མི་དགའ་བས། །མི་རུང་མི་ཤིས་འབྱུང་བར་གསུངས་པ་ལྟར། །མྱེས་པོའི་ཚེ་སྟོད་ཡན་ལ་ལོངས་སྤྱོད་ལྡན། །ཀུན་གྱི་རྩི་འཇོག་ཁས་ཉན་ཁུར་མི་དགོས། །སྤྲུལ་སྐུ་བལྟམས་ནས་ལོ་གྲངས་བཅུ་ཙམ་ལ། །ན་ཚ་བཏུད་ཅིང་ཟས་ནོར་ཇེ་སྲབ་སོང་། །ཕྱི་ནང་ཀུན་གྱིས་བརྙས་ཤིང་སྙད་སྙོད་མང་། །ཤིན་ཏུ་རྒུད་ཅིང་ཉམ་ཐག་གནས་གྱུར་ཏེ། །སྔོན་ཚེ་གུ་རུ་ཆོས་ཀྱི་དབང་…

ནས་བུད་མེད་དེ་རྣམས་མགྲིན་གཅིག་ཏུ། །སྙན་པའི་དབྱངས་ཀྱིས་ཚིགས་སུ་བཅད་པ་ནི། །བླ་མ་མེད་པའི་གོང་རོལ་ན། །སངས་རྒྱས་བྱ་བའི་མིང་ཡང་མེད། །མི་ལ་བླ་མ་རང་འོང་བར་དཀའ། །བླ་མ་སངས་རྒྱས་འོང་བར་དཀའ། །ཞེས་སོགས་མང་བ་ཟེར་ཡང་ཕལ་ཆེར་བརྗོད། །གླུ་དབྱངས་དེ་འདྲེན་པཎྜི་ཏ་དེ་ཡིས། །ཅང་ཤེས་མཐིང་མདོག་ཆིབས་ནས་ནུབ་ཕྱོགས་གཤེགས། །དེ་ནི་…

ཡང་། །ང་ཡི་མི་ཤེས་ཨ་མྱེ་ལ་དྲིས་གསུངས། །དེ་ཚེ་ཆོས་བདག་ཊཱཀྐི་སྲུང་མ་ཡིས། །བསུ་ནས་སློབ་དཔོན་ཉིད་དང་སྤྱད་པའི་རྟགས། །ཨ་མྱེ་ཆང་གི་བད་པས་མདུན་མེ་འགྲམ། །མཛེས་སྡུག་ལྷ་མོ་འདྲ་བའི་རྒྱུན་ལྡན་མ། །མང་པོས་དངོས་སུ་བྲོ་བརྡུང་གར་བྱེད་ཅིང་། །ཁྱོད་ཀྱི་ཅི་བྱེད་བལྟ་རུ་འོང་ཝན་ཟེར། །དེ་དོན་མ་ཤེས་སྤྲུལ་སྐུ་མ་བཏང་བས། །ཌཱཀྐི་…

རེད་པས་ཨེ་ལོན་ལྟོས། །བླ་མ་ཆེ་བས་ཐུགས་དམ་བརྟགས་པ་གྱིས། །ཡིན་ངེས་རེད་ན་དབང་དྲག་རྒྱ་མཚོ་ལ། །དར་ཐག་རྒྱུད་ནས་དབང་ཐོབ་དད་པ་ཆེ། །བདག་གས་ཀཐོག་བང་ཆེན་འགྲོ་གྲོགས་བྱེད། །སྨྲས་འདུག་བླ་མ་ཆོས་དབང་ཀུན་བཟང་གིས། །ཡ་གི་མ་ཐང་ནང་གི་བུ་འདི་ལ། །ཀཿཐོག་བན་དེ་ཕྱིན་པ་ཀུན་གྱིས་ཐོས། །རང་གར་བཞག་པས་འོང་ལ་མི་གདའ་ཞིང་། །སྔོན་གྱི་ལ…

དཔལ་འདི་ཙམ་བཟང་བ་སྔར་མ་ཤེས། །ང་ཡི་རི་ཁྲོད་འདི་ལས་སྐྱིད་པ་ནི། །གར་ཡང་མེད་སྙམ་དགའ་བདེས་ཁྱབ་པ་རྨིས། །མདུན་དུ་བདུད་རྩིའི་ཆུ་མིག་རྡོལ་བ་དེ། །སྤྲུལ་སྐུ་གཏེར་ཆོས་ཆུ་མགོ་ཡིན་པའི་བརྡ། །དེ་ལ་ཆུ་ཆེན་གྱུར་ནས་འབབ་པ་དེ། །གསང་སྔགས་བསྟན་པའི་ཆུ་བོ་རྒྱས་པའི་བརྡ། །ལྗོན་ཤིང་འདབ་རྒྱས་མང་པོས་བརྒྱན་པ་དེ། །དཔག་བསམ་ཤིང་ལྟར་…

གི་དེ་ཉིད་བཅོས་བསམ་ཛ། །མཁར་ལ་གནོད་པར་བྱེད་པའི་འདྲེ་དེ་ནི། །ཕུབ་ལེབ་འབུ་འདྲའི་མདོག་དང་དབྱིབས་འཆང་བ། །ཆེ་ཆུང་གཡག་ཙམ་གདའ་བ་མཆངས་བྱུང་བས། །མི་རྣམས་དྲེད་མོང་རེད་ཟེར་བྲོས་སོང་ངོ་། །དེ་ཡི་མགོ་ལ་བདག་གིས་གྱོད་བརྒྱབས་པས། །ཀླད་པ་འཐོར་ནས་ཤི་སོང་ཐུལ་བ་རྨིས། །དེ་ཡང་སྔོན་ཚེ་གཏེར་སྟོན་རཏྠ་ལ། །བུད་མེད་དར་དང་རིན་ཆེན་…

ཅན། །དཀར་སེར་དམར་ལྗང་མང་པོའི་ཚོགས་རྣམས་དང་། །བུད་མེད་གོ་ཅོག་གྱོན་པ་དཀར་སེར་དམར། །ལྗང་གུ་མང་པོས་གཅིག་གིས་ཐག་འཐག་ཅིང་། །གཞན་རྣམས་སྟངས་སྟབས་རྣམ་འགྱུར་སྣ་ཚོགས་བཅས། །ཚུར་ཚུར་བཅར་ནས་བྱུང་བ་དངོས་སུ་མཐོང་། །སྤྲུལ་སྐུ་ཚུར་ནུད་འདི་འདྲ་བྱུང་ངོ་ཟེར། །སྤྲུལ་སྐུ་ཞབས་མ་བདེ་ཞིང་བད་ཀན་དང་། །སྲོག་རླུང་ཞད་ཙམ་གཅིག་ཀྱང་…

བརྡར་བྱས་ནས་འོད་ཆེན་པོ། །འོང་རྒྱུ་ཡོད་དོ་སྙམ་དུ་བསམ་པ་རྨིས། །གླིང་བཞིའི་མུན་སེལ་ཉི་མ་པདྨ་འབྱུང་། །དེ་ཡི་རྒྱལ་ཚབ་ཙཎཱ་སྤྲུལ་སྐུ་འདི། །ཟླ་བའི་མཚན་ཉིད་ཚང་ལྟར་མཚན་ཉིད་ཚང་། །ཟླ་བ་ཡིན་ངེས་ཡིན་ལྟར་ཐེ་ཚོམ་མེད། །འོད་ཟེར་མེད་པ་ཡོན་ཏན་བསླབ་དགོས་བརྡ། །ཕྱི་བརྡར་བྱས་ནས་འོད་ཟེར་འབྱུང་བ་ལྟར། །དབང་ལུང་སྐུ་ཡོན་བདག་གིས…

མར་ཐུད་ཕྱག་རྟེན་དང་བཅས་བྱུང་བ་རྨིས། །ཕེབས་ཀྱང་སྐུ་རིམ་འགའ་ཞིག་མ་གཏོགས་པ། །སློབ་དཔོན་བྱེད་པ་ཨེ་འགབ་སྙམ་ནས་བརྟགས། །བྱིས་སྦ་སླག་གུ་ཅན་གཅིག་རང་མདུན་དུ། །ཡོན་ཏན་སློབ་ཟེར་ཡི་གེ་ལྟ་བ་རྨིས། །ངེད་ནི་འབྱོན་ཞིང་སློབ་དཔོན་བྱ་དགོས་ན། །བར་ཆད་ཞུགས་དོགས་སྔ་ཕྱི་ཡོད་པས་ན། །ནམ་འབྱོན་བསམ་ཛ་ཉམས་དང་རྨི་ལམ་མཚམས། །བླ་མ་ཕེབ…

བྱུང་བར་སྐུ་རྒྱལ་ར་མདར་རྒྱུག །དེ་ཚེ་མགོན་པོས་བར་ཆད་བསལ་བ་དང་། །འབྱོན་ལམ་བདུད་ཀྱི་རྒྱལ་པོས་བཀག་པ་ལ། །རྣམ་སྲས་དམར་པོ་དང་ནི་སྐྱེས་བུ་ཡི། །གོ་ཆ་བགོས་ཞིང་མཚོན་ཆ་ལག་ཐོགས་ནས། །ད་ལོ་འདིར་བཞུགས་ཚེ་ཡི་བར་ཆད་འབྱུང་། །འབྱོན་བྱོན་ཟེར་ནས་རྟ་འཕོང་བཞག་ཁྱེར་རྨིས། །དེ་ནས་ཞག་ནི་གསུམ་བཞི་ཙམ་གཅིག་ནས། །ཡབ་ཀྱི་གདན་འདྲེན་བ…

སྐུ་སྟོད་ཁེབས་པ་གཉིས། །ནང་ཆེན་གྲྭ་ནང་ངོས་ཀྱི་ལྷ་རྒྱུད་དེ། །ད་ནི་བསྙག་རན་ཐལ་བ་ཨེ་རིགས་ཟེར། །ཕྱིར་ནངས་ཕེབས་ཡོད་ནམ་འབྱོན་ཟེར་བྱུང་ངོ་། །ཤིང་ཕོ་རྟ་ལོ་དགུང་ལོ་བཅུ་ཡི་སྟེང་། །སྨིན་དྲུག་ཟླ་བའི་བཅོ་བརྒྱད་ཉིན་ལ་ཕེབས། །སྐུ་དབྱིབས་ན་བཟའ་མར་ཐུད་ཕྱག་རྟེན་བཅས། །རྨི་ལམ་བྱུང་བ་དེ་ཉིད་དངོས་ལྟར་སྣང་། །སྨེ་བརྩེགས་རྣམ་…

ལ་ལ་རང་ཉིད་རྩེ་གཅིག་ཉམས་ལེན་བརྩོན། །དོན་འབྲས་འགྲུབ་ནས་གཞན་དོན་རླབས་ཆེན་སྐྱོང་། །ལ་ལ་འཕྲད་གྲོལ་གཞན་ཕན་དོན་བརྩོན་འགྱུར། །ལ་ལ་རང་གཞན་གཉིས་དོན་ལྷན་ཅིག་སྐྱོང་། །དེ་རྣམས་ངེས་མེད་གང་ཡང་སྤྲུལ་པའི་སྐུ། །རྒྱལ་བའི་དགོངས་པས་ཡོངས་ཟིན་ཨེ་མ་ཧོ། །ཞེས་པའི་དོན་དང་འདིར་ཡང་མཐུན་པ་ཡི། །མགྲིན་པ་ཐུགས་ཀ་ལྟེ་བར་སྨེ་ཆུང་རེ། …

བུད་མེད་རྣམས། །མཚོ་ལ་ངང་ངུར་འདུ་བཞིན་མོས། །དེ་དང་ལུས་ཀྱིས་གང་འབྲེལ་བ། །ངེས་པར་མཁའ་སྤྱོད་གནས་སུ་འགྲོ། །ངག་གིས་ཆོས་ཀྱིས་གང་འབྲེལ་བ། །ཐར་པ་བྱང་ཆུབ་ཐེ་ཚོམ་མེད། །ཟས་དང་ནོར་གྱི་འབྲེལ་བ་ཀུན། །ཕྱི་མ་དག་པའི་ཞིང་དུ་འགྲོ། །ཞེས་གསུངས་དོན་དང་རྗེས་མཐུན་པར། །ཁམས་ཀྱི་ནུབ་ཕྱོགས་དགུང་སྙིང་བྱ་ཡི་ལོ། །མགྲིན་པར་སྨེ་བས་ས…

མང་། །སྐྱབས་ལ་བསླུ་བ་བདུད་ཀྱི་སྤྲུལ་པ་ཡང་། །རྟགས་མཚན་ཆོ་འཕྲུལ་དངོས་ལས་ལྷག་པ་ཙམ། །སྙིགས་དུས་འགོང་པོ་དམ་སྲིའི་སྤྲུལ་པ་ཡང་། །མངོན་ཤེས་གྲུབ་རྟགས་མ་ངེས་ཅིར་ཡང་འབྱུང་། །སློབ་མ་དད་ལྡན་བླ་མར་གསོལ་བཏབ་པས། །བྱིན་རླབས་ཞུགས་པས་བླ་མ་དེ་ཉིད་ཀྱི། །སྐུ་ཡི་སྐྱེ་བ་ཡིན་པར་གྲགས་པ་འབྱུང་། །སོ་སོའི་སྐྱེ་བོའི་དགེ་བའི་བཤེས…

ཚོད་འཛིན་པས་སངས་རྒྱས་སྤྱོད་ཡུལ་ཡིན། །བདག་འདྲ་རྨོངས་པས་ཤེས་པ་ག་ལ་ཞིག །འོན་ཀྱང་ཡི་དམ་ལྷ་ལ་མངོན་ཤེས་མངའ། །རྒྱུད་སྡེ་རྣམས་ནས་ཡི་དམ་ལྷ་རྣམས་ཀྱི། །ལས་ཚོགས་སྐྱེ་བ་བརྟག་པ་མང་དུ་གསུངས། །བདག་ཀྱང་ཡི་དམ་ཆོས་སྐྱོང་མང་པོ་ཡི། །སྒྲུབ་པ་ཆེ་ཕྲ་བརྒྱ་ཕྲག་བརྒལ་ཙམ་གྲུབ། །ཁྱད་པར་ཐུགས་རྗེ་ཆེན་པོ་ཡུན་རིང་བསྒྲུབས། །ལས་ཚོགས་ཕ…

ཅིང་གསོལ་བ་རྩེ་གཅིག་བཏབ། །ཐུགས་རྗེ་ཆེན་པོའི་སྐྱེ་བ་བརྟག་ཐབས་དང་། །ཨོ་རྒྱན་ལས་ཚོགས་རྨི་ལམ་བརྟགས་པ་བྱས། །བུ་འདི་ཀཐོག་བླ་མ་ཡིན་འདུག་ན། །བླ་མ་སུ་ཡིན་གསལ་པོར་བསྟན་དུ་གསོལ། །དེ་སྐད་དམོད་བོར་ཉལ་བར་བྱས་པའི་སྐབས། །གཉིད་པ་མ་ཡིན་ཉམས་ཀྱི་སྣང་བ་ལ། །ཐུགས་རྗེ་ཆེན་པོའི་རྟེན་གྱི་ཕྱོགས་དེ་ནས། །ལུང་བསྟན་ཚིག་འབྲུ་གཉིས་…

འཇམ་དབྱངས་སྤྱན་རས་གཟིགས་དང་སྒྲོལ་དཀར་དང་། །ཨོ་རྒྱན་བདེ་མཆོག་ལ་སོགས་མང་པོ་ཡི། །སྐྱེ་བ་བརྟག་ཐབས་ཤེས་ཚད་བྱས་ནས་ཉལ། །གཉིད་པ་མ་ཡིན་ཉམས་ཀྱི་སྣང་བ་ལ། །བྱིས་སྦ་དེ་ཉིད་བླ་མ་ཆེན་པོ་ནི། །སྐུ་ཤ་དཀར་ལ་སྨུག་པའི་མདངས་ཆགས་པ། །མཁུར་ཚོས་གཉིས་ལ་ཐིག་ལེ་དམར་པོ་ཅན། །སྨྲ་ར་ཅུང་ཟད་བཞི་བཅུའི་ན་ཚོད་ཅན། །དབུ་ལ་གོས་ཆེན་པད་ཞྭ་བ…

ངོ་མི་ཤེས་པའི་བླ་མ་གཉིས་སྣང་བས། །ཚེ་དཔག་ལྷ་དགུའི་ཆོ་ག་བཏང་བ་ལ། །ངེད་གསུམ་འདོན་པ་ངེས་པོ་མི་གདའ་བས། །བསམ་བློ་བཏང་ཞིང་བཏོན་པས་ཁོང་གཉིས་ཀྱི། །ཆོ་ག་ཚིག་ལྷུག་ཉོག་གེ་བ་གཅིག་བཏོན། །ངས་ནི་ཚིགས་བཅད་དངོས་གཙང་ལེགས་པར་བཏོན། །དེ་ཚེ་མདུན་དེར་རས་གཞི་གསར་པ་ནི། །སྔོན་ཆད་ཅི་ཡང་མ་བྲིས་པ་གཅིག་ལ། །ངེད་གསུམ་མངོན་རྟོགས་ཅི་…

ནས། །བཟོང་བ་དེ་ལ་མཆོད་བསྟོད་བྱེད་འདོད་ནས། །ང་ལ་དྲིས་པས་བདག་གིས་ཤེས་སྙམ་ནས། །མདའ་ཡི་ལ་བཙས་རང་ག་བྱིས་སྦ་ཚོས། །བཏགས་པ་རེད་ཕྱིར་གནད་ནི་ཆེན་པོ་མེད། །ཕུ་ཡི་ལ་བཙས་བཟང་ཞིང་གནད་ཆེ་སྨྲས། །རྨིས་ལྟར་དེ་ནི་ཕུ་ཡི་སྐུ་སྐྱེ་འདི། །བཟང་ཞིང་མདའ་ཡི་དེ་ནི་བརྫུ་མར་གོ །དེ་ནས་སུན་མ་བཟློག་ཅིང་བརྟན་བཞུགས་ཕུལ། །བུ་འདི་མི་འགྱུ…

ཀྲུང་གིས་བཞུགས་བླ་མ་དེ་ཉིད་ནི། །ཆོས་རྗེ་གྲགས་པ་རྒྱལ་མཚན་ཡིན་ནོ་སྙམ། །དེ་མདུན་བདག་འདུག་ཆོས་ཀྱི་གླེང་མོ་བྱས། །འདི་ནི་རྗེ་འབངས་གཅིག་གི་སྤྲུལ་པ་ཡིན། །སྙམ་ཞིང་འགྱུར་མེད་དད་པ་བརྟན་པོ་ཐོབ། །ཉེ་གནས་བུད་མེད་གཅིག་གིས་དེ་ལ་ནི། །བརྩེ་བའི་རྣམ་འགྱུར་བྱེད་ཅིང་འདུག་པ་རྨིས། །གཏེར་སྟོན་ཡིན་པའི་རྟགས་དང་ཆགས་ལམ་སོགས། །ད…