སུ་འགྱུར་ལགས། །བྲམ་ཟེ་ང་ལ་ཉན་ཐོས་ནི། །ཤེས་རབ་མཚུངས་པའི་སྲས་ཡོད་པ། །ཉེ་རྒྱལ་ཞེས་ནི་གྲགས་པ་པོ། །མང་དུ་ཐོས་པ་ཤཱ་རིའི་བུ། །མདུད་པ་ཀུན་ལས་རྣམ་གྲོལ་བ། །ཉེར་ཞི་ཟག་པ་མེད་ཡོད་དེ། །ངས་ནི་འཁོར་ལོ་གང་བསྐོར་བ། །མཁས་པ་རྗེས་སུ་སྐོར་བར་བྱེད། །ཨེ་མའོ་སངས་རྒྱས་ཆོས་དང་ནི། །ཨེ་མའོ་ཉན་ཐོས་ཕུན་སུམ་ཚོགས། །ཨེ་མའོ་རིན་ཆེན་ད…

བརྟན་གྱིས། །དེ་དག་ལ་ནི་གདམས་ངག་ཕོག །དེར་ནི་དེ་ལས་ཆོས་ཀྱི་གཏམ། །རྗེས་སུ་མཐུན་པ་དེ་ཤེས་ནས། །རིང་པོ་མ་ཐོགས་རྣམ་གྲོལ་ཏེ། །དམ་པའི་དོན་ལ་རབ་ཏུ་བཀོད། །དེ་དག་མཐོང་ཐོབ་བདེ་གྱུར་པས། །མཐོང་བའི་ཆོས་ལ་མྱ་ངན་འདས། །སངས་རྒྱས་འཇིག་རྟེན་འདྲེན་པ་ལ། །རབ་ཏུ་མགུ་བས་ཕྱག་བྱས་སོ། །དམ་པའི་ཆོས་དང་ཚོགས་གཙོ་དང༌། །རྒྱལ་བས་བསྔགས་…

མཁྱེན་པ་ཡང་མངའ་འམ། དེས་སྨྲས་པ་ཡོད་དོ། །གལ་ཏེ་མངའ་ན་བྲེགས་ཤིག །དེས་བྲེག་པར་བརྩམས་པ་དང་ཁྱིམ་བདག་གཉིད་ལོ་གནས་བྲེགས་ཟིན་པ་དང་སད་དོ། །དེས་སྨྲས་པ། འཕགས་པ་བྲེགས་ལགས་སམ། ཁྱིམ་བདག་བྲེགས་ཟིན་ཏོ། །དེ་མགུ་ནས་སྨྲས་པ། འཕགས་པ་བདག་ལྷག་པར་གློབ་དགའ་བས་ཁྱོད་མཆོག་ཅི་བཞེད་པ་དོན་ཏོ། །དེས་སྨྲས་པ། ཁོ་བོས་སངས་རྒྱས་ལ་སོགས་པ་…

སྲིན་བུ་པད་པའི་ཚལ་སྟུག་པོ་ན་བཞུགས་སོ། །ཞེས་ཐོས་སོ། །ཐོས་ནས་ཀྱང་གྲོས་བྱ་བར་བརྩམས་པ། ཤེས་ལྡན་དག་བཅོམ་ལྡན་འདས་གྱད་ཡུལ་ནས་ལྗོངས་རྒྱུ་ཞིང་གཤེགས་པ་ན་སྡིག་ཅན་དུ་བྱོན་ནས། སྡིག་ཅན་ན་སྲིན་བུ་པད་པའི་ཚལ་སྟུག་པོ་ན་བཞུགས་སོ། །ཞེས་ཐོས་ཀྱིས། གལ་ཏེ་བདག་ཅག་རེ་རེས་སངས་རྒྱས་ལ་སོགས་པ་དགེ་སློང་གི་དགེ་འདུན་གདུགས་ཚོད་གསོལ་…

དད་པར་གྱུར་ཏམ། དེས་སྨྲས་པ། བདག་དད་པར་ནི་མ་གྱུར་མོད་ཀྱི་འོན་ཀྱང་ཚོགས་ཀྱི་ཁྲིམས་སུ་བཅས་པ་ཞེས་བྱ་བ་ནས། ཀཱར་ཥཱ་པ་ཎ་དྲུག་བཅུའི་ཆད་པས་གཅད་དོ་ཞེས་བྱ་བའི་བར་གོང་མ་བཞིན་དུའོ། །ཁྱོད་ཆད་པས་འཇིགས་ནས་བཅོམ་ལྡན་འདས་ལ་བལྟ་བའི་ཕྱིར་འོངས་པ་ལྟ་ཞིག །བཙུན་པ་དེ་ལྟ་ལགས་སོ། །དེ་ནས་ཚེ་དང་ལྡན་པ་ཀུན་དགའ་བོས་གྱད་སྣ་ཆེན་པོ་ལ་གཏ…

རེ་ཞིག་སྡོད་ཅིག་བདག་གིས་ཐོག་མར་བཅོམ་ལྡན་འདས་དང་དགེ་སློང་གི་དགེ་འདུན་གདུགས་ཚོད་གསོལ་ནས། དེའི་འོག་ཏུ་ཁྱེད་ཅག་གིས་ཀྱང་བཅོམ་ལྡན་འདས་དང༌། དགེ་སློང་གི་དགེ་འདུན་གདུགས་ཚོད་གསོལ་ན་དཀའ་བར་མི་འགྱུར་རོ། །དེ་རྣམས་ཀྱིས་སྨྲས་པ། ཁོ་བོ་ཅག་གིས་སྔར་སངས་རྒྱས་ལ་སོགས་པ་དགེ་སློང་གི་དགེ་འདུན་སྦྱན་དྲངས་ཟིན་པས་ཁོ་བོ་ཅག་མི་ཉན…

ལ་དགེ་སློང་རྣམས་བསོད་སྙོམས་ལ་ཞུགས་པ་དང་བྲམ་ཟེ་དང་ཁྱིམ་བདག་རྣམས་ཀྱིས་སྨྲས་པ། སངས་རྒྱས་ཚུར་སྤྱོན། ཆོས་ཚུར་སྦྱོན། དགེ་འདུན་ཚུར་སྦྱོན་འདི་དག་སྣོམས་ཤིག །དགེ་སློང་རྣམས་འགྱོད་པས་མ་བླངས་སོ། །བཅོམ་ལྡན་འདས་ཀྱིས་བཀའ་སྩལ་པ། ཅི་ཁོ་བོ་ལ་སྦྱིན་ནམ། འོན་ཏེ་བཅོམ་ལྡན་འདས་རྐང་གཉིས་རྣམས་ཀྱི་མཆོག་གང་ཡིན་པ་དེ་ལ་དབུལ་ཞེས་ད…

མེད་པ་རྣམས་ཀྱི་ནང་དུ་རབ་ཏུ་བྱུང་གི་གལ་ཏེ་རབ་ཏུ་མ་བྱུང་བར་གྱུར་ན་ཉེ་དུ་རྣམས་ཀྱིས་འདི་ལ་སྤྱད་བྱས་པ་ཞིག་ཅེས་བྱ་བའི་ཀབས་དེ་དགེ་སློང་རྣམས་ཀྱིས་བཅོམ་ལྡན་ལ་གསོལ་པ་དང༌། བཅོམ་ལྡན་འདས་ཀྱིས་བཀའ་སྩལ་པ། སྨན་པ་ལ་དྲིས་ལ་སྤྱད་བྱོས་ཤིག །དགེ་སློང་དག་གིས་སྨན་པ་ལ་དྲིས་པ་དང༌། དེས་སྨྲས་པ། འཕགས་པ་སྦྱར་བའི་ཟས་གསོལ་ཅིག་པའི་…

ལོ། ཆོས་ལ་ཕྱག་འཚལ་ལོ། །དགེ་འདུན་ལ་ཕྱག་འཚལ་ལོ། །འདི་ལྟ་སྟེ། ཨ་མ་ལེ། བི་མ་ལེ། ནིར་མ་ལེ། མངྒ་ལྱེ། ཧི་ར་ཎྱེ། ཧི་ར་ཎྱེ། གརྦྷེ། བྷ་དྲེ། སུ་བྷ་དྲེ། ས་མནྟ། བྷདྲེ། ཤྲཱི་བྷ་དྲེ། སརྦ་ཨཱརྠ་སཱདྷ་ནི། པར་མཱར་ཐ་སཱ་དྷ་ནི། སརྦ་ཨ་ནར་ཐ་པྲ་ཤ་མ་ནི། སརྦ་མང་ག་ལ་སཱ་དྷ་ནི། མཱ་ན་སི། མཱ་ན་སི། མ་ཧཱ་མཱ་ན་སི། ཨ་ཙྱུ་ཏེ། ཨཱད་བྷུ་ཏེ…

དེར་ཡུན་རིང་དུ་ཕྱིར་རྒོལ་བ། དགྲར་གྱུར་བ། འཚེ་བར་གྱུར་བ། གླགས་ལྟ་བ་རྣམས་ཀྱིས་རྨ་བྱའི་རྙིས་བཟུང་སྟེ། དེ་མི་མཛའ་བའི་ནང་དུ་སོན་པ་དང༌། རབ་ཏུ་རྨོངས་པ་ལས་དྲན་པ་རྙེད་ནས་རྨ་བྱ་ཆེན་མོའི་རིག་སྡགས་འདི་ཁོ་ན་ཡིད་ལ་བྱས་སོ། །འདི་ལྟ་སྟེ། ཨ་མ་ལེ། བི་མ་ལེ། ནིར་མ་ལེ། མང་ག་ལྱེ། ཧི་ར་ཎྱེ། ཧི་ར་ཎྱེ། གརྦྷེ། བྷ་དྲེ། སུ་བྷ་ད…

དབྱར་གྱི་རས་ཆེན་གདིང་བ་དང༌། །གཡན་པ་བདེ་གཤེགས་མོན་དར་དང༌། །བལ་དང་ཤ་ན་ཟར་མའི་རས། །སྡོམ་ལ། དུམ་བུ་ས་སྐྱོང་སེང་གེ་དང༌། དེ་བཞིན་ཡངས་པར་སོང་བ་དང༌། །སེམས་འཕྲོག་དྲང་སྲོང་ས་འཚོ་དང༌། །ཨ་མྲ་སྐྱོད་དང་འཇིགས་མེད་དང༌། །ཚོང་དཔོན་ཆུང་མ་རིགས་སྐྱེས་དང༌། །སྨན་པ་ཡི་ནི་ལུང་དང་ནི། །རྡོ་འཇོག་དང་ནི་བཟང་བྱེད་དང༌། །ཨུ་དུམ་བཱ་…

པོའི་དྲུང་དུ་དོང་ངོ༌། །དེ་ནས་སྐབས་ལ་བབ་པར་རིག་ནས་རྒྱལ་པོ་ལ་སྨྲས་པ། ལྷ་རྒྱལ་པོ་སུ་ལགས། དེས་སྨྲས་པ། ཤེས་ལྡན་དག་གིས་བརྟག་ཏུ་ཅི་ཡོད་རྒྱལ་པོ་ལྷ་ང་ཡིན་མོད། གཞན་སུ་ཞིག་ཡིན། དེ་རྣམས་ཀྱིས་སྨྲས་པ། ལྷ་རྒྱལ་པོ་ནི་དུམ་བུ་ལགས་ཀྱིས་ལྷ་མ་ལགས་སོ། །གལ་ཏེ་དེ་འཚལ་བར་གྱུར་ན་ལྷ་རྒྱལ་སྲིད་ལས་ཕྱུང་ནས་རང་ཉིད་ཅོད་པན་བཅིངས་ཏེ…

ཡིན་པ་དེ་ལ་ནི་ཉི་ཤུ་མི་དགའ་བར་འགྱུར་བ་ཡིན་པས་ཡེ་ཡངས་པ་ཅན་དུ་འགྲོའོ་སྙམ་ནས་དེས་ཡངས་པ་ཅན་གྱི་ལིཙྪ་བཱི་རྣམས་ལ་བདག་ནི་ཁྱེད་ཅག་གི་དཔུང་གི་ཕག་ན་འདུག་པར་འདོད་དོ་ཞེས་ཕོ་ཉ་བཏང་ངོ༌། །དེ་རྣམས་ཀྱིས་གུས་པའི་ཚུལ་གྱིས་ལན་སྤྲིང་བ། ཡངས་པ་ཅན་འདིར་བྱོན་པ་ལེགས་ཀྱིས་སྤྱོན་ཅིག །དེ་ནས་བློན་པོའི་མཆོག་དུམ་བུས་ཉེ་དུ་རྣམས་བོས…

ཅན་ན་རིས་གསུམ་དུ་གནས་ཏེ། རིས་དང་པོ་ན་ནི་ཁང་པ་རྩེག་མ་བདུན་སྟོང་བ་གམ་གསེར་ལས་བྱས་པའོ། །རིས་བར་མ་ན་ནི་ཁང་པ་རྩེག་མཁྲི་བཞི་སྟོང་བ་གམ་དངུལ་ལས་བྱས་པའོ། །རིས་ཐ་མ་ན་ནི་ཁང་པ་རྩེག་མ་ཉི་ཁྲི་ཆིག་སྟོང་བ་གམ་ཟངས་ལས་བྱས་པ་སྟེ། དེ་རྣམས་ན་མི་དམ་པ་དང༌། བར་མ་དང༌། ཕལ་པ་རྣམས་ཅི་རིགས་པར་གནས་སོ། །ཡངས་པ་ཅན་གྱི་ཚོགས་ཀྱིས་ཁྲིམ…

ཤེས་ལྡན་དག་གང་གིས་ན་ཡངས་པ་ཅན་གྱི་ཚོགས་སྔོན་རྩུབ་པ་དང་བཅས་པར་སྤྲིང་བར་བྱེད་པ་ལས། དེ་འཇམ་པོ་དང་བཅས་པར་གྱུར་པ་ལ་རྒྱུ་ཅི་ཞིག་ཡོད། གཞན་དག་གིས་སྨྲས་པ། ཁྱད་པར་ཡོད་དེ་ལུས་འཕགས་ཀྱི་རྒྱལ་པོའི་བློན་པོའི་མཆོག་དུམ་བུ་དེར་འོངས་ནས། དེ་དག་དེའི་བློ་གྲོས་བཞིན་བྱེད་དེ། དེས་ན་ད་ལྟར་འཇམ་པོ་དང་བཅས་པར་སྤྲིང་བར་བྱེད་དོ། །ད…

གསོལ་བ་གདབ་བོ། །དེས་ཚོགས་ལ་གསོལ་བ་བཏབ་པ། ཤེས་ལྡན་དག་བདག་གི་བུ་གཉིས་ལ་སྐྱེད་མོས་ཚལ་མ་མཆིས་ཀྱིས་བདག་ལ་སྐྱེད་མོས་ཚལ་ཞིག་ཐུགས་དཔག་མཛད་པའི་རིགས་སོ། །དེ་རྣམས་ཀྱིས་དེ་དག་ལ་སྐྱེད་མོས་ཚལ་རྙིང་པ་ཞིག་བྱིན་པ་ལས། དེ་ན་ཤིང་སཱ་ལ་ཆེན་པོ་ཞིག་ཡོད་དེ། དེ་ལ་གཅིག་གིས་བཅོམ་ལྡན་འདས་ཀྱི་སྐུའི་གཟུགས་བརྙན་བྱེད་དུ་བཅུག་གོ །ཅི…

པས་འོངས་པ་ཡིན་ནམ་ཅི་ཚོགས་གང་ལ་འདྲང་བ་དེས་སྡེ་དཔོན་བྱ་བར་ཟད་མོད། གལ་ཏེ་ཁྱོད་མི་འདོད་ན་ཁོ་བོ་ཅག་གིས་གཞན་ཞིག་སྡེ་དཔོན་དུ་གཞུག་གོ །དེས་བསམས་པ། གལ་ཏེ་བདག་གི་ཁྱིམ་ནས་སྡེ་དཔོན་གཞན་དུ་ཤོར་ན་དེ་ནི་མ་འོས་པས་ཡེ་བཀུར་རོ་སྙམ་ནས་དེས་ཁས་བླངས་པ་དང༌། དེ་རྣམས་ཀྱིས་བཀུར་སྟི་ཆེན་པོས་སྡེ་དཔོན་དུ་བཅུག་གོ །ཡངས་པ་ཅན་པ་རྣམས…

པ་ཤིན་ཅིའི་ཕྱིར་སེམས་ཁོང་དུ་ཆུད་ཅིང་མི་འདུག །ལྷ་ཐུགས་ངན་མ་མཛད་ཅིག །བདག་གི་ནུ་བོ་ལ་བུ་མོ་གཟུགས་དང་ལང་ཚོ་ཕུན་སུམ་ཚོགས་པ་ལྷ་ཁོ་ན་ལ་འོས་པ་གཉིས་མཆིས་ན། དེ་ལ་གཅིག་ལ་ནི་ཕ་འགུམས་པའི་བུ་ཞིག་བཙའ་བར་འགྱུར། ཅིག་ཤོས་ལ་ནི་མཚན་ཕུན་སུམ་ཚོགས་པ་ཞིག་བཙའ་བར་འགྱུར་རོ་ཞེས་ལུང་བསྟན་ན་ལྷའི་ཆེད་དུ་དེ་གང་ཁྲིད་དེ་མཆི། བུ་མཚན་…

པོ་གཟུགས་ཅན་སྙིང་པོ་ལ་བྱིན་གྱིས་རྒྱན་རྣམས་ཐོགས་ལ་སྐྱེད་མོས་ཚལ་དུ་བྱུང་ཤིག །དེས་རྒྱན་རྣམས་ཐོགས་པར་བརྩམས་པ་དང༌། གོས་ཅན་གྱིས་མཐོང་ནས་དེས་སྨྲས་པ། ཅི་ཞིག་གི་ཕྱིར་རྒྱན་ཐོགས། ཁོ་མོ་བག་མར་བཏང་ངོ༌། །སུ་ཞིག་ལ། རྒྱལ་པོ་གཟུགས་ཅན་སྙིང་པོ་ལའོ། །དེས་སྨྲས་པ། ཁོ་མོ་ཕུ་མོ་ཡིན་ན་ཁྱོད་ཅི་སྟེ་བག་མར་གཏང༌། གལ་ཏེ་དེ་ལྟ་ན་ཁ…

ལྷ་བདག་མཆིས་ལགས་སོ། །ཉེ་གོས་ཅན་ཁྲིད་དེ་འོངས་སམ། ལྷ་ཁྲིད་དེ་མཆིས་ཀྱང་མཆིས་ལ་ཁྲིད་དེ་མ་མཆིས་ཀྱང་མ་མཆིས་སོ། །ཅི་ཞིག་ཟེར། ཉེ་གོས་ཅན་ལགས་སྙམ་ནས་གོས་ཅན་ཁྲིད་དེ་མཆིས་སོ། །བལྟས་ཁྲིད་དེ་ཤོག་ཤིག །དེ་ནང་དུ་ཁྲིད་པ་དང་རྒྱལ་པོས་ལྷག་པར་གཟུགས་དང་ལང་ཚོ་ཕུན་སུམ་ཚོགས་བ་མཐོང་ནས་བུད་མེད་ཀྱི་ཡུལ་གྱིས་ཕྲོགས་པས་མཐོང་མ་ཐག་ཁ…