ཅག་ལོ་མའི་ཟས་ཀྱིས་འཚོ་བར་བྱའོ་ཞེས་དེ་རྣམས་དེ་ན་ལོ་མའི་ཟས་ཀྱིས་འཚོ་བར་བྱེད་པ་འདི་ནི་བྲམ་ཟེའི་ཁྱེའུ་བླ་ན་མེད་པའི་རིག་པ་དང་ཞབས་སུ་ལྡན་པ་དེ་མངོན་སུམ་དུ་མ་བྱས་པ་མངོན་སུམ་དུ་བྱ་བ་ལ་ཐབས་མ་ཡིན་པ་གཉིས་པ་ཡིན་པར་རིག་པར་བྱའོ། །བྲམ་ཟེའི་ཁྱེའུ་གཞན་ཡང་དགེ་སྦྱོང་ངམ་བྲམ་ཟེ་ཁ་ཅིག་བླ་ན་མེད་པའི་རིག་པ་དང་ཞབས་སུ་ལྡན་པ་འད…

ནི་དབྱུང་གི་རིགས་ཡིན་ནོ་ཞེས་ཤཱཀྱ་རྣམས་དབྱུང་ཡིན་པའི་ཚིག་སྨྲ། བྲམ་ཟེའི་ཁྱེའུ་ཇི་སྙམ་དུ་སེམས། བྲམ་ཟེ་རྣམས་ཀྱི་བྲམ་ཟེའི་དྲང་སྲོང་རྙིང་པ་གསང་ཚིག་དག་བྱེད་པ། རིག་བྱེད་དག་འཇུག་པར་བྱེད་པ་བྱུང་བ་གང་དག་གི་གསང་ཚིག་རྙིང་པ་བསྟོད་པ་དབྱངས་སུ་བླངས་པ་བསྡེབས་པ་ལ་ད་དུང་བྲམ་ཟེ་དེ་དག་དབྱངས་སུ་ལེན་ཅིང་འཆད་པར་བྱེད་པ་འདི་ལ…

ཉལ་བར་བྱེད་པ་ཡང་དཔེར་ན་ད་ལྟར་ཁྱོད་སློབ་དཔོན་དང་བཅས་པ་བཞིན་ནམ། ཀྱེ་གཽ་ཏ་མ་མ་ལགས་སོ། །བྲམ་ཟེའི་ཁྱེའུ་ལྟོས། ཁྱོད་ཀྱི་མཁན་པོ་ལ་ཡང་ཉེས་པ་ཡོད་དེ། བྲམ་ཟེའི་ཁྱེའུ་གང་གི་ཚེ་བྲམ་ཟེ་པད་མའི་སྙིང་པོ་ཀོ་ས་ལའི་རྒྱལ་པོ་གསལ་རྒྱལ་ལྟར་སོང་བ་དེའི་ཚེ་རྩིག་པས་ཆོད་པ་དང་། ཡོལ་བས་ཆོད་པ་ལས་གཞན་དུ་མ་ཡིན་པར་ཅི་སྟེ་སྐྱེས་བུ་མཁས…

པ་ཆེན་པོའ་མཚན། །སུམ་བཅུ་རྩ་གཉིས་ཐོས་པ་གང་། །དེ་ལ་གཽ་ཏ་མ་ཁྱོད་ཀྱི་ནི། །སྐུ་ལ་གཉིས་ཤིག་མ་མཐོང་ན། །མི་མཆོག་མདོམས་ཀྱི་སྦ་བ་ནི། །ཅི་ལགས་སྦུབས་ཀྱིས་ཁེབས་གྱུར་ཏམ། །ལྗགས་བཟང་ཞེས་ནི་བགྱི་བ་ཡང་། །ཇི་ག་ཐུང་བ་མ་ལགས་གྲང་། །འཇིག་རྟེན་ན་ནི་རྫོགས་སངས་རྒྱས། །གྲགས་དང་ལྡན་རྣམས་མཐོང་དཀའ་བས། །ཞལ་ནས་ལྗགས་སྲབ་བརྐྱང་མཛོད་ད…

འདུག་པ་ལས་བྲམ་ཟེའི་ཁྱེའུ་མ་སྡུག་གིས་བྲམ་ཟེ་པད་མའི་སྙིང་པོ་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་བྲམ་ཟེ་པད་མའི་སྙིང་པོ་གང་ན་བ་དེར་སོང་སྟེ་ཕྱིན་ནས། བྲམ་ཟེ་པད་མའི་སྙིང་པོའ་རྐང་པ་གཉིས་ལ་མགོ་བོས་ཕྱག་བྱས་ཏེ། ཤས་ཆེ་བའི་བྲམ་ཟེ་གཞན་རྣམས་ལ་ཡང་ཕྱག་བྱས་ནས་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་བྲམ་ཟེའི་ཁ…

ཤེས་ལྡན་དག་དེང་ཁོ་ན་ཁོ་བོ་ཤེས་ལྡན་གཽ་ཏ་མ་དེ་ལ་བལྟ་བ་དང་བསྙེན་བཀུར་བྱ་བའི་ཕྱིར་འགྲོར་དགོངས་ཐག་པས་མ་ནུས་པར་ཟད་དེ། འོན་ཀྱང་སང་ཤེས་ལྡན་གཽ་ཏ་མ་དེ་ལ་བལྟ་བ་དང་བསྙེན་བཀུར་བྱ་བའི་ཕྱིར་འགྲོའོ། །དེ་ནས་བྲམ་ཟེ་པད་མའི་སྙིང་པོས་དེ་ཉིད་ཀྱི་ནུབ་མོ་ནས་གཙང་ཞིང་བསོད་པའི་བཟའ་བ་དང་བཅའ་བ་དག་བསྡོགས་ནས་ནང་པར་སྔར་ལངས་ཏེ། གཙང…

པ་དེ་དག་ཐམས་ཅད་རིམ་གྲོའི་གནས་སུ་འདུས་ཤིང་མཆིས་ལགས་ཏེ། བཅོམ་ལྡན་འདས་ད་དེའི་དུས་ལ་བབ་པར་དགོངས་སུ་གསོལ། །དེ་ནས་བཅོམ་ལྡན་འདས་རིམ་གྲོའི་གནས་གང་ན་བ་དེར་གཤེགས་ཏེ་བྱོན་ནས་དགེ་སློང་གི་དགེ་འདུན་གྱི་གུང་ལ་གདན་བཤམས་པ་ཉིད་ལ་བཞུགས་སོ། །དེ་ནས་བྲམ་ཟེ་པད་མའི་སྙིང་པོས་སངས་རྒྱས་ལ་སོགས་པ་དགེ་སློང་གི་དགེ་འདུན་གདན་བཤམས་པ…

ཏིལ་གྱི་མར་ཁུ་འཚལ་བ་གདའ་ལགས་སོ། །ཀྱེ་གཽ་ཏ་མ་བདག་གི་སློབ་མ་བྲམ་ཟེའི་ཁྱེའུ་མ་སྡུག་མཆིས་ལགས་སམ། བྲམ་ཟེ་འོངས་སོ། །ཤེས་ལྡན་གཽ་ཏ་མ་དེ་དང་ལྷན་ཅིག་ཏུ་བཀའ་མཆིད་དག་བགྱིས་ལགས་སམ། བྲམ་ཟེ་བྱས་སོ། །གཽ་ཏ་མ་དེའི་སླད་དུ། དེ་དང་ལྷན་ཅིག་བཀའ་མཆིད་ཇི་སྙེད་ཅིག་གླེངས་པ་དེ་ཐམས་ཅད་བདག་ལ་རྒྱས་པར་བཀའ་སྩལ་དུ་གསོལ། དེ་ནས་བཅོམ་ལ…

པས་ལོངས་སྤྱོད་འཐོབ་ལགས་ཏེ། དེ་དག་ནི་གྲགས་པ་ཁོ་ནས་ལོངས་སྤྱད་འཚལ་ལོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། ཀྱེ་མའོ་བྲམ་ཟེ་པད་མའི་སྙིང་པོ་འདི་ནི་ང་རྒྱལ་ཤིན་ཏུ་ཆེ་བ་ཞིག་པས་མ་ལ་ངས་འདིའི་ང་རྒྱལ་སྤང་བའི་ཕྱིར་ཆོས་བཤད་དོ་སྙམ་དུ་དགོངས་ནས། དེ་ནས་བཅོམ་ལྡན་འདས་ཀྱིས་བྲམ་ཟེ་པད་མའི་སྙིང་པོ་ལ་ཆོས་དང་ལྡན་པའི་གཏམ་ག…

པོས་ཆོས་མཐོང་བ་དང་། ཆོས་ཐོབ་པ་དང་། ཆོས་རིག་པ་དང་། ཆོས་ཀྱི་གཏིང་སླེབས་པ་དང་། སོམ་ཉི་ལས་རྒལ་བ་དང་། ཐེ་ཚོམ་ལས་རྒལ་བ་དང་། གཞན་གྱི་དྲིང་མི་འཇོག་པ་དང་། གཞན་གྱིས་མི་བཀྲི་བ་དང་། སྟོན་པས་བསྟན་པའི་ཆོས་རྣམས་ལ་མི་འཇིགས་པ་ཐོབ་ནས་སྟན་ལས་ལངས་ཏེ་བླ་གོས་ཕྲག་པ་གཅིག་ཏུ་གཟར་ནས་བཅོམ་ལྡན་འདས་གང་ན་བ་དེ་ལོགས་སུ་ཐལ་མོ་སྦྱར་…

ལ་ངའི་ཚིག་འདི་དག་གིས་དགེ་སྦྱོང་གཽ་ཏ་མའི་ཞབས་གཉིས་ལ་མགོ་བོས་ཕྱག་བྱོས་ལ་གནོད་པ་ཆུང་ངམ། ཉམ་ང་བ་ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་ལ་འདི་སྐད་དུ་ཀྱེ་ཤེས་ལྡན་གཽ་ཏ་མ་ཀོ་ས་ལའི་རྒྱལ་པོ་གསལ་རྒྱལ་སང་བཅོམ་ལྡན་འདས་ལ་བལྟ་བར་མཆི་འཚལ་ན། ཤེས་ལྡན་གཽ་ཏ་མས་འདི་ལྟར་སྔ་ནས་ཐུགས་ས…

བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ཀྱི་ལྟར་མཉན་ནས། གཙུག་ལག་ཁང་ཡངས་པ་ཞིག་ཏུ་སྟ་ན་མང་དུ་བཤམས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ཚེ་དང་ལྡན་པ་ཀུན་དགའ་བོས་བཅོམ་ལྡན་འདས་ལ་འདི་སྐད་ཅེས་གསོ…

ཉུང་ངམ། འཚོའམ། བསྐྱོད་པ་ཡང་ངམ། སྟོབས་དང་བདེ་བ་ལ་རེག་པར་སྤྱོད་དམ་ཞེས་སྙུན་གསོལ་བར་གསོལ། དེ་བཞིན་དུ་བྱའོ་ཞེས་ཀོ་ས་ལའི་རྒྱལ་པོ་གསལ་རྒྱལ་གྱིས་མཉན་ནས། དེ་ནས་ཀོ་ས་ལའི་རྒྱལ་པོ་གསལ་རྒྱལ་བཞོན་པ་བཟང་པོ་ལ་ཞོན་ཏེ་འཆག་ཁང་ནས་བྱུང་ནས། བཅོམ་ལྡན་འདས་ལ་བལྟ་བ་དང་། བཅོམ་ལྡན་འདས་ལ་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི…

ཤེས་ལྡན་གཽ་ཏ་མ་ལ་བདག་ཕྱོགས་གཞན་འགའ་ཞིག་ཞུ་ལགས་སོ། །རྒྱལ་པོ་ཆེན་པོ་ཅི་དང་ཅི་འདོད་པ་ཞུས་ཤིག །ཀྱེ་གཽ་ཏ་མ་བདག་གིས་ཁྱོད་འདི་སྐད་ཅེས་དགེ་སྦྱོང་ངམ་བྲམ་ཟེ་གཞན་གྱིས་ཐམས་ཅད་ཤེས་པའམ། མཐོང་བ་གང་ཡིན་པ་དེ་ནི་གནས་མ་ཡིན་ཞིང་གོ་སྐབས་མེད་དེ་གནས་མེད་དོ་ཞེས་གསུང་ངོ་ཞེས་ཐོས་ན། གཽ་ཏ་མ་ཁྱོད་ཀྱིས་དེ་སྐད་དུ་བཀའ་སྩལ་པར་དགོངས…

དེ་གཞན་ཁོ་ནར་གཞན་དག་ལ་སྨྲའོ། །ཤེས་ལྡན་གཽ་ཏ་མས་ཇི་ལྟ་བུ་ཞིག་ཏུ་བཀའ་སྩལ་པར་དགོངས་ལགས། རྒྱལ་པོ་ཆེན་པོ་ངས་ནི་འདི་སྐད་དུ་དགེ་སྦྱོང་ངམ་བྲམ་ཟེ་གཞན་གྱིས་ཐམས་ཅད་ཤེས་པའམ། མཐོང་བ་གང་ཡིན་པ་དེ་ནི་གནས་མ་ཡིན་གོ་སྐབས་མེད་དེ་གནས་མེད་དོ་ཞེས་བཀའ་སྩལ་པར་དྲན་ནོ། །ཤེས་ལྡན་གཽ་ཏ་མ་དེ་སྐད་དུ་གསུངས་པ་ནི་རིགས་པའི་ཚུལ་ལགས་སོ། …

ལ་ཁྱད་པར་འམ། བསམ་པའམ། ཐ་དད་དུ་བྱ་བ་འགའ་ཡོད་དམ། ཀྱེ་གཽ་ཏ་མ་རིགས་ནི་བཞི་པོ་འདི་དག་སྟེ། རྒྱལ་རིགས་དང་། བྲམ་ཟེ་དང་། རྗེའུ་རིགས་དང་། དམངས་རིགས་ལགས་ལ། དེ་དག་གིས་དེ་བཞིན་གཤེགས་པའམ། དེ་བཞིན་གཤེགས་པའི་ཉན་ཐོས་གདམས་ངག་སྩོལ་བའམ། རྗེས་སུ་སྟོན་པའམ། ཆོས་སྟོན་པ་རྙེད་ན། དེ་དག་ལ་འདི་ལྟ་སྟེ་སྤངས་པ་ལ་ཁྱད་པར་རམ། བསམ་པའམ…

གཡོ་མེད་པ་དང་། སྐྱོན་མེད་པ་དང་། བརྩོན་འགྲུས་བརྩམས་པ་དང་། ཤེས་རབ་ཅན་གྱིས་ཐོབ་པར་བྱ་བ་དེ་ཤེས་རབ་འཆལ་པས་ཐོབ་པ་དེ་ནི་གནས་མེད་ཀྱི་ས་གང་ཞིག་དད་པ་ཅན་གྱིས་ཐོབ་པར་བྱ་བ་དེ་དད་པ་ཅན་གྱིས་འཐོབ་པར་འགྱུར་བ་འདི་ནི་གནས་ཡོད་ལ། གཡོ་མེད་པ་དང་། སྐྱོན་མེད་པ་དང་། བརྩོན་འགྲུས་བརྩམས་པ་དང་། ཤེས་རབ་ཅན་གྱིས་ཐོབ་པར་བྱ་བ་དེ་ཤེས་…

ནས་རྗེའུ་རིགས་གཞོན་ནུ་ཞིག་འོངས་པ་དང་། དེ་ལ་འགའ་ཞིག་གིས་འདི་སྐད་དུ་རྗེའུ་རིགས་གཞོན་ནུ་ཚུར། ཤུག་པ་སྐམ་པོ་ལས་གཙུབ་སྟན་བྱོས་ལ་སྟེང་དུ་གཙུབ་ཤིང་ཞོག་སྟེ། མེ་དབྱུང་བའི་ཕྱིར་གཙུབས་ལ་མེ་ཕྱུང་ཤིག་ཅེས་སྨྲས་པ་དང་། དེས་ཤུག་པ་སྐམ་པོ་ལས་གཙུབ་སྟན་བྱས་ནས་སྟེང་དུ་གཙུབ་ཤིང་བཞག་སྟེ། མེ་དབྱུང་བའི་ཕྱིར་གཙུབས་ནས་མེ་ཕྱུང་།…

སོ། །རེ་ཞིག་ཞུ་བ་ལུང་བསྟན་པའི་སླད་དུ་སྐབས་ཕྱེ་ན་ཤེས་ལྡན་ཁྱོད་ལ་བདག་གཞན་ཡང་ཕྱོགས་འགའ་ཞིག་ཞུ་ལགས་སོ། །རྒྱལ་པོ་ཆེན་པོ་ཅི་དང་ཅི་འདོད་པ་ཞུས་ཤིག །ཀྱེ་གཽ་ཏ་མ་ལྷ་རྣམས་མཆིས་སམ། རྒྱལ་པོ་ཆེན་པོ་ལྷ་གང་དག་ཡིན་པར་ཤེས། ལྷ་གང་དག་ཤ་ཁོན་དང་བཅས། འགྲན་ཟླ་དང་བཅས། གནོད་པ་དང་བཅས་ཤིང་འདི་ལྟ་བུར་འོང་ཞིང་འོང་བར་འགྱུར་བའམ། ལྷ…

དེ་ནས་ཚེ་དང་ལྡན་པ་ཀུན་དགའ་བོ་འདི་སྙམ་དུ་སེམས་ཏེ། སྡེ་དཔོན་ལུས་འཕགས་པོ་འདི་ནི་ཀོ་ས་ལའི་རྒྱལ་པོ་གསལ་རྒྱལ་གྱི་བུ་ཡིན་ལ། བདག་ཀྱང་བཅོམ་ལྡན་འདས་ཀྱི་ཆོས་ཉིད་ཀྱི་སྲས་ཡིན་པས་སྲས་དང་བུ་ནི་ལྷན་ཅིག་གཏམ་བྱར་རུང་ངོ་སྙམ་དུ་རིག་ནས་སྡེ་དཔོན་ལུས་འཕགས་ཕོ་ལ་འདི་སྐད་ཅེས་སྨྲས་སོ། །སྡེ་དཔོན་ཇི་སྙམ་དུ་སེམས། ཀོ་ས་ལའི་རྒྱལ་པ…