དུ་ཤ་ཁྱེར་ཏེ་འོངས་ནས་དེ་ཡང་ཟ་བར་བྱེད་དོ། །གང་གི་ཚེ་དེས་བཅོམ་ལྡན་འདས་ལས་བདེན་པ་མཐོང་བ་དེའི་ཚེ་མི་ཟ་བས་ཁྱེར་ཏེ་འོངས་ནས་ཡང་དགེ་སློང་རྣམས་ལ་སྦྱིན་པར་བྱེད་དོ། །དགེ་སློང་རྣམས་ཀྱིས་ཀྱང་དེ་དག་ཟོས་པ་དང་མུ་སྟེགས་ཅན་རྣམས་སྨོད་པར་བྱེད། གཞོགས་འཕྱས་བྱེད། ཁ་ཟེར་བར་བྱེད་དེ། ཤེས་ལྡན་དག་སྡེ་དཔོན་སེང་གེའི་ཆེད་དུ་བྱས་ཏ…

གཅིག་ཏུ་བརྩོན་བར་བྱ་བའི་ཕྱིར་བསྟན་པ་ལ་ཅིའི་སླད་དུ་གློས་ཕབ་སྟེ་བཞུགས་ཤིང་དགེ་བའི་ཕྱོགས་ལ་བརྩོན་པར་མི་མཛད། དེ་རྣམས་ཀྱིས་སྨྲས་པ། མུ་གེ་དང་བཅས་པའི་དུས་བྱུང་བས་བསོད་སྙོམས་ལྟོ་འགྲངས་པར་མི་རྙེད་པས་ཁོ་བོ་ཅག་ལྟོགས་ཏེ་ཉམ་ཆུང་བས་དེས་ན་གློས་ཕབ་སྟེ་འདུག་གོ །དེ་རྣམས་ཀྱིས་སྨྲས་པ། ཅི་སྟེ་ཞལ་ཚུས་མི་གསོལ། བཅོམ་ལྡན་འད…

དེ་རྣམས་ཀྱིས་ཁྱེར་ཏེ་དོང་ངོ༌། །དོང་ནས་དེ་ཡང་ཟ་བར་འདོད་ན་འགྱོད་པས་མ་ཟོས་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང༌། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། མུ་གེའི་སྡུག་བསྔལ་དགོན་པ་འདི་ལྟ་བུར་འདི་དག་ནི་བྱིན་པ་ཡིན་ནོ་སྙམ་དུ་བསམས་ནས་བཟའ་བར་བྱ་སྟེ། འདི་ལ་འགྱོད་པར་མི་བྱའོ། །…

ཁྱེད་ཀྱིས་མ་བཞེས་ན་ཅི་བདག་ཅག་གི་དགེ་བའི་ཤུལ་རྒྱགས་དང་བྲལ་ཏེ། འཇིག་རྟེན་འདི་ནས་འཇིག་རྟེན་ཕ་རོལ་དུ་མཆི་བར་བགྱིའམ། དེ་ལྟ་བས་ན་ཐུགས་བརྩེ་བས་བཞེས་ཤིག་པའི་སྐབས་དེ་དགེ་སློང་རྣམས་ཀྱིས་བཅོམ་ལྡན་འདས་ལ་གསོལ་པ་དང༌། བཅོམ་ལྡན་འདས་ཀྱིས་བཀའ་སྩལ་པ། དེའི་ཕྱིར་རྗེས་སུ་གནང་སྟེ། རྙེད་པར་དཀའ་བ་ཡིན་ནོ་སྙམ་ནས་བཟའ་བར་བྱ་སྟེ…

འོ་མས་རིམ་གྲོ་བྱ་བ་ནི་བདག་གི་ཆ་མ་ཡིན་ནོ་སྙམ་དུ་བསམས་ནས་ཇི་ལྟར་སེམས་མཉམ་པར་བཞག་པས་མཉན་ཡོད་ནས་མི་སྣང་བར་གྱུར་ཏེ། དལ་གྱིས་འབབ་ཅེས་བྱ་བའི་འགྲམ་དུ་ཕྱིན་པར་འགྱུར་བ་དེ་ལྟ་བུའི་ཏིང་ངེ་འཛིན་ལ་སྙོམས་པར་ཞུགས་པ་དང༌། ཀླུའི་རྒྱལ་པོ་རབ་བརྟན་གྱི་གནས་དང་ཉེ་བར་གྱུར་པ་དང༌། དེ་ནས་ཀླུའི་རྒྱལ་པོ་རབ་བརྟན་གྱིས་མཐོང་ནས་སྨྲས…

ཅིག་འདུས་པར་གྱུར་ཏོ། །དུས་གཞན་ཞིག་ན་བལ་གླང་མོ་དེ་ལས་བལ་གླང་ཕྲུག་གུ་ཅིག་འབྲངས་ཏེ་འབྲངས་པའི་མོད་ལ་སེང་གེའི་སྒྲ་འབྱིན་ཏོ། །དེ་ནས་བལ་གླང་མོ་དེ་སྐྲག་པས་གཅིག་རྟུག་ཤོར་ནས་བལ་གླང་ཕྲུག་གུ་བོར་ཏེ་བྲོས་སོ། །དེ་ནས་རྒྱལ་པོའི་ཁབ་ན་གནས་པའི་ཤིང་མཁན་ཞིག་ཤིང་གི་ཆེད་དུ་ཚལ་དུ་སོང་བ་ལས་བལ་གླང་ཕྲུག་གུ་དེ་མཐོང་ནས་ཁྱིམ་དུ་…

བཏགས་ཏེ་འདུག་ལ། དེས་གང་གི་ཚེ་བརྒྱའམ་སྟོང་ཡོངས་སུ་བཏང་བ་དེའི་ཚེ་དེ་བཞིན་དུ་གང་བར་འདུག་སྟེ། ཡོངས་སུ་ཟད་པར་མི་འགྱུར་ཏེ། ལུག་གི་བུ་ནི་དེ་ལྟ་བུ་ཡིན་ནོ། །ལུག་གི་མནའ་མ་ཇི་ལྟ་བུ་ཞེ་ན། དེས་གཅིག་གི་དོན་དུ་དྲི་སྦྱར་ན་བརྒྱ་སྟོང་ཁྱེད་པར་འགྱུར་ཏེ། ལུག་གི་མནའ་མ་ནི་དེ་ལྟ་བུ་ཡིན་ནོ། །ལུག་གི་བྲན་ཕོ་ཇི་ལྟ་བུ་ཞེ་ན། དེས…

ནས་གནས་པ་དེ་རྣམས་ཀྱིས་དགེ་སྦྱོང་གཽ་ཏ་མ་འོང་ངོ་ཞེས་ཐོས་སོ། །ཐོས་ནས་ཀྱང་རོད་རོད་པོར་གྱུར་ནས་བདག་ཅག་སྔོན་ནི་དགེ་སྦྱོང་གཽ་ཏ་མས་ཡུལ་དབུས་ནས་སྤྱུགས་སོ། །དེ་གལ་ཏེ་འདིར་འོངས་ན། གདོན་མི་ཟ་བར་བདག་ཅག་འདི་ནས་ཀྱང་སྤྱུགས་པར་འགྱུར་གྱིས་དེ་ལ་ཐབས་ཤིག་བཤམ་པར་བྱའོ་སྙམ་མོ། །དེ་རྣམས་རིགས་ཀྱི་ཁྱིམ་དག་ཏུ་དོང་ནས་སྨྲས་པ། ཆོ…

ཡིན་ཏེ། འདི་ལྟར་བཅོམ་ལྡན་འདས་ཀྱིས་བསྐལ་པ་གྲངས་མེད་པ་གསུམ་དུ་དཀའ་བ་བརྒྱ་སྟོང་དུ་མས་ཕ་རོལ་ཏུ་ཕྱིན་པ་དྲུག་ཡོངས་སུ་རྫོགས་པར་མཛད་པས་བླ་ན་མེད་པའི་ཡེ་ཤེས་བརྙེས་པའི་བཅོམ་ལྡན་འདས་དེ་འཇིག་རྟེན་ཐམས་ཅད་མེད་པའི་ཡུལ་སྟོང་རྒྱུ་ཞིང་གཤེགས་པར་བྱ་འམ། མ་ལ་བདག་གིས་བཅོམ་ལྡན་འདས་ཉན་ཐོས་ཀྱི་དགེ་འདུན་དང་ཐབས་ཅིག་ཏུ་བདེ་བ་ལ་ར…

ཅི་དེས་ཁྱེད་ཅག་གི་སློང་བ་བཀག་པར་འགྱུར་སྙམ་མམ། མུ་སྟེགས་ཅན་རྣམས་ཀྱིས་སྨྲས་པ། དམ་ཞིག་བཅས་ཏེ་གལ་ཏེ་ཁྱེད་ཅག་སུས་ཀྱང་དགེ་སྦྱོང་གཽ་ཏ་མ་ལ་བལྟ་བར་འགྲོ་བར་མི་བྱ་ཞིང་གང་ཞིག་འགྲོ་བ་དེ་ལ་ཆད་པར་ཀཱར་ཥཱ་པ་ཎ་དྲུག་བཅུས་གཅད་པར་ཁྲིམས་འཆའ་ན་འདུག་གོ །དེ་རྣམས་ཀྱིས་ཀྱང་ཁས་བླངས་ནས་ཁྲིམས་སུ་བཅས་སོ། །དེ་ནས་བཅོམ་ལྡན་འདས་ལྗོངས…

ཚོགས་ཀྱིས་ཁྲིམས་སུ་བཅའ་བ་བྱས་སོ་ཞེས་སྨྲས་པ་དང༌། ཁྱོད་ཀྱི་བུའི་རྐེད་པ་ལ་ལྔ་བརྒྱ་པའི་སྣོད་བཏགས་ཏེ་འདུག་པ་དེས་གལ་ཏེ་བརྒྱའམ་སྟོང་འགེད་པར་བཏང་ན་ཡང་གང་བ་ཉིད་དུ་འདུག་ཅིང་ཡོངས་སུ་ཟད་པར་མི་འགྱུར་ན་ཁྱོད་ཀཱར་ཥཱ་པ་ཎ་དྲུག་བཅུ་བྱིན་ནས་འོང་མི་ནུས་སམ་ཞེས་སྨྲོས་ཤིག །བཙུན་པ་བཀའ་བཞིན་འཚལ་ཞེས་བུ་མོ་དེས་བཅོམ་ལྡན་འདས་ཀྱི…

བདེན་པ་བཞི་སོ་སོར་རྟོགས་པར་འགྱུར་བ་དེ་ལྟ་བུའི་ཆོས་བཤད་པ་མཛད་དེ། ཁྱིམ་བདག་ལུག་གིས་དེ་ཐོས་ནས་ཞེས་བྱ་བ་ནས་རྒྱུན་དུ་ཞུགས་པའི་འབྲས་བུ་མངོན་སུམ་དུ་བྱས་སོ་ཞེས་བྱ་བའི་བར་གོང་མ་བཞིན་ནོ། །དེས་བདེན་པ་མཐོང་ནས་གསོལ་པ། བཅོམ་ལྡན་འདས་བཟང་བྱེད་ན་གནས་པའི་སྐྱེ་བོའི་ཚོགས་འདི་དག་གིས་ཀྱང་ཅིག་འདི་ལྟ་བུའི་ཆོས་རྣམ་པ་སྣ་ཚོགས…

ཐོས་ནས་ཁ་ཅིག་གིས་ནི་རྒྱུན་དུ་ཞུགས་པའི་འབྲས་བུ་མངོན་དུ་བྱས་སོ་ཞེས་བྱ་བ་ནས། ཁ་ཅིག་ནི་སྐྱབས་སུ་འགྲོ་བ་དང་བསླབ་པའི་གཞི་རྣམས་བླངས་སོ་ཞེས་བྱ་བའི་བར་གོང་མ་བཞིན་དུའོ།། །།འདུལ་བ་གཞི། བམ་པོ་ལྔ་བཅུ་བརྒྱད་པ། བཅོམ་ལྡན་འདས་ཀྱིས་ཡུན་རིང་པོ་ཞིག་ཏུ་ཆོས་བཤད་པས་གདུགས་ཚོད་ཀྱི་དུས་ལས་ཡོལ་བར་གྱུར་ཏོ། །ཁྱིམ་བདག་ལུག་གིས་གས…

བར་གསེར་དངུལ་ལེན་པར་གསུངས་ལ། བཅོམ་ལྡན་འདས་ཀྱིས་དགེ་ཚུལ་གྱིས་བླང་བར་བྱའོ་ཞེས་གསུངས་པ་དེ་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། ཉེ་བ་འཁོར་ངས་འཆང་བར་བྱེད་པ་ལས་དགོངས་ཏེ་གསུངས་ཀྱིས་མི་བླང་བ་ནི་མ་ཡིན་ཏེ། དེ་བས་ན་དགེ་ཚུལ་གྱིས་བླང་བར་བྱའི་བླངས་ནས་བདག་གིར་ནི་མི་བྱའོ། །ཁྱིམ་བདག་ལུག་གིས་གསོལ་པ། བཅོམ་ལྡན་འད…

ཕྱེ་རྣམས་ཀྱི་གང་ཡིན་པ་དེ་ནི་ཆུས་བཀྲུས་ནས་བཟའ་བར་བྱའོ། །ཁ་ཅིག་ཞུ་བར་གྱུར་པ་དེ་བཀྲུར་མ་རུང་སྟེ་ཟས་དང་བཅས་པ་ཉིད་དུ་གྱུར་ནས། བཅོམ་ལྡན་འདས་ཀྱིས་བཀའ་སྩལ་པ། སྨྱུག་མའི་ཚལ་པས་བཞར་ལ་ཆུས་བཀྲུ་བར་བྱའོ། །འོན་ཀྱང་ཟས་མེད་པར་བྱ་མ་ནུས་ནས། བཅོམ་ལྡན་འདས་ཀྱིས་བཀའ་སྩལ་པ། ལེགས་པར་བསལ་ཏེ། ཆུའི་ནང་དུ་མཉེས་ལ་བཏུང་བར་བྱས་ནས་…

དང༌། དེ་ནས་དེའི་ཁུ་བ་འཐུང་བ་སྟེ། འདི་ནི་རུས་གོང་དཀར་པོ་དང་འབྲེལ་བས་རུས་གོང་དཀར་པོ་ཞེས་བྱའོ། །ཐུར་མས་འཚོ་བ་གང་ཞེ་ན། དུས་དེ་ན་མི་རྣམས་ཀྱིས་གྱུལ་གྱི་སེར་ག་ནས་འབྲུའི་འབྲུམ་བུ་དག་ཐུར་མས་བྲུས་ནས་ཆུ་མང་པོའི་སྣོད་དུ་བཙོས་ནས་འཐུང་བ་སྟེ། འདི་ནི་ཐུར་མ་དང་འབྲེལ་པས་ཐུར་མས་འཚོ་བ་ཞེས་བྱའོ། །དེ་ནས་རྒྱལ་པོ་ཚངས་པས་བྱ…

དེའི་ཁྱིམ་དུ་ཕྱིན་ཏོ། །ཁྱིམ་བདག་དེས་དེ་ལུས་མཛེས་ཤིང་སེམས་དང་བ་མཐོང་ངོ༌། །མཐོང་ནས་ཀྱང་བསམས་པ། འདི་བདག་གིས་ཟོས་ཀྱང་གདོན་མི་ཟ་བར་སྲོག་དང་འབྲལ་བར་འགྱུར་གྱིས། མ་ལ་བདག་གི་སྐལ་བ་རབ་ཏུ་བྱུང་བ་འདི་ལ་སྦྱིན་ནོ་སྙམ་ནས་དེས་ཆུང་མ་ལ་སྨྲས་པ། བཟང་མོ་ཁོ་བོའི་སྐལ་བ་ནི་རབ་ཏུ་བྱུང་བ་འདི་ལ་དབུལ་ལོ། །དེས་བསམས་པ། བདག་གི་ཁྱ…

སྟོན་པ་རྣམས་མཉེས་པར་བགྱིད་ཅིང་མི་མཉེས་པར་མི་བགྱིད་པར་གྱུར་ཅིག །བུས་སྨོན་ལམ་བཏབ་པ། བདག་གིས་ཡོན་གནས་དམ་པ་འདི་ལྟ་བུ་ལ་བྱ་བ་བྱས་པའི་དགེ་བའི་རྩ་བ་གང་ཡིན་པ་འདིས་བདག་གི་རྐེད་པ་ལ་ལྔ་བརྒྱ་པའི་སྣོད་བཏགས་ཏེ་འདུག་པ་གལ་ཏེ་བརྒྱ་འམ་སྟོང་འགེད་པར་བཏང་ཡང་གང་བ་ཉིད་དུ་འདུག་སྟེ་ཡོངས་སུ་ཟད་པར་མི་འགྱུར་ཞིང༌། འདི་ལྟ་བུའི་ཆ…

གྱི་སྟེང་དུ་བབས་ནས། དེས་གྱེན་དུ་བལྟ་བར་བརྩམས་པ་ལས་རང་སངས་རྒྱས་དེ་མཐོང་ནས་དེ་འདི་སྙམ་དུ་བདག་ཉིད་ཆེན་པོ་འདིའི་རྫུ་འཕྲུལ་གྱི་གཤོལ་ཆེན་པོས་ཡང་སུ་ཞིག་གི་བཀྲེང་པའི་དྲུངས་ཕྱུང་བར་གྱུར་སྙམ་མོ། །དེ་ནས་ཁྱིམ་བདག་དེ་རེ་བ་ཆེན་པོས་མཛོད་དང་བང་མཛོད་རྣམས་ལ་བལྟས་པ་དང༌། ཇི་ཙམ་ན་གང་བར་མཐོང་ངོ༌། །དེས་ཆུང་མ་ལ་སྨྲས་པ། རེ་…

གྱུར། །དགེ་སློང་དག་ཇི་སྙམ་དུ་སེམས། ཁྱིམ་བདག་དང༌། ཁྱིམ་བདག་གི་ཆུང་མ་དང༌། ཁྱིམ་བདག་གི་བུ་དང༌། ཁྱིམ་བདག་གི་མནའ་མ་དང༌། ཁྱིམ་བདག་གི་བྲན་ཕོ་དང༌། ཁྱིམ་བདག་གི་བྲན་མོ་གང་ཡིན་དེ་ནི་ཁྱིམ་བདག་ལུག་དང༌། ལུག་གི་ཆུང་མ་དང༌། ལུག་གི་བུ་དང༌། ལུག་གི་མནའ་མ་དང༌། ལུག་གི་བྲན་ཕོ་དང༌། ལུག་གི་བྲན་མོ་འདི་དག་ཉིད་ཡིན་ནོ། །འདི་དག་…