གསུམ་སེམས་ཅན་ཐམས་ཅད་ཀུན། །བྱང་ཆུབ་སེམས་ལས་ཀུན་འབྱུང་སྟེ། །སངས་རྒྱས་སྐུ་དང་ཡེ་ཤེས་དང་། །སེམས་ཅན་ལུས་དང་བག་ཆགས་དང་། །སྣང་ཞིང་སྲིད་པ་ཐམས་ཅད་ཀུན། །བྱང་ཆུབ་སེམས་ལ་བླང་དོར་མེད། །སངས་རྒྱས་ཡེ་ཤེས་ཐུགས་རྗེས་ཀྱང་། །དབྲི་བཀོལ་བླང་དོར་ཡོངས་མི་མངའ། །སེམས་ཅན་འགྲོ་བའི་སྡུག་བསྔལ་ཡང་། །བྱང་ཆུབ་སེམས་ཀྱི་རང་བཞིན་ཏེ། །…

མ་འོངས་པ་ལ་སྐྱེ་བ་མེད། །ད་ལྟར་དུས་ཞེས་གནས་མེད་པས། །དུས་གསུམ་གཅིག་པའི་མན་ངག་གོ། །ཞེས་བསྟན། ལུང་ཆེན་ཁུངས་ཀྱི་མན་ངག་ནི། །སེམས་ཉིད་རྫོགས་པ་ཆེན་པོ་འདིས། །ཆོས་ཀུན་གཏན་ལ་འབེབས་པའི་ཕྱིར། །ལུང་ཆེན་ཁུངས་ཀྱི་མན་ངག་གོ། །ཞེས་གསུངས་སོ། །ལུང་གསུམ་མན་ངག་བཞིར་གཏན་ལ་ཕེབས་པའི་མདོའི་ལེའུའོ།། །།དེ་ནས་ཡང་སེམས་དཔའ་ཆེན་པོ་…

རྩོལ་བསྒྲུབ་མེད་པས་གྲོལ་བར་བཤད། །རྒྱུ་རྐྱེན་མེད་པའི་རང་བྱུང་ཡེ་ཤེས་ཏེ། །མ་བཙལ་རང་བཞིན་གནས་པས་བདག་གྲོལ་ལ། །བཙལ་དུ་མེད་པས་གྲོལ་བར་གཞན་ལ་སྟོན། །ཅེས་བསྟན། དེ་བཞིན་མན་ངག་རྣམ་བཞི་ནི། །བྱང་ཆུབ་སེམས་ཀྱི་མན་ངག་ནི། །འགྲོ་བ་རིགས་དྲུག་ཉོན་མོངས་ལྔ། །སྙིང་པོ་བྱང་ཆུབ་སེམས་ཀྱི་རང་བཞིན་ཡིན། །སངས་རྒྱས་རྣམས་ཀྱི་སྐུ་གས…

དེ་ནས་སེམས་དཔའ་ཆེན་པོ་དེས་འདུས་པའི་ཚོགས་རྣམས་ལ་ངེས་པར་བསྟན་པའི་མདོ་འདི་བསྟན་ཏེ་བློ་ངེས་པར་བཞག་གོ། །ཀྱེ་འདུས་པའི་ཚོགས་ཆེན་ད་ཉོན་ཅིག །ངེས་པར་བསྟན་པའི་མདོ་འདི་ལས། །མེད་པའི་མན་ངག་རྣམ་པ་བརྒྱད། །ངེས་པ་ལྔ་དང་མ་ངེས་གསུམ། །བརྒྱད་པ་གཉིས་ཀྱི་མན་ངག་གིས། །ཁྱོད་བློ་ངེས་པར་གཞག་པར་བྱ། །དེ་ཡང་གང་དང་གང་ཞེ་ན། །སེམས་ལ་…

སྤྱོད་པ་བླང་དོར་མེད་པ་ནི། །སེམས་ཉིད་རྫོགས་པ་ཆེན་པོ་ལ། །སྣང་བའི་ཆོས་དང་སྲིད་པའི་ཆོས། །ཐམས་ཅད་བྱང་ཆུབ་སེམས་ཡིན་པས། །སེམས་ཉིད་ཡེ་ཤེས་སྤྱོད་པ་ལ། །འདི་བླང་འདི་དོར་ཡོངས་མ་མཆིས། །ལམ་ལ་བགྲོད་དུ་མེད་པ་ནི། །ལམ་ལ་རྣམ་པ་གཉིས་ཡོད་དེ། །དོན་གྱི་ལམ་དང་ཚིག་ལམ་མོ། །གང་ཟག་བློ་ཡི་རིམ་པ་ལས། །ཐེག་པའི་རྣམ་གྲངས་དགུར་བསྟན་ལ…

རང་བཞིན་ཆོས་ཉིད་ལ། །སེམས་ཉིད་བཅོས་པ་མེད་པ་ནི། །དེ་ལ་ཆོས་ཞེས་བཏགས་པ་ཡིན། །བཅོས་པ་མེད་པར་རང་རིག་པས། །དེ་ལ་སེམས་ཞེས་བཏགས་པ་ཡིན། །དེ་བཞིན་སེམས་ལ་དངོས་མེད་བཞིན། །ཆོས་ཉིད་དེ་ཡང་སེམས་ཡིན་པས། །སེམས་བཞིན་ཆོས་ལ་མཚོན་མེད་དོ། །སྒྲོ་སྐུར་གདགས་སུ་མེད་པ་ནི། །སེམས་ཉིད་རྫོགས་པ་ཆེན་པོ་ཡིས། །མེད་པ་བདུན་གྱི་རང་བཞིན་གྱི…

གཞན་དུ་ཚོལ་བར་བྱེད། །དེས་ན་ངེས་པ་མེད་པ་ཡིན། །ཡེ་ཤེས་རང་བཞིན་མ་ངེས་པས། །ཡཱ་ན་རྣམ་པ་རེ་རེ་ལ། །གྲངས་དང་རྣམ་པའི་ཡེ་ཤེས་ཀྱིས། །སེམས་གཅིག་ཡུལ་ལ་སོ་སོར་རྟོགས། །དེས་ན་ཡེ་ཤེས་ངེས་པ་མེད། །ཅེས་གསུངས་སོ། །ངེས་པར་སྟོན་པའི་མདོར་བསྟན་པའི་ལེའུའོ།། །།དེ་ནས་ཡང་འདུས་པའི་ཚོགས་ཆེན་དེ་རྣམས་ལ། སེམས་དཔའ་ཆེན་པོ་དེས། ངེས་པའི…

འཇུག་པ་ནི། །རྟོག་པའི་ལམ་ཞུགས་སྨིག་རྒྱུར་བསྙེགས། །ཡང་དག་ལམ་ནི་འདི་ཡིན་ཞེས། །ཚིག་དང་ཡི་གེས་མཚོན་དུ་མེད། །ཡང་དག་འདི་ཡིན་སྟོན་པ་ནི། །རྡོ་རྗེ་སེམས་དཔའ་ང་ཉིད་འཁྲུལ། །དག་པ་དང་ནི་མ་དག་པ། །ཡེ་ནས་གཉིས་མེད་འདྲེས་ཤིང་མཚུངས། །སེམས་ཉིད་ཀུན་གྱི་གནས་སུའོ། །དག་མ་དག་ནི་རྣམ་པ་ནི། །དབྱེར་མེད་ཡེ་ཤེས་གཏི་མུག་དང་། །ཐོགས་པ…

བྱ་བྲལ་ཟིན་པའི་ཡུལ་དེ་ལ། །བཅོས་པ་མེད་པ་ཇི་བཞིན་གནས། །བརྟགས་པས་ཆོས་ནི་ཐམས་ཅད་ཀུན། །ཐིག་ལེ་ཆེན་པོའི་རང་བཞིན་པས། །སྤྲོ་བ་མེད་ཅིང་བསྡུ་བ་མེད། །སྐྱེ་བ་མེད་ཅིང་འགག་པ་མེད། །འགོག་པ་མེད་པ་དེ་བཞིན་གནས། །རྣམ་པར་མི་རྟོག་སྙིང་པོ་འདི། །དངོས་མེད་མཚན་མ་ཅིར་མི་གནས། །ནམ་མཁའ་བཞིན་དུ་ཡེ་གནས་པས། །རྟོག་པའི་སྨྲ་བསམ་ཡུལ་ལས…

ནོར་བའི་ལམ་བསྟན་ཀྱང་། །གོང་གི་ཆོས་དབྱིངས་ལམ་དེ་གཉིས། །ཡེ་ནས་གཉིས་མེད་གཅིག་ཡིན་ཏེ། །ལམ་གཉིས་མཉམ་པར་ཤེས་པ་ནི། །དུས་གསུམ་སངས་རྒྱས་ཀུན་གྱི་རྗེ། །ང་དང་བདག་ཏུ་གང་སྟོན་པ། །དེ་ནི་མུ་སྟེགས་འཁྲུལ་པའི་ལམ། །ཆ་མེད་བྱིས་པས་བསླུས་པ་ནི། །རྟོག་པའི་ལམ་ལ་བཙུད་པ་སྟེ། །བགྲོད་པས་ཕྱིན་པའི་དུས་མེད་ལ། །བརྟགས་པས་རྟོགས་པའི་ཡུ…

བཙལ་མེད་གཞན་ནས་ཐོབ་པ་མེད། །རྡུལ་ཕྲན་དོན་དམ་རང་བཞིན་གཅིག་པ་ལ། །ཐ་དད་བརྩེགས་ཤིང་ཕྱོགས་ཆ་རྣམས་དང་བྲལ། །གར་མི་གནས་པའི་དོན་ཉིད་ཡེ་ཤེས་ལེགས་པ་ཆེ། །འདུས་མ་བྱས་པའི་ཡེ་ཤེས་ངང་ལས་འབྱུང་བ་སྟེ། །མངོན་སུམ་རྣམ་པར་མི་རྟོག་ཡངས་པའི་སྙིང་པོ་འབྱུང་། །རྣམ་པར་དག་པའི་ལམ་ཆེན་འདིར་ཞུགས་པས། །ཆོས་ཉིད་མཉམ་པའི་རྒྱལ་པོ་བཙལ་བ་མེ…

ཚིག་གི་བརྗོད་པས་མི་ཕེབས་མཐའ་དང་བྲལ། །ཡེ་ནས་བྱ་བཙལ་བྲལ་བས་བདག་ཉིད་ལ། །རང་རིག་མངོན་སུམ་ངང་གིས་བཙལ་མེད་གནས་ཕྱིར་རོ། །གྲིབ་མ་ལས་བྱུང་གཟུགས་ཀྱི་དཔེ་བཞིན་དུ། །མི་རྟོག་ཡེ་ཤེས་དེ་ལས་རྟོག་པ་འབྱུང་བར་ཟད། །མེད་དེ་ཞེས་ནི་མེད་པའི་མཐར་མ་ཡིན། །མཐར་མ་ཡིན་ཞེས་མེད་པའི་སྙིང་པོ་འབྱུང་། །སྟོང་པ་ཉིད་དེ་སྟོང་པའི་མཐར་མ་ཡིན…

གོང་དུ་ལྟོས་པའི་རྟེན་བཅས་ཀྱང་། །བྱང་ཆུབ་ཆེན་པོ་དག་ལ་སྒྲིབ་པར་འགྱུར་བ་ཡིན། །དེ་བས་ཤིན་ཏུ་ཐོགས་མེད་གྱུར་པའི་ཡེ་ཤེས་ལ། །བསམ་པའི་རྣམ་རྟོག་བརྗོད་པ་ཀུན་དང་བྲལ། །དེ་ཕྱིར་བཤེས་གཉེན་ཡོན་ཏན་ཀུན་གྱི་འབྱུང་གནས་ཏེ། །ནོར་བུ་རིན་ཆེན་བཞིན་དུ་སྤྱི་བོའི་གཙུག་ཏུ་བཀུར། །ཆོས་ཉིད་དམིགས་པར་བྱ་བའི་ཡུལ་དེ་མི་བྱེད་ཅིང་། །རང་…

ངང་གིས་གནས་པ་མེད། །དེ་ཕྱིར་སངས་རྒྱས་མིང་དུ་སྨོས་པ་བྲལ། །སངས་རྒྱས་ཞེས་ནི་སྟོན་པས་མིང་བཏགས་ནོར། །སངས་རྒྱས་ཞེས་ནི་གཞན་ནས་ཐོབ་བྱེད་པ། །དེ་ཉིད་སྨིག་རྒྱུ་བཞིན་ཏེ་ནོར་བའི་ལམ། །ཁ་དོག་དབྱིབས་ཀྱི་གཟུགས་ནི་ཡོད་མིན་པས། །ཆོས་ཀུན་བཤད་པ་རྡུལ་ཆ་ཙམ་ཡང་མེད། །ཟིན་པའི་ནད་དང་ཆགས་པའི་སྡུག་བསྔལ་ཡེ་ནས་ཞི། །དངོས་པོ་མེད་ལ་ཞེ…

སྣང་བ་ཞུགས་པའི་སྒོ་ཙམ་དུ། །དེ་ཉིད་རྟོགས་པ་མཁའ་ལྟར་ཤེས་པར་གྱིས། །འགྲོ་བ་རིགས་དྲུག་འཁྲུལ་པར་སྣང་བ་ཡང་། །དང་པོའི་ལས་ཅན་དག་ཏུ་ཤེས་པར་བྱ། །འདོད་ཡོན་ལྔ་སྤྱོད་གཞན་ལ་ཐུགས་རྗེས་བརླན། །དེས་ན་གང་ལྟར་སྤྱོད་ཀྱང་བྱང་ཆུབ་སྤྱོད་པ་ཡིན། །ཤན་པ་སྨད་འཚོང་མཚམས་མེད་བྱེད་པ་དེ། །འཇིག་རྟེན་ཁ་ན་མ་ཐོ་སྤངས་པ་ཡིན། །དེ་ཉིད་ཡོངས་ས…

ནས་དག་པའི་བདུད་རྩི་ཡིན། །དབང་པོ་དྲུག་སྡུད་རྣམ་ཤེས་དྲུག་ལ་མཆོད། །དབང་པོ་རྣམ་ཤེས་བཅུ་གཉིས་ཁྱད་པར་དུ། །ལྷག་པའི་ཏིང་འཛིན་དག་གི་བསམ་པ་ཡིས། །བྱིན་གྱིས་བརླབས་ཤིང་ཤེས་པས་གཟུང་དུ་མེད། །ཅེས་བསྟན། དཀའ་སླ་མཚོན་དུ་མེད་པར་ངེས་པ་ནི། །བྱང་ཆུབ་སེམས་ལ་རྒྱུ་རྐྱེན་མི་དགོས་སླ། །མཚོན་དུ་མེད་པས་རྟོགས་པ་ཤིན་ཏུ་དཀའ། །རྒྱུ་ལ…

སེམས་སྨན་གྱིས་སློབ་དཔོན་སྨན་པ་ཚོལ། །རང་སེམས་སངས་རྒྱས་མ་རྟོགས་གཞན་དུ་ཚོལ། །ཞེས་བསྟན། ཡེ་ཤེས་མ་ངེས་བསྟན་པ་ནི། །ད་ལྟར་བདེ་བ་མདུན་གྱི་ཡེ་ཤེས་བལྟ། །ཕྱི་མ་བདེ་བ་རྒྱབ་ནས་ཡེ་ཤེས་འདོད། །སྣང་བ་མངོན་སུམ་དག་གི་ཡེ་ཤེས་དང་། །རྒྱབ་ནས་འབྱུང་བའི་ཡེ་ཤེས་གྲངས་བྱུང་བས། །དེ་ཡང་ཡེ་ཤེས་རྣམ་པའི་སྐྱོན་ཡིན་པས། །རང་བྱུང་ཡེ་ཤེ…

བརྒྱད་ཁྲི་བཞི་སྟོང་གསུངས་པ་དང་། །དབྱེ་བསྡུ་རྒྱུ་འབྲས་གཉེན་པོ་ལ། །དགོངས་ཏེ་སྡེ་སྣོད་གསུམ་གསུངས་པ། །སྤྲུལ་པ་གསུང་གི་རང་བཞིན་ནོ། །སྤྲུལ་པ་ཐུགས་ཀྱི་རང་བཞིན་ནི། །ཆོས་ཉིད་སྟོང་པ་བདེན་གཉིས་ཀྱི། །རྟོག་པ་ཀུན་ཏུ་འོད་ཀྱི་ས། །མི་དམིགས་ཡེ་ཤེས་མངོན་པ་ཐུགས། །སྤྲུལ་པ་ཐུགས་ཀྱི་རང་བཞིན་ནོ། །ལོངས་སྤྱོད་རྫོགས་སྐུའི་རང་…

ཆོས་ཉིད་ནི། །རྒྱུར་ཡང་དག་ལ་འབྲས་བུར་དག །རྒྱུ་འབྲས་དག་པའི་ཆོས་ཉིད་ནི། །དབྱིངས་དང་ཡེ་ཤེས་ཡིན་པའི་ཕྱིར། །ཨ་ཏི་ཡོ་ག་བཀོད་པ་ཡིན། །སེམས་ལས་བྱུང་བའི་ཆོས་ཉིད་ནི། །ཕུང་པོ་ཁམས་དང་སྐྱེ་མཆེད་དེ། །ཡེ་ནས་རང་རྒྱུད་དག་པ་སྟེ། །བདག་ཉིད་ཆེན་པོ་ཡིན་པའི་ཕྱིར། །མ་ཧཱ་ཡོ་གར་བཀོད་པ་ཡིན། །སེམས་ལས་བྱུང་བའི་ཆོས་ཉིད་ནི། །ནང་རྫས…

དགྲ་ལྔ་འཇོམས་པར་འབྱུང་བའི་ཕྱིར། །སེམས་ཉིད་ཉན་ཐོས་རང་རྒྱལ་བཤད། །དེས་ན་སེམས་ཉིད་རྫོགས་ཆེན་འདིས། །ཐེག་པ་དགུ་ནི་ཡས་ཕུབ་སྟེ། །རྫོགས་པས་རྫོགས་པ་ཆེན་པོར་བཤད། །ཅེས་སེམས་ཀྱི་མདོ་འགྲེལ་ཆེན་པོ་བཅུ་ལས། ཐེག་པ་ཡས་འབུབས་ཀྱི་མདོ་སྡེ་དགུ་པའོ།། །།དེ་ནས་འདུས་པའི་ཚོགས་རྣམས་ལ། །སེམས་དཔའ་ཆེན་པོ་རྡོ་རྗེ་དེས། །ཐེག་པ་ཡས་འབུ…