རང་བཞིན་མ་མཐོང་སྟེ། །ང་ནི་ཀུན་གྱི་རང་བཞིན་ཏེ། །ཆོས་ཀུན་སྙིང་པོ་མཐོང་བ་མེད། །ཅེས་གསུངས་སོ། །དེ་ནས་འཁོར་དེ་རྣམས་ཀྱང་སེམས་ཀྱི་བསམ་པ་སོ་སོར་མཐོང་སྟེ། ལ་ལ་ནི་ཉིད་ཀྱི་རང་བཞིན་དུ་གྱུར་ཏོ། །ལ་ལ་ནི་ཡེ་ཤེས་སྐྱེས་སོ། །ལ་ལ་ནི་དགའ་བས་འདུན་ཏོ། །ལ་ལ་ནི་སྨོན་པས་འདུན་ཏོ། །ལ་ལ་ནི་མ་དད་པའི་སེམས་བྱུང་ངོ་། །ལ་ལ་ནི་དགའ་བ…

འདུས་པའི་ཚོགས་ཀྱིས། སེམས་དཔའི་རང་བཞིན་ཀུན་ཏུ་རྡོ་རྗེ་ལ་ཞུས་པ། ཨེ་མ་ཧོ་རྡོ་རྗེ་སྙིང་པོ་ཁྱོད། །བྱང་ཆུབ་སེམས་ནི་ཀུན་བཟང་ན། །ཉོན་མོངས་ལྔ་ཡི་སྡུག་བསྔལ་གང་། །ཁམས་གསུམ་གནས་ཀྱི་སྡུག་བསྔལ་གང་། །རྒྱུད་དྲུག་འཁོར་བའི་སྡུག་བསྔལ་གང་། །མཐོ་རིས་ངན་སོང་སྡུག་བསྔལ་གང་། །ཞེས་ཞུས་སོ། །དེ་ནས་སེམས་དཔའི་རང་བཞིན་ཀུན་ཏུ་རྡོ་…

ཀྱི་དབྱིངས་སམ་བྱང་ཆུབ་སེམས། །ཡིན་པས་རྩ་བའི་དོན་དུ་བཞག །གཅིག་པའི་དོན་ནི་འདི་ལྟ་སྟེ། །སངས་རྒྱས་སྐུ་དང་ཡེ་ཤེས་དང་། །སེམས་ཅན་ལུས་དང་བག་ཆགས་དང་། །སྣང་དང་སྲིད་པའི་ཆོས་རྣམས་ཀུན། །བྱང་ཆུབ་སེམས་དང་དབྱིངས་སུ་འདུས། །རྒྱུ་རུ་གཅིག་ལ་འབྲས་བུར་གཅིག །དཔེ་རུ་གཅིག་ལ་དོན་དུ་གཅིག །རྩ་བ་བྱང་ཆུབ་སེམས་སུ་གཅིག །རྟགས་དང་གཏན…

ཀུན་འབྱུང་འགོག་པའི་ལམ། །སྤང་དང་འགེག་དང་སོལ་བ་དང་། །ལམ་ལ་མངོན་དུ་བྱེད་པ་ཡང་། །ཉོན་མོངས་ལྔ་བཅོམ་འབྲས་བུ་དེ། །མི་སྐྱེ་མི་འགག་འབྲས་བུ་མིན། །བདེན་པ་གཉིས་ཀྱི་རྟོག་དཔྱོད་ཀྱིས། །མི་རྟག་སྡུག་བསྔལ་སྟོང་བདག་མེད། །མདོ་ཆེན་བཞི་ཡི་དོན་རྟོགས་ཏེ། །ཆོས་ཉིད་སྟོང་པའི་འབྲས་བུ་དེ། །རྒྱུ་འབྲས་འདས་པའི་འབྲས་བུ་མིན། །ཕྱི་ཡི…

པའི་འབྲས་བུར་གཅིག །འབྲས་བུ་ཞེས་ནི་བཏགས་པ་མེད། །བཏགས་པ་དེ་ནི་མཚོན་པ་སྟེ། །མཚོན་པའི་དོན་གྱིས་གདགས་མེད་མཚོན། །དེ་ཡང་མཚོན་པར་བྱ་བའི་དོན། །མཚོན་དུ་མེད་པའི་དོན་དེ་ཡང་། །མ་མཚོན་གོ་བར་མི་འགྱུར་ཏེ། །མཚོན་དུ་མེད་པའི་དོན་ཚིག་གིས། །མཚོན་ཏེ་མཚོན་མེད་གོ་བར་བྱ། །ཐམས་ཅད་ཆོས་ནི་སྐྱེ་བ་མེད། །མ་སྐྱེས་པ་ཡི་ཆོས་ཉིད་ནི། …

ནི་ནམ་མཁའ་འདྲ། །ནམ་མཁའ་དག་ལས་ཐམས་ཅད་འབྱུང་། །ཆོས་ཀུན་སྙིང་པོ་བྱང་ཆུབ་སེམས། །ཐམས་ཅད་འབྱུང་བས་ནམ་མཁའ་འདྲ། །རྒྱུ་མེད་པ་ཡི་བྱང་ཆུབ་སེམས། །མ་སྐྱེས་པས་ན་ནམ་མཁའ་འདྲ། །རྐྱེན་མེད་པ་ཡི་བྱང་ཆུབ་སེམས། །མི་འཇིག་པས་ན་ནམ་མཁའ་འདྲ། །གཉེན་པོ་མེད་པའི་བྱང་ཆུབ་སེམས། །ཐམས་ཅད་འཇོམས་པས་ནམ་མཁའ་འདྲ། །མཚོན་དུ་མེད་པའི་བྱང་ཆུབ་…

རྗེའི་རླན་གྱིས་སྡུད། །དེ་བས་བྱང་ཆུབ་སེམས་ཀྱི་ཆུ། །བྱང་ཆུབ་སེམས་སུ་མངོན་སངས་རྒྱས། །མངོན་སུམ་སྣང་བ་སྲ་བྱེད་པ། །ཐམས་ཅད་འདེགས་པའི་བྱང་ཆུབ་སེམས། །དེ་བས་སེམས་ཀྱི་ས་དེ་ལ། །བྱང་ཆུབ་སེམས་སུ་མངོན་སངས་རྒྱས། །ཐམས་ཅད་དྲོད་སྙོམས་ཚ་བའི་མེ། །པདྨ་རྣམ་དག་ཡེ་ཤེས་ཏེ། །དེ་བས་སེམས་ཉིད་རྣམ་དག་པས། །བྱང་ཆུབ་སེམས་སུ་མངོན་སངས…

མངོན་སངས་རྒྱས། །ཕྲག་དོག་ལམ་གྱི་སྒོར་ཞུགས་པས། །མི་ཡི་གནས་སུ་དགེ་སྡིག་སྤྱོད། །དགེ་སྡིག་ལས་ཀྱི་ཆོས་སྤྱོད་ཀྱང་། །མི་དགེ་ཤས་ཆུང་རྣམ་སྨིན་གྱིས། །མི་རྟག་འགྱུར་བའི་ཉམས་མྱོང་སྟེ། །སྙིང་པོ་བྱང་ཆུབ་སེམས་དེ་ལ། །མི་རྟག་ཉམས་དེས་བསྐྱོད་པ་མེད། །དེ་བས་ཕྲག་དོག་མི་གནས་སྟོང་། །བྱང་ཆུབ་སེམས་སུ་མངོན་སངས་རྒྱས། །ང་རྒྱལ་ལམ་…

འདེགས་པར་བྱེད། །དེ་ཡང་ནམ་མཁའི་ངང་ན་གནས། །འབྱུང་ཆེན་སྣང་བའི་སྡུད་བྱེད་ཆུ། །ནམ་མཁའི་ངང་ལས་རང་བཞིན་བརླན། །རང་གི་མཚན་ཉིད་རྡོ་རྗེའི་རྩལ། །རྩལ་ཆེན་དེ་ཡི་འབྱུང་ཆེན་ས། །འདས་ལ་མི་ལྟུང་འདེགས་པར་བྱེད། །དེ་ཡང་ནམ་མཁའི་ངང་ན་གནས། །འབྱུང་ཆེན་སྣང་བའི་ཆ་སྙོམས་མེ། །ནམ་མཁའི་ངང་ལས་རང་བཞིན་ཚ། །རང་གི་མཚན་ཉིད་རྡོ་རྗེའི་རྩལ…

སྐྱེས་ཆོས་མ་རྟོགས། །དེ་ཡིས་དབྱིངས་ཀྱི་ལམ་མ་མཐོང་། །དེ་ནི་གཅིག་པུ་མུན་འཐོམ་ནས། །སྤྲོས་མེད་གནས་ནི་མཐོང་མི་འགྱུར། །བྱང་ཆུབ་སེམས་ཀྱི་རང་བཞིན་ནི། །སྒྲོ་དང་སྐུར་པ་ཀུན་དང་བྲལ། །གང་གིས་སེམས་དེ་མ་མཐོང་བས། །བསྐལ་པ་དུ་མར་གྲངས་བགྲངས་ཀྱང་། །སྙིང་པོ་རང་བཞིན་སེམས་མ་མཐོང་། །བདེན་པའི་དོན་དང་འཕྲད་མི་འགྱུར། །ཞེས་གསུངས…

སེམས། །ཐམས་ཅད་བྱང་ཆུབ་སེམས་ལ་སྤྲོས། །འདུས་ཀྱང་བྱང་ཆུབ་སེམས་སུ་འདུས། །གནས་ཀྱང་བྱང་ཆུབ་སེམས་ལ་གནས། །བསྐྱེད་ཀྱང་བྱང་ཆུབ་སེམས་ལས་བསྐྱེད། །སངས་རྒྱས་སྐུ་དང་ཡེ་ཤེས་ཀྱང་། །སེམས་ཉིད་གཟུང་འཛིན་བྲལ་བ་ཡིན། །དེས་ན་བྱང་ཆུབ་སེམས་ཀྱི་སྐུ། །སེམས་ཅན་ལུས་དང་བག་ཆགས་ཀྱང་། །སེམས་ཀྱི་བརྐམ་ཆགས་ལྔ་ལས་བྱུང་། །དེས་ན་འབྱུང་བའི…

དེ་ནས་འདུས་པའི་ཚོགས་དེ་དག་ཐམས་ཅད། སྟོན་པ་ཀུན་ཏུ་བཟང་པོའི་སྤྱན་སྔར་རབ་ཏུ་ཤིན་ཏུ་འདུད་པའི་སྒོ་ནས་འཁོད་དེ། ཐམས་ཅད་མགྲིན་གཅིག་པའི་སྒོ་ནས་ཞུས་པ། སྟོན་པ་ཀུན་ཏུ་བཟང་པོ་ཡིས། །ཆོས་རྣམས་ཀུན་ཏུ་སྣང་བར་མཛད། །སྟོན་པ་རྡོ་རྗེ་སེམས་དཔའ་ཡིས། །དོན་དེ་རྩ་བ་གཅིག་ཏུ་བསྟན། །རྩ་བ་གཅིག་གི་དོན་བསྟན་ན། །ཆོས་རྣམས་ཀུན་གྱི་རྩ་བ…

ལས་ཀྱི་ཆོས་རྣམས་ལ། །འབྲས་བུ་ཡོད་པར་མ་རྟོགས་ཏེ། །ཆད་པའི་མཐའ་རུ་ལྟུང་བ་སྟེ། །རྫོགས་ཆེན་འདི་ཡི་བྱིན་བརླབས་ཀྱིས། །སྙིང་པོ་བྱང་ཆུབ་སེམས་ཆེན་ལ། །གཟུང་འཛིན་མཚན་མ་མི་མངའ་བས། །ཆད་པའི་མཐའ་རུ་ལྟུང་མི་འགྱུར། །རྟག་པར་བལྟ་བར་སེམས་རྣམས་ཀྱིས། །ཡོད་པ་རྣམ་པ་བཞི་མཐོང་སྟེ། །ང་གཙང་སྐྱིད་རྟག་བཞི་མཐོང་ནས། །བླང་དོར་མེད་པའི…

པ་ལ་རྣམ་པ་གཉིས། །ཕྱི་པ་དང་ནི་ནང་པ་གཉིས། །ཕྱི་པ་ཐུབ་པ་ཡོ་ག་ནི། །བྱང་ཆུབ་ལྔ་དང་ཆོ་འཕྲུལ་བཞི། །ཆུ་ཟླ་བཞིན་དུ་གྲུབ་པར་འདོད། །ནང་པའི་རྣལ་འབྱོར་རྣམ་པ་གསུམ། །བསྐྱེད་དང་རྫོགས་དང་རྫོགས་ཆེན་གསུམ། །བསྐྱེད་པ་མ་ཧཱ་ཡོ་ག་ནི། །རྣམ་པ་གསུམ་ནི་རིམ་བསྐྱེད་དེ། །ཡོ་བྱད་མ་ཉམས་འཇུག་བརྩོན་ན། །རྒྱལ་བའི་སྐུ་གསུང་ཡེ་ཤེས་འདོད། …

བསྐལ་གསུམ་བར་དུ་བརྟག་ཅིང་སྤྱོད། །བྱ་བ་རྒྱུད་ཀྱི་ཀྲི་ཡཱ་ནི། །གཟའ་དང་རྒྱུ་སྐར་དུས་ཚིགས་དང་། །དག་པ་རྣམ་གསུམ་སྒོར་ཞུགས་ནས། །གཟུང་དང་འཛིན་པའི་ཏིང་འཛིན་གྱིས། །རྡོ་རྗེ་འཛིན་དང་རིགས་གསུམ་ས། །མི་མཉམ་ཚུལ་དུ་ལམ་ཞུགས་ནས། །མི་ཚེ་བདུན་གྱིས་རིག་འཛིན་ས། །གཟུང་འཛིན་འདས་པའི་ས་འདི་ལ། །མི་ཚེ་བདུན་གྱིས་རིག་འཛིན་ཏིང་ཡང་ས…

འཛིན་སྦྱོང་། །རྫོགས་པ་ཨ་ནུ་ཡོ་ག་ནི། །དབྱིངས་དང་ཡེ་ཤེས་སྒོར་ཞུགས་ནས། །བསྙེན་བསྒྲུབ་བཞི་ཡི་ལས་སྤྱོད་པས། །སྣང་བའི་ཆོས་ནི་དག་པའི་རྒྱུ། །བསོད་ནམས་ཚོགས་སུ་སྒྲུབ་པར་བྱེད། །སེམས་དང་སེམས་བྱུང་ཐམས་ཅད་ཀུན། །ཡེ་ཤེས་ཚོགས་སུ་སྒྲུབ་པར་བྱེད། །རང་རྒྱུད་དག་པའི་ལྷ་བསྙེན་ནས། །ལྟོས་པའི་ཚིག་གིས་རྗོད་པར་བྱེད། །ཏིང་འཛིན་ཡེ…

པ་དག་ལ་ནོར་བ་མེད། །ངེས་པ་དག་ལ་ཐེ་ཚོམ་མེད། །རྫོགས་པ་ཆེན་པོའི་ལུང་འདི་ལ། །ཡོད་མེད་ཚིག་དང་མ་ངེས་པའི། །དོན་ལ་འདའ་བ་མི་མངའ་བས། །བརྗོད་པའི་ཚིག་ལས་འདའ་མི་མངའ། །ཞེས་གསུངས་སོ། །རྣམ་པར་བགྲང་བའི་མདོ་ལས། འཇིག་རྟེན་ལས་འདས་པའི་ལེའུ་སྟེ་གཉིས་པའོ།། །།དེ་ནས་སེམས་དཔའ་རྡོ་རྗེ་དེས། འདུས་པའི་ཚོགས་ལ་རྣམ་པ་གཉིས་སུ་བགྲང་བའ…

ཉིད་དབྱིངས་ཀྱི་གནས་ཆེན་དུ། །སངས་རྒྱས་སེམས་ཅན་འཁོར་ཚོགས་ནས། །སྔ་ཕྱི་མེད་པའི་བསྟན་པ་ནི། །རང་རིག་ཡེ་ཤེས་རིག་པའི་རྒྱལ། །རང་བཞིན་རྣམ་པ་གསུམ་སྣང་སྟེ། །མི་གནས་སེམས་ཀྱི་རང་བཞིན་དང་། །རང་བྱུང་ཡེ་ཤེས་རང་བཞིན་དང་། །ཐུགས་རྗེ་སྤྲུལ་པའི་རང་བཞིན་ནོ། །བྱང་ཆུབ་སེམས་ཀྱི་རང་བཞིན་ནི། །མི་གནས་ཆོས་ཀྱི་སྐུ་རུ་བཞུགས། །རང་བ…

ཁྲི་བཞི་སྟོང་ཐེག་པའི་འཁོར། །རྒྱུ་དང་འབྲས་བུར་འདྲེལ་བས་ན། །དེས་ན་ཐེག་འཁོར་ཕུན་སུམ་ཚོགས། །དཔེར་ན་བྱང་ཆུབ་སེམས་ཉིད་ལ། །འཁོར་དང་སྟོན་པ་རང་བཞིན་ཚང་། །བྱང་ཆུབ་སེམས་ཀྱི་སྙིང་པོ་ལ། །རྣམ་ཤེས་འཁོར་དང་སྐྱེ་མཆེད་འཁོར། །ཡུལ་དང་དབང་པོ་འདུས་པས་ན། །དེས་ན་ཁམས་དང་སྐྱེ་མཆེད་འཁོར། །དེ་འཁོར་ཕུན་སུམ་ཚོགས་པ་བཞིན། །སྟོན་པའ…

ཀྱི་འཁོར་རྣམས་དང་། །དུས་གསུམ་སངས་རྒྱས་ཐམས་ཅད་ཀྱིས། །སྤྲོས་པ་མེད་པའི་དོན་དུ་རྟོགས། །རྒྱུད་དྲུག་གནས་པའི་སེམས་ཅན་གྱིས། །རང་གི་རང་བཞིན་མཐོང་བ་མེད། །སྒྲིབ་པ་ཐག་རིང་རྩོལ་མི་བྱེད། །སྟོན་པ་ཡང་ནི་རྣམ་པ་གསུམ། །བསྟན་པ་གསང་བ་རྣམ་གསུམ་ནི། །སྤྲོས་པ་མེད་པའི་རྡོ་རྗེ་སྟེ། །གསང་བ་རང་རྒྱུད་དག་པར་ཡང་། །སྤྲོས་པ་མེད་པས་ར…