སྟོང་ཆེན་པོ་འཇིག་རྟེན་གྱི་ཁམས་མཐའ་ཡས་མུ་མེད་པ་ཐམས་ཅད་དོན་གཅིག་སྟེ། སྐུ་གསུང་ཐུགས་ལས་མ་གཏོགས་པའི་ཆོས་རྡུལ་ཙམ་ཡང་མེད་ལ་ཆོས་ཐམས་ཅད་ཀྱི་དོན་དབྱེར་མེད་པར་ཐུགས་སུ་ཆུད་པ་ནི་ཀུན་ཏུ་ཆུབ་པའོ། །སེམས་ནི་ཆོས་ཐམས་ཅད་སྐུ་གསུང་ཐུགས་སུ་དབྱེར་མེད་པའི་དོན་ལས་གཡོ་བ་མེད་པར་གསལ་བའི་ཏིང་ངེ་འཛིན་ཏོ། །ཆོས་ཆེན་པོ་རྨད་དུ་བྱུང…

གཤེགས་པའི་ཐུགས་རྗེའི་བདག་ཉིད་དུ་གྱུར་པས་གསང་བ་མཆོག་གི་དགེས་པ་ན་ཐམས་ཅད་གཅིག་ཏུ་བཞུགས་པས། ས་དང་སའི་རིམ་པར་བྱེད་པའི་དགོངས་པ་མི་མངའ་བས་གཏི་མུག་དང་། སྐུ་གསུང་ཐུགས་ཀྱི་ངོ་བོ་ཉིད་གཅིག་སྟེ། དབྱེར་མེད་དུ་ཐུགས་སུ་ཆུད་དེ། མཉམ་པ་ཉིད་ཀྱི་སྐུར་བཞུགས་ཤིང་མཉམ་པའི་དོན་ལ་དགོངས་པས་གཏི་མུག་པ་དང་། དེ་བཞིན་གཤེགས་པ་ཐམས་ཅད…

ཅད་ངོ་བོ་ཉིད་གཅིག་པ་ལས་ཐ་དད་པར་རྟོགས་པ་ལས་ཕྲག་དོག་པ་དང་། འདོད་ཆགས་ཞེ་སྡང་གཏི་མུག་རྣམས་ཡེ་ནས་བྱང་ཆུབ་ཀྱི་སྐུ་གསུང་ཐུགས་དབྱེར་མེད་པ་ལས་མཚན་ཉིད་སོ་སོར་འཛིན་པ་ལ་ཕྲག་དོག་པ་དང་། ཡང་དག་པའི་དོན་མ་ནོར་བ་གཏན་ལ་ཕབ་པ་ལ། ཕྱིན་ཅི་ལོག་ཏུ་རྟོགས་པ་དེ་ལ་ཕྲག་དོག་པ་དང་། ཆོས་ཐམས་ཅད་བདེ་བར་གཤེགས་པ་ཡིན་པ་ལས་དེ་ལྟར་མ་རྟོགས…

དཔའ་ཆེན་པོ་ཐམས་ཅད་ཁྱོད་ཉིད་ལས་བྱུང་བའོ། །སེམས་དཔའ་ཆེན་པོ་འདི་ནི་སངས་རྒྱས་ཐམས་ཅད་ཀྱི་གསང་བ་རྨད་དུ་བྱུང་བའོ། །སེམས་དཔའ་ཆེན་པོ་ཉོན་ཅིག་ཐམས་ཅད་མཁྱེན་པའི་ཡེ་ཤེས་ཀྱིས་ཐམས་ཅད་མཛད་དོ། །ཆགས་པ་དང་བྲལ་བའི་ལུས་ལས་འདས་པ་ནི་ཁྱོད་དོ། །ངའི་བྱང་ཆུབ་ཀྱི་སེམས་ཕྲ་ཞིང་ཟག་པ་མེད་པ། ས་བོན་དང་བྲལ་བ། རྡུལ་མེད་པ། རྡུལ་དང་བྲལ་…

སྐུ་དང་འོད་ལས་བྱུང་བ་ཡིན་གྱི། ནམ་མཁའ་དང་ཁ་དོག་ཀྱང་ཆེན་པོ་བཞི་ལས་བྱུང་བ་ནི་མ་ཡིན་ནོ། །སྐུ་མདོག་དཀར་ན་ནམ་མཁའ་ཡང་དཀར། སྐུ་མདོག་ཇི་ལྟ་བ་བཞིན་དུ་ནམ་མཁའི་མདོག་ཀྱང་དེ་དང་འདྲ་བ་དང་ཆེན་པོ་བཞི་ལས་བྱུང་བའི་སྐྱེ་བ་རྣམས་ཀྱི་ཁ་དོག་ཀྱང་དེ་དང་འདྲའོ། །དེ་བཞིན་གཤེགས་པའི་སྐུ་ནི་ཆེན་པོ་ལྔ་ལས་བསྟན་ཞིང་། འབྱུང་བ་ཆེན་པོ་བ…

ཀྱིས་རྟོགས་པར་དཀའ་བའི་ཕྱིར་གསང་བ་མཆོག་གི་དམ་པའོ། །ཆོས་ཆེན་པོ་རྨད་དུ་བྱུང་བ་ལས། གསང་བ་དམ་པ་བསྟན་པའི་ལེའུ་སྟེ་དགུ་པའོ།། །།སེམས་དཔའ་ཆེན་པོ། རྡོ་རྗེ་སེམས་དཔའི་ཐུགས་གསང་བའི་རྒྱུད་ནི། སྐུ་གསུང་ཐུགས་སུ་མ་འདུས་པ་གཅིག་ཀྱང་མེད་དོ། །བདེ་བར་གཤེགས་པའི་སྐུ་གསུང་ཐུགས་ཉིད་དུ་གྱུར་པས་གསང་བའོ། །དེ་བཞིན་གཤེགས་པ་ཉིད་ལ་…

རྒྱས་སུ་མ་གྱུར་པ་གཅིག་ཀྱང་མེད་དོ། །དེ་བཞིན་གཤེགས་པའི་སྐུ་ནི་ཕྱི་དང་ནང་དང་ལུས་ངག་ཏུ་ཡང་སྣང་ལ། ཀུན་ཏུ་ཡང་ཁྱབ་པར་སྣང་བས། ཀུན་ལ་ཡང་སྣང་ངོ་། །ཀུན་ཏུ་སྣང་བར་མཛད་དོ། །ཡང་ཇི་སྐད་གསུངས་ཤེ་ན། ངའི་སྐུ་རྣམ་པར་དག་པ་ནི་ཅིར་ཡང་སྤྲུལ་ཅིང་ཅིར་ཡང་འགྱུར་ཞིང་ཀུན་ཏུ་འགྱུར་བ་ཉིད་ཡིན་ཏེ། སྐུ་ལྔ་ལས་གྱུར་པའི་ཆོས་ཉིད་ལ། ང་རོ…

དག་ཐམས་ཅད་ནི། སངས་རྒྱས་ཀྱི་ས་རྫོགས་པ་ཆེན་པོ་ཉིད་དོ། །སངས་རྒྱས་ཉིད་དོ། །བྱང་ཆུབ་ཆེན་པོར་རྫོགས་པ་ཉིད་དོ། །སངས་རྒྱས་ཀྱི་ཞིང་བདེ་བ་ཆེན་པོ་ཉིད་དོ། །བྱང་ཆུབ་ཀྱི་ས་ཉིད་དོ། །བྱང་ཆུབ་ཀྱི་སེམས་རྨད་དུ་བྱུང་བ་ཐམས་ཅད་ཀྱི་ངོ་བོ་ཉིད་ཡིན་ནོ། །སྐུ་རྨད་དུ་བྱུང་བ་ཉིད་དོ། །གསུང་རྨད་དུ་བྱུང་བ་ཉིད་ཡིན་ནོ། །ཐུགས་རྨད་དུ་བྱ…

བའི་མིང་ཡང་མེད་དོ། །སྐུ་སྣང་བ་ལས་མ་གཏོགས་པ་སེམས་ཅན་གྱི་རང་བཞིན་དང་། ཆེན་པོ་ལྔ་ཡེ་ནས་མེད་དོ། །སངས་རྒྱས་ཀྱི་བདེ་བ་ཆེན་པོ་ལས་མ་གཏོགས་པར་སེམས་ཅན་དང་སྡུག་བསྔལ་མིང་ཡང་མེད་དོ། །སངས་རྒྱས་ཀྱི་ངེས་པའི་ས་ཆེན་པོ་རྫོགས་པ་གཅིག་པུ་ལས་མ་གཏོགས་པར། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་སེམས་ཅན་གྱི་ཡུལ་དང་གན…

དཔའ་ཆེན་པོ། སྟོང་གསུམ་གྱི་སྟོང་ཆེན་པོ་འཇིག་རྟེན་གྱི་ཁམས་འདི་དག་ཐམས་ཅད་དེ་བཞིན་གཤེགས་པ་རྣམས་ཀྱི་ཐུགས་ལས་བྱུང་ཞིང་། ཐུགས་ཉིད་ལས་མ་གྱུར་པ་མེད་དོ། །དེ་བཞིན་གཤེགས་པ་རྣམས་ཟད་པའི་མཐའ་མེད་པས། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་ཡས་མུ་མེད་པ་ཡང་ཟད་ཅིང་མེད་པའི་དུས་མེད་དོ། །སྟོང་གསུམ་གྱི་སྟོང་ཆེན་…

པས་ལོངས་སྤྱོད་རྫོགས་པའི་སྐུ། བྱ་རྩོལ་མེད་པས་སྙིང་པོ་བྱང་ཆུབ་སྐུའོ། །ཆོས་ཆེན་པོ་རྨད་དུ་བྱུང་བ་ལས། སྐུ་གསུང་ཐུགས་བསྟན་པའི་ལེའུ་སྟེ་བཅུ་པའོ།། །། སེམས་དཔའ་ཆེན་པོ། འདོད་ཆགས་དང་ནི་ཞེ་སྡང་དང་། །གཏི་མུག་ང་རྒྱལ་ཕྲག་དོག་ནི། །རྡོ་རྗེ་ཐེག་པ་ཆེན་པོ་ཉིད། །སྙིང་རྗེ་མེད་པར་གསོད་པ་དང་། །འཇིགས་པ་མེད་པར་སྦྱོར་བ་དང་། །…

ཆོས་ཆེན་པོ་རྨད་དུ་བྱུང་བ་ལས། རྨད་དུ་བྱུང་བ་བསྟན་པའི་ལེའུ་སྟེ་བཅུ་གཅིག་པའོ།། །།བདག་ལས་བྱུང་བའི་ཁུ་བ་ཡིས། །བདག་གི་ལུས་ལ་རབ་བརྒྱན་ནས། །སངས་རྒྱས་མཐོང་བས་ཡིད་དུ་འོང་། །འཇིག་རྟེན་ཁམས་རྣམས་དབང་གྱུར་པ། །ང་ཡི་ལུས་ཉིད་སྔགས་ཀྱི་ལྷ། །རྟག་པར་མཆོད་ན་སངས་རྒྱས་འགྲུབ། །གང་གིས་མཆོད་པས་དངོས་གྲུབ་ཐོབ། །ངག་དང་ཡིད་ཀྱང་ཕྱ…

སེམས་དཔའ་དེ་བཞིན་རིག་པར་གྱིས། དེ་ནས་རྡོ་རྗེ་སེམས་དཔའ་མཚན་ཆེན་པོའི་ཏིང་ངེ་འཛིན་ལ་བཞུགས་ནས་འདི་སྐད་ཅེས་གསོལ་ཏོ། །སངས་རྒྱས་ཀུན་གྱི་བྱང་ཆུབ་སེམས། །སངས་རྒྱས་ཀུན་གྱི་ཐུགས་ལ་གནས། །རྡོ་རྗེ་སེམས་དཔའི་ཤེས་རབ་ཀྱི། །ཡེ་ཤེས་ཕ་རོལ་ཕྱིན་པའི་གནས། །དུས་གསུམ་གཅིག་སྟེ་རྟག་པར་བཞུགས། །ཞེས་གསོལ་ཏོ། །སེམས་དཔའ་ཆེན་པོ་དེ་བཞ…

མེད་པས་སྐུ་གསུང་ཐུགས་ལྷུན་གྱིས་རྫོགས་པར་གཏན་ལ་ཕབ་པའོ། །དེའི་ཕྱིར་རྡོ་རྗེའི་ཆོས་སོ། །རྡོ་རྗེའི་ཐེག་པའོ། །ལུང་འདི་བསྒོམ་པ་ལས་ཤེས་པར་བྱའོ། །བསྒོམ་པ་ནི་ལྷ་དང་བདག་ཏུ་དོན་གཅིག་པས་གཉིས་སུ་མེད་པ་ལ་བྱའོ། །ཤེས་པར་བྱ་བ་ནི་ཆོས་ཐམས་ཅད་ཀྱི་དོན་མ་ནོར་བར་ཤེས་པ་དང་། བདག་ཉིད་ཀྱི་རང་བཞིན་ཤེས་པར་བྱ་བ་དང་། བལྟ་བ་མ་ནོར་བ…

ནི། །མཆོད་པའི་ལྷ་མོ་བརྒྱད་དང་། དངོས་གྲུབ་ཀྱི་རྫས་བརྒྱད་དོ། །སེམས་དཔའ་ཆེན་པོ་སྒོ་ལྔ་སྟེ། ཤེས་རབ་ཟབ་མོའི་སྒོ་དང་། གསང་རྒྱུད་མཐར་མི་འགེག་པའི་སྒོ་དང་། ཆོས་ཀྱི་འཁོར་ལོ་མཐར་བསྐོར་བའི་སྒོ་དང་།སྐུ་གསུང་ཐུགས་ཉིད་དུ་གྱུར་པའི་སྒོ་དང་། འབྲས་བུ་ཡོད་པའི་སྒོའོ། །སེམས་དཔའ་ཆེན་པོ་སྒོ་ལྔའི་རྣམ་པར་ཤེས་པ་ལ། ཡིད་ཀྱི་དཀྱ…

བསད་པ་འབའ་ཞིག་ལས་སུ་རུང་། །མཆོད་པ་ཆེན་པོ་བདེ་བ་ཆེ། །འདོད་ཆགས་ཆེན་པོ་དགའ་བའི་མཆོག །མཆོད་པ་ཆེན་པོ་ཞེ་སྡང་ཆེ། །ཞེ་སྡང་ཆེན་པོ་རྫོགས་སངས་རྒྱས། །མཆོད་པ་ཆེན་པོ་གཏི་མུག་ཆེ། །གཏི་མུག་བློ་སྟེ་གཏི་མུག་སེལ། །ཕྲག་དོག་ཆེན་པོ་མཆོད་པ་ཆེ། །ཕྲག་དོག་ཆེན་པོ་དགའ་བས་དགའ། །མཆོད་པ་ཆེན་པོ་ང་རྒྱལ་ཆེ། །ང་རྒྱལ་ཆེན་པོ་རྒྱལ་བས་ར…

པའི་ལམ་ལ་གནས། །མ་སྐྱེས་པ་ཡི་སེམས་ཉིད་ལ། །སེམས་ཅན་སྐྱེ་བའི་རྒྱུ་མི་གནས། །མ་རིག་མེད་པས་འཁོར་བ་མེད། །མྱ་ངན་མི་འདའ་རྟག་པར་བཞུགས། །མྱ་ངན་འདས་པའི་ལམ་ཡང་མེད། །སྲིད་པའི་ཆོས་ལ་རང་བཞིན་མེད། །ལུས་དང་ངག་ཡིད་དག་པ་ལ། །ཆོས་རྣམས་རང་བཞིན་གནས་པར་ཟད། །སེམས་ཅན་མེད་པས་སངས་རྒྱས་མེད། །སངས་རྒྱས་ལམ་ལ་མི་གནས་ཏེ། །འཁོར་བའི་སྐ…

འབྱོར་རང་རིག་ཆེན་པོ་ཡིས། །གསང་བའི་དོན་རྣམས་གཅིག་བསྒོམས་པས། །ཡེ་ཤེས་རང་བྱུང་བྱང་ཆུབ་སེམས། །སངས་རྒྱས་ཐམས་ཅད་བདག་གིས་བྱས། །ཡེ་ཤེས་ལྷ་རྣམས་རང་ལས་བྱུང་། །འདི་ནི་རྨད་དུ་བྱུང་བའི་སྐུ། །གསང་བའི་དཀྱིལ་འཁོར་དམ་པ་ཡིན། །འཛབ་དང་བསྙེན་པ་འབུལ་མི་དགོས། །བྱང་ཆུབ་སེམས་ཀྱང་བསྐྱེད་དུ་མེད། །ལྷ་ཡང་གཞན་ནས་འབོད་མི་དགོས། །མ…

འབར་བ་ཡི། །བཞད་ཅིང་རྨད་དུ་མཛད་པ་ཡིས། །དགའ་མགུ་རང་བ་རྣམས་སུ་འགྱུར། །པདྨ་བཞད་པས་ཆོས་ཀུན་གྱིས། །རྟོགས་མཛད་སངས་རྒྱས་ཐམས་ཅད་ཀྱང་། །བྱང་ཆུབ་སེམས་འདིས་མཉེས་གྱུར་ནས། །སྐད་ཅིག་ཉིད་ལ་དོན་རྟོགས་ཏེ། །སྙིང་པོ་བྱང་ཆུབ་ཉིད་དུ་འགྱུར། །རྡོ་རྗེའི་གདན་ལ་ཡང་སངས་རྒྱས། །ལམ་འདི་རྫོགས་པའི་བྱང་ཆུབ་སེམས། །ཚེ་འདི་ཉིད་ལ་བདེ་བ་…

བདག་གི་ལྷར་ནི་བདག་གི་བྱ། །འདི་ནི་སངས་རྒྱས་ཀུན་གྱི་དཔལ། །སངས་རྒྱས་རྣམས་ཀྱི་ཡེ་ཤེས་ཏེ། །ཤེས་རབ་མ་ལུས་ཕུན་སུམ་ཚོགས། །འདི་འདྲའི་དཀྱིལ་འཁོར་བླ་ན་མེད། །སངས་རྒྱས་དེ་བཞིན་གཤེགས་པས་གསུངས། །ཐེག་པ་གསུམ་གྱི་ངེས་འབྱུང་ལ། །ཐེག་པ་གཅིག་གི་འབྲས་བུར་གནས། །ཆོས་ཆེན་པོ་རྨད་དུ་བྱུང་བ་ལས། བྱང་ཆུབ་སེམས་རྨད་དུ་བྱུང་བའི་ལེའུ…