༄༅། །དགེ་སློང་རཱ་ག་ཨ་སྱའི་ཁྲིད་རིམ་ཉམས་རྟོགས་དང་འབྲེལ་བའི་དེ་ཁོ་ན་ཉིད་ཀྱི་རྣམ་ཐར་གཉིས་པ་བཞུགས་སོ།།

༄༅། །ན་མོ་མ་ཧཱ་མུ་དྲ་ཡེ། །བན་རྒན་རཱ་ག་ཨ་སྱ་བདག །འགྲོ་དོན་བྱ་བར་སེམས་བསྐྱེད་ནས། །ལོ་འགའ་སྒར་པ་བྱས་ནས་སོང་། །སྐབས་སུ་སྐབས་སུ་མཚམས་ཀྱང་བསྡམས། །དབང་ལུང་ཁྲིད་ཀྱི་ཆར་པ་ཕབ། །འདུ་ཚོགས་རྣམ་གཡེང་ངང་ལ་འབྱམས། །མི་ལ་བཤད་པའི་ཁྲིད་རིམ་རྣམས། །རང་གི་ཉམས་སུ་མ་བླངས་ན། །སྒྲུང་མཁན་སྒྲུང་དང་འདྲ་འོ་སྙམ། །དལ་འབྱོར་ལྡན་པའི་…

དགོས་སྙམ། །མ་རྒན་འགྲོ་དྲུག་སེམས་ཅན་ལ། །ཕན་ཐོགས་ཅུང་ཟད་ཐུབ་ན་ཡང་། །མི་ལུས་དོན་ལྡན་ཡིན་ནོ་སྙམ། །ཐ་མལ་སྐྱེ་བོ་རྣམས་ལ་ཡང་། །སྐྱབས་སྡོམ་བསྙེན་གནས་སྨྱུང་གནས་དང་། །སངས་རྒྱས་མཚན་སྒྲོགས་དབང་ལུང་སོགས། །རྒྱ་ཆེར་སྟེར་བར་བྱེད་པ་འདི། །བྱས་པ་དོན་ལྡན་ཡིན་ནོ་སྙམ། །རང་ཉིད་སྡོམ་པ་དམ་ཚིག་ལྡན། །དགེ་བསྙེན་མ་དང་དགེ་བསྙེན་…

པ་ཡི། །སེར་མོ་བ་ནི་མང་པོ་ཡིས། །ཆོ་ག་བསྐང་ཟློག་ཤེས་ན་ཡང་། །དབང་ལུང་ཐོབ་པར་མི་འདུག་པས། །དབང་ལུང་མ་ཐོབ་སྔགས་བསྒྲུབས་ན། །སྔགས་ལོག་དམྱལ་བའི་ས་བོན་ཏེ། །དེ་དག་རྣམས་ལ་དབང་ལུང་དང་། །གང་ལ་གང་དགོས་སྤེལ་བ་འདི། །བདག་གིས་ཐོབ་དཀའི་མི་ལུས་ལ། །བེད་གཅོད་ལེགས་པོ་བྱུང་ངོ་སྙམ། །ཆོས་འདོད་སྐྱ་སེར་མང་པོ་ལ། །འཕོ་ལུང་ཕྱག་རྫོ…

ལུས་ཐོབ་པ་དོན་ལྡན་བསམ། །རང་ལུས་ཆད་ཅིང་དུབ་པ་དང་། །གཅོང་ནད་བདེ་དུས་མེད་ན་ཡང་། །དེ་དག་རྣམས་ལ་བཟོད་པ་བསྒོམས། །ཆད་ན་ཆད་ལ་ན་ན་ན། །བེམ་སྒོག་འདི་ཉིད་མ་བསྒྱུར་ཚུན། །དབང་ལུང་ཁྲིད་སོགས་འཕེལ་ཐུབ་ན། །ལུས་ལ་སྙིང་པོ་ལོན་པ་ཡིན། །བསམས་ཤིང་སྙིང་རུས་བྱས་པ་ཡིན། །འབུལ་བ་མཎྜལ་ལ་སོགས་ཀྱི། །ངོ་མ་ཆོག་པའི་དོན་ཡང་མིན། །དབང་ལ…

སྒྲུབ་ཐེམ། །དུས་བཟང་རྣམས་སུ་འདི་བྱས་པས། །དགེ་བ་འབུམ་འགྱུར་དཔག་མེད་གསུངས། །ལུས་ངག་སྙིང་པོ་ལེན་པའི་ཕྱིར། །འདི་དག་སྒྱུར་འདག་མེད་པར་བསམས། །ཁྲོམ་པ་གཞན་ལ་བཤད་པ་ཡི། །དལ་འབྱོར་རྙེད་པར་དཀའ་བའི་དོན། །རང་གི་ཉམས་སུ་བླང་ཚུལ་ཡིན། ༈ །སྤྱིར་དུ་འདུས་བྱས་རྣམས་མི་རྟག །སྣོད་ཀྱི་འཇིག་རྟེན་མི་རྟག་ཚུལ། །དེ་ཡང་ཡིད་ལ་ཡང་ཡང་…

དགོས་སྙམ། །རྒྱུན་དུ་འཆི་བ་སྙིང་ལ་གཟེར། །དེ་ཕྱིར་བློ་སྣ་ཐུང་དུ་སོང་། །ས་ཕྱོགས་གང་དང་གར་ཕྱིན་ཀྱང་། །ད་རེས་ཙམ་ཞིག་མ་གཏོགས་པ། །ཕྱོགས་འདིར་ཁོ་བོ་མི་ཕྱིན་སྙམ། །སྐྱོ་ཤས་རང་བཞིན་ཤུགས་ཀྱིས་སྐྱེས། །ཡོན་བདག་ལ་སོགས་འགའ་ཞིག་གིས། །རྗེས་སོར་མཇལ་སོགས་ཟེར་བའི་དུས། །ཅི་ཆ་སྙམ་པ་ཡིད་ལ་ཤར། །ལར་ནི་ཚེ་ལ་ལོང་མེད་ཅིང་། །སྙི…

ཏིང་འཛིན་གྱིས། །ནམ་མཁའ་བར་སྣང་ཐམས་ཅད་ཀུན། །ཐུགས་རྗེ་ཆེན་པོ་སྒྲོལ་དཀར་སོགས། །གང་བར་དམིགས་ནས་སྔགས་བསྔོས་བྱས། །འབྲུ་དང་སྐམ་དཔྱོད་བྱུང་ཚད་ཀུན། །མཎྜལ་སྔགས་དམིགས་བྱས་ནས་ཕུལ། །གོ་མཚོན་གང་ཞིག་བྱུང་ཚད་ཀུན། །བསྐང་བའི་རྫས་སུ་དམིགས་བྱས་ནས། །ཡི་དམ་ཆོས་སྐྱོང་རྣམས་ལ་ཕུལ། །ལ་ཆེན་དཀོར་རྫས་མཐོ་ཐོག་རྣམས། །དཀོན་མཆོག་ཕྱ…

བ་ལན་མང་བྱས། །དབུལ་ཕོངས་སྡིག་པ་བྱེད་པ་འགའ། །སྡིག་འཕྲོ་གཅོད་པར་ཁས་བླངས་བཅུག །གནང་སྦྱིན་ཅུང་རེས་སྡིག་འཕྲོ་ཆོད། །ཕྱོགས་སུ་སོང་ཚེ་ཡིག་དྲུག་ནི། །དུང་གི་ཁ་བཀང་མི་ཐེ་བའི། །བྱེ་བ་རེ་ནས་བསགས་པ་ཡིས། །དུང་ཕྱུར་བརྒྱ་ལྷག་བྱུང་ངམ་སེམས། །གཞན་ཡང་མར་མེ་ཚེ་ཐར་དང་། །ཇོ་དར་བསྙེན་གནས་ངག་བཅད་སོགས། །དགེ་བ་ཁས་ལེན་དཔག་མེད་བ…

སོང་གསུམ་གྱི་སྡུག་བསྔལ་དེ། །རྣ་བས་ཐོས་ཀྱང་བ་སྤུ་གཟིངས། །ཐོག་ཏུ་བྱུང་ན་ཇི་ལྟར་བཟོད། །མཐོ་རིས་ལྷ་མིའི་བདེ་སྐྱིད་ཀྱང་། །དུག་དང་འདྲེས་པའི་ཁ་ཟས་ལྟར། །ཡུད་ཙམ་བདེ་སྟེ་སྡུག་བསྔལ་རྒྱུ། །ལྷ་མིའི་བདེ་སྐྱིད་ཐོབ་ན་ཡང་། །རྨི་ལམ་བཟང་པོ་བྱུང་བ་ལྟར། །ཤི་བའི་ནང་པར་གཅིག་ཀྱང་མེད། །མི་ལུས་ཁོ་ན་ལེན་ཆོག་ཀྱང་། །སྐྱེ་འཆིའི་…

བའི་ཉེས་དམིགས་བཤད་པ་རྣམས། །རང་གིས་ཉམས་སུ་བླང་ཚུལ་ཡིན། །དགེ་བ་ཆེ་ཕྲ་ཐམས་ཅད་ལ། །སོ་སོར་ཕན་ཡོན་མང་ན་ཡང་། །རྟ་ཁ་སྲབ་ཀྱིས་སྒྱུར་བ་ལྟར། །བསྔོ་བ་སྨོན་ལམ་གནད་ཆེ་བས། །ངོ་མཚར་ཆུ་རྣམས་རོ་གཅིག་ལྟར། །ཐམས་ཅད་མ་ལུས་གཅིག་བསྡུས་ནས། །གེགས་དང་བར་ཆད་མེད་པ་དང་། །བདེ་སྐྱིད་ཕུན་སུམ་ཚོགས་པའི་ངང་། །བླ་མེད་བྱང་ཆུབ་ཐོབ་པའི་ཕྱ…

བཟུང་སྟེ། །བྱམས་དང་སྙིང་རྗེའི་གཏོང་ལེན་གྱི། །དམིགས་པ་ཆོས་ཀྱི་སྙིང་པོར་གོ །རང་གི་ཉམས་ལེན་སྙིང་པོ་དང་། །གཞན་ལ་ནན་ཏན་ཆེན་པོས་བཤད། །རིགས་དྲུག་སྡུག་བསྔལ་དྲན་པའི་ཚེ། །ཤུགས་འབྱུང་སྙིང་རྗེ་ཆེན་པོ་སྐྱེས། །ནད་པ་རྩིས་ཆེན་ཐུ་བ་ལྟར།།ཅི་དྲག་གང་དྲག་བསམ་ན་ཡང་། །གཏོང་ལེན་དམིགས་པ་བསྒོམས་པ་བས། །བྱ་རྒྱུ་ཅི་ཡང་མ་རྙེད་དོ…

ཐམས་ཅད་ཀུན། །མི་དང་དུད་འགྲོ་ལ་སོགས་པ། །སུ་ཡིས་འབྲེལ་པ་ཐོབ་ཚད་ཀུན། །ནམ་ཞིག་བདེ་ཆེན་ཞིང་ཁམས་སུ། །བདག་གིས་སྤྲུལ་པས་འདྲེན་པར་ཤོག །གནས་སྐབས་ནད་པ་ལ་སོགས་ཀྱི། །ནད་གདོན་བར་ཆད་ཐམས་ཅད་ཞི། །སྲུང་བའི་མཆོག་ཏུ་འགྱུར་བར་ཤོག །དེ་ལྟར་སེམས་བསྐྱེད་སྨོན་ལམ་བཏབ། །དྲི་ཆུ་མང་པོ་ཁྱེར་སོང་ཚེ། །ཡིད་ཀྱི་བདུད་རྩི་འཁྱིལ་པ་དང་། …

ཏུ། །སྡུག་བསྔལ་འབྱུང་བར་བྱེད་པའི་རྒྱུ། །སྡིག་སྒྲིབ་ཉེས་ལྟུང་ཡིན་པར་བཤད། །བཤད་པ་གོ་ཙམ་མ་ཡིན་པར། །དེ་ལ་ངེས་ཤེས་སྙིང་ནས་སྐྱེས། །རྡོར་སེམས་སྒོམ་བཟླས་ཡིག་བརྒྱ་དང་། །ཤྲིཡིག་བཞི་ལྡན་གདམས་པ་སོགས། །རྒྱུན་ཏུ་ཉམས་ལེན་མཐིལ་པོར་བྱས། །སྐབས་སུ་ཞི་གནས་གསོ་སྦྱོང་དང་། །བསྐང་བ་བཤགས་པ་ལ་ཡང་འབད། །དཀོར་གྱི་སྒྲིབ་པ་ཆེ་དོག…

གྲངས་མེད་ནས། །སྡིག་ལྟུང་དཔག་མེད་བསགས་པ་རྣམས། །བཙན་དུག་ཁོང་དུ་ཤོར་བ་ལྟར། །གནོང་འགྱོད་དྲག་པོ་སྙིང་ནས་བྱས། །ད་ནི་ཚེ་མཇུག་ཅི་གདའ་བར། །དམ་ཆོས་སྙིང་ནས་སྒྲུབ་པ་ལས། །སྡིག་ལྟུང་བསག་རེ་ཞེ་དམ་བཅས། །ད་ནི་བདག་གི་བྱ་བ་ལ། །ཚོགས་བསགས་སྒྲིབ་སྦྱང་གཉིས་པོ་ལས། །བསྒྲུབ་རྒྱུའི་བྱ་བ་གཞན་མེད་སྙམ། །སྒྲིབ་སྦྱང་གཞན་ལ་བཤད་པ་རྣ…

མཆོད་པར་འོས་པ་ཅི་མཆིས་པ། །ཐམས་ཅད་བློ་ཡིས་བླངས་ཏེ་ཕུལ། །བདེ་སྐྱིད་ཐམས་ཅད་འདོད་པ་ལ། །དཀོན་མཆོག་གསུམ་ལ་མཆོད་པར་བྱས། །གསུངས་ལྟར་ལག་ལེན་ཐེབས་པར་བྱས། །དེ་ལྟར་མཎྜལ་ཆོས་ཐུན་ཡང་། །གཞན་ལ་བཤད་ལྟར་རང་གིས་བྱས། །ཉམས་དང་རྟོགས་པ་སྐྱེ་བ་ལ། །བླ་མའི་བྱིན་རླབས་འཇུག་དགོས་ཤིང་། །བླ་མའི་བྱིན་རླབས་འཇུག་པའི་རྫས། །དད་པ་མོས་ག…

མཐོང་། །བདག་ནི་སྔོན་ནས་སྐལ་པ་བཟང་། །འོད་དཔག་མེད་མགོན་སྤྲུལ་པའི་སྐུ། །རྩ་བའི་བླ་མར་བསྟེན་རྒྱུ་རྙེད། །དེ་ཕྱིར་སྐུ་དངོས་བསྒོམས་ཀྱང་ལེགས། །བདག་གི་རྗེས་འཇུག་གྲྭ་རིས་སོགས། །རྒྱལ་མཆོག་དེ་དང་དེ་འདྲ་བ། །བླ་མར་བསྟེན་རྒྱུ་མ་རྙེད་ཅིང་། །རཱ་ག་ཨ་སྱ་བདག་འདྲ་བ། །སོ་སོའི་སྐྱེ་བོའི་དགེ་བཤེས་དག །རྩ་བའི་བླ་མར་བསྟེན་དགོ…

མཆོད་པའི་དུས་མཆོད་བཟུང་། །བླ་སྒྲུབ་མཚན་སྔགས་མང་དུ་བཟླས། །གཏོར་བསྔོས་བྱས་པའི་ནང་ན་ཡང་། །དྲིན་ཐོབ་བླ་མའི་མཚན་དང་སྔགས། །མེད་ན་བློ་ཁ་ཚིམས་མ་གྱུར། །ཞག་པོ་རེ་རེའི་ནང་ན་ཡང་། །བླ་མ་དྲན་ཞིང་བླ་མའི་དྲུང་། །འགྱུ་བ་བརྒྱ་ཕྲག་ཙམ་ཡང་འཕྲོ། །ཕ་མ་སྤུན་ཟླ་མཐུན་གྲོགས་སོགས། །སུ་བས་བླ་མ་གཅེས་པར་བཟུང་། །རྒྱལ་བ་མཆོག་དེ་ལྟ་…

སྔགས་འཁོར་དང་། །འོད་ཟེར་སྤྲོ་བསྡུ་སྣ་ཚོགས་ཀྱིས། །ཕྲིན་ལས་རབ་འབྱམས་སྒྲུབ་པ་དང་། །གཞན་ཡང་དམིགས་པའི་འཕྲོ་འདུ་ཡིས། །ཚེས་འདས་སྒྲིབ་སྦྱང་གནས་སྤར་དང་། །གསོན་པོའི་སྲུང་ཟློག་རྐྱེན་སེལ་སོགས། །བསྒོམ་རྒྱུའི་རྩ་བ་དེ་ལགས་པས། །རྒྱུན་དུ་འབྲེལ་བ་མེད་འདྲར་སེམས། །རྣམ་གཡེང་ཆེ་ཡང་དེ་མི་ཤོལ། །སྔར་ནས་གོམས་འདྲིས་ཆེ་དྲག་པས།…

སྣང་བ་ཅན་ཞེས་བྱ་བ་དེར། །རྩེ་གཅིག་གསོལ་བ་བཏབ་པ་དེས། །ཐུགས་རྗེས་སྤྱན་ཟུར་གཡོས་པའི་མཐུས། །དབང་དང་སྒྲུབ་པ་ལས་ཚོགས་སྐོར། །ཁྲིད་དང་ཆོ་ག་མདོས་བཟློག་སོགས། །མཐོང་བ་ཙམ་གྱིས་དེ་ཡི་དོན། །ཤེ་མོང་སུལ་བཞིན་ཡིད་ལ་འཆར། །རྒྱས་བསྡུས་འབྲིང་དང་སྤྲོས་མེད་སོགས། །བཀའ་ལ་རས་གཅོད་མ་ཡིན་པར། །ཇི་ལྟར་བྱས་ཀྱང་ཁྲིགས་སེ་ཤེས། །བཤད་ཀ…