བཅོམ་ལྡན་འདས་དཔལ་ཀུན་ཏུ་བཟང་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་རྣམ་པར་དག་པའི་བདག་ཉིད་ཆེན་པོ་འགྱུར་བ་མེད་པ་རྡོ་རྗེའི་རང་བཞིན་ཅན། དུས་གསུམ་གྱི་འདོད་པ་མ་ལུས་པ་ཐམས་ཅད་བསྒྲུབ་པར་ནུས་པ། ཡིད་བཞིན་གྱི་ནོར་བུ་རིན་པོ་ཆེའི་གཏེར་མི་ཟད་པའི་…

ཉིད་རྣམ་པར་སྣང་བ་སྟེ། འོག་མིན་གྱི་གནས་ཐུན་མོང་མ་ཡིན་པའི་ནམ་མཁའི་ཁམས་ཀྱི་གཏོས་ཆེན་པོ་རྡོ་རྗེ་བཙུན་མོའི་བྷ་ག་ཡངས་པའི་དབྱིངས། རང་བཞིན་ལྷུན་གྱིས་གྲུབ་པའི་གནས་མཆོག་ཆེན་པོ་ཡོན་ཏན་ཆེན་པོ་བསམ་གྱིས་མི་ཁྱབ་པའི་ཕོ་བྲང་། ཡེ་ཤེས་ཀྱི་གཞལ་མེད་ཁང་ཁ་དོག་དང་དབྱིབས་དང་། འདོད་པའི་ཡོན་ཏན་རྒྱ་ཆེན་པོས་མཛེས་ཤིང་། རྣམ་པར་བཀ…

རྡོ་རྗེ་འཁོར་ལོ་དང་། རྡོ་རྗེ་ལས་དང་། རྡོ་རྗེ་བསྲུང་བ་དང་། རྡོ་རྗེ་གནོད་སྦྱིན་དང་། རྡོ་རྗེ་ཁུ་ཚུར་དང་། རྡོ་རྗེ་རྒྱལ་མཚན་དང་། དབང་ཕྱུག་རྒྱལ་པོ་དང་། བཀོད་པའི་རྒྱན་དང་། རིན་ཆེན་འོད་འཕྲོ་དང་། སྣང་བའི་འོད་དང་། ཕྱག་རྒྱའི་རྒྱལ་པོ་དང་། སྤོས་ཀྱི་གླང་པོ་དང་། སྤོབས་པ་བརྩེགས་པ་དང་། པདྨའི་རྒྱལ་པོ་དང་། པདྨ་དམ་པ་དང…

བ་དང་། ཤེས་རབ་ཀྱི་ངོ་བོར་བཞུགས་པ་དང་། དེ་བཞིན་དུ་དེ་དག་སོ་སོའི་རང་བཞིན་དང་། གཟུགས་དང་། ཚོར་བ་དང་། འདུ་ཤེས་དང་། འདུ་བྱེད་དང་། རྣམ་པར་ཤེས་པ་དང་། མིག་དང་། རྣ་བ་དང་། སྣ་དང་། ལྕེ་དང་། ལུས་དང་། ཡིད་དང་། གཟུགས་དང་། སྒྲ་དང་། དྲི་དང་། རོ་དང་། རེག་དང་། ཆོས་དང་། མིག་གི་རྣམ་པར་ཤེས་པ་དང་། རྣ་བའི་རྣམ་པར་ཤེས་པ་དང་…

ཁམས་དང་། རིགས་དང་། བྱེད་པ་དང་། ལས་དང་། བསམ་པ་དང་། སྐྱེ་གནས་དང་། འཆི་འཕོ་བ་དང་། ལེན་པ་དང་། འདོད་པའི་སྲིད་པ་དང་། གཟུགས་ཀྱི་སྲིད་པ་དང་། ཡིད་ཀྱི་སྲིད་པ་དང་། ཐ་མལ་པ་དང་། ལོག་པ་དང་། ཕྱོགས་ཙམ་ཉིད་དང་། ཉེ་བ་དང་། ཡང་དག་པ་དང་། མཐར་ཐུག་པ་དང་། མཆོག་ཏུ་སྣང་བ་དང་། མངོན་དུ་གྱུར་པ་དང་། ཐུན་མོང་དུ་སྣང་བ་ལ་སོགས་པ་ཡུལ…

དོན་སྤྱོད་ཕྲིན་ལས་དེ་མཛོད་ཅིག །ཅེས་བསྐུལ་བས། དེ་མ་ཐག་ཏུ་བཅོམ་ལྡན་འདས་ཉིད་ཀྱིས་སྐུ་གསུང་ཐུགས་ཀྱི་གནས་ཐམས་ཅད་ནས་འོད་ཟེར་གྱི་དྲ་བ་སངས་རྒྱས་ཀྱི་ཞིང་གི་ཡོན་ཏན་བཀོད་པ་ཞེས་བྱ་བའི་ཏིང་ངེ་འཛིན་དང་ལྡན་པའི་འོད་ཟེར་གྱི་དྲ་བ་ཆེན་པོ་བཀྱེ་སྟེ། ནམ་མཁའི་ཁམས་མ་ལུས་པ་ཐམས་ཅད་སྣང་བར་མཛད་པ་དང་། འཁོར་འདུས་པ་དེ་དག་གིས་ཀྱང་…

ཁམས་ཐམས་ཅད་ན་ཡང་། སངས་རྒྱས་དེ་དག་གི་ཡང་འཁོར་གྱི་ཐོག་མར་འདུག་པར་མཐོང་བར་གྱུར་ཏོ། །དེ་བཞིན་དུ་བྱང་ཕྱོགས་ཀྱི་ནམ་མཁའི་ཁམས་ན་ཡང་དག་པར་རྫོགས་པའི་སངས་རྒྱས་གདོན་མི་ཟ་བར་གྲུབ་པའི་སངས་རྒྱས་ཀྱི་ཞིང་པདྨ་བརྩེགས་པའི་གནས་ན། ཡང་དག་པར་རྫོགས་པའི་སངས་རྒྱས་དེ་ཉིད་ཀྱི་སྐུ་གསུང་ཐུགས་ཀྱི་རྣམ་པར་འཕྲུལ་པའི་འཇིག་རྟེན་གྱི་ཁམས…

དང་ཁམས་དང་བག་ལ་ཉལ་གྱི་ཁྱད་པར་གཏི་མུག་གི་དབང་དུ་གྱུར་པ་དང་། ཞེ་སྡང་གི་དབང་དུ་གྱུར་པ་དང་། ང་རྒྱལ་གྱི་དབང་དུ་གྱུར་པ་དང་། འདོད་ཆགས་ཀྱི་དབང་དུ་གྱུར་པ་དང་། ཕྲག་དོག་གི་དབང་དུ་གྱུར་པ་དང་། སེར་སྣའི་དབང་དུ་གྱུར་པ་དང་། ཁྲོ་བའི་དབང་དུ་གྱུར་པ་ལ་སོགས་པ་རྣམས་ཀྱི་དོན་བསྒྲུབ་པའི་ཕྱིར། གདུལ་བར་བྱ་བའི་འཁོར་ཁ་ཅིག་ལ་ནི་…

རྗེ་ཆེན་པོས་བསྟན་དུ་གསོལ། །ཞེས་གསོལ་ཏོ། །ཕྱོགས་བཅུའི་སངས་རྒྱས་ཐམས་ཅད་ཀྱིས་ཐུགས་ཞི་བ་ཆེན་པོ་ལས་ཕྱུང་བ་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་རྣམ་པར་སྣང་མཛད་ལ་སོགས་པ་ཕྱོགས་བཅུ་དུས་གསུམ་གྱི་དེ་བཞིན་གཤེགས་པ་ཐམས་ཅད་དང་། བྱང་ཆུབ་སེམས་དཔའ་སེམས་དཔའ་ཆེན་པོ་ཐམས་ཅད་དང་། རིག་པ་འཛིན་པའི་སྐྱེས་བུ་ཆེན་…

ཅག་དེ་དོན་ཉན་འཚལ་ན། །བཅོམ་ལྡན་འདས་ཀྱིས་བཤད་དུ་གསོལ། །དེ་ནས་སྟོན་པ་ཀུན་ཏུ་བཟང་། །འཁོར་རྣམས་བསྐུལ་བའི་དོན་གསན་ནས། །སྐུ་གསུང་ཐུགས་ཀྱི་རྡོ་རྗེ་ལས། །ངེས་པར་ཕྱུང་སྟེ་བཀའ་སྩལ་པ། །ཉོན་ཅིག་འདུས་པའི་འཁོར་གྱི་ཚོགས། །གང་གིས་སྤང་བྱ་མ་ལུས་སྤང་། །ཐོབ་པར་བྱ་བ་མཐའ་དག་བརྙེས། །མི་འགྱུར་སྐུ་གསུང་ཐུགས་རྫོགས་པ། །བདེ་བ་ཆེ…

བྱ་ལམ་གྱི་ཁྱད་པར་དུ། །མཐར་ཐུག་སྡོམ་བྱེད་དམ་པའོ། །དེ་དག་ཉེ་བར་བསྡུ་བ་ནི། །བསྙེན་བསྒྲུབ་ལས་ཀྱི་ཁྱད་པར་ཏེ། །རྒྱས་བསྡུས་རབ་ཏུ་བསྡུས་པ་ཡང་དང་ད་གཉིས་ཀྱང་། །དེ་དག་དེ་ཉིད་འདྲེལ་པའོ། །དེ་ནས་འཁོར་གྱིས་ཡང་ཞུས་པ། །ཀྱེ་མ་ཀུན་ཏུ་བཟང་པོ་ཆེ། །དཀྱིལ་འཁོར་ཞེས་ནི་གང་ལ་བྱ། །བསྐྱེད་པའི་རིམ་པ་ཅི་ཞིག་ལགས། །དེ་བཞིན་རྫོགས་ར…

ཞེས་བྱ་སྐུ་དང་གསུང་། །ཐུགས་ཀྱི་གསང་བ་མཐར་ཐུག་པ། །སྦས་པ་དང་ནི་དགོངས་པ་དང་། །སྒྲ་ཙམ་མིན་དང་ངེས་པའོ། །དེ་ནས་འཁོར་གྱིས་ཡང་ཞུས་པ། །ཀྱེ་མ་སྟོན་པ་ཀུན་ཏུ་བཟང་། །ལྷ་ཞེས་བྱ་བ་ཅི་ཞིག་ལགས། །དེ་བཞིན་སྔགས་ཀྱི་དོན་ཆེན་ཅི། །སྙིང་པོ་ཞེས་པ་ཇི་ལྟ་བུ། །ཏིང་འཛིན་ཞེས་པ་ཅི་ཕྱིར་གདགས། །གཞལ་མེད་ཁང་ཞེས་གང་ལ་བྱ། །མཆོད་པས་ཀྱང་…

ཆེན་མཆོག །སྙིང་རྗེ་སྟོང་པ་དབྱེར་མི་ཕྱེད། །འདི་ནི་བྱང་ཆུབ་སེམས་ཆེན་ཡིན། །ལུས་ངག་ཡིད་གསུམ་ངང་གིས་དྲིལ། །མི་ཕྱེད་དོན་གྱི་རྡོ་རྗེ་དེ། །ཆོས་ཀུན་རིག་པའི་རྗེས་སུ་གནས། །དེ་ནི་འཛིན་བྱེད་སྐྱེས་བུར་འགྱུར། །ཇི་སྙེད་དོན་བྱ་བྲ་ཡང་བྱ་ཀུན་སྤངས་ནས། །བླང་བྱ་མ་ལུས་རབ་ཏུ་བརྙེས། །མ་རིག་ཐིབ་པོ་རབ་སད་ཅིང་། །དགོངས་པས་ཤེས་བ…

ཡེ་ཤེས་དེ་བཞིན་ནོ། །སེམས་ཅན་ཆོས་དང་དམིགས་མེད་ཀྱིས། །སྙིང་རྗེ་གསུམ་ལས་ཡོངས་མི་འདའ། །སྦྱོར་བ་གོམས་པ་བརྟན་བྱས་ནས། །གསད་གསོ་སྦྱིན་དང་སྙན་པ་དང་། །བཞི་ཡིས་རྣམ་བསྡུ་ཁམས་གསུམ་གྱི། །བདག་ཏུ་སྐད་ཅིག་ཙམ་གྱིས་འགྱུར། །དེ་ནི་སངས་རྒྱས་ཐམས་ཅད་ཀྱི། །རིག་པའི་བརྟུལ་ཞུགས་བླ་ན་མེད། །གང་ལ་བསྔགས་པའི་འཁོར་བ་དང་། །མི་འབྲལ་མི…

བདེ་རྩེ་གཅིག་ཉིད། །གསང་བྱུང་ཡང་བཅུ་རབ་སྦྱོར་སྤྲོ་དང་བསྡུ། །རང་ཤེས་རིག་ཅིང་དེ་ཟད་པས། །དངོས་གཞི་མངོན་ཤེས་ལྔ་ལ་དབང་། །ཡེ་ཤེས་ལྔ་ཡི་རང་བཞིན་རླུང་། །འབྱུང་བ་ལྔ་དང་ཚུལ་འདྲར་སྣང་། །གང་བུ་སྣོམ་བྱེད་རྩེ་ལ་བཞག །རང་གཞན་བྱང་ཆུབ་སེམས་དཔར་སྣང་། །རང་གི་སྙིང་པོ་གནས་སུ་བསམ། །དབང་པོར་ལམ་བསྲུངས་ཟླུམ་པོར་བཀོད། །གཟུང་བྱ…

འདོད་ལ་སོགས་པའི། །གནས་སྐབས་སོ་སོར་འབྱུང་བའོ། །ཚུལ་ནི་ཡང་དག་ལོག་པ་དང་། །ངེས་དང་མ་ངེས་སྣང་མི་སྣང་། །སྣ་ཚོགས་ཀྱིས་ནི་བྲལ་བ་དང་། །ཐོབ་པའི་བདེ་སྡུག་ཐ་དད་མྱོང་། །མ་བཅོས་རྒྱུན་གྱི་སྐད་ཅིག་མ། །གཅིག་གིས་དུས་གསུམ་དུས་མེད་པར། །རྟོགས་དང་མ་རྟོགས་ཕྱོགས་གཅིག་གིས། །ཀུན་ལ་ཁྱབ་པ་ངེས་པར་འགྲུབ། །རྩ་མེ་འཁོར་ལོ་ལ་སོགས་བཞ…

ཉན་ཐོས་རང་རྒྱལ་ལྷ་ལ་སོགས། །རིམ་བཞིན་རང་ལ་བསྟན་པ་འཁོར། །དུས་དང་བྲལ་བའི་དུས་གསུམ་ཉིད། །དུས་བཞི་མཉམ་པ་ཉིད་དུ་སྦྱོར། །རྫོགས་གཉིས་གསུམ་དང་རྩོད་པ་ལ། །གང་རིགས་ཐ་དད་སོ་སོར་འབྱུང་། །ཇི་ལྟར་མོས་པ་དེ་ཡིས་འདུལ། །དེ་ནས་རིག་པ་འཛིན་པ་དག །ཕྱི་ནང་གསང་བའི་ཚུལ་གྱིས་ཏེ། །ཉན་ཐོས་བྱང་ཆུབ་སེམས་དཔའ་དང་། །བརྟུལ་ཞུགས་འཛིན་པའ…

གསུམ་དང་འགྲོ་བ་རིགས་དྲུག་ཏུ་སྣང་བའི་སེམས་ཅན་གྱི་ཁམས་དཔག་ཏུ་མེད་པའི་དོན་བསྒྲུབ་ཅིང་མ་གྲོལ་བ་རྣམས་གྲོལ་བ་དང་། མ་བསྒྲལ་བ་རྣམས་བསྒྲལ་བ་དང་། དབུགས་མ་ཕྱིན་པ་རྣམས་དབུགས་དབྱུང་བ་དང་། ཡོངས་སུ་མྱ་ངན་ལས་མ་འདས་པ་རྣམས་ཡོངས་སུ་མྱ་ངན་ལས་འདའ་བའི་ཕྱིར་བརྩོན་པར་སྤྱོད་ཅིང་གནས་པར་བཞུགས་སོ། །ཕྱོགས་བཅུའི་སངས་རྒྱས་ཐམས་ཅད་…

བྲལ། །ཧཱ། ཞེས་ཆེད་དུ་བརྗོད་པས་ཆེད་དུ་བརྗོད་པ་མཛད་ནས། དཀྱིལ་འཁོར་གྱི་གཙོ་བོ་དམ་པར་དབང་བསྐུར་རོ། །དེ་ནས་རིགས་སོ་སོའི་དཀྱིལ་འཁོར་གྱི་འཁོར་ལོ་རྣམས་ཀྱང་རང་རང་གི་སྙིང་པོ་དེ་ཁོ་ན་ཉིད་ཀྱིས་ཕྱུང་བ་ནི། ཨོཾ་བཛྲ་ས་མནྟ་བྷ་དྲ་ཧཱུཾ། ཀུན་ཏུ་བཟང་པོའི་སྙིང་པོའོ། །ཨོཾ་བཛྲ་དྷ་ཏྭཱི་ཤྭ་རཱི་ཧཱུཾ། རྡོ་རྗེ་དབྱིངས་ཕྱུག་མའི་ས…

གསལ་སྒྲོན་མའི་སྙིང་པོའོ། །ཨོཾ་བཛྲ་པཱ་ཎི་ས་མནྟ་ཧཱུཾ། ལག་ན་རྡོ་རྗེའི་སྙིང་པོའོ། །ཨོཾ་བཛྲ་ཀརྨ་དྷ་རཱ་ཧཱུཾ། རྡོ་རྗེ་དབྱིངས་ཕྱུག་མའི་སྙིང་པོའོ། །ཨོཾ་བཛྲ་ཀརྨ་ཧཱུཾ་ཧཱུཾ། རྡོ་རྗེ་ལས་ཀྱི་སྙིང་པོའོ། །ཨོཾ་བཛྲ་རཀྵ་ཏྲཱཾ་ཧཱུཾ། རྡོ་རྗེ་སྲུང་བའི་སྙིང་པོའོ། །ཨོཾ་བཛྲ་ཡཀྵ་ཧྲཱྀཿཧཱུཾ། རྡོ་རྗེ་གནོད་སྦྱིན་གྱི་སྙིང་པོའོ། །ཨ…