ཅད་དུ་ཁྱབ་པའི་བདག་ཉིད་ཆེན་པོས། དེ་བཞིན་གཤེགས་པ་ཐམས་ཅད་ཀྱི་སྙིང་པོ་ཆེན་པོ་ཟླ་གསང་ཐིག་ལེ་སྐུལ་བར་བྱེད་པ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། རང་གི་ཐུགས་ཀྱི་གསང་བའི་ཐིག་ལེ་འདི་ལས་ཤིན་ཏུ་དགྱེས་པ་ཆེན་པོའི་བདེ་བ་ཞེས་བྱ་བའི་འོད་ཟེར་གྱི་ཚོགས་ཕྱུང་སྟེ། དེ་བཞིན་གཤེགས་པ་ཐམས་ཅད་ཀྱི་གསང་བའི་སྙིང་པོ་ཟླ་གསང་…

ཅིང་། །རྡོ་རྗེ་རྣལ་འབྱོར་མ་དཀྱིལ་དུ། །སྐད་ཅིག་སྐད་ཅིག་བསྐུལ་བ་ཡི། །བཅོམ་ལྡན་རྡོ་རྗེ་གནས་པར་གྱུར། །བརྗིད་པའི་ཞབས་དང་རིན་ཆེན་དབུ། །དྲི་མེད་སྤྱི་བོས་གར་མཛད་ཅིང་། །ཞལ་གྱི་དཀྱིལ་འཁོར་རྣམ་བསྒྱུར་བས། །བདེ་བྱེད་ཆེན་པོ་མྱང་བར་མཛད། །དུར་ཁྲོད་ཡོན་ཏན་ཚོགས་དག་གིས། །པདྨའི་སྤྱན་གྱིས་གཟིགས་མཛད་ཅིང་། །བདེ་ཆེན་བདག་པོ…

གསུང་དང་ཐུགས་དང་ཤིན་ཏུ་དགྱེས་པ་ཆེན་པོ་གདོན་མི་ཟ་བར་རྣམ་པར་རྒྱལ་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ནས། དེ་བཞིན་གཤེགས་པ་ཐམས་ཅད་ཀྱི་མཆོག་ཏུ་གསང་བ་ཟླ་གསང་ཐིག་ལེ་ཞེས་བྱ་བའི་དཀྱིལ་འཁོར་གྱི་རྒྱལ་པོ་ཆེན་པོ་ཤིན་ཏུ་དགྱེས་པའི་བདེ་བ་ཆེན་པོ་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དཀྱིལ་འཁོར་ཉིད་ཀ…

མཆོག་དག་དང་། །དགྱེས་པ་ཆེན་པོ་རབ་འགྲུབ་ཕྱིར། །ང་ཡིས་དེ་ཉིད་གསུང་གིས་ནི། །དཀྱིལ་འཁོར་དེ་ཉིད་བསྟན་པ་ཡིན། །སངས་རྒྱས་བྱང་ཆུབ་བདེ་ཆེན་པོ། །གང་གིས་ཆུད་པས་རྫོགས་སངས་རྒྱས། །སེམས་ཅན་མཆོག་གི་རྟེན་བྱེད་ན། །དེ་ཉིད་སངས་རྒྱས་བྱང་ཆུབ་འགྲུབ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་ཡང་འདུས་ནས། བཅོམ་ལྡན་འདས…

བདེ་བ་ཆེན་པོ་ཞལ་འཛུམ་པ་དང་བཅས་པས་རྒྱས་པའི་སྤྱན་ཨུཏྤ་ལ་ཁ་ཕྱེ་བ་བཞིན་དུ་སྨིན་མ་དང་སྐུ་རྣམ་པར་འགྱུར་བ་གློག་དང་ཆུ་རླབས་བཞིན་དུ་འགྱུར་བའི་རྣམ་པར་གནོན་པས། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དེ་ཁོ་ན་ཉིད་འདི་གསུངས་སོ། །དཀྱིལ་འཁོར་དཀྱིལ་འཁོར་ཞེས་བྱ་བ། །རྡོ་རྗེ་ཡེ་ཤེས་ཐུགས་ལ་གནས། །དཀྱིལ་འཁོར་རྡོ་རྗེ་མཆོག་…

བསྟབས་ནས། གུས་པ་དང་བཅས་པས་པདྨའི་སོར་མོ་ཁོང་སྟོང་དུ་མཛད་དེ། གཡོན་དུ་འདུད་པའི་ཚུལ་གྱིས་འཛུམ་པ་དང་བཅས་པའི་སྤྱན་གདངས་ཏེ། ཡང་དེ་ཁོ་ན་ཉིད་སྐུལ་བར་བྱེད་པའི་དབྱངས་འདིས་བསྐུལ་བར་མཛད་དོ། ། སྔགས་སོར་བཞག ། ཧོ་པ་ཏ་སུ་ར་ཏ་སུ་ཁ་ཝ། ཧ་ཁྲ་པུ་ཀ་མད་ཏྭ་ཡ་སུའུ་ཀྱ་མ་ཡ། ས་མ་ཡ་ཏ་མ་ཏ་མ་ཧོ། སུ་ར་ཏ་སོའུ་ཀྱ་ས་སྟེ། ཤམ་ཙ་རིད་ཏྲཾ་…

གཤེགས་པའི་བདེ་མནོབས་བྱིང་བའི་གནས་ནས་བསླང་བའི་ཕྱིར། །གནོད་སྦྱིན་ཆ་ལུགས་སྐྱེ་འགག་མེད་པའི་ཚུལ་དང་རྣམ་པར་ལྡན། །སྙིང་རྗེ་ཆེན་པོའི་རྒྱུན་དང་བཅས་ནས་བདེ་བ་ཆེན་པོ་སྟོན་པའི་ཆོས་ཉིད་ནམ་མཁའ་བཞིན། །དགྱེས་པ་མཆོག་གི་ངང་ལས་སྤྲུལ་པའི་ལྷ་མོ་བསྐྱེད་པ་དང་། །རོལ་པས་འདུས་པའི་ཚོགས་ལ་བདེ་མཆོག་སྩོལ་བར་མཛོད། །ཧ་ཧ་ཧ་ཧོ་བདེ་ལ་…

གི་ཚོགས་ཆེན་པོ་དང་། ཐུགས་ལས་བྱུང་བ་དང་། མཚོན་དང་།དགའ་བ་དང་། སྒེག་མོ་ལ་སོགས་པའི་རྣལ་འབྱོར་མའི་དབང་ཕྱུག་ཆེན་མོའི་གཡོག་གི་ཚོགས་ཚད་མེད་པ་འདྲེན་པར་བྱེད་པ་དང་། འགུགས་པར་བྱེད་པ་དང་། འཇིབ་པར་བྱེད་པ་ལ་སོགས་པའི་རྡོ་རྗེ་ནམ་མཁའ་ལ་འགྲོ་བ་དང་།ནམ་མཁའ་ལ་འགྲོ་བ་ཆེན་མོའི་ཚོགས་དང་། གྲངས་མེད་པའི་རྡོ་རྗེ་འཕྲོག་པར་བྱེད་པ…

འདི་ནི་བསྟན་པ་ཡིན། །འདོད་ཆགས་མི་ཆགས་འདོད་ཆགས་མཉམ། །ཆུ་ཡི་པདྨ་དམར་བ་འདྲ། །རང་སེམས་འདོད་ཆགས་ཤིན་ཏུ་ཆགས། །འདི་ནི་དཀྱིལ་འཁོར་མཆོག་ཡིན་ནོ། །གཟུགས་དང་གཟུགས་མིན་དྲི་མེད་པས། །གང་ཁམས་ཀུན་ལ་འཇུག་འགྱུར་བ། །སེམས་ནི་ཆུ་དང་སྐུལ་བྱེད་པ། །དཀྱིལ་འཁོར་དཀྱིལ་འཁོར་ཞེས་བྱའོ། །དེ་ནས་དེ་བཞིན་གཤེགས་པ་རྣལ་འབྱོར་གྱི་དབང་ཕྱུག…

ཀུན་ཏུ་སྣང་ཞིང་མི་ཆགས་པར། །མི་ཆགས་པ་ཡི་བདེ་མཆོག་གིས། །བདེ་བའི་རྣལ་འབྱོར་གཟུགས་ཀྱི་རྣམ། །སྟོབས་ཤིང་བདེ་བ་སྦྱིན་མཛད་པས། །ཨ་ལ་ལ་ཧོ། བསམ་གྱིས་མི་ཁྱབ་ནམ་མཁའི་རང་བཞིན་ཏེ། །བཞེངས་ཤིང་གཞན་ལ་སྟོབས་མ་གྲུབ་པར་མཛོད། །ཆགས་པས་མི་གོས་དངོས་པོ་ཡི། །བདེ་བ་ཀུན་ལ་རེག་པར་མཛད་ཅིང་དགོངས་སུ་གསོལ། དེ་ནས་ཀུན་ཏུ་བཟང་པོ་ཤིན་ཏུ…

རྣལ་འབྱོར་མ་དབང་སྦྱིན། །དྲན་པས་བསོད་ནམས་ཐོབ་འགྱུར་ཏེ། །སྡིག་པ་རྣམས་ཀྱང་འཇིག་པར་བྱེད། །ཨཱ་ལི་གཉིས་དང་ལྡན་བྱས་ཏེ། །ཚེག་དྲག་ཡི་གེ་གཉིས་སུ་བཤད། །འདི་ནི་རབ་དགའ་ཀུན་ཏུ་ཆགས། །ཆུ་སྲིན་མ་ཞེས་བསྟན་པ་ཡིན། །དང་པོ་སྐལ་བ་ཆེན་པོ་ཡི། །ཚེག་དྲག་པོ་དང་བཅས་པ་གཞན། །སངས་རྒྱས་ཀུན་གྱི་ཨཱ་ལི་འདི། །སངས་རྒྱས་བྱང་ཆུབ་རབ་སྦྱིན་…

གསང་བ་ཆེན་པོ་བཤད་པ་ཤོད། །དགྱེས་པ་ཆེན་པོ་བཤད་པ་ཤོད། །ཁྱོད་ལས་འདོད་ཆགས་ཡང་དག་འབྱུང་། །ཁྱོད་ལས་ཞེ་སྡང་ཆེན་པོ་སྟེ། །ཁྱོད་ལས་སྡིག་བྱེད་སྡུག་བསྔལ་དང་། །ཁྱོད་ལས་ཁམས་གསུམ་ཐམས་ཅད་འབྱུང་། །ཁྱོད་ལས་སྐྱེས་པ་མ་ནིང་དང་། །ཁྱོད་ལས་འདོད་གཟིར་བུད་མེད་དང་། །ཁྱོད་ལས་འདོད་ལས་རྣམ་གྲོལ་དང་། །ཁྱོད་ལས་བྱང་ཆུབ་བླ་མེད་འབྱུང་།…

མནན་ཏེ། ཉིད་ཀྱི་ཐུགས་པདྨ་ཟླ་བའི་དཀྱིལ་འཁོར་ཡི་གེའི་ཐིག་ལེའི་དཀྱིལ་ནས་འོད་ཟེར་ཕྱུང་སྟེ་ཀུན་ཏུ་སྣང་བར་བྱིན་གྱིས་བརླབས་ནས། ཤིན་ཏུ་དགྱེས་པ་གདོན་མི་ཟ་བའི་རྡོ་རྗེ་ཞེས་བྱ་བའི་གསང་བའི་དཀྱིལ་འཁོར་ཆེན་པོ་འདི་ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་ཕྱུང་ངོ་། །དང་པོའི་ཡི་གེ་བཅུ་གསུམ་པ། །ཐིག་ལེར་བཅས་པ་བསམ་བྱས་ཏེ།…

པོའི་རྣམ་མཛད་པས། །གཞོམ་ཞིང་དེ་བཞིན་མྱང་བ་ཡི། །རྡོ་རྗེ་བློ་ཡིས་བདུད་ཀྱི་རྣམས། །རྣམ་པར་འགྱུར་བས་ཐམས་ཅད་བསྒྲལ། །བདེ་བ་ཆེན་པོ་གཏོང་བ་ཡིས། །སྐད་ཅིག་ཉིད་དུ་གསོ་བར་བྱ། །གྲུབ་པའི་རྡོ་རྗེ་འཛིན་པ་ཆེ། །དཔའ་བོ་ཆེན་པོས་དགུག་པར་བྱ། །རྣལ་འབྱོར་མ་རྣམས་ཅི་འདོད་པར། །རྣམ་གནོན་ཚུལ་གྱིས་གནོན་པར་བྱ། །དབང་པོ་ཉེ་དབང་དབང་ཆེ…

གེའི་ཕྱག་རྒྱ་ཕྱག་རྒྱ་ཆེ། །གཙོ་བོའི་སྤྱན་སྔར་གནས་པ་ཡི། །གསང་བའི་སྙིང་གི་པདྨ་ལ། །ཕྱག་རྒྱ་འདི་ཡིས་རྒྱས་བཏབ་པས། །དེ་ནི་དེ་མ་ཐག་ཉིད་དུ། །ཤིན་ཏུ་དགྱེས་པའི་མཉེས་པར་འགྱུར། །གཙོ་ཆེན་རྡོ་རྗེ་སེམས་དཔའ་ལ། །དེ་ཡི་བདེ་བས་མཉེས་བྱས་ཏེ། །དབང་པོ་ཡི་ནི་སྦྱོར་བ་ཡིས། །དེ་དང་རོལ་པས་མྱུར་དུ་འགྲུབ། །དེ་གཉིས་ཕན་ཚུན་དགྱེས་པ་…

སྐད་ཅིག་བསྟེན་པ་ཡིས། །བདག་གི་སྦྱོར་བས་འགྲུབ་པར་འགྱུར། །གཉིས་མེད་སྦྱོར་བ་འདི་ཡིས་ནི། །དེ་ནི་དངོས་གྲུབ་ཀུན་འགྱུར་ཏེ། །བདག་མེད་ང་རྒྱལ་མེད་འགྱུར་ཏེ། །སྣང་བ་མེད་ཅིང་ཡི་གེ་མེད། །ཤིན་ཏུ་དགྱེས་པ་ཆེན་པོའི་ཡིད་དང་རྗེས་སུ་མཐུན་པར་མཛད་མའི་ཡི་གེའི་ཕྱག་རྒྱའི་ཡེ་ཤེས་སོ། །ལྷ་མོ་རྡོ་རྗེ་ཀཱི་ལི་ནི། །དང་པོར་ཨོཾ་གྱིས་ར…

ངོ་བོར་འགྱུར། །དབང་པོ་གཉིས་ནི་རབ་སྦྱོར་བས། །ནུབ་གཅིག་བདུད་རྩི་དབྱུང་བྱས་ཏེ། །གཟུངས་མའི་ཕྱག་རྒྱ་ལ་བརྟེན་ནས། །རྨད་བྱུང་ཉིད་ནི་འཐོབ་ཅེས་བཤད། །མཚན་གྱི་མཐའ་དང་ཉིན་གྱི་མཐའ། །དང་པོར་གཉིས་ཀ་འདུས་བྱས་ན། །སྔགས་ཀྱི་དབྱིངས་ཕྱུག་གར་འགྲོ་བ། །དེ་དང་ལྷན་ཅིག་དངོས་གྲུབ་འགྲོ། །ཕྱེད་དམ་ཡང་ན་ནམ་ཕྱེད་ན། །རིག་མའི་དབྱིངས་ས…

བུད་མེད་ལ། །འདི་ནི་རྟག་ཏུ་མཉེས་པར་བྱ། །འདི་ཡིས་འགྲོ་བ་གསུམ་དག་ཏུ། །དངོས་གྲུབ་མྱུར་དུ་འཐོབ་པར་བྱེད། །པདྨ་ཁ་ཆེ་རྒྱས་པའི་སྤྱན། །སྔགས་མཁན་དེ་ནི་སྐད་ཅིག་འགྱུར། །གཙོ་བོ་ཡི་ནི་བདེ་མཆོག་གིས། །ཨཱ་ལི་ཀཱ་ལི་མཉམ་སྦྱོར་བྱ། །སྤྲོད་པའི་ཕྱག་རྒྱས་རྒྱས་བཏབ་སྟེ། །སྐད་ཅིག་སྐད་ཅིག་སྤྱད་པར་བྱ། །དུས་དག་ཏུ་ནི་རེག་པ་དང་། །ག…

ཇི་ཙམ་ནམ་མཁར་ཉེ་བར་ནི། །དཔའ་བོ་ཆེན་པོ་འཕུར་བྱེད་དེ། །རིག་མ་འབུམ་ཕྲག་བརྒྱ་ཚོགས་ཀྱི། །ལྷ་མོ་ཡིས་ནི་མཆོད་པར་བྱེད། །སངས་རྒྱས་སྲས་དང་བཅས་ཀུན་གྱིས། །སངས་རྒྱས་ཀུན་གྱི་བདག་ཉིད་མཆོད། །འཁོར་བ་ཉིད་ན་གནས་པའི་ཚེ། །འཁོར་བའི་དྲི་མས་མི་གོས་སོ། །ཕྱག་རྒྱ་འདི་ཡིས་རྒྱས་བཏབ་ན། །རྟག་ཏུ་ཉོན་མོངས་དག་འགྱུར་ཏེ། །སྨན་གྱི་ཕྱེ་…

བྱས་ནས། །དཀྱིལ་འཁོར་དུ་ནི་དབང་བསྐུར་རོ། །རྡོ་རྗེ་སེམས་དཔའ་དཔའ་བོ་ཡིས། །འཇིགས་ཤིང་སྐྲག་པས་འབྱིན་བྱེད་པ། །རང་ཉིད་ཀྱི་ནི་ཕྱག་རྒྱའི་གཟུགས། །ཉིད་ཀྱི་དངོས་གྲུབ་སྟོབས་པར་བྱེད། །གཞན་ནི་ཡང་དག་ཕ་རོལ་ཕྱིན། །སངས་རྒྱས་རྣམས་ཀྱི་ཡོན་ཏན་རྒྱན། །དེ་ཡང་དེ་ལ་འཇིགས་སྐྲག་ནས། །རང་གི་དགྱེས་མཆོག་སྟོབས་པར་བྱེད། །བདག་ཉིད་ཆེན་…