བརྩམས་པ་དང་། དགེ་སློང་རྣམས་ཀྱིས་དེ་ལ་མི་སྟེར་ནས་བཅོམ་ལྡན་འདས་ཀྱིས་བཀའ་སྩལ་པ། དགེ་སློང་དག་ལམ་པ་མཆིལ་ལྷམ་དང་། ལྷམ་སྒྲོག་གུ་ཅན་དག་འཕྱིར་ཆུག་ཤིག །དེ་ཅིའི་ཕྱིར་ཞེ་ན། འདིའི་ལས་སྦྱང་བར་བྱ་བའི་ཕྱིར་རོ། །འདི་ལ་ཚིག་གཉིས་ཀྱི་ཁ་ཏོན་དག་ཀྱང་རྗེས་སུ་སློབས་ཤིག །ལམ་པས་དགེ་སློང་རྣམས་ཀྱི་མཆིལ་ལྷམ་དང་། ལྷམ་སྒྲོག་གུ་ཅན་…

སྤངས་པས་རིགས་ཀྱི་བུ་དག་གང་གི་ཕྱིར་སྐྲ་དང་ཁ་སྤུ་དག་བྲེགས་ཏེ་གོས་སུ་ངུར་སྨྲིག་དག་བགོས་ནས་ཡང་དག་པ་ཁོ་ནར་དད་པས་ཁྱིམ་ནས་ཁྱིམ་མེད་པར་རབ་ཏུ་འབྱུང་བར་བྱེད་པ་ཚངས་པར་སྤྱོད་པའི་མཐའ་བླ་ན་མེད་པ་དེ་ཚེ་དེ་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་གི་སྐྱེ་བ་ཟད་དོ། །ཚངས་པར་སྤྱོད་པ་སྤྱད་དོ། །བྱ་བ་བ…

གཞན་དུ་སྤྱན་དྲངས་ཏེ་གདུགས་ཚོད་གསོལ་ལོ་སྙམ་མོ། །གཞན་མུ་སྟེགས་ཅན་དག་ཤེས་ལྡན་དག་དགེ་སྦྱོང་གཽ་ཏ་མ་འདི་སྐད་ཅེས་ངའི་ཆོས་ནི་ཟབ་པ། ཟབ་པར་སྣང་བ། མཐོང་བར་དཀའ་བ། རྟོགས་པར་དཀའ་བ། བརྟག་མི་ནུས་པ། རྟོག་གེའི་སྤྱོད་ཡུལ་མ་ཡིན་པ། ཞིབ་མོ་བརྟགས་པ། མཁས་པ་མཛངས་པས་རིག་པར་བྱ་བ་ཡིན་ནོ་ཞེས་ཟེར་ན་འདི་ལྟར་ལམ་ཆུང་བ་ལ་སོགས་པ་བུལ་…

དང་ལྡན་པ་ལམ་པའོ། །དེ་གཉིས་ཀྱིས་སྨྲས་པ། ཕུ་ནུ་མོ་ཇི་ལྟར་བུད་མེད་ཀྱི་ཡུལ་བརྙས་པ་ལ་ལྟོས། དེས་ཟླ་བ་གསུམ་གྱིས་ཚིགས་སུ་བཅད་པ་གཅིག་བཀླགས་ན་དེ་ཡང་མ་ལོབས་པ་ཡིན་ལ། དགེ་སློང་མ་རྣམས་ནི་སྡེ་སྣོད་གཉིས་པ་དང་། སྡེ་སྣོད་གསུམ་པ་ཆོས་སྒྲོག་པ། རིག་པ་དང་། གྲོལ་བའི་སྤོབས་པ་ཅན་དག་ཡིན་ན། དེས་དགེ་སློང་མ་ལ་སྟོན་པར་འགྱུར་བ་ཇི་…

མནན་པ་ལྟར་ནི་ཡ་མཚན་ཅན་དགུ་བཅུ་རྩ་དྲུག་པོ་དག་གིས་ཀྱང་བུད་མེད་ཀྱི་ཡུལ་འགའ་ཡང་ཟིལ་གྱིས་མ་མནན་ཏོ། །དགེ་སློང་མ་བཅུ་གཉིས་སྡེ་དག་གིས་དེ་ལྟར་འཕགས་པ་ལམ་པ་དགེ་སློང་མའི་སྟོན་པར་འོང་ངོ་ཞེས་ཐོས་ནས་དེ་དག་གིས་སྨྲས་པ། ཕུ་ནུ་མོ་དག་བདག་ཅག་གིས་ཅི་ནས་ཀྱང་ཕྱིན་ཆད་ཐོས་པ་ཉུང་ངུ་འགའ་ཡང་དགེ་སློང་མ་ལ་སྟོན་པར་མི་འགྱུར་བ་དེ་ལྟ…

གཙུག་ལག་ཁང་དུ་ཞུགས་སོ། །དེ་ནས་ཚེ་དང་ལྡན་པ་ལམ་པ་ཕྱེ་མ་རེད་ནང་དུ་ཡང་དག་འཇོག་ལས་ལངས་ཏེ་སྣམ་སྦྱར་ཐོགས་ནས་ཕྱི་བཞིན་འབྲང་བའི་དགེ་སྦྱོང་དགེ་སློང་ཞིག་དང་དགེ་སློང་མའི་དབྱར་ཁང་རྒྱལ་པོའི་ཀུན་དགའ་ར་བ་ག་ལ་བ་དེར་སོང་ངོ་། །སྐྱེ་བོ་ཕལ་པོ་ཆེའི་ཚོགས་ཀྱིས་དེ་མཐོང་ནས་དེ་དག་གིས་སྨྲས་པ། དགེ་སློང་མའི་སྟོན་པ་དེ་གང་ཡིན། ཅི་…

ཕྱོགས་ཀྱི་སྟེང་གི་ནམ་མཁའ་ལ་མངོན་པར་འཕགས་ཏེ། སྤྱོད་ལམ་བཞི་པོ་འདི་ལྟ་སྟེ། འགྲོ་བ་དང་། འགྲེང་བ་དང་། འདུག་པ་དང་། ཉལ་བ་དག་བྱེད་དོ། །མེའི་ཁམས་ལ་ཡང་སྙོམས་པར་འཇུག་སྟེ། ཚེ་དང་ལྡན་པ་ལམ་པ་མེའི་ཁམས་ལ་ཡང་སྙོམས་པར་ཞུགས་པའི་ལུས་ལས་འོད་ཟེར་སྣ་ཚོགས་འདི་ལྟ་སྟེ་སྔོན་པོ་དག་དང་། སེར་པོ་དག་དང་། དམར་པོ་དག་དང་། དཀར་པོ་དག་ད…

འདོད་ཆགས་ཀྱི་ཡོངས་འཛིན་དང་། ཞེ་སྡང་གི་ཡོངས་འཛིན་དང་། གཏི་མུག་གི་ཡོངས་འཛིན་ཏོ། །ཚེ་དང་ལྡན་པ་ལམ་པས་ཇི་ཙམ་གྱིས་ཚིགས་སུ་བཅད་པ་ཕྱེད་ཀྱི་དོན་ཀྱང་རྣམ་པར་ཕྱེ་བ་དེ་ཙམ་གྱིས་སྲོག་ཆགས་ཁྲི་ཉིས་སྟོང་གིས་བདེན་པ་དག་མཐོང་སྟེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འ…

དེ་དག་གིས་སྨྲས་པ། ཇི་ལྟར་གྱུར། དེས་སྨྲས་པ། ཚེ་དང་ལྡན་པ་ལམ་པས་ཇི་ཙམ་གྱིས་ཚིགས་སུ་བཅད་པ་ཕྱེད་ཀྱི་དོན་ཀྱང་རྣམ་པར་ཕྱེ་བ་དེ་ཙམ་གྱིས་སྲོག་ཆགས་ཁྲི་ཉིས་སྟོང་གིས་བདེན་པ་དག་མཐོང་སྟེ། ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི་ལན་གཅིག་ཕྱིར་འོང་བའི་འབྲས་བུ་མངོན་སུམ་དུ་བྱས། ཁ་ཅིག་གིས་ནི…

བ་དང་གཉིས་ཀྱི་ལས་ཀྱིས་སོ། །དགེ་སློང་མ་ཞེས་བྱ་བ་ནི་ཆོས་འདི་པ་ལའོ། །སྟོན་ན་ཞེས་བྱ་བ་ནི་ལྷག་པའི་ཚུལ་ཁྲིམས་དང་། ལྷག་པའི་སེམས་དང་། ལྷག་པའི་ཤེས་རབ་བོ། །ཆོས་འདི་ལྟ་བུ་དང་ལྡན་པ་མ་གཏོགས་ཏེ་ཞེས་བྱ་བ་ནི་ཆོས་འདི་ལྟ་བུ་དང་ལྡན་པ་བཞག་སྟེའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ངན་སོང་…

བསྐོས་ཏེ། གསོ་སྦྱོང་བཅྭ་ལྔ་པ་དེ་ཉིད་ལ་བསྐོས་ཤིང་དགེ་འདུན་ཐམས་ཅད་འདུག་ཅིང་མཐུན་པར་གྱུར་ལ་དེ་ཡང་ཚུལ་ཁྲིམས་དང་ལྡན་པ་ཡིན་ཡང་མང་དུ་ཐོས་པ་མ་ཡིན་ན། གང་དག་སྐོ་བར་བྱེད་པ་དེ་དག་ལ་ཉེས་བྱས་སུ་འགྱུར་ལ། དེ་བསྐོས་པ་དེས་དགེ་སློང་མ་ལ་སྟོན་ན་ལྟུང་བྱེད་དུ་འགྱུར་རོ། །དགེ་སློང་དགེ་འདུན་གྱིས་མཚམས་ཀྱི་ནང་དུ་བསྐོས་ཤིང་མཚམས…

པར་གྱུར་ལ། དེ་ཡང་ཚུལ་ཁྲིམས་དང་ལྡན་ཞིང་མང་དུ་ཐོས་པ་ཡིན་ལ། གནས་བརྟན་རྒྱལ་ཚབ་ལྟ་བུ་ཡིན་ཞིང་གྲོང་ཁྱེར་པའི་སྐད་དང་ལྡན་ལ། དེས་དགེ་སློང་མ་ལ་ལུས་ཀྱིས་རེག་པས་སུན་མ་ཕྱུང་ཞིང་། གལ་ཏེ་སུན་ཕྱུང་བར་གྱུར་ན་ཡང་དེས་ལྟུང་བ་དེ་ཡང་ཆོས་བཞིན་དུ་ཕྱིར་བྱས་པ་ཡིན་ཡང་ཕམ་པར་འགྱུར་བའི་ཆོས་བརྒྱད་པོ་དག་རྒྱ་ཆེར་བརྗོད་པར་མི་ནུས་ན་ག…

ཕྱི་མ་ནི་སྲིང་མོ་དག་ཅི་ཁྱེད་ཅག་དགེ་སློང་མའི་དགེ་འདུན་ཚོགས་སམ། ཡོངས་སུ་དག་གམ། མཐུན་ནམ། ཁ་ན་མ་ཐོ་བ་མེད་དམ། ཁྱེད་ཅག་ལ་དགེ་འདུན་གྱིས་མ་བསྐོས་པའི་གང་ཟག་འགའ་ཞིག་སྟོན་པར་མི་བྱེད་དམ། ཁྱེད་ཅག་ལ་སྟོན་པའི་གང་ཟག་ནི་འགའ་ཞིག་དགེ་འདུན་ལས་འོང་ངོ་། །ཁྱེད་ཅག་ལ་དགེ་སློང་འགའ་ཡང་སྟོན་པར་མི་སྤྲོའོ། །ཁྱེད་ཅག་གི་གདམས་ངག་དང…

མ་རྣམས་བསྡིགས་པ་དང་། དེ་དག་གིས་བསམས་པ། བྲམ་ཟེ་འདི་བདག་ཅག་ལ་གནོད་པའི་ཕྱིར་ཞུགས་པ་ཡིན་གྱིས་བཟའ་ནར་བྱའོ་སྙམ་ནས། དེ་དག་གིས་དེ་ལ་འབྲས་ཆན་རྩུབ་པོ་དང་། རྩབས་བསྐོལ་བ་བྱིན་ནོ། །བྲམ་ཟེ་དེས་བུ་རྣམས་ལ་སྨྲས་པ། བུ་དག་ཁོ་བོ་མནའ་མ་འདི་དག་གིས་འབྲས་ཆན་རྩུབ་པོ་དང་། རྩབས་བསྐོལ་བ་བྱིན་ནོ། །དེ་དག་གིས་ཆུང་མ་དག་ལ་སྨྲས་པ། ཁ…

བཅུས་ནས་ཁྱིམ་ཐབ་རྣམས་ལ་བྱིན་ནོ། །བུ་རྣམས་ཀྱིས་ཕ་ལ་སྨྲས་པ། ཡབ་ཁྱོད་ཀྱི་བསོད་ནམས་དག་པས་ཏེ། བདག་ཅག་གི་མངོན་སུམ་ཁོ་ནར་རྫེའུ་གཅིག་གི་ནང་དུ་འབྲས་སཱ་ལུ་ཐུག་པོ་ཆེ་དག་སྩལ་ཅིང་རྫེའུ་ཅིག་ཤོས་ཀྱི་ནང་དུ་ཆབ་ཞོ་སྩལ་ཏེ་གཡོས་བགྱིད་དུ་སྩལ་ན། ཁྱོད་ཀྱི་ཞལ་དུ་ནི་འབྲས་ཆན་རྩུབ་པོ་དང་། རྩབས་བསྐོལ་བ་མཆི་ལ། བདག་ཅག་གི་གཡར་དུ་…

གསོལ་ལམ། བྲམ་ཟེ་དེས་བསམས་པ། ཅིའི་ཕྱིར་འདི་དག་གིས་བདག་ལ་ཕོ་ཤའི་ཁུ་ཤ་ལྡུད་པར་འགྱུར་ཏེ། དུག་ཅུང་ཞིག་སྦྱིན་འདོད་གོར་མ་ཆག་སྙམ་ནས། དེས་བསམས་པ། ཇི་ལྟར་ཤི་ཡང་བླས་བཏུང་ངོ་སྙམ་ནས་དེ་དག་གིས་དེ་ལ་སྦྲུལ་གྱི་ཕོ་ཤའི་ཁུ་ཤ་བླུད་ནས་དེས་དེ་འཐུངས་པ་དང་། དེའི་རླངས་པས་ལིང་ཐོག་ཕྱིད་ནས་བྲམ་ཟེ་དེས་མིག་མཐོང་བར་གྱུར་ཏོ། །དེས་…

མཐར་ཐུག་པ་གྲུབ་པ་དང་བདེ་བ་བླ་ན་མ་མཆིས་པའི་མྱ་ངན་ལས་འདས་པ་ལ་གཞག་པ་མཛད་པ་ལ་གཟིགས། དགེ་སློང་དག་ད་ལྟར་དུ་མ་ཟད་དེ་འདི་ལྟར་འདས་པའི་དུས་ན་ཡང་ངས་འདི་གདམས་ངག་ཅུང་ཞིག་གིས་གཏམས་པས་དབང་ཕྱུག་གི་བདག་པོ་ཆེན་པོ་ལ་བཞག་པར་གྱུར་ཏེ། དེ་ཉོན་ཅིག །དགེ་སློང་དག་སྔོན་བྱུང་བ་འདས་པའི་དུས་ན་རི་བྲགས་ཤིག་ན་ཁྱིམ་བདག་ཕྱུག་པ་ནོར་མང་…

འགྱུར་བ་གང་ཡིན་པ་དེ་ལྟ་བུའི་གནས་ཡོད་པར་འགྱུར་རོ་སྙམ་ནས་དེས་སྨྲས་པ། བུ་ཁྱོད་ཀྱི་ཕ་དང་མེས་པོ་དག་འདི་ཉིད་ན་ཚོང་པ་བྱེད་པར་གྱུར་ཏོ། །མ་ཀཱར་ཥཱ་པ་ཎ་དག་བྱིན་ཅིག་དང་བདག་གིས་ཀྱང་འདི་ཉིད་དུ་ཚོང་བྱའོ། །བུ་ཁོ་མོ་ལ་ཀཱར་ཥཱ་པ་ཎ་དག་ག་ལ་ཡོད། ཁོ་མོས་ཁྱོད་ཀྱང་ཉེ་དུའི་སྟོབས་དང་ལག་སྟོབས་ཀྱིས་བསྙོད་ཅིང་གསོས་ཏེ་བསྐྱེད་པ་ཡི…

གསོ་བར་འགྱུར་བའི་ཕྱོགས་དེར་སོང་སྟེ་བསྡད་པ་དང་། ཤིང་ཐུན་དག་ལྷགས་ནས་ཁྱེའུ་དེས་དེ་དག་ལ་སྨྲས་པ། ཞང་པོ་དག་ཤིང་ཁུར་ཞོག་ལ་ཡིད་ཙམ་ཞིག་ངལ་སོ་ཤིག །དེ་ནས་ཤིང་ཐུན་དེ་དག་གིས་ཤིང་ཁུར་དག་བཞག་པ་དང་། ཁྱེའུ་དེས་དེ་དག་ལ་སྲན་མ་ཉུང་ཟད་ཉུང་ཟད་བྱིན་ཞིང་ཆུ་གྲང་མོ་ཡང་འཐུང་དུ་བཅུག་གོ །ཤིང་ཐུན་རྣམས་ཀྱིས་སྨྲས་པ། ཚ་བོ་ཁྱོད་གར་འ…

ཡང་ཁེ་སྤོགས་མང་པོ་གྲུབ་པར་གྱུར་ཏོ། །དེས་ཡང་བསམས་པ། ཚོང་པ་རྣམས་ཀྱི་ནང་ན་འདི་ལྟ་སྟེ། བཟའ་བཅའ་འཚོང་བ་འདི་ནི་ཐ་ཆད་ཡིན་གྱིས་བདག་གིས་སྤོས་འཚོང་གི་ཟོང་དགྲམ་པར་བྱའོ་སྙམ་ནས་དེས་སྤོས་འཚོང་གི་ཟང་བཀྲམ་ཞིང་དེ་ཆོས་དང་རིགས་པས་ཚོང་བྱེད་པས་དེས་དེར་ཡང་ཁེ་སྤོགས་མང་པོ་གྲུབ་པར་གྱུར་ཏོ། །དེས་ཡང་བསམས་པ། ཚོང་པ་རྣམས་ཀྱི་ནང་…