བྱེད་ཅེས་སྨོད་པར་བྱེད། ཕྱར་ཀ་གཏོང་བར་བྱེད། ཁ་ཟེར་བར་བྱེད་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་ཏོ། །དེ་ནས་བཅོམ་ལྡན་འདས་ཀྱིས་བྱུང་བ་འདི་དང་། གླེང་གཞི་འདི་དང་། སྐབས་འདི་ལ་དགེ་སློང་གི་དགེ་འདུན་བསྡུ་བ་མཛད་དོ་ཞེས་བྱ་བ་ལ་སོགས་པ་སྔ་མ་བཞིན་ནོ། །སངས་རྒྱས་བཅོམ་ལྡན་འདས་རྣམས་ནི་མཁྱེན་བཞིན་དུ་རྨེད་པ…

མཚན་མོས་བསྐྱབས་པར་རོ། །འགྲེང་ན་ཞེས་བྱ་བ་ནི་འདོམ་གང་དུ་འགྲེང་ནའོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ངན་སོང་དང་། ངན་འགྲོ་དང་། ལོག་པར་ལྟ་བ་དག་ཏུ་སྲེག་པར་བྱེད། འཚོད་པར་བྱེད། ལྟུང་བར་བྱེད་པའོ། །གཞན་ཡང་ཇི་སྲིད་དུ་ལྟུང་བ་དེ་མ་བཤགས་ཤིང་སོ་སོར་མ་བཤགས་ན་དགེ་བའི་ཆོས་རྣམས་ལ་སྒྲི…

དང་ལྡན་པ་ཀུན་དགའ་བོའི་རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས་ཚེ་དང་ལྡན་པ་ཀུན་དགའ་བོ་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་གཏམ་གྱིས་ཡང་དག་པར་སྟོན་པར་བྱེད། ཡང་དག་པར་འཛིན་དུ་འཇུད་པར་བྱེད། ཡང་དག་པར་གཟེངས་སྟོད་པར་བྱེད། ཡང་དག་པར་རབ་ཏུ་དགའ་བར་བྱེད་དོ། །རྣ…

པའི་ཕྱོགས་དེ་ལོགས་སུ་བཅོམ་ལྡན་འདས་ཞལ་གཟིགས་ཤིང་བཞུགས་ལ་དེ་དག་གི་བསྔགས་པ་ཡང་བརྗོད་པར་མཛད་དོ། །བཙུན་པ་ཀུན་དགའ་བོས་བཅོམ་ལྡན་འདས་ཞལ་གར་གཟིགས་ཤིང་བཞུགས། མི་གང་དག་གི་བསྔགས་པ་ཡང་བརྗོད་པར་མཛད། ཤེས་ལྡན་དག་བཅོམ་ལྡན་འདས་ཀོ་ས་ལར་ཞལ་གཟིགས་ཤིང་བཞུགས་ལ། མཉན་ཡོད་པའི་མི་དག་གི་བསྔགས་པ་ཡང་བརྗོད་པར་མཛད་དོ། །དེ་དག་གིས་ཚ…

ཐོས་ནས་ཀྱང་། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ། མཐའ་གཅིག་ཏུ་འཁོད་དོ། །མཐའ་གཅིག་ཏུ་འཁོད་ནས། བཅོམ་ལྡན་འདས་རྒྱལ་པོའི་ཁབ་པའི་ཚོང་པ་རབ་ཏུ་མང་པོ་དག་ལ་ཆོས་དང་ལྡན་པའི་བཀའ་མཆིད་ཀྱིས་ཡང་དག་པར་སྟོན་པར་མཛད། ཡང་དག་པར་འཛིན་དུ་འཇུད་པར་མཛད། ཡང་དག་པར་གཟེངས་སྟོད་པར…

བོ་བཅོམ་ལྡན་འདས་ཤུལ་དག་ཏུ་ཇི་ཙམ་དུ་གཤེགས། ཤེས་ལྡན་དག་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་ཙམ་དུའོ། །བཙུན་པ་ཀུན་དགའ་བོ་འཁོར་ལོས་སྒྱུར་བའི་རྒྱལ་པོ་ཇི་ཙམ་དུ་མཆི། ཤེས་ལྡན་དག་འཁོར་ལོས་སྒྱུར་བའི་རྒྱལ་པོ་ནི་ལམ་དག་ཏུ་རྒྱང་གྲགས་བཅུར་འགྲོའོ། །དེ་དག་གིས་རྒྱང་གྲགས་བཅུ་བཅུར་བཅོམ་ལྡན་འདས་དགེ་སློང་གི་དགེ་…

བསྐོར་བ། ཡུལ་འཁོར་སྲུང་ལྟར་དྲི་ཟའི་ཚོགས་ཀྱིས་ཡོངས་སུ་བསྐོར་བ། འཕགས་སྐྱེས་པོ་ལྟར་གྲུལ་བུམ་གྱི་ཚོགས་ཀྱིས་ཡོངས་སུ་བསྐོར་བ། མིག་མི་བཟང་ལྟར་ཀླུའི་ཚོགས་ཀྱིས་ཡོངས་སུ་བསྐོར་བ། ནོར་སྦྱིན་ལྟར་གནོད་སྦྱིན་གྱི་ཚོགས་ཀྱིས་ཡོངས་སུ་བསྐོར་བ། ཐགས་ཟངས་རིས་ལྟར་ལྷ་མ་ཡིན་གྱི་ཚོགས་ཀྱིས་ཡོངས་སུ་བསྐོར་བ། བརྒྱ་བྱིན་ལྟར་སུམ་བཅ…

དང་། གོས་འབུམ་རི་བ་དང་། ཁང་པ་བརྩེགས་པ་ལྔ་བརྒྱ་པ་ཡང་རྗེས་སུ་གནང་བས་ཁྱེད་ཅག་ནི་རེ་ཞིག་ཚེ་འདི་ཉིད་ལ་ཡང་བདེ་བ་ལ་རེག་པར་གནས་ལ། འདི་ནས་ཤི་འཕོས་པ་རྣམས་ཀྱང་ལྷ་རྣམས་ཀྱི་ནང་དུ་སྐྱེ་བར་འགྱུར་རོ། །ཁོ་བོ་ཅག་གི་སྟོན་པ་ནི་ངན་པ་ལ་མོས་པ་ཡིན་ཏེ། དེ་ཏིལ་གྱི་ཚིགས་མའི་གཤོལ་གྱིས་ཞིང་རྨོ་བས་དེས་ཁོ་བོ་ཅག་ལ་གཅེར་བུ་དང་། སྒྲ…

གང་ཡིན་པ་དེ་ལྟ་བུའི་གནས་ཡོད་དོ། །དེས་སྨྲས་པ། དེད་དཔོན་མད་ཀྱང་བཞད་གད་བགྱིས་སོ། །ལམ་དེ་ནས་དོན་མཐུན་ཚུར་འོང་བ་དག་ཅིག་ལྷགས་ནས་དོན་མཐུན་དེ་དང་ལྷན་ཅིག་ཤེས་པ་ཅན་ཞིག་འོང་བ་དེས་དེ་མཐོང་ནས་སྨྲས་པ། ཤེས་པ་ཅན་ཉོད་པ་ཉོད་དམ། དེས་སྨྲས་པ། ཉོད་དོ། །གང་ནས། དེས་སྨྲས་པ། ཁྱིམ་བདག་སྒྲེ་བྱི་འདི་དག་ཁོ་བོ་ལ་མཁོ་བ་སྟོབས་པར་བྱ…

བཏབ་པའི་མི་ལྟ་བུ། གསེར་གྱི་སྣོད་ན་འདུག་པའི་མར་མེ་ལྟ་བུ། གསེར་གྱི་རི་བོ་འགྲོ་བ་ལྟ་བུ། རིན་པོ་ཆེ་སྣ་ཚོགས་ཀྱིས་སྤྲས་པའི་གསེར་གྱི་མཆོད་སྡོང་ལྟ་བུ། གྲགས་པ་དང་། གསལ་བ་དང་། མི་བསྙེངས་པ་དང་། དྲི་མ་མེད་པ་དང་། རྣམ་པར་དག་པའི་བློ་དང་ལྡན་པ་མཐོང་ངོ་། །མཐོང་ནས་ཀྱང་འདི་ལྟ་སྟེ། དགེ་བའི་རྩ་བ་བསགས་པའི་རྒྱུ་ལས་བྱུང་བའི…

མ་མཆིས་པའི་དུས་ནས་བསགས་པའི་འཇིག་ཚོགས་ལ་ལྟ་བའི་རིའི་རྩེ་མོ་ཉི་ཤུ་མཐོ་བ་ཡེ་ཤེས་ཀྱི་རྡོ་རྗེས་བཅོམ་སྟེ་རྒྱུན་དུ་ཞུགས་པའི་འབྲས་བུ་ནི་ཐོབ་སྟེ། བཙུན་པ་བདག་ཅག་ནི་མངོན་པར་ཞུགས་པ་ལགས་སོ། །བཙུན་པ་བདག་ཅག་བཅོམ་ལྡན་འདས་དང་། ཆོས་དང་། དགེ་སློང་གི་དགེ་འདུན་ལ་སྐྱབས་སུ་མཆིས། བདག་ཅག་དགེ་བསྙེན་མར་གཟུང་དུ་གསོལ། དེང་སླན་ཆ…

བསྡུས་ཏེ་སྨྲས་པ། བཙུན་པ་ཀུན་དགའ་བོས་བདག་ཅག་ལ་སྣོད་སྤྱད་དང་། མི་བླས་དང་། གནས་མལ་གྱི་འབྱོར་པ་མ་མཆིས་ན་ཁྱོད་ཀྱིས་ཞལ་ཟས་སྟ་གོན་མཛོད་ཅིག་དང་། བདག་ཅག་མཆིས་ཏེ་བྲིམ་པར་བགྱིའོ། །ཀཱར་ཥཱ་པ་ཎ་དག་ཞོག་ཤིག །དེ་དག་གིས་ཀཱར་ཥཱ་པ་ཎ་དག་མཐའ་གཅིག་ཏུ་བཞག་སྟེ་དོང་ངོ་།། །།འདུལ་བ་རྣམ་པར་འབྱེད་པ། བམ་པོ་ལྔ་བཅུ་རྩ་ལྔ་པ། ཁྱིམ་བད…

རྐང་པ་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ །དེས་ཀཱར་ཥཱ་པ་ཎ་དེ་དག་མཐོང་ནས་སྨྲས་པ། བཙུན་པ་ཀུན་དགའ་བོ་ཀཱར་ཥཱ་པ་ཎ་འདི་དག་སུའི་ལགས། ཚེ་དང་ལྡན་པ་ཀུན་དགའ་བོས་སྨྲས་པ། ཁྱིམ་བདག་མོ་ལྔ་བརྒྱ་ཙམ་གྱིས་བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་སང་ཁྱིམ་གཞན་དུ་གདུགས་ཚོད་ལ་སྤྱན་དྲངས་ནས་དེ་དག་གིས་ཀཱར་ཥཱ་པ་…

ཁུར་བ་གཅིག་བྱིན་ལ། ཁྱོད་ལ་གཉིས་བྱིན་པ་ལས་ན་རྒྱལ་བུ་དེས་ཁྱོད་དོན་དུ་གཉེར་གྱིས་སྟ་གོན་གྱིས་ཤིག །གཞོན་ནུ་མས་སྨྲས་པ། དེས་བཙུན་མོའི་འཁོར་རྒྱས་པ་སྤངས་ཏེ་རབ་ཏུ་བྱུང་བས་དྲི་མའི་རྫབ་ཅན་ཁོ་མོ་ལྟ་བུ་དོན་དུ་གཉེར་བར་ག་ལ་འགྱུར། རྒན་མོས་སྨྲས་པ། སྐྱེས་པ་དག་ནི་བུད་མེད་སྣ་ཚོགས་དག་ལ་བུད་མེད་ཀྱི་འདུན་པ་ཡོད་པས་རྒྱལ་བུ་འ…

འདི་པའོ། །གཅེར་བུ་པའམ། གཅེར་བུ་མ་ཀུན་དུ་རྒྱུའམ། ཀུན་དུ་རྒྱུ་མོ་ལ་རང་གི་ལག་ནས་ཞེས་བྱ་བ་ནི་ལག་པས་ལག་པར་རོ། །བཅའ་བ་དང་བཟའ་བ་ཞེས་བྱ་བ་ནི་བཅའ་བ་ལྔ་དང་བཟའ་བ་ལྔའོ། །སྦྱིན་ན་ཞེས་བྱ་བ་ནི་བསབ་མི་དགོས་པར་རོ། །ལྟུང་བྱེད་དོ་ཞེས་བྱ་བ་ནི་སེམས་ཅན་དམྱལ་བ་དང་། དུད་འགྲོ་དང་། ཡི་དགས་ངན་སོང་དང་། ངན་འགྲོ་དང་། ལོག་པར་ལྟུང…

འདོང་བར་བྱའོ། །གང་མི་འགྲོ་བ་དེས་ཆད་པར་ཀཱར་ཥཱ་པ་ཎ་ལྔ་བརྒྱ་དབུལ་བར་བྱའོ་ཞེས་དྲིལ་བསྒྲགས་པ་བྱེད་དུ་བཅུག་སྟེ། རྒྱལ་པོའི་དཔུང་གི་ཚོགས་ཡན་ལག་བཞི་པ་འཕགས་པ་དང་། དྲུག་སྡེ་དག་གིས་སྨྲས་པ། དགའ་བོ་ཉེ་དགའ་གསུས་པོ་ཆེའི་དཔུང་གི་ཚོགས་ཡན་ལག་བཞི་པ་ཅི་འདྲ་བལྟས་འདོང་ངོ་ཞེས་དེ་དག་ལམ་ཀར་དོང་སྟེ་འཁོད་པ་དང་། ཇི་ཙམ་གླང་པོ་ཆེ…

མེད་ཀྱིས་ཕྱིར་དེང་ལ་ཕ་མ་དག་ལ་ཏིལ་གྱི་ཆུ་བྱིན་ལ་གཟོད་དེང་ཤིག །དེ་དག་མཐའ་གཅིག་ཏུ་དོང་སྟེ་སེམས་ཁོང་དུ་ཆུད་ཅིང་འཁོད་དོ། །དེ་ནས་དཔུང་བུ་ཆུང་གི་ཚོགས་འོངས་ནས་དྲུག་སྡེ་དག་གིས་དེ་དག་ལ་རྨས་པ། ཤེས་ལྡན་དག་གར་འདོང་། འཕགས་པ་དག་ཀོ་ས་ལར་བྱུང་བའི་རྒྱལ་པོ་གསལ་རྒྱལ་གྱིས་རི་བྲགས་པ་ཞིག་ལོག་པ་དེ་འབེབས་སུ་མཆིའོ། །བཀྲེན་པ་…

པར་མི་འགྱུར་བར་དྲན་པར་བགྱི་བ་ཆུང་ཞིག་བཅའ་བ་མཛད་ན་ལེགས་སོ་ཞེས་གསོལ་ཅིག །མི་དེས་ལྷ་བཀའ་བཞིན་འཚལ་ཞེས་ཀོ་ས་ལར་བྱུང་བའི་རྒྱལ་པོ་གསལ་རྒྱལ་ལས་མཉན་ནས། བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་འཚལ་ཏེ་མཐའ་གཅིག་ཏུ་འདུག་གོ །མཐའ་གཅིག་ཏུ་འདུག་ནས་མི་དེས་བཅོམ་ལྡན་འདས་ལ་འདི་སྐད…

ཚུལ་དང་མཐུན་པ་མ་ཡིན་པ་དེ་ནི་རབ་ཏུ་བྱུང་བས་བྱ་བ་མ་ཡིན་ནོ་ཞེས་རྣམ་པར་སྨད་པ་མཛད་དོ། །དེ་ནས་བཅོམ་ལྡན་འདས་ཀྱིས་རྣམ་གྲངས་དུ་མས་རྣམ་པར་སྨད་ནས་དགེ་སློང་རྣམས་ལ་བཀའ་སྩལ་པ། དགེ་སློང་དག་དེ་ལྟ་བས་ན་ཕན་ཡོན་བཅུ་ཡང་དག་པར་གཟིགས་པས་འདུལ་བ་ལ་ཉན་ཐོས་རྣམས་ཀྱི་བསླབ་པའི་གཞི་བཅའ་བར་བྱ་སྟེ་ཞེས་བྱ་བ་ལ་སོགས་པ་སྔ་མ་བཞིན་ནོ། །ང…

ཁང་དུ་འོངས་པ་དང་། རྒྱལ་པོ་དང་། བཙུན་མོ་དང་། གཞོན་ནུ་དང་། ཞང་བློན་དང་། ཁྲོམ་གྱི་རུ་སྣ་དང་། གྲོང་རྡལ་གྱི་མི་དང་། ལྗོངས་ཀྱི་མིས་བཀུག་པ་ལ་ལྟུང་བ་མེད་དོ། །བར་ཆད་བརྒྱད་པོ་དག་ལས་བར་ཆད་གང་ཡང་རུང་བ་ཉེ་བར་གནས་པར་གྱུར་པ་ལ་ལྟུང་བ་མེད་དོ། །ལས་དང་པོ་པ་དང་། སྨྱོས་པ་དང་། སེམས་འཁྲུགས་པ་དང་། ཚོར་བ་དག་གིས་ཉེན་པ་ལ་ལྟུང…