རྒྱུད་སྨྲ་ཞིང་མྱུར་བ་མྱུར་བར་སོང་བ་དང་། གླ་མི་དེ་དག་ཀྱང་གཏམ་རྒྱུད་མི་ཐོ་ཀྱིས་དོགས་ནས་དེའི་ཕྱི་བཞིན་མྱུར་བ་མྱུར་བར་ལྷགས་ནས་དེའི་ཉིན་མོ་གླ་མི་དེ་དག་གིས་ལས་མང་དུ་བྱས་སོ། །ཁྱིམ་བདག་གི་ཀུན་དུ་སྤྱོད་པ་ནི། ཕྱེ་མ་རེད་ཀྱི་དུས་ཀྱི་ལས་ཀྱི་མཐའ་དག་ལ་སོ་སོར་རྟོག་པ་ཡིན་པས་ཚོང་དཔོན་དེ། དགོངས་ཀར་འོངས་ཏེ་ལས་ཀྱི་མཐའ་ད…

ཏེ། བདག་ལྷ་རྣམས་ཀྱི་ནང་དུ་སྐྱེ་བར་བགྱིའོ་སྙམ་ན། དེ་དག་མ་འཚལ་བས་ཡང་བདག་གིས་གཞན་དུ་གླ་རྔན་གྱི་སླད་དུ་ལས་བགྱི་འཚལ་བར་འགྱུར་རོ། །ཚོང་དཔོན་དེ་དད་པ་ཅན་ཞིག་ཡིན་པས་དེས་སྨྲས་པ། བུ་ཁོ་བོས་ཁ་བསྐང་བར་བྱའོ། །ཡབ་བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་བ་སྙམ། བུ་ཁྱོད་བཅོམ་ལྡན་འདས་ལ་མངོན་པར་དད་དམ། མངོན་པར་དད་དོ། །སོ…

རང་གི་སུག་པ་ནས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་ལོ། །ཚོང་དཔོན་དེ་དད་པ་ཅན་ཡིན་པས་དེས་བསམས་པ། བདག་གི་ཁྱིམ་གསར་དུ་བརྩིགས་པ་དེར་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་གསོལ་བར་གྱུར་ན་ལེགས་སོ་སྙམ་ནས་དེས་སྨྲས་པ། བུ་ཞོག་སྟེ་སོང་ལ་སངས་རྒྱས་ལ་སོགས་པ་དགེ་སློང་གི་དགེ་འདུན་སང་…

དེ་ནི་གླ་མི་ཡིན་པས་ཅི་ཞིག་སྦྱིན་པར་འགྱུར། ཁྱིམ་དུ་འགྲོ་བའི་ཁྱིམ་དག་ཏུ་དོང་ལ་གཡར་ཚུས་བཟས་འདོང་ངོ་ཞེས་དེ་དག་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང་། དེ་དག་གིས་སྨྲས་པ། འཕགས་པ་དག་གདན་ཚུས་གསོལ་ཅིག །དེ་ལྟར་བྱའོ། །ཞེས་དེ་དག་གིས་ཁྱེའུ་ཚུས་ཟོས་སོ། །དེ་ནས་བཅོམ་ལྡན་འདས་ཚོང་དཔོན་དེའི་བཀད་ས་ག་ལ་བ་དེར་གཤེགས་ཏེ་བྱོན…

ཅུང་ཟད་ཀྱང་མ་རྙེད་ནས་དེ་ན་ཚོང་པ་དགེ་སློང་གི་རྒྱུས་ཤེས་པ་ཞིག་འདུག་པ་དེས་སྨྲས་པ། ཤེས་ལྡན་དག་ཤེས་པར་གྱིས་ཤིག། ཁྱིམ་གང་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་གྱིས་གདུགས་ཚོད་གསོལ་བའི་ཁྱིམ་དེ་ན་གོར་མ་ཆག་པར་བཟའ་བ་དང་བཏུང་བ་ལྷག་པའི་ཆོས་ཅུང་ཟད་ཡོད་ཀྱིས་དེར་དོང་ལ་རིན་གྱིས་བཙལ་ལོ། །དེ་དག་གིས་སྨྲས་པ་དང་། ཚོང…

དེས་སྨྲས་པ། བཞིན་བཟངས་དག་འདི་ནི་ཁོ་བོའི་ཟས་མ་ཡིན་ཏེ། ཁྱིམ་བདག་གི་བུ་འདིའི་ཟས་ཡིན་ནོ། །དེ་དག་གིས་དྲིས་པ། འདི་ཁྱིམ་བདག་གང་གི་བུ་ཡིན། ཚོང་དཔོན་གྱིས་སྨྲས་པ། ཁྱིམ་བདག་ཆེ་གེ་མོ་ཞིག་གིའོ། །དེ་དག་གི་དེད་དཔོན་གྱིས་སྨྲས་པ། འོ་ན་འདི་བདག་གི་ཆུང་པོ་གྲོགས་ཀྱི་བུ་ཡིན་ནོ། །གཞན་དག་གིས་སྨྲས་པ། དེ་ལྟ་ན་འདི་བདག་ཅག་གི་ཞ…

བདག་ལ་དགའ་བའི་དབང་དུ་བགྱིས་པ་བགྱིད་ན་བདག་གིས་བླང་བར་བགྱིའམ། བཞིན་བཟངས་ལོང་ཤིག །བཅོམ་ལྡན་འདས་བདག་ལྷ་རྣམས་ཀྱི་ནང་དུ་སྐྱེ་བར་མི་འགྱུར་ལགས་པ་སྙམ། བཅོམ་ལྡན་འདས་ཀྱིས་བཀའ་སྩལ་པ། བུ་དེ་ནི་མེ་ཏོག་ཡིན་གྱི་ལོང་ཤིག །འབྲས་བུ་གཞན་འབྱུང་བར་འགྱུར་རོ། །ཁྱེའུ་དེས་རིན་པོ་ཆེ་དེ་དག་བླངས་སོ། །རྒྱལ་པོའི་ཁབ་ན་ཚོང་དཔོན་བུ་མ…

བྱའོ་སྙམ་ནས་ཚོང་དཔོན་དེས་ཀྱང་རང་གི་བུ་མོ་རྒྱན་ཐམས་ཅད་ཀྱིས་བརྒྱན་ཏེ་གྲོང་ཁྱེར་གྱི་ཚོང་དཔོན་དེའི་ཆུང་མར་བྱིན་ནས་དེའི་ཁྱིམ་ནོར་མང་ཞིང་ལོངས་སྤྱོད་དག་གིས་འཕྲལ་ལ་མངོན་པར་མཐོས་པར་གྱུར་ནས་དེའི་མིང་འཕྲལ་ལ་མཐོས་འཕྲལ་ལ་མཐོས་ཞེས་བྱ་བར་གྱུར་ཏོ། །དེ་ནས་ཚོང་དཔོན་འཕྲལ་ལ་མཐོས་འདི་སྙམ་དུ་སེམས་ཏེ། བདག་གི་ཁྱིམ་ན་དཔལ་གྱ…

གཉིས་ལ་མགོ་བོས་ཕྱག་འཚལ་ཏེ་བཅོམ་ལྡན་འདས་ཀྱི་སྤྱན་སྔ་ནས་སོང་ངོ་། །དེ་ནས་ཚོང་དཔོན་འཕྲལ་ལ་མཐོས་ཀྱིས་དེ་ཉིད་ཀྱི་མཚན་མོ་བཅའ་བ་དང་བཟའ་བ་གཙང་ཞིང་བསོད་པ་སྟ་གོན་བྱས་ནས་ནང་པར་སྔར་ལངས་ཏེ་གདན་བཤམས་ནས་ཆུ་ར་བཞག་སྟེ། བཅོམ་ལྡན་འདས་ལ་སྤྱན་འདྲེན་གྱིས་བཙུན་པ་གདུགས་ཚོད་གཡར་དགོངས་འཚལ་ན། བཅོམ་ལྡན་འདས་ཀྱིས་ད་དེའི་དུས་ལ་བབ་…

འདས་ལ་བརྟེན་ནས་བཅོམ་ལྡན་འདས་ཀྱིས་བདག་ལ་ཕན་པ་མཛད་པ་འདི་ལྟ་བུ་ནི་བདག་ལ་ཕས་ཀྱང་མ་བགྱིས་མས་ཀྱང་མ་བགྱིས། རྒྱལ་པོས་ཀྱང་མ་བགྱིས། ལྷ་རྣམས་ཀྱིས་ཀྱང་མ་བགྱིས། སྔོན་གྱི་ཕ་མེས་དག་གིས་ཀྱང་མ་བགྱིས། དགེ་སྦྱོང་དང་བྲམ་ཟེ་དག་གིས་ཀྱང་མ་བགྱིས། བྱམས་པ་དང་། མཛའ་བཤེས་དང་། རྩ་ལག་གི་ཚོགས་ཀྱིས་ཀྱང་མ་བགྱིས་ཏེ། ཁྲག་དང་མཆི་མའི་ར…

བསླབ་པའི་གཞི་འཆའ་བར་ནི་མི་མཛད་དོ།། །།འདུལ་བ་རྣམ་པར་འབྱེད་པ། བམ་པོ་ལྔ་བཅུ་རྩ་གཅིག་པ། དེ་ནས་བཅོམ་ལྡན་འདས་རྒྱལ་པོའི་ཁབ་ཏུ་ཅི་དགྱེས་པར་བཞུགས་ནས་ཡངས་པ་ཅན་ག་ལ་བ་དེ་ལོགས་སུ་ལྗོངས་རྒྱུ་ཞིང་གཤེགས་སོ། །དེ་ནས་བཅོམ་ལྡན་འདས་སྤོང་བྱེད་དག་ཏུ་ལྗོངས་རྒྱུ་ཞིང་གཤེགས་པ་ན་ཡངས་པ་ཅན་དུ་བྱོན་ནས་ཡངས་པ་ཅན་ན་སྤྲེའུ་རྫིང་གི་འག…

བས་གནང་ངོ་། །དེ་ནས་ཁྱིམ་བདག་དྲག་ཤུལ་ཅན་གྱིས་བཅོམ་ལྡན་འདས་ཀྱིས་ཅང་མི་གསུང་བས་གནང་བར་རིག་ནས་བཅོམ་ལྡན་འདས་ཀྱི་སྤྱན་སྔ་ནས་སོང་སྟེ། དེས་ཞོ་ཤས་འཚོ་བ་རྣམས་ལ་སྨྲས་པ། ཤེས་ལྡན་དག་བཅོམ་ལྡན་འདས་དགེ་སློང་གི་དགེ་འདུན་དང་བཅས་པ་ཡོངས་སུ་མཉེལ་ཅིང་གཤེགས་ཀྱིས་ཞལ་ཟས་གཙང་ཞིང་བསོད་པ་མང་པོ་དག་སྟ་གོན་གྱིས་ཤིག །དེ་དག་གིས་ཞལ་…

བཅོམ་ལྡན་འདས་ནི་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་བསྒྲུབས་སོ། །སངས་རྒྱས་བཅོམ་ལྡན་འདས་རྣམས་ནི་རྒྱུ་ལྔས་རྫས་ལས་བྱུང་བ་ན་བཞུགས་ཤིང་བསོད་སྙོམས་མངོན་པར་སྒྲུབ་པར་མཛད་དེ། ལྔ་གང་ཞེ་ན། ནང་དུ་ཡང་དག་པར་འཇོག་པར་བཞེད་པ་དང་། ལྷ་རྣམས་ལ་ཆོས་སྟོན་པར་བཞེད་པ་དང་། ནད་པ་ལ་ལྟ་བར་བཞེད་པ་དང་། གནས་མལ་ལ་རྟོག་པར་བཞ…

བསོད་སྙོམས་སྒྲུབ་པས་བསོད་སྙོམས་བླངས་ནས་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ །སངས་རྒྱས་བཅོམ་ལྡན་འདས་རྣམས་ནི་ཆོས་ཉིད་ཀྱིས་བསོད་སྙོམས་སྒྲུབ་པའི་དགེ་སློང་ལ་དགེ་སློང་ཇི་ལྟ་ཟས་བསོད་དམ་དགེ་སློང་གི་དགེ་འདུན་ཚིམ་པར་བྱས་སམ་ཞེས་སོ་སོར་ཀུན་དགའ…

དགེ་སྦྱོང་གི་ཚུལ་མ་ཡིན་པ། རྗེས་སུ་མཐུན་པ་མ་ཡིན་པ། རུང་བ་མ་ཡིན་པ། ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བའི་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས…

ཕྱོགས་ལ་ཏྲོན་མི་མཛད། བཞིན་བཟངས་དག་ཁོ་བོ་ཅག་བཀྲེས་སོ། །འཕགས་པ་དག་ཞལ་ཚུས་གསོལ་ཅིག །བཞིན་བཟངས་དག་བཅོམ་ལྡན་འདས་ཀྱིས་བསླབ་པའི་གཞི་བཅའ་བ་མཛད་དོ། །ཞེས་ཟེར་བའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། དེ་ལྟ་བས་ན་ལས་ཀྱི་དུས་མ་གཏོགས་སོ། །དགེ་སློང་གཞན་དག་ལམ་དུ་ཞུགས་པ་ན…

མི་དེ་གཙུག་ལག་ཁང་དུ་སོང་བ་དང་། ཇི་ཙམ་ན་དགེ་སློང་གཅིག་ཀྱང་མི་སྣང་ནས་དེ་ཕྱིར་ལོག་སྟེ་སྨྲས་པ། ཁྱིམ་བདག་དེ་ན་དགེ་སློང་མེད་དེ་བདག་གིས་གཅིག་ཀྱང་མ་མཐོང་ངོ་། །ཁྱིམ་བདག་དེས་སྨྲས་པ། སོང་ལ་གང་དུ་སངས་རྒྱས་ལ་སོགས་པ་དགེ་སློང་གི་དགེ་འདུན་སྤྱན་དྲངས་པ་དེ་ནས་དགེ་སློང་དག་སྤྱན་དྲོངས་ཤིག་དང་གདུགས་ཚོད་གསོལ་ལོ། །མི་དེ་དེར…

པ་ལ་ཡོ་བྱད་བསྙུངས་པའི་བསྔགས་པ་བརྗོད་ནས་དགེ་སློང་རྣམས་ལ་དེ་དང་མཐུན་པ་དང་། དེའི་ཤས་ཆེ་བ་དང་། དེ་དང་འཚམ་པའི་ཆོས་དང་ལྡན་པའི་བཀའ་མཆིད་མཛད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་སྔ་མ་ནི་བཅས་པ་ཡིན་ལ་འདི་ནི་གནང་བ་ཡིན་ཏེ། ངའི་ཉན་ཐོས་རྣམས་ཀྱིས་འདུལ་བ་ལ་བསླབ་པའི་གཞི་འདི་ལྟར་གདོན་པར་བྱ་སྟེ། ཡང་ཡང་…

དང་བཅས་པར་མགྲོན་དུ་བོས་ཤིང་དེ་གོས་དང་བཅས་པ་གཞན་དུ་ཡང་མགྲོན་དུ་བོས་ན་དགེ་སློང་དེས་གཉི་ག་ཡང་ཁས་བླང་བར་བྱ་ཞིང་གཉི་ག་ཡང་བཟའ་བར་བྱ་སྟེ། དེ་ཁས་ལེན་པ་ལ་ཡང་ལྟུང་བ་མེད་ལ་ཟ་བ་ལ་ཡང་ལྟུང་བ་མེད་དོ། །དགེ་སློང་གོས་དང་བཅས་པ་མགྲོན་དུ་བོས་ཤིང་དེ་གོས་མེད་པ་གཞན་དུ་ཡང་མགྲོན་དུ་བོས་ན་དགེ་སློང་དེས་སྔ་མ་ཁས་བླང་བར་བྱ་ཞིང་གཉ…

ཁས་ལེན་པ་ལ་ཡང་ལྟུང་བ་མེད་ལ། ཟ་བ་ལ་ཡང་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བོས་ཤིང་དེ་གོས་དང་བཅས་ཤིང་གོས་ཀྱི་རིན་དང་ཡང་བཅས་པ་གཞན་དུ་ཡང་མགྲོན་དུ་བོས་ན་དགེ་སློང་དེས་གཉི་ག་ཁས་བླང་བར་བྱ་ཞིང་གཉི་ག་བཟའ་བར་བྱ་སྟེ། དེ་ཁས་ལེན་པ་ལ་ཡང་ལྟུང་བ་མེད་ལ། ཟ་བ་ལ་ཡང་ལྟུང་བ་མེད་དོ། །དགེ་སློང་གོས་མེད་པར་མགྲོན་དུ་བ…