དབང་ལུང་ཁྲིད་སོགས་འགྲོ་དོན་གང་འཕེལ་གྱིས། །ཁྱད་པར་ཁྲེགས་ཆོད་རྟོགས་པ་མི་མཐོང་ཡང་། །ཐོད་རྒལ་སྟོན་དང་བར་དོ་དེས་ཆོད་གསུངས། །རྟེན་འབྲེལ་ཡོད་སྙམ་ལེགས་སོ་ཞུས་ནས་ཀྱང་། །ལོ་ངོ་ཕྱེད་བཞིར་གསུངས་ལྟར་འགྲོ་དོན་བྱས། །བར་ཆད་མེད་ཅིང་འགྲོ་དོན་འཕེལ་བར་བྱུང་། །དེ་སྐབས་སྤྲུལ་སྐུ་དགུང་ལོ་བཅུ་དགུའི་སྟོད། །ཡོས་ལོ་ཆོ་འཕྲུལ་ཟ…

ཞུ། །མདའ་ནི་ཡག་པའི་ཐོག་ཏུ་གཞུ་ཕབ་དཔེ། །ད་ནི་ང་ཡི་བློ་ཉེས་རེད་ཤོར་ན། །ང་རང་སྡུག་པའི་ནད་ཀྱིས་འཆི་བར་འགྱུར། །ཁྱོད་རང་གསལ་ཉམས་ཤར་དུས་མངོན་ཤེས་མངའ། །མ་གསལ་དུས་ཀྱང་ཨོ་རྒྱན་ལུང་བསྟན་འབྱུང་། །མ་བྱུང་ན་ཡང་བརྟག་པས་ཐིག་འོས་ཡིན། །དེ་ཕྱིར་ཉིད་ཀྱི་དགོངས་པས་ཐག་ཆོད་མཛོད། །གལ་ཏེ་དེ་ཉིད་ལོག་པར་གྱུར་ན་ཡང་། :།ལས་ཀྱི་རྣ…

གསུངས་པ་འདི་དག་ཐུགས་ལ་མ་བརྗེད་ཞུ། །ཨོ་རྒྱན་རྗེ་ལ་གསོལ་བ་བཏབ་བྱས་ནས། །ཉམས་ལ་གང་ཤར་སྣང་བ་ཐག་ཆོད་མཛོད། །ཉི་མ་ཤར་བ་དབྱུག་པས་བཀག་མི་ཐུབ། །མི་ཆེན་བླ་ཆེན་རྣམས་ཀྱིས་ངོ་མ་བསྲུང་། །ཨོ་རྒྱན་ལུང་བསྟན་ཉིད་དང་དགོངས་པ་གསལ།། །བློ་ཆུང་ཕན་འདོགས་བློ་བཅོས་ཁར་མ་ཉན། །མ་ཇོ་ནང་ཆེན་གྲྭ་ནང་ཕྱོགས་སུ་ཡོད། །རཱ་ག་ཨ་སྱས་བརྟག་པ་གྱ…

ཆོས་ལ་སྤྱོད། །ཅེས་གསུངས་ཞལ་ད་རྣམས་ཀྱང་མ་བརྗེད་ཞུ། །ཞེས་ཞུས་བཀྲ་ཤིས་བརྗོད་ནས་དབུ་གཏུགས་ཞུས། །དེ་ཕྱིན་སྤྲུལ་སྐུ་ཉིད་དང་མ་མཇལ་ལོ། །སྤྲུལ་པའི་སྐུ་རིན་པོ་ཆེ་ཉིད་ལ་ཕྱི་ཕྱག་འཚལ་ནས་བཀྲ་ཤིས་བརྗོད་པའི་ལེའུ་སྟེ་བཅུ་བདུན་པའོ།། །།དེ་ནས་གླང་སྟག་ཡོས་ཏེ་ལོ་ངོ་གསུམ། །ཟླ་གྲངས་བཅོ་བརྒྱད་སྐུ་མཚམས་བཞུགས་པའི་མཚམས། །རཱ་ག་…

ང་ཡི་རྩ་རུ་བྱུང་། །འབྱོན་པར་ཐག་བཅད་སྐུ་མཚམས་གྲོལ་ཡོད་དེ། །རྟ་ཁལ་གྲྭ་པ་ཉུང་འདུག་ཅི་བྱ་ཟེར། །རྟ་ཁལ་གྲྭ་པས་ང་ལ་མི་ཕོངས་ཏེ། །མགོ་དཔོན་ཆབ་མདོས་ཅི་གསུངས་ཚོད་མེད་པས། །ངས་ནི་རྟ་ཁལ་གྲྭ་པ་བཏང་མི་ཕོད། །རེ་ཞིག་ཞང་པོའི་ཡུལ་ནས་རྟ་ཁལ་དང་། །མི་སྐྱ་འགའ་རེས་སྐྱེལ་བར་བྱེད་ཆུག་དང་། །རྫ་ཆུ་ཡོལ་ནས་གྲྭ་པ་རྟ་ཁལ་སོགས། །རིམ་…

བསྒྲིགས་པར་ཞུ། །གལ་ཏེ་ཀཿཐོག་ངོས་སུ་ཕེབས་ཤོམ་ན། །བླ་མ་བཟང་ལ་མང་བ་བཞུགས་ཐོས་པས། །བརྟག་པ་མཛོད་ལ་ཞུ་བར་རུང་རྣམས་ལ། །གཏེར་རྙིང་དབང་ལུང་རྒྱ་ཆེན་ཅི་ཐོབ་མཛོད། །རང་ངོ་རྙིང་མ་བ་ཡི་སྙིང་ནོར་ནི། །དཔེ་ཆ་ཡིན་ཕྱིར་ཐོང་བའི་དཔེ་ཆ་རྣམས། །བཞེངས་སམ་འབུལ་མི་བྱུང་ངམ་བསླུ་བ་སོགས། །ཇི་འགྲུབ་མཛད་ཅིང་ནོར་གྱི་སྙིང་པོར་འཆང་། །…

སྐད་ཞུ་ཡིག་བསྐུར་ནི་ཚར་མ་ཐག །རྐང་པའི་ཟུག་གཟེར་སྐད་ཅིག་ཉིད་ལ་ཞི། །དེ་དུས་སོང་ན་བདག་ལ་དཔོན་པོ་ཡིས། །བཀའ་བཀྱོན་ཆེན་པོ་འོང་བའི་རྟགས་སུ་གོ །དེ་དུས་ཁ་ཆ་ཞུ་ཡིག་གཉིས་ཀ་ལ། །ཕེབས་པ་རྣམས་སུ་ཞལ་གཟིགས་ལ་སོགས་པའི། །རྟགས་མཚན་ཅི་བྱུང་ཕྱག་བྲིས་མཛད་ནས་ཀྱང་། །ང་ལ་བསྐུར་བ་གལ་ཆེ་གལ་ཆེ་ཞུས། །ཕྱིས་སུ་ཕྱག་བྲིས་མཛད་ནས་བསྐུར…

ད་ཕྱིན་ཆད་འདིར་འོང་མི་རུང་སྨྲས་པས་དེ་མ་ཐག་ཟོས་སོ། །གླིས་ཐོག་ཏུ་བསྡད་ནུབ་ཀླུ་ཆེན་པོ་སྦྲུལ་མགོ་སྟོང་གི་གདེངས་ཀ་ཅན་ཞིག་གིས་ཕྱག་འཚལ་བྱུང་། དེ་ནས་རེག་གནས་སྒོར་རྟགས་དང་ཆོ་འཕྲུལ་མང་དུ་བྱུང་། ཀེ་གཞུང་དུ་མི་ནག་པོ་ལུག་ཞོན་པ་གཅིག་དང་ལམ་ནང་དུ་འཕྲད་མ་ཐག་མེད་སོང་། ནཱ་རོའི་གསང་ཕུག་ཏུ་ནུབ་གཅིག །ནངས་པར་མི་སྣ་ཆེན་པོ་…

དང་ཆོ་འཕྲུལ་དཔག་ཏུ་མེད་ཀྱང་བརྗེད་ནས་སོང་། མཚོ་ནག་ཟེར་བའི་ཀླུ་ཞིག་གིས་སྲོག་སྙིང་ཕུལ། མིང་རྡོ་རྗེ་དགྲ་འཇོམས་སུ་བཏགས། སྤོམ་བྲག་དགོན་པ་བསྲུང་བའི་དམ་བཅའ་བྱས་པ་ཡིན་ནོ། །དེ་ནས་སྡེ་དགེའི་ཕོ་བྲང་གཡུལ་མདོར་བསླེབས། ཐེའུ་རང་ཕྲན་བུ་ཞིག་གདའ་བ་དཔག་ཚད་བདུན་གྱི་ཕ་རོལ་ཏུ་བྲོས་ཐལ། སྣ་འབྲོམ་མ་གོར་ཆུ་བདག་ཕྱག་འཚལ་དུ་བྱུང…

བྱས། དེ་ནས་སྡེ་དགེ་བླ་དཔོན་གྱིས་ཆར་འབོད་དགོས་གསུངས་པས། ཆུ་མིག་ཐམས་ཅད་ལ་ཀླུ་སྨན་བཀྲམ་པ་དང་ཆུ་དར་འཛུགས་པ་ཙམ་བྱས། ཀླུ་འགའ་འདུས་བྱུང་སྟེ། ཆར་ཆེན་པོ་མི་གདའ། ལར་རྒྱལ་པོ་དམར་ཅན་དེས་མེ་མཆུ་བཟུང་ནས་བཀག་གོ །རང་ཉིད་གུ་རུ་དྲག་པོའི་ང་རྒྱལ་གྱིས་དཔག་ཚད་གཅིག་གི་ཕ་རོལ་ཏུ་འཕངས། དེ་འདྲ་མངོན་སུམ་དང་རྨི་ལམ་དུ་ལན་འགའ་བྱས…

བཀབ་ནས་བཞག་ཡོད། ཡང་མཚམས་ཁུང་དུ་གསོལ་འདེབས་འགའ་བྱས་རྗེས་མཚན་མོ་ལག་ཏུ་ཧྲལ་ཧྲིལ་པོ་གཅིག་སླེབ་འདུག །སྔས་སུ་བཞག་པས་ཕྱིར་ནངས་ཤེལ་སྒོང་ཆུང་ངེ་བ་གཅིག་སྣང་། །དེ་ཕྱིས་ཀུན་བཟང་ཤེས་རབ་ཅེས་རང་གི་རྩ་བའི་སློབ་མར་གྱུར་པའི་བླ་མ་དེ་ལ་བྱིན། ་ཡང་ལྕགས་ལས་གྲུབ་པའི་སྡིག་པའི་གཟུགས་ཤིག་སྔས་སུ་སླེབ་འདུག །ལྷོ་ཡི་བྷ་ཁ་སྤྲུལ་སྐ…

ལོའི་གཏོར་ཟློག་བཅས་པས་བཀའ་སྲུང་གི་རྟགས་རྨི་ལམ་ཡུལ་དུ་མཚོ་ནག་པོ་ཆེན་པོ་གཅིག་འདུག་པ་སྨྱོ་ཁའི་བླ་མཚོ་ཡིན་ཟེར། དེའི་ནང་ནས་སྡོམ་སྦལ་པ་ཙམ་ཞིག་བྱུང་། དེ་རྗེས་སྡིག་པ་མགོ་དགུ་རྭ་བཅོ་བརྒྱད་པ་གཅིག་ཐོན་བྱུང་བ་ལ་ངེད་རང་རྣམས་རྗེས་ནས་སྡིག་པ་འབྲི་དུས་འདི་ལྟ་བུ་འབྲི་དགོས་པ་མ་བརྗེད་བྱས་པ་རྨིས། གཞན་ཡང་གྲུབ་རྟགས་སོགས་མ…

ནས་ཚུར་ཐེག་པས་རྨུགས་སངས་གནས་ནང་ནས་ཡིན་ཟེར་བུ་མོ་མཛེས་མ་རལ་བུ་སྣུམ་སི་ལེ་བ་བདུན་བྱུང་། བླ་མ་ངེད་ཀྱི་གནས་སུ་ཕེབས་དགོས་པའི་རྟེན་འབྲེལ་ཡོད་ཟེར། དེ་ནས་རྨུགས་སངས་གནས་ནང་གི་རྒྱབ་ཏུ་ཨོ་རྒྱན་ཡིད་ཀྱིས་བསྒོམས་པ་ལྟ་བུ་ལན་གཉིས་མཇལ། དེ་རྗེས་ནུབ་གཅིག་མཁའ་འགྲོ་མ་རུས་པའི་རྒྱན་དྲུག་གིས་བརྒྱན་པ་ལྔ་བྱུང་། བླ་མ་རིན་པོ་ཆ…

ལས་མ་འདའ་བར་བུ་འདི་རང་མལ་དུ་སྐྱོལ་ཅིག །འགྲོ་བའི་དོན་བྱེད་དགོས་པ་ཡིན་གསུངས། བདག་གི་སྤྱི་བོར་རྡོ་རྗེ་བཞག་ནས་བར་ཆད་མི་འབྱུང་བའི་བྱིན་རླབས་མཛད། ད་མྱུར་དུ་སྐྱོལ་ཤིག །བར་ཆད་མི་འབྱུང་བའི་ཕྱིར་རོ་གསུངས། ལྷོ་ཕྱོགས་ཀྱི་ནམ་མཁར་གཤེགས་མ་ཐག །མཁའ་འགྲོ་བཞིས་སྔར་ལྟར་རང་ཡུལ་དུ་བསྐྱལ། དེ་ནས་གཉིད་སད། གུ་རུ་རིན་པོ་ཆེ་ལ་…

བསྡུས་བཀྲ་ཤིས་པའི་ཆོ་ག་བྱས། དེ་ནས་རྨུགས་སངས་གནས་ནང་དུ་བསླེབས། རྟེན་འབྲེལ་ལེགས་ཚོགས་འགྲིགས། ཀིང་ཀང་བཟློག་པ་བཅས། ཐུབ་རྟགས་ཚད་མེད་བྱུང་། །ཕུལ་ནུབ་རྨི་ལམ་དུ་དགྲ་བོ་དགུ་བསད་ནས་ལྟོ་དྲལ་ཏེ་རྒྱུ་མ་རྣམས་རང་ཀིང་ཀང་དུ་བསྒོམས་ནས་ཟོས་པ་རྨིས། དེ་ནས་གནམ་ཆོས་འབར་མའི་གཡག་རྐང་བཅས། གཏེར་མགོན་དངོས་སུ་མཇལ། དགྲ་ཆོས་ཤིག་བ…

ནས་བཀག་པས་གནས་སྒོ་ཕྱེ་མ་གཏུབ། དེའང་རྟེན་འབྲེལ་ཅུང་ཟད་གཅིག་མ་འགྲིགས་པས་ལེན་པར་འདུག །གནས་སྒོ་རྣམས་ཕྱེས་ཚེ་ཡང་གུ་རུའི་དག་སྣང་དང་ནམ་མཁའ་ལ་འཇའ་ཚོན་བར་སྣང་ལ་མེ་ཏོག་གི་ཆར་དཔག་ཏུ་མེད་པ་བྱུང་ངོ་། །དེ་ལ་འཛའ་ལ་གཞུང་དུ་གུ་རུའི་དག་སྣང་དཔག་ཏུ་མེད་པ་བྱུང་། ཅོང་ཀ་མདོར་ལྷ་འདྲེ་མང་པོ་འདུ་བ་དང་ལྷ་འདྲེས་ལུང་བསྟན་བྱེད་པ…

རྣམས་རྒྱུན་དུ་བྱུང་བ་ནི་ཐམས་ཅད་གསལ་ལོ། །དེ་ནས་ཚ་མོང་རྡོ་རྗེ་དྲིལ་དཀར་ཞོལ་དུ་བསླེབས། རྨི་ལམ་འགའ་རེ་བྱུང་བ་རིམ་པར་ཐོག་ཏུ་བབས། འདོར་གཤིས་ནས་བཏེག་ཉིན་འཇའ་ངོ་མཚར་བ་ཡུན་རིང་བྱུང་། ཡང་ཟི་ཁྲ་སྨན་ཆེན་སྒང་དུ་བསླེབས། ཁྲོམ་ཚོགས་རྣམས་ལ་ལུང་འབྲེལ་བཙུགས། དག་སྣང་དུ་གུ་རུས་བྱིན་གྱིས་བརླབས་པའི་དག་སྣང་དང་། དངོས་རྟགས་ཉ…

བྷ་དིར་ཡི་དམ་གྱི་དག་སྣང་འགའ་རེ་བྱུང་། གནས་པོ་ཡོན་ཏན་རི་བཀྲའི་ཆིབས་ངང་པ་ཟེར་བ་དེས་སྔོན་ཡང་བླ་མ་འགའ་རེ་བཅད་པར་འདུག །བདག་ལའང་མི་དགའ་བར་བྱེད་པར་འདུག །དེ་ཡི་ལ་ཁ་ནས་འོང་བས་ཁོ་འཇིགས་སུ་རུང་བའི་གཟུགས་སུ་བྱས་ནས་སྔོན་མ་ཀི་ནས་བལྟས་བྱུང་བས། རྡོ་རྗེ་གྲོ་ལོད་ཀྱི་ཧཱུྃ་སྒྲུབ་གསལ་བ་ལས། ཁྲོས་མ་ལྷ་ལྔར་གནས་འགྱུར་བར་བྱས…

བོ། །མངྒ་ལཾ། །འགྲོ་དོན་དུ་ཕེབས་དུས་རྟགས་མཚན་བྱུང་ཚུལ་གྱི་ལེའུ་སྟེ་བཅོ་བརྒྱད་པའོ།། །།དེ་ནས་ཕྱི་ཡི་རྣམ་ཐར་སྨད། །དབོན་པོའི་ངག་ནས་ཐོས་པ་རྣམས། །མདོར་བསྡུས་ཟུར་ཙམ་བཤད་པ་ནི། །འདམ་ཐོག་དགོན་དང་མནུལ་མདའ་དགོན། །ལྕགས་ར་དགོན་དང་དམེ་ཤོད་དགོན། །ཀྱི་ལེ་ཐང་དང་སྣ་འབྲང་མགོ །ཀཿཐོག་རྡོར་གདན་བདེ་ཆེན་དགོན། །རྩ་སྡེའི་གཙུག་…

བཞུགས་པའི་གནས། །སྟོང་ཤོང་འབུམ་རྡུག་ལ་སོགས་པ། །རྒྱལ་པོའི་ཕོ་བྲང་ཞབས་ཀྱིས་བཅགས། །རྒྱལ་པོ་དང་ནི་རྒྱལ་རིགས་དང་། །བློན་པོ་དང་ནི་སྣ་ཆེན་པོ། །བཙུན་མོ་དང་ནི་ལྕམ་གྱི་རིགས། །ཁྲི་སྐོར་དཔོན་དང་སྟོང་སྐོར་དཔོན། །བརྒྱ་དཔོན་དང་ནི་སྟོང་དཔོན་སོགས། །རང་རང་རིགས་རུས་ཆོ་འབྲང་དང་། །སྒྱུ་རྩལ་མཁན་པོས་ཁེངས་པ་རྣམས། །དབང་དུ་འད…