པར་བྱེད། །བརླ་གཉིས་དམ་པར་འཁྱུད་པ་ཡིས། །གསང་དབང་པདྨར་བཅུག་བསྐྱོད་པས། །ཕྱི་ནང་སེམས་དང་སེམས་བྱུང་རྣམས། །རང་བྱུང་བདེ་བར་ཞེན་པ་རྣམས། །ཐིག་ལེ་རྩ་སློར་བྱུང་བ་ལ། །བྱེད་པ་སྡོམ་པ་ཐབས་མཚོན་པས། །ཕྱི་ནང་ཡུལ་སེམས་མ་ལུས་པ། །ལྷན་ཅིག་སྐྱེས་པའི་རང་བཞིན་གསལ། །རྩ་ཡི་སྒྲ་བཞིན་མཐོང་མེད་པས། །མ་སྐྱེས་ཨ་ཡི་རང་བཞིན་ལ། །ཐབས་ཆ…

ཆེན་ལུས་ལ་རང་བཞིན་རྫོགས། །མེ་ལོང་བཞི་ལ་སྲོག་ཤིང་གསུམ། །བསྐྱོད་པ་རླུང་སེམས་སྦྱོར་བ་ཡིས། །གསལ་བ་ཡེ་ཤེས་རེ་དོགས་བྲལ། །མྱུར་དུ་འབྱུང་བར་ཐེ་ཚོམ་མེད། །ཐབས་ལྡན་རྐྱེན་གྱིས་གསལ་གྱུར་ན། །ལས་དང་ཉོན་མོངས་གསལ་བ་དང་། །ཇི་ལྟར་མེ་ལ་ཤིང་བསྣན་ལྟར། །ལྷག་པའི་ཡེ་ཤེས་གསལ་བར་འགྱུར། །ཐབས་ལམ་གསལ་བའི་མར་མེ་འདི། །རང་བྱུང་ལྷན་…

སྣང་བའི་ཞེན་པ་ལྡོག་པར་བྱེད། །གང་ལ་སྣང་བའི་ཞེན་པ་དག །མ་ལུས་བདེ་ཆེན་རང་རིག་སྟེ། །བསམ་བརྗོད་ཞེན་པ་ཀུན་ལས་འདས། །ཐོགས་མེད་ལྡན་པའི་གང་ཟག་ལ། །ཐོགས་མེད་འོད་གསལ་བྱང་ཆུབ་སེམས། །དབང་ཡུལ་ཐིག་ལེ་རྩར་ཕྲད་པས། །གཟུང་བ་མེད་ཅིང་གཏོང་བ་མེད། །རང་བྱུང་རིག་པ་བདེར་གནས་པས། །ཐམས་ཅད་མ་སྐྱེས་ངོ་བོ་ཉིད། །རྡོ་རྗེ་ཉི་ཟླའི་ཐིག་ལེ…

བའི་ཐབས་ཀྱིས་གང་སྦྱར་བ། །གཡོ་དང་མི་གཡོར་བཅས་པ་དང་། །མ་ལུས་བདེ་ཆེན་རང་བཞིན་ཏེ། །ཐམས་ཅད་མཉམ་པ་ཉིད་དུ་གནས། །ཕྱི་ནང་སྣོད་བཅུད་མ་ལུས་པ། །གསང་བའི་སྣོད་བཅུད་ཐིག་ལེ་ཡིས། །ཐབས་དང་ཉམས་ལ་བརྟན་གོམས་ན། །བདེ་ཆེན་སྐུ་གསུང་ཐུགས་སུ་གསལ། །ཡོན་ཏན་རྫོགས་པའི་རང་བཞིན་ལ། །བླ་མའི་སྟོབས་ཀྱིས་རང་རིག་པ། །བདེ་ཆེན་ཐིག་ལེ་མཉམ་སྦ…

བའི་སྒྱུ་འཕྲུལ་དམ་པ་འདི། །སངས་རྒྱས་ཀུན་གྱི་བཤད་པ་ཡིན། །དུས་གསུམ་གདུལ་བྱའི་ཁྱད་པར་རྣམས། །འདོད་དང་འཁྲིག་པ་ལ་མོས་པས། །རྡུལ་སྙེད་སངས་རྒྱས་ཐམས་ཅད་ཀུན། །ལྷ་མོར་སྣང་ནས་རོལ་པར་འགྱུར། །འདས་པའི་སངས་རྒྱས་རྡུལ་སྙེད་པ། །ཞིང་ཁམས་བྱེ་བ་རྡུལ་སྙེད་དུ། །ཞིང་དང་ལོངས་སྤྱོད་དགའ་བར་བཅས། །ཐབས་ཀྱིས་རོལ་པ་མཛད་པ་ཡིན། །གང་དུ་…

རྗེ་འཛིན་པ་ལ། །འདོད་འཛིན་ཞེན་པ་གྲོལ་བའི་ཐབས། །མན་ངག་དབང་གི་ཐབས་ཀྱིས་བསྟན། །ཐོག་མཐའ་མེད་པའི་བདེ་བ་ཆེ། །རང་བྱུང་ཐིག་ལེ་བསམ་མི་ཁྱབ། །ཆགས་བྲལ་ཆགས་ཆེན་འདུལ་བའི་ཕྱིར། །ཐབས་ཆེན་གྲོལ་བ་སྣ་ཚོགས་ཀྱིས། །འགྲོ་བ་ཐབས་ཀྱིས་གྲོལ་མཛད་ཕྱིར། །རྡོ་རྗེ་འཆང་བའི་འཁོར་ཚོགས་ལ། །འདས་པའི་རྒྱལ་བ་ཀུན་གྱིས་བཤད། །སྒྱུ་འཕྲུལ་རོལ་པ…

པར་གསལ། །མ་ལུས་རོལ་པ་བདེ་མཆོག་སྟེ། །རྒྱལ་བ་རྣལ་འབྱོར་ཆེན་པོ་རྣམས། །བདེ་བ་ཆེན་པོ་རོ་གཅིག་པ། །སངས་རྒྱས་ཀུན་གྱི་དགོངས་པ་ཉིད། །རང་བྱུང་སྒྱུ་འཕྲུལ་དྲ་བ་ལས། །ཉི་ཟླ་ཐབས་ཀྱིས་གང་མཚོན་པ། །ཞིང་ཁམས་ལུས་སུ་བཅས་པ་དག །ཟག་མེད་བདེ་བར་སྣང་བ་དག །ཐབས་དང་ཤེས་རབ་གཉིས་མེད་པ། །གང་ཡིན་ཐབས་ཀྱི་ས་བོན་རྣམས། །རྡུལ་སྙེད་གྲངས་ལས…

ཀྱིས་མངོན་པར་གྲོལ་བྱེད་པ། །ལྷག་པའི་ལྟ་བ་གསལ་བྱེད་ཅིང་། །སྤྱོད་པ་རྨད་བྱུང་མཐུ་ཡིས་ནི། །མ་ལུས་བྱིན་རླབས་བདེ་འབྱུང་ཞིང་། །ཡེ་ཤེས་ལྔ་ཡི་འཁོར་ལོ་བསྐོར། །མ་ལུས་བདེ་ཆེན་སྣང་བ་ལ། །མི་མཐུན་ཐ་དད་ཡོད་མ་ཡིན། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། འདས་པའི་རྒྱལ་བ་ཐབས་ཀྱི་གྲོལ་བའི་ལེའུ་སྟེ་ཉི་ཤུ་པའོ།། །།དེ་ནས་གཞན་ཡང་…

འཛེགས་གར་ལས་དབང་བསྒྱུར་བའི། །ཡེ་ཤེས་རང་བྱུང་ཐོགས་པ་མེད། །གསང་བའི་ཐབས་དང་ལོག་རྟོག་ཉིད། །ཉི་ཟླ་ཕྲད་པའི་བཟུང་བཟློག་གིས། །བར་ཆད་མེད་པའི་ལམ་ལས་བྱུང་། །གསང་བའི་ས་དང་སེམས་ཉིད་རྫོགས། །ལོག་རྟོག་འགྲོ་འོང་ཐིག་ལེར་བཅས། །གསང་བའི་གནས་ནས་གནས་སྤྱོད་པ། །རྩེ་ནས་རྩེ་རུ་ཐོགས་པ་མེད། །བཅུ་གསུམ་ས་ལ་ཐེ་ཚོམ་མེད། །ཕྱོགས་བཅུ་…

བདེ་ཆེན་སྟོང་པའི་ཐིག་ལེ་ལ། །མཁའ་ལྟར་དངོས་དང་དངོས་མེད་སྤངས། །འདི་ཉིད་སྒྱུ་འཕྲུལ་དྲ་བའོ། །སངས་རྒྱས་ཀུན་དང་དབྱེར་མེད་པའི། །ཐིག་ལེ་གསང་བའི་བདག་ཉིད་ནི། །ཐམས་ཅད་བདེ་ཆེན་དབྱེར་མེད་དེ། །ཐམས་ཅད་ཁྱབ་པའི་ཚུལ་དུ་སྣང་། །རང་བྱུང་ཐིག་ལེ་བདག་ཉིད་ནི། །ཕྱི་ནང་གསང་བའི་རང་བཞིན་གྱིས། །ཤེས་པ་གང་ལ་གོམས་པ་ཡིས། །ད་ལྟ་ཉིད་དུ…

ལེ་ཡེ་ཤེས་བཅས། །ལྔ་ལྟར་གསལ་ཞིང་གཅིག་ཏུ་ཐིམ། །བདེ་བས་བདེ་བ་གསལ་བྱེད་པ། །དཀའ་ཐུབ་འཇིག་རྟེན་ཆོས་དང་བྲལ། །གང་ཟག་ཆགས་དང་བྲལ་བ་ཡིས། །བདེ་ཆེན་རོལ་པའི་ཐབས་འཇུག་ཅིང་། །མན་ངག་ཐབས་ཀྱིས་བདེ་སྤྱད་ན། །ཐམས་ཅད་བདེ་ཆེན་བཞིན་དུ་སྦྱོར། །སངས་རྒྱས་ཀུན་གྱི་གསུང་མཆོག་སྟེ། །ལྷན་ཅིག་སྐྱེས་པའི་ཡེ་ཤེས་འདི། །སྒྲ་དང་ཚད་མ་ཀུན་སྤ…

པདྨའི་དཀྱིལ་འཁོར་དུ། །བདེ་ཆེན་རོལ་པ་འདི་གསུངས་ཏེ། །དེ་ལས་གཞན་དང་འདྲེལ་པ་ཡིས། །བསྐལ་པ་བྱེ་བར་ཤེས་མི་འགྱུར། །སྒྱུ་འཕྲུལ་ཐལ་བའི་རྒྱུད་ཆེན་པོ་ལས། ད་ལྟར་རྣལ་འབྱོར་ཐབས་ཀྱིས་གྲོལ་བའི་ལེའུ་སྟེ་ཉི་ཤུ་གཅིག་པའོ།། །།དེ་ནས་གཞན་ཡང་བཤད་བྱ་བ། །ཐབས་ཆེན་གསང་བའི་ཐེག་པ་སྟེ། །གསང་བ་བརྟུལ་ཞུགས་རོལ་པ་འདི། །ཀུན་གྱི་ཕྱི་མ་ར…

རྫོགས་པ། །ཐབས་ཆེན་གསང་བའི་ཐིག་ལེ་ནི། །རྟོགས་ཤིང་གོམས་པར་གྲོལ་འགྱུར་ཏེ། །གཞན་གྱིས་ནམ་ཡང་འགྲུབ་མ་ཡིན། །རང་བཞིན་རྟོགས་གོམས་བྱིན་རླབས་ཀྱིས། །དཔེར་ན་ཉི་འོད་རིན་ཆེན་བཞིན། །ལས་དང་བསོད་ནམས་རྐྱེན་དག་ལས། །ཆུ་དང་མེ་ལོང་གཟུགས་བརྙན་ལྟར། །དངོས་པོ་ཇི་ལྟར་གསལ་བ་ལྟར། །ཐབས་དང་མན་ངག་སྟོབས་ཀྱིས་འགྲུབ། །སྒྱུ་འཕྲུལ་ཆེན་པ…

རྒྱུད་ལས། །དབང་དང་མན་ངག་སྟོབས་ཀྱིས་བརྟག །ཚེ་འདི་ཉིད་ལ་འགྲུབ་པར་འགྱུར། །དཀའ་ཐུབ་གདུང་བ་ཀུན་བྲལ་ཞིང་། །ལོངས་སྤྱོད་ལྔ་ལྡན་ཆོ་ག་ཡིས། །འདུས་པ་མེད་པའི་སྤྱོད་པ་ཡིས། །འཇིགས་པ་མེད་པར་རྣམ་པར་གྲོལ། །ནམ་མཁའ་ལྟ་བུར་གང་རྟོགས་པས། །རྒྱལ་པོའི་སྤྱོད་པ་ལ་བརྟེན་ན། །བར་ཆད་མེད་པར་གསལ་གོམས་པས། །ཡིད་བཞིན་ནོར་བུ་ལྟ་བུར་འགྱུ…

ཏེ། །བདེ་བས་ཕོངས་པ་ཉིད་དུ་འགྱུར། །བསྐལ་པ་ཞིང་གི་རྡུལ་སྙེད་དུ། །སྦྱངས་དང་བསགས་པ་གང་ཡིན་པ། །སྐལ་ལྡན་འགའ་ཡི་སྤྱོད་ཡུལ་ཏེ། །བསྒྲུབ་བྱའི་འབྲས་བུ་སྙིང་པོ་ཉིད། །གསང་བ་ཆེན་པོ་ཐལ་བའི་རྒྱུད། །མ་ལུས་དག་པའི་འཇིག་རྟེན་དུ། །སྐད་ཅིག་བྱིན་རླབས་སྣང་མཛད་པ། །གསང་ཆེན་རྨད་བྱུང་ཐེག་པར་བཤད། །སྒྱུ་འཕྲུལ་ཐལ་བའི་རྒྱུད་ཆེན་པོ…

བ་ནི། །འདི་ནི་དབང་པོ་མཆོག་ཏུ་གསུངས། །བརྟེན་པའི་ཤེས་རབ་བཅས་པ་ཡི། །དམིགས་པར་བྱ་བའི་ཡུལ་ཉིད་དོ། །ཇི་སྙེད་ཆོས་རྣམས་བསམ་ཡས་པ། །ཐུན་མོང་ཐུན་མོང་མ་ཡིན་པའི། །རྟེན་གྱི་བྱ་བ་ཐམས་ཅད་ཀྱང་། །དབང་པོ་ཡུལ་དུ་འདུས་པར་བཤད། །ཇི་སྙེད་ཆོས་རྣམས་རྡུལ་སྙེད་པ། །འཇིག་རྟེན་འཇིག་རྟེན་འདས་པ་ཡིས། །ནང་དང་ཕྱི་རུ་བསྟན་པ་ཀུན། །རང་རི…

མཚོན་པ་ལས། །ཚིག་དང་ཡི་གེའི་སྤྱོད་ཡུལ་མིན། །མ་ལུས་གསང་བའི་རང་བཞིན་ལ། །གསང་བ་ཐབས་ཀྱིས་གང་མཚོན་ན། །བག་ཆགས་བསལ་བའི་ཡེ་ཤེས་ཀྱིས། །ཐམས་ཅད་མཉམ་པ་ཉིད་དུ་གསལ། །ཐབས་ཆེན་རོལ་པ་མངོན་བསྟན་པའི། །གསང་བ་ཀུན་འདུས་ཐབས་ཀྱི་རྒྱུད། །སྐལ་ངན་དམན་ལ་སྦས་པ་སྟེ། །ཐབས་ཆེན་ལྡན་པས་ཤེས་པར་བྱ། །སྐྱེ་མེད་སྒྱུ་འཕྲུལ་དྲ་བ་ལས། །ཐབས་ཆེ…

ཞེན་གོམས་དབང་གིས་ན། །འཁོར་བའི་རང་བཞིན་བརྟགས་པར་གྱུར། །ཐམས་ཅད་གསང་བའི་རང་བཞིན་ལས། །རིག་པའི་ཁྱད་པར་ཅིར་སྣང་བ། །རང་རིག་ཡེ་ཤེས་དེ་བཞིན་ཉིད། །དངོས་མེད་དངོས་སྣང་དེ་བཞིན་ཉིད། །མ་མཐོང་ཐ་དད་དབང་དང་ལྡན། །རང་བཞིན་དོན་ལས་སྤངས་དོན་ཅི། །དགག་བསྒྲུབ་དོན་ལ་ངེས་བརྩོན་ནས། །གཉེན་པོའི་ཐབས་ཀྱིས་གང་སྦྱངས་པ། །རང་རིག་རང་ལ་བ…

དུ་ཐབས་དང་མི་ལྡན་པས། །ཐམས་ཅད་འཆིང་བའི་མདུད་པར་འགྱུར། །དེ་བཞིན་གཤེགས་པའི་གསང་ཆེན་འདི། །ཐབས་དང་མན་ངག་མི་ལྡན་པར། །དྲེགས་དང་ང་རྒྱལ་དབང་སོང་བས། །ཐམས་ཅད་འཁོར་བའི་རྒྱ་མཚོར་ལྟུང་། །གང་དུ་ཐབས་དང་མི་ལྡན་པས། །འདོད་ལྔ་ཆགས་པས་རོལ་སྤྱོད་ན། །ཐར་པའི་བདེ་བ་སྤངས་ནས་ནི། །འཁོར་བ་ལས་ནི་ཐར་མི་འགྱུར། །གང་དུ་དངོས་པོའི་རང་བ…

ལོང་གཟུགས་བཞིན་དུ། །མ་སྐྱེས་སྟོང་པའི་གྲོང་དུ་འཕོ། །སྐྱེ་བ་མེད་ཅིང་འགག་པ་མེད། །རྒྱུ་བ་མེད་ཅིང་ཟག་པ་མེད། །ཤ་ཁྲག་གཤང་གཅི་ཁུ་བ་མེད། །ནམ་མཁའ་ལྟ་བུར་གནས་པ་ཉིད། །གསང་བའི་དཀྱིལ་འཁོར་གནས་ཆེན་ལ། །རྒྱལ་བ་ཀུན་གྱི་གཞལ་ཡས་ཁང་། །ཏིལ་འབྲུ་ལྟ་བུའི་ཕོ་བྲང་སྟེ། །རྩ་གསུམ་འདུས་པའི་རྩེ་མོ་སྟེ། །བམ་དབྱིབས་གཉིས་མེད་ཕྲད་པ་ལ…