ཇི་ལྟར་བལྟམས་པ་སོགས་དང༌། ཨོཾ་སརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཧཱུྃ། ཞེས་གསུང་ཞིང་བདུད་རྩིའི་རྒྱུན་གྱིས་དབང་བསྐུར། སྐུ་གང༌། དྲི་མ་དག ཆུའི་ལྷག་མ་ཡར་ལུད་པ་ལས་འོད་དཔག་མེད་ཀྱིས་དབུར་བརྒྱན་པར་གྱུར། སྤྲོ་ན་སྔར་ལྟར་མཆོད་བསྟོད་ཀྱང་བྱ། འདིར་ཡན་ལག་བཞི་སྦྱར་ཚུལ་ནི་ཐུབ་པའི་སྐབས་དང་འདྲའོ། །གཉིས་པ་དམིགས་པའི་གཙོ…

པར་ནི། འཇིགས་པ་བརྒྱད་སྐྱོབ་ཀྱི་དམིགས་པ་སྐབས་འདིར་བྱ། དེའང་འོག་གི་ལས་སྦྱོར་གྱི་སྐབས་སུ་འབྱུང་བ་ཉིད་འདིར་བླང་བར་བྱ་སྟེ། འོན་ཀྱང་བཟླས་པའི་རིགས་དངོས་སུ་མི་དགོས་པ་ནི་སྐབས་འདིར་ཁྱད་པར་རོ། །གསུམ་པ་ངག་སྔགས་སུ་རྗེས་སུ་དྲན་པ་ལའང་གསུམ་སྟེ་ཕྱི་དང་ནང་དང་གསང་བའོ། །དང་པོ་ལ་གསུམ། བསྙེན་པ། སྒྲུབ་པ། ལས་སྦྱོར་རོ། །དང་…

པས་ཐུགས་རྒྱུད་བསྐུལ་བས་རང་གི་ཐུགས་སྲོག་སྔགས་ཕྲེང་དང་བཅས་པ་ལས་འཇིགས་སྐྱོབ་སོ་སོའི་སྐུ་མདོག་དང་མཐུན་པའི་འོད་འཕྲོས། སྨིན་མཚམས་སུ་སླེབ་པ་དང་འོད་ཀྱི་སྣེ་ལས་སོ་སོའི་སྐུ་དཔག་མེད་འཕྲོས་པས་མཁའ་ཁྱབ་འགྲོ་ཀུན་ཕྱི་ནང་གི་འཇིགས་པ་ལས་དབུགས་དབྱུང༌། ཚུར་འདུས་རང་ལ་ཐིམ་པར་བསམ་པ་ཐམས་ཅད་ལ་འགྲེའོ། །འཇིགས་སྐྱོབ་སོ་སོ་ལ་སེང…

སྒྲོལ་བར་བསྒོམ། ལྕགས་སྒྲོག་འཇིགས་སྐྱོབ་སྒྲོལ་མ་སྐུ་མདོག་དམར་མོ་གཡས་པ་དང་གཡོན་པ་ལྕགས་ཀྱུ་དང་ཞགས་པ་འཛིན་ཅིང་རྒྱན་གྱིས་བརྒྱན་ནས་བཞེངས་པ། སེམས་ཅན་རྣམས་སེར་སྣ་ལྕགས་སྒྲོག་གི་འཇིགས་པ་ལས་སྒྲོལ་བར་བསྒོམ། ཆུའི་འཇིགས་སྐྱོབ་སྒྲོལ་མ་སྐུ་མདོག་དཀར་མོ། ཕྱག་གཡས་པས་ལྕགས་སྒྲོག གཡོན་པ་སྡིགས་མཛུབ། ཞི་བའི་སྐུར་བཞེངས་པ་སེ…

པར་ཡི་གེ་བཅུ་པའི་ཐོག་མཐའ་བར་གསུམ་སེམས་ཀྱི་གནས་ལུགས་སྟོང་པ་ཉིད་ཀྱི་ངོ་བོ་དང་གཉིས་སུ་མེད་པ་ལ་སྒྲ་ནི་མཐའ་ནམ་མཁའ་དང་མཉམ་པའི་རང་བཞིན་ལ་བློ་བཞག་པར་གསུངས་སོ། །རྩ་བའི་བཞི་པ་འགྲོ་ཀུན་ཕ་མར་རྗེས་སུ་དྲན་པ་ལ་གསུམ་སྟེ། བྱམས་པ་བསྒོམ་པ། སྙིང་རྗེ་བསྒོམ་པ། ཀུན་རྫོབ་བྱང་ཆུབ་ཀྱི་སེམས་བསྒོམ་པའོ། །དང་པོ་ནི། ཐོག་མར་སྐྱེ་ས…

ཀྱི་གནད་རྣམ་སྣང་ཆོས་བདུན་དང་ལྡན་པས། ངག་གི་གནད་དབུགས་འབྱུང་གནས་ལྡང་གསུམ་རང་བབ་ཉེར་གཅིག་ཏུ་བགྲང་བ་སྔོན་དུ་འགྲོ་བས། སེམས་ཀྱི་གནད་རྟེན་བཅས་ཤིང་བུ་རྡེའུ་ལྷ་སྐུ་ཡིག་འབྲུ་སོགས་དང༌། རྟེན་མེད་དམིགས་རྟེན་ཡིད་ཀྱིས་བསམ་པ་དང༌། དམིགས་རྣམ་གང་ཡང་ཡིད་ལ་མི་བྱ་བར་ངོ་བོ་ཉིད་ཀྱི་ངང་དུ་འཇོག་པ་རྣམས་ལ་བྲམ་ཟེས་སྐུད་པ་འཁལ་བའ…

རྟོགས་པ་རྙེད་པར་འགྱུར་རོ། །གཉིས་པ་རྗེས་དྲན་ལྔ་པོ་དེ་རྣམས་ཕྱི་ནང་གསང་བའི་དོན་དང་སྦྱར་ཏེ་འཆད་ན། དང་པོ་རང་ལ་ཐར་པའི་ལམ་སྟོན་པ་ནི་ཕྱིའི་བླ་མ། ལྟ་སྤྱོད་ཟུང་དུ་འཇུག་པ་ནི་ནང་གི་བླ་མ། སྟོང་ཉིད་སྙིང་རྗེའི་སྙིང་པོ་ཅན་ནི་གསང་བའི་བླ་མའོ། །གཉིས་པ་ལྷག་པའི་ལྷ་མཚན་དཔེའི་སྐུར་སྣང་བ་ནི་ཕྱིའི་ལྷ། གཞི་དམ་ཚིག་པར་བསྐྱེད་པ…

ཏུ་བསྒོམ་ན། སྐྱབས་སེམས་དང་བླ་མ་རྗེས་དྲན་སྔོན་དུ་འགྲོ་བས། ལྷ་བསྒོམ་སྔགས་བཟླས་ཇི་ལྟར་རིགས་པའི་རྗེས་ལྷ་སྐུའི་གསལ་སྣང་འོད་གསལ་དུ་བསྡུས་ནས་སེམས་ཀྱི་གནས་ལུགས་སྟོང་པར་རྗེས་སུ་དྲན་པའི་ངང་དུ་མཉམ་པར་བཞག དེ་ལས་ཐུན་མཚམས་ཀྱི་ལྷ་སྐུར་ལྡང་བ་ན། འགྲོ་ཀུན་ཕ་མར་རྗེ་སུ་དྲན་པས་དམིགས་པ་མེད་པའི་བྱམས་སྙིང་རྗེ་བྱང་སེམས་ཀྱིས…

བསྐྱོད་པ་སྤྲུལ་སྐུའི་རྣམ་པ་ཅན། མདུན་དུ་ཡི་དམ་མི་གཡོ་བ། གཡས་སུ་རྒྱལ་བ་ཤཱཀ་ཐུབ། རྒྱབ་ཏུ་གླེགས་བམ། གཡོན་དུ་ཐེག་པ་ཆེ་ཆུང་གི་དགེ་འདུན། མཐའ་སྐོར་དང་བར་མཚམས་སུ་མཁའ་འགྲོ་ཆོས་སྲུང་སོ་སོའི་གཙོ་མོ་ལ་རིགས་མཐུན་གྱི་འཁོར་དང་བཅས་ཏེ་བཞུགས་པའི་མདུན་དུ། བདག་དང་མཁའ་ཁྱབ་འགྲོ་བ་སྒོ་གསུམ་དད་མོས་ཀྱི་འཇུག་པ་གཅིག་ཏུ་དྲིལ་བས…

སྡིག་སྒྲིབ་སྦྱོང་བར་བྱེད་པ་སྟེ། རང་གི་སྤྱི་བོར་པད་ཟླའི་གདན་ལ་བླ་མ་རྡོ་རྗེ་སེམས་དཔའ་དཀར་པོ་རྡོར་དྲིལ་འཛིན་པ། ལོངས་སྐུའི་རྒྱན་ལྡན་ཞབས་སེམས་སྐྱིལ་གྱི་སྐུ་ལས་སྐྱེས་པའི་འོད་ཕུང་གི་ཀློང་དུ་བཞུགས་པ། དེའི་ཐུགས་ཀར་ཟླ་བ་ལ་གནས་པའི་ཧཱུྃ་ཡིག་དཀར་པོའི་མཐར་ཡིག་བརྒྱའི་སྔགས་ཕྲེང་གཡས་སུ་བསྐོར་བ་གསལ་གདབ། གསོལ་བ་བཏབ་པའ…

སྟེང་དུ་ཧཱུྃ་སྔོན་པོ་ཐོལ་གྱིས་བྱུང༌། དེ་ལ་སེམས་ཆེར་གྱིས་གཏད་པས་དེ་ཉིད་འོད་དུ་ཞུ་སྟེ་གཏུམ་ཆེན་མི་གཡོ་བ་སྔོན་པོ་ཞལ་གཅིག་ཕྱག་གཉིས་སྤྱན་གསུམ་པ། གཡས་རལ་གྲི་འཕྱར་ཞིང་གཡོན་རྡོ་རྗེའི་ཞགས་པ་དང་བཅས་པའི་སྡིགས་མཛུབ་ཐུགས་ཀར་གཏོད་པ། རིན་པོ་ཆེའི་རྒྱན་དང་སྦྲུལ་དཀར་པོའི་ག་ཤ་སྟག་ཤམ་སོགས་ཁྲོ་བོའི་ཆས་ཅན་ཚེམས་ཀྱིས་མ་མཆུ…

དེ་ལ་དང་པོ་ལྷའི་སྐུར་བསྐྱེད་ཅིང་གསལ་སྣང་ལ་བསླབ་པ་ནི། བདེ་བའི་སྟན་ལ་ལུས་གནད་བཅས། ཨོཾ་སྭ་བྷཱ་ཝ་སོགས་ཀྱིས་སྟོང་པར་སྦྱང༌། སྟོང་པའི་ངང་ལས་པྃ་ལས་པདྨ། རྃ་ལས་ཉི་མའི་དཀྱིལ་འཁོར་གྱི་སྟེང་དུ་ཧཱུྃ་སྔོན་པོ། དེ་ལས་འོད་འཕྲོས་དོན་གཉིས་བྱས། ཚུར་འདུས་པ་ལས་སྐད་ཅིག་གིས་རང་ཉིད་གཏུམ་པོ་ཆེན་པོའི་ལྷའི་སྐུར་ཝལ་གྱིས་གྱུར་པ་ན…

དྲག་པ། རྣོ་བ། སྟོབས་ལྡན། ཤུགས་ཅན། མྱུར་བ་སྟེ་མཚན་ཉིད་བདུན་ལྡན་འབར། ཐོག་མར་ཧཱུྃ་སྔགས་ཕྲེང་དང་བཅས་པ་མེ་ནང་དུ་འུར་གྱིས་འབར་ཞིང༌། དེ་ལས་ཀྱང་མེ་ལྕེ་འཁྱོག་པོས་རང་གི་ལུས་ནང་དམར་མེར་གྱིས་གང་བས་སྡིག་སྒྲིབ་ནད་གདོན་བག་ཆགས་དང་བཅས་པ་སྐད་ཅིག་གིས་བསྲེགས་པར་བསྒོམ། མེ་དམིགས་དང་པོའོ། །དེ་ནས་མེ་ཆེར་འབར་ཏེ་ལུས་ཀྱི་སྒོ་…

པར་བསམས་ལ་རྩེ་གཅིག་མཉམ་པར་བཞག་གོ །བཞི་པ་ནི། ཐུན་བསྡུ་བའི་ཚེ་རིལ་འཛིན་རྗེས་གཞིག་གིས་ལྷ་སྣང་འོད་གསལ་དུ་བཅུག སྟོང་པའི་ངང་ལས་སྐད་ཅིག་གིས་རང་ལུས་ཡེ་ཤེས་ཀྱི་རལ་གྲི་སྔོ་སངས་མེ་འབར་བ། ཡུ་བ་གསེར་གྱི་ས་གཞི་ལ་ཐུག་ཅིང་རྩེ་མོ་ཚངས་པའི་འཇིག་རྟེན་ཏུ་སླེབས་པ། ནང་སྟོང་སེང་ངེ་བའི་དབུས་སུ་རང་སེམས་ཧཱུྃ་སྔོན་པོར་གསལ་བ་ལ་…

ཅུང་ཟད་བསྐྱོད་པའི་རྐྱེན་གྱིས་རྃ་གཉིས་ལས་མེ་རླུང་ནར་གྱིས་བྱུང༌། བརླའི་རྩ་བོ་ཆེ་བརྒྱུད་དེ་ལྟེ་འོག་ཏུ་སླེབས་པ་དང༌། སྲོག་རྩོལ་ཐུར་སེལ་བཅས་ལྷན་ཅིག་ཏུ་འཛོམ་པ་ལ་ཤེས་པ་གཏད་དེ་དགང་ཞིང་གཞིལ། མི་ཐུབ་ཙ་ན་དལ་བུས་སངས་ཀྱིས་བུས་དེ་ལྟར་སྦྱོར་བ་བཞི་ལྡན་གྱི་རླུང་འབྱོངས་པའི་རྟགས་མ་བྱུང་བར་བསྒོམ། གནད་ཕྲ་མོ་ནི་ཞལ་དང་ཕྱག་…

བཟུང་བས་ཨ་བསྐུལ། རྃ་ལས་མེ་ཟངས་ཁབ་ལྟ་བུ་གྱེན་དུ་འབར་བས་འཁོར་ལོ་གཡས་སུ་དྲག་ཏུ་བསྐོར། ཧཱུྃ་ཡིག་ཨ་ཤད་དང་བཅས་པ་ལས་མེ་དམར་བ། རྣོ་བ། མྱུར་བ། ཚ་བ། འུ་རུ་རུ་འབར་བ་ལ་དམིགས་པ་གཏད་དེ་དྲག་ལ་ཡུན་ཐུང་དུ་སྦྱང༌། ལུས་སྟོང་ཚད་པའི་ཡུལ་ཡིན་པས་མ་འབྱོངས་བར་དུ་ཐོག་མ་ནས་མེ་དམིགས་རིགས་སྟོང་དུ་མི་བྱ་གསུངས། རླུང་གཏོང་བའི་ཚེ་དབ…

དང༌། ཉལ་བའི་ཚེའང་ཁྱི་ཉལ་སྒོར་མོའམ། ཡང་ན་སེང་གེའི་ཉལ་སྟབས་ཀྱིས་རྟིང་པ་གཡས་པས་འོག་སྒོ་དགག དབུགས་ཤ་ཕྲག་ཏུ་འོང་བར་བྱས་ཏེ་གོས་སུ་གྱོན། འགྲོ་བའི་ཚེ་རྡོ་སྤར་བར་ཆུད་ཙམ་པ་བཅང༌། རླུང་རོ་བསལ་ཏེ་སྟེང་རླུང་རན་ཙམ་མནན་པ་ནི་རྟ་རུ་ཞོན་པའོ། །དེ་ལྟར་བསྒོམས་པས་དང་པོ་དྲོད་སྐྱེ། དེ་ལ་བརྟེན་ནས་བདེ་བ། ཟུང་དུ་འཇུག་པ་ལས་མི་ར…

པར་བསམས་ལ་སེམས་ཡུན་རིང་གཏད། ཉལ་ཁར་ཐོག་མར་ཧཱུྃ། དེ་ནས་ཨ་སོགས་གཡས་སྐོར་གྱིས་གཉིད་དུ་འགྲོ་ཁར་ར་ལ་སེམས་གཏད་དེ་ཉལ་བས་ངེས་པར་ཟིན་པར་འགྱུར་རོ། །གཉིས་པ་ལ་སྦྱོང་སྤེལ་སྤྲུལ་བསྒྱུར་ཞིང་ཁམས་ལྟ་བ་སོགས་རྒྱས་པར་ཆོས་དྲུག་གཞན་དང་མཐུན། མདོར་བསྡུ་ན་ཟིན་པ་ལ་བརྟན་པ་མ་ཐོབ་བར་དུ་འོག་མ་བརྩམ་ཡང་དོན་མི་འགྲུབ་ཅིང༌། ནམ་བཟུང་བའ…

བའི་དགོས་པ་ཡོད་གསུངས། དེ་ནས་མེ་ལོང་དུ་འཆར་བའི་རང་གི་གཟུགས་བརྙན་ལ་མིག་དང་སེམས་ཡུན་རིང་དུ་ཆེ་རེ་གཏད། དེ་ནས་རང་ལུས་ཕར་བསྲེ། ཉམས་ཤར་ན་དེ་ཉིད་རང་ལུས་དང་ཚུར་བསྲེས་ཏེ་དབྱེར་མེད་དུ་བྱས་ལ་བསྒོམ། སྒྱུ་མའི་ཉམས་འབྱོངས་ན་ཐོག་མར་མེ་ལོང་གི་གཟུགས་བརྙན་ལ་བསྟོད་སྨད་སྣ་ཚོགས་བྱེད་པར་བསམ། དེ་ལ་ཆགས་སྡང་མི་འདུག་ན་རང་ཐོག་ཏ…

ཆོས་ཐམས་ཅད་སྒྱུ་མའི་རང་གཟུགས་སུ་སྣང་བ་ནི་ཚིག་དོན་གྱི་སྒྱུ་ལུས་ཏེ་ཐོས་པས་གཏན་ལ་དབབ། ཡུལ་སྣང་དང་ཐ་མལ་གྱི་ལུས་ངག་ཡིད་གསུམ་སྒྱུ་མར་སྦྱོང་བ་ཕར་ཕྱིན་དང་ཐུན་མོང་བ་མ་དག་པའི་སྒྱུ་ལུས་དང༌། དེ་དག་ལྷ་སྐུ་སྒྱུ་མ་ལྟ་བུར་བསྒོམ་པ་རྡོ་རྗེ་ཐེག་པ་ཐུན་མོང་མ་ཡིན་པ་དག་པའི་སྒྱུ་ལུས་ཏེ། སྤྱི་དོན་གྱི་སྒྱུ་ལུས་དེ་དག་བསྒོམས་པ…