རྒྱལ་འགོང་བཙན་བདུད་བྱིན་གྱིས་ཐུལ། །མ་བདུད་རྒྱལ་མོ་ཐལ་བར་རློག །ཐེའུ་རང་འགོག་པོ་གཞོབ་ཏུ་སྲེགས། །དགྲ་བགེགས་རང་གཤེད་རང་ལ་ཕོབ། །དམ་ཉམས་རང་མཚོན་རང་ལ་རྒྱོབས། །ཁས་བླངས་དམ་བཅའ་མ་གཡེལ་ཅིག །ཡབ་གཅིག་དཔལ་ལྡན་མགོན་པོའི་དུས་ལ་བབ། །ཡུམ་ཆེན་ཙན་ཏི་ཀ་ཡི་དུས་ལ་བབ། །ལེགས་ལྡན་བཀའ་སྡོད་ནག་པོའི་དུས་ལ་བབ། །དྲག་པོ་སེང་གདོང་ཅ…

ངན་དང་རྨིས་ལྟས་ངན། །མཚན་ལྟས་ངན་དང་བཀྲ་མི་ཤིས། །སྦྱོར་བ་རྩུབ་མོ་འགྱེད་པ་དང་། །བྱད་ཁ་སྟོན་པ་ལ་སོགས་ཏེ། །བར་ཆད་ཐམས་ཅད་བཟློག་ཏུ་གསོལ། །ཉིན་གྱི་དུས་སུ་བྱ་ར་གྱིས། །མཚན་གྱི་དུས་སུ་མེལ་ཚེ་གྱིས། །ལུས་དང་གྲིབ་མ་བཞིན་དུ་འགྲོགས། །ཡག་དང་སྤྲོད་ལ་ཉེས་དང་བསྣོལ། །བསམ་པ་ཡིད་བཞིན་འགྲུབ་པར་མཛོད། །ཧཱུྃ། བོས་སོ་མགོན་པོ་ས…

ལ། །ལྷོ་སྤྲིན་འཐིབ་ཀྱིས་གཡོགས་ལ་ཁད། །ཀླུང་དུ་འབབ་པའི་ཆུ་བོ་ལ། །ཀྱུ་འགྲོ་སྐྱོག་གིས་བཅུས་ལ་ཁད། །བདུད་རྩི་ལྡང་བའི་རི་བོ་ལ། །གཏི་མུག་རྫོང་གིས་བཏབ་ལ་ཁད། །ཤེས་རབ་གསལ་བའི་ཉི་མ་ལ། །བག་ཆགས་དྲི་མས་སྒྲིབ་ལ་ཁད། །དཔལ་ལྡན་མགོན་པོ་འཁོར་དང་བཅས། །བདག་དོན་དང་ལྡན་པའི་རྣལ་འབྱོར་པ། །དམ་ཉམས་དགྲ་བོས་བསད་ལ་ཁད། །མ་གཡེལ་མ་གཡ…

རྡོ་རྗེ་གུར་གྱི་མགོན་པོའི་བསྐང་བ་དམ་པ་ཅུང་གིས་མཛད་པ་དངོས་གྲུབ་ཆར་འབེབས་བཞུགས་སོ། །ན་མ་ཤྲཱི་མ་ཧཱ་ཀཱ་ལ་ཡེ། །ཧེ་རུ་ཀ་དཔལ་དཔའ་བོ་ཆེ། །རྣམ་འཕྲུལ་བྱེ་བ་མཐའ་ཡས་པ། །དགྲ་བགེགས་རྡུལ་བཞིན་བརླག་མཛད་པ། །མཐུ་ཆེན་དཔའ་བོའི་ཐུགས་དམ་བསྐང་། །ཧཱུྃ། དཔལ་ལྡན་མགོན་པོ་ཁྱོད་ཀྱི་སྐུ། །དུས་མཐའི་ཆར་སྤྲིན་ཆེར་གནག་ཅིང་། །ཉི་མ་འབ…

ཅིང་རྒྱུན་དུ་མཆོད་པ་ཡིས། །དཔལ་མགོན་སྐུ་ཡི་ཐུགས་དམ་བསྐང་། །སྣ་ཚོགས་རིན་ཆེན་ལས་གྲུབ་པའི། །དབུ་རྒྱན་མགུལ་རྒྱན་སྙན་ཆ་དང་། །དཔུང་རྒྱན་ལག་གདུབ་དོ་ཤལ་དང་། །རྐང་གདུབ་སོར་གདུབ་རིན་ཆེན་རྒྱན། །ཀླུ་ཆེན་བརྒྱད་ཀྱི་སྦྲུལ་རྒྱན་དང་། །རབ་མཛེས་དར་གྱི་ལྷབ་ལྷུབ་དང་། །སྟག་ལྤགས་ཤམ་ཐབས་ལ་སོགས་པས། །མ་ཧཱ་ཀཱ་ལའི་ཐུགས་དམ་བསྐང་…

བདག་ཅག་འཁོར་བཅས་ལ། །ནད་དང་གདོན་གྱིས་གནོད་པ་སོགས། །ལུས་ཀྱི་བར་ཆད་ཞི་བ་དང་། །ཚེ་དང་བསོད་རྣམས་རྒྱས་པར་མཛོད། །ཧཱུྃ། ནག་པོ་ཆེན་པོ་ཁྱོད་ཀྱི་གསུང་། །བཞད་སྒྲ་སྔགས་ཀྱི་ང་རོ་ཡིས། །འབྲུག་སྟོང་གྲགས་པ་ཟིལ་གནོན་ཅིང་། །བདུད་དང་ལོག་འདྲེན་སྙིང་རབ་འགས། །དེ་འདྲའི་གསུང་གི་རྣལ་འབྱོར་ནི། །རབ་ཏུ་གསལ་བར་བསྒོམ་པ་དང་། །དྲན་ད…

དབྱངས་སྙན་པ་ཡི། །བསྟོད་ཚིག་ཟབ་མོ་དཔག་མེད་རྣམས། །སྙན་ཅིང་བརྗིད་པས་བསྟོད་པ་དང་། །བདེ་གཤེགས་གསུང་རབ་བསྒྲགས་པ་དང་། །རྔ་ཆེན་དུང་དང་ཆ་ལང་དང་། །ཅང་ཏེའུ་མཁར་རྔ་དྲིལ་བུ་དང་། །པི་ཝང་ལ་སོགས་སྒྲ་སྙན་གྱིས། །མ་ཧཱ་ཀཱ་ལའི༴ སྣ་ཚོགས་རོལ་མོའི་བྱེ་བྲག་རྣམས། །ནག་པོ་ཆེན་པོ་འཁོར་བཅས་ཀྱི། །གསུང་ལ་མཆོད་པ་འབུལ་བ་ཡིས། །གསུང་ག…

བསྐྱེད་རྫོགས་ཏིང་འཛིན་སྒྲུབ་པ་ཡིས། །དཔལ་མགོན་ཐུགས་ཀྱི་ཐུགས་དམ་བསྐང་། །གྲི་ལྕགས་ཆེན་པོ་ལས་གྲུབ་པའི། །དམ་ཚིག་རྡོ་རྗེ་རྩེ་ལྔ་པ། །རྡོ་རྗེ་གྲི་གུག་འབར་བ་དང་། །ཐོད་ཁྲག་རྣམ་འཕྲུལ་གཎྜི་དང་། །སྣ་ཚོགས་རིན་ཆེན་ལས་གྲུབ་པའི། །འཁོར་ལོ་རིན་ཆེན་པདྨ་དང་། །རྡོ་རྗེ་རྒྱ་གྲམ་ལ་སོགས་པས། །མ་ཧཱ་ཀཱ་ལའི༴ གསེར་དངུལ་བྱེ་རུ་མུ་…

བཅས་ཀྱི། །སྨྱོ་འབོག་སེམས་འཁྲུལ་ལ་སོགས་པ། །སེམས་ཀྱི་བར་ཆད་ཞི་བ་དང་། །བསམ་དོན་ཆོས་བཞིན་རྒྱས་པར་མཛོད། །ཧཱུྃ། ཡོན་ཏན་དཔག་ཡས་མགོན་པོ་ཁྱོད། །སྟོབས་བཅུ་མི་འཇིགས་རྣམ་བཞི་དང་། །མ་འདྲེས་དྲན་པ་ཉེར་བཞག་སོགས། །བསམ་ཡས་ཡོན་ཏན་ཀུན་དང་ལྡན། །དེ་ལྟའི་མགོན་པོའི་ཡོན་ཏན་རྣམས། །དྲན་ཅིང་དད་པ་བསྐྱེད་པ་དང་། །དམ་ཆོས་ཚུལ་བཞིན་…

བྱད་བཀྲ་ཤིས་བརྒྱད། །གསེར་གྱི་གདུགས་མཛེས་ཏོག་ཅན་དང་། །ཡིད་བཞིན་ནོར་བུའི་རྒྱལ་མཚན་དང་། །རྔ་ཡབ་དངུལ་གྱི་ཡུ་བ་ཅན། །འཕན་དང་བ་དན་ལྡ་ལྡི་དང་། །བླ་རེ་ལ་སོགས་རྒྱན་རྣམས་ཀྱིས། །མ་ཧཱ་ཀཱ་ལའི༴ ཡིད་འོང་འདོད་ཡོན་དུ་མ་རྣམས། །ནག་པོ་ཆེན་པོ་འཁོར་བཅས་ཀྱི། །ཡོན་ཏན་མཆོག་ལ་མཆོད་པ་ཡིས། །ཡོན་ཏན་དམ་ཚིག་ཉམས་ཆག་བསྐང་། །བདག་ཅག་ར…

ཕྲིན་ལས་ཐུགས་དམ་བསྐང་། །རལ་གྲི་རྩེ་གསུམ་མདུང་ཐུང་དང་། །སྤུ་གྲི་གསེག་ཤང་ཆུ་གྲི་དང་། །འཕང་མདུང་ཐག་མདུང་མདུང་རིང་དང་། །ཝ་མདའ་ལྕགས་མདའ་མདའ་བོ་ཆེ། །གཞུ་དང་ཕུར་བུ་དམ་ཤིང་དང་། །དགྲ་སྟྭགཏུན་ཤིང་ལྕགས་ཀྱུ་དང་། །དབྱུག་པ་སྟྭརེ་ལ་སོགས་པས། །མ་ཧཱ་ཀཱ་ལའི༴ རྟ་མཆོག་ནག་པོ་རྫུ་འཕྲུལ་ཅན། །སེང་གེ་འགྱིང་འདྲ་རླུང་ལྟར་མགྱོག…

དོམ་ལ་སོགས། །གཅན་གཟན་རྣམ་པ་མང་པོ་ཡིས། །མ་ཧཱ་ཀཱ་ལའི༴ ཁྱུང་དང་ཁུ་བྱུག་ནེ་ཙོ་དང་། །རྨ་བྱ་ངང་པ་ངུར་པ་དང་། །ཤང་ཤང་ཏིའུ་ལ་སོགས་པ། །འདབ་ཆགས་སྣ་ཚོགས་དཀོར་ནོར་གྱི། །མཆོད་འོས་གཟུགས་མཛེས་ཅི་མཆིས་པ། །ཡན་ལག་དབང་པོ་ཡོངས་རྫོགས་ཤིང་། །རྒྱན་རྣམས་ཀུན་གྱིས་བརྒྱན་པ་འདིས། །མ་ཧཱ་ཀཱ་ལའི༴ རི་མོ་རབ་བཀྲ་སྟག་ལྤགས་དང་། །ཐིག་ལེ…

འབྱོར་བདག་ཅག་འཁོར་བཅས་ཀྱི། །དགྲ་དང་ཆོམ་རྐུན་གནོད་པ་སོགས། །ཕྲིན་ལས་བར་ཆད་ཞི་བ་དང་། །གཞན་དོན་ཆོས་བཞིན་རྒྱས་པར་མཛོད། །ཧཱུྃ། དེ་ལས་གཞན་ཡང་མཆོད་པའི་ཚོགས། །ཐུན་མོང་མ་ཡིན་མཆོད་པའི་རྫས། །བདུད་རྩིར་བྱིན་བརླབས་བདུད་རྩི་ལྔས། །མ་ཧཱ་ཀཱ་ལའི༴ ཐབས་ཀྱི་ཡོ་བྱད་ལྕགས་ཀྱུ་ལྔ། །ཤེས་རབ་མཆོད་པ་འབྲུ་བཅུད་ཆང་། །ཡེ་ཤེས་བདུད་ར…

བསྟན་སྲུང་ཆེན་པོའི༴ སྤྲུལ་པའི་ཁྱུང་ཆེན་བྱ་ནག་ཚོགས། །ལྕེ་སྤྱང་མི་ནག་ཁྱི་ནག་དང་། །ཁྲོ་ཆུང་ཕོ་ཉ་ཡང་སྤྲུལ་རྣམས། །མཆོད་སྦྱིན་གཏོར་མས༴ ཡུམ་ཆེན་ཨེ་ཀ་ཛ་ཊི་དང་། །ལྷ་མོ་འདོད་ཁམས་དབང་ཕྱུག་མ། །མ་མོ་མཁའ་འགྲོའི་ཚོགས་བཅས་རྣམས། །མཆོད་སྦྱིན་གཏོར་མས་ཐུགས་དམ་བསྐང་། །དམ་ཅན་གནོད་སྦྱིན་ཡབ་ཡུམ་དང་། །བཀའ་སྡོད་པུ་ཏྲ་མིང་སྲི…

རྗེ་ནག་པོ་ཆེན་པོ་གུར་གྱི་མགོན་པོའི་ཐུགས་དམ་བསྐང་བའི་ཆོ་ག་དམ་པ་ཅུང་གིས་མཛད་པ་ལ་ཚིག་དོན་གྱི་ཆ་མི་བདེ་བ་རྣམས། དཔལ་ཨེ་ཝཾ་ཆོས་ལྡན་གྱི་དགོན་པར་ཨ་ནནྟ་བྷ་དྲས་བཅོས་ཤིང་དག་པར་བགྱིས་པའོ།། །།

དཔལ་ལྡན་ལྷ་མོ་དུད་སོལ་མའི་གནད་བསྐང་བཞུགས་སོ། ། ༈ དཔལ་ལྡན་ལྷ་མོ་ལ་ཕྱག་འཚལ་ལོ། །ལྷ་མོ་དུད་པའི་སོལ་བ་ཅན་གྱི་ཐུགས་དམ་བསྐང་ཞིང་ཕྲིན་ལས་བསྐུལ་པ་ནི། ཧཱུྃ་བྷྱོ། བདག་ནི་རིག་འཛིན་སྒྲུབ་པ་པོ། །བདག་ནི་རྣལ་འབྱོར་དམ་ཚིག་ཅན། །ཁྱོད་ཀྱི་ཐུགས་དམ་བསྐང་བ་ནི། །དམ་ཚིག་གནད་ནས་བསྐུལ་བའི་ཕྱིར། །བྷྱོ། སྔོན་ཚེ་ཤཱཀ་ཐུབ་སྤྱན་སྔ…

ལྷ་དམག་དབུགས་འབྱིན་གནས་འདིར་གཤེགས། །ལྷ་མིན་གཡུལ་བཟློག་གནས་འདིར་གཤེགས། །དོ་ནུབ་སྒྲུབ་པའི་གནས་འདིར་གཤེགས། །དོ་ནུབ་ཆད་དང་ཁྲིམས་ལ་སྤྱོན། །དོ་ནུབ་མནའ་དང་ཐོ་ལ་སྤྱོན། །བོས་ན་སྲུང་མ་སྙན་མ་སྲ། །གཡབ་བོ་སྲུང་མ་སྤྱན་མ་རྟུལ། །བསྟེན་ནོ་སྲུང་མ་རྒྱང་མ་རིང་། །བསྐུལ་ལོ་ལྷ་མོ་ཕྲག་མ་དོག །བསྒྲུབ་བོ་ལྷ་མོ་གོང་མ་གཡེལ། །རྦ…

དམ་ལས་མི་འདའ་སྟེ། །གསང་དམ་གཉིས་པོ་ངས་བསྐང་ངོ་། །གཉིས་ཀ་དམ་ལས་མི་འདའ་འཚལ། །ཀྱེ། གསོན་དང་མི་ཕམ་སྲིད་གསུམ་བདག །རྒྱལ་བའི་བཀའ་ལ་མི་བསྟེན་མེད། །ཟབ་མོའི་དོན་ལ་མི་སེམས་མེད། །བཀའ་དང་དམ་ལ་མི་གནས་མེད། །ཟས་དང་སྐོམ་ལ་མི་ཆགས་མེད། །དོ་ནུབ་ཁྱོད་ཀྱི་ཐུགས་དམ་བསྐང་། །དོ་ནུབ་མཉེས་པའི་ཟས་གཅིག་འདྲེན། །དོ་ནུབ་ཉམས་ཆག་མ་ལུས…

ནག་མོ་ཆེ། །ལྷ་དང་ལྷ་མིན་ཕྱག་བྱས་མ། །བསྟན་པའི་སྲུང་མ་གཤེགས་སུ་གསོལ། །བསྐང་ངོ་ཁྱེད་ཀྱི་ཐུགས་དམ་བསྐང་། །བསྐང་ངོ་དམ་ཅན་སྲུང་མའི་ཚོགས། །མཆོད་པའི་དམ་རྫས་ཡིན་པའི་ཕྱིར། །མདའ་དར་ནག་པོས་ཐུགས་དམ་བསྐང་། །བསྟེན་པའི་དམ་རྫས་ཡིན་པའི་ཕྱིར། །ཕྱི་ནང་གསང་གསུམ་ཐུགས་དམ་བསྐང་། །རྟག་ཏུ་མི་འབྲལ་འགྲོགས་པའི་ཕྱིར། །རྟག་གཏོར་ཆེ…

པའི་ཕྱིར། །བོང་བུ་གྭ་པས༴ མི་ལྡོག་དམ་ལ་གནས་པའི་ཕྱིར། །གཟུངས་སྔགས་སྙིང་པོས༴ སྤྱན་གྱི་དབང་པོ་ཚིམ་བྱའི་ཕྱིར། །ཞུན་ཆེན་མར་མེས༴ སྙན་གྱི་དབང་པོ་ཚིམ་བྱའི་ཕྱིར། །མི་རྐང་གླིང་བུས༴ ཤངས་ཀྱི་དབང་པོ་ཚིམ་བྱའི་ཕྱིར། །ཚིལ་ཆེན་གསུར་གྱིས༴ ལྗགས་ཀྱི་དབང་པོ་ཚིམ་བྱའི་ཕྱིར། །ཤ་ཁྲག་དམར་གྱིས༴ ལྷ་མོའི་སྐུ་ལ་བརྒྱན་པའི་ཕྱིར། །ག…