པར་འགྱུར། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་རྣམ་པའི་ངོ་བོ་ནི་གང་། སྤྲུལ་པའི་ངོ་བོ་ནི་གང་ལགས། བཅོམ་ལྡན་འདས་ཀྱིས་བཀའ་བསྩལ་པ། །རྣམ་པའི་ངོ་བོ་ལྷ་ཉིད་དེ། །སྤྲུལ་པ་ཚོགས་ཀྱི་བདག་པོར་བཤད། །རྡོ་རྗེ་སྙིང་པོས་གསོལ་པ། བཅོམ་ལྡན་འདས་ཚོགས་ཀྱི་བདག་པོ་ནི་གང་། བཅོམ་ལྡན་འདས་ཀྱིས་བཀའ་བསྩལ་པ། །དབང་གི་ཁ་དོག་དམར་པོ་ས…

གསུངས་པ་ལ་མངོན་པར་བསྟོད་དོ། །ཁ་ཆེའི་མཁན་པོ་ཛྙཱ་ན་བཛྲས་རང་འགྱུར་དུ་མཛད་པ་རྫོགས་སོ།། །།ཡེ་དྷརྨཱ་ཧེ་ཏུ་པྲ་བྷ་བཱ་ཧེ་ཏུན་ཏེ་ཥཱན་ཏ་ཐཱ་ག་ཏ་ཧྱོ་བ་དཏ། ཏེ་ཥཱཉྩ་ཡོ་ནི་རོ་དྷ་ཨེ་བྃ་བཱ་དཱི་མ་ཧཱ་ཤྲ་མ་ཎཱཿ མངྒ་ལཾ་བྷ་བ་ཏུ། ཤུ་བྷ་མསྟུ་སརྦ་ཛཱ་ག་ཏཾ།

༄༅། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ་ཕག་མོ་མངོན་པར་འབྱུང་བའི་རྒྱུད་ཀྱི་རྒྱལ་པོ་ཞེས་བྱ་བ་བཞུགས་སོ། །

རྒྱ་གར་སྐད་དུ། ཌཱ་ཀི་ནཱི་སརྦ་ཙིཏྟ་ཨ་དྭ་ཡ་ཨ་ཙིནྟ་ཛྙཱ་ན་བཛྲ་བཱ་རཱ་ཧི་ཨ་བྷི་བྷ་བ་ཏནྟྲ་རཱ་ཛ་ནཱ་མ། བོད་སྐད་དུ། མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པ་བསམ་གྱིས་མི་ཁྱབ་པའི་ཡེ་ཤེས་རྡོ་རྗེ་ཕག་མོ་མངོན་པར་འབྱུང་བའི་རྒྱུད་ཀྱི་རྒྱལ་པོ་ཞེས་བྱ་བ། མགོན་པོ་དཔའ་བོ་འཇིགས་བྱེད་དཔལ་ཧེ་རུ་ཀ་ལ་ཕྱག་འཚལ་ལོ། །འདི་སྐད་བདག་ག…

དང་། ཡུམ་དམ་ཚིག་སྒྲོལ་མ་དང་། ཡུམ་ཀུན་ཏུ་བཟང་མོ་དང་། དེ་རྣམས་ཀྱི་བྷ་ག་ལ་ལྷན་ཅིག་སྐྱེས་པའི་ཡེ་ཤེས་བསམ་གྱིས་མི་ཁྱབ་པའི་ཚུལ་དུ་བཞུགས་སོ། །དེའི་ཚེ་དེའི་དུས་ན་ཡེ་ཤེས་ཀྱི་མཁའ་འགྲོ་མ་དུར་ཁྲོད་ཀྱི་བདག་མོ་དང་། ཁྲོས་མ་ནག་མོ་དང་། བདེ་ཆེན་དཀར་མོ་དང་། སེར་མོ་དོན་གྲུབ་མ་དང་། དམར་མོ་སྒྲ་སྒྲོག་མ་དང་། སྣ་ཚོགས་མཐར་ཕྱི…

ཚོགས་དཔག་ཏུ་མེད་པ་དང་། གཞན་ཡང་འཇིག་རྟེན་པའི་མེས་པོ་ཚངས་པ་དང་། བརྒྱ་བྱིན་ལ་སོགས་པའི་ལྷའི་ཚོགས་དཔག་ཏུ་མེད་པ་དང་། གཞན་ཡང་རྒྱལ་པོ་ཆེན་པོ་བཞི་པོ་རང་གི་འཁོར་དང་བཅས་པ་དང་། ཕྱོགས་སྐྱོང་བ་བཅུ་དང་། ལྷ་མ་སྲིན་སྡེ་བརྒྱད་དང་། འཁོར་དཔག་ཏུ་མེད་པ་དང་ཐབས་གཅིག་པའི་ཚུལ་གྱིས་གནས་སོ། །ཡང་དེའི་ཚེ་ན་ཡེ་ཤེས་ཀྱི་མཁའ་འགྲོ་མ་…

གཟུགས་བརྙན་ཏེ། །བསམ་གྱིས་མི་ཁྱབ་བཤད་དུ་གསོལ། །རྣམ་རྟོག་སེལ་བྱེད་རྣམ་རྒྱལ་ལྔ། །བསམ་གྱིས་མི་ཁྱབ་བཤད་དུ་གསོལ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བ་ཞེས་བྱ་བ་ལས་གླེང་གཞིའི་ལེའུ་སྟེ་དང་པོའོ།། །།དེ་ནས་མགོན་པོ་དེས་སྤྱན་ཕྱོགས་མཚམས་ཀུན་ལ་གཟིགས་ནས་ཞལ་རྡོ་རྗ…

བསྒྲུབ་པར་བྱ། །ཡེ་ཤེས་ལྔ་ཡི་གཟུགས་བརྙན་དེ། །མ་བཅོས་སེམས་ཀྱིས་བསྒྲུབ་པར་བྱ། །རྣམ་རྟོག་སེལ་བྱེད་རྣམ་རྒྱལ་ལྔ། །མ་བཅོས་སེམས་ཀྱིས་གཅད་པར་བྱ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས། སྟོན་པས་ཞལ་གྱིས་བཞེས་པའི་ལེའུ་སྟེ་གཉིས་པའོ།། །།དེ་ནས་སྟོན་པས་…

བུར་ལྟ་བུར་ཤེས་པར་བྱ། །དེ་ནས་ཡང་གསང་བས་ཚིག་འདི་གསུངས་ཏེ། ཟིལ་གྱིས་གནོན་པ་ལྟ་བའི་མཆོག །སེང་གེ་ལྟ་བུར་ཤེས་པར་བྱ། །ཉམ་ང་མེད་པ་ལྟ་བའི་མཆོག ། གླང་ཆེན་ལྟ་བུར་ཤེས་པར་བྱ། །སྟོབས་དང་ལྡན་པ་ལྟ་བའི་མཆོག །རྟ་མཆོག་ལྟ་བུར་ཤེས་པར་བྱ། །ཀུན་དུ་རྒྱུག་པ་ལྟ་བའི་མཆོག །སྟག་མོ་ལྟ་བུར་ཤེས་པར་བྱ། །འཇིགས་པ་མེད་པ་ལྟ་བའི་མཆོག །…

བ་མཐའ་ཡས་ལྟ་བུར་ཤར། །སྣ་ཚོགས་སྣང་ལ་མ་འདྲེས་པས། །དོན་ཡོད་གྲུབ་པ་ལྟ་བུར་ཤར། །ཞེས་པ་གསུངས་སོ། །མཁའ་འགྲོ་མ་ཐམས་ཅད་ཀྱི་ཐུགས་གཉིས་སུ་མེད་པའི་ཡེ་ཤེས་བསམ་གྱིས་མི་ཁྱབ་པ་ཕག་མོ་མངོན་པར་འབྱུང་བའི་རྒྱུད་ལས་ལྟ་བ་བསྟན་པའི་ལེའུ་སྟེ་གསུམ་པའོ།། །།དེ་ནས་དུར་ཁྲོད་བདག་མོ་དེས། །སྟོན་པ་ལ་ནི་འདི་སྐད་ཞུས། །རྟོགས་པ་ལྟ་བའི་རྗ…

མི་འགེགས་པས། །ཐབས་ཀྱི་ལམ་དུ་ཤེས་པར་བྱ། །ངོ་བོ་ཅི་ཡང་མ་གྲུབ་པས། །ཤེས་རབ་ལམ་དུ་ཤེས་པར་བྱ། །ཆོས་རྣམས་རྒྱུ་མེད་སྒོམ་པའི་མཆོག །སྟོང་པ་ཉིད་ཀྱི་རྣམ་ཐར་ཡིན། །འབྲས་བུ་སྟོང་པ་སྒོམ་པའི་མཆོག །མཚན་མ་མེད་པའི་རྣམ་ཐར་ཡིན། །རྒྱུ་འབྲས་དབྱེར་མེད་སྒོམ་པའི་མཆོག །སྨོན་པ་མེད་པའི་རྣམ་ཐར་ཡིན། །ཀུན་ལ་བྱམས་པ་སྒོམ་པའི་མཆོག །བྱ…

སེམས་དག་པ་སྒོམ་པའི་མཆོག །ཚུལ་ཁྲིམས་ཕ་རོལ་ཕྱིན་པ་ཡིན། །ཇི་མི་སྙམ་པ་སྒོམ་པའི་མཆོག །བཟོད་པའི་ཕ་རོལ་ཕྱིན་པ་ཡིན། །གོ་ཆ་སྦྱོར་བ་སྒོམ་པའི་མཆོག །བརྩོན་འགྲུས་ཕ་རོལ་ཕྱིན་པ་ཡིན། །གཡེང་བ་མེད་པ་སྒོམ་པའི་མཆོག །བསམ་གཏན་ཕ་རོལ་ཕྱིན་པ་ཡིན། །འཁོར་འདས་ཤེས་པ་སྒོམ་པའི་མཆོག །ཤེས་རབ་ཕ་རོལ་ཕྱིན་པ་ཡིན། །ཉོན་མོངས་མི་སྤོང་སྒོམ…

རྒྱུད་ཅེས་བྱ་བ་ལས་སྒོམ་པའི་ལེའུ་སྟེ་བཞི་པའོ།། །།དེ་ནས་དུར་ཁྲོད་བདག་མོ་དེས། །ཧེ་རུ་ཀ་ལ་འདི་སྐད་གསོལ། །གོམས་པར་བྱ་བའི་རྗེས་ཐོབ་ལ། །སྤྱོད་པའི་གོ་རིམ་ཇི་ལྟར་བགྱི། །དེ་ནས་སྟོན་པས་གསང་བའི་ཚིག་འདི་སྐད་ཅེས་བཀའ་བསྩལ་ཏོ། །ཅུང་ཟད་དྲོད་ནི་ཐོབ་པ་དང་། །དེ་ཚེ་སྤྱོད་པ་སྤྱད་པར་བྱ། །དང་པོ་གསང་བའི་སྤྱོད་པ་བྱ། །བྱང་ཆུབ…

སྤྱོད་པའི་མཆོག །སེང་གེ་ལྟ་བུའི་སྤྱོད་པ་བྱ། །ཉམ་ང་མེད་པ་སྤྱོད་པའི་མཆོག །གླང་ཆེན་ལྟ་བུའི་སྤྱོད་པ་བྱ། །ཤུགས་དང་ལྡན་པ་སྤྱོད་པའི་མཆོག །རྟ་མཆོག་ལྟ་བུའི་སྤྱོད་པ་བྱ། །རྣམ་རྟོག་གསོད་པ་སྤྱོད་པའི་མཆོག །སྤྱང་ཀི་ལྟ་བུའི་སྤྱོད་པ་བྱ། །དྲག་ཤུལ་ལྟ་བྱེད་སྤྱོད་པའི་མཆོག །དྲེད་མོ་ལྟ་བུའི་སྤྱོད་པ་བྱ། །དེ་ནས་གཞན་ཡང་བཤད་བྱ…

འཇིགས་པ་མེད་པ་སྤྱོད་པའི་མཆོག །དོམ་བུ་ལྟ་བུའི་སྤྱོད་པ་བྱ། །མཚན་མོ་རྒྱུ་བ་སྤྱོད་པའི་མཆོག །ཞག་མིག་ཅན་གྱི་སྤྱོད་པ་བྱ། །གང་ལ་མི་གནས་སྤྱོད་པའི་མཆོག །བུང་བ་ལྟ་བུའི་སྤྱོད་པ་བྱ། །སྣང་བ་ལྟ་བ་སྤྱོད་པའི་མཆོག །འཕར་བ་ལྟ་བུའི་སྤྱོད་པ་བྱ། །དེ་ལས་གཞན་ཡང་བཤད་བྱ་སྟེ། །དགོས་འདོད་འབྱུང་བ་སྤྱོད་པའི་མཆོག །ནོར་བུ་ལྟ་བུའི་ས…

ན། །བརྟུལ་ཞུགས་མེད་ཀྱང་སངས་རྒྱས་ས་ལ་འགྲོ། །སེམས་ཉིད་གཉིས་ཀྱི་གནད་དང་མ་བྲལ་ན། །བརྟུལ་ཞུགས་སྤྱད་ཀྱང་སྡུག་བསྔལ་སྣ་ཚོགས་སྐྱེ། །བསམ་གྱིས་མི་ཁྱབ་བརྟུལ་ཞུགས་རབ་ལྡན་ན། །རྒྱལ་པོ་རྒྱལ་རིགས་སྤྱི་བོར་དབང་བསྐུར་ལྟར། །ཐོགས་པ་མེད་པ་ཕྱག་རྒྱ་ཆེན་པོ་དེ། །སྐྱེ་བ་འདི་ལ་སངས་རྒྱས་ས་ལ་རེག །ཅེས་གསུངས་སོ། །མཁའ་འགྲོ་མ་ཐམས་ཅད…

འབྱོར་ཕག་མོ་རྫོགས་བྱེད་དང་། །བརྡ་ཡི་བྱེ་བྲག་ཇི་སྙེད་པ། །འགྲོ་མགོན་ཁྱེད་ཀྱིས་བཤད་དུ་གསོལ། །མགོན་པོ་དཔའ་བོས་བཀའ་བསྩལ་པ། །ཐམས་ཅད་ཀུན་གྱི་བརྡ་ཆེན་པོ། །སྦས་པའི་བརྡ་ནི་བཤད་བྱ་བ། །གཡས་པ་ཐབས་ཀྱི་རང་བཞིན་དང་། །གཡོན་པ་ཤེས་རབ་རང་བཞིན་དང་། །ལུས་ཀྱི་བརྡ་རྣམས་རྫོགས་པར་བྱ། །མི་རྟོག་སྒོམ་པ་སྟོན་པ་ལ། །ལག་པ་གཡོན་པ་བས…

ཕྱིར་སོར་མོ་ལྔ་བསྟན་ལ། །ཚན་དྷོ་ཧ་ཞེས་བརྗོད་པར་བྱ། །སོ་ཡི་སྟོབས་ཀྱིས་ཟས་འདུལ་ལྟར། །ཨེ་ཝྃ་ཇི་བཞིན་རྟོགས་པར་བྱེད། །གང་གིས་སོ་ནི་བསྟན་བྱས་པས། །ཙ་ལ་ནི་ཞེས་བརྗོད་པར་བྱ། །བྱིན་པས་ལུས་ཀྱི་སྟོབས་སྐྱེད་ལྟར། །གོམས་པས་འབྲས་བུ་བསྐྱེད་པའི་ཕྱིར། །གོ་ཕྱིན་པ་ནི་བསྟན་བྱས་ལ། །མེ་ག་བ་ཞེས་བརྗོད་པར་བྱ། །ས་གཞི་འགྲོ་བ་ཀུན་…

ཕྱིར་ན་ཁྲོ་གཉེར་བསྟན། །ནི་རི་ཧ་ཞེས་བརྗོད་པར་བྱ། །བསྡུམས་པས་དབྱེ་བ་མེད་པ་ལྟར། །འཁོར་འདས་དབྱེར་མི་ཕྱེད་པ་ལྟར། །བྷ་ག་ནི་ཞེས་བརྗོད་པར་བྱ། །དཔེ་ཡིས་མཚོན་པའི་དོན་དུ་ནི། །དྲི་མ་ཀུན་ལས་གྲོལ་བའི་ཕྱིར། །བསྡམས་པ་བཀྲོལ་ནས་གྲེ་ནན་བརྗོད། །བྱིན་གྱིས་བརླབས་པའི་གཏོར་མ་ཡིན། །ཐམས་ཅད་ཚིམ་པར་བྱེད་པ་ལྟར། །སྣ་ཚོགས་སྣང་བའི…