ཡོན་ཏན་སྒྲོས་ཀྱང་མེད། །སེམས་ཅན་ཞེས་བྱའི་སྐྱོན་གྱི་རྣམ་པ་མེད། །མི་རྟོག་མཉམ་པ་ཉིད་དུ་དེ་བཞིན་གནས། །འདི་ལས་མ་གཏོགས་པ་ནི་གཞན་མེད་པས། །སངས་རྒྱས་རྣམས་ཀྱིས་འདི་ལས་ལྷག་པ་ཡི། །ཀུན་བྱེད་ང་ལ་ངེས་ལུང་མནོས་པ་མེད། །བྱེད་མཁན་ཀུན་བྱེད་རྒྱལ་པོ་ང་ཡིས་ཀྱང་། །མི་རྟོགས་མཉམ་ཉིད་དེ་བཞིན་ཉིད་འདི་ལས། །ཉིད་ལ་ཉིད་ཀྱིས་བསྟན་པ་…

ངོ་བོ་མིང་ཙམ་མངོན་ཕྱུང་བ། །ལོངས་སྤྱོད་རྫོགས་སྐུ་མིང་ཙམ་ཚུལ། །ངེས་པར་ལོངས་སྤྱོད་རྫོགས་སྐུ་དེ། །དེ་བཞིན་ཉིད་ལས་གཡོས་པ་མེད། །ཀུན་བྱེད་བྱང་ཆུབ་སེམས་ང་ནི། །ཐུགས་རྗེ་སྤྲུལ་སྐུ་མངོན་ཕྱུང་བ། །ཐུགས་རྗེ་མ་བཅོས་རང་བཞིན་ལས། །མིང་ཙམ་སྤྲུལ་སྐུ་ཚུལ་བྱུང་བ། །ངེས་པར་སྤྲུལ་པའི་སྐུ་དེ་ཡང་། །དེ་བཞིན་ཉིད་ལས་གཡོས་པ་མེད། …

ཀྱི་སེམས་ཀུན་བྱེད་རྒྱལ་པོའི་མདོ་ལས་ཆོས་ཐམས་ཅད་བྱང་ཆུབ་སེམས་ཀུན་བྱེད་ལས་བྱུང་བའི་ཁུངས་ཀྱི་ལེའུ་སྟེ་ཉི་ཤུ་པའོ།། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཆོས་ཐམས་ཅད་ཀྱི་ཁུངས་ཀྱི་རྒྱལ་པོ་ཡིན་པའི་ཕྱིར་ཉིད་ལས་བྱུང་བའི་ཚིག་འདི་གསུངས་སོ། །ཀྱེ་སེམས་དཔའ་ཆེན་པོ་རྡོ་རྗེ་ཁྱོད་ཉོན་ཅིག །ང་ནི་ཆོས་རྣམས་ཀུན་བྱེད་…

ཡིན། །ཀུན་བྱེད་ང་ནི་རྒྱུ་འབྲས་འདས་པ་སྟེ། །རྒྱུ་འབྲས་འདས་པས་སྤྱོད་ཡུལ་ཀུན་ལས་འདས། །ཀུན་ལས་འདས་པའི་ཆོས་ཉིད་བྱང་ཆུབ་སེམས། །བྱང་ཆུབ་སེམས་ནི་ཀུན་གྱི་སྙིང་པོ་ཡིན། །སྙིང་པོ་ཡིན་པས་ཡིད་ཆེས་ཁུངས་ཀྱང་བསྟན། །བྱང་ཆུབ་སེམས་ནི་ཆོས་ཀུན་རྩ་བ་སྟེ། །རྩ་བ་ཡིན་པས་ཐམས་ཅད་དོན་ཡང་འདུས། །བྱང་ཆུབ་སེམས་ནི་ཁྱད་པར་ཀུན་ལས་འཕགས།…

སྐུ་ནི་ཁྱད་པར་དོན་མེད་པས། །རང་འབྱུང་ཡེ་ཤེས་མི་རྟོག་ཀུན་ཏུ་ཇི་བཞིན་གནས། །བྱ་བྲལ་ཡུལ་ལ་མི་གནས་གཉེན་པོས་བཅོས་སུ་མེད། །ཡན་ལག་ཆོས་ཀྱི་དབང་གིས་སྙིང་པོའི་ཡུལ་ཚོལ་ཞིང་། །རྣམ་པ་ཅིར་ཡང་མི་རྟོག་ཐབས་ཀྱིས་དེ་ལ་རོལ། །སྙིང་པོ་རང་བཞིན་འབྱུང་བས་ཆོས་སྐུ་གཞན་ན་མེད། །རྡུལ་ཕྲན་གཅིག་ལ་གསེས་ཤིང་ཕྱོགས་བཅུ་ཀུན་དང་བྲལ། །མི་ག…

བཞིན་ལམ་དེར་ཞུགས་པས་ཐམས་ཅད་མཁྱེན་པ་ཡི། །ཇི་བཞིན་པ་ཞེས་རྣམ་རྟོག་དེ་ཕྱིར་རྟོག་བསྒོམ་པ། །བདེ་བ་ཆེན་པོ་འདོད་པས་ཆགས་པའི་ནད་ཡིན་ཏེ། །མི་གཡོ་མཉམ་པར་གནས་པས་སྨན་ཆེན་མ་བྱས་ན། །མཐོ་རིས་བགྲོད་པའི་རྒྱུ་དེས་ཉོན་མོངས་ཟིན་པར་འགྱུར། །ལམ་མེད་ལམ་དུ་ཞུགས་པ་རྣམས་ཀྱི་ནད་ཆེ་བ། །ཕྱིན་པར་འདོད་པས་རི་དྭགས་སྨིག་རྒྱུ་སྙེགས་པ་འད…

ཆེ་ལ་དམིགས་པའི་ཆ་བསྙམས་ནས། །ཆུང་ཆེ་དེ་རྣམས་དམིགས་དང་བྲལ། །གསུང་དང་རྒྱས་དང་དམིགས་དང་སྣང་། །སྒྱུ་མཁན་རི་མོའི་རྣམ་པ་བཞིན། །འབྱུང་འཇུག་ཡེ་ཤེས་རྨུགས་པ་ཡིས། །དེ་ཡི་དབང་ལས་སྐྱེ་བར་འགྱུར། །འདི་ནི་ཐེག་པ་ཀུན་གྱི་རྒྱལ། །བཏང་ངོ་བཞག་གོ་རང་བཞིན་ཏེ། །འདོད་པ་མེད་ཅིང་ལེན་པ་མེད། །བྲོད་པ་རྡུལ་ཙམ་མི་བསྐྱེད་དོ། །ཁྱུང་ཆེ…

བཅུ་ལས་མི་གནས་ཡུལ་མེད་ཀྱི་ལེའུ་སྟེ་ཉི་ཤུ་རྩ་གཉིས་པའོ།། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ལྟ་བ་ཡུལ་མེད་ཀྱི་ལུང་འདི་གསུངས་སོ། །ཀྱེ་སེམས་དཔའ་ཆེན་པོ་ཉོན་ཅིག །ཇི་ལྟར་སྣང་བའི་ཆོས་རྣམས་ནི། །རང་གི་བྱང་ཆུབ་སེམས་ཡིན་པས། །དེ་ལ་བལྟ་བའི་ཡུལ་མ་མཆིས། །མི་རྟོག་པས་ན་མཉམ་པ་ཉིད། །དེ་བཞིན་ནམ་མཁའི་དགོངས་པ་སྟེ…

དགོས་པ་ཕུན་སུམ་ཚོགས་པར་བཞུགས། །དུས་གསུམ་འགྱུར་བ་མེད་པར་བཞུགས། །ཆོས་ཀུན་ཕྱག་རྒྱ་ནམ་མཁའི་མཚན་ཉིད་དེ། །ནམ་མཁའི་མཚན་ཉིད་དེ་བཞིན་ཉིད། །སྐུ་གསུམ་མཚན་ཉིད་དེ་བཞིན་གནས། །ཐམས་ཅད་དེ་བཞིན་ཉིད་དུ་གནས། །ཇི་ལྟར་སྣང་བའི་ཆོས་ཀུན་ནི། །ཇི་བཞིན་པ་ལ་བཅོས་སུ་མེད། །བཙལ་ཞིང་བསྒྲུབ་པ་ཐམས་ཅད་ཀྱིས། །སྔ་བ་བགྲོད་པས་ཕྱིན་པ་གཅིག་…

ཏུ་མི་རྟོག་གཞན་མི་རྟོག །མི་རྟོག་མཉམ་པའི་དགོངས་པ་སྟོན། །ཁམས་གསུམ་སེམས་ཅན་ཐམས་ཅད་ཀྱིས། །དེ་རྟོགས་སངས་རྒྱས་ཀུན་དང་མཉམ། །རྩོལ་བའི་ཆོས་ཉིད་མ་བཙལ་འགྲུབ། །བྱང་ཆུབ་སེམས་ཀྱི་ཡེ་ཤེས་དེས། །སྟོན་པ་ཆུ་ཡི་སྐུར་བྱུང་ནས། །ཚིག་དང་ཡི་གེས་མི་སྟོན་ཏེ། །རང་གི་ངོ་བོས་སྟོན་བྱེད་པ། །བདག་ཏུ་མི་རྟོག་གཞན་མི་རྟོག །མི་རྟོག་མཉམ་…

ང་ཡིས་བྱས་པའི་ཕྱིར། །ང་ཡི་སྲས་ཡིན་ང་དང་མཉམ། །ང་དང་མི་གཉིས་ང་ཡིན་ཕྱིར། །ང་ཡིས་ཁྱེད་ལ་མངོན་ཕྱུང་བ། །ང་ཡི་ངོ་བོ་སྟོན་པ་ལྔས། །རང་བཞིན་རྣམ་ལྔ་གཅིག་ཏུ་བསྟན། །གཅིག་ནི་ཀུན་བྱེད་ང་ཡིན་གྱིས། །དེ་བཞིན་ཁྱེད་ཀྱང་ཡིད་ཆེས་ཀྱིས། །ཀྱེ་ཁམས་གསུམ་སེམས་ཅན་མ་ལུས་ཀུན། །ང་མེད་ཙམ་ན་ཁྱེད་ཀྱང་མེད། །ཁྱེད་མེད་ཙམ་གྱི་དུས་ཙམ་ན། །…

ཡང་དག་ལམ་ནི་ཚིག་གིས་མཚོན་དུ་མེད། །ཡང་དག་ཉིད་དུ་བསྟན་པ་ང་ཡིས་འཁྲུལ། །དག་དང་མ་དག་གཉིས་མེད་འདྲེས་ཤིང་མཚུངས། །རྣམ་པ་ཅིར་ཡང་མི་འབྱེད་ཡེ་ཤེས་གཏི་མུག་དང་། །ཐོགས་མེད་གསལ་བའི་མར་མེ་བསམ་པ་ཀུན་དང་བྲལ། །ངང་གིས་མི་གཡོ་རྨུགས་ཤིང་ཏིང་འཛིན་རྒྱལ་པོར་གནས། །མངོན་སུམ་མཐོང་བས་མཐོང་མེད་མངོན་སུམ་མཐོང་བའི་མིག །དེ་ཕྱིར་ཐམས་…

ཆུབ་ཀྱི་སེམས་ཀུན་བྱེད་རྒྱལ་པོ་ལས་བྱ་མེད་རྫོགས་པ་བསྒོམ་དུ་མེད་པའི་ལེའུ་སྟེ་རྩ་དྲུག་པའོ།། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད་ཀྱི་གདམས་ངག་ཕོག་པ་དང་མཐུན་པའི་ལུང་ཆེན་པོ་རིམ་གྱིས་བསྟན་ཏེ། ཀྱེ་སེམས་དཔའ་ཆེན་པོ་ཉོན་ཅིག །ཆོས་རྣམས་ཐམས་ཅད་ང་ལས་བྱུང་བ་ན། །ཇི་ལྟར་སྣང་བའི་ཆོས་རྣམས་ཐམས་ཅད་ཀུན། །ཡེ་ནས་…

བཞིན་དབྱིངས་ལ་འགྱུར་བ་མེད། །ང་ཡི་ཡེ་ཤེས་ནམ་མཁའ་འགྱུར་བ་མེད། །ང་ཡི་ཆོས་ཉིད་རང་བཞིན་འགྱུར་བ་མེད། །ང་སེམས་ཆོས་ཀྱི་སྙིང་པོ་འགྱུར་བ་མེད། །དེ་བཞིན་ཐམས་ཅད་འགྱུར་བ་མེད་པ་ལ། །ང་ལས་བྱུང་བའི་སྟོན་པ་སྐུ་གསུམ་གྱིས། །རྒྱུ་དང་འབྲས་བུར་ཆོས་ལ་མིང་བཏགས་ནས། །སྤྲུལ་པས་ལུང་བསྟན་དབང་པོ་ཡུལ་སྤོང་འགྱུར། །རང་རྐྱེན་ཆོས་ལྔ་འཆ…

ཤེས་སེམས་དཔའ་གྲོགས་མཉམ་ངེས། །བདག་འདོད་པ་ཡི་དངོས་གྲུབ་སྟེར་རེ་བ། །རང་འབྱུང་ཆོས་ཉིད་དེ་ལ་འདོད་ལེན་མེད། །རང་སེམས་བྱ་མེད་མི་ཚེ་གསུམ་མི་ཕྲད། །ཀུན་བྱེད་ང་ཡིས་ལུང་བསྟན་མ་ཡིན་ནོ། །ཀྱེ་སེམས་དཔའ་ཆེན་པོ་ཉོན་ཅིག །རང་ལས་བྱུང་བའི་ཆོས་ཉིད་ལྷར་བྱས་ནས། །ཕྱག་རྒྱ་བཞི་དང་སྙིང་པོ་འཕྲོ་འདུ་ཡིས། །མི་འགྱུར་བ་ཡི་ཆོས་ཉིད་རྒྱ…

བསྟན་པ་འཁོར་གནས་དུས། །རྣམ་ལྔ་རང་བཞིན་རྣལ་དུ་བཞག །སྟོན་པའི་རང་བཞིན་འདི་ལྟར་བཞག །ཆོས་སྐུ་མ་བཅོས་རྣལ་དུ་བཞག །རང་ངའི་རང་བཞིན་དེ་བཞག་ཡིན། །ལོངས་སྤྱོད་མ་བཅོས་ངོ་བོ་བཞག །ང་ཡི་རང་བཞིན་བཞག་པ་ཡིན། །སྤྲུལ་པ་མ་བཅོས་ཐུགས་རྗེ་བཞག །ང་ཡི་རང་བཞིན་བཞག་པ་སྟེ། །རང་འབྱུང་ཡེ་ཤེས་བཞག་པ་ཡིན། །གནས་ནི་གང་ན་གནས་པའི་གནས། །དེ་ཡ…

ཆེན་མདོ་སྡེས་རྫོགས་ཆེན་ཐོས་འགྱུར་ན། །རང་སེམས་དེ་བཞིན་ཉིད་དུ་མ་རྟོགས་ཏེ། །ཇི་བཞིན་ཉིད་དུ་འཇོག་པ་མང་ཤེས་ཏེ། །བགྲོད་ཅིང་སྦྱོང་ལ་བསྐལ་པ་གསུམ་དུ་གནས། །རྗེས་སུ་རྣལ་འབྱོར་སེམས་དཔས་ཐོས་འགྱུར་ན། །འདི་ལྟར་སྣང་བའི་ཆོས་རྣམས་དེ་བཞིན་ལ། །རང་སེམས་དེ་བཞིན་ཉིད་དུ་མ་རྟོགས་པར། །ཇི་བཞིན་རྣལ་དུ་འཇོག་པ་མ་ཤེས་པས། །བྱང་ཆུབ…

ན། །སྒྲོ་དང་སྐུར་པ་འདེབས་པའི་ཚིག་ཡིན་ཏེ། །དེ་ཡིས་གཉིས་སུ་མེད་པ་རྟོགས་པ་མེད། །དུས་གསུམ་སངས་རྒྱས་རྣམས་ཀྱི་རྟོགས་པ་ཡང་། །གཉིས་སུ་མ་མཐོང་རྣལ་བཞག་ཉིད་དུ་འདོད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས་དགོངས་པ་རྣལ་དུ་བཞག་པའི་ལེའུ་སྟེ་རྩ་དགུ་པའོ།། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོ་དེས་ཉིད…

རང་ལས་འབྱུང་། །སྣང་བ་མེད་པའི་ཆོས་ཉིད་ནི། །མ་བཙལ་བཞག་པས་བསྒོམས་པ་ཡིན། །དེ་དང་དེར་ནི་རྣམ་བཙལ་ན། །དེ་ལས་དེ་བཞིན་དེ་མི་འབྱུང་། །མཆོག་ཏུ་གསང་བའི་ཆོས་ཉིད་ནི། །རྣ་དབང་གཞན་ལས་ཐོས་མི་འགྱུར། །དེ་བཞིན་ལྕེ་ཡི་དབང་པོས་ཀྱང་། །དེ་ལ་བརྗོད་དུ་རྡུལ་ཙམ་མེད། །འགྲོ་བའི་སྡུག་བསྔལ་བྱང་ཆུབ་སེམས། །ཀུན་དུ་ཆུབ་པས་རྣམ་པར་རོལ། …

ཆོས་ཀྱི་སྐུ། །བཟུང་བས་མི་ཟིན་ཆུ་ཟླ་འདྲ། །ཀུན་དུ་བཟང་པོའི་རོལ་པ་ཡིས། །ཨཱ་ལི་ཀཱ་ལི་ཟབ་ཏུ་བསྟན། །འདི་ནི་ས་དང་མཛེས་པའི་ཏ། །པ་དང་ཡན་ལག་སྤྲོས་པ་བཞིན། །འཇིག་རྟེན་ཡོངས་ཀྱི་སྤྱོད་ཡུལ་ལ། །སངས་རྒྱས་གསུང་གི་ཟབ་མོ་འབྱུང་། །ཨེ་མའོ་སངས་རྒྱས་སྤྱོད་ཡུལ་འདི། །བཙལ་བས་རྙེད་པའི་གནས་མེད་དེ། །དྲུག་གི་ཆོས་བཞིན་ཡུལ་མེད་པས། …