བཞུགས་ལོང་མེད་པར་དགོངས་ནས་ཆོས་བཞིན་འདུལ་བ་བཞིན་སྟོན་པའི་བསྟན་པ་རྒྱས་པར་མཛད། དཔལ་ལྡན་ཁ་རག་སྒོམ་པ་སྣེའུ་ཀེ་རུ་ན། ལོ་མ་ཅུང་ཟད་ལ་བརྟེན་ནས་ཡུན་རིང་པོར་རྩེ་གཅིག་ཏུ་སྒྲུབ་པ་མཛད་པས། ཇ་མགྲོན་པ་ཞིག་དད་ནས་ལན་གཅིག་ཇ་བག་ཆེན་པོ་གཅིག་ཕུལ་བས། དེར་ཞོག་གསུངས་ནས་བྲག་རྩ་ཞིག་ཏུ་བཞག །ཡང་ལོ་ཧྲིལ་པོ་གསུམ་སོང་བ་ན་ཁོས་ཇ་བག་ཆ…

རྣམ་ཐར་རང་གི་སྒོ་གསུམ་གྱི་ཐོག་ཏུ་བླངས་ཏེ། སྔར་བཞིན་བླ་མ་དཀོན་མཆོག་གི་རྣལ་འབྱོར་བསྒོམས་ནས། དམ་པའི་རྣམ་ཐར་ཟིན་པར་བྱིན་གྱིས་རློབས། །ཚེ་འདིའི་ཞེན་པ་བྲལ་བར་བྱིན་གྱིས་རློབས། །ལོང་མེད་ལྕག་གིས་འབྲབ་པར་བྱིན་གྱིས་རློབས། །སྒྲུབ་པ་སྙིང་པོར་བྱེད་པར་བྱིན་གྱིས་རློབས། །ཞེས་གསོལ་བ་དྲག་ཏུ་བཏབ། མོས་གུས་བཅོས་མིན་དུ་དུང…

མཐའ་ཡས་ཤིང་གསོན་རྐྱེན་གྱིས་ཀྱང་གསོད་པ་ཕལ་ཆེ། རང་ཉིད་ཆོས་འཇིག་རྟེན་གཉིས་ཀ་ནས་དཔལ་འབྱོར་ཅི་འཛོམ་ཡང་འཆི་བ་ལས་ཐར་པའི་ཐབས་མེད་གཉེན་བཤེས་འཁོར་སློབ་ཅི་འཛོམ་ཡང་ར་མདས་འཆི་བ་ཟློག་མི་ཐུབ། སྟོང་གསུམ་རིན་ཆེན་སྣ་བདུན་གྱི་ནོར་གྱིས་བཀང་ཡང་འཆི་བ་བསླུ་བའི་ཐབས་མེད། དེ་ལྟར་འཆི་བ་དགུ་རུབ་ཏུ་བསྒོམས་པས་འཆི་བར་ཐག་ཆོད་པའི་ཚ…

གསོལ་བ་བཏབ་སྟེ། ཚེ་འདིའི་འབྲེལ་ཐག་ཀུན་བཅད་ནས། ན་མེད་བྱ་བྲལ་ལ་གཏད་པའི་དམ་ཆོས་བསྒྲུབ་པར་བྱའོ། ། ༢༡ སྒོ་སྣ་ཚོགས་ལ་བརྟེན་ནས་མི་རྟག་པ་བསྒོམ་པའི་ཚུལ་ནི། མིག་རྣ་སྣ་ལྕེ་ལུས་ཡིད་ཀྱི་ཡུལ་དུ་གཟུགས་སྒྲ་དྲི་རོ་རེག་བྱ་ཆོས་སུ་སྣང་བ་ཐམས་ཅད་སྐད་ཅིག་ཀྱང་མི་གནས་པས་བརྟག་ཅིང་དཔྱད་ན་ཡད་ཡུད་ཟང་ཟིང་ལང་ལོང་ལས་བརྟན་ཚུགས་པ་གཅ…

མཉམ་པར་བཞག །སླར་རྟོག་པ་འཕྲོ་ན་རྟོག་པ་གཞན་གྱིས་བར་མ་ཆོད་པར་སྔར་ལྟར་བསྒོམས་ནས། གསོལ་བ་བཏབ། གང་ཤར་གང་དྲན་མཐོང་ཐོས་ཐམས་ཅད་བདེན་མེད་སྒྱུ་མ་ལྟ་བུ་མི་རྟག་པའི་གསལ་འདེབས་སུ་ཤར་བས་ཚེ་འདི་དང་མ་འདྲེས་པའི་སྒྲུབ་པ་ལ་འབད་པར་བྱའོ། ། ༢༢ འཆི་ཚུལ་བསམ་པ་དངོས་ལ་བརྟེན་ནས་མི་རྟག་པ་བསྒོམ་པ་ནི། དུག་མེ་སོགས་གློ་བུར་གྱི་ཡེ་འད…

ཕྱེད་ལབ་ལོང་མེད་པར་འབྱུང་བ་རིམ་གྱིས་སྡུད་པས་ཁ་སྣ་སྐམ། གདོང་ལ་རྡུལ་ཆགས། ལུས་ཀྱི་དྲོད་མཐའ་ནས་སྡུད། སེམས་འཇིགས་སྐྲག་དང་བཅས་པས་ཙབ་ཙུབ་ལང་ལོང་ཕྱད་ཕྱོད་དུ་ས་འོག་ཏུ་ལྷུང་བ་སྙམ་བྱེད་ཅིང་། ཉེ་དུའི་གདོང་ལ་ཧར་ཧར་བལྟ། གོས་ལ་ནོམ་ནོམ་འཇུ། ཅི་བྱེད་གཏོལ་མེད། དབུགས་ནི་ཁ་སྣ་གཉིས་ཀ་ནས་ཀྱང་གཤོ་ཡང་གཤོ་བའི་ངང་ལ་ནང་དུ་ལྡོ…

ལ་བཟོད་མེད་དུ་སྙིང་རྗེ་སྐྱེས་པ་ན། བླ་མ་དཀོན་མཆོག་རང་ལ་བསྟིམས་ཏེ། སེམས་ཉིད་སྐྱེ་འགག་གནས་པ་དང་བྲལ་བ། སྐྱེ་འཆི་མེད་པ་སྤྲོས་བྲལ་གྱི་དོན་ལ་མཉམ་པར་བཞག །རྟོག་པ་འཕྲོ་ན་རྟོག་པ་གཞན་གྱིས་བར་མ་ཆོད་པར་སྔར་བཞིན་བསྒོམས་ནས་གསོལ་བ་གདབ། སྤྱོད་ལམ་ཀུན་ཏུ་འཆི་བ་མི་རྟག་པས་རྒྱུད་འཁུལ་ཏེ། ཚེ་འདིའི་བྱ་བ་ལ་ཞེན་པ་ལོག་པས་དལ་བ་…

ཡང་ལས་འབྲས་བསླུ་བ་མེད་པ་ཇི་ལྟར་འགྱུར་བ་ནི། མི་དགེ་བཅུ་པོ་ཤས་ཆེར་སྤྱད་པས་དམྱལ་བ། འབྲིང་དུ་སྤྱད་པས་ཡི་དྭགས། ཆུང་ངུ་སྤྱད་པས་དུད་འགྲོར་སྐྱེ་སྟེ་རྣམ་སྨིན་གྱི་འབྲས་བུའོ། །རྒྱུ་མཐུན་གྱི་འབྲས་བུ་ལས། མྱོང་བ་རྒྱུ་མཐུན་གྱི་འབྲས་བུ་ནི། སྡུག་བསྔལ་བཟོད་པར་དཀའ་བ་དཔག་ཏུ་མེད་པ་ཉམས་སུ་མྱོང་། བྱེད་པ་རྒྱུ་མཐུན་གྱི་འབྲས…

འཁྲུགས་བསམ་པ་ངན། སྦྱོར་བ་རྩུབ། དེས་མཐུར་དུ་ཕྱོགས་པ་ཉིད་ལས་གཞན་མ་ཡིན། བྱེད་པ་རྒྱུ་མཐུན་ནི། དེར་ཡང་མི་དགེ་བ་དེ་དང་དེ་དག་བྱེད་པར་འདོད། བདག་པོའི་འབྲས་བུ་ནི། སྲོག་བཅད་པས་ས་ཕྱོགས་གཟི་ཆུང་བར་སྐྱེ། མ་བྱིན་པ་བླངས་པས་ལོ་ཏོག་དགྲ་བོས་འཇོམས། འདོད་ལོག་གིས་རྡུལ་གྱིས་འཁྲིགས། རྫུན་གྱིས་དྲི་ང་། ཕྲ་མས་མཐོ་དམན་ཅན། ཚིག་…

ཕུན་སུམ་ཚོགས་པ་ཐོབ། དེ་དག་རྣམས་སུ་མྱོང་བ་རྒྱུ་མཐུན་ཡང་བདེ་བ་འབའ་ཞིག་མྱོང་། བྱེད་པ་རྒྱུ་མཐུན་སྡིག་པའི་སེམས་དང་བྲལ། དགེ་བར་གནས། བདག་པོའི་འབྲས་བུ་ཡུལ་ཕུན་སུམ་ཚོགས་པ་འགྲུབ། འདི་རྣམས་ལས་དཀར་རྣམ་སྨིན་དཀར་བ་ཡིན་ཏེ། སྐྱེས་བུ་ཆུང་ངུ་ངན་སོང་གི་སྡུག་བསྔལ་ལ་འཇིགས་ཤིང་སྐྲག་པས་དེའི་རྒྱུ་ཀུན་འབྱུང་སྡིག་པ་ཕྲ་བ་ཡང་ས…

ལྟར་བླ་མ་དཀོན་མཆོག་གི་རྣལ་འབྱོར་བསྒོམ། གསོལ་བ་གདབ། སྡིག་པས་གོས་པ་མེད་པ་དང་། བརྩོན་པས་དགེ་བ་ལ་འཇུག་པར་བྱའོ། ། ༢༥ མྱང་འདས་ཀྱི་རྒྱུ་འབྲས་ལ་བསམ་པ་ནི། འཁོར་བ་མཐའ་དག་སྡུག་བསྔལ་དུ་མཐོང་ནས་དེ་སྤོང་བའི་ཐར་པ་དམ་པ་ཐོབ་པར་འདོད་པ་སྟེ། ༧ ཕྱི་རོལ་མུ་སྟེགས་བྱེད་རྣམས་ཀྱང་ཐར་པ་འདོད་པས་ཚངས་པ་དང་ཁྱབ་འཇུག་དང་དབང་ཕྱུག་ལ་…

མི་འོང་གི་ལམ་གྱིས་ཉོན་མོངས་པའི་འཆིང་བ་མཐའ་དག་ལས་དགྲོལ། འཁོར་བའི་རྒྱ་མཚོའི་ཕ་རོལ་ཏུ་ཕྱིན། རང་ལམ་གྱི་སྤངས་རྟོགས་མཐར་ཐུག་པས་དགྲ་བཅོམ་ནས་ལྷག་བཅས་ལྷག་མེད་ཀྱི་མྱང་འདས་ཞི་བ་ཆེན་པོའི་གོ་འཕང་ཐོབ། རང་སངས་རྒྱས་རྣམས་ནི་སྔོན་གྱི་སྨོན་ལམ་གྱི་དབང་གིས་སངས་རྒྱས་མི་བཞུགས་པའི་ཞིང་དུ་སློབ་དཔོན་མེད་པའི་རང་བྱུང་གི་སྡོམ་པ…

ཅད་དྲིན་དཔག་ཏུ་མེད་པ་ལན་གྲངས་བསམ་གྱིས་མི་ཁྱབ་པས་བསྐྱངས་པའི་ཕ་མར་ཤེས་ནས། བཟོད་གླགས་མེད་པའི་སྙིང་རྗེ་ཆེན་པོས་བདག་ལས་གཞན་གཅེས་པར་འཛིན་པའི་ལྷག་བསམ་གྱིས་དེ་དག་འཁོར་བའི་རྒྱ་མཚོ་ཆེན་པོ་ལས་བསྒྲལ་ནས་ཐར་པ་དང་ཐམས་ཅད་མཁྱེན་པའི་གོ་འཕང་ལ་འགོད་པར་འདོད་པ་ལ། དེ་རྫོགས་པའི་སངས་རྒྱས་མ་ཡིན་པ་གང་གིས་ཀྱང་མི་ནུས་པར་ཤེས་པས།…

དང་ལྡན་པའི་ཆོས་སྤྱི་དང་རང་གི་མཚན་ཉིད་ལ་མཁས་པས་ཤེས་བྱ་མ་འདྲེས་པ་སོ་སོར་འབྱེད་པའི་ཤེས་རབ་ཟབ་མོ་དང་ལྡན། སྨོན་ལམ་ཡེ་ཤེས་ཐབས་སྟོབས་ལ་སོགས་པ་ཐབས་མཁས་དུ་མས་ལམ་ལྔར་དྲན་པ་ཉེ་བར་བཞག་པ་བཞི། ཡང་དག་སྤོང་བ་བཞི། རྫུ་འཕྲུལ་གྱི་རྐང་པ་བཞི། དབང་པོ་ལྔ། སྟོབས་ལྔ། བྱང་ཆུབ་ཡན་ལག་བདུན། འཕགས་ལམ་ཡན་ལག་བརྒྱད་རྣམས་ཀྱི་ས་ནས་སར་…

ཆེན་པོའི་དགེ་བའི་བཤེས་གཉེན་དང་མཇལ་བ་འདི་ལ་ཇི་སྐད་རྗེས་སུ་གདམས་པ་བཞིན་ལོག་པའི་ལམ་སྤང་། དམན་པའི་སར་མི་འཇུག །སེམས་ཅན་ལ་བརྩེ་བ་མི་བཟོད་པས་ཐེག་པ་ཆེན་པོའི་ལམ་ཁྱད་པར་ཅན་རྒྱལ་སྲས་རྣམས་ཀྱི་སྤྱོད་པ་ལ་འཇུག་དགོས་པས། བླ་མ་དཀོན་མཆོག་གི་རྣལ་འབྱོར་སྔར་ལྟར་བསྒོམས་ནས། ལོག་པའི་ལམ་ངན་སྤོང་བར་བྱིན་གྱིས་རློབས་ཤིག །ཐུགས་ར…

འགྲུབ་པའི་ལམ་ལ་ལུས་དང་སྲོག་ལ་ཡང་ལྟོས་པ་མེད་པར་ནན་ཏན་སྙིང་པོར་བྱའོ། ། ༢༦ ལས་རྒྱུ་འབྲས་ཀྱི་དོན་དྲིལ་ནས་བསྒོམ་པ་ནི། ང་དང་བདག་ཏུ་འཛིན་པ་འདིས་འཁོར་བར་ལས་ངན་པ་དང་སྡུག་བསྔལ་མི་བཟད་པས་མནར། ང་མེད་བདག་མེད་རྟོགས་པས་མྱ་ངན་ལས་འདས་པའི་བདེ་བ་དམ་པ་ཐོབ་པ་ཡིན་ཏེ། དེའི་ཚུལ་ཡང་རང་གི་ཕུང་པོ་ལྔ་ལ་ང་ཞེས་ཐོག་མ་མེད་པ་ནས་བདག…

ཆེན་དམ་པའི་ཆོས་དགེ་བའི་བཤེས་གཉེན་ལ་རག་ལས་པས་གུས་པས་བསྟེན་ནས་དེའི་མན་ངག་ཟབ་མོ་ཐོས་པས་སྒྲོ་འདོགས་བཅད། བསམ་པས་གཏན་ལ་ཕབ། སྒོམ་པས་ཉམས་སུ་བླངས། དེ་དག་གི་གནད་ཨི་ཐིལ་བ་བདག་གཅེས་པར་འཛིན་པའི་བློ་བྱུང་ན་ཕུང་བྱེད་ཁྱོད་ཀྱིས་སྔོན་ཆད་བདག་ལ་བྱས་པ་གཅིག་ཡོད་ཀྱི། ད་ལན་རྒྱལ་ཕམ་བལྟའོ། །ཞེས་གཅེས་འཛིན་འགོང་པོ་འབུར་འཇོམས་མ…

འདས་པའི་ངང་ལ་ཙན་ནེ་མཉམ་པར་བཞག །རྟོག་པ་འཕྲོ་ན་རྟོག་པ་གཞན་གྱིས་བར་མ་ཆོད་པར་སྔར་བཞིན་བླ་མ་དཀོན་མཆོག་གི་རྣལ་འབྱོར་བསྒོམ། གསོལ་བ་གདབ། ཀུན་རྫོབ་ཏུ་རྟེན་འབྲེལ་ཟབ་མོའི་དོན་ལ་མཁས་པས་ལས་འབྲས་ལ་ཡིད་བརྟན་པ་དང་། དོན་དམ་པར་བདག་མེད་གཉིས་ཀྱི་རྟོགས་པ་མངོན་དུ་འགྱུར་བར་བྱའོ། ། ༢༧ འཁོར་བའི་ཉེས་དམིགས་བསམ་པ་ལ། དང་པོ་སྡུག…

བ་ནི་གྲོང་ཁྱེར་གྱི་བཞི་མདོ་ལ་སོགས་པ་གནས་ལ་ངེས་པ་མེད་པ་སྡུག་བསྔལ་ཀྱང་སྣ་ཚོགས་པ་མྱོང་བ། དམྱལ་བ་དེ་དག་རྣམས་ལ་བདེ་བའི་སྐབས་སྐད་ཅིག་ཀྱང་མེད་པས་སྡུག་བསྔལ་མི་བཟོད་པ་དཔག་པར་དཀའ་བས་མནར་ཏེ། མིའི་ཡུལ་འདི་ན་སྐྱེས་བུའི་ལུས་ལ་མདུང་ཐུང་སུམ་བརྒྱ་དལ་བ་མེད་པར་བཏབ་པའི་སྡུག་བསྔལ་དེས་ནི་དམྱལ་བའི་སྡུག་བསྔལ་ཆུང་ཤོས་ཀྱི་འོ…

འདྲ་ཞེས་ཐོས་པའང་འཇིགས་ཤིང་སྐྲག་པ་ཡང་བག་ཚ་སྙིང་འདར་ན། རྣམ་སྨིན་དངོས་སུ་མྱོང་ན་སྨོས་ཅི་འཚལ་བའི་ཚུལ་ལ་བསམས་ནས། དེའི་རྒྱུ་གཙོ་ཆེར་ཞེ་སྡང་གིས་ཀུན་ནས་བསླངས་པའི་སྡིག་པའི་ལས་སྤང་བར་བྱའོ། །མི་དགེ་བ་བཅུ་འབྲིང་དུ་སྤྱད་པས་ཡི་དྭགས་རྣམས་ཀྱི་སྡུག་བསྔལ་མྱོང་བ་སྟེ། དེའི་རྩ་བའི་གནས་ནི་གླིང་འདིའི་འོག་ཏུ་དཔག་ཚད་ལྔ་བརྒྱ…