བདེ་བར་གཤེགས་པའི་བསྟན་བའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ་བཞུགས་སོ།། བདེ་བར་གཤེགས་པའི་བསྟན་བའི་གསལ་བྱེད་ཆོས་ཀྱི་འབྱུང་གནས་གསུང་རབ་རིན་པོ་ཆེའི་མཛོད་ཅེས་བྱ་བ། བཅོམ་ལྡན་འདས་ཤཱཀྱ་སེང་གེ་ལ་ཕྱག་འཚལ་ལོ། ། གང་ཞིག་ཐུགས་བསྐྱེད་དགེ་ཚོགས་བདུད་རྩིའི་ཟས་ཅན་ལས་བྱུང་བརྣག་དཀའི་བཟོད་པས་གཟ…

འདིར་བདག་ཅག་གི་བླ་མ་ཤཱཀྱའི་རྒྱལ་པོ་རྫུ་འཕྲུལ་གྱི་རྐང་པའི་དཔུང་ཚོགས་ཡན་ལག་བཞི་དང་ལྡན་པས། ཆུ་སྲིན་རྒྱལ་མཚན་ཅན་གྱི་གཡུལ་ངོ་ཕམ་པར་མཛད་ནས། བསྡུ་བ་བཞིས་གདུལ་བྱ་སྨིན་གྲོལ་གྱི་ཞིང་དུ་བསྡུས་ནས། ཆོས་ཀྱི་འཁོར་ལོ་མ་ལུས་པ་རྣམ་པ་ཐམས་ཅད་དུ་བསྐོར་བའི་ཆོས་ཀྱི་རྒྱལ་པོ་ཆེན་པོ་དེའི་ཆོས་སྲིད་ཁྱད་པར་དུ་འཕགས་པའི་རྒྱལ་ཚབ་ཆ…

དང་པོ་ལ། སྤྱིར་དམ་པའི་ཆོས་ཉན་བཤད་ཀྱི་ཕན་ཡོན་དང་། ཁྱད་པར་ཐེག་པ་ཆེན་པོའི་ཆོས་ཀྱི་ཉན་བཤད་ཀྱི་ཕན་ཡོན་གཉིས་ལས། དང་པོ་ལ། མཉན་པ་དང་། བཤད་པ་དང་། གཉིས་ཀའི་ཕན་ཡོན་གསུམ། དང་པོ་ནི། བྱང་ཆུབ་སེམས་དཔའི་སྡེ་སྣོད་ལས། ཐོས་པས་ཆོས་རྣམས་ཤེས་པར་འགྱུར། །ཐོས་པས་སྡིག་ལས་ལྡོག་པར་འགྱུར། །ཐོས་པས་དོན་མེད་སྤོང་བར་འགྱུར། །ཐོས་པས་…

གཉིས་པ་ཐེག་ཆེན་གྱི་ཆོས་ཀྱི་བཤད་ཉན་གྱི་ཕན་ཡོན་ནི། གཞིའི་དུས་སུ་ཐེག་དམན་གྱི་དགེ་བ་ཟིལ་གྱིས་གནོན་ཅིང་རིགས་གསོས་ཐེབས་པ་དང་། ལམ་གྱི་དུས་སུ་སྒྲིབ་པ་མ་ལུས་པར་སྤོང་བས་བསོད་ནམས་གཞན་ལས་ལྷག་པ་དང་། འབྲས་བུའི་དུས་སུ་རྣམ་མཁྱེན་ཐོབ་པར་ངེས་པའོ། །དང་པོ་ནི། ཤེས་རབ་ཀྱི་ཕ་རོལ་ཏུ་ཕྱིན་པར། སྟོང་གསུམ་གྱི་སྟོང་ཆེན་པོའི་འཇི…

གཉིས་པ་ལ། ཆོས་ཀྱི་སྒྲ་འཇུག་པའི་ཡུལ་གྱི་དབྱེ་བ་དང་། ཆོས་ཀྱི་སྒྲ་དོན་དང་། མཚན་ཉིད་དང་། རབ་ཏུ་དབྱེ་བ་དང་བཞིའོ། །དང་པོ་ནི། ཆོས་ཞེས་པའི་སྒྲ་དེ་དོན་བཅུ་ལ་འཇུག་སྟེ། རྣམ་བཤད་རིགས་པར། ཆོས་ནི་ཤེས་བྱ་ལམ་དང་ནི། །མྱ་ངན་འདས་དང་ཡིད་ཀྱི་ཡུལ། །བསོད་ནམས་ཚེ་དང་གསུང་རབ་དང་། །འབྱུང་འགྱུར་ངེས་དང་ཆོས་ལུགས་ལའོ། །ཞེས་པས། ཆོ…

གསུམ་པ་ལ་བཞི་སྟེ། བཤད་བྱ་ཆོས་ཀྱི་ཁྱད་པར། སློབ་དཔོན་གྱི་འཆད་ཚུལ་གྱི་ཁྱད་པར། སློབ་མས་མཉན་ཚུལ་གྱི་ཁྱད་པར། གཉིས་ཀས་ཆོས་ཀྱི་དོན་བསྒྲུབ་པར་གདམས་པའོ། ། དང་པོ་ནི། སྤྱིར་ཤེས་བྱ་ལ་མཁས་པར་བྱ་བའི་ཕྱིར་བསྟན་བཅོས་སྣ་ཚོགས་ལ་བསླབ་དགོས་ཏེ། འདུལ་བ་ལས་ཀྱང་། ཕྱི་རོལ་པའི་བསྟན་བཅོས་ལ་སོགས་པའང་བསླབ་པར་གསུངས་ཤིང་། བྱང་སེམས…

སྤྱི་དོན་བཞི་པ། བསྒྲུབ་བྱའི་ཆོས་ཇི་ལྟར་བྱུང་ཚུལ་ལ་གཉིས་ཏེ། སྤྱིར་འཇིག་རྟེན་དུ་ཆོས་ཇི་ལྟར་བྱུང་ཚུལ། ཁྱད་པར་བོད་ཡུལ་དུ་ཇི་ལྟར་བྱུང་ཚུལ་ལོ། ། དང་པོ་ལ། སྤྱིར་བྱང་སེམས་ཚོགས་སམ་སྨོན་ལམ་རྫོགས་པ་དང་། སངས་རྒྱས་ཀྱི་ཞིང་དག་པ་དང་། འདུལ་བྱ་དགེ་བའི་རྩ་བ་སྨིན་པ་ན་སངས་རྒྱས་འབྱུང་བ་ཡིན་ཞིང་དེས་དམ་པའི་ཆོས་སྟོན་པ་ཡིན་…

གཉིས་པ་བསྟན་པ་འཛིན་པའི་གང་ཟག་ནི། འོད་སྲུངས་ཀུན་དགའ་ཤ་ནའི་གོས་ཅན་དང་། །ཉེ་སྦས་དྷི་དྷི་ཀ་དང་ནག་པོ་དང་། །ལེགས་མཐོང་ཆེན་པོ་བསྟན་པའི་གཏད་རབས་བདུན། །འདུལ་བ་ཕྲན་ཚེགས་ནང་ནས་འབྱུང་བ་ཡིན། ལང་ཀར་གཤེགས་པར། བདེ་གཤེགས་མྱ་ངན་འདས་ནས་ནི། །ཡང་དག་བསྟན་པ་སུ་ཞིག་འཛིན། །ཞེས་སོགས་ཀྱི་འགྲེལ་པར། ཐུབ་པ་ནས་དྷི་དྷི་ཀའི་བར་ལུང་…

གསུམ་པ་ལུང་བསྟན་པའི་གང་ཟག་གིས་བསྟན་པ་ལ་བྱ་བ་བྱས་ཚུལ་ནི། སངས་རྒྱས་འདས་ནས་ལོ་བཞི་བརྒྱ་ན། ལྷོ་ཕྱོགས་བེ་དར་བྷའི་ཡུལ་དུ་བྲམ་ཟེ་ཕུན་སུམ་ཚོགས་པ་ཞིག་ལ་བུ་མེད་པ་ན་རྨི་ལམ་དུ་བྲམ་ཟེ་བརྒྱ་ལ་ཆོས་སྟོན་དྲངས་ན་བུ་རྙེད་ཅེས་ལྷས་ལུང་བསྟན་ནོ། །དེ་ནས་དེ་ལྟར་བྱས་ཏེ་གསོལ་བ་བཏབ་པས་ཟླ་བ་བཅུ་ན་ཁྱེའུ་ཞིག་བཙས་ཏེ། མཚན་མཁན་ལ་བསྟ…

མདོ་ལང་ཀར་གཤེགས་པར། སྒྲ་བྱེད་པ་ནི་པཱ་ཎི་ནི། །ཞེས་ལུང་བསྟན་ཅིང་། འཇམ་དཔལ་རྩ་བའི་རྒྱུད་ལས་ཀྱང་། བྱང་ཆུབ་ཐོབ་པར་ལུང་བསྟན་པའི་བྲམ་ཟེ་པཱ་ཎི་ནི་ལ་སོགས་པས་མཛད་པའི་སྒྲའི་བསྟན་བཅོས་ཀྱི་ལོ་རྒྱུས་ནི། དང་པོ་སུམ་ཅུ་རྩ་གསུམ་དུ་སརྦ་ཛྙཱན་ཞེས་པའི་ལྷ་ཞིག་གིས་སྒྲའི་བསྟན་བཅོས་ཆེན་པོ་ཞིག་བྱས་ཏེ། ལྷ་རྣམས་ཀྱིས་སྤྱད་དེ། ནུ…

གསུམ་པ་ནུབ་པར་འགྱུར་ཚུལ་ནི། ཟླ་བ་སྙིང་པོས་ཞུས་པ་ལས། བཅོམ་ལྡན་འདས་དམ་པའི་ཆོས་འདི་ཐ་མར་ཇི་ལྟར་ནུབ་པར་འགྱུར། རྒྱུ་ཅི་ལས་ཉམས། སུས་མ་མཆིས་པར་བགྱིད། ཅེས་ཞུས་པ་ན། ང་འདས་པའི་འོག་ཏུ་ལོ་ལྔ་བརྒྱའི་བར་དུ། ངའི་བསྟན་པ་སྤྱོད་པའི་སེམས་ཅན་རྣམ་པར་གྲོལ་བ་མང་དུ་འབྱུང་། །དེ་ནས་ལོ་ལྔ་བརྒྱའི་བར་དུ་ཏིང་ངེ་འཛིན་སྤྱོད་པའང་མང…

སྤྱི་དོན་གཉིས་པ་བོད་ཡུལ་དུ་ཆོས་ཇི་ལྟར་བྱུང་ཚུལ་ལ་གསུམ་སྟེ། བསྟན་པ་སྔ་དར་གྱི་རྣམ་གཞག །ཕྱི་དར་གྱི་རྣམ་གཞག །དེ་དག་ཏུ་ཆོས་བསྒྱུར་བའི་དཀར་ཆག་བསྟན་པའོ། ། དང་པོ་ལ། སྤྱིར་བོད་ཀྱི་ཡུལ་དུ། མིའི་འགྲོ་པ་དང་པོ་བྱུང་ཚུལ་ནི། ལྷ་ལས་ཕུལ་དུ་བྱུང་བའི་བསྟོད་པའི་འགྲེལ་པར། སྐྱ་སེང་བུ་ལྔ་དང་། དགྲ་ངན་དཔུང་ཚོགས་བཅུ་གཉིས་འཐབ…

གསུམ་པ་བཀའ་དང་བསྟན་བཅོས་བོད་དུ་ཇི་ལྟར་འགྱུར་བའི་རྣམ་གྲངས་ལ། མདོ་ཕྱོགས་དང་། སྔགས་ཕྱོགས་གཉིས་སོ། ། དང་པོ་ལ། བཀའ་དང་བསྟན་བཅོས་གཉིས་སོ། །བཀའ་ལ་འཁོར་ལོ་རིམ་པ་གསུམ་ལས། དང་པོ་བདེན་པ་བཞིའི་ཆོས་ཀྱི་འཁོར་ལོ་བསྐོར་བའི་བཀའ་ལས། འདུལ་བ་ལུང་སྡེ་བཞིའི་དང་པོ་ལུང་གཞི་ཤུ་ལོ་ཀ་སུམ་ཁྲི་ཉིས་སྟོང་བདུན་བརྒྱ་སྟེ། བམ་པོ་བརྒྱ…

གཉིས་པ་བཀའ་བར་པ་མཚན་ཉིད་མེད་པའི་ཆོས་ཀྱི་འཁོར་ལོ་བསྐོར་བའི་བཀའ་ནི། ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་སུམ་བརྒྱ་སྟེ། ཉང་ཁམས་པ་གོ་ཆེ། བཻ་རོ་ཙ་ན། ལྕེ་ཁྱི་འབྲུག་ཞང་ཡེ་ཤེས་སྡེ་ལ་སོགས་པའི་འགྱུར་བྱང་དྲུག་ཡོད་པར་གྲག་གོ། ཉི་ཁྲི་ལྔ་སྟོང་པ་བམ་པོ་བརྒྱད་ཅུ་རྩ་གསུམ་དང་ཤུ་ལོ་ཀ་བརྒྱ། ཁྲི་བརྒྱད་སྟོང་པ་…

གཉིས་པ་བསྟན་བཅོས་ཀྱི་སྐོར་ལ་གསུམ་སྟེ། བཀའ་བྱེ་བྲག་གི་དགོངས་པ་གསལ་བར་བྱེད་པ་དང་། སྤྱིའི་དགོངས་པ་གསལ་བར་བྱེད་པ་དང་། ཐོར་བུ་བ་ལུགས་ཀྱི་བསྟན་བཅོས་ལ་སོགས་པའོ། ། དང་པོ་ལ་གསུམ་ལས། དང་པོ་བདེན་པ་བཞིའི་ཆོས་ཀྱི་འཁོར་ལོའི་དགོངས་འགྲེལ་ནི། ལུང་གཞིའི་རྒྱ་ཆེར་འགྲེལ་སློབ་དཔོན་དགེ་ལེགས་བཤེས་གཉེན་གྱིས་མཛད་པ་བསྒྱུར་འཕྲ…

གཉིས་པ་བཀའ་བར་པའི་དགོངས་འགྲེལ་ལ། རྒྱལ་བའི་ཡུམ་སྟོང་ཕྲག་བརྒྱ་པའི་འགྲེལ་ཆེན་བམ་པོ་བདུན་ཅུ་རྩ་བརྒྱད་ཅུང་ཟད་མ་འགྱུར་བ། འདི་འཕང་ཐང་མར་བཙན་པོ་ཁྲི་སྲོང་སྡེ་བཙན་གྱིས་བྱས་པར་བྲེས་མོད་ཀྱི། དཀར་ཆག་གོང་མ་གཉིས་སུ་རྒྱ་གར་མར་བཤད་པས། དཾཥྚ་ཨ་སེ་ནས་བྱས་པ་དེ་ཡིན་ནོ། །རྒྱལ་བའི་ཡུམ་སྟོང་ཕྲག་བརྒྱ་པ་དང་། ཉི་ཁྲི་ལྔ་སྟོང་པ་…

གཉིས་པ་བཀའ་སྤྱིའི་དགོངས་པ་གསལ་བར་བྱེད་པའི་བསྟན་བཅོས་ནི། སློབ་དཔོན་ཕྱོགས་གླང་གིས་མཛད་པ་ལ། ཚད་མའི་མདོ་ཀུན་ལས་བཏུས་སེང་གེ་རྒྱལ་མཚན་གྱི་འགྱུར། དེའི་རང་འགྲེལ་མར་ཐུང་དད་པ་ཤེས་རབ་ཀྱི་འགྱུར། དམིགས་པ་བརྟག་པ་ཤུ་ལོ་ཀ་བརྒྱད། དེའི་རང་འགྲེལ་ཤུ་ལོ་ཀ་སུམ་ཅུ་རྩ་གཉིས་པ་དཔལ་བརྩེགས་ཀྱི་འགྱུར། ཚད་མའི་བསྟན་བཅོས་རིགས་པ་ལ་…

གསུམ་པ་ཐོར་བུ་བ་ལུགས་ཀྱི་བསྟན་བཅོས་ལ་སོགས་པ་ལ། ལུགས་ཀྱི་བསྟན་བཅོས་ལ། སློབ་དཔོན་ཀླུ་སྒྲུབ་ཀྱིས་མཛད་པའི་ཤེས་རབ་བརྒྱ་པ་དཔལ་བརྩེགས་ཀྱི་འགྱུར། ཤེས་རབ་སྡོང་བུ་སྐྱེ་བོ་གསོ་བའི་ཐིགས་པ་ཡེ་ཤེས་སྡེའི་འགྱུར། སློབ་དཔོན་ཉི་མ་སྦས་པས་མཛད་པའི་ཚིགས་སུ་བཅད་པའི་མཛོད་དཔལ་གྱི་ལྷུན་པོའི་འགྱུར། བྲམ་ཟེ་མཆོག་སྲེད་ཀྱི་མཛད་པའི…

གཉིས་པ་སྔགས་ཕྱོགས་ལ་རྒྱུད་དང་། བསྟན་བཅོས་གཉིས་ལས། རྒྱུད་ལ་རྒྱུད་སྡེ་བཞི་ལས། བྱ་བའི་རྒྱུད་ལ་འཇམ་དཔལ་གྱི་རྒྱུད་ནི། འཇམ་དཔལ་རྩ་བའི་རྒྱུད་ཤཱཀྱ་བློ་གྲོས་ཀྱི་འགྱུར། དཔལ་བོ་གཅིག་གྲུབ་དགེ་བློ་དང་ཚུལ་ཁྲིམས་རྒྱལ་བའི་འགྱུར། འཇམ་དཔལ་གྱི་ཞལ་ནས་གསུངས་པ་ཤུ་ལོ་ཀ་ཉི་ཤུ་གླུའི་དབང་པོའི་འགྱུར། འཇམ་དཔལ་གྱིས་དམོད་བཙུགས་པ…

གཉིས་པ་སྤྱོད་པའི་རྒྱུད་དང་འབྲེལ་བ་ལ། སློབ་དཔོན་སངས་རྒྱས་གསང་བས་མཛད་པའི་རྣམ་པར་སྣང་མཛད་མངོན་པར་བྱང་ཆུབ་པའི་རྒྱུད་ཀྱི་དོན་བསྡུས་བམ་པོ་བདུན་དང་ཤུ་ལོ་ཀ་ཉིས་བརྒྱ་དཔལ་བརྩེགས་ཀྱི་འགྱུར། སློབ་དཔོན་ཀེ་དྷ་རས་མཛད་པའི་དམ་ཚིག་གསུམ་བཀོད་པའི་ཡི་གེ་བརྒྱ་པའི་ཆོ་ག་བློ་ལྡན་ཤེས་རབ་ཀྱི་འགྱུར། ཕྱག་ན་རྡོ་རྗེ་འགྲོ་བཟངས་ཀྱི…