༄༅། །ཡེ་ཤེས་མགོན་པོ་ཕྱག་བཞི་པའི་མན་ངག་བསྙེན་སྒྲུབ་ལས་གསུམ་གྱི་ཟིན་བྲིས་བཞུགས་སོ། །

ན་མོ་ཤྲཱི་མ་ཧཱ་ཀཱ་ལ་ཡེ། དཔལ་ནག་པོ་ཆེན་པོ་ལ་ཕྱག་འཚལ་ལོ། །འདིར་ཡེ་ཤེས་ཀྱི་མགོན་པོ་ཕྱག་བཞི་པའི་ཆོ་ག་རྗེ་བཙུན་དབང་ཕྱུག་རྡོ་རྗེས་བསྩལ་བ་འདི་ལ་ཉེ་བར་མཁོ་བའི་དམིགས་རིམ་ཅུང་ཟད་བཀོད་ན་བཀའ་ཡིས་གནང་བ་སྩོལ་ཞིང་བྱིན་གྱིས་བརླབ་ཏུ་གསོལ། དེ་ཡང་སྤྱིར་མགོན་པོ་འདི་ཡི་བདག་བསྐྱེད་བདེ་མཆོག་ཡིན་མོད། དབང་ཕྱུག་རྡོ་རྗེས་བདེ་…

སྐད་ཅིག་གཡེལ་བ་མེད་པར་སྐྱོང་བར་གསུངས་པ་དང་། སངས་རྒྱས་ཀྱི་བསྟན་པ་མཐའ་དག་གི་སྲུང་མ་ཡིན་པས་ཡི་དམ་གང་བསྒོམས་ཀྱང་མི་འགལ་ཞིང་། ཐུགས་རྗེ་ཆེན་པོ་དང་མགོན་པོ་སྦྲགས་ཏེ་བསྒྲུབ་པའི་མན་ངག་སོགས་ཀྱང་ཡོད་པས། ཐུགས་རྗེ་ཆེན་པོ་དང་སྦྲེལ་ཏེ་ཐུགས་རྗེ་ཆེན་པོའི་སྤྲུལ་པ་ཡིན་པས་སོ། །ཡང་བསིལ་བ་ཚལ་དུ་ཨོ་རྒྱན་རིན་པོ་ཆེས་ལས་མགོན་…

སྤྲོས་ན་གོང་ནོན་སླ་ཞིང་འཇམ་ལ་ཧཱུྃ་དེ་ཡོངས་སུ་གྱུར་པ་ལས་རྡོ་རྗེ་གྲི་གུག་ཧཱུྃ་གིས་མཚན་པར་བསམ། དེས་ནི་མ་ཆུན་ནག་པོ་ཆེན་པོ་སྲས་སུ་བྱ་བའི་མན་ངག་གོ། །དེ་ནས་གྲི་གུག་ཧཱུྃ་གིས་མཚན་པ་ལས་འོད་ཟེར་འཕྲོས། བདུད་དང་ལོག་འདྲེན་གདུག་པ་ཅན་ཐམས་ཅད་ཚར་བཅད། དེ་རྣམས་ཀྱི་ནུས་པ་ཐམས་ཅད་དང་ཁྱད་པར་འཇིག་རྟེན་ཁམས་ཀྱི་ལྷ་མ་སྲིན་སྡེ་…

བསྐྱེད། དེ་ཡང་བསྙེན་པའི་དུས། སྐུ་མདོག་མཐིང་སྐྱ་ཞལ་ཁྲོ་འཛུམ་སྤྱན་སྒྲུབ་པ་པོ་ལ་གཟིགས་པ། དབུ་སྐྲ་སེར་པོ་གྱེན་དུ་བརྫེས་པ། ཕྱག་གཡས་དང་པོས་བེ་ཏའི་འབྲས་བུ། གཡོན་པས་ཐོད་པ་བདུད་རྩིས་གང་བ། འོག་མ་གཉིས་ཀྱིས་རལ་གྲི་དང་ཁ་ཊྭཱཾ་ཡང་དྲང་པོར་བསླང་བ། སྐུ་ལ་རིན་པོ་ཆེ་སྣ་ཚོགས་པས་བརྒྱན་ཅིང་མེ་རི་དཀར་སེར་གྱེན་དུ་འབར་བ། ཞབས…

བསྐྱེད། ལས་སྦྱོར་དུས། སྐུ་མདོག་མཐིང་ནག་ཞལ་རབ་ཏུ་ཁྲོས་པ་སྤྱན་སྒྲུབ་པ་པོ་ལ་འབུར་ཚུགས་སུ་གཟིགས་པ། དབུ་སྐྲ་ཁམ་ནག་ཐུར་དུ་གྲོལ་བ། ཕྱག་གཡས་གཡོན་དང་པོ་གཉིས་གྲི་གུག་གིས་སྙིང་ཁྲག་དཀྲུག་པ། འོག་མ་གཉིས་རལ་གྲི་དང་ཁ་ཊྭཱཾ་གཉིས་བསྒྲུབ་བྱ་ལ་བསྣུན་པ། སྐུ་ལ་དུག་སྦྲུལ་གྱི་ལྷུ་ཚིགས་ཀྱིས་བརྒྱན་ཅིང་དོ་ཤལ་བྱས་པ། མེ་རི་དམར་ན…

སྒྲུབ་པའམ་ནང་སྒྲུབ་ལྟར་བྱས་ཀྱང་རུང་སྟེ། རྒྱུད་ཆེན་པོ་ཉི་ཤུ་རྩ་ལྔའི་དོན་ཐམས་ཅད་མན་ངག་གིས་བསྡུས་ཏེ། གཙོ་བོ་ལ་ཡེ་ཤེས་མགོན་པོའི་རྒྱུད་ལྔའི་དོན་བསྡུས་ལས་ཀྱི་མགོན་པོའི་རྒྱུད་ལྔའི་དོན་བྱ་སེང་གཉིས་ལ་འདུས། ཡུམ་དང་མཁའ་འགྲོ་མ་བརྒྱད་ལ་ཡུམ་རྒྱུད་ལྔ་ཡི་དོན་བསྡུས། གཙོ་བོ་དང་ལེགས་ལྡན་གཉིས་ལ་སྐུ་གསུང་ཐུགས་ཡོན་ཏན་ཕྲི…

བཀའ་སྡོད་ལྟར་བསྒྲུབ་པ་སྟེ་གཞལ་ཡས་ཁང་མི་དགོས་སོ། །དེ་ཡང་དབང་པོ་རབ་འབྲིང་གིས་གཙོ་བོ་ཕྱག་བཞི་པ་འཁོར་བཅས་ལ། འཁོར་ཆོས་སྐྱོང་ཐམས་ཅད་སོ་སོའི་རྒྱན་ཆ་ལུགས་འཁོར་སྤྲུལ་པ་དང་བཅས་པ་སོ་སོར་མ་འདྲེས་པར་འཇའ་ཤ་བ་ལྟར་དུས་གཅིག་ལ་བསྐྱེད། འབྲིང་གཙོ་བོ་ཕྱག་བཞི་པ་ལྷ་བཅུ་གསུམ་པ་ལ་འཁོར་ལྷ་མགྲོན་རྣམས་གཙོ་བོར་གསལ་ཞིང་འཁོར་མོས་…

དམ་སངས་རྒྱས་བྱང་ཆུབ་སེམས་དཔའ་ཁྲོ་བོ་ཁྲོ་མོ་མཁའ་འགྲོ་ཆོས་སྐྱོང་ཐམས་ཅད་ཀྱི་སྐུ་ཡི་ནུས་པ་དང་བྱིན་རླབས། སྣང་སྲིད་ལྷ་འདྲེ་མི་གསུམ་གྱི་ལུས་ཀྱི་སྟོབས་དང་ནུས་པ་ཐམས་ཅད་འཁོར་ལོ་དཀར་པོ་དང་འོད་ཟེར་དཀར་པོའི་རྣམ་པར་བསྡུས། མགོན་པོའི་དཔྲལ་བར་ཐིམ་པས་ཟླ་བའི་གདན་ལ་ཨོཾ་དཀར་པོས་མཚན་པ་རྒྱལ་བ་སྲས་བཅས་ཀྱི་སྐུ་དང་དབྱེར་མེད་…

ཐུགས་ཀྱི་བྱིན་རླབས་དང་མཐུ་སྟོབས་ནུས་པ་སྣང་སྲིད་ཀྱི་སེམས་ཀྱི་ནུས་མཐུ་སྟོབས་དང་མངོན་ཤེས་ཐམས་ཅད་རྡོ་རྗེ་སྔོན་པོ་དང་འོད་ཟེར་སྔོན་པོའི་རྣམ་པར་བསྡུས་ནས། མགོན་པོའི་ཐུགས་ཀར་ཐིམ་པས་སངས་རྒྱས་ཐམས་ཅད་ཀྱི་ཐུགས་དང་དབྱེར་མེད་ཅིང་སྣང་སྲིད་ཀྱི་སེམས་ལ་དབང་བསྒྱུར་ནུས་པ་དང་ལྡན་པར་བསྒོམས་ལ། དེ་ཡང་འཁོར་རྣམས་ལ་བྱིན་རླབས་མ…

རང་རང་གི་གནས་ནས་ཆོས་སྐྱོང་ལྷ་མགྲོན་ཐམས་ཅད་དང་། གཞལ་ཡས་ཁང་ཕྱོགས་བཅུའི་བླ་མ་ཡི་དམ་མཁའ་འགྲོ་ཁྲོ་བོ་ཁྲོ་མོ་རྒྱལ་བ་སྲས་དང་བཅས་པ་ཐམས་ཅད་ཡེ་ཤེས་ཀྱི་མགོན་པོའི་རྣམ་པར་སྤྱན་དྲངས་མདུན་གྱི་ནམ་མཁར་བྱོན། ཡང་བདག་གི་ཐུགས་ཀ་ནས་རྗེ་བཙུན་མ་དམར་མོ་སྐུ་ཆུང་ལ་མཛེས་ཤིང་ཆགས་པའི་ཉམས་ཅན་ཞིག་ཤད་ཀྱིས་སོང་ནས། བསིལ་བ་ཚལ་དུ་བཞུགས…

གཉིས་སུ་མེད་པར་གྱུར་ཅེས་པ་ནི་སྤྱན་འདྲེན་དམིགས་པ་སྟེ་མགོན་པོ་དབང་དུ་བསྡུ་བའི་མན་ངག་གོ། །དེ་ནས་གདན་འབུལ་བཞུགས་གསོལ་ནི་སྔགས་ཙམ་གྱིས་ཆོག་པས། དམ་ཚིག་པ་ལ་དང་པོ་ནས་གདན་བསྐྱེད་ནི་ཡོད་ཀྱང་། རང་ཉིད་ཚེ་རིང་བ་དང་མངའ་ཐང་དར་ཞིང་ཆོས་སྲིད་བརྟན་པའི་རྟེན་འབྲེལ་དུ་གདན་འབུལ་ཏེ། ཡིད་ལས་གྲུབ་པའི་རིན་པོ་ཆེའི་ཁྲི་དང་པདྨ་ཉི…

རྒྱལ་བ་སྲས་བཅས་བླ་མ་ཡི་དམ་ཡེ་ཤེས་ཀྱི་ཁྲོ་བོ་ཁྲོ་མོ་མཁའ་འགྲོ་དཔའ་བོ་ཆོས་སྐྱོང་ཐམས་ཅད་ཀྱི་གནས་ལྔ་ནས། ཨོཾ་དཀར་པོ། ཨཱཿདམར་པོ། ཧཱུྃ་མཐིང་ནག །སྭཱ་སེར་པོ། ཧཱ་ལྗང་ཁུ་རྣམས་དང་འཁོར་ལོ་པདྨ་རྡོ་རྗེ་རྒྱ་གྲམ་དབྱངས་གསལ་རྟེན་འབྲེལ་སྙིང་པོ་དང་འོད་ཟེར་ཁ་དོག་སྣ་ཚོགས་ཆར་ཆེན་པོ་ལྟར་བྱུང་ནས་མགོན་པོའི་གནས་ལྔར་ཐིམ། ཡང་སྲན་…

མནོན་ཅིང་དབང་དུ་བསྡུ་བར་གྱུར་པས་མཆོད་པའི་ལྷ་མོ་ཤ་སྟག་ཏུ་གྱུར་ནས་མཆོད་པ་དཔག་ཏུ་མེད་པས་མཆོད་ཅིང་གླུ་དབྱངས་རོལ་མོ་སྣ་ཚོགས་དང་བཅས་འཁོར་འདས་ཐམས་ཅད་ཀྱི་དབང་ཕྱུག་བསྟན་པའི་བདག་པོ་ཆེན་པོར་གྱུར། མངའ་གསོལ་ཞིང་བསྟོད་པར་དམིགས་ལ། ཧཱུྃ་ལས་སྐྱེས་པའི་ཞེས་སོགས་ནས་དམ་ཅན་ཁྱོད་ལ་བདག་བསྟོད་དོ། །ཞེས་པའི་བར་བརྗོད་པ་ནི་མཐུ་…

བཅས་ནས་འདར་ཕྲི་ལི་ལི་བྱེད་པར་བསམས་ལ། དམ་ལ་མ་མདའ་ནག་པོ་ཆེ། །སོགས་ནས་ཧ་ན་ཧཱུྃ་ཕཊ་ཀྱི་བར་བརྗོད། སྔོན་གྱི་དམ་ཚིག་གཉེན་པོ་དགོངས། །ཞེས་པའི་སྐབས་སུ། རྡོ་རྗེ་འཆང་དང་བདེ་མཆོག་གསང་བའི་བདག་པོ་ཀླུ་སྒྲུབ་རྒྭ་ལོ་དུས་མཁྱེན་མཁའ་སྤྱོད་པ་ཡབ་སྲས་ཞྭ་དམར་དྲུག་པ་ན་རིམ་སོགས་ཀྱིས་བཀའ་བསྒོས་དམ་བཞག་ཐམས་ཅད་མི་བསྙེལ་བར་རྗེས་སུ…

འཚུབ་ཆེ་ན་བདེ་མཆོག་སྐུ་ཆེ་བ་ཉི་མ་འབུམ་གྱི་གཟི་བརྗིད་ཅན། ཡང་རྟགས་བུལ་དོགས་ན་སོར་བཞི་ཙམ་ཞིག་བསྒོམ། དེ་ཡང་དྲི་མ་དག་ཟེར་བ་ནི་ལྷ་ལ་དྲི་མ་ཡོད་པ་མ་ཡིན་ཏེ་རང་གི་རྣམ་རྟོག་གི་དྲི་མ་སྦྱང་བའི་ཕྱིར་རོ། །དེ་ནས་བདེ་མཆོག་ཡབ་ཡུམ་སྙོམས་པར་ཞུགས་པའི་སྒྲས་སངས་རྒྱས་བྱང་སེམས་སྤྱན་དྲངས་ནས་བདེ་མཆོག་གི་ཞལ་དུ་ཞུགས་སྐུ་ཡི་དབྱི…

ཟད་རྩུབ། དེ་ནས་ཕྱག་དྲུག་པ་སོགས་ལྷ་མགྲོན་ཐམས་ཅད་ལ་རང་རང་གི་རིགས་བདག་བསམ། ཡང་ན་མི་བསྐྱོད་པས་དབུ་བརྒྱན་པར་བསྒོམ། ཡང་འཁོར་ཐམས་ཅད་ལ་མི་བསྐྱོད་པས་དབུ་བརྒྱན་ན་རྒྱུད་འཇམ་པའི་གནད་ཡོད་དོ། །དེ་ནས་བསྙེན་པ་བྱ་བ་ནི། ཕྲེང་བ་དབྱངས་གསལ་ཞུ་བ་ལ་མི་མགོའི་ཕྲེང་བར་བསྒོམ་ཞིང་། ཨོཾ་རུ་ཙི་ར་མ་མ་ཎི་པྲ་ཝརྡ་ན་ཡེ་སྭཱ་ཧཱ། ཞེས་བད…

ཚོགས་པའི་རྣམ་པར་མགོན་པོའི་ཞལ་ནས་ཐོན། རང་གི་ཞལ་དུ་ཞུགས་ནས་རང་གི་ཐུགས་ཀའི་ས་བོན་དང་སྔགས་ཕྲེང་ལ་ཐིམ་པས་ཡེ་ཤེས་ཀྱི་མགོན་པོའི་བྱིན་རླབས་དང་དངོས་གྲུབ་ཐམས་ཅད་བདག་གིས་ཐོབ་ཅིང་། དེ་མ་ཐག་མགོན་པོ་འཁོར་དང་བཅས་པ་ལས་སྤྲུལ་པའི་ཕོ་ཉ་ཞི་བའི་ལས་མཛད་དཀར་མོ་འབུམ་སྡེ་ལྷ་བརྒྱད་ཀླུ་བརྒྱད་སོགས་སྤྲོས་ནས་ནད་གདོན་བར་ཆད་ཐམས་ཅད…

ཐུགས་ཀ་ནས་འོད་ཟེར་སྣ་ཚོགས་འཕྲོས་རང་གི་ཞལ་ནས་ཐོན། མཆོད་པའི་ཚུལ་དུ་མགོན་པོའི་ཞལ་དུ་ཞུགས་མགོན་པོའི་ཐུགས་ཀའི་ཧཱུྃ་ལ་ཐིམ་པས་ཐུགས་རྒྱུད་བསྐུལ། ཧཱུྃ་དེ་ལས་འོད་ཟེར་ཁ་དོག་སྣ་ཚོགས་བྱུང་མགོན་པོའི་ཐུགས་ཀ་ནས་དངོས་གྲུབ་དང་བྱིན་རླབས་ཀྱི་ཚུལ་དུ་ལྟེ་བ་ནས་ཐོན། རང་གི་ལྟེ་བར་ཞུགས་ཐུགས་ཀའི་ཧཱུྃ་ལ་ཐིམ་པས་དངོས་གྲུབ་ཐོབ་པར…