བཛྲ་ཛྙཱ་ན་ལ་མ་ཧཱ། བཅོམ་ལྡན་འདས་མཉམ་པའི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། །བྱང་ཆུབ་སེམས་དཔའ་ཕྱག་ན་རྡོ་རྗེ་ཐུགས་རྗེ་དང་རྫུ་འཕྲུལ་དུ་ལྡན་པ་ལེགས་པར་ཡིད་ལ་ཟུང་ཞིག །ཐོག་མ་མེད་པའི་གནས་སྔོན་བྱུང་བའི་དུས་སུ་ཧྭ་ཤང་འབར་ནེའི་ནགས་ཚལ་དུ། བདག་རྡོ་རྗེ་རྣལ་འབྱོར་མ་ཉིད་ཀྱི་ཐུགས་རྗེ་རང་བྱུང་གི…

ཕྱག་ན་རྡོ་རྗེའི་མགོ་བོ་ཁོས། ཞེས་དོན་མཐའ་ལ་བསྐྱལ་བའོ། །རང་རིག་པའི་ཡེ་ཤེས་ཀྱི་རྩལ་ལས་རྡོ་རྗེ་འཆང་གི་སྐུ་བསྟན་པ། ཆོས་ཉིད་མ་བཅོས་པའི་ངང་ནས། རྡོ་རྗེ་མཁའ་འགྲོ་མ་ཕྱུང་སྟེ།དེ་གཉིས་སུ་མེད་པ་ལས། ཡེ་ཤེས་ཀྱི་མཁའ་འགྲོ་མ་བཞི་བྱུང་སྟེ། རྒྱུ་རྒྱུ་རུ་གནས་པ། རྒྱུ་འབྲས་བུར་སྨིན་པ། འབྲས་བུ་རྒྱུ་ལ་ཤར་བ། རྒྱུ་ཉིད་ཡེ་ཤེས་…

ལྟ་བུའི་ལུང་བསྟན་པའོ། །བཛྲ་ཨ་ཏི་ཛྙཱ་ན་མ་ཧཱ། རྡོ་རྗེ་འཛིན་པ་ལ་ན་མོ། །གསང་བའི་མགོན་པོ་བླ་ན་མེད། །ཡེ་ཤེས་དབྱིངས་ནས་རང་བྱུང་བའི། །ཐོག་དང་འདྲ་བའི་མན་ངག་འདི། །བྱ་ཁྲ་གཟན་ལ་བཅུམ་པ་བཞིན། །ཐེ་ཚོམ་མེད་པར་ཡིད་ལ་ཆོངས། །བཛྲ་པཱ་ཎི་མེ་རི་འབར་བའི་དུར་ཁྲོད་ན། མཁའ་འགྲོ་མ་རྡོ་རྗེའི་མཆུ་ཅན་ཞེས་བྱ་བ་ཡོད་ཀྱིས། དེར་སོང་ལ་ཤ…

དགོངས་པ་ཉི་མ་ཤར་བ་ལྟ་བུའི་མན་ངག་གིས། འཇིག་རྟེན་པའི་མུན་པ་དག་པར་བྱེད་པས། ཡུལ་དག་ལ་ཆོས་ཀྱི་དབྱིངས་ཕོ་བྲང་མེ་ལོང་གཡའ་དག་པ་ལྟར་གསལ་བ། རང་རིག་པའི་ཆོས་ཀྱི་སྐུ་སངས་རྒྱས་ལྔའི་བདག་ཉིད་དུ་གསལ་བ། ཤེས་རབ་མར་མེ་རླུང་གིས་མ་བསྐྱོད་པ་ལྟར་གསལ་བ། བར་ན་ཡེ་ཤེས་ཀྱི་སྐུ་བདེ་བ་ཆེན་པོ་ནམ་མཁའི་འཇའ་ཚོན་ལྟར་མ་འདྲེས་ལ་ཡོངས་སུ་…

རྒྱ་གར་སྐད་དུ། མ་ཧཱ་ཨཱ་བརྟྟ་པྲ་སཱ་ར་ཎི་རཱ་ཛ་ཏནྟྲ་ནཱ་མ།བོད་སྐད་དུ། ཀློང་ཆེན་རབ་འབྱམས་རྒྱལ་པོའི་རྒྱུད་ཅེས་བྱ་བ། བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་ཉིད་ཀྱིས་བདག་ཉིད་ལ་ཐོས་པའི་དུས་གཅིག་ན། ཕྱོགས་བཅུ་དུས་གསུམ་གྱི་བདེ་བར་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་དང་ཡོན་ཏན་དང་ཕྲིན་ལས་ཐམས…

གནས་ཁམས་གསུམ་གྱི་གཞི་རྟེན་དང་དབྱེར་མེད་པའི་ཞིང་དེར། དབྱེར་མེད་རང་ལས་སྣང་བའི་འཁོར་དུས་གསུམ་གྱི་སངས་རྒྱས་དང་ཁམས་གསུམ་གྱི་སེམས་ཅན་ཐ་མི་དད་པ་དང་། འཇིག་རྟེན་པ་དང་འཇིག་རྟེན་ལས་འདས་པའི་འཁོར་དང་ཐབས་གཅིག་པ་དང་། ཉིད་དང་ཉིད་ཀྱི་རང་བཞིན་དབྱེར་མེད་པ་དང་། ཉིད་ཀྱི་ངོ་བོ་དང་རང་བཞིན་ལས་སྤྲུལ་པ་རྒྱུན་མི་འཆད་པར་འགྲོ་བ…

འཁོར་བའི་ལམ་ལས་གྲོལ། །རྟོགས་ལྡན་མཆོག་གི་དགོངས་པའོ། །མཚན་ཉིད་གཅིག་པའི་རང་བཞིན་ཀུན་ཏུ་སྣང་། །མཚན་མ་མེད་པར་ཀུན་ཏུ་ཁྱབ་པའི་སྐུ། །དབྱིངས་ལས་རྒྱལ་བའི་སྐུ་རུ་བཞེངས། །མ་ལུས་འདུས་པ་དབྱིངས་གཅིག་ལ། །བྱེད་པ་མེད་པར་ཀུན་ཏུ་འཆར། །དངོས་པོ་མེད་པར་ཅིར་ཡང་སྣང་། །སྣ་ཚོགས་སྣང་བ་ཆོས་ཀྱི་དབྱིངས། །རང་བཞིན་སྙིང་པོ་མེད་པར་ཡི…

དེ་བཞིན་བརྟགས་པ་ཡིན། །དེ་བཞིན་ཤེས་ན་དགོངས་པའི་མཆོག །སངས་རྒྱས་གཞན་ནས་བཙལ་དུ་མེད། །ཡེ་སངས་རྒྱས་པའི་ཆོས་ཉིད་ལ། །རང་རྒྱུད་སྦྱངས་པས་ཅི་ཞིག་ཕན། །སྤང་བླང་བྱས་པས་ག་ལ་འགྲུབ། །ཕུང་པོ་ཁམས་དང་སྐྱེ་མཆེད་ཀྱང་། །སངས་རྒྱས་ཞིང་དང་ཡོན་ཏན་ཆོས། །དབྱེར་མེད་ཡེ་ནས་མཉམ་པའི་ཀློང་། །འགྲོ་བ་རིགས་དྲུག་སྐྱེ་གནས་བཞི། །ཡེ་ནས་བྱང་…

དང་ནང་མེད་དེ་བཞིན་ཉིད། །སངས་རྒྱས་ཞིང་ཁམས་མཐའ་ཡས་ཀྱང་། །བཀོད་པ་ཆེན་པོ་རང་གི་རྒྱན། །ཕྱོགས་བཅུ་དུས་བཞི་དུས་གསུམ་ཀྱང་། །མི་འབྱེད་མཉམ་པ་ཉིད་ཀྱི་ཀློང་། །རྒྱུ་དང་འབྲས་བུ་དབྱེར་མེད་པས། །གཞི་རྩ་མེད་ལས་སྣ་ཚོགས་འབྱུང་། །ཇི་ལྟར་སྣང་བ་བྱང་ཆུབ་སེམས། །ལོག་རྟོག་འཁྲུལ་པས་བསླད་པས་ན། །རྒྱུ་དང་འབྲས་བུར་རྣམ་པར་བརྟགས། །ད…

ཉིད་ཀྱི་ཀློང་དུ་གཅིག །མཚན་ཉིད་མེད་པར་དབྱིངས་སུ་ཐིམ། །འདི་ལ་གང་ཡང་དམིགས་པ་མེད། །སྙིང་པོ་མཆོག་གི་རང་བཞིན་ལ། །མ་བཅོས་ཆོས་ཀྱི་སྐུ་རུ་གྲགས། །ཞེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས།) འབྱུང་འཇུག་མེད་པའི་ལེའུ་སྟེ་གཉིས་པའོ།། །དེ་ནས་ཡང་བཅོམ་ལྡན་འདས་ཀྱིས་གསུངས་པ། འཇིག་རྟེན་འདས་དང་འཇིག་རྟེན་ཐ་དད་པའ…

དེ་བཞིན་ཉིད་འདི་ལ། །ཆོས་རྣམས་མ་ལུས་འབྱུང་བའི་ཕྱིར། །འཁོར་འདས་ཀུན་གྱི་གཞི་མ་ཡིན། །དེ་ཡང་དབྱིངས་ཀྱི་རང་བཞིན་ཉིད། །རང་བཞིན་དེ་ལྟར་ཤར་བས་ན། །ནམ་མཁའ་འོད་དུ་འབར་བ་ལྟར། །གཞི་ཤར་རང་གྲོལ་དོན་གྱི་གཏེར། །རང་བཞིན་གནས་པ་དགོངས་པའི་ཀློང་། །དོན་དང་ལྡན་པ་རྟོག་པའི་བློ། །དྲང་པོར་འདུག་པས་མ་ནོར་ལམ། །བཅོས་སུ་མེད་པས་རང་ལུ…

དང་མི་བདེན་ཐེ་ཚོམ་པ། །སྐྱོན་དང་ཡོན་ཏན་བླང་དོར་རྒྱུ། །བདེན་རྫུན་མེད་པ་མཉམ་ཉིད་དབྱིངས། །དེ་ཡི་དོན་ལས་གཡོས་པ་མེད། །དེ་ཡི་དོན་ལས་མ་གཡོས་ན། །རྣལ་འབྱོར་རྣལ་འབྱོར་རབ་ཏུ་ཆེ། །རྩེ་གཅིག་གནས་པའི་ཡོན་ཏན་དང་། །དར་ཅིག་བསམ་པའི་རྟོག་པ་ཡང་། །རང་བཞིན་དབྱིངས་སུ་གཅིག་པའི་ཕྱིར། །འདྲའོ་འདྲའོ་མཉམ་ཉིད་ཆེ། །དེ་བཞིན་ཉིད་ལ་འད…

དབྱིངས། །སྙིང་རྗེ་ཆེན་པོ་སྟོང་མི་བྱེད། །ཆགས་སྡང་གནས་སུ་དག་པའི་ཕྱིར། །འདུ་བྱེད་སེམས་ཀྱི་བྱུང་ཚོར་མེད། །དབྱིངས་ལས་ཆོ་འཕྲུལ་ཅིར་ཤར་ཀྱང་། །ཡང་ལྡང་ཡང་ཞི་རང་གི་མཐུ། །རྒྱ་མཚོའི་ནོར་བུ་རིན་ཆེན་བཞིན། །ཡོན་ཏན་གཞན་ནས་བཙལ་དུ་མེད། །ངོ་བོ་ཉིད་ཀྱི་ཐུགས་རྗེས་གཟུང་། །མི་གཏོང་ཉོན་མོངས་ལྔར་སྣང་ཡང་། །ཐུགས་རྗེས་གཟུང་བའི…

མེད་དེ། །དེ་ལ་རང་གིས་བཅོས་སུ་མེད། །རྒྱུ་རྐྱེན་འབྲས་བུར་བཏགས་པ་ཡང་། །བཀྲི་དྲང་དོན་གྱིས་བསྟན་པར་ཟད། །མ་བཅོས་པ་ཡི་ཆོས་ཉིད་ལ། །མ་ནོར་གནས་ཤིང་མ་བྱས་གསལ། །མ་འགགས་པ་ཉིད་ཡེ་ཤེས་ཀློང་། །དེ་བཞིན་ཉིད་ཀྱི་གནས་འདི་ལ། །ཡེངས་དང་མ་ཡེངས་མེད་པ་དང་། །གཡོ་དང་མི་གཡོ་མེད་པའི་ཕྱིར། །རྒྱལ་བའི་དགོངས་པ་འདི་ལས་མེད། །རྣམ་པར་དག…

པ་འཁྲུལ་པའི་སེམས། །གཟུང་འཛིན་མེད་ན་གྲོལ་བའི་ལམ། །རང་སེམས་དེ་རུ་མ་ཤེས་ན། །ཐབས་ཆེན་གཞན་དུ་བཙལ་དུ་མེད། །སྟོན་པ་རང་དུ་མ་ཤེས་ན། །ཀུན་ཏུ་བཟང་པོ་ལོགས་ན་མེད། །བསྟན་པ་རང་དུ་མ་ཤེས་ན། །ཐེག་པའི་རྣམ་གྲངས་གཞན་ན་མེད། །འཁོར་རྣམས་རང་དུ་མ་ཤེས་ན། །ཡུལ་གཞན་འདུ་ཤེས་སྐྱེ་བར་འགྱུར། །དུས་རྣམས་རང་དུ་མ་ཤེས་ན། །རེ་བའི་ཐག་པ་ཆོ…

ཡུལ་དང་གནས་ཀྱང་བསྟན་དུ་མེད། །ཐམས་ཅད་དེ་ཡིས་བསྐྱེད་པའི་ཕྱིར། །དུས་གསུམ་རྒྱལ་བ་རྣམས་ཀྱི་ཡུམ། །ཐམས་ཅད་གནས་སུ་མེད་ལ་གནས། །ཀུན་ཀྱང་བརྟེན་དུ་མེད་ལ་བརྟེན། །ཕུ་བགྲོད་མདའ་བགྲོད་གར་ཕྱིན་ཀྱང་། །སེམས་ཀྱི་ཀློང་ལས་མ་གཡོས་པས། །ཀུན་གྱི་དུར་ཁྲོད་ཆེན་པོའི་དབྱིངས། །མཚན་མ་དབྱིངས་སུ་དག་པའི་ཕྱིར། །རྣམ་དག་ཆེན་པོ་ཉམས་དགའི་…

པའི་ཐ་སྙད་ཀྱང་། །དོན་དུ་མི་བཟུང་ཡལ་བར་བཏང་། །ལོག་པས་དཔྱད་པའི་གྲུབ་མཐའ་ཡང་། །བརྟག་དཔྱད་མི་བྱ་བློས་མི་བསམ། །རྒྱལ་བའི་དགོངས་པ་མཚོན་དུ་མེད། །ཐ་སྙད་ཚིག་ལ་བློ་མི་བརྟེན། །ཚིག་དང་ཡི་གེས་གདགས་སུ་མེད། །སེམས་དཔའ་མཆོག་གི་གོ་འཕང་ནི། །རིགས་ཆེན་གནོན་པའི་ས་གཅིག་ལ། །གདགས་གཞི་བྲལ་བའི་ངོ་བོར་གནས། །མཚན་མེད་མཚན་མར་བསྒོམ…

བ་ཇི་བཞིན་ནོ། །གཉིས་མེད་བསམ་འདས་ཆོས་དབྱིངས་ལ། །འཇུག་པར་བྱ་དང་འབྱུང་བར་བྱེད། །གཉིས་སུ་སྣང་བའི་ཡུལ་མེད་པས། །ཆོས་སྐུ་གཅིག་པུ་རབ་ཏུ་དབེན། །ཕྱོགས་བྲལ་མཁའ་ལྟར་ཡངས་པ་ལ། །དགག་པར་བྱ་དང་སྒྲུབ་པར་བྱེད། །བླང་དང་དོར་བའི་ཡུལ་མེད་པས། །བྱ་བྲལ་ཀློང་ཆེན་ཡེ་ནས་ཡངས། །སྒྱུ་མའི་འཁྲུལ་འཁོར་ལྟ་བུ་ཡི། །རིགས་དྲུག་རྒྱུད་ལྔའི་…

བསྒོམ་ཞིང་ཅི་ཞིག་བསམ། །བསམ་དུ་དམིགས་པའི་མཐའ་ལས་འདས། །བསྒོམ་དུ་ཡེངས་པའི་ཡུལ་དང་བྲལ། །དོན་དེའི་ཚུལ་གྱིས་མཚོན་དུ་མེད། །ཅེས་གསུངས་སོ། །ཀློང་ཆེན་རབ་འབྱམས་རྒྱལ་པོའི་རྒྱུད་ལས། དགོངས་པ་མཆོག་གི་ལེའུ་སྟེ་ལྔ་པའོ།། །དེ་ནས་ཡང་བཅོམ་ལྡན་འདས་ཀྱིས་དགག་བསྒྲུབ་མེད་པའི་དོན་ལ་མཐའ་དབུས་མེད་པར་གསུངས་པ། །ཕྱོགས་མེད་ལྷུན་གྲུ…

ཀུན་ཀྱང་འབྱམས་པས་དེ་རུ་གཅིག །ཐམས་ཅད་མཉམ་པའི་ངང་ལ་གནས། །གཡོས་པ་མེད་པའི་ཆོས་ཉིད་དེ། །མཉམ་པའི་དོན་ལས་མ་གཡོས་པས། །མི་མཉམ་ཤར་ཡང་མཉམ་ཉིད་གཅིག །སྤང་བླང་མེད་པ་དབྱིངས་ན་འབྱམས། །ཡོད་འབྱམས་སྣང་བའི་དངོས་པོར་འབྱམས། །ཐམས་ཅད་དེ་ལས་སྐྱེས་པའི་ཕྱིར། །མེད་འབྱམས་སྟོང་པ་དངོས་མེད་འབྱམས། །དེ་ལ་མཚན་ཉིད་མེད་པའི་ཕྱིར། །དངོས་…