ཡབ་རྒན་ནི། །མར་ཐང་དཔོན་རིགས་དྲག་རྩལ་ཅན། །གཡུལ་ཆེན་ངོ་རུ་འདས་པ་དེ། །བཙན་རིགས་དྲག་རྩལ་ཅན་དུ་སྐྱེས། །སྔོན་ཚེ་ཁོ་བོ་ཕྱོགས་དེར་ཕྱིན། །དེ་ཚེ་དངོས་སུ་ཤུར་སྒྲ་དང་། །སིལ་ཆོམ་ཆེན་པོའི་ཆོ་འཕྲུལ་བྱུང་། །ཉམས་ཀྱི་སྣང་བར་བཙན་དེ་ཉིད། །དཔོན་རིགས་བཙུན་གཟུགས་ཆེས་བཟང་སྤྲུལ། །རྒྱང་ནས་བདག་ལ་ལྟ་བ་ལས། །ཕྱག་འབུལ་ཡང་ནི་མི་བྱ…

བརྩམས། །ལྷ་བདག་ཁོ་རང་ཚང་ལ་བཏད། །ཁོ་གནས་རི་ལ་གསས་མཁོར་བསྟོད། །དེ་ཕྱིན་དཔོན་ཚང་བདེ་བ་དང་། །ཅི་བྱས་ལམ་སོང་དར་རྒྱས་ཆེ། །དེ་རུ་སེམས་ངོ་འཕྲོད་པ་དང་། །ཐོད་རྒལ་སྒོམ་མཁན་འགའ་རེ་བྱུང་། །སྒར་ཐོག་དེ་དང་ལམ་ཀུན་ཏུ། །འདོད་ཡོན་ལོངས་སྤྱོད་ཆར་ལྟར་བབ། །ཡང་ནི་དཔལ་ལྡན་ཆབ་མདོ་པའི། །དགོན་པའི་བདག་པོ་སྡེ་ཕ་ཞིག །སྲོག་རླུང་དྲ…

དམིགས་པ་གཏད་པས་ཇེ་བདེར་ཐལ། །རྒྱལ་པོ་དམ་ཅན་གསོལ་ཁ་སོགས། །འདོན་ལུགས་ནོར་འཁྲུལ་འགའ་འདུག་པས། །བསལ་ནས་གཏད་པས་དེ་ཕྱིན་ནས། །རྩུབ་ཆ་ཆུང་དུ་སོང་ངོ་སྐད། །ཕན་ཐོགས་ཆེ་ཟེར་དེ་ཕྱིན་ནས། །སྡེ་དེས་ཡོན་བདག་རྩ་བ་བྱས། །དེ་ཞོལ་ཁྲོམ་དབང་དབང་ལུང་བྱས། །འདོད་ཡོན་ལོངས་སྤྱོད་ཆར་ལྟར་བབ། །ཆུ་བར་བླ་མས་བསྙེན་བཀུར་གཟབ། །དེ་ནས་ཚུར་…

ཡུན་རིང་བཞུགས་ན་ཡང་། །དགའ་ལེ་མེད་ཅེས་གསང་གཏམ་སྨྲ། །དེ་ཕྱིར་དེ་རུ་མ་བསྡད་དེ། །ལུང་བསྟན་དེ་ཡང་བདེན་པའི་གཏམ། །ཕྱིས་སུ་གཞན་གྱི་ངག་ནས་ཐོས། །དེ་ནས་ཡར་ལ་འོང་བའི་ཚེ། །སོག་འགྲིམ་ཕྱིར་ལ་འོང་ཞིང་ཡོད། །ཟེར་བའི་འུར་སྐད་ཆེན་པོ་བྱུང་། །ཆུ་མཁར་ཞེས་བྱར་ཞག་པའི་ནུབ། །ཕྱིར་ནངས་སོག་པོ་འོང་དོགས་ནས། །སྐག་པ་ཡང་ནི་ཆེ་བའི་སྐ…

རུ། །སྦྲུལ་གཅིག་གདའ་བ་ཕལ་གྱིས་མཐོང་། །ས་དེ་སྔར་ལས་གཉན་པར་གྱུར། །དེ་སྔོན་བླ་མ་བག་ཡོད་པས། །གདན་འདྲེན་ལན་འགའ་བྱུང་བའི་ཕྱིར། །ཡོས་ལོའི་དབྱར་ལ་དེ་ཕྱོགས་བཏེག །སྲམ་གྱི་ཉི་ཟླ་ཁ་ཞེས་པར། །ཁྲོམ་ཚོགས་འདུས་ཤིང་ཆོས་ར་བཙུགས། །ས་རྒོད་ཤིན་ཏུ་གཉན་པའི་ཕྱིར། །ཉིན་རེ་རྒྱུན་དུ་སེར་བ་བརྒྱབས། །ཁྲོམ་དང་གྲྭ་ཚོགས་ཐམས་ཅད་ཀྱང་།…

སྤྱན་དྲངས་བསྙེན་བཀུར་བྱས། །དེ་བཞིན་དགེ་བཤེས་ཕུན་ཚོགས་ཀྱིས། །ཤོག་ཁས་ཞག་གསུམ་དབང་སྦྲེལ་བྱས། །དེ་ཕྱོགས་སྔགས་འཆང་འགའ་རེས་ཀྱང་། །རང་རང་འདོད་ཆོས་དབང་ལུང་ཞུས། །བཀུར་སྟི་ཕུན་སུམ་ཚོགས་པར་བྱས། །ས་ཕྱོགས་དེ་ཉིད་རབ་ཏུ་གཉན། །ཀ་རྒྱལ་རྣམ་རྒྱལ་ལྡིག་རྒྱལ་གསུམ། །ཀ་རྣམ་ལྗིག་གསུམ་ཡུལ་ལྷའི་གཙོ། །བཙན་བདུད་ཀླུ་གསུམ་ཡིན་པར་…

དད་པ་ཐོབ་པ་དེས། །ཕྱིས་ཀྱང་རིམ་གྱིས་འབུལ་བ་བསྐུར། །དེ་ནས་རྟ་རྣ་དགོན་དུ་བསླེབས། །རྟ་ཕྱུགས་ཤིན་ཏུ་ཚན་ཆེ་བས། །ཆུ་ལ་ཡང་ནི་ཐེབ་དཀའ་བྱུང་། །རྟ་རྣ་དགོན་པའི་བླ་མ་ཡིས། །སྤྱན་དྲངས་བསྙེན་བཀུར་ཕུན་ཚོགས་བྱས། །རྟ་རྣ་སྤྱི་ཕས་བསྙེན་བཀུར་དང་། །ཡེལ་པའི་མདུན་དུ་ཞག་གཅིག་ཉལ། །དེ་ཚེ་སེམས་ཅན་ཐམས་ཅད་ལ། །རང་དབང་མེད་པའི་སྙིང་…

ཐུན་བྲབ་དྲག་ཏུ་གཟིར་བའི་ཚེ། །རྨི་ལམ་འཁྲུལ་པའི་སྣང་བ་ལ། །ཡུལ་གྱི་དཔོན་རིགས་ཐམས་ཅད་ཁྲོས། །ང་ལ་ཡང་ནི་ཚིག་ངན་བརྗོད། །ང་ལ་བརྡོ་དོན་བྱས་ནས་ཀྱང་། །བན་རྒན་ཤ་ཆེན་མགོ་སེ་ཞིག །འདུག་པའི་སྐེ་དེ་བཅད་ནས་ཐལ། །ཉེས་པ་ཆེ་བསམ་ང་ཡང་སྡུག །ཀོ་ལོང་འཁྲོ་འཕགས་བྱས་པ་རྨིས། །དེ་དུས་གཅོད་པ་ནུས་ལྡན་ཞིག །ཁོ་རང་ཆར་པ་འབོད་འདོད་ནས། །…

ངུར་ནས། །མཚོ་ནི་འཕྱུར་བ་འདྲ་ཞིག་བྱུང་། །དེ་མ་ཐག་ཏུ་བདག་ཉིད་ཀྱང་། །ཚད་རྒོད་འདྲ་བའི་ནད་ཀྱིས་ཐེབས། །ཕྱིར་ནངས་རབ་ལ་བརྒྱབ་པའི་ཚེ། །ནོར་ཕྱུགས་གསུམ་བཞི་ཆུ་ཡིས་ཤི། །དེ་ཀུན་ཆུ་འགྲམ་བཤས་པ་ཡིས། །བཙོ་ཁྲག་ཐམས་ཅད་ཆུ་རུ་སོང་། །དེ་ནས་གྲྭ་པ་མང་པོ་ཞིག །ཀླུ་ནད་གཡེམ་པའི་ནད་ཀྱིས་ཐེབས། །རང་ཡང་ལུས་སྦྱིན་དམིགས་པ་གཟབ། །བསྐྱ…

རུང་། །དེ་སྔོན་ཡོས་ཀྱི་ལོ་ཡིན་སྙམ། །མཁར་དམར་མདོ་ནས་ཕྱིར་བཏེག་སྟེ། །ཚ་བའི་ས་རུ་སླེབས་པའི་ནུབ། །རབ་རིབ་འཁྲུལ་པའི་རྨི་ལམ་དུ། །རང་ཉིད་པདྨ་རྒྱལ་པོ་ནི། །མངོན་རྟོགས་སྔགས་དང་བཅས་པ་ཞིག །སྔར་མི་ཤེས་པ་ཡིད་ལ་གསལ། །བཏོན་ཅིང་བསྒོམས་པས་དངོས་སུ་གྱུར། །བཙུན་པའི་གཟུགས་ཅན་གསུམ་ཙམ་གྱིས། །གུས་པས་བརྒྱ་ཕྱག་གསུམ་ཙམ་འཚལ། །ཉ…

བ་སྒང་གི་སྒང་སྟོད་ན། །སྐུ་ལྷ་གཉེན་གྱི་ལྷ་ཞོལ་ན། །ལུང་ནས་བསྟན་པའི་གཏེར་གྱི་གནས། །ཅོག་ནེ་བྲག་གི་གཡོན་ཟུར་ན། །ཆབ་ཀྱིས་བསྐོར་བའི་དེ་དཀྱིལ་ན། །ཞག་གཉིས་སྒར་པ་བསྡད་པའི་དུས། །འབྲོང་རྗེ་དཔོན་པོ་མཇལ་དུ་བྱུང་། །དེ་ཚེ་སྣང་སྲིད་ལྷ་འདྲེ་གཡོས། །གཟི་བྱིན་ཆོ་འཕྲུལ་ཆེན་པོ་བྱུང་། །ཉམས་དང་རྨི་ལམ་རྩུབ་སློང་ཆེ། །ལྷ་བསྒོམ…

སྣང་བ་མ་ཡིན་པར། །རང་དང་མཉམ་དུ་འདུག་པ་ལ། །ལུས་ལ་མཐུན་ཚུལ་ལག་གིས་འཕུར། །དེ་བཞིན་བུད་མེད་ཤ་རྒྱས་པ། །གཡུ་བོ་ཆེ་ཡི་རྒྱན་ཅན་ལ། །རང་དང་མཉམ་དུ་འདུག་པ་སྙམ། །དེ་ནས་མཆོག་ལ་གོང་དུ་ཕྱིན། །འབྲུག་སྒྲ་ཆར་དང་ན་བུན་འཇའ། །རྟེན་འབྲེལ་ལེགས་སམ་སྙམ་པ་བྱུང་། །ཞག་གཉིས་ནུབ་པར་ཉམས་དང་ནི། །རྨི་ལམ་འདྲེས་པའི་སྐབས་ཉིད་དུ། །བརྟན་མ…

འཁོར་ཅིག་སྟེ། །སྐྱེ་བོ་ཕལ་པའི་རྨི་ལམ་ན། །ཆགས་པ་སྤྱོད་པར་རྨིས་པ་སོགས། །ཀུན་དགའི་མ་ཞེས་བྱ་བ་ཞིག །རྟོགས་ལྡན་ལ་སོགས་ཆོས་པ་ལ། །ཆགས་པ་སྤྱོད་རྨིས་མགོན་པ་ནི། །རྣལ་འབྱོར་གྲོགས་ཞེས་འཁོར་གཅིག་སྟེ། །ལྕགས་ཁའི་བདག་མོ་ལྕགས་བདག་མ། །གནོད་འཚེ་བྱེད་པ་གྲོ་ཁེ་མ། །ནག་གྱོང་མ་དང་སྤྱང་གདོང་མ། །དེ་སོགས་འཁོར་ཚོགས་ཆོ་འཕྲུལ་ཆེ།…

རྫོགས་གསུམ་དང་བཅས་པ་ནི། །དགེ་སློང་དགེ་ཚུལ་སྒྲུབ་མཁན་ནི། །སུམ་ཅུ་སོ་དགུ་ཙམ་ཞིག་བྱུང་། །སེམས་ངོ་གསར་དུ་མཐོང་བ་དང་། །བོགས་ཐོན་པ་ཡང་མང་ཞིག་བྱུང་། །གྲུབ་མཐའི་ཕྱོགས་རིས་ཆེ་བ་དང་། །སྟོབས་ལྡན་མི་སྣའི་བཙུན་པ་དང་། །སོག་པོ་ཨ་ཙ་ར་ལ་སོགས། །མི་རིགས་མང་པོས་གུས་འདུད་དང་། །བདུད་འདུལ་རྡོ་རྗེའི་སྐུ་ཚབ་པ། །རྡོ་རྗེ་གྲོ་…

པ། །སྐུ་ལྷ་ངང་ཡག་ཡིན་ནམ་སྙམ། །དེ་ནས་གད་གཉིས་བར་དུ་ཕྱིན། །སྒར་པ་ཕོག་ཚེ་ཅུང་ཟད་འཐུམ། །བུད་མེད་ལ་སོགས་མང་པོ་འགའ། །གུས་ཤིང་འདུན་པས་མདུན་དུ་འཁོད། །ཤེལ་དཀར་གཅིག་གིས་དབང་བསྐུར་བྱས། །སེམས་ཀྱི་ངོ་སྤྲོད་བྱས་པ་རྨིས། །ཕྱོགས་དེས་གཞི་བདག་ཡིན་ནམ་སྙམ། །བདག་ལ་ནུས་པ་མ་མཆིས་ཀྱང་། །ཨོ་རྒྱན་ཆེན་པོའི་བཀའ་དྲིན་ཡིན། །ཧོམ་ག…

ཅིང་། །མཇལ་དགོས་གལ་ཆེན་མེད་དུས་ནི། །ཚེས་བཅུ་ལ་ཡང་མི་མཇལ་ཟེར། །དེ་ཚེ་ནམ་མཁའི་དབྱིངས་སུ་ནི། །འཇའ་ཚོན་ཤར་བ་ལྟ་བུ་ནི། །ཨོ་རྒྱན་སྤྲུལ་སྐུའི་ཆ་ལུགས་ཅན། །བདག་གིས་ཡུད་ཙམ་མཇལ་སྙམ་བྱེད། །དེ་ནས་མོས་གུས་ཕྱག་ཆེན་གྱི། །དཔེ་ཆ་བདག་གི་ལག་ཏུ་ཕྱིན། །རང་གིས་རང་ལ་ཁྲིད་བཙུགས་སྙམ། །དམིགས་པ་འགའ་རེ་བསྒོམས་པ་རྨིས། །དེ་ནས་བདག…

དར་འབུལ་རྒྱུ་བྱུང་། །དེ་དགོང་དངོས་སུ་འབུལ་བ་རྣམས། །རྨི་ལམ་བྱུང་ལྟར་མི་ཡིས་ཕུལ། །བཙན་དང་རྒྱལ་པོའི་ཆོ་འཕྲུལ་དང་། །དེ་དག་རྣམས་ལ་དབང་བསྐུར་སོགས། །ཞག་གཅིག་དངོས་ཉམས་རྨི་ལམ་གྱིས། །ཚར་སློང་འགྲིགས་པའི་ཡ་མཚན་བྱུང་། །དེ་ནས་རང་གི་ཁྱིམ་དུ་བསླེབས། །དེ་དུས་ཚ་བ་སྒང་ཕྱོགས་སུ། །སོང་བའི་ལོ་རྒྱུས་སྐད་ཆ་རྣམས། །ཕྱིས་སུ་ར…

རྒན་ནི། །མཚམས་པ་གཅིག་གིས་གཟིགས་སྣང་ལ། །བརྟན་མའི་གཙོ་མོ་རྒྱུན་དང་བཅས། །བར་སྣང་ཁམས་ནས་བསང་གི་སར། །འབྱོན་པ་གཟིགས་པས་བླ་མ་དེ། །ནུས་ལྡན་ཞིག་ནི་ཡིན་འདུག་གསུངས། །དེ་ཕྱིན་དེ་ཕྱོགས་སྐྱ་སེར་ཀུན། །ལྡོག་མེད་དད་པ་ཐོབ་གྱུར་པས། །ཁོ་བོའི་དབོན་པོ་གྲྭ་རེས་སོགས། །ཀུན་ལ་དད་འདུན་བྱེད་དོ་སྐད། །དེ་ནས་ཡོས་ལོ་དགུན་གྱི་དུས། …

སྙམ། །དེ་ནས་མི་འགྱུར་རྡོ་རྗེ་ཡིས། །གནས་སྒོ་གསར་དུ་ཕྱེས་པ་ཡི། །དཀར་ཡུ་སེར་ཡུའི་དྲུང་ནས་གཤར། །གནས་ཡིག་ལ་སོགས་མ་མཐོང་ཡང་། །མ་གཅིག་ལབ་སྒྲོན་གྱིས་གསུངས་པའི། །གཅོད་ཀྱི་ས་བཅད་གཞུང་ལྟར་ན། །སྒྲོལ་མ་དཀར་སྔོན་གནས་སུ་སེམས། །ཕྱག་དང་མཎྜལ་བརྒྱ་རྩ་ཕུལ། །ཕ་ཝང་གཅིག་ལ་ཞབས་རྗེས་མང་། །སྲིན་པོའི་ཀླད་པས་བྲིས་པ་ཡི། །ཡིག་དྲ…

སློབ་བུ་ཞིག་གི་རྐང་པ་ཆག །རྩ་གསུམ་ལྷ་ལ་རྩེ་གཅིག་གསོལ་བཏབ་པས། །རྐྱེན་ལ་མ་ཁྱེར་རྐང་པ་མྱུར་དུ་འབྲེལ། །དེ་ནས་སྒ་ཉག་ཅེས་བྱར་ཚེར་ལུང་པས། །བྱིན་གྱིས་བརླབས་པའི་གནས་སུ་ཞི་ཁྲོ་ཡི། །དབང་ཁྲིད་སྦྲེལ་མ་རྫོགས་ཆེན་ཉུང་ཁྲིད་བཙུགས། །ལྷ་ཐོག་དགྲ་བླ་ཡེ་བརྫུ་ཞེས་བྱ་དེ། །ནམ་མཁར་གནས་ཚེ་ཡེ་བརྫུ་ཞེས་བྱ་སྟེ། །རི་ལ་གནས་ཚེ་རྡོ་ར…