ཡོངས་སུ་དག་སྟེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ཏེ། སྟོན་པ་ཤེས་ལྡན་འདི་ནི་འཚོ་བ་ཡོངས་སུ་མ་དག་པ་ཡིན་བཞིན་དུ་བདག་གི་འཚོ་བ་ཡོངས་སུ་དག་སྟེ། ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་ཡིན་ཏེ། གལ་ཏེ་བདག་ཅག་གིས་གཞན་ལ་དེ་སྐད་སྨྲས་ན། དེས་ན་འདིའི་ཡིད་ལ་མི་འབ…

ཡོད་ཅིང་མངོན་པའི་སྟོན་པ་གསུམ་པ་ཡིན་ནོ། །གཞན་ཡང་འདི་ན་སྟོན་པ་གཅིག་ནི་ལུང་སྟོན་པ་ཕུན་སུམ་ཚོགས་པ་མ་ཡིན་བཞིན་དུ་བདག་གིས་ལུང་སྟོན་པ་ནི་ཕུན་སུམ་ཚོགས་པ་ཡིན་ཏེ་ཉོན་མོངས་པ་ཅན་མ་ཡིན་ནོ་ཞེས་ཁས་འཆེ་བ་སྟེ། དེ་ཉན་ཐོས་རྣམས་དང་ལྷན་ཅིག་གནས་པའི་རྒྱུས་སོ་སོར་ཤེས་ནས་སྟོན་པ་ཤེས་ལྡན་འདི་ནི་ལུང་སྟོན་པ་ཕུན་སུམ་ཚོགས་པ་མ་ཡིན…

ཀྱིས་སེམས་སོ་སྙམ་སྟེ། དེ་ཉན་ཐོས་རྣམས་ཀྱིས་ཆོས་འདུལ་བ་ལེགས་པར་བཤད་པའི་སྒོ་ནས་རྗེས་སུ་སྲུང་བར་སེམས་སོ། །སྟོན་པ་དེ་ལྟ་བུ་ནི་ཉན་ཐོས་རྣམས་ཀྱིས་ཆོས་འདུལ་བ་ལེགས་པར་བཤད་པའི་སྒོ་ནས་རྗེས་སུ་སྲུང་བར་རེ་བ་ཡིན་ཏེ། འདི་ནི་འཇིག་རྟེན་ན་ཡོད་ཅིང་མངོན་པའི་སྟོན་པ་ལྔ་པ་ཡིན་ནོ། །དགེ་སློང་དག་ང་ནི་ཚུལ་ཁྲིམས་ཡོངས་སུ་དག་པ་ཁོ…

རྣམས་ཀྱིས་ཆོས་འདུལ་བ་ལེགས་པར་གསུངས་པའི་སྒོ་ནས་རྗེས་སུ་སྲུང་བར་འདོད་པ་མི་མངའོ། །དགེ་སློང་དག་ང་ནི་ཀྱེད་ལ་ཚར་བཅད་ཅིང་ཚར་བཅད་ཅིང་། ཐག་བཅུག་ཅིང་ཐག་བཅུག་ཅིང་རབ་ཏུ་སྨྲའི་ཁྱེད་ལ་ངོ་ནི་མི་བྱེད་དེ། རྫ་མཁན་གྱིས་རྫ་མ་ཚོས་པ་རྣམས་ལ་བྱ་བ་བཞིན་དུ་གང་རུང་བ་དེ་འཇོག་པར་ཟད་པས་ངའི་ཚིག་གི་ལམ་རྣམས་བཟོད་པར་ཡང་གྱིས་ཤིག །དེ་…

ལྷུང་བཟེད་དང་། ཆོས་གོས་དང་། ལྷུང་བཟེད་ཀྱི་སྣོད་དང་། ཆུ་ཚགས་དང་། སྐ་རགས་དང་། ལུང་འབོགས་པ་དང་། ཀློག་ཏུ་གཞུག་པ་དང་། འདོན་དུ་གཞུག་པ་དང་། རྣལ་འབྱོར་དང་། ཡིད་ལ་བྱེད་པས་ཉེ་བར་བསྡུ་ཞིང་རིམ་གྲོ་བྱའོ། །ཚེ་དང་ལྡན་པ་ལྷ་སྦྱིན་ཐབས་དེ་ནི་བདེན་པ་ཞིག་ཡོད་དོ། །དེ་ན་ལྷ་སྦྱིན་ནི་དགེ་འདུན་མཐུན་པ་དབྱེ་བའི་སླད་དུ་རྟུལ་བ་བ…

གཞན་ཡང་དེ་ལྟ་བུ་དང་མཐུན་པ་སུ་ཡང་རུང་བ་ལ་གསོལ་བ་དང་བཞིའི་ལས་ཀྱིས་བསྒོ་བར་བྱའོ། །བསྒོ་བ་ཡང་འདི་ལྟར་བྱ་སྟེ། གནས་མལ་བཤམ་པ་བྱས་ནས་གཎྜཱི་བརྡུངས་ཏེ་དྲིས་པའི་ཚིག་གིས་དགེ་སློང་རྣམས་ལ་ཡང་དག་པར་བསྒོ་ལ། དགེ་འདུན་ཐམས་ཅད་འདུག་ཅིང་མཐུན་པར་གྱུར་པ་དང་། དགེ་སློང་གཅིག་གིས་གསོལ་བ་བྱས་ཏེ་ལས་བྱའོ། །དགེ་འདུན་བཙུན་པ་རྣམས་ག…

བར་མ་བྱེད་ཅིག །དབྱེན་བྱེད་པར་འགྱུར་བའི་རྩོད་པ་ཡང་དག་པར་བླངས་ནས་རབ་ཏུ་བཟུང་སྟེ་མ་འདུག་ཤིག ལྷ་སྦྱིན་ཁྱོད་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད། ཀུན་དུ་དགའ་མི་རྩོད། མཆོག་གཅིག །འདོན་པ་གཅིག་ཅིང་ཆུ་དང་། འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འ…

དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ། །སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་བ། བཙུན་པ་བདག་ཅག་གིས་ལྷ་སྦྱིན་ལ་གསོལ་བ་དང་བཞིའི་ལས་ཀྱིས་བསྒོ་ན། བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པ…

དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་བར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མ་ཟེར་ཅིག །ཚེ་དང་ལྡན་པ་ཁྱེད་ཅག་དགེ་འདུན་འབྱེད་འདོད་པར་མ་བྱེད་པར་ཚེ་དང་ལྡན་པ་ཁྱེད་ཅག་དགེ་འདུན་མཐུན་པར་སྨྲ་བ་ཉིད་དུ་འདོད་པར་གྱིས་ཤིག །ཚེ་དང་ལྡན་པ་དག་དགེ་འདུན་མཐུན་པར་གྱ…

པ་རྣམས་གསན་དུ་གསོལ། ཀོ་ཀ་ལི་ཀ་དང་། ཁཎྜ་དྲ་བྱ་དང་། ཀ་ཏི་མོར་ཀ་ཏི་ཥྱ་དང་། རྒྱ་མཚོས་བྱིན་འདི་དག་འཚལ་བཞིན་དུ་དགེ་སློང་གང་དགེ་འདུན་མཐུན་པ་དབྱེ་བའི་སླད་དུ་རྟུལ་བར་བགྱིད་ཅིང་དེ་མི་མཐུན་པར་སྨྲ་བའི་རྗེས་སུ་ཕྱོགས་པར་གྱུར་ནས་དགེ་སློང་རྣམས་ལ་འདི་སྐད་ཅེས་ཚེ་དང་ལྡན་པ་ཁྱེད་ཅག་དགེ་ཡང་རུང་སྡིག་ཀྱང་རུང་དགེ་སློང་འདི་ལ…

བཟུང་སྟེ་རྗེས་སུ་ཐ་སྙད་འདོགས་པར་བྱེད་པ། དགེ་སློང་འདི་ནི་ཤེས་བཞིན་དུ་སྨྲའི་མི་ཤེས་པར་མ་ཡིན་པའི་ཕྱིར་ཏེ། དགེ་སློང་འདི་གང་ལ་འདོད་

ཅིང་བཟོད་པ་དེ་ལ་བདག་ཅག་ཀྱང་འདོད་ཅིང་བཟོད་དོ་ཞེས་མཆིས་ནས། འདི་དག་ལ་དགེ་སློང་མང་པོས་བཞམས་ཏེ་བསྒོ་ན། བཞམས་ཏེ་བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་དོ། །དེའི་སླད་དུ་དགེ་འདུན་གྱིས་ཀོ་ཀ་ལི་ཀ་དང་། ཁཎྜ་དྲ་བྱ་དང་། ཀ་ཏི་…

བྱེད་པར། ཚེ་དང་ལྡན་པ་དག་དགེ་འདུན་མཐུན་པ་ཉིད་དུ་འདོད་པར་གྱིས་ཤིག །ཚེ་དང་ལྡན་པ་དག་དགེ་འདུན་དང་མཐུན་པར་གྱིས་ཤིག །དགེ་འདུན་མཐུན་མི་ཕྱེད། ཀུན་ཏུ་དགའ་མི་རྩོད། མཆོག་གཅིག་འདོན་པ་གཅིག་ཅིང་ཆུ་དང་འོ་མ་གཅིག་ཏུ་འདྲེས་པ་ལྟ་བུར་གྱུར་ལ། སྟོན་པའི་བསྟན་པ་གསལ་བར་བྱེད་ན་བདེ་བ་ལ་རེག་པར་གནས་པར་འགྱུར་གྱི། ཚེ་དང་ལྡན་པ་དག་ད…

བཞིའི་ལས་ཀྱིས་བསྒོ་ལགས་ན། བསྒོ་ཡང་གཞི་དེ་ཉིད་ལ་ནན་གྱིས་མཆོག་ཏུ་བཟུང་ཞིང་མངོན་པར་ཞེན་ནས་འདི་ཉིད་བདེན་གྱི་གཞན་ནི་བརྫུན་པའོ་ཞེས་རྗེས་སུ་ཐ་སྙད་འདོགས་པར་བགྱིད་ལགས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། དགེ་སློང་དག་ལྷ་སྦྱིན་གྱིས་ངའི་ཉན་ཐོས་ཀྱི་དགེ་འདུན་མཐུན་པ་དབྱེ་བ་དང་འཁོར་ལོ་དབྱེ་བར་བྱ་…

ཟ་བ་ནི་བཀག་པ་མཛད་ཅེ་ན། རིགས་འབར་བ་ལ་བརྟེན་པ་དང་། གང་ཟག་སྡིག་པ་འདོད་པ་རྣམས་ཀྱི་ཕྱོགས་གཞོམ་པའི་དོན་གཉིས་གཟིགས་པ་སྟེ། གང་ཟག་སྡིག་པ་འདོད་པ་རྣམས་དགེ་འདུན་ཁོ་ན་ལ་བརྟེན། དགེ་འདུན་ཁོ་ནའི་ཆེད་དུ་བྱས། དགེ་འདུན་ཁོ་ན་མ་ཤེས་ཤིང་ཡ་མཚན་ཅན་ལྟ་བུར་བྱས་ནས་དགེ་འདུན་ཁོ་ན་དང་ལྷན་ཅིག་རྩོད་པ་བཟུང་ནས་གནས་པར་འགྱུར་དུ་འོང་ངོ…

དགེ་སློང་དག་སྔོན་བྱུང་བ་གྲོང་ཁྱེར་བཱ་རཱ་ཎ་སཱི་ན་རྒྱལ་པོ་ཚངས་སྦྱིན་ཞེས་བྱ་བ་འབྱོར་བ་དང་། ཞེས་བྱ་བ་ནས་སྐྱེ་བོ་དང་། མི་མང་པོས་རབ་ཏུ་གང་བས་རྒྱལ་སྲིད་བྱེད་དུ་འཇུག་གོ་ཞེས་བྱ་བའི་བར་དུ་སྟེ། དེ་ལ་རིག་སྔགས་དང་གསང་སྔགས་འཆང་གདོལ་པ། རིག་སྔགས་དང་གསང་སྔགས་སུ་མཁས་པ་ཞིག་ཡོད་དེ། དེས་ས་འཛིན་གྱི་རིག་སྔགས་སྦྱར་ནས་རྫུ་འ…

ཁྲིའི་ངོས་སུ་རྒྱབ་གཏད་དོ་སྙམ་ནས། དེས་ཁྲིའི་ངོས་སུ་རྒྱབ་གཏད་ནས་འདུག་གོ །འདི་ནི་ཆོས་ཉིད་ཡིན་ཏེར་རོ་བ་རྣམས་ལས་གང་སྟོབས་དང་ལྡན་པ་དེ་ནི་ཐུན་དང་པོས་མྱོས་པ་སངས་པར་འགྱུར་ན། དེ་ཆང་ལུ་བའི་ཤུགས་ཀྱིས་བྲམ་ཟེའི་ཁྱེའུའི་རྒྱབ་ལ་སྐྱུགས་བས་གཏོར་ཏོ། །དེས་བསམས་པ། གལ་ཏེ་བདག་གིས་ལུས་བསྒུལ་ཏམ་ཚིག་ཕྱུང་ན་མཁན་པོས་ཐོས་ཏེ་སད་…

དེ་ལས་ཡོངས་སུ་ཉམས་པར་གྱུར་ཏོ། །དགེ་སློང་དག་ཇི་སྙམ་དུ་སེམས། དེའི་ཚེ་དེའི་དུས་ཀྱི་གདོལ་པ་གང་ཡིན་པ་དེ་ནི་འོད་སྲུང་སྟོབས་བཅུ་ལྡན་འདི་ཉིད་ཡིན་ནོ། །དེའི་ཚེ་དེའི་དུས་ཀྱི་བྲམ་ཟེའི་ཁྱེའུ་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེ་ན་ཡང་འདི་རིག་སྔགས་ལས་ཡོངས་སུ་ཉམས་པར་གྱུར་ཏོ། །ད་ལྟར་ཡང་འདི་རྫུ་འཕྲུལ་ལས་ཡོངས་སུ…

དགྲ་སྣོད་མ་ཡིན་པས་སྣོད་མ་ཡིན་པར་ཆར་ཕབ་པ་ད་ལྟར་གྱི་འབའ་ཞིག་ཏུ་མ་ཟད་དེ་ཇི་ལྟར་འདིས་འདས་པ་ན་ཡང་སྣོད་མ་ཡིན་པར་ཆར་ཕབ་པ་དེ་ཉོན་ཅིག །དགེ་སློང་དག་སྔོན་བྱུང་བ་གྲོང་རྡལ་མེད་པའི་དགོན་པའི་གནས་ཞིག་ན་དྲང་སྲོང་རྣམས་ཀྱི་བསྟི་གནས་མེ་ཏོག་དང་འབྲས་བུ་སྣ་ཚོགས་དང་ལྡན་པ་ཞིག་ཡོད་དེ། དེ་ན་དྲང་སྲོང་ཟས་སུ་རྩ་བ་དང་། ཆུ་དང་། འབ…

འདི་ཉིད་ཡིན་ནོ། །དེའི་ཚེ་དེའི་དུས་ཀྱི་ཆོམ་རྐུན་པའི་སྡེ་དཔོན་གང་ཡིན་པ་དེ་ནི་ལྷ་སྦྱིན་འདི་ཉིད་ཡིན་ཏེ། དེའི་ཚེ་ན་ཡང་མ་སྐྱེས་དགྲ་འདི་ལྟར་གྱུར་པ་ན་སྣོད་མ་ཡིན་པས་སྣོད་མ་ཡིན་པར་ཆར་ཕབ་པོ། །ད་ལྟར་ཡང་སྣོད་མ་ཡིན་པ་འདིས་སྣོད་མ་ཡིན་པར་ཆར་ཕབ་པོ། །དེ་ནས་བཅོམ་ལྡན་འདས་ཡུལ་མ་ག་་ནས་ལྗོངས་རྒྱུ་ཞིང་གཤེགས་པ་ན་རྒྱལ་པོའ་ཁབ…