༄༅། །སྤྲུལ་སྐུ་མི་འགྱུར་རྡོ་རྗེ་སྔོན་རྒྱལ་བུ་དོན་གྲུབ་ཏུ་སྐྱེས་པའི་རབས་བཞུགས་སོ།། ༈ སྔོན་ཚེ་བསྐལ་པ་དཔག་མེད་གོང་རོལ་དུ། །བསྐལ་པའི་མིང་ནི་བཟང་པོར་སྤྱོད་ཅེས་བྱ། །སངས་རྒྱས་སྣང་མཛད་ཅེས་བྱའི་བསྟན་པ་སྟེ། །གྲོང་ཁྱེར་བྷ་ར་ཎ་ཞེས་བྱ་བ་རུ། །རྒྱལ་པོ་ཆེན་པོ་ཤིང་རྟ་འདྲེན་པ་དང་། །ཀུན་དགའ་བཟང་མོ་ཡབ་ཡུམ་གཉིས་ཀྱི་སྲས།…

ཁྲིད། །དེ་དུས་མུ་སྟེགས་རྒྱལ་པོ་ཤིག་ལྡན་གྱིས། །སྤྲང་པོ་གཅིག་ཀྱང་སྦྱིན་པ་ལེན་དུ་བཏང་། །དེ་ནི་ཆོས་ལ་མི་དགའ་ཕྲག་དོག་ཆེ། །དེ་ཡི་བྲན་དེས་གཡོག་ལ་ལོ་དྲུག་ཙམ། །འདུག་པར་ཁས་བླངས་ནས་ནི་དེར་བསྡད་དོ། ༈ །དེ་ནས་གོང་གི་རྒྱལ་ཕྲན་དེ་མཇལ་ཏེ། །ཞབས་ལ་ཕྱག་འཚལ་འདུད་དེ་འདི་སྐད་ཞུས། །ཀྱེ་མ་ཀྱེ་མ་བདག་ཅག་བསོད་ནམས་ལྡན། །འཛམ་གླི…

དེ་ནས་གོང་གི་སྤྲང་པོའི་འདི་སྐད་དུ། །ཟླ་བ་བཞི་ཙམ་སོང་ཞིང་གཡོག་ཀྱང་འགྲུབ། །སྦྱིན་པ་བྱིན་དང་བདག་ནི་ད་འགྲོ་ཞུས། །རྒྱལ་བུ་དེས་ཀྱང་དེ་ལ་འདི་སྐད་གསུངས། །ཀྱེ་མ་ཁྱོད་ཀྱི་བྲན་དང་ཕོ་ཉ་བྱས། །ཅི་དགའི་ལོངས་སྤྱོད་དག་ལ་སྤྱོད་ཅིག་དང་། །བདག་གིས་བྱང་ཆུབ་སེམས་བསྐྱེད་སྲི་བ་མེད། །ཅེས་གསུངས་བྲམ་ཟེ་དེ་ཡིས་འདི་ལྟར་ཞུས། །ཁྱོ…

མི་འགྱུར་ཟེར་བས་རྒྱལ་པོ་ཡིས། །འོ་ན་ཁྱོད་ལ་བདག་གིས་སྦྱིན་པ་སྟེར། །ཁྱོད་ཀྱིས་གཞན་ལ་སྨྲ་བར་མི་བྱེད་ཅིག །ཅེས་གསུངས་ནས་ནི་ནོར་བུ་དེ་བྱིན་ནོ། །དེ་ནས་བློན་པོ་ཤིན་ཏུ་མཛེས་པ་ཡིས། །དེ་སྐད་ཐོས་ནས་ཡབ་ལ་འདི་སྐད་ཞུས། །ཀྱེ་མ་རྒྱལ་པོ་ཆེན་པོ་ཤིང་རྟ་འདྲེན། །ཁྱོད་ཀྱི་སྲས་པོ་དོན་གྲུབ་ཅེས་བྱ་དེས། །ནོར་བུ་འདོད་པ་ཀུན་གྲུབ…

གཞན་རྒྱལ་བྱེད་པའི་བདུད་རྒྱལ་ནི། །མྱུར་དུ་བསད་དམ་མེད་པར་མ་བྱས་ན། །སྡེ་རྣམས་བཀྲ་ཤིས་མེད་པ་ཅི་ལ་བཟོད། །དེས་ན་མྱུར་དུ་བདུད་དེ་མེད་པར་མཛོད། །ཅེས་ཟེར་དེ་བཏང་ངོ་། །དེ་ནས་ཡབ་རྒྱལ་པོས་ཁྱོད་སོང་ལ་བློན་པོ་རྣམས་སྡུས་ཤིག །དེ་ནས་བློན་པོ་རྣམས་འཚོགས་ནས་བགྲོས་པ། ་རྒྱལ་པོས་སྲས་སམ་རྒྱལ་པོ་རང་ལགས་ཀྱང་། ཉེས་བྱས་ན་ནི་མྱུ…

མཐུན་པས་ཆོས་ཀྱི་རྒྱལ་པོ་འདྲ་བའི་རྒྱལ་བུ་དེ། །དེ་རིང་བདག་དང་འབྲལ་བ་འདི་ནི་ལྟས་ངན་ཅི་གོ་ཡིན། །འདི་དང་འབྲལ་ཁ་བདག་རང་མི་འཆི་བ་འདི་ཅི་གོ་ཡིན། །ཅེས་སྨྲས་ཏེ་ངུས་སོ། །དེ་ནས་དེ་རྣམས་ཀྱིས་ད་ཅི་གོ་རེད། དེ་རིང་རྒྱལ་བུ་ཆོས་དང་མཐུན་པ་དེ་ལ་བར་ཆད་གཅིག་རེད་ཟེར་ནས་ཐམས་ཅད་ས་འགྲེའོ། །དེ་ནས་རྒྱལ་བུས་ཕྱག་ནས་བཟུང་སྟེ། ཀྱེ…

ཀྱང་བརྒྱལ་བར་གྱུར་ཏོ། །དེ་ནས་བློན་པོ་ཤིན་ཏུ་མཛེས་པས་ཡུམ་ལ་འདི་སྐད་དོ། །རྒྱལ་བུ་འདིས་ནི་ནོར་བུ་གཞན་ལ་བྱིན་པས་ད་རུང་ཚད་པ་ཆོད་ཅེས་ཞུས་སོ། །འོ་ན་ཟླ་བ་གཅིག་མུན་ཁང་དུ་ཚུད་ལ་ཆུ་ཐོབ་ལ་འབྱར་ཆུག་ཅེས་སོ། །དེ་ནས་འདི་ལྟར་བྱས་ཏེ་ཟླ་བ་གཅིག་ལ་བཞག་པ་ལ་ལྷའི་བུ་མོ་རྣམས་ཀྱིས་ཟས་བྱིན་ཞིང་གོས་བཀོན་ནོ། །དེ་ནས་བཏོན་ཏེ་བསྐྱ…

དེ་ལ་ང་ཆུ་ཕར་ཁར་བརྒལ་དུ་གསོལ། ཞེས་གསུངས་པས་གྲུ་པས་ཁྱོད་ངས་མི་བརྒལ་ལར་ཁྱོད་རྫུན་མ་ཇོ་བརྫུ་མཁན་གཅིག་རེད་ཡུལ་འདིར་མ་བསྡོད་ཅིག་ཟེར་རོ། །དེ་མ་ཐག་ལྷའི་བུ་དང་བུ་མོ་རྣམས་ཀྱིས་དར་ཟབ་ཀྱི་ཟམ་བཙུག་སྟེ་ཕ་རིར་བསྐྱལ་བས་གྲུ་པ་དེས་ཆུ་འདི་ཡང་ཐོགས་མེད་དུ་ཐར་སོང་བས་འདི་ཡུལ་ཁམས་མེད་པར་བྱེད་མཁན་གཅིག་རེད་པས་འགྲོ་ནས་རྡུང་བ…

ནས། མཚམས་ཁང་ལ་ཆོད་བྱས་ཏེ་ཁོང་རང་ཅན་དུ་སྒྲིས་ཁུང་གཅིག་བཞག་ནས་འདི་སྐད་དུ། ང་ན་བ་ལ་བརྟེན་ནས་ཟས་སྐལ་གཉིས་ཟ་དགོས་པ་གཅིག་རེད་ཡོད་གསུངས་ནས་ཟས་ཐམས་ཅད་སྐལ་གཉིས་བླངས་ནས་སྐལ་གཅིག་སྲས་ལ་བྱིན་སྐལ་གཅིག་ཁོང་རང་གིས་ཟོས་སོ། །དེ་ནས་བློན་པོ་རྣམས་བགྲོས་ཏེ་ཡུམ་འདི་མེད་ན་བཟང་བར་མཆིས། ཆོས་རྒྱལ་དེ་ཡང་བསྐྱུགས། ད་ཡང་མུན་ཁང་ད…

གསུངས་པ་ན་བློན་པོ་འགའ་ཞིག་གིས་དེ་ལྟར་མི་འབྱོན་པར་ཞེས་ཞུས་པས། དཔལ་རྣམ་པར་སྣང་མཛད་ཀྱི་སྐུ་ཡི་མདུན་དུ་ལུས་མར་མེར་ཕུལ་བས། རོ་མེད་པར་རིང་བསྲེལ་བྲེ་གང་ཡོད་པ་བློན་པོ་རྣམས་ཀྱིས་བགོས་པས་མི་རེ་ལ་བྲེ་གང་རེ་ཐོབ་བོ། །དེའི་ཚེ་དེའི་དུས་ན་ཡང་རྒྱལ་པོ་ཤིང་རྟ་འདྲེན་དེ་ནི་ད་ལྟ་སྒྲུབ་བརྒྱུད་བསྟན་པ་རྣམ་རྒྱལ་ཡིན་ནོ། །རྒྱལ…

པོའི་གོང་རོལ་དུ། །བསྐལ་པ་འོད་བཀྲམ་སངས་རྒྱས་མཚན་ལེགས་བསྟན། །ཡབ་ནི་རྒྱལ་པོ་མེ་ཡི་ཨག་ཙོམ་དང་། །ཡུམ་ནི་ལྷ་བཙུན་གོས་དཀར་མོ་ཡི་བུ། །མཛེས་པར་སྐྱེས་ཚེ་སྒྱུ་མའི་དམག་གིས་བསྐོར། །མི་གཅིག་གིས་ནི་ལུང་བསྟན་པ་ཡི་སྲིང་མོ་ཡིས། །དམག་འདི་བཟློག་ཟེར་དེ་ཉིད་བོས་ནས་ནི། །དབྱིག་པ་སར་བརྡབ་སྒྱུ་མའི་སྤྲུལ་དམག་ཞིག །རྒྱལ་པོ་ཤིང་…

འཕུར། །བྲག་ཕུག་ནང་བཞུགས་ལྷ་ནི་ཚེ་འཕོས་པ། །ཆུ་སྲིན་བུར་སྐྱེས་སྐྱེ་བ་ལྔ་བརྒྱ་ལ། །དེ་འདྲའི་ལུས་ལེན་དགོས་པ་བསད་པ་ཡིས། །སྐྱེ་སྒོ་ཆོད་དེ་མི་ལུས་ཆོས་ལྡན་ཐོབ། །དེ་ནི་ད་ལྟ་རིན་ཆེན་མིང་ཅན་ནོ། །གྲུབ་ཐོབ་རྒྱལ་བུས་ཞབས་རྗེས་འཇོག་པ་དང་། །འཕུར་དང་རྫུ་འཕྲུལ་དཔག་མེད་སྟོན་པར་གྱུར། །སེམས་ཅན་དཔག་མེད་བདེ་ལ་འཁོད་པར་གྱུར། …

༄༅། །བདག་མི་འགྱུར་རྡོ་རྗེ་སྔོན་གྲུབ་ཐོབ་བཟང་ལྡན་དུ་སྐྱེས་པའི་རབས་རྒྱས་པར་བཀོད་པ་བཞུགས་པའི་དབུ་ཕྱོགས་ལེགས་སོ་ལེགས་པར་གཟིགས་དང་གསལ། ༈ ཨོ་རྒྱན་རིན་པོ་ཆེ་ལ་ཕྱག་འཚལ་ལོ། །སྔོན་བསྐལ་པ་བརྒྱ་ཉི་ཤུའི་གོང་དུ། བསྐལ་པ་མེ་ཏོག་བཀོད་པ་ཞེས་བྱ་བ་ལ། སངས་རྒྱས་མཛད་བཟང་ཞེས་བྱ་བའི་བསྟན་པ་ལ། གྲོང་ཁྱེར་བསོད་ནམས་ལྡན་བྱ་བ་ན། …

གསོན། །ཁྱེད་གྲོང་ཁྱེར་བསོད་ནམས་ལྡན་པ་དེར། །མ་འབྱོན་འདི་རུ་བཞུགས་པར་མཛོད། །ཅིས་ཀྱང་འབྱོན་པར་དགོངས་པ་ན། །གྲོང་ཁྱེར་རྒོད་ཀྱི་ཚང་རར་བྱོན། །ང་ནི་ཚངས་པས་བཏང་བ་ཡིན། །ཞེས་ཟེར་བ་ལ་བཟང་ལྡན་གྱི་འདི་སུ་འདྲ་ཞིག་ཡིན། དོན་ཅི་ཡིན་དགོངས་ཏེ་གཟིགས་པ་དང་། གྲོང་ཁྱེར་རྒོད་ཀྱི་ཚང་ར་ཞེས་བྱ་ན་སྒྱུ་མ་མཁན་མགར་ཆུང་ཞེས་བྱ་ཞིག་ཡ…

ཡང་བཟང་ལྡན་གྱིས་སྒྱུ་མ་མཁན་གྱི་ཅིའི་ཕྱིར་འདིར་ཀ་ལ་པིང་ཀར་སྤྲུལ་ནས་འོང་བ་ཡིན་སྙམ་དུ་གཟིགས་པ་དང་། མངོན་ཤེས་ཡོད་མེད་དང་གྲུབ་རྟགས་ཡོད་མེད་ཚད་སྤུ་བསྡུར་དུ་འོང་བ་སྟེ། དེ་གཟིགས་ནས་ཡང་གསུངས་པ། སྒྱུ་མ་མཁན་ཁྱོད་ང་ལ་ཉོན། །རྒོད་ཀྱི་ཚང་ར་ནས་འོང་ལ། །འགྲོ་བ་རྒོད་ཀྱི་ཚང་རར་འགྲོ། །ཁྱོད་འདི་རུ་ཉམས་ཚད་བྱེད་དུ་འོང་། །ཚ…

གིས་ཡུལ་དུ་སོང་ངོ་། །དེ་ནས་བཟང་ལྡན་བསོད་ནམས་ལྡན་དུ་འབྱོན་པར་ཆས་པ་དང་། ལྷ་བྲན་བུ་གཅིག་བྱུང་སྟེ་འདི་སྐད་ཅེས་ཞུས་སོ། །གྲུབ་ཐོབ་བཟང་ལྡན་ང་ལ་གསོན། །ང་ནི་བར་སྣང་ལྷ་བྲན་ཡིན། །བསོད་ནམས་ལྡན་དུ་ཁྱེད་མ་འབྱོན། །ལས་ཅན་ཡོད་ཀྱང་བར་ཆད་འོང་། །ཞེས་ཟེར་བ་དང་། ཡང་གསུངས་པ། བར་སྣང་ལྷ་བྲན་ང་ལ་ཉོན། །ལས་ཅན་འདོད་དོན་བསྒྲུབ་ན…

དང་། ཕྱག་དང་བསྐོར་བ་བྱས་ཏེ་དེར་བཞུགས་བཅུག་པ་དང་། །རྒྱལ་པོའི་བཙུན་མོ་ལེགས་བཏང་ཞེས་བྱ་བ་བཙུན་མོ་ལྔ་བརྒྱའི་ནང་ནས་བཙན་པ་རྒྱལ་བློན་རྣམས་ལས་ཀྱང་བཙན་པ་ཞིག་ཡོད་པ་དེའི་སར་སོང་སྟེ་དྲིས་པ། གལ་ཏེ་བཟང་ལྡན་ཕེབས་ན་ཅི་བྱེད་སྨྲས་པ་དང་། བཟང་ལྡན་ཕེབས་ན་ཕྱག་དབང་རེ་ཞུ་ནས་འབྱོན་དུ་འཇུག །ཅེས་ཟེར་བ་དང་། རྒྱལ་པོས་བཟང་ལྡན་བཞ…

ཡར་བལྟས་ཛ། རྒྱལ་པོ་མི་འདུག་པ་དང་། ལེགས་བཏང་གིས་བཙུན་མོ་རྣམས་ལ་བོས་ཏེ་རྒྱལ་པོ་གར་ཕེབས་ཞེས་དྲིས་པ་དང་། བཙུན་མོ་རྣམས་ཀྱིས་མ་མཐོང་ཞེས་ཟེར་རོ། །ལེགས་བཏང་གིས་འདི་སྙམ་དུ་སེམས་སོ། །བཙུན་མོ་འདི་རྣམས་ཀྱིས་གསང་བར་འདུག །རྒྱལ་པོ་ནི་བཙུན་མོ་འདི་རྣམས་སར་འབྱོན་པར་འདུག་སྙམ་དུ་སེམས་སོ། །དེ་ནས་ལེགས་བཏང་གིས་བཙུན་མོ་རྣམ…

འདྲེ་བྱ་མཚན་ལ་ཡར་འཕུར་མར་འཕུར་ཟེར་བ་དང་། ནེ་ཙོས་ཁྱོད་ཀྱང་ཡར་འགྲོ་མར་འགྲོ་བྱེད་པར་འདུག་པ་དེའི་སྟངས་བྱེད་པ་ཡིན་སྨྲས་པ་དང་། མོ་ཞེ་སྡང་ལང་སྟེ་མཇུག་སྒྲོ་ནས་བསྡུས་ཏེ་དོང་དུ་འཕང་ངོ་། །དེ་ནས་རྒྱལ་པོ་ཡང་ཐུགས་མ་བདེ་སྟེ་ད་ལེགས་བཏང་གིས་མཐོང་ནས་འདུག་སྟེ་སྐྱོན་མེད་ཨང་ཞེས་གསུངས་ཤིང་བཞུགས་སོ། །དེ་ནས་དེ་ཡི་ཕྱིར་ཉིན་…