མིན། །ཡེ་ཤེས་ཆུ་རྒྱུན་བཟླས་པའི་རྒྱུན་མི་བཅད་བཅད་པ་སྤང་། །བཀའ་རྟགས་ཕྱག་དབང་རྟགས་དང་བརྡར་མ་བརྗེད་པར་བྱ་རྒྱ་མི་འཕྱི་ཞིང་། །རྡོ་རྗེ་ཕ་ལམ་མཁར་མི་སྐྱེ་བོ་མཐུ་བྱེད་པ་མི་བཟློག་ལྡོག །གཙུག་གི་ནོར་བུ་སློབ་དཔོན་ལ་མི་སྨད་དམའ་མ་དབབ། །འདི་དག་བསྲུང་བར་བྱ་བ་སྟེ། །ལྷག་པར་གཅེས་པའི་དམ་ཚིག་ཡིན། །ཞེས་སོ། །གཉིས་པ་ལ། དབྱེ་…

ཏེ། བདེ་འདུས་ཞི་རྒྱུད་ལས། རྒྱུད་འགྲོལ་དབང་བསྐུར་དེ་ཉིད་བསྟན། །ཞེས་སོ། །བཀུར་ལུགས་ནི། གསལ་བཀྲ་ལས། ཡུལ་ལ་དབང་བའི་རྒྱལ་པོ་དང་། །ཁུ་བོ་ཕ་དང་མ་དང་མིག །སྙིང་བས་ལྷག་པའི་ཚུལ་བལྟས་ཏེ། །ཞེས་པའི་བཀུར་ཚུལ་གྱི་དཔེ་སློབ་དཔོན་དྲུག་ལ་རིམ་བཞིན་སྦྱར་ལ། ཁྱད་པར་དུ་ལྷག་པའི་ཡུལ་གསུམ་ནི། སངས་རྒྱས་ལས་ལྷག་པའམ། མཉམ་པའམ། དཀོན…

བཞིན། །སངས་རྒྱས་ཆོས་ཞུགས་རིང་བ་དང་། །བལྟ་སྤྱོད་མཐུན་པ་ཉེ་བར་བཤད། །ཕ་གཅིག་དམ་ཚིག་ནང་འདྲེས་པ། །ཞེས་སོ། །དེ་དག་ལ་བྱམས་པ་བྱ་ལུགས་ནི། སྙིང་པོ་བྱང་ཆུབ་ཀྱི་བར་དུ་མི་འབྲལ་བར་བྱ་བའི་བསམ་པས་རྟག་པར་བརྩེ་ཞིང་གདུང་བར་བྱ་བ་སྟེ། རྔམ་གློག་ལས། རྡོ་རྗེ་སྤུན་ལ་གདུང་སེམས་ཀྱང་། །འདྲེས་དང་མ་འདྲེས་ཡོངས་ཀྱི་སྤུན། །ཡང་དག་ལམ…

གསུངས། །ཞེས་སོ། །དེ་ལྟར་ལྔ་པོ་དེ་ནི་ལམ་དང་འབྲས་བུའི་གཞིར་གྱུར་པས་ན་རྩ་བའི་དམ་ཚིག་ཅེས་བྱའོ། །དེ་དག་རྩ་བ་གསུམ་དུ་བསྡུ་ན། བླ་མ་དང་མཆེད་ལ་བསྲུང་བ་གཉིས་སྐུའི་དམ་ཚིག །སྔགས་རྒྱ་གསུང་གི་དམ་ཚིག །བྱང་སེམས་དང་གསང་བཅུ་ཐུགས་ཀྱི་དམ་ཚིག་གོ། །ཡང་གཉིས་སུ་བསྡུ་ན། བླ་མ་བཀུར་བ། མཆེད་ལ་བྱམས་པ། གསང་བ་མི་སྨྲ་བ་གསུམ་བསྲུང་…

མཉམ་པའི་ལྟ་བས་ཟིན་པ་ལ་ངེས་དོན་དུ་བསྟན་ནོ། །ཅིའི་ཕྱིར་མི་སྤོང་ཞེ་ན། ལོག་པའི་དུག་ལྔ་ཆོས་ཅན། སྤང་བྱ་མ་ཡིན་ཏེ། སྤང་བྱའི་རྫས་མ་གྲུབ་པའི་ཕྱིར་དང་། ཐབས་ལ་མཁས་པའི་ལམ་ཡིན་པའི་ཕྱིར་དང་། རང་བཞིན་ཆེན་པོ་ཡིན་པའི་ཕྱིར་རོ། །དང་པོ་ནི། ཆོས་ཐམས་ཅད་རང་རང་གི་ངོ་བོས་སྟོང་པའི་ཕྱིར་སྤང་མི་དགོས་ཏེ། སྨིག་རྒྱུ་ལ་ཆུ་རགས་མི་དག…

པ་ལྟར་ཐེག་པ་འོག་མ་བས་དུག་ལྔ་འཁོར་བའི་རྒྱུ་ཁོ་ནར་འཛིན་པའི་མངོན་ཞེན་བཟློག་པའི་ཕྱིར་རོ། །གཉིས་པ་བཀའ་ཟབ་མོ་ལ་གུས་པ་སྐྱེ་བའི་དགོས་པ་ཡོད་དེ།ཐེག་པ་འོག་མས་ཉོན་མོངས་པ་ལ་སྐྱོན་དུ་བལྟས་ཏེ་སྤང་འགེག་སྦྱོང་སྒྱུར་བྱེད་ལ། འདིར་སྤྱད་པས་གྲོལ་བ་ནི་ངོ་མཚར་རོ་སྙམ་དུ་བཀའ་ཟབ་མོ་ལ་ཡིད་ཆེས་ཀྱི་གུས་པ་སྐྱེ་བའོ། །གསུམ་པ་ཆོས་ཉི…

རིགས་ལྔ་ཡེ་ཤེས་ལྔའི་ངོ་བོ་ཡིན་པས་ཀྱང་མི་དོར་ཏེ། ཐལ་བ་ལས། བདུད་རྩི་བྱང་སེམས་རྡོ་རྗེའི་རིགས་མེ་ལོང་ཡེ་ཤེས། དེ་བཞིན་དུ་དྲི་ཆེན་པོ་དེ་བཞིན་གཤེགས་པའི་ཆོས་དབྱིངས། ཤ་རིན་ཆེན་མཉམ་ཉིད། རཀྟ་པདྨ་སོར་རྟོག །དྲི་ཆུ་ལས་རིགས་བྱ་གྲུབ་པོ། །ལྔ་ནི་རིགས་ལྔའི་དངོས། །དྲི་ཆེན་དྲི་ཆུ་བྱང་ཆུབ་སེམས། །ཞེས་སོ། །ནད་ལྔ་སེལ་བའི་ཕྱ…

དབྱེ་བ་ནི། དེ་ལས། བྱང་ཆུབ་སེམས་ནི་བླ་མེད་ལྷ། །ཞི་ཁྲོའི་ཡན་ལག་ལྷག་པའི་ལྷ་དགུ་ཉིད་དང་བཅུ། །བཅུ་སྟེ། བཅུ་ཚན་གཉིས་ལ་ཉི་ཤུ་བསམ་ལས་མི་འདའ་ཞིང་། །བྱམས་སྙིང་དགའ་བཏང་ཐུན་མོང་མཆོག་རྟོག་པ་ལྷ་རྒྱུད་ནས་གསུངས་པའི་གདུག་ཅན་རྗེས་སུ་འཛིན་པའི་བྱམས་པ་སོགས་གི་ཚད་མེད་བརྒྱད། །བདེན་གཉིས་དོན་ཀུན། བྱང་ཆུབ་རྣམ་པ་བཅུ། །བླ་མེད་…

ལ་བྱམས་པ་ལའང་སུམ་ཅུ་སྟེ། དེ་ལས། ལུས་ཀྱི་སྒོ་ནས་བསྣུན་དང་མ་བྱིན་བླང་མི་བྱ། །ཟླ་ཟེར་མ་ཡིན་མཆེད་ཀྱིས་མ་གནང་བའི་གཟུངས་མི་སྤྱད། །ལྟ་སྤྱོད་མཐོ་བའི་གོང་མི་གཅད། །དབང་ཐོབ་པ་དང་དམ་ཚིག་ཐོབ་པ་སྔ་བ་དང་རྫོགས་པ་གོང་དུ་བཀུར་དེ་བཞིན་ནོ། །ཀུན་ཏུ་ཡངས་བག་ཟོན་འཕྲིག་ཅན། །བཀུར་སྡིས་བྱ་བ་དང་མཆོད་པ་བྱེད་པ་དང་དགའ་བར་སྤྱོད། །…

དེ་དག་ཀྱང་ཕྲ་རྒྱས་ལས། མི་སྤང་ལྔ་ལ་བཅུ་གཉིས་ཏེ། །ཞིང་བཅུ་ཐབས་ཀྱིས་མཛད་པས་འཇོམས། །ཤེས་རབ་རང་བཞིན་མེད་པར་སྒྲོལ། །ཞེས་སོགས་གསུངས་སོ། །དང་དུ་བླང་བའི་དམ་ཚིག་བདུད་རྩི་ལྔ་རེ་རེ་ལའང་། མངོན་པ་ཕྱིའི་བཞི་དང་།སྦས་པ་ནང་གི་བཞི་སྟེ་རྩ་བ་བརྒྱད་བརྒྱད་དང་། དྭངས་སྙིགས་གཉིས་གཉིས་ཏེ་འགྲོ་བ་སྤྱིའི་དམ་རྫས་ལྔ་བཅུ་དང་། དེ་སྟ…

དམ་ཚིག་ཉམས་གྱུར་ན། །འབྲས་བུ་མེད་ཅིང་ངན་སོང་ལྟུང་། །ཞེས་སོ། །གསུམ་པ་ནི། རྩ་བ་ཉམས་པའི་ཕྱལ་བ་དག །ཅེས་སོགས་དང་། ཀུན་འདུས་ལས་ཀྱང་། ཇི་ལྟར་འོ་མ་རུལ་བ་དག །རུལ་བས་འོ་མ་ཀུན་རུལ་ལྟར། །རྣལ་འབྱོར་ཉམས་གྱུར་གཅིག་གིས་ནི། །རྣལ་འབྱོར་ཅན་ཀུན་མ་རུངས་བྱེད། །ཅེས་སོ། །དྲུག་པ་ཡོན་ཏན་ནི། རྒྱལ་བའི་རིག་པ་འཛིན་པ་དེ། །འཇིག་རྟེ…

ཡུལ་གཞན་དོན་ལ་དམིགས་པའི་བྱེད་པ་གང་ཞིག །ཚད་མེད་པ་བཞིའི་རྒྱུ་ལས་བྱུང་ཞིང་། ཤེས་རབ་ཆེན་པོས་ཟིན་པའི་ཐབས་མཁས་ཀྱི་ཕྲིན་ལས་ཏེ། ཐུགས་ཐིག་ལས། ཕྱི་རོལ་ཚད་མེད་ཉིད་ལས་བཞི། །ལྷག་པ་གཟུགས་བརྙན་བྱ་ཐབས་གཉིས། །མཆོད་རྟེན་སྒོ་དང་སྦྱིན་སྲེག་སྟེ། །ཞེས་སོ། །གསུམ་པ་སྒྲ་དོན་ནི། ཀརྨ་ཞེས་པའི་སྒྲས་ཕྲིན་ལས་ཏེ། སྒོ་གསུམ་གྱི་བྱ་བ…

པའི་རྩེ་དག་དང་། །ཆུ་གླིང་འཇམ་པའི་ས་ཕྱོགས་སུ། །དང་བར་བྱེད་པའི་ལས་རྣམས་བརྩམ། །ནགས་ཚལ་སྨན་ལྗོངས་མེ་ཏོག་ཚལ། །ལྷུན་སྟུག་རི་བོ་རྒྱས་པར་བཤད། །སུམ་མདོ་ཆུ་བོ་འདུས་པ་དང་། །གཞི་མདོ་ཁང་སྟོང་སྡུད་ཅེས་བྱ། །དུར་ཁྲོད་ངན་པའི་ས་ཕྱོགས་སུ། །ལྷག་པར་བརྩམས་ན་ངེས་པར་འགྲུབ། །ཅེས་དང་། འགྲེལ་ཆུང་ལས། ལྗོན་ཤིང་ཅན་དང་ལྕུག་ཕྲན་རྒ…

ཆེན་སྐེ་ཚེའི་མར། །སྲན་ཆན་ཁྲག་སྣ་ཚོགས་པ་དང་། །ཚེར་མ་བ་གླང་ཤ་ཡིས་གསོད། །འབྲས་བུའི་དོན་ཕྱིར་ཚོགས་པར་བྱ། །ཞེས་སོ། །གསུམ་པ་ཐབ་ཀྱི་རྣམ་པ་ལ། །དབྱིབས་དང་ཁ་དོག་མཚན་ལྡན་པར། །ཞེས་པས་དབྱིབས་ནི། ཞི་བ་ལ་ཐབ་ཟླུམ་པོའམ། ཡང་ན་འཁོར་ལོའི་དབྱིབས། དེ་བཞིན་དུ་རྒྱས་པ་ལ་གྲུ་བཞིའམ་རིན་པོ་ཆེའི། དབང་ལ་ཟླ་གམ་མམ་པདྨའི། དྲག་པོ་ལ་…

དང་སྐེད་པ་རྒྱ་མདུད་ཅན། གྲངས་རིམ་བཞིན་དྲུག་དང་། བཞི་དང་།ལྔ་དང་། གསུམ་སྟེ། གྲུབ་ན་ལས་བྱེད་ཀྱི་ཕུར་པ་ཉི་ཤུ་གཅིག་རེ་དང་བཅས་བཤམས་པའོ། །བརྒྱད་པ་ལྷ་ལ། ལས་སྦྱོར་དང་། སྦྱིན་སྲེག་གི་ལྷའོ། །དང་པོ་ནི། ཞི་ཁྲོ་གང་ལ་བརྟེན་ནས་བྱ་བ་དེའི་གཞུང་བཞིན་ནོ། །གཉིས་པ་ལ།རྩ་བར་སྦྱིན་དང་སྲེག་པའི་ལྷ་གཉིས་ཏེ། །ཞེས་པས། མེ་ལྷ་དང་། …

བསྲེག་རྫས་རྣམས་ཉི་ཟླའི་ག་འུར་འབྲུ་ལྔ་བཀོད་ལ་བཞུ་བཏུལ་གྱི་བདུད་རྩིར་དང་། ལས་གཏོར་རྣམས་འབྲུ་གསུམ་མམ་ལྔས་ལས་གང་ཡིན་འགྲུབ་པའི་ནུས་པ་ཅན་དུ་རློབ་པའོ། །གཉིས་པ་ལ། ལས་སྦྱོར་གྱི་ཕྲིན་ལས། ལིངྒ་དགུག་གཞུག་བྱ་བ། སྦྱིན་སྲེག་གི་ལས་རིམ་མོ། །དང་པོ་ནི། འགྲེལ་ཆུང་ལས། ཞི་དང་རྒྱས་ལ་ཞི་བའི་ཚོགས་ལས་ཏེ། །དབང་དྲག་གཉིས་ལ་ཁྲོས…

གྱིས་རློབ། དབབ་དྲངས། བསྡིམ་པ། ཀུན་བཟང་སོགས་ཕྱི་ནང་གིས་མཆོད། རྩ་སྔགས་ལ་ལས་ཀྱི་ཤམ་བུ་བཏགས་ཏེ་དགང་བླུག་དང་བསྲེག་རྫས་དབུལ། བསྟོད་ཅིང་འདོད་དོན་གསོལ་བའོ། །ཚུལ་དེས་ཐོག་མར་ཞི་བའི་ལྷ་ཚོགས་རྣམས་མཆོད་ནས། སླར་ཁྲོ་དཀྱིལ་དུ་གནས་བསྒྱུར་ཏེ་མཆོད་པར་བྱའོ། །བཅུ་གཅིག་པ་ལྷག་མའི་ལས་ནི། ཚོགས་ལྷག་དང་བསྲེག་རྫས་ལྷག་རྣམས་བསྡུ…

སྤྱོད་ཡུལ་རྫས་རྣམས་བསྡུས་ནས་སུ། །ལྷན་ནེ་ལྷང་ངེའི་འོད་དུ་ཞུ། །ཞེས་སོ། །གཉིས་པ་ནི། མི་རྟོག་པའི་ངང་ལས་རྟོག་ཚོགས་ལྷའི་ཕྱག་རྒྱར་འབར་བའི་མེས་སྤྱོད་ཡུལ་སྦྱོང་བ་སྟེ། སྔ་མའི་འཕྲོས་ལས། ཞི་གྱུར་དབྱིངས་ནས་ཕྱག་རྒྱ་འབར། །ཞེས་སོ། །གསུམ་པ་ནི། བཟའ་བཏུང་ལ་ལས་བཞིའི་བསྒྲུབ་བྱ་བསྡིམས་ནས་བདུད་རྩིར་བསྒྱུར་ཏེ། རང་ལུས་གཞལ་ཡ…

སོ། །ཡང་ན། གཡས་གཡོན་རོ་རྐྱང་གི་དགང་བླུགས་ཀྱིས་རླུང་དཀྱིལ་བསྐུལ་བས་ལྟེ་བའི་མེ་སྦར། དེས་ཐིག་ལེ་ཞུ་ནས་དྭངས་མ་རྩ་ལམ་དུ་ཆུད་པ་ནི་སྔར་ལྟར་སྦྱིན་སྲེག་སྟེ། ལམ་རིམ་ལས། རཾ་ཡཾ་གཡས་གཡོན་སྦྱིན་སྲེག་ལྡན། །ཞེས་སོ། །གཉིས་པ་ནི། ཡུམ་གྱི་མཁའ་ལས་བཞིའི་ཐབ་ཁུང་དུ་བདེ་བ་རྒྱས་པའི་ལས་ཀྱིས་བསྐྱེད་པ་དང་དབྱིངས་ནས་སྤྱན་དྲངས་པའི…

དང་། སྔགས་ཀྱི་རིང་ཐུང་དྲག་ཞན། དབྱངས་ཀྱི་འགྱུར་སྟངས། སྟོངས་ཀྱི་སེམས་རྣམས་དང་ལྡན་པའི་སྒོ་ནས། ཕྱི་སྣོད་ཀྱི་འཇིག་རྟེན་ལས་བཞིའི་དཀྱིལ་འཁོར་ཡིག་འབྲུ་བཞིའི་དབྱིབས་ཅན་འབྱམས་ཀླས་པར་བསྐྱེད་པ་སྟེ། ཨེ་ཡི་ཚོགས་ཀྱི་དཀྱིལ་འཁོར་མཆོག །ཞེས་པའི་སྐབས་སུ་ཐར་ལོ་འགྱུར་དུ། ཨེ་ཡིག་རྣམ་པའི་འཁོར་ལོ་དང་། །སྡེ་ཚན་དཀྱིལ་འཁོར་གྱི…