མོ། །བདག་ཅག་བཅོམ་མོ་ཞེས་ཀུ་ཅོ་འདོན་ཞིང་དེ་དག་ནོར་དང་བྲལ་བ་ལས་བྱུང་བའི་ཡིད་མི་བདེ་བ་དང་ལྡན་ཞིང་ཐམས་ཅད་འདུས་ནས། ལྷ་འབངས་ཀྱི་སྡུམ་པ་ཀུན་ཏུ་བྱུལ་བར་བརྩམས་པ་དང་། ཕྱོགས་གཅིག་ན་རྫས་ཐམས་ཅད་སྤུངས་ཏེ་བཞག་པ་མཐོང་ངོ་། །དེ་ནས་དགའ་བ་དང་ཡིད་བདེ་བ་སྐྱེས་ཏེ། རང་རང་གི་རྫས་དེ་བླངས་ནས་ཁྱིམ་ཁྱིམ་དུ་དོང་ངོ་། །དེ་དག་གིས་ས…

ངས་ཁྱེད་ཅག་ལ་སང་ནང་བར་སྔར་ཤོག་ཅིག་ཅེས་མ་བསྒོའམ། ཁྱེད་གར་དོང་དོང་། དེ་དག་གིས་སྨྲས་པ། འཕགས་པ་གལ་ཏེ་བདག་ཅག་ལ་འཕགས་པ་པི་ལིན་དའི་བུས་མ་དགོངས་སུ་ལགས་ན། བདག་ཅག་དེང་ཁོ་ནར་སྟོན་ཟླ་ཐ་ཆུང་གི་གཡོན་ཅན་དག་གིས་ཚུལ་མ་ལགས་པས་སྡུག་བསྔལ་བསྒྲུབས་པར་འགྱུར་རོ། །ཉེ་དགས་གཤེ་ཞིང་སྨྲས་པ། ཁྱེད་ཅག་རེ་ཞིག་གང་གི་མཐུས་སྙེམ་པ་དེ་ལ…

ཚེ་ན་ཚེ་དང་ལྡན་པ་ཤཱ་རིའི་བུ་དགེ་འདུན་གྱི་གནས་བརྟན་བྱེད་ཅིང་། བསྟན་པ་ལ་ཆོས་ཀྱི་སྒྱུ་ཐབས་ཀྱིས་མི་མཐུན་པ་འགའ་འབྱུང་བར་མི་འགྱུར་རམ་ཞེས་ཀུན་ཏུ་སྤྱོད་པའི་ཆོས་རྨེད་པར་བྱེད་པས་དེས་ཁང་སྐྱོང་ལ་རྨས་པ། ཚེ་དང་ལྡན་པ་སུ་ཞིག་ཡོངས་སུ་གནས་པའམ། གཞི་ནས་ཡོངས་སུ་གནས་པའམ། མགུ་བར་བྱ་བའམ། གཞི་ནས་མགུ་བར་བྱ་བའམ། འབྱིན་པར་བྱེད…

སློང་པི་ལིན་དའི་བུས་བསམ་པ་དེ་ལྟ་བུས་རྫུ་འཕྲུལ་རྣམ་པར་བསྟན་པ་ལ་ལྟུང་བ་མེད་དོ། །དགེ་སློང་རྣམས་ཐེ་ཚོམ་སྐྱེས་ནས། ཐེ་ཚོམ་ཐམས་ཅད་གཅོད་པ་སངས་རྒྱས་བཅོམ་ལྡན་འདས་ལ་ཞུས་པ། བཙུན་པ་ཚེ་དང་ལྡན་པ་ནོར་ཅན་གྱིས་དགེ་སློང་གི་དགེ་འདུན་སྐྱོན་མ་མཆིས་ཤིང་ཆུ་བུར་མ་མཆིས་པ་ལ་དེའི་དང་པོར་འདི་ལྟ་སྟེ། མ་བྱིན་པར་ལེན་པའི་རྐྱེན་གྱིས…

ཏེ། ཁ་དོག་གིས་ནི་འདི་ལྟ་བུ་སྟེ། འདི་ལྟ་སྟེ། དཔེར་ན། མར་ལྟ་བུའོ། །རོས་ནི་འདི་ལྟ་བུ་སྟེ། འདི་ལྟ་སྟེ་དཔེར་ན། སྦྲང་བུའི་སྦྲང་རྩི་མ་བསྐོལ་བ་ལྟ་བུའོ། །དགེ་སློང་དག་འཇིག་རྟེན་འདི་ཆགས་པའི་དུས་གང་ཡིན་པ་དེ་ཡང་ཡོད་དེ། འཇིག་རྟེན་འཆགས་པ་ན་འོད་གསལ་གྱི་ལྔའི་རིས་དེ་ནས་སེམས་ཅན་ཁ་ཅིག་ཚེ་ཟད། ལས་ཟད། བསོད་ནམས་ཟད་པས། ཤི་འ…

མོས་སའི་བཅུད་མྱང་བར་བྱེད་དོ། །ཇི་ལྟ་ཇི་ལྟར་མྱང་བར་བྱེད་པ་དེ་ལྟ་དེ་ལྟར་འདོད་པར་བྱེད་དོ། །ཇི་ལྟ་ཇི་ལྟར་འདོད་པར་བྱེད་པ་དེ་ལྟ་དེ་ལྟར་ཁམ་གྱི་ཟས་ཀྱི་རྩོམ་པས་ཟོས་པར་གྱུར་ཏོ། །གང་གི་ཕྱིར་སེམས་ཅན་དེ་དག་གིས་སའི་བཅུད་ཁམ་གྱི་ཟས་ཀྱི་རྩོམ་པས་ཟོས་པར་གྱུར་པ་དེའི་ཕྱིར། དེ་དག་གིས་ལུས་ལ་སྲ་བ་ཉིད་དང་། ལྕི་བ་ཉིད་བྱུང་ཞི…

ཀྱེ་མའོ་བཅུད་ཅེས་ཀྱང་ཟེར་བ་དེ་བཞིན་དུ། སེམས་ཅན་དེ་དག་ཀྱང་སའི་བཅུད་མེད་པར་གྱུར་པ་ན་འདུས་ཤིང་ལྷགས་ནས་མྱ་ངན་བྱེད། སྒྱིད་ལུག་པར་བྱེད་དེ། སྨྲེ་སྔགས་འདོན་པར་བྱེད་ཅིང་འདི་སྐད་ཅེས། ཀྱེ་མའོ་བཅུད། ཀྱེ་མའོ་བཅུད་ཅེས་ཟེར་ཡང་སྨྲས་པ་འདིའི་དོན་འདིའོ། །སྨྲས་པ་འདིའི་འདོན་འདིའོ་ཞེས་སྨྲས་པ་དེའི་དོན་མི་ཤེས་སོ། །དགེ་སློང…

འདི་སྐད་ཅེས་ཀྱེ་མའོ་ཀྱེ་མའོ་ཞེས་ཟེར་ཡང་སྨྲས་པ་འདིའི་དོན་ནི་འདིའོ། །སྨྲས་པ་འདིའི་དོན་ནི་འདིའོ་ཞེས་སྨྲས་པ་དེའི་དོན་ནི་མི་ཤེས་སོ། །དགེ་སློང་དག་སེམས་ཅན་དེ་དག་གིས་ཞག་མེད་པར་གྱུར་པ་ན། མྱུ་གུའི་ཚལ་ཁ་དོག་ཕུན་སུམ་ཚོགས་པ། དྲི་ཕུན་སུམ་ཚོགས་པ། རོ་ཕུན་སུམ་ཚོགས་པར་བྱུང་བར་གྱུར་ཏེ། ཁ་དོག་གིས་ནི་འདི་ལྟ་བུ་སྟེ། འདི་…

དག་སེམས་ཅན་དེ་དག་གི་མྱུ་གུའི་ཚལ་མེད་པར་གྱུར་པ་ན་མ་རྨོས་མ་བཏབ་པའི་འབྲས་སཱ་ལུའི་འབྲུ་སོ་བ་མེད་པ། སྦུན་པ་མེད་པ་དག་པ་གཙང་བ་སོར་བཞི་པ། ཀུན་ནས་མ་དཀྲིས་པ། ནུབ་བརྔས་ན་ནང་རྒྱས་ཞིང་ཕྱིར་སྐྱེ་ལ། ནང་བརྔས་ན་ནུབ་རྒྱས་ཞིང་ཕྱིར་སྐྱེ་བ། བརྔས་སོ་ཅོག་ཕྱིར་སྐྱེ་བ། བརྔས་པར་ཡང་མི་མངོན་པ་འབྱུང་བར་འགྱུར་ཏེ། དེ་དག་དེ་ཟ་ཞིང་…

གྱོ་དུ་མ་དག་ཀྱང་འཕེན་པར་བྱེད་ཅིང་། འདི་སྐད་ཅེས་སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། སེམས་ཅན་ངན་པ་གྲོང་པ་བྱ་བ་མ་ཡིན་པ་བྱེད་པ། ཀྭའི་སེམས་ཅན་ཁྱོད་ཅིའི་ཕྱིར། སེམས་ཅན་སུན་པར་བྱེད་ཅེས་ཀྱང་ཟེར་ཏེ། འདི་ལྟ་སྟེ་དཔེར་ན་དེང་སང་སེམས་ཅན་དག་བག་སར་བག་མར་ལེན་པ་ན་ཕྱེ་མས་ཀྱང་འཐོར་བར་བྱེད། དྲི་དང་མེ་ཏོག་དང་འབྲས་ཡོས…

ལུ་བླང་བར་བྱའོ་སྙམ་ནས། དེས་ཉི་མ་གཉིས་ཀྱི་དང་ཉི་མ་གསུམ་གྱི་དང་ཉི་མ་བདུན་གྱི་བར་གྱི་སཱ་ལུ་བླངས་པར་གྱུར་ཏོ། །དེ་ནས་སེམས་ཅན་ཞིག་གིས་སེམས་ཅན་དེ་དག་ལ་འདི་སྐད་ཅེས་སྨྲས་སོ། །ཀྭའེ་སེམས་ཅན་ཚུར་ཤོག །སཱ་ལུའི་ཕྱིར་འདོང་ངོ་། །སེམས་ཅན་དེས་སྨྲས་པ། ཀྭའེ་སེམས་ཅན་ཁྱོད་རང་གི་སཱ་ལུའི་ཕྱིར་སོམས་ཤིག །བདག་གིས་ཉི་མ་གཉིས་ཀྱི…

དེ་ཟ་ཞིང་ཟས་དེ་དང་ལྡན་ལ། ཚེ་རིང་ཞིང་ཡུན་རིང་དུ་གནས་པ་ལས་བདག་ཅག་ལས་གང་ཟས་ཆེས་ཆུང་ངུ་ཟ་བ་དེ་ནི་ཁ་དོག་དང་ལྡན་པར་འགྱུར་ལ། གང་ཟས་ཆེས་ཆེར་ཟ་བ་དེ་ནི་ཁ་དོག་ངན་པར་གྱུར་ཏོ། །དེ་ལྟར་ཟས་རྣམ་གཉིས་ཉིད་ལ་བརྟེན་ནས་ཁ་དོག་རྣམ་གཉིས་ཉིད་དུ་མངོན་ལ། ཁ་དོག་རྣམ་གཉིས་ཉིད་དུ་གྱུར་པ་ན། སེམས་ཅན་གྱིས་སེམས་ཅན་ལ། ཀྭའེ་སེམས་ཅན་ང་ན…

དུ་གྱུར་པ་ན་སེམས་ཅན་གྱིས་སེམས་ཅན་ལ། ཀྭའི་སེམས་ཅན་ང་ནི་ཁ་དོག་དང་ལྡན་པ་ཡིན་ལ། ཁྱོད་ནི་ཁ་དོག་ངན་པ་ཡིན་ནོ་ཞེས་ཁྱད་དུ་གསོད་པར་བྱེད་དོ། །བདག་ཅག་ལ་ཁ་དོག་གིས་མངོན་པའི་ང་རྒྱལ་ཅན་དུ་གྱུར་པ་ན། སྡིག་པ་ཅན་མི་དགེ་བའི་ཆོས་དེ་དག་ཉིད་ཡང་དག་པར་བླངས་པའི་རྒྱུས་མྱུ་གུའི་ཚལ་མེད་པར་གྱུར་ཏོ། །མྱུ་གུའི་ཚལ་མེད་པར་གྱུར་བ་ན། མ…

སོ། །ཀྭའི་སེམས་ཅན་ཁྱོད་ཅིའི་ཕྱིར་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་ལེན། ཀྭའི་སེམས་ཅན་ཁྱོད་སོང་ལ་ཕྱིན་ཆད་དེ་ལྟར་མ་བྱེད་ཅིང་།སེམས་ཅན་དེས་ལན་གཉིས་ལན་གསུམ་དུ་ཡང་རང་གི་སཱ་ལུ་ཡོད་བཞིན་དུ་གཞན་གྱི་སཱ་ལུ་མ་བྱིན་པར་བླངས་སོ། །སེམས་ཅན་གཞན་དེས་ཀྱང་། སེམས་ཅན་གཞན་དེ་ལན་གཉིས་ལན་གསུམ་དུ་ཡང་རང་གི་སཱ་ལུ་…

བ་དེ་དག་བདག་ཅག་གིས་ཞིང་རྣམས་ཀྱི་བདག་པོར་བསྐོས་ན། བདག་ཅག་ལས་གང་ཆད་པས་གཅད་པར་བྱ་བ་ཡང་ཆད་པས་གཅོད་པར་འགྱུར་ཞིང་། ཕན་གདགས་པར་བྱ་བ་ལ་ཡང་ཕན་འདོགས་པར་འགྱུར་ལ། བདག་ཅག་གི་ཞིང་དག་ལས་ཅི་འབྱུང་བར་འགྱུར་བ་དེ་ལས་ཆོས་དང་ལྡན་པའི་ཐོག་ཤས་ཀྱང་དབུལ་བར་བྱའོ་སྙམ་ནས། སེམས་ཅན་དེ་དག་འདུས་ཤིང་ལྷགས་ནས་དེ་དག་གི་ནང་ནས། སེམས་ཅན་ག…

ག་དང་། ལོ་མའི་སྤྱིལ་པོ་དག་བྱས་ནས་གནས་བཅས་ཏེ་འཁོད་དོ། །དེ་དག་དགོངས་ཀར་ཡང་དགོངས་ཀའི་ཟས་འདོད་པས། གྲོང་དུ་བསོད་སྙོམས་ལ་ཞུགས་སོ། །ནང་པར་ཡང་། ནང་པར་གྱི་ཟས་འདོད་པས་གྲོང་དུ་བསོད་སྙོམས་ལ་ཞུགས་སོ། །དེ་ནས་སེམས་ཅན་གཞན་དག་འདི་སྙམ་དུ་ཤེས་ལྡན་འདི་དག་གིས་འདི་ལྟར་ཡོངས་སུ་འཛིན་པ་ནི་ནད་དོ། །ཡོངས་སུ་འཛིན་པ་ནི་འབྲས་སོ། …

ལ་ཅི་ནུས་ཅི་ལྕོགས་སུ་བཟའ་བ་དང་། བཏུང་བས་ཚིམ་པར་བྱའོ་ཞེས་དེ་དག་དེ་ན་སྦྱིན་པ་དག་སྦྱིན། བསོད་ནམས་དག་བྱེད། སྐྱེ་བོ་མགྲོན་པ་འོངས་ཤིང་ལྷགས་པ་རྣམས་ལ་ཅི་ནུས་ཅི་ལྕོགས་སུ་བཟའ་བ་དང་། བཏུང་བས་ཚིམ་པར་བྱེད་དོ། །འདི་དག་གྲོང་ལས་ཕྱི་རོལ་ཏུ་རྟེན་ཅིང་། ཕྱི་རོལ་ཏུ་སེམས་པ་ཞེས་བྱ་བ་ལས་བྲམ་ཟེ་བྲམ་ཟེ་ཞེས་བྱ་བའི་མིང་དུ་གྱུར…

དང་། ཐལ་མོ་སྦྱར་བ་དང་། འདུད་པའི་ལས་བྱ་བར་འོས་པ་ཡིན་ནོ། །བྲམ་ཟེའི་ཁྱིམ་དང་། རྗེའུ་རིགས་ཀྱི་ཁྱིམ་ནས་ཀྱང་རིགས་ཀྱི་བུ་དག་སྐྲ་དང་ཁ་སྤུ་བྲེགས་ཏེ། གོས་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་ཅིང་། རྒྱལ་རིགས་ཀྱིས་ཀྱང་དེ་དག་ལ་མངོན་དུ་སྨྲ་བ་དང་། ཕྱག་བྱ་བ་དང་། ལྡང་བ་དང་…

བཞུགས་སོ། །མཉན་ཡོད་ན་དགེ་སློང་བྲན་པ་དང་སྐྱོང་བ་ཞེས་བྱ་བ་ཕན་ཚུན་གཏམ་འདྲེས་པ། ཕེབས་པར་སྨྲ་བ། འགྲོགས་བཤེས་སྨོས་འདྲིན་མཐུན་པར་བརྗོད་པ་གཉིས་ཤིག་འཁོད་དོ། །ཇི་ཙམ་དུས་གཞན་ཞིག་ན་སྐྱོང་བ་ན་བར་གྱུར་ནས་དེའི་ནད་གཡོག་བྲན་པ་བྱེད་པ་ན། སྐྱོང་བས་མཚན་མོ་སྒྲ་བསྒྲག་པར་བརྩམས་པ་དང་། བྲན་པས་སྨྲས་པ། ཚེ་དང་ལྡན་པ་སྐྱོང་བ་ཅིའི…

ཅི་མི་ཟའམ། སྐྱོང་བས་དགེ་སློང་དེ་དག་ལས་ཚངས་པ་མཚུངས་པར་སྤྱོད་པ་རྗེས་སུ་བསྲུང་བ་དང་བརྐམ་ཆགས་ཉིད་ཀྱིས་ཅུང་ཟད་ཅུང་ཟད་ལོངས་སྤྱོད་པ་དང་། ཧ་ཅང་ཟས་དྲགས་ནས་དེ་གློས་ཕབ་སྟེ་ཉལ་ལོ། །བྲན་པ་ཡང་སྨན་པ་ལ་དྲིས་ནས་མྱུར་བ་མྱུར་བར་འོངས་ཏེ་དེ་ནས་སྨན་པས། ཇི་སྐད་བསྟན་པའི་སྨན་སྦྱར་ཏེ་སྨྲས་པ། ཚེ་དང་ལྡན་པ་སྐྱོང་བ་ལོངས་ལ་སོ་ཤིང…