འཁོར་དཔག་ཏུ་མེད་པ་ལ་འདི་སྐད་ཅེས་བཀའ་བསྒོ་བ་མཛད་དོ། །ཀྱེ་སྐྱེས་བུ་དམ་པ་རྣམས་ལེགས་པར་ཉོན་ཅིག །དགའ་བའི་དད་པས་གུས་པར་ཉོན་ཅིག །དང་བའི་བློ་ཡིས་རྩེ་གཅིག་ཏུ་ཉོན་ཅིག །ཡིད་གཞན་དུ་མ་ཡེངས་པར་ཉོན་ཅིག །ང་ནི་སྔོན་ཡུལ་རྣམ་པར་བཀོད་པ་མཛེས་ལྡན་ཆེན་པོ་ཞེས་པ་ན་ཡོད་པའི་ཚེ། ཡང་དག་པར་རྫོགས་པའི་སངས་རྒྱས་རིན་པོ་ཆེས་རྣམ་པར་བར…

མན་ངག་ཏུ་བསྟན་པའོ། །དེ་ནས་དེ་བཞིན་གཤེགས་པ་དེས་འཁོར་གྱི་བྱང་ཆུབ་སེམས་དཔའ་རྣམས་ལ་བཀའ་སྩལ་པ། ཀྱེ་ཉེ་བའི་འཁོར་རྣམས་ལེགས་པར་ཉོན་ཅིག །ངས་ཡེ་ཤེས་དང་ཐབས་ལ་འཇུག་པའི་སྒོ་མ་ཤེས་ནས། ཞིང་ཁམས་རྒྱན་བཟང་པོ་ཞེས་བྱ་བར་དེ་བཞིན་གཤེགས་པ་གློག་གི་འོད་ཟེར་སྙིང་པོ་ཞེས་བྱ་བས་ང་ལ་ལུང་བསྟན་པ། ཀྱེ་རྒྱལ་བའི་སྲས་པོ་ཉོན་ཅིག །ཡང་དག…

ལམ་མེད་འཛིན་པ་མེད་པའི་སྣང་བའོ། །ཡུལ་དང་ཆོས་དང་སེམས་ལས་གྲོལ། །ཡང་དག་ཆོས་ཉིད་སྐུ་ཉིད་རྟོགས། །མཐོང་བའི་ཆོས་ཉིད་ཡུལ་ལ་འཇུག །དག་པའི་ཆོས་ཉིད་ཡུལ་དང་བྲལ། །གསང་བའི་ཡེ་ཤེས་མཐོང་བ་ཆེ། །མཐའ་དག་ཡེ་ཤེས་ཡངས་པ་ཆེ། །གསང་སྔགས་ཡེ་ཤེས་ཚིག་ལས་འདས། །མཚོན་པའི་སྐུ་དང་ཐ་སྙད་སྟོང་། །ཡོད་མེད་འཛིན་པའི་རྩོལ་བ་སྤངས། །ཡང་དག་ཐུགས…

རྒྱས་པ་གནང་བར་མཛོད། །ཅེས་ཞུས་སོ། །དེ་ནས་གཞོན་ནུ་དཔའ་བོ་སྟོབས་ལྡན་གྱིས་བཀའ་སྩལ་པ། ཀྱེ་ཧོ་མོས་པའི་འཁོར་རྣམས་ཉོན། །ངས་བསྟན་གསང་སྔགས་ཐབས་ཀྱིས་ཉོན། །ང་ལ་འཁོར་འདས་གཉིས་མེད་ཀྱང་། །སྟོན་པ་མྱ་ངན་འདའ་ཚུལ་སྟོན། །གསང་སྔགས་ཐབས་ལ་མཁས་པ་ཡིས། །ང་ནི་མྱ་ངན་འདས་འོག་ཏུ། །སྟོན་པ་ང་ཡི་གདུང་འཛིན་པའི། །སྟོན་པ་ང་ཡི་སྐུ་རྟེན…

དཔག་ཏུ་མེད་པའི་རྟགས་འབྱུང་ངོ་། །དེ་ནི་སྐུ་ཡི་རྟེན་དུ་གསུངས་པའོ། །ང་ཡི་ཐུགས་ཀྱི་རྟེན་དུ་ཡང་། །འདི་བཞིན་སེམས་ཅན་ཀུན་ལ་བཞག །སེམས་ཅན་ཀུན་གྱི་ཙིཏྟ་ན། །མཐིང་ག་དཀར་པོ་སེར་ལེ་བརྒན། །ལྗང་གུ་སྣ་ཚོགས་འབར་བའི་འོད། །སྐུ་དང་བཅས་ཏེ་རབ་ཏུ་བཞག །ཐུགས་ཀྱི་དཀྱིལ་འཁོར་ཆེན་པོ་ནི། །འདས་དང་མ་བྱོན་ད་ལྟར་གྱི། །རྒྱལ་བ་ཀུན་གྱི…

༼ཤོག་སྟོང་༽ནག་སྟེ། །དེ་བཞིན་ཁ་དོག་དབྱེ་བའོ། །ཤ་རཱི་རམ་གྱིས་སྐྱེ་མེད་ཐོབ། །ཆུ་རཱི་རམ་གྱིས་ཆོས་སྐུ་ཐོབ། །བ་རཱི་རམ་གྱིས་ལོངས་སྐུ་ཐོབ། །ཉ་རཱི་རམ་གྱིས་སྤྲུལ་སྐུ་ཐོབ། །དེ་ནི་འབྲས་བུའི་ཚད་དུ་བསྟན། །སྐུ་ལ་རྣམ་པ་གཉིས་ཡོད་དེ། །ཞི་བ་དང་ནི་ཁྲོ་བོར་གསུངས། །ཁྲོ་བོ་དེ་བཞིན་གཤེགས་པའོ། །ཞི་བས་སྤྲུལ་སྐུ་འབྱིན་མི་ནུས།…

༼ཤོག་སྟོང་༽འཇིག་རྟེན་ཁམས་སུ་འབྱུང་བར་དཀའ། །འཇིག་རྟེན་ཁམས་ཀྱི་བཅུད་ཡིན་པས། །ཐབས་དང་ལྡན་པས་བླང་བར་བྱ། །གསང་སྔགས་དོན་གྱི་དགོངས་པའི་ཕུགས། །འདི་རུ་དགོངས་ནས་རྒྱུད་དུ་བསྟན། །ཨེ་མ་ཧོ། ངོ་མཚར་ཤིན་ཏུ་ཆེ། །འདིས་ནི་མ་རིག་མུན་པ་སེལ། །ཁམས་གསུམ་འཁོར་བའི་གདུང་བ་སེལ། །ཉོན་མོངས་འདམ་ལས་པདྨ་སྐྱེས། །ཡེ་ཤེས་མཁའ་ལ་རྣམ་པར་…

གསོལ། ཞེས་ཞུས་སོ། །དེ་ནས་ཡང་ནམ་མཁའ་ནས་སྒྲ་འདི་སྐད་ཅེས་བརྗོད་དོ། །ཀྱེ་མ་ཡེ་ཤེས་གྲོགས་པོ་དག །གསང་སྔགས་རྒྱུད་ཆེན་རྒྱལ་པོ་འདི། །ཀུན་གྱིས་གཟུང་བར་དཀའ་བ་ཡིན། །དགའ་རབ་རྡོ་རྗེ་ཁྱོད་ཀྱིས་ཟུང་། །ཞེས་བརྗོད་ནས་ཅང་མེད་དོ། །དེ་ནས་འཁོར་རྣམས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་དགའ་རབ་རྡོ་རྗེ་ལ་འདི་སྐད་ཅེས་ཞུས་སོ།…

པ་ཆོད་ཅིག །བི་མ་ལ་མི་ཏྲ་ཆེན་པོ་དང་། སྐ་ཅོག་གསུམ་གྱིས། དཔལ་བསམ་ཡས་སུ་གཏན་ལ་ཕབ་ནས་བསྒྱུར་བའོ། །ལས་ཅན་རྣམས་དང་འཕྲད་པར་ཤོག །རིག་པ་རང་ཤར་རྒྱུད་ལ་མ་བུ་བདུན། ཡང་དཔེ་གཞན་ཞིག་ལ་གོང་གི་ཆད་པ་ཆོད་ཚིག་གི་འཕྲོར་འདི་བཞིན་འདུག །མན་ངག་རྒྱུད་གསང་བ་འདི་ནི། སློབ་དཔོན་བི་མ་ལས་སྒྲ་མི་མཐུན་པ་གསུམ་ལས་བསྒྱུར་བའོ། །དེ་ནས་རྗེ…

རྒྱ་གར་སྐད་དུ། སྒྲ་བསྒྱུར་བ་ཁུངས་བཙུན་པའི་དགོས་པ། མ་ཧཱ་ཆེན་པོ་བིདྱཱ་རིག་པ་སཱ་མུ་ཀྟི་རང་གྲོལ་སརྦ་ཐམས་ཅད་གྷཊྚྀ་ཏ་འགྲོལ་བ་ཏན་ཏྲ་རྒྱུད་ནཱ་མ་ཅེས་བྱུང་། བོད་སྐད་དུ། རིག་པ་རང་གྲོལ་ཆེན་པོ་ཐམས་ཅད་འགྲོལ་བའི་རྒྱུད་ཅེས་བྱ་བ། བཅོམ་ལྡན་འདས་སྟོབས་ཀྱིས་རྣམ་པར་བསྒྱིངས་པ་ལ་ཕྱག་འཚལ་ལོ། །འདི་སྐད་བདག་སྟོན་པས་གིས་བསྟན་པའ…

བྱེད་དོ། །དེ་ནས་ཚིགས་སུ་བཅད་དེ་བཀའ་སྩལ་པས། ཀྱེ་མ་ཡེ་ཤེས་ཀློང་ཡངས་ཉིད། །རྒྱ་ཆེ་ཀུན་གྱི་རྒྱུད་ཆེན་པོ་ལས་སྙིང་པོར་འདོད། །རབ་ཏུ་ཟབ་པའི་ཐུགས་ཀྱི་དགོངས་པ་ཉིད། །མ་ལུས་བཅུད་ཕྱུང་ཀུན་གྱི་དོན། །འདི་བསྟན་རྟོག་པ་སེལ་བར་འགྱུར། །དབང་པོ་ཐ་མའི་གང་ཟག་རྣམས། །འདི་ནས་ཤི་འཕོས་བར་དོ་ནས། །ཕྱེད་སྤྲུལ་སྐུ་ཡི་སྣང་སྤྲུལ་པའི་ཞ…

མ་ཉིད་སོ་ལ་བཞག་པ་སྟེ། །ཡན་ལག་མྱ་ངན་འདས་ཡིག་ཡིན། །འདོགས་ནི་འཁོར་བ་ཁོ་ནའོ། །དེ་བཞིན་སྔགས་དང་ཡི་གེ་རྣམས། །གང་ལ་གང་འཚམས་དེ་འབོད་དེ། །རྒྱུད་ལ་སོགས་པའི་བཤད་ལུགས་རྣམས། །གོང་དུ་བཤད་པ་ཁོ་ནར་ཟད། །ཐམས་ཅད་དེ་ཡིས་འགྲོལ་བར་འགྱུར། །རང་གྲོལ་ཐབས་ཆེན་རྒྱུད་ཆེན་འདིས། །ཐམས་ཅད་གྲོལ་བའི་ཤེས་རབ་མཆོག །འདི་ཡིས་བཤད་ཅིང་འདི་ཡ…

བཤད། །སྤྲུལ་པ་རང་བཞིན་གནས་དང་ནི། །ཤིན་ཏུ་འདས་པའི་གནས་སུ་བཤད། །སྤྲུལ་པའི་རྒྱུ་དང་ངེས་ཚིག་དང་། །བཤད་ཐབས་རིམ་པ་འདི་ལྟ་སྟེ། །དང་པོ་སྤྲུལ་པའི་རྒྱུ་བསྟན་པ། །ཡང་དག་སྦྱངས་དང་དོན་ཆེན་མཐོང་། །གང་ཟག་ཆེན་པོ་དེ་རྣམས་ཀུན། །བརྟེན་ཅིང་དབུགས་ཆེན་འབྱིན་གྱུར་པས། །སྤྲུལ་པའི་རྒྱུ་ཞེས་ཀུན་ཏུ་གྲགས། །སྤྲུལ་པའི་ངེས་ཚིག་འདི་…

པའི་དོན་རྣམས་དང་། །རྣམ་པ་བདུན་དུ་གྲགས་པ་ཡིན། །དེ་ནི་དབུ་ཞབས་དོན་དུ་ཡང་དག་བསྟན། །ལེའུའི་དོན་རྣམས་སོ་སོ་ཡི། །མཚན་དུ་ཡང་དག་བཤད་པར་བྱ། །རྒྱུད་དང་ཡེ་ཤེས་བསྟན་པའི་ཕྱིར། །རྒྱུད་རྒྱལ་འདི་ཉིད་ཉོན་ཅིང་ལྟོས། །གཞན་དག་མ་ཁྲོལ་པ་རྣམས་ཀྱང་། །འདི་ལ་བསྟན་གྱིས་འགྲོལ་བར་གྱིས། །མཐར་ཕྱིན་འགྲོལ་བའི་རྒྱུད་ཆེན་འདི། །བཤད་ཅིང…

ངས་བསྟན་དགྱེས་པའི་ཚུལ་གྱིས་ཉོན། །སྤྱིར་ནི་རྒྱུད་ཀྱི་བཤད་ལུགས་རྣམས། །གཞུང་ལ་རྣམ་པ་གསུམ་གྱིས་བསྟན། །མདོར་བསྟན་རྒྱས་པར་བཤད་པ་དང་། །ཤིན་ཏུ་རྒྱས་པར་བསྟན་པའོ། །མདོ་ལ་རང་རང་ཚིག་གིས་བསྟན། །རྒྱས་པ་གཞུང་དང་མཐུན་པའོ། །ཤིན་ཏུ་རྒྱས་པ་དོན་གསུམ་མོ། །བཤད་བྱ་རིམ་པ་རྣམ་གསུམ་འདོད། །བཤད་པར་བྱ་བ་འདི་ལྟ་སྟེ། །རང་གི་གྲུབ་…

བཤད། །སེང་གེ་བཞུགས་ཚུལ་ལྟ་བུའི་བློས། །བསྒོམ་པའི་དོན་དང་བསྟུན་ཏེ་བཤད། །ངང་མོ་མཐུན་འགྲོས་ལྟ་བུའི་བློས། །དོན་གྱི་ཁོག་ཕུབ་བསྡེབས་ཏེ་བཤད། །བར་སྣང་འཇའ་ཚོན་ལྟ་བུའི་བློས། །ཆོས་དབྱིངས་རྒྱན་དང་བཅས་པར་བཤད། །སྤུ་གྲི་སོ་འདེབས་ལྟ་བུའི་བློས། །བལྟ་བ་ལ་ཤན་ཕྱེ་སྟེ་བཤད། །མེ་ལོང་དཀྱིལ་འཁོར་ལྟ་བུའི་བློས། །རྒྱུ་རྐྱེན་གཉི…

གསལ་བར་སྟོན། །དེ་ཡང་ཚིག་ཉིད་དོན་གྱིས་བསྟན། །འཛིན་མེད་བཤད་པ་ཀུན་གྱི་དངོས། །ཕྱི་ནང་ཀུན་གྱི་ཡེ་ཤེས་ལ། །བྱས་པས་བཤད་པའི་ཚིག་རྣམས་རྙེད། །བྱུང་བས་ཡེ་ཤེས་དོན་ལ་སྦྱོར། །རིམ་པ་དངོས་མིན་བཤད་པར་བསྟན། །བཤད་བྱའི་རིམ་པའི་མཚན་ཉིད་ནི། །གང་ལ་འཛིན་པའི་བལྟ་བ་མེད། །དངོས་པོ་མེད་དང་སྣང་ཕྱིར་དང་། །བཤད་པའི་སྒྲ་ནི་གྲགས་པས་སྟ…

༼ཤོག་སྟོང་༽བཏགས་ཆེན་པོར་འབོད། །ཙ་ལ་ཙ་བཏགས་མཐུག་པོར་འོང་། །ཁ་ལ་ཁ་བཏགས་རིང་པོར་བསྟན། །ང་ལ་ང་བཏགས་ཐུང་ངུ་ཡིན། །ས་པ་ལ་པ་ལ་ས་བཏགས་ཆེན་པོར་འབོད། །ཐ་ལ་ཐ་བཏགས་མཐུག་པོ་ཡིན། །དེ་ལ་སོགས་པའི་ཡི་གེ་རྣམས། །འབྲུ་སྦྱར་དོན་ལ་ཤེས་པར་བྱ། །དེ་ཡང་དཀྲུགས་པ་འདི་ལྟ་སྟེ། །ཀ་ལ་ཙ་བཏགས་མཐུག་པོ་ཡིན། །ཐ་ལ་ན་བཏགས་མཐུག་པོར་འབོད། །…

༼ཤོག་སྟོང་༽ཀུན་གྱི་བཤད་ལུགས་མ་ནོར་བར། །མཐོང་ཚད་རྟོགས་ཚད་རྣམས་སུ་བཤད། །གོམས་པའི་རྒྱུད་ལ་ཤེས་རིག་གསལ། །དེ་ཡང་རྒྱུད་ཀྱི་གཏན་ཚིགས་སོ། །རྒྱུད་ཆེན་ངེས་ཚིག་གཏན་ཚིགས་དང་། །དང་པོ་ངེས་ཚིག་རྒྱུ་བསྟན་ཏེ། །བྱ་བ་རྒྱུ་ཡི་ངེས་ཚིག་དང་། །བྱེད་པ་རྐྱེན་གྱི་ངེས་ཚིག་གོ། །བྱ་བ་རྒྱུ་ཡི་ངེས་ཚིག་ནི། །ཡན་ལག་བརྒྱད་དང་ལྡན་ཕྱིར་…

༼ཤོག་སྟོང་༽དེ་ཡང་བསྟན་ལུགས་འདི་ལྟ་སྟེ། །ཆོས་ཉིད་ཡུལ་ངོ་ཕར་སྤྲད་པས། །དོན་གྱི་སྙིང་པོ་ཚུར་ལ་འཕྲོད། །རང་གི་གདངས་ལ་ཕར་སྤྲད་པས། །ཡེ་ཤེས་སྣང་བ་ཚུར་ལ་མཐོང་། །འབྱུང་བའི་གདངས་ལ་ཕར་སྤྲད་པས། །དག་པའི་ཞིང་ཁམས་ཚུར་ལ་མཐོང་། །ནམ་མཁའི་ངང་ལ་ཕར་སྤྲད་པས། །སྒྲོན་མའི་སྙིང་པོ་ཚུར་ལ་མཐོང་། །དབང་པོའི་ཡུལ་ལ་ཕར་སྤྲད་པས། །བློ་…