ཕྱེད། །གང་གི་མཐས་ཀྱང་མ་རེག་ཕྱིར། །འཁོར་འདས་གཞི་ཞེས་དེ་ལ་བྱ། །ད་ཡང་འདུས་པའི་སྙིང་པོ་ཉོན། །འཁྲུལ་པའི་གཞི་ཞེས་ལུང་མ་བསྟན། །གང་ལ་མི་རྟོག་དོན་མ་ཟིན། །ཡིད་ཙམ་དྲན་ཀྱང་རིམ་གྱིས་འགྲིབས། །མུན་དཀྱིལ་སོང་ཕྱིར་དྲན་པ་ཆུང་། །ཐིབས་ཀྱིས་འཐིབ་པས་ལུང་མ་བསྟན། །རྐྱེན་དབང་འགྱུར་ཕྱིར་འཁོར་བའི་གཞི། །རྫོགས་པ་ཆེན་པོ་ངེས་དོན་…

བས། །འདུ་ཤེས་ཕོ་མོ་བསྐྱེད་པའི་ཚེ། །རླན་ཙམ་གྱིས་ནི་ཆུ་བྱུང་བས། །ཉེར་ལེན་གྱི་ནི་ཚོར་བ་དྲན། །ནུར་ནུར་པོ་ལ་སྲ་བ་ཡིས། །དེ་ལ་གཟུགས་ཆགས་མ་རིག་པས། །ནང་ནི་ཀུན་བརྟགས་རྒྱུ་བ་དེས། །སྒོ་ལྔའི་རྣམ་ཤེས་ཤུགས་ལས་བྱུང་། །མངལ་དུ་ཆུད་དང་རགས་སྐྱེས་པས། །འབྱུང་བ་བཞི་དུས་སྨིན་པའི་ཕྱིར། །ལུགས་ནས་བྱུང་བས་ཀུན་བརྟགས་པས། །སྣང་བ་…

ནམ་མཁའ་འདྲ་སྟེ་མཐར་མ་ལྷུང་། །དེ་ཕྱིར་གཞི་ལ་སྣང་བ་མེད། །སྣང་མེད་ཆོས་ལ་བསྒོམ་དུ་མེད། །མ་བསྒོམས་གོལ་ས་མེད་པའི་ཕྱིར། །ཅིར་སྣང་གང་ཡང་གྲུབ་པ་མེད། །འཁྲུལ་ངོར་ཡོད་ཀྱང་དོན་མི་འཛིན། །ད་ཡང་རྡོ་རྗེ་སེམས་དཔའ་ཉོན། །ཡུལ་སེམས་བར་གྱི་རྟོག་པ་འདི། །རང་ཡན་བཞག་ཀྱང་ཡེངས་མི་སྲིད། །ལུང་ལྡན་ངེས་པའི་གདམས་ངག་གིས། །གོལ་ས་ཆོད་ཕ…

རིག་དཔྱོད་བལྟ་བའི་གཟུང་ཆེན་ནི། །རྒྱུན་དུ་མི་བརྗེད་འབྲལ་མེད་ཀྱིས། །ངེས་དོན་རིག་པའི་རྣལ་འབྱོར་པས། །མཉམ་བཞག་རྗེས་ཐོབ་གདམས་ངག་སྐྱེ། །མངལ་ཉིད་བར་དོ་དུས་ཀྱི་ཚེ། །རིག་པའི་ཡེ་ཤེས་གདམས་ངག་གིས། །ནང་གི་སེམས་ལ་བརྟེན་ནས་ནི། །མཉམ་ཉིད་ཡེ་ཤེས་ཀློང་དུ་ཐིམ། །ད་ཡང་འདུས་པའི་སྙིང་པོ་ཉོན། །སངས་རྒྱས་སེམས་ཅན་དུས་དང་ནི། །གཉ…

འདུས་པའི་འཁོར་ལ་བཀའ་སྩལ་པ། །དངོས་མེད་རིག་པའི་ལྟ་བ་ནི། །རང་བྱུང་སྐུ་ཉིད་ཡིན་པའི་ཕྱིར། །དེ་རྟོགས་དོན་དུ་གང་གནས་པ། །ལྟ་བའི་ནང་ནས་དམ་པའི་མཆོག །དེ་ཕྱིར་དོན་ལ་རིག་པ་ལྟ། །ད་ཡང་རྡོ་རྗེ་སེམས་དཔའ་ཉོན། །ཤེས་པ་རང་གསལ་ལྟ་བ་ནི། །ངོ་བོ་དབྱེ་བ་རྣམ་དྲུག་གིས། །རང་གི་མཚན་ཉིད་དེ་བཞིན་ནོ། །དེ་ཉིད་དུས་མེད་ཆོས་ཀྱི་སྐུ། །ཕ…

འདས་པའི་བྱང་ཆུབ་སེམས། །གཟུང་འཛིན་མེད་པའི་ཆོས་སྐུ་ལ། །གསལ་ཙམ་ཉིད་ན་དམིགས་པ་མེད། །དེ་བཞིན་ཉིད་དུ་ཀུན་རིག་པས། །དེ་ཁྱབ་གར་གནས་སངས་རྒྱས་ཡིན། །ད་ཡང་འདུས་པའི་སྙིང་པོ་ཉོན། །ནམ་མཁའི་ངང་དུ་སྤྲིན་སངས་ལྟར། །ང་ཡི་ཆོས་སྐུ་ངོས་ཟིན་ན། །ཐོག་མ་མེད་ནས་བསགས་པ་ཡི། །རྣམ་རྟོག་སྤྲིན་ནི་དཔག་ཏུ་མེད། །དངོས་མེད་ཆོས་སྐུ་རིག་པ་ཡ…

ཤེས་རྟོགས་པའི་ཐབས་ཀྱིས་ཀྱང་། །དོན་ཟིན་ངེས་པའི་གདེང་ལན་ཞིང་། །རྐྱང་པ་དུས་མཉམ་ཡུལ་སྣང་ལ། །ཉི་ཟླ་གཟས་ཟིན་ཇི་བཞིན་དུ། །ཡེ་ཤེས་སྤྱོད་པ་མཆོག་ཏུ་གསུངས། །རྫོགས་པ་ཆེན་པོ་ངེས་དོན་ཐམས་ཅད་འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། སྤྱོད་པ་མདོར་བསྡུས་བསྟན་པའི་ལེའུ་སྟེ་རེ་གཅིག་པའོ།། །།དེ་ནས་འདུས་པའི་ཚོགས་རྣམས་ལ། …

དེ་སྐད་ཞུས་པའི་དོན་གསན་ནས། །འདུས་པའི་འཁོར་ལ་བཀའ་སྩལ་པ། །མཚན་མ་ཟིལ་གྱིས་མནན་པའི་ཕྱིར། །མ་རིག་མུན་པ་ལྟ་བུ་ལ། །རིག་པའི་དབང་ཆེན་བཀའ་སྩལ་པ། །དེ་ཡང་དབང་པོའི་དཔེ་བསྟན་པ། །བྲམ་ཟེ་གཙང་མས་ཁྲུས་གསོལ་ཏེ། །རྒྱལ་སྲིད་དག་ལ་དབང་བསྐུར་ཞིང་། །དོན་གྱི་ཟིལ་མནན་རང་བྱུང་འཚལ། །དེ་དོན་ཤེས་པ་དྲང་ཐད་ཀྱི། །འདུས་མ་བྱས་ཀྱི་ནམ་མ…

པའི་ལེའུ་སྟེ་རེ་གསུམ་པའོ།། །།དེ་ནས་ཀུན་རིག་སྟོན་པ་ཡིས། །འགྲོ་དྲུག་གཡང་ས་བཅད་པའི་ཕྱིར། །རྩ་བ་སེམས་ལས་འདས་པའི་ཕྱིར། །ཡེ་ཤེས་ངོས་བཟུང་བཀའ་སྩལ་པ། །ཀུན་གཞི་གཞི་ཆ་ངོ་བོ་ལ། །ཆོས་སྐུ་ངོས་བཟུང་མཐུན་དཔེ་ནི། །རྩ་ཆུ་བརྟགས་ནས་ངོས་བཟུང་པའི། །སྨན་པ་མཁས་པའི་དཔེ་བཞིན་དང་། །ནོར་བུ་ཆུ་འདངས་དཔེ་བཞིན་ནོ། །བྱང་ཆུབ་སེམས་ཀ…

མཐུན་དཔེ་ནི། །རང་བྱུང་ངོ་བོ་ཉིད་ཁྱབ་ཕྱིར། །མཐའ་དབུས་མེད་པས་ནམ་མཁའ་འདྲ། །དེ་དོན་རང་བྱུང་ཡེ་ཤེས་གསལ། །སྣང་སྲིད་གསལ་བའི་སྒོ་ལྔ་ནི། །རྟོག་པ་གསལ་བ་ཆོས་ཀྱི་སྐུ། །འཛིན་པ་མེད་པར་ལྷུན་གྱིས་གྲུབ། །ཁྱུང་ཆེན་ནམ་མཁར་ལྡིང་བའི་ཚེ། །འཕུར་རླབས་འོག་ཏུ་ཀུན་ཚུད་ལྟར། །ངེས་དོན་རྟོགས་པས་སྐུ་གསུམ་རྫོགས། །འབྱུང་འཇུག་མེད་པར་…

ཕྱི་དྲོད་ཡུལ་དང་ཁ་དོག་རྫོགས། །མཚན་མའི་ཞེན་པ་མི་སྐྱེ་ན། །ཆགས་བྲལ་ཆོས་དབྱིངས་དྲོད་ཅེས་བྱ། །ཕྱི་རྟགས་ཡུལ་དྲུག་མ་ཞེན་པར། །ཞིང་ཁམས་མཐོང་དང་དབང་བསྐུར་དང་། །ཆོས་བསྟན་འོད་ཀྱིས་གང་བར་འབྱུང་། །དེ་ཚེ་འཁོར་བའི་ཞེན་པ་ལྡོག །འབྲས་བུ་རྣལ་འབྱོར་ཚེ་འཕོས་ཏེ། །རིགས་བཙུན་མི་ལུས་ཐོབ་ནས་ནི། །ལུང་ལྡན་རྐྱེན་འཕྲད་ཤེས་པ་འཆར། …

མེད། །འབྲས་བུ་རང་གི་ངོ་བོ་ལ། །ས་ལམ་མ་བགྲོད་སྒྲིབ་པ་དག །རྟོགས་པ་མངོན་གྱུར་ཡེ་ཤེས་ཀྱི། །བར་དོར་ཐོགས་མེད་མངོན་སངས་རྒྱས། །ད་ཡང་འདུས་པའི་སྙིང་པོ་ཉོན། །སངས་རྒྱས་ས་ཡིས་བཅིངས་ན་ནི། །རྣམ་སྨིན་ལུས་མེད་ཡེ་ཤེས་སྐུ། །ཡེ་ཤེས་རིག་པ་ཁ་མིག་ཅན། །ཐམས་ཅད་མཁྱེན་པའི་ཆོས་སྐུ་གནས། །མཐུན་དཔེ་གཟའ་སྐར་ཤར་བ་ནི། །རྒྱ་མཚོའི་ནང་ད…

གང་ན་གནས་པ་ཆོས་དབྱིངས་ལ། །ཞེན་ཆགས་ཀྱིས་ནི་བདུད་དང་བྲལ། །མཚམས་གཅོད་མེད་པས་ནམ་མཁའ་འདྲ། །ལུས་ཀྱི་དེ་ཉིད་སྤྱོད་པར་གསུངས། །དེ་ཡང་འདུས་པའི་སྙིང་པོ་ཉོན། །ངེས་ལུང་གདམས་ངག་ཁོང་ཆུད་ནས། །ངག་གི་སྨྲ་བ་ཉུང་བྱས་ཏེ། །འཇིག་རྟེན་གཏམ་ལ་མ་ཡེངས་པར། །ངག་གི་སྐྱོན་བཞི་རང་སར་གྲོལ། །མི་སྨྲ་དགོས་པ་གསུམ་ཡོད་ཕྱིར། །ངག་གི་དེ་ཉིད…

འདུས་པ། ཡེ་ཤེས་ནམ་མཁའ་དང་མཉམ་པའི་རྒྱུད་ལས། དེ་ཁོ་ན་ཉིད་དམིགས་པའི་སྤྱོད་པ་བསྟན་པའི་ལེའུ་སྟེ་རེ་བདུན་པའོ།། །།དེ་ནས་འདུས་པའི་ཚོགས་རྣམས་ལ། །ཀུན་རིག་སྟོན་པས་བཀའ་སྩལ་པ། །སྒྲོ་འདོགས་སྤྱོད་པ་ཆེན་པོ་ནི། །ཕྱི་ནང་གཉིས་མེད་ལུང་གིས་ནི། །སྒྲོ་འདོགས་གཅོད་པའི་ཐབས་ཀྱི་དོན། །ལུང་ལྡན་ཆོས་འདི་ངེས་པར་སྤྱོད། །ད་ཡང་འདུས་པ…

ཀ་ནས་མེད་རྟོགས་ཕྱིར། །འཇིགས་པའི་རྨི་ལམ་སད་པ་འདྲ། །ལྷན་ཅིག་མ་རིག་མེད་པའི་ཕྱིར། །ཀུན་གཞི་སྐྱེད་པའི་སེམས་དང་བྲལ། །སེམས་མེད་ཡུལ་འདི་གཏན་དུ་སྟོངས། །མེ་མེད་དུ་བ་མེད་པ་འདྲ། །ངོ་བོ་ཉིད་ཀྱི་གཞི་རྟོགས་ན། །ཡུལ་སེམས་དུས་གསུམ་མེད་པ་སྟེ། །གང་ཡང་མེད་པའི་མངོན་དུ་བྱུང་། །རང་བྱུང་སྒྲོ་འདོགས་ཆོད་པ་ཡིས། །ཡེ་ཤེས་ཆེན་པོ་…

དྲུག་འབྱུང་ཞིང་། །ཟས་ཀྱི་རྣམ་རྟོག་ཆེད་དུ་གཞོམ། །མདོར་ན་ཞིམ་དང་མི་ཞིམ་དང་། །གང་ལ་རྟོག་མེད་གོམས་པར་བྱ། །དེ་གོམས་བླང་དོར་མེད་ངོས་ཀྱིས། །ཟས་ཀྱི་རྟོག་པ་གཞོམ་པར་བྱ། །ད་ཡང་འདུས་པའི་སྙིང་པོ་ཉོན། །གོས་ཀྱི་རྟོག་པ་གཞོམ་པའི་ཕྱིར། །ཁྱི་ཐུལ་རྩི་བོར་ཕྱག་དར་ཁྲོད། །རད་རོད་ཤིང་ཤུན་ལ་སོགས་པའི། །ཁ་དོག་དབྱིབས་ནི་མི་སྡུག…

རྒྱལ་པོས་བཤད་དུ་གསོལ། །དེ་སྐད་ཞུས་པའི་དོན་གསན་ནས། །འདུས་པའི་འཁོར་ལ་བཀའ་སྩལ་པ། །མཉམ་བཞག་རྗེས་ཐོབ་བར་དོ་ལ། །སྣང་བ་འོད་དང་གྲག་པ་སྒྲ། །འཇིགས་པ་གཟུགས་དང་བསླུ་བ་རྫུན། །རེ་རེ་ལ་ནི་དྲུག་དྲུག་ཏུ། །རྒྱུ་དང་ཞུགས་པ་ཉེས་དམིགས་རྣམས། །ཟིལ་གནོན་རྟོགས་དང་འབྲས་བུ་རྣམས། །ལྟ་བ་མ་ཤེས་བདུད་དུ་འབྱུང་། །ད་ཡང་འདུས་པའི་སྙིང་…

ཚོགས་སྟོན། །ཞིང་ཁམས་རྒྱན་གྱིས་བརྒྱན་པ་དང་། །ཡིད་དུ་འོང་བའི་སྒྲ་ཐོས་འགྱུར། །དེ་ཚེ་དགའ་བའི་བདུད་ཞུགས་ཏེ། །ཏིང་འཛིན་བཏང་ནས་གླུ་གར་བྱེད། །ངོམ་ཞིང་ངོ་མཚར་དགའ་སེམས་སྐྱེས། །མངོན་ཤེས་ཡོད་ཟེར་གཞན་ལ་སྨྲ། །དེ་ལ་ཞེན་པས་ཏིང་འཛིན་བྲལ། །དགའ་བའི་བདུད་ཀྱིས་བསླུས་པར་འགྱུར། །འཇིག་རྟེན་ཆོས་ལ་དམ་པར་གཟུང་། །བཀའ་དང་འགལ་ཀྱ…

ནས་གྲོང་ཁར་ཡན། །ཆོས་ཉིད་བྲལ་བས་རང་རྒྱུད་གོལ། །ཉམས་ཀྱིས་བསླུས་པ་ཕྱིར་གྱེས་ནས། །བར་དུ་ཕྱེད་བདེན་ཕྱེད་མི་བདེན། །ཐ་མར་སྨྲ་བ་ཐམས་ཅད་རྫུན། །དེ་ཕྱིར་གེགས་ཡིན་ངན་སོང་ལྟུང་། །ད་ཡང་འདུས་པའི་སྙིང་པོ་ཉོན། །ལྷ་ཡི་བདུད་ནི་དེ་དག་ཀྱང་། །ཡུལ་འདི་གོལ་སར་མ་ཤེས་ཕྱིར། །སྣང་བ་གཟུགས་སོགས་ཞེན་པ་སྟེ། །ཡུལ་ལ་སེམས་ཞུགས་ཅི་སྤྱ…

ད་ཡང་རྡོ་རྗེ་སེམས་དཔའ་ཉོན། །རང་རིག་ཆོས་སྐུ་ངོས་མ་ཟིན། །ཡེ་ཤེས་ཆོས་སྐུ་མ་མཐོང་ཕྱིར། །མ་རིག་དབང་གིས་ཡེ་ཤེས་བསྒྲིབས། །དེ་ཕྱིར་ཀུན་གཞི་ལུང་མ་བསྟན། །དེ་ཚེ་དྲན་མེད་བདུད་ཞུགས་ཏེ། །དང་བསྒོམ་རྨུགས་པས་བདེ་བ་ཉམས། །ཤེས་པ་མུན་ལོང་ལྷག་མཐོང་བྲལ། །རང་རིག་མེད་པས་ཞི་གནས་བྱིང་། །ཇི་ཙམ་བསྒོམས་ཀྱང་དོན་དང་བྲལ། །སྡུག་བསྔལ…