མངོན་དུ་སྣང་དང་མི་སྣང་ལས། །བཀའ་བསྒོ་དབང་བསྡུ་མཚམས་བཅད་དེ། །སྦྱང་དང་བསྲེག་དང་གཏོར་བ་དང་། །བསྐྲད་དང་བཅིང་དང་མནན་པ་ཡིས། །མ་ལུས་ཚར་གཅད་རྫོགས་པར་བྱ། །དེ་ནས་ཐ་མལ་རྟོག་སྦྱང་ཕྱིར། །དག་པའི་དཀྱིལ་འཁོར་མཁའ་ལས་སྤྲུལ། །ཕྱོགས་བཞི་སྒོ་བཞིར་གསོལ་གདབ་ཅིང་། །གཞལ་ཡས་བལྟ་བའི་སྨོན་པ་བྱ། །ལུས་ངག་ཡིད་ཀྱི་བྱ་བ་ཡིས། །ཕྱག་འཚ…

མ་བསྒྲིབས་མཉམ་ཉིད་ལྡན་པར་བསྒོམ། །རང་སྔགས་སྙིང་པོ་ལས་ཀྱི་གཞི། །བྱིན་རླབས་ཆོ་འཕྲུལ་བྱུང་བ་ནི། །ཨ་དང་མཾ་དང་པཾ་དག་ལས། །གསལ་བྱེད་སྙིང་པོ་བསིལ་བྱེད་ཅན། །དག་པ་གསུམ་ལ་སྤྱད་པས་མཉེས། །མ་ཧེ་ཆུ་གླང་བརྗིད་པ་ནི། །ཧཾ་གྱི་ཡང་ཧ་ཡི་རྣམ་པར་སྤྲོས་ལས་བྱུང་། །དེ་དག་སྟེང་དུ་བསྒོམ་པ་ནི། །ཧཱུཾ་ཆེན་འབར་བའི་འོད་འཕྲོས་པས། །འཇམ…

བློ་ཡི་ཐེག་པ་སྣ་ཚོགས་རྫོགས། །ཕྲིན་ལས་བཞི་ཡི་ཆོ་འཕྲུལ་སྟོན། །རཱུ་ཏྲ་གདུག་པ་སྒྲོལ་མཛད་པས། །གླང་ཆེན་སྟག་དང་མི་དབང་པོ། །པགས་པ་སྐུ་ཡི་ན་བཟར་གསོལ། །དུག་གསུམ་གཏན་ནས་འཇོམས་འདུལ་བས། །རཀྟ་ཐལ་ཆེན་ཁུ་བ་ཡིས། །ཐིག་ལེའི་ཚོམ་བུ་རི་མོར་བྱས། །མཐའ་གཉིས་སྤངས་ཤིང་ཁྱབ་པ་ཡིས། །རྡོ་རྗེ་རིན་ཆེན་གཤོག་པ་གདེངས། །ཉོན་མོངས་རྩ་བ་…

ཡིག་འབྲུའི་རྣམ་པ་ཆོ་འཕྲུལ་གྱིས། །འདུལ་བྱེད་རང་གི་སྤྲུལ་པ་དག །ཇི་བཞིན་པ་ཡི་སྣང་བ་ལས། །རིགས་ཀྱི་སྲས་མཆོག་བྱུང་བ་ནི། །ཧཱུཾ་ཞེས་བྱ་བ་ཡི་གེའི་གཟུགས། །མཐིང་ག་འོད་དང་ལྡན་པ་དག །རང་གི་གནས་སུ་བསྐྱེད་པ་ལས། །འཁོར་ལོ་འབར་བའི་ཤར་ཕྱོགས་སུ། །ཡ་མ་རཱ་ཛ་ཞེས་བྱའི་སྲས། །མཐིང་ནག་ཞལ་གསུམ་ཕྱག་དྲུག་པ། །གཡས་དཀར་གཡོན་དམར་དབུས…

ཕྱོགས་འཇོམས་ཞེས་བྱ་བ། །ཞལ་གཅིག་ཕྱག་གཉིས་སྐུ་མདོག་མཐིང་། །གཡས་པ་རྡོ་རྗེ་གཡོན་དགྲ་སྟྭ། །ནག་མོ་རལ་གཅིག་ཡུམ་དང་བཅས། །དབང་ཕྱུག་རྫོགས་པ་སྐུ་དཀར་སེར། །ཚེ་བུམ་ཐོང་གཤོལ་ཕྱག་གིས་འཛིན། །གདོང་དགུ་མ་ནི་སྦྱོར་བའི་ཡུམ། །བྲག་འཇོམས་མདོག་དཀར་གཡས་རྡོ་རྗེ། །ཕྱག་གཡོན་གྱིས་ནི་འཁོར་ལོ་འཛིན། །ཁྲོ་མོ་ཤེལ་མིག་མ་དང་བཅས། །སྨུག…

སྟག་དང་ཀང་ཀ་སྤྱང་ཀིའི་མགོ། །རྡོ་རྗེ་རིན་ཆེན་པདྨ་དང་། །རྒྱ་གྲམ་རིམ་བཞིན་གཡས་ཀྱིས་འཛིན། །ལྕགས་ཀྱུ་ཞགས་པ་ལྕགས་སྒྲོག་དང་། །ཤེལ་གྱི་དྲིལ་བུ་གཡོན་ན་བསྣམས། །ཁྲོ་བོའི་གར་དང་ལྡན་པ་དག །རང་སྔགས་གསང་བའི་དོན་གྱིས་དབྱུང་། །ཁྲོ་བོ་ཁྲོ་མོའི་ཚོགས་ཆེན་དག །ང་དང་གཉིས་མེད་དུས་གསུམ་གྱི། །སངས་རྒྱས་རྣམས་ཀྱི་བྱིན་རླབས་ཀྱིས།…

གཅིག་ཏུ་བསྡུ། །སྣང་ཞིང་རྟོག་པ་ཇི་སྙེད་པ། །དོན་གྱི་ངོ་བོ་དེ་ཉིད་ལས། །མཐོང་བའི་ཡུལ་ཚུལ་བལྟ་བ་ལས། །ཡང་དག་ཉིད་ལ་ཡང་དག་བལྟ། །འཇིག་རྟེན་པ་དང་དེ་ལས་འདས། །གང་ཟག་དང་ནི་ཆོས་ཀྱིས་བརྟག །ཚུ་རོལ་དང་ནི་ཕ་རོལ་ཏུ། །སྲིད་པ་དང་ནི་ཞི་བའི་ཆོས། །མཉམ་པ་ཉིད་ཀྱིས་གང་བསྒོམ་པ། །མཚན་མར་སྣང་དང་མཚན་མ་མེད། །རྒྱུ་འབྲས་སྟོང་པ་ཉིད་ལ…

ཏ་ཧཱུཾ་ཕཊ། ཨཱོཾ་ཡ་མ་ཧྲི་ཀུ་རུ་ཧཱུཾ་ཕཊ། ཨཱོཾ་ཡ་མ་ཡ་བ་ཏི་ཧཱུཾ་ཕཊ། ཨཱོཾ་ཡ་མ་ཨརྱ་ད་ར་ཧཱུཾ་ཕཊ། ཨཱོཾ་ཡ་མ་རཀྴ་ཙ་ལི་ཧཱུཾ་ཕཊ།ཨཱོཾ་ཡ་མ་སརྦ་བ་ཏ་ཧཱུཾ་ཕཊ། ཨཱོཾ་ཡ་མ་ཨ་མྲྀ་བཾ་ཧཱུཾ་ཕཊ། ཨཱོཾ་ཡ་མ་དྷརྨ་རཱ་ཛ་ཧཱུཾ་ཕཊ། ཨཱོཾ་ཡ་མ་ཛྭ་ལ་རཾ་ཧཱུཾ་ཕཊ། ཨཱོཾ་ཡ་མ་ཧྲི་ཏི་བཾ་ཧཱུཾ་ཕཊ། ཨཱོཾ་མ་མ་རག་མོ་རུ་ལུ་བྷྱོ། ཨཱོཾ་རག་མོ་རཀྵ་རུ་ལུ་བ…

ང་ཡིས་སྔར་བཤད་གནས་དག་ཏུ། །གསུམ་དང་གཅིག་གི་ཁྲུ་ཚད་ཀྱིས། །ཕོ་བྲང་དཀྱིལ་འཁོར་མཛེས་པར་བརྩིགས། །དུར་ཁྲོད་རྫས་ཀྱིས་རབ་ཏུ་བསྟར། །དབུས་ལ་གྲུ་གསུམ་སྒོ་བཞེངས་བྱ། །འཁོར་ལོ་མུ་ཁྱུད་ལྡན་པར་བྱེད། །གཙོ་ཆེན་སྐུ་གསུང་ཐུགས་ཀྱི་གནས། །ཇི་ལྟར་རིགས་པ་བསམ་བཞིན་དགོད། །གླ་གློ་ཨ་བ་བྷྲཾ་ཤི་ཏ། །རང་སྐད་སྨྲ་བ་དེ་དག་གི། །མཚན་ངན་ས…

འཇིགས་བྱེད་ངང་གིས་བཟླས་པར་བྱ། །ཡ་མ་རཱ་ཛ་ས་དོ་མེ་ཡ། ཡ་མེ་དོ་རུ་ཎ་ཡོ་ད་ཡ། ཡ་ད་ཡོ་ནི་ར་ཡ་ཀྵེ་ཡ། ཡ་ཀྵེ་ཡ་ཙྪ་ནི་རཱ་མ་ཡ། ཉི་མ་བཞི་པའི་ཕྲིན་ལས་སྤྱད། གིང་ཀ་ར་གིང་ཀ་ར། ཀརྨ་རཀྴ་ཧྲི། ཏྲི་ཀུ་རུ་རཀྴ་ཁཱ་ཧི། སྟ་ཤ་རཱུ་ཏྲ་མཱ་ར་ཡ། རཱུ་ཏྲ་ཐུན་ཡ། རཱུ་ཏྲ་ཐུན་ཡ། རཀྟ་ཐུན་རྦད། རཀྟ་ཐུན་རྦད། བདུད་ཏྲི་ནི་ར་ཟུང་། ཡ་ཧྲི་ནི་ར་ཟུ…

བྱ། །གསུམ་པས་གནས་སུ་དགུག་ཅིང་བཅིངས། །བཞི་པས་བསད་དང་བརྡེགས་པ་སྟེ། །ཉི་མ་བཞི་པའི་འཁོར་ལོ་ཡིས། །གཡས་གཅོད་གཡོན་གཅོད་གོ་རིམ་གྱིས། །འཕང་དང་བསྲེག་དང་གནན་པ་དང་། །ལས་ཀྱི་མཐའ་མ་རྫོགས་པ་ཡིས། །གཅོད་པའི་འཁོར་ལོ་ཆོ་འཕྲུལ་ཡིན། །གཟུགས་མེད་གཟུགས་ཅན་འདོད་པའི་ཁམས། །མ་ལུས་ངོ་བོ་ཉིད་ཀྱིས་བདེ། །འཁྲུལ་པའི་ལས་ཀྱིས་འཁོར་ལོ་…

འགགས་ཐབས་ལས་སྤྲུལ་པའི་སྐུ། །དག་པ་རང་གི་ངོ་བོ་ཉིད། །ཕྲིན་ལས་སྣ་ཚོགས་འབྱུང་བ་ལས། །སོམ་ཉི་ཟ་བར་མ་བྱེད་ཅིག །ཅེས་བཀའ་སྩལ་ཏོ། །གཤིན་རྗེ་གཤེད་རབ་ཏུ་འདུས་པ་རྩ་བའི་རྒྱུད་ལས། གཅོད་པའི་འཁོར་ལོའི་ཁྱད་པར་གྱི་ལས་བཤད་པའི་ལེའུ་སྟེ་དྲུག་པའོ།། །།དེ་ནས་རྒྱལ་པོ་རྡོ་རྗེ་འཛིན། །དུས་གསུམ་སངས་རྒྱས་ཐམས་ཅད་ཀྱི། །ཁྱད་པར་སྐུ་ཡ…

ཕྲིན་ལས་རྣམ་བཞི་རབ་རྫོགས་པས། །སྟག་གི་པགས་པའི་ཤམ་ཐབས་དཀྲིས་གསོལ། །དྲེགས་པ་རཱུ་ཏྲ་འདུལ་མཛད་པས། །མི་དབང་པགས་པ་སྐུ་ལ་གསོལ། །རཀྟའི་ཐིག་ལེས་འདོད་ཆགས་འཇོམས། །ཐལ་ཆེན་མཚན་མས་གཏི་མུག་སེལ། །ཞག་གི་ཟོ་རིས་ཞེ་སྡང་སྤོང་། །རྡོ་རྗེའི་གཤོག་པ་ནམ་མཁར་གདེངས། །རིན་ཆེན་གཤོག་པས་འགྲོ་དོན་རྫོགས། །མཐའ་གཉིས་མ་སྤངས་ཀུན་ལ་ཁྱབ། །…

གི་དབང་ཕྱུག་འཇམ་པའི་དཔལ། །ཐུགས་མཆོག་རྣམ་དག་ཆོས་ཀུན་གསལ། །ཡོན་ཏན་མཉམ་ཉིད་མ་ལུས་རྫོགས། །ཕྲིན་ལས་མི་བཟད་གདུག་པ་འདུལ། །སྦྱོར་དང་སྒྲོལ་མཛད་ཡུམ་དང་བཅས། །བྱང་ཆུབ་སེམས་ཀྱི་ཕྲིན་ལས་ཀྱིས། །སྲིད་པའི་འཁོར་ལོ་གནས་ནས་སྦྱོངས། །ཡེ་ཤེས་སེམས་དཔའ་རྒྱལ་བའི་སྲས། །འཁོར་ལོ་བཞི་ཡི་བདག་ཉིད་རྫོགས། །གཤེད་ཆེན་ཚོགས་ལ་ཕྱག་འཚལ་བས…

རྒྱ་གར་སྐད་དུ། ཤྲི་བྷ་ག་བཱ་ན་མ་ཧཱ་བ་ཤཾ་ས་མུ་དཱ་ཡ་མཱུ་ལ་ཏནྟྲ་ནཱ་མ། བོད་སྐད་དུ། དཔལ་བཅོམ་ལྡན་འདས་དབང་ཆེན་འདུས་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་དབང་གི་རྒྱལ་པོ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་ཀྱི་བདག་ཉིད་དབང་གི་རྒྱལ་པོ་དེ། འོག…

ཡེ་ཤེས་ཀྱི་ལྷ་ཚོགས་དེ་བཞིན་གཤེགས་པ་དང་། རྡོ་རྗེ་དང་རིན་པོ་ཆེ་དང་པདྨ་དང་ལས་ཀྱི་རིགས་སུ་སྣང་བའི་ཞི་བའི་ཚོགས་དང་། རྣམ་པར་རྒྱལ་བ་ལ་སོགས་པའི་ཁྲོ་བོའི་ཚོགས་དང་། གཙོ་མོ་ཆེན་མོ་དབྱིངས་ཀྱི་ཡུམ་ཆེན་མོ་དྲུག་དང་། འདབ་ཆགས་ཀྱི་གཟུགས་ཀྱིས་འགྲོ་བ་འདུལ་བར་བྱེད་པའི་ཁྲོ་བོ་རིགས་ལྔས་བསྡུས་པ་རྣམས་དང་། འཇིག་རྟེན་གྱི་དྲེག…

ལྟ་སྟེ། ཕྱོགས་བཅུ་མ་ལུས་པའི་ནམ་མཁའི་ཁམས་ཐམས་ཅད་ནི་མཐིང་ནག་གྲུ་གསུམ་ཡུམ་ཀུན་ཏུ་བཟང་མོའི་མཁའ་དབྱིངས་རླུང་གི་ཁམས་ཐམས་ཅད་ནི་འཐོར་རླུང་དྲག་པོ་ལྗང་གུ་ཟླ་གམ་རྒྱ་གྲམ། རིགས་ཀྱི་ཡུམ་དང་དམ་ཚིག་སྒྲོལ་མའི་མཁའ་དབྱིངས་ཆུའི་ཁམས་ཐམས་ཅད་ནི་ཆགས་པའི་གཞི་ཁྲག་གི་རང་བཞིན་དམར་ཞིང་ཟླུམ་པ། རིགས་ཀྱི་ཡུམ་མཱ་མ་ཀཱིའི་མཁའ་དབྱིངས་…

སྟོང་གསུམ་གྱི་ཀླུའི་རྒྱལ་པོ་གདུག་པ་ཅན་གདན་དུ་བྱས་པ་ནི་ཉོན་མོངས་པའི་དུག་མ་ལུས་པ་འཇོམས་པའི་རང་བཞིན། པདྨ་རྣམ་པར་དག་པས་གདན་བྱས་པ་ནི། ཐུགས་རྗེས་སེམས་ཅན་ལ་ཆགས་པར་མཛད་ཀྱང་། དེའི་སྐྱོན་གྱིས་མ་གོས་པའི་རང་བཞིན་ཉི་མ་དང་ཟླ་བ་པདྨ་འབར་བས་བཏེག་པ་ནི་བསོད་ནམས་དང་ཡེ་ཤེས་ཀྱི་ཚོགས་རྣམ་པར་དག་པས་བསྐྱེད་པ་སྟེ། དེ་ལྟར་སྣོད…

ཁ་བུབ་ཏུ་འགྱེལ་ནས་དབང་གི་རྒྱལ་པོའི་བཀའ་ཉན་ཅིང་བྲན་བཞིན་དུ་ལས་བྱེད་པར་ཁས་བླངས་ཤིང་དམ་བཅས་སོ། །དཔལ་དབང་ཆེན་འདུས་པ་རྩ་བའི་རྒྱུད་ལས། པདྨ་རོལ་པའི་དཀྱིལ་འཁོར་ཆེན་པོ་མངོན་པར་སྤྲུལ་པ་གླེང་གཞིའི་ལེའུ་སྟེ་དང་པོའོ།། །།དེ་ནས་བཅོམ་ལྡན་འདས་དབང་གི་རྒྱལ་པོ་དེ་ལ་འཁོར་གྱི་ཐོག་མ་རིགས་ཀྱི་ཁྲོ་བོ་པདྨ་ཧེ་རུ་ཀ་ཆེན་པོ་ཆུ་བ…

ཞལ་གྱི་དཀྱིལ་འཁོར་ལྗགས་ཀྱི་དབང་པོས་ཁྱབ་པར་མཛད་ནས། འདི་སྐད་ཅེས་བཀའ་སྩལ་ཏོ། །ཨེ་མ་ཧོ། ང་ནི་ཐམས་ཅད་སྐུ་ཡི་རྒྱན། །ང་ནི་ཐམས་ཅད་གསུང་གི་ཀློང་། །ང་ནི་ཐམས་ཅད་ཐུགས་ཀྱི་དབྱིངས། །ང་ནི་ཐམས་ཅད་ཡོན་ཏན་ཚོགས། །ང་ནི་ཕྲིན་ལས་མ་ལུས་མཛད། །ང་ཉིད་གཟུང་འཛིན་བྲལ་བར་བལྟ། །མཉམ་ཉིད་གཡོ་བ་མེད་པར་བསྒོམ། །མ་འགགས་རྩོལ་བ་མེད་པར་སྤ…