ཅི་ལྟ་བུ། །བུཌྜྷ་བཛྲ་ཨོཾ། སཏྭ་བཛྲ་ཧཱུྃ། རཏྣ་བཛྲ་ཏྲཱྃ། པདྨ་བཛྲ་ཧྲཱྀ། ཀརྨ་བཛྲ་ཧ། གྷུ་ན་བཛྲ་ཕཊ། ཕྱི་རོལ་དཀྱིལ་འཁོར་ཁྱབ་པར་སྤྲོས་བྱས་ཏེ། །འགྲོ་རྣམས་དུད་སོགས་ཁམས་རྣམས་དག་བྱས་ནས། །རྡོ་རྗེ་འཁོར་ལོ་རིན་ཆེན་པདྨོ་དང་། །རལ་གྲི་ཁ་ཊྭཱྃ་རྩེ་གསུམ་དྲིལ་བུ་བཅས། །གཡོན་པ་བདུད་རྩི་ཐོད་པ་གང་བ་ཐོགས། །མཁའ་འགྲོ་རབ་གཏུམ་རིག…

ཙམ་པའི་ཚོགས་ཀྱིས་བསྐོར། །ཨོཾ་ཧ་ཧ་རུ་རུ་མ་ཧཱ་ཙནྡི་ཤྭ་རི་བི་ཤ་ན་ཡ་ཧཱུྃ་ཧཱུྃ་ཕཊ། ཀུན་གྱི་རྩ་བའི་སྔགས་སོ། །ཨོཾ་པདྨ་བི་ཏ་སི་ཏོ་ཧེ་ཧེ་ཙཀྲ་བྷྱོ་ཕཊ། སྙིང་པོའི་སྔགས་སོ། །ཨོཾ་ཧུ་ལུ་ཧུ་ལུ་ཧཱུྃ་ཕཊ། ཨེ་ཨ་མ་ར་ལི་ཧཱུྃ་ཛ། ཉེ་བའི་སྙིང་པོའོ། །ཨོཾ་བྷྱོ་ཨེ་ཨཱ་ར་ལི་ཛ་ཞེས་བརྗོད་པས་ཁྲོ་བོ་འཁོར་ལོ་མ་ལུས་པར་བྱོན་ཞིང་། རང་གི…

གྲོལ་བདུད་རྩི་དང་། །རུས་རྐང་དབང་པོར་བཅས་པ་ལ། །ཚོགས་ཀྱི་ལོངས་སྤྱོད་སྟོན་མོར་མཛད། །ཀུན་གྱི་དགྱེས་པ་རྡོ་རྗེའི་གླུས། །མཐུན་པར་སྒྲ་དབྱངས་གཅིག་གིས་བསྟོད། །ཐུགས་རྗེ་རྣམ་དག་པདྨའི་རང་བཞིན་ལས། །ཐུགས་ཀར་ལྃ་ལས་སྤྲུལ་པའི་བྱང་ཆུབ་སེམས། །ཕྱོགས་བཞི་དབུས་ལྔར་བརྗིད་པའི་སྐུ་མཆོག་ནི། །གྲུབ་པའི་སངས་རྒྱས་མཁྱེན་པའི་ཡེ་ཤེས…

ཨ་ལ་ལ་ཧོ་ཞེས་རྡོ་རྗེའི་གླུ་བླངས་སོ། །པདྨོ་གར་མཛད་དོ། །བདེ་བ་ཆེན་པོས་མཆོད་པས་ཚིམ་པར་འགྱུར་རོ། །དེའི་དུས་ན་བདུད་ལ་སོགས་པ་རྣམས་བསྒྲལ་བའི་ཚོགས་རྣམས་བྱང་ཆུབ་སེམས་བདེ་བ་ཆེན་པོའི་ཡེ་ཤེས་ཀྱིས་བརྒྱན་ཏེ། དབང་བསྐུར་བའི་མཐུ་སོགས་ཀྱིས། བདག་པོ་རིག་འཛིན་ཐམས་ཅད་ཀྱི་བདག་པོ་ཞེས་བྱ་བར་འགྱུར་རོ། །དཀྱིལ་འཁོར་ཆེན་པོའི་ཕྱ…

རལ་པའི་དབུས་ནས་དབུགས་འབྱུང་བ། །དཔྲལ་བ་ཞུར་པོ་བརྗིད་པའི་ཁྱད་པར་དང་། །རྟ་མགྲིན་འོད་འབར་གསལ་བའི་ཁྱད་པར་ནི། །དོན་མཆོག་ཁྱད་པར་ཡོན་ཏན་རྨད་དུ་བྱུང་། །ལྗང་གུ་མེ་འབར་རྟ་མགོའི་རང་བཞིན་ནི། །འགྱུར་མེད་ཡེ་ཤེས་ཆོས་སྐུ་ཇི་བཞིན་གསལ། །བྱམས་པའི་མདངས་ཀྱིས་ཁམས་གསུམ་ཁྱད་པར་གཟིགས། །རྔོག་མ་ལེ་བརྒན་འབར་བའི་ཁྱད་པར་མཆོག །སྟུ…

གྱུར་པ་དང་། །རྗོད་བྱེད་གཉིས་ཀའི་བསྟན་གྱུར་ནས། །འབྱར་ཞིང་བསྐྱོད་པས་ལྗགས་ཉིད་དོ། །ཡིག་འབྲུའི་རྒྱུ་ཉིད་བདེར་གཤེགས་ཐུགས། །རྡོ་རྗེ་མྱུ་གུ་ཏིང་འཛིན་ཐུགས། །འོད་ཉིད་ཉོན་མོངས་རྣམ་དག་འཇོམས། །རིག་བྱེད་ཡེ་ཤེས་ཕྱག་རྒྱ་དང་། །ཡིག་འབྲུ་ས་བོན་ཕྱག་རྒྱ་དང་། །ཡོན་ཏན་རྫོགས་པའི་ཕྱག་རྒྱའོ། །སྲིད་པ་གསུམ་སྟེ་ལྟ་བ་དང་། །རྒྱུ…

པ་འཕྲོས་པས་དུག་གསུམ་རྒྱུན་མི་འཆད། །སྣ་ཚོགས་རོལ་པའི་ཕྱག་རྒྱ་ཞེས་པ་ཡི། །ཕྲིན་ལས་བརྒྱད་ཀྱིས་བདག་ཉིད་སྐུ་ཆེ་བའི། །དཔའ་བོ་སྟག་གིས་སྟེང་ཕྱོགས་འདུལ་ཞབས་བརྒྱད། །རྒྱ་བྱེའུ་ལྕགས་ཀྱིས་ཤར་ལྷོའི་ཞབས་བརྒྱད་དེ། །རྡོ་རྗེ་འཚོལ་བས་ལྷོ་ཡི་ཕྱོགས་ན་བརྗིད། །བསེ་ཁྲབ་སྨུག་པོས་ལྷོ་ནུབ་རྐང་པ་བརྐྱང་། །སྣ་ཚོགས་བརྗིད་པས་བྱང་ཤར་…

རྟེན། །ཕྱོགས་བཅུ་དཀྱིལ་འཁོར་ཐམས་ཅད་ན། །དམ་ཚིག་ཆེན་པོ་དེ་ཉིད་མང་། །ཕྱི་ནང་གསང་བའི་མཐར་ཕྱིན་པ། །ཐམས་ཅད་པདྨོ་རྣམ་དག་པས། །ཆོ་འཕྲུལ་རྣམ་ཀུན་དེ་བཞིན་ཉིད། །ཐུགས་རྗེ་ཆགས་པའི་ཕྲིན་ལས་ཀྱིས། །དབང་དྲག་ཕྲིན་ལས་གནོད་སྦྱིན་གནས། །གཉིས་མེད་འབར་བས་ཐམས་ཅད་སྲེག །ལས་དང་བག་ཆགས་སྒྲིབ་སོགས་ཀུན། །གནས་ནས་གཤེགས་མཛད་ཡེ་ཤེས་ཚོག…

ཆོས་དང་བྲལ། །ཀུན་ལྡན་བྱམས་སེམས་དེ་ཁོ་ན། །རང་བཞིན་དག་པ་དྲི་མ་མེད། །ཧེ་རུ་ཀ་ཡི་བདེ་ཆེན་དབྱིངས། །ཆོས་རྣམས་ཀུན་གྱི་རྒྱུ་ཡིན་དེ། །འོད་གསལ་བ་ཡི་གནས་འཇུག་པས། །རྣལ་འབྱོར་ཆེན་པོ་ཞེས་བྱ་བཤད། །དེ་བཞིན་གཤེགས་པ་ཐམས་ཅད་ཀྱི་དགོངས་པ་གསང་བ་དཔལ་རྟ་མཆོག་རོལ་པའི་རྒྱུད་ལས། དཀྱིལ་འཁོར་རྒྱུའི་དོན་ཕྱུང་བའི་ལེའུ་སྟེ་ཉི་ཤུ་ག…

འགགས་ས་ལེ་མཁྱེན་པས་བརྗིད། །མེད་ལ་ཟད་མི་ཤེས་པས་བརྗིད། །གཅིག་ལ་འདོད་དགུར་སྒྱུར་བས་བརྗིད། །གནོད་སྦྱིན་ཕམ་པར་མཛད་པས་བརྗིད། །ཐབས་མཁས་སྐྱོན་གྱིས་མ་གོས་བརྗིད། །རིམས་བྲལ་ཉམ་ཐག་རོལ་པས་བརྗིད། །འཁོར་བ་ཡུན་རིངས་མགོན་མཛད་བརྗིད། །ཅིག་ཆར་ཟིལ་གྱིས་གནོན་པས་བརྗིད། །བྱ་བའི་ཡེ་ཤེས་རྫོགས་པས་བརྗིད། །སྐུ་གསུང་ཡོན་ཏན་ཕྲིན་…

སུ་ཡོད་མ་ཡིན། །སྲིད་པ་གསུམ་དུ་དག་བྱས་ནས། །སྲིད་པའི་ཕྱག་རྒྱས་ཕྱག་རྒྱ་གསང་བས་འདེབས། །ཐིག་ལེ་ཆོས་སྐུ་རིག་པའི་མཆོག །གར་གྱི་དབང་ཕྱུག་ཞེས་སུ་བསྔགས། །དེ་བཞིན་གཤེགས་པ་ཐམས་ཅད་ཀྱི་དགོངས་པ་བླ་ན་མེད་པའི་གསང་བ་དཔལ་རྟ་མཆོག་རོལ་པའི་རྒྱུད་ལས། ཁྲོ་བོ་རྔོམ་བརྗིད་སྟོན་པའི་ལེའུ་སྟེ་ཉེར་གསུམ་པའོ།། །།དེ་ནས་འཁོར་གྱི་གཙོ་བ…

རང་གི་ཁྱིམ་དུ་བླང་། །གླུ་དྲུག་དབྱངས་དྲུག་བཅས་པ་ཡིས། །ཁྲོ་རྒྱལ་རོལ་པའི་བྲོ་ཡིས་སྦྱངས། །བསྒྲུབ་པའི་དཀྱིལ་འཁོར་ཉམས་དགའི་མཆོག །རྒྱ་ཁྱོན་འདོམ་གང་ཁྲུ་ཡིས་བསྟོད། །ཅི་བཞིན་ལ་སོགས་ཆོ་ག་བཞིན། །རྫས་དང་ས་གཞི་དག་བྱ་ཞིང་། །ས་བོན་གནས་པའི་ལས་རྫོགས་ནས། །བསྲུང་ཞིང་དཀྱིལ་འཁོར་བྲི་བར་བྱ། །ཡབ་ཡུམ་བསྒྲུབ་པའི་གྲོགས་བཅས་རྣ…

གར་གྱི་དབང་ཕྱུག་གིས། །གཟི་ལྡན་ཡུམ་དང་རོལ་མཛད་ཅིང་། །འཁོར་གྱིས་ཞུས་པའི་ཚིག་གསན་ནས། །ཐུན་མོང་དངོས་གྲུབ་བཟང་པོ་ཉིད། །མ་འོངས་འགྲོ་ལ་ཕན་གདགས་ཕྱིར། །རིམ་པ་བཞིན་དུ་ཕན་གདགས་མཛད། །དབང་ཐོབ་དམ་ཚིག་ལ་གནས་པས། །ཡིད་མཐུན་གནས་མཆོག་བཟང་པོ་རུ། །མིག་སྨན་སྦྱོར་བ་བསྒྲུབ་བྱས་ཏེ། །བྱིན་བརླབས་ལྡན་པས་འགྲོ་དོན་བྱས། །རང་གི་ཏི…

དབང་ཕྱུག་སྐུ་བསྒོམས་ཤིང་། །ཡི་གེ་བཅུ་བཞི་གསང་སྔགས་ཀྱིས། །འབུམ་ཕྲག་གསུམ་དུ་བཟླས་བྱས་ཏེ། །མཚན་མ་ཕྲ་མོ་མཐོང་བ་དང་། །བདུད་རྩི་གོང་བུ་བསྒྲིལ་བྱས་ཏེ། །རྒྱ་ཤུག་འབྲས་བུའི་ཚད་ཙམ་དུ། །རིན་ཆེན་ཟ་མ་ཏོག་ཏུ་གཞུག །དཀྱིལ་འཁོར་དེ་ཡི་དབུས་བཞག་པས། །བསྲུང་བའི་ཙཀྲས་བསྲུང་བྱ་ཞིང་། །རིག་པ་འཛིན་པའི་གསང་སྔགས་ནི། །འབུམ་ཕྲག་ལ…

དཀྱིལ་འཁོར་ལ་ནི་བརྟེན་བྱས་ཏེ། །སོ་སོར་མ་ཉམས་སྦྱངས་པའི་ས། །བ་ཡི་འོ་མ་དང་སྦྱར་ཞིང་། །བ་ཡི་མར་གྱིས་གཟུངས་བཏབ་ནས། །མཚན་མ་མ་བྱུང་བར་དུ་གཞག །དེ་ནི་རིག་འཛིན་དངོས་གྲུབ་ཐོབ། །ཨོཾ་པདྨོ་ཨི་དྲ་དྲ་ཨ་ཧེ་དེ་བི་ན་ཧཱུྃ་ཕཊ། ཨོཾ་པདྨ་ར་རྒྱ་ཨ་གར་ཏ་དར་ཤ་ཧཱུྃ་ཕཊ། ཨོཾ་པདྨོ་ས་མོན་བི་ཤ་ལེ་ཧཱུྃ་ཕཊ། ཨོཾ་གྷུ་ལི་ས་བོ་ཏ་མ་གོ་ར་ན་…

གཟི་ལྡན་གསང་བ་ཨེ་གྲུ་གསུམ། །ཉི་མ་པདྨ་ཤེས་རབ་ལྡན། །སོ་སོ་གསལ་བའི་བརྡས་མཚོན་ཏེ། །ཨོཾ་བྲུཾ་པདྨ་ཨཱ་ཡུ་ཤེ། །བྱིན་བརླབས་རྣམ་པར་འཕྲོ་བ་ཡིས། །ཕྱོགས་བཅུའི་སངས་རྒྱས་ཐུགས་བསྐུལ་ཞིང་། །བྱང་ཆུབ་སེམས་མཆོག་ཚེ་ཡི་རྒྱུན། །སྒྲུབ་པ་པོ་ལ་གསལ་བར་མཛད། །པད་འདབ་བརྒྱད་པ་ཉི་མར་བཅས། །དབུས་སུ་གསང་བའི་རྡོ་རྗེ་ཆེ། །ཧཱུྃ་གིས་གསོར…

སྔགས་དང་ཏིང་འཛིན་མཐུས། །རིགས་ཀྱི་དཀྱིལ་འཁོར་མངོན་པར་བསྒྲུབ། །མཆོད་ཅིང་མཉེས་པར་བྱས་ནས་ནི། །ལས་ཀུན་གྲུབ་པའི་གསང་སྔགས་བརྗོད། །ཨོཾ་པདྨོ་བཛྲ་ཧྲི་གྷུ་ན་སིདྷི་སརྦ་པཉྩ་ཨ་མྲྀ་ཏ།ཨོ་ཨཱཿཧཱུྃ་སྭཱ་ཧཱ། དེ་ལ་འོད་དང་དུ་བ་དང་། །དྲི་དང་ལྷ་མོ་རྟགས་དག་ནི། །བཟླས་བརྗོད་ཐུན་མོང་ཁྱད་པར་དག །འབུམ་ཚོ་གསུམ་གྱིས་འགྲུབ་པར་འགྱུར། …

སྐྱེས། །དེ་ནས་ལས་མཛད་སྲུང་མ་དང་། །མགྲོན་ཚོགས་གཏོར་མས་མཉེས་བྱས་ཏེ། །བསོད་ནམས་ཡེ་ཤེས་ཚོགས་ཆེན་པོ། །རབ་ཚོགས་འགྲོ་བའི་དོན་ཕྱིར་བསྔོ། །དེ་བཞིན་གཤེགས་པ་ཐམས་ཅད་ཀྱི་དགོངས་པ་དཔལ་རྟ་མཆོག་རོལ་པའི་རྒྱུད་ཆེན་པོ་ལས་བདུད་རྩི་བསྒྲུབ་པའི་ལེའུ་སྟེ་ཉི་ཤུ་བདུན་པའོ།། །།དེ་ནས་རྟ་མཆོག་རོལ་པའི་སྐུ་དབུས་སུ། །དཀྱིལ་འཁོར་དབུས…

བར་གྱུར་པ་ཡིན། །གང་ཞིག་སྡང་བའི་སེམས་ཡོད་པ། །འཕྲད་པ་བཞིན་རྒྱས་ཆགས་པར་འགྱུར། །གང་ཞིག་གསད་པའི་ལས་གྲུབ་མཛོད། །དེ་ནི་མཐིང་ནག་ལས་ཀྱི་ཁྲོ་བོའི་ཏིང་འཛིན་ལས། །ཁྲོ་བོ་སྤྲུལ་པའི་འཕྲོ་འདུ་ཡིས། །བསྒྲུབ་བྱ་དང་ཕྲལ་ཞིང་དགུག་པ། །མེ་ཡི་དཀྱིལ་འཁོར་ལ་གཞག་སྟེ། །ཤིན་ཏུ་མ་རུངས་མཚོན་ཆར་ལྡན། །དཀོན་མཆོག་གསུམ་ལ་སྡོ་བྱེད་ཅིང་།…

རྣམ་སྤྲོ་ལྷ་ཡི་དཀྱིལ་འཁོར་གྱིས། །སོ་སོའི་འདོད་དོན་སྒྲུབ་པར་བྱེད། །རྡོ་རྗེ་ཙཀྲ་རིན་ཆེན་དང་། །པདྨ་རྒྱ་གྲམ་ལ་སོགས་ཏེ། །ལས་ཀུན་ལྷ་ཡི་ང་རྒྱལ་གྱིས། །མཚན་རྟགས་མ་བྱུང་བར་དུ་བསྒྲུབ། །གཟུགས་བརྙན་དཀྱིལ་འཁོར་གཞིར་བཞག་ནས། །ལྷ་ཡི་དཀྱིལ་འཁོར་སྒྲུབ་བྱེད་ཅིང་། །མཚན་མའི་རྫས་ལ་བརྟེན་བྱས་ཏེ། །བརྟེན་པར་མཆོད་ཅིང་མཉེས་པ་ད…