མི་མངའ་གོར་མ་ཆག་གིས་འདི་དག་ལ་ན་བཟའ་དབུལ་བར་བྱའོ། །དེ་ལྟར་བགྱིའོ་ཞེས་དེ་དག་གིས་དྲུག་སྡེ་དག་ལ་ལ་བ་སྲིན་བུའི་མདོག་ལྟ་བུ་རེ་རེ་བསྐོན་ཏོ། །དེ་ནས་དྲུག་སྡེ་དག་གིས་སྨྲས་པ། བཞིན་བཟངས་དག་ཁྱེད་ཅག་ཡང་དང་ཡང་དུ་བསོད་སྙོམས་ཟོ་ཞིག་ཅེས་ཟེར་ན་བསོད་སྙོམས་ཇི་ལྟ་བུ་སྦྱིན་པ་བལྟས་འོན་ཅིག །དྲུག་སྡེ་དག་ལས་གཅིག་གིས་ཐབ་སྣོད་ལ…

སྨྲས་པ། ཁྱོད་ཀྱིས་ཅི་ཁྱེར་ཏེ་འོངས། དེས་སྨྲས་པ། ཅི་ཡང་མ་འོངས་སོ། །ཅིའི་ཕྱིར། ཆོམ་རྐུན་པ་དག་གིས་བཅོམ་མོ། །དེ་དག་གིས་སྨྲས་པ། འཕགས་པ་དག་གིས་ཁྱོད་ཀྱི་བསེལ་བ་མ་བཏང་ངམ། དེས་སྨྲས་པ། ཤེས་ལྡན་དག་དོན་གྱིས་ན་དེ་དག་ཉིད་ཀྱིས་བཅོམ་མོ། །དེ་དག་གིས་སྨྲས་པ། ཇི་ལྟར་གྱུར། དེས་སྨྲས་པ། དེ་དག་གིས་ཁོ་བོ་ལས་ཤ་སྟག་བྱེད་དུ་བཅུ…

ཀྱིས་ཅིའི་ཕྱིར་བུ་མོ་ཡོངས་སུ་གཏང་། མི་སྦྱིན་ནོ་ཞེས་ཀྱང་ཟེར་རོ། །ཁྱིམ་བདག་དེས་ཡུགས་ས་མོ་དག་བསླངས་པ་དང་། ཡུགས་ས་མོ་དེ་དག་ཀྱང་ཁོ་མོ་ཅག་གིས་ཅིའི་ཕྱིར་བདག་ཡོངས་སུ་བཏང་ན་ཁྱོད་ཀྱི་ཁྱིམ་དུ་འཇུག་ཅེས་ཟེར་རོ། །ཁྱིམ་བདག་དེ་རྣམ་པ་ཐམས་ཅད་དུ་ཡི་ཆད་ནས་རང་ཉིད་ཀྱིས་ཁྱིམ་གྱི་སོ་ཚིས་དག་བྱ་བར་བརྩམས་པ་དང་། དུས་གཞན་ཞིག་ན་…

དེའི་གན་དུ་སོང་སྟེ་སྨྲས་པ། ཁྱོད་ཀྱིས་གཡས་ཞར་མ་ཐོབ་བམ། ཁྱིམ་བདག་གིས་སྨྲས་པ། ཐོབ་བོ། །དེས་ཚིགས་སུ་བཅད་པ་དག་སྨྲས་པ། རྒྱ་སྐྱེགས་ཤིང་གི་སོ་ཤིང་དང་། །ནུབ་ཏུ་སྔས་བསྟན་ཉལ་བ་དང་། །ཤིན་ཏུ་གཉིད་ཆེ་ཞོ་འཐུངས་དང་། །ཆུང་མ་གཡས་ཞར་ལེན་བྱེད་ན། །ཞི་བའང་གནས་ནས་ཉམས་པར་འགྱུར། །འགོག་ལ་འགོག་བྱེད་བབ་པ་དང་། །རྡོ་ལ་ལྕགས་ནི་བབ…

ཅིག་ཅེས་གསུངས་ཤིག །ཁྱིམ་བདག་གིས་སྨྲས་པ། བཟང་མོ་དེས་སྡོད་པར་མི་ནུས་ཀྱིས་ཇེ་བུ་མོ་བག་མར་གཏང་བར་གྱིས་ཤིག་དང་ཕྱིས་ཉེ་དུ་དག་ཟན་སྦྱིན་པར་བྱའོ། །ཆུང་མས་སྨྲས་པ། རྗེའི་སྲས་དེ་ནི་ཆུང་མ་གསོད་པ་ལགས་པས་དེ་ལ་གཞན་སུས་ཀྱང་བུ་མོ་སྩལ་བར་མི་འགྱུར་གྱིས་བཞུད་ཅིག་དང་སྡོད་པར་འགྱུར་རོ། །ཁྱིམ་བདག་དེ་དེའི་གན་དུ་སོང་སྟེ་སྨྲས་…

འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པ་སྟེ་ཞེས་བྱ་བ་ལ་སོགས་པ་སྔ་མ་བཞིན་ཏེ། སངས་རྒྱས་བཅོམ་ལྡན་འདས་ཀྱིས་དྲུག་སྡེ་དག་ལ་རྨས་པ། དགེ་ས…

དང་། དགེ་འདུན་ལ་མངོན་པར་དད་པ་དང་། སངས་རྒྱས་ལ་སྐྱབས་སུ་སོང་བ་དང་། ཆོས་དང་། དགེ་འདུན་ལ་སྐྱབས་སུ་སོང་བ་དག་གོ །ཕྱེ་དག་ཅེས་བྱ་བ་ནི་ཕྱེ་དང་འདེ་གུ་དག་གོ །ཁུར་བ་དག་ཅེས་བྱ་བ་ནི་བག་ཆོས་དག་གོ །དུས་ཀྱིས་སྟོབས་པར་གྱུར་ལ་ཞེས་བྱ་བ་ནི་ཡང་དང་ཡང་དུ་སྟོབས་པར་གྱུར་ལའོ། །འདོད་ན་ཞེས་བྱ་བ་ནི་གལ་ཏེ་དོན་དུ་གཉེར་ནའོ། །དགེ་སླ…

ལྷུང་བཟེད་ཆེན་པོ་གཉིས་དང་། འབྲིང་གཅིག་ལེན་པར་བྱེད་ན། དེ་ལེན་པ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་ལྷུང་བཟེད་ཆེན་པོ་གཉིས་དང་། ཆུང་ངུ་གཅིག་ལེན་པར་བྱེད་ན། དེ་ལེན་པ་ལ་ཉེས་བྱས་སུ་འགྱུར་ལ། ཟ་བ་ལ་ལྟུང་བྱེད་དུ་འགྱུར་རོ། །དགེ་སློང་གིས་ལྷུང་བཟེད་འབྲིང་གཉིས་དང་ཆེན་པོ་གཅིག་ལེན་པར་བྱ…

བྱེད་པས་དེ་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པར་མཛད་པས་སངས་རྒྱས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་རྨས་པ། ཀུན་དགའ་བོ་ངས་དགེ་སློང་དག་ང་ནི་སྟན་གཅིག་པའི་ཟས་ཟ་སྟེ། ང་སྟན་གཅིག་པའི་ཟས་ཟ་བ་ན་སྙིང་ལས་ཆུང་ངུར་འཚོ་…

མཁན་པོ་དང་། བླ་མ་དང་། བླ་མ་ལྟ་བུ་མཐོང་ན་ཡང་ལྡང་བར་བགྱིད་པ་དེ་དག་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས་དེ་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏེ། བཙུན་པ་གང་གིས་ད་ལྟར་དགེ་སློང་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་པའི་རྒྱུ་ནི་དེ་ལགས། རྐ…

པས་དེ་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏེ། བཙུན་པ་གང་གིས་ད་ལྟར་དགེ་སློང་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་པའི་རྒྱུ་ནི་དེ་ལགས། རྐྱེན་ནི་དེ་ལགས་སོ། །ཀུན་དགའ་བོ་དེ་ལྟ་བས་ན། བཅའ་བ་ལྔ་པོ་དག་གིས་ནི་སྤངས་པར་མི་འགྱུར་ལ། བཟའ་བ་ལྔ་པོ་དག་གིས་…

སྤངས་པར་མི་འགྱུར་ལ། བཟའ་བ་ལྔ་པོ་དག་གིས་ནི་སྤངས་པར་འགྱུར་རོ་ཞེས་བཀའ་སྩལ་ནས་དེ་དག་དེས་འབགས་པའི་སུག་པ་དག་དང་། དེས་གོས་པའི་ལྷུང་བཟེད་དག་གིས་བདག་ཅག་གིས་སྤངས་སོ་ཞེས་འཚལ་བར་མི་བགྱིད་པས་དེ་དག་རིད་པ་དང་། ཉམ་ཆུང་བ་དང་། རྐེ་བ་དང་། སྐམ་པ་དང་། ལུས་མ་ཐོབ་པར་གྱུར་ཏེ། བཙུན་པ་གང་གིས་ད་ལྟར་དགེ་སློང་དག་རིད་པ་དང་། ཉམ་ཆ…

པས་ཤེ་ན། བུད་མེད་དམ། སྐྱེས་པའམ། མ་ནིང་མེད་པས་ཏེ། དེ་ལྟར་ཟས་སྟོབས་པ་མེད་པས་སོ། །ཇི་ལྟར་ཟས་བརྩམས་པ་མེད་པས་ཤེ་ན། བཅའ་བ་ལྔ་པོ་དག་དང་། བཟའ་བ་ལྔ་པོ་དག་ཀུན་དུ་བརྩམས་པ་མེད་པས་ཏེ། དེ་ལྟར་ཟས་བརྩམས་པ་མེད་པས་སོ། །ཇི་ལྟར་ཟས་སྤངས་པ་མེད་པས་ཤེ་ན། བཅའ་བ་ལྔ་པོ་དག་དང་། བཟའ་བ་ལྔ་པོ་དག་སྤངས་པ་མེད་པས་ཏེ། དེ་ལྟར་ཟས་སྤངས་པ…

ཞེས་བྱ་བ་དང་། ཆོག་གོ་ཞེས་བྱ་བ་སྟེ། ཚིག་ལྷག་མ་མེད་པ་ལྔ་པོ་དེ་དག་གིས་ནི་སྤངས་པར་བརྗོད་པར་བྱའོ། །ཚིག་ལྷག་མ་དང་བཅས་པ་ལྔ་གང་ཞེ་ན། རེ་ཞིག་ཐོང་ཤིག་ཅེས་བྱ་བ་དང་། རེ་ཞིག་བྱིན་ཅིག་ཅེས་བྱ་བ་དང་། རེ་ཞིག་སོང་ཤིག་ཅེས་བྱ་བ་དང་། རེ་ཞིག་ཟོས་ཟིན་ཏོ་ཞེས་བྱ་བ་དང་། རེ་ཞིག་ཆོག་གོ་ཞེས་བྱ་བ་སྟེ། ཚིག་ལྷག་མ་དང་བཅས་པ་ལྔ་པོ་དེ…

འདས་མཉན་ཡོད་ན་རྒྱལ་བྱེད་ཀྱི་ཚལ་མགོན་མེད་ཟས་སྦྱིན་གྱི་ཀུན་དགའ་ར་བ་ན་བཞུགས་སོ། །ཁྱིམ་བདག་ཅིག་གིས་སངས་རྒྱས་ལ་སོགས་པ་དགེ་སློང་གི་དགེ་འདུན་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས། དགེ་སློང་ནད་པ་རབ་ཏུ་མང་པོ་དག་གི་ནད་གཡོག་རབ་ཏུ་མང་པོ་དག་ཡོད་པ་དེ་དག་གིས་བདག་ཉིད་ཟོས་ནས་ནད་པ་རྣམས་ཀྱི་ལྟོ་ཁེངས་པའི་བསོད་སྙོམས་དག་མ…

བཀའ་སྩལ་པ། དགེ་སློང་དག་དེ་ལྟ་བས་ན་ལྷག་པོར་བྱས་ཏེ་བཟའ་བར་རྗེས་སུ་གནང་ངོ་། །བཅོམ་ལྡན་འདས་ཀྱིས་ལྷག་པོར་བྱས་ཏེ་བཟའ་བར་རྗེས་སུ་གནང་ངོ་ཞེས་བཀའ་སྩལ་ནས། དགེ་སློང་རྣམས་ཀྱིས་ལྷག་པོར་ཇི་ལྟར་བྱ་བ་མི་ཤེས་ནས། བཅོམ་ལྡན་འདས་ཀྱིས་བཀའ་སྩལ་པ། དགེ་སློང་ཟས་ཟོས་ཟིན་ཅིང་སྤངས་ཏེ། ཡོངས་སུ་རྫོགས་ཤིང་མཐར་ཐུག་པར་བྱས་པ་གང་ཡང་རུ…

པ་ནས་དང་། སྤྱོད་ལམ་ལས་མ་ཉམས་པ་བྱེད་དུ་འཇུད་པ་སྟེ། རྒྱུ་ལྔ་པོ་དེ་དག་གིས་ནི་ལྷག་པོར་བྱས་པར་བརྗོད་པར་བྱའོ། །གཞན་ཡང་རྒྱུ་ལྔས་ནི་ལྷག་པོར་མ་བྱས་པར་བརྗོད་པར་བྱ་སྟེ། ལྔ་གང་ཞེ་ན། མཚམས་ཀྱི་ཕྱི་རོལ་དུ་དང་། མི་ཐོབ་པའི་ཕྱོགས་སུ་དང་། ལྷུང་བཟེད་ཀྱི་གཞིར་དང་། ཐུ་བར་དང་། སྤྱོད་ལམ་ལས་ཉམས་པ་བྱེད་དུ་འཇུད་པ་སྟེ། རྒྱུ་ལྔ…

འགྲོ་དང་། ལོག་པར་ལྟུང་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲིབ་པར་བྱེད་པ་སྟེ། དེས་ན་ལྟུང་བྱེད་དོ་ཞེས་གསུངས་སོ། །དེ་ལ་ལྟུང་བར་ཇི་ལྟར་འགྱུར་ཞེ་ན། དགེ་སློང་གིས་སྤངས་པ་ལ་སྤངས་པར་འདུ་ཤེས་པས་ལྷག་པོར་མ་བྱས་པར་བཅའ་…

ཚལ་དུ་སོང་སྟེ། དགེ་སློང་གི་གན་དུ་སོང་སྟེ་ཕྱིན་ནས་རྐང་པ་གཉིས་ལ་ཕྱག་འཚལ་ཏེ་སྨྲས་པ། འཕགས་པ་བདག་རབ་ཏུ་འབྱུང་གིས་རབ་ཏུ་དབྱུང་དུ་གསོལ། དེས་སྨྲས་པ། བཞིན་བཟངས་ཁོ་བོ་རབ་ཏུ་བྱུང་ནས་གསར་བུ་ཡིན་པས་ཁོ་བོས་རབ་ཏུ་འབྱིན་དུ་མི་རུང་ངོ་། །དེས་སྨྲས་པ། འཕགས་པ་བདག་དང་པོ་ཁོ་ནར་ཁྱོད་ཀྱི་གན་དུ་མཆིས་པས། ཁྱོད་ཀྱིས་བདག་དགེ་སློ…

ལྡན་འདས་ཀྱིས་གདུགས་ཚོད་གསོལ་ནས་ཁྱིམ་བདག་དེ་ལ་ཆོས་བསྟན་པར་བརྩམས་སོ། །དགེ་སློང་དེས་རྒན་ཞུགས་དེ་ལ་སྨྲས་པ། རྒན་ཞུགས་ཚུར་ཤོག །ཁྱིམ་དུ་འགྲོ་བའི་ཁྱིམ་དག་ལྟར་འདོང་ངོ་། །དེ་གཉིས་ཁྱིམ་དུ་འགྲོ་བའི་ཁྱིམ་དག་ཏུ་དོང་བ་དང་། དེ་དག་གིས་སྨྲས་པ། འཕགས་པ་གཉིས་གདུགས་ཚོད་གསོལ་ཅིག །ཁྱིམ་བདག་ཁོ་བོ་ཅག་གཉིས་ཟན་ཟོས་ཟིན་ཏོ། །དེས…