་རྫས། །བུད་ཤིང་དུག་གི་ཚེར་མ་ཅན། མེ་ནི་རྨེ་ཡུགས་ཁྱིམ་ནས་བླངས། རྫས་ནི་ཤ་ཆེན་ལིང་ག་བསྲེ…

རྣལ་འབྱོར་དགེ་འདུན་བསྟན་པ་སྲུངས། །ཞེས་མངོན་པར་བསྟོད་པའི་ལེའུ་སྟེ་དགུ་པའོ།། །།མ་མོ་འཇིག་རྟེན་གཙུག་ལག་གི་རྒྱུད་ལས། ཡང་ཏིག་བཀོལ་བའི་རྒྱུད་ཅེས་བྱ་བ་རྫོགས་སོ།། །།

༄༅། །མཁའ་འགྲོ་མ་ལས་ཚོགས་ཕྲེང་བའི་རྒྱུད་ཅེས་བྱ་བ།

རྒྱ་གར་སྐད་དུ། ཌཱ་ཀི་ནི་ཀརྨ་ཨ་བ་ལི་ཏནྟྲ་ནཱ་མ། བོད་སྐད་དུ། མཁའ་འགྲོ་མ་ལས་ཚོགས་ཕྲེང་བའི་རྒྱུད་ཅེས་བྱ་བ། དཔལ་རྡོ་རྗེ་མཁའ་འགྲོ་མ་ལ་ཕྱག་འཚལ་ལོ། །དུར་ཁྲོད་ཆེན་པོའི་གནས་ཉིད་དུ། །རྡོ་རྗེ་མཁའ་འགྲོ་ནག་མོ་ལ། །མ་ཧཱ་ཀཱ་ལས་འདི་སྐད་ཞུས། །ཀྱེ། ཡེ་ཤེས་རྡོ་རྗེ་མཁའ་འགྲོ་མ། །སྲུང་དང་བཟློག་དང་དུལ་བ་དང་། །དབབ་བསད་མཁའ་འགྲ…

ལོ་ཏོག་སྲུང་བ་དང་། །ནད་པ་སྲུང་བའི་ལས་དང་གསུམ། །སྲིད་སྲུང་ཁྱེའུ་གི་མ་མོ་ལ། །སྲུང་བྱེད་སེར་མོའི་སྐུར་བསྐྱེད་དེ། །མགུལ་དུ་སྲུང་བའི་འཁོར་ལོ་གདག །བཟླས་ཉུངས་ཐུམ་པོ་མགུལ་དུ་གདག །ཁྱེའུ་ལ་མགོན་པོའི་སྐུར་བསྐྱེད་དེ། །འཁོར་ལོ་བཟླས་ཉུངས་གོང་བཞིན་གདག ། བཟླས་པ་སྔགས་ཀྱི་ཞག་གྲངས་ཚད། །ཡིག་འབྲུའི་གྲངས་དང་མཉམ་པར་བཟླས། …

ལོ་བྱིན་གྱིས་བརླབ་བྱ་སྟེ། །ཤྭ་བ་ཡུ་མོའི་ཐོད་པར་བཅུག་ལ་སྲུང་མཚམས་སྦ། །དེ་ཡི་ལས་ཀྱིས་ཐུབ་པར་འགྱུར། །མཁའ་འགྲོ་མ་ལས་ཚོགས་ཕྲེང་བའི་རྒྱུད་ལས། བསྲུང་བའི་ལེའུ་སྟེ་གཉིས་པའོ།། །། དེ་ནས་བཟློག་པའི་ལས་བཤད་པ། །བདག་ཉིད་ཡི་དམ་ལྷར་གསལ་བ། །དམག་དང་བྱོལ་ཀ་ཕུར་ཟོར་གསུམ། །དམག་བཟློག་པ་ལ་མཚོན་ཆ་སྟེ། །གྲི་གུག་ལྷ་ཡི་སྐུར་བསྐ…

ཉིད་ཕྱག་ན་རྡོ་རྗེར་བསྒོམ། །སྤྱི་བོའི་གཙུག་ཏུ་བྱ་ཁྱུང་བསམ། །བྱ་བ་སྔགས་ཀྱི་ཤམ་བུ་རུ། །གསད་པའི་སྔགས་རྒོད་འདི་ཉིད་བཏག །ཨོཾ་བཛྲ་ཁྱུང་ནི་ཁྱུང་ནི། ཀ་ར་ན་ཀ་ར་ན། ཧབ་བྱ་ཧེབ་བྱ་ཧུབ་བྱ། ཆུམ་ནི་ཆུམ་ནི་བྱ་ཁྱུང་ཧ། བཛྲ་བཛྲ་ནན་སྭཱ་ཧཱ། རྟག་ཏུ་ཐུན་ཉིད་སྦྱིན་བསྲེག་བྱ། །རྒྱ་གྲམ་རླུང་ཡང་གནོན་འགྱུར་ན། །ཕལ་པའི་བགེགས་ལ་སྨོས…

ཏེ། །ཐུན་ཉུངས་བླུགས་ལ་སེར་གཏར་གཞུག །ཐོད་ཁྲག་གཉན་སར་ཐབ་ཏུ་བཀོལ། །བསྒྲུབ་པའི་གཏའ་གཏོར་ཟོར་དུ་འཕང་། །དེ་ཡི་ལས་ཀྱིས་འབབ་པར་འགྱུར། །གནམ་ལྕགས་དྲག་པོའི་ཐོག་དབབ་ན། །མ་ཧཱ་ཀཱ་ལའི་གཟུགས་བྱས་ཏེ། །ཀླུ་གནས་ཆུ་མིག་སྟེང་དུ་མནན། །གྲི་གུག་མཚོན་ལ་སྔགས་བཟླས་ཏེ། །དགྲ་ཡི་ཁྱིམ་དང་མཁར་ལ་བརྡེག །མཁའ་འགྲོ་མ་ལ་གསོལ་བ་གདབ། །ཐུན…

ལ་བསྟིམ། །ཚོན་སྐུད་སྣ་ལྔས་བྱད་དུ་གཞུག །བསད་པ་སེང་གདོང་ནག་མོའི་སྔགས། །ཧ་ཀི་ནི་དང་ཚེ་བདུད་སྔགས། །སོ་ཏི་མ་ར་ཡ་དང་སྦྲེལ། །ཐུན་གྱིས་བྲབ་ཅིང་གཟུགས་ལ་བརྡེག །གྲི་གུག་མཚོན་གྱིས་སྲོག་རྩ་བཅད། །ཐོད་པས་སྙིང་ཁྲག་དྲོན་མོ་འཐུང་། །རྟགས་ལ་ཐུག་པར་ངན་སྔགས་བསྒྲུབ། །འཆི་བར་འགྱུར་བར་ཐེ་ཚོམ་མེད། །ལས་ཀྱི་སྦྱོར་ཀ་གཞན་མ་ནི། །…