འདུལ་བ་གཞི། བམ་པོ་སུམ་བཅུ་རྩ་དྲུག་པ། བཅོམ་ལྡན་འདས་དགེ་སློང་གི་དགེ་འདུན་དང་ཐབས་ཅིག་ཏུ་སང་བདག་ཅག་གདུགས་ཚོད་སྦྱོར་ཞིང་མཆིས་ན་གནང་བར་མཛད་དུ་གསོལ་ཞེས་བྱ་བ་ནས། བཅོམ་ལྡན་འདས་ཀྱིས་ཞལ་ཟས་གསོལ་ཟིན་ནས་ཕྱག་བཅབས་ཏེ་ལྷུང་བཟེད་གྱུ་བར་རིག་ནས་ཞེས་བྱ་བའི་བར་གོང་མ་བཞིན་དུའོ། །གསེར་གྱི་བྱ་མ་བུམ་བླངས་ཏེ་བཅོམ་ལྡན་འདས་ཀྱི…

གོ་ཅན་དུ་གཤེགས་པ་དང་འབྲ་གོ་ཅན་ན་བྱིས་པ་ཆུང་ངུ་དག་ཅིག་རྡུལ་གྱི་མཆོད་རྟེན་ལ་རྩེ་བར་བྱེད་དོ། །བཅོམ་ལྡན་འདས་ཀྱིས་བྱིས་པ་ཆུང་ངུ་དག་རྡུལ་གྱི་མཆོད་རྟེན་ལ་རྩེ་བ་གཟིགས་སོ། །གཟིགས་ནས་ཀྱང་ཡང་གནོད་སྦྱིན་ལག་ན་རྡོ་རྗེ་ལ་བཀའ་སྩལ་པ། ལག་ན་རྡོ་རྗེ་ཁྱོད་ཀྱིས་བྱིས་པ་ཆུང་ངུ་རྡུལ་གྱི་མཆོད་རྟེན་ལ་རྩེ་བ་དག་མཐོང་ངམ། བཙུན་པ་…

ས་ཡ་ཕྲག་བདུན་དང་འབུམ་ཕྲག་བདུན་བཏུལ་ཏེ། བྱང་ཕྱོགས་ན་ནི་ཉེས་དམིགས་ལྔ་ཡོད་དེ། མཐོན་དམན་ཅན་དང་། སྡོང་དུམ་དང་། ཚེར་མས་གང་བ་དང་། རྡོ་བ་དང་། གསེག་མ་དང་། གྱོ་མོ་མང་བ་དང་། ཁྱི་ཟ་བ་དང་། བུད་མེད་གནས་ངན་ལེན་ཀུན་དུ་སྤྱོད་པའོ།། །། སྡོམ་ལ། དང་པོའ་རྒྱལ་སྲིད་རྟ་བཟངས་དང་། །བཅོམ་བརླག་དང་ནི་ཨོ་ཏ་ལའི། །ཀུན་དགའ་ར་བ་དགྲ་མ…

པར་འགྱུར་ཏེ། དེའི་མིང་གར་མཁན་དཔའ་བོ་ཞེས་བྱ་བར་འགྱུར་ཞིང་ལྷག་མཐོང་དང་ཞི་གནས་ཀྱི་རྗེས་སུ་མཐུན་པའི་གནས་མལ་རྣམས་ཀྱི་མཆོག་ཏུ་འགྱུར་རོ། །ཀུན་དགའ་བོ་བཅོམ་བརླག་འདིར་སྤོས་འཚོང་གི་ཁྱེའུ་སྦས་པ་ཞེས་བྱ་བ་འབྱུང་བར་འགྱུར་ཏེ། དེའི་བུ་ཉེ་སྦས་ཞེས་བྱ་བ་སངས་རྒྱས་ཀྱི་མཚན་མེད་པ་ཞིག་འབྱུང་བ་དེ་ང་ཡོངས་སུ་མྱ་ངན་ལས་འདས་ནས་ལོ…

གུ་བཙས་ཤིང་བཙས་པ་དག་གསོད་པར་བྱེད་པ་ཡིན་ནོ། །དེ་ནས་སྤྲ་མོ་དེ་དག་ཕྲུ་གུའི་མྱ་ངན་གྱིས་ནོན་པས་ཕན་ཚུན་གྲོས་བྱ་བར་བརྩམས་པ། ཤེས་ལྡན་སྤྲ་མོ་དག་ཉོན་ཅིག །བདག་ཅག་གི་ཕྲུ་གུ་བཙས་ཤིང་བཙས་པ་དག་སྡེ་དཔོན་འདིས་གསོད་པར་བྱེད་ཀྱིས་དེ་ལ་ཐབས་ཤིག་བཤམ་པར་བྱ་སྟེ། བདག་ཅག་ལས་སྤྲ་མོ་གང་ཞིག་སྦྲུམ་པར་གྱུར་ན་དེས་སྡེ་དཔོན་ལ་བརྗོད་པ…

དེ་ན་གནས་པའི་ལྷ་གང་ཡིན་པ་དེ་འདི་སྙམ་དུ་སེམས་ཏེ། སྤྲེའུ་འདིས་རང་སངས་རྒྱས་རྣམས་ཀྱི་སྐུ་བཤིག་ན་མི་རུང་ངོ་སྙམ་ནས་རྡོ་ལེབ་ཆེན་པོས་སྒོ་བཅད་ནས་འདུག་གོ །དེ་ནས་སྤྲེའུ་དེ་མྱ་ངན་དང་སྡུག་བསྔལ་བ་དང་། སྨྲེ་སྔགས་བཏོན་ཏེ་སོང་ནས་རི་བོ་རྩེ་མཐོན་ལ་ཀུན་ནས་འཁྱམ་པ་ན་མི་རྣམས་འདོད་པས་མི་དགའ་བར་གྱུར་ཏེ། རྣ་བ་གཏོད་ཅིང་མིའི་ས…

དུ་གྱུར་ནས་དེ་རྣམས་ཀྱིས་མཁན་པོ་དང་སློབ་དཔོན་མེད་པའི་ཤེས་པས་བྱང་ཆུབ་ཀྱི་ཕྱོགས་སུམ་བཅུ་རྩ་བདུན་དང་མཐུན་པའི་ཆོས་བསྐྱེད་ནས་རང་བྱང་ཆུབ་མངོན་སུམ་དུ་བྱས་སོ། །དེ་ནས་དེ་རྣམས་སྤྲེའུ་དེ་ལ་ཆོས་ལས་བྱུང་བའི་དད་པ་སྐྱེས་ནས། དེ་རྣམས་ཀྱིས་ལྗོངས་ནས་བསོད་སྙོམས་ལོ་ཏོག་སར་པ་དང་འབྲས་བུ་སར་པ་དང་། དུས་གསར་གྱི་རྙེད་པ་གང་ཡིན་…

ཟེ་སྔོར་གྱུར་ཅེས་བྱ་བ་རིག་བྱེད་དང་རིག་བྱེད་ཀྱི་ཡན་ལག་གི་ཕ་རོལ་ཏུ་ཕྱིན་པ་རང་གི་སྨྲ་བ་གསལ་བར་བྱེད་པ། ཕ་རོལ་གྱི་རྒོལ་བ་ཚར་གཅོད་པར་ནུས་པ་དེའི་ཚིག་བདེན་པའི་རྗེས་སུ་འབྲང་བ་ཞིག་ཡོད་དོ། །དེ་ནས་བཅོམ་བརླག་གི་བྲམ་ཟེ་རྣམས་འདུས་ཤིང་ཚོགས་ཏེ། སྡོར་གྱུར་གྱི་དྲུང་དུ་སོང་ནས་མཁན་པོ་འདིར་དགེ་སྦྱོང་གཽ་ཏ་མ་མཆིས་ནས། དེར་ཤ…

ནས་ནི། །ཡོན་ཏན་རང་བཞིན་ཡོན་ཏན་རྒྱ་མཚོ་ཆེ། །ཁྱོད་ཀྱི་ཡོན་ཏན་ཕྱོགས་གཅིག་བརྗོད་པར་བགྱི། །སྨྲ་བ་རྣམས་ཀྱི་དམ་པ་རབ་མཆོག་ལགས། །སྐྱོན་མེད་དབང་པོ་ཤིན་ཏུ་མཉམ་པར་བཞག །ཕ་རོལ་རྒོལ་བ་བརྩོན་པ་ཐམས་ཅད་ཀྱིས། །དོན་དམ་ཐུགས་སུ་ཆུད་ལ་བསྐྱོད་མི་ནུས། །ཁྱོད་ཀྱི་སྤྱོད་པ་ཤིན་ཏུ་རྫོགས་པ་ཉིད། །བརྟུལ་ཞུགས་བསྒྲུབས་པས་བརྟུལ་ཞུགས་ཤ…

དང་ལྷ་དང་ལྷ་མིན་གནོད་སྦྱིན་དང་། །སྲིན་པོ་ཡིད་གཉིས་བསལ་རྣམས་ཐུབ་པ་ཆེ། །ཁྱོད་ཀྱི་ཞབས་ལ་ཕྱག་འཚལ་སླར་མཆིའོ། །བཞེངས་དང་བཞུགས་དང་གཤེགས་དང་བཞུད་པ་དང་། །མནལ་དང་མི་གསུང་ཡང་ན་གསུང་བ་འམ། །འོན་ཏེ་ལྷུང་བཟེད་ཆོས་གོས་བསྣམས་པ་དག །གཽ་ཏམ་ཁྱོད་ཀྱི་ཐམས་ཅད་མཛེས་པ་ཉིད། །ཐོགས་པ་མེད་མདའ་མི་མྱུར་མཉམ་པས་ན། །གསུང་ནི་སྙན་པའི་ཡ…

ལྷག་པ་ལྟ་ཞིག་ག་ལ་མཆིས། །ཁྱོད་ལ་ཁོང་ཁྲོ་རྗེས་སུ་ཆགས་མི་མདའ། །ཐུབ་པ་ཁྱོད་ལ་ཡོངས་སུ་ཟག་མི་མངའ། །སྡུག་དང་འགལ་དང་རྩོད་པ་བརྟུལ་ཞུགས་བཟང་། །ཁྱོད་ལ་མི་མངའ་རྟག་ཏུ་མི་མངའ་ལགས། །ཐུབ་པ་སྡུག་དང་མི་སྡུག་བདེ་བ་དང་། །སྡུག་བསྔལ་མཉམ་དང་དེ་བཞིན་མི་མཉམ་སྤངས། །དགའ་དང་མི་དགའ་བ་དག་བཟོད་མཛད་དེ། །ཡང་དག་བསྔམས་ཤིང་འདི་ན་ཉེར་ཞ…

བདག་ལ་མེད་ཅེས་ཐུགས་ངན་མེད། །མ་བཅིངས་ལེགས་གསུང་བདག་གིར་འཛིན་མི་མངའ། །གནོད་པ་སྣ་ཚོགས་དག་ལས་ཡོངས་སུ་གྲོལ། །རྙེད་པ་བརྙེས་ནའང་དགྱེས་པར་མི་འགྱུར་ལ། །དེ་མ་བརྙེས་པས་ཀྱང་ནི་ཞུམ་མི་འགྱུར། །ཁྱད་དུ་གསོད་པ་བཟོད་པ་མཛད་ཅིང་འདིར། །བཀུར་སྟི་དག་ལའང་ཆགས་པ་མི་མངའ་ལགས། །ལྷ་གནས་རི་ཡི་ངོས་ལས་འཁྲུངས་པ་ཡི། །ཁྲག་ལྟར་དམར་བའི་…

རོལ་ནི། །རྟོགས་པར་རྔོ་ཐོག་འགྲོ་བའི་ནང་ན་མི་མ་མཆིས། །དེ་ལྟ་བུ་ལ་སོགས་པ་བསྟོད་པ་ལྔ་བརྒྱས་བཅོམ་ལྡན་འདས་ལ་བསྟོད་ནས་དེ་ལྟར་མངོན་པར་དད་པར་གྱུར་པ་དང་། བཅོམ་ལྡན་འདས་ཀྱིས་སྔོར་གྱུར་ཇི་ལྟར་སྟན་དེ་ཉིད་ལ་འདུག་བཞིན་དུ་བདེན་པ་མཐོང་བར་འགྱུར་བའི་ཆོས་བཤད་པ་མཛད་དོ། །དེ་ནས་བྲམ་ཟེ་སྔོར་གྱུར་གྱིས་བཅོམ་ལྡན་འདས་ལ་བསྟོད་ནས…

དང་སྡོང་དུམ་དང་ཚེར་མས་གང་བ་དང་། རྡོ་བ་དང་གསེག་མ་དང་གྱོ་མོ་མང་བ་དང་། དགོངས་ཀ་ཟ་བ་དང་བུད་མེད་མང་བ་ཡིན་ནོ། །དེ་ནས་བཅོམ་ལྡན་འདས་མ་གཤེགས་པར་བཅོམ་བརླག་གི་གནོད་སྦྱིན་བོང་བུའི་གནས་གང་ན་བ་དེ་ལོགས་སུ་གཤེགས་ཏེ་བྱོན་ནས། གནོད་སྦྱིན་བོང་བུའི་གནས་བྱུལ་ཏེ་ཤིང་དྲུང་ཞིག་ཏུ་རྟེན་ཅིང་ཉིན་མོའ་གནས་པའི་ཕྱིར་པ་ཞུགས་སོ། །དེ…

བར་བཟུང་སྟེ་དེ་བཞེས་སུ་གསོལ། དེ་ནས་བཅོམ་ལྡན་འདས་ཀྱིས་ཚེ་དང་ལྡན་པ་ཀུན་དགའ་བོ་ལ་བཀའ་སྩལ་པ། ཀུན་དགའ་བོ་སོང་ལ་གནོད་སྦྱིན་བོང་བུའི་གནས་ན་དགེ་སློང་ཇི་སྙེད་ཉེ་བར་རྟེན་ཅིང་གནས་པ་དེ་དག་ཐམས་ཅད་རིམ་གྲོའི་གནས་སུ་སྡུས་ཤིག །བསོད་སྙོམས་ཡོངས་སུ་ལོངས་སྤྱོད་དུ་གཞུག་གོ །བཙུན་པ་བཀའ་བཞིན་འཚལ་ཞེས་ཚེ་དང་ལྡན་པ་ཀུན་དགའ་བོས་…

བར་ནི་གླགས་ཚོལ་བར་བགྱིད་དེ། བུས་པ་བཙས་ཤིང་བཙས་པ་རྣམས་འཕྲོག་པར་བགྱིད་ལགས་ན། ཀྱེ་མའོ་བཅོམ་ལྡན་འདས་ཐུགས་བརྩེ་བ་ཉེ་བར་བཟུང་སྟེ་གནོད་སྦྱིན་བོང་བུ་གདུལ་བར་གསོལ། དེའི་ཚེག་གནོད་སྦྱིན་བོང་བུ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་གནོད་སྦྱིན་བོང་བུ་ལ་བཀའ་སྩལ་པ། བོང་བུ་ཁྱོད་ཀྱིས་ཐོས་…

འདས་སྔ་དྲོན་བཟའ་ཤམ་ཐབས་མནབས་ལྷུང་བཟེད་དང་ཆོས་གོས་བསྣམས་ཏེ་ཨོ་ཏ་ལར་བསོད་སྙོམས་ལ་ཞུགས་པ་དང་། ཕྱོགས་གཞན་ཞིག་ན་ཞིང་པ་ལྔ་བརྒྱ་ཙམ་མགོ་བོ་རྡུལ་གྱིས་ཡོག་ཅིང་ཤ་ནའི་རས་ཀྱིས་སྨད་གཡོགས་བགོས་ནས་ཞིང་རྨེད་པ་ལས་ཞིང་པ་དེ་རྣམས་ཀྱི་སངས་རྒྱས་བཅོམ་ལྡན་འདས་སྐུ་སྐྱེས་བུ་ཆེན་པོའ་མཚན་སུམ་བཅུ་རྩ་གཉིས་ཀྱིས་ཀུན་ནས་བརྒྱན་པ། གཟི…

བས་ན་གཅིག་ཏུ་གནག་པ་རྣམས་ཀྱི་ཞེས་བྱ་བ་རྒྱས་པར་སྦྱར་རོ། །བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལའི་བུས་དགེ་སྦྱོང་ཤཱཀྱའི་སྲས་ཤཱཀྱའི་རིགས་ལས་སྐྲ་དང་ཁ་སྦུ་བྲེགས་ཏེ་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་དཔའ་སྡེ་ནས་ལྗོངས་རྒྱུ་ཞ…

འདས་ལ་བལྟ་བ་དང་བསྙེན་བཀུར་བྱ་བའི་ཕྱིར་བཅོམ་ལྡན་འདས་ཀྱི་སྤྱན་སྔར་སོང་སྟེ། དེ་ཇི་ཙམ་བཞོན་པའི་སའི་བར་དུ་བཞོན་པས་སོང་ནས། བཞོན་པ་ལས་བབས་ཏི་རྐང་པ་ཁོ་ནས་ཀུན་དགའ་ར་བའི་ནང་དུ་ཞུགས་ནས་བྲམ་ཟེ་ཤིང་སཱ་ལ་ཆེན་པོ་ལྟ་བུ་ཨོ་ཏ་ལའི་བུ་བཅོམ་ལྡན་འདས་གང་ན་བ་དེ་ལོགས་སུ་སོད་སྟེ་ཕྱིན་ནས། བཅོམ་ལྡན་འདས་དང་ལྷན་ཅིག་ཡང་དག་པར་དགའ་…

རྣམ་པར་གྲོལ་བའི་རྟོན་པ་གང་ལགས། བྲམ་ཟེ་རིག་པ་དང་རྣམ་པར་གྲོལ་བའི་རྟོན་པ་ནི་མྱ་ངན་ལས་འདས་པ་ཡིན་ནོ། །ཀྱེ་གཽ་ཏ་མ་མྱ་ངན་ལས་འདས་པའི་རྟོན་པ་གང་ལགས། བྲམ་ཟེ་ཧ་ཅང་ཐལ་ཆེས་སོ་ཧ་ཅང་ཐལ་ཆེས་སོ་དྲི་བ་རྣམས་ཀྱི་མཐའ་གཟུང་བར་མི་ནུས་ཏེ། ངའི་དྲུང་དུ་ནི་ཡང་དག་པར་སྡུག་བསྔལ་ཟད་པར་བྱ་བ་དང་། སྡུག་བསྔལ་གྱི་མཐར་བྱ་བའི་ཕྱིར་ཚངས་པ…