སྡུད་དང་བསམ་གཏན་དང་། །ཏིང་ངེ་འཛིན་དང་སྲོག་དང་རྩོལ། །སྒྱུ་མའི་ལུས་དང་འོད་གསལ་དང་། །ཟུང་དུ་འཇུག་དང་སྤྲོ་བ་དང་། །ངོ་བོ་རྣམ་པ་རང་བཞིན་གྱིས། །ལམ་གྱི་ཆོས་སུ་སྣང་བ་དང་། །རྒྱུ་དང་འབྲས་བུས་ཡོངས་བསྡུས་པའི། །ཆོས་ཀུན་རབ་ཏུ་སྣང་བར་བྱ། །དེ་ལྟར་བྱས་ན་རིག་པ་འཛིན། །འདས་དང་མ་འོངས་ད་ལྟ་བ། །ཐམས་ཅད་ཀུན་གྱིས་དགོངས་ཤིང་འག…

ནམ་ཡང་རྙེད་ཅིང་མཐོང་བ་མེད། །སེམས་ཅན་རང་བཞིན་བྱང་ཆུབ་སྟེ། །བྱང་ཆུབ་ཉིད་ཀྱང་དེ་ཡིན་ནོ། །དེ་ཡང་ཤེས་པ་རིག་འཛིན་མཆོག །འདོད་པ་དེ་ལ་ཡོངས་མི་འབྱུང་། །ནམ་མཁའི་མཐར་ཐུག་ཚོལ་བ་བཞིན། །སྒྱུ་མ་ལྟ་བུར་གང་ཤེས་པ། །དེ་ལ་མཆོག་འགྱུར་ཡུན་མི་རིང་། །ཐ་སྙད་ཙམ་གྱིས་མཚོན་པ་ཡིས། །རྟོགས་ཤིང་རིག་པར་འགྱུར་བ་ཡིན། །དཔེར་ན་རྒྱ་མཚོའི…

རྣམས་ཀྱིས་གསུངས། །དང་པོར་ཀུན་རྫོབ་ཙམ་དུ་བརྗོད། །དེ་ཤེས་ནས་ནི་ཡང་དག་བསྟན། །ཕྱི་མའི་དུས་ན་རིག་པ་འཛིན། །ཁ་ཅིག་ང་ཡི་ཚུལ་འཆོས་ཤིང་། །གང་ཟག་རྟག་པའི་བདག་ཡོད་ཅེས། །སྨྲ་བ་དེ་དག་སུན་དབྱུང་སྟེ། །གང་ཟག་བདག་ནི་བྱེད་པ་པོ། །བཅུ་གཉིས་ཀྱིས་བསོགས་བྱས་པས་རྟག །རང་གི་རྒྱུ་འབྲས་མི་འདོར་ཞེས། །སྨྲ་བ་འབྱུང་སྟེ་དེ་མི་རིགས། །…

ཆོས་ལ་བདག་འཛིན་སྤངས་པ་ནི། །ཉན་ཐོས་རང་རྒྱལ་སེམས་ཙམ་གྱི། །ཆོས་ཀྱི་བདག་ཅེས་ཡོད་པར་བརྟགས། །དང་པོ་དེ་ཡིས་གཟུང་བའི་ཡུལ། །ཕྲ་རྡུལ་འབྱར་ཞིང་མ་རེག་པ། །གཡག་སྤུ་དང་ནི་རྩྭ་ཕུང་བཞིན། །དེ་ལ་འཛིན་པའི་སེམས་ཀུན་ཞིག །ཚོགས་དྲུག་དོན་དམ་རྫས་སུ་འདོད། །དེ་ནི་མི་རིགས་མ་གྲུབ་སྟེ། །གཟུང་ཡུལ་ཆོས་ཅན་དོན་དམ་དུ། །མེད་དེ་གཅིག་དང་…

འབྲས་རྫས་སུ་ཡོད་པ་ལས། །སྐྱེ་འམ་གལ་ཏེ་མེད་ལས་སྐྱེ། །ཡོད་ན་བདག་གམ་གཞན་ལས་སྐྱེ། །བདག་ལས་སྐྱེ་ན་ཡོད་པས་སོ། །གཞན་ལས་སྐྱེ་ན་རྒྱུ་འབྲས་ཀུན། །ངེས་མེད་ལོག་པར་སྐྱེ་བར་འགྱུར། །མེད་ལས་སྐྱེ་ན་སྔ་མ་ཡིས། །ཕྱི་མ་ལ་ཕན་འགྱུར་རམ་ཅི། །ཕན་བཏགས་འདོད་ན་ཡོད་པ་སྟེ། །ཕན་བཏགས་ཡུལ་དུ་བྱུང་བས་སོ། །ཕན་མེད་བསྐྱེད་པ་མ་གྲུབ་སྟེ། །ར…

གནས་དང་། །དབྱིངས་དང་ཡེ་ཤེས་འདུ་འབྲལ་མེད། །སྐད་ཅིག་ཙམ་གྱི་ཡེ་ཤེས་ཀྱི། །བསགས་ཐོབ་བརྟན་པས་རྟེན་དུ་འགྱུར། །ཁ་ཅིག་ཏུ་ནི་མངོན་ཤེས་དང་། །སྦྱང་བ་ལྔ་དང་བགྲོད་པ་བཅུས། །དྲི་མ་དང་བྲལ་ཤེས་རབ་ཐོབ། །ནུས་པ་ཐོགས་མེད་ཆོས་སྐུར་འདོད། །ཁ་ཅིག་ཏུ་ནི་སྨིན་ཅིང་གྲོལ། །སྣོད་གྱུར་བཞི་དང་ཤེས་པ་གསུམ། །འཇུག་པ་ལྔ་ཡི་བདག་ཉིད་ཀྱིས། …

བསྟན་ཅེས་ཟེར། །ཁ་ཅིག་གིས་ནི་ཆོས་སྐུ་ཉིད། །སངས་རྒྱས་རྣམས་ཀྱི་སྤྱོད་ཡུལ་ཏེ། །རིག་པ་འཛིན་པ་ལོངས་སྐུར་བསྟན། །སོ་སོར་སྤྱོད་པའི་སྐྱེ་བོ་ཡིས། །རང་དང་མཐུན་པའི་སྤྲུལ་སྐུར་མཐོང་། །གང་གིས་བརྟགས་པ་དེ་ལྟར་སྣང་། །ཁ་ཅིག་ཡེ་ཤེས་རྒྱུན་ཆད་དེ། །ཆོས་སྐུ་སྒྲིབ་པ་མ་ལུས་ཟད། །ཆོས་ཉིད་ངང་དུ་ཐ་མི་དད། །གཟུགས་སྐུ་གཉིས་ནི་དེ་ཉི…

གསལ་ཚོགས། །སྣང་མཛད་རྒྱལ་པོའི་མཐར་ཐུག་པར། །རང་གི་གདུལ་བྱ་ལེགས་པར་སྦྱང་། །ད་ལྟ་ང་ཡི་སྟོན་པས་ཀྱང་། །སྤྲུལ་པ་དཔེ་སྦྱོར་ཆ་ལུགས་ཅན། །གདུལ་བྱ་སོ་སོའི་སྐྱེ་བོ་དང་། །ཉན་ཐོས་རང་རྒྱལ་རྣམས་ལ་བསྟན། །བྱང་ཆུབ་སེམས་དཔའི་རིག་འཛིན་ལ། །རྫོགས་པར་ལོངས་སྤྱོད་སྐུ་ཡི་བསྡུས། །དམན་པའི་ལུས་ཅན་དྲང་བའི་ཕྱིར། །ཚངས་དང་བརྒྱ་བྱིན་ད…

རྒྱན་ཡུལ་གྱི་དུར་ཁྲོད་དུ། །རང་བྱུང་མཆོད་རྟེན་ཆེན་པོ་ལ། །སྩལ་ནས་དབྱིངས་ཀྱི་ཡུམ་ལ་གཏད། །དེ་ནས་ལས་ཀྱི་དུས་སད་དེ། །སྐུ་གསུང་ཐུགས་དང་ཡོན་ཏན་དང་། །ཕྲིན་ལས་རྦོད་གཏོང་མཆོད་དང་རྟེན། །དྲག་སྔགས་སྤྱོད་དང་ལས་སྣ་ཚོགས། །གཅིག་དང་སོ་སོར་ཕྱེ་བ་ཡིས། །བཀའ་རྒྱུད་དེ་ཡི་དོན་འགྲེལ་བཅས། །མ་ལུས་གསལ་བར་བྱེད་པ་ནི། །དྷ་ན་ཀོ་ཤའི…

ཞིང་འཛིན་པར་འགྱུར། །དེ་ནས་བྱང་ཕྱོགས་མཐའ་འཁོབ་ཡུལ། །ཏི་སེ་གངས་ཀྱི་ཤར་ངོས་སུ། །རིག་པ་འཛིན་པའི་བྱང་ཆུབ་སེམས། །འཇིག་རྟེན་དབང་ཕྱུག་དངོས་གྱུར་པ། །ཆོས་ཀྱི་རྒྱལ་པོ་དེ་བྱུང་ནས། །ཏཱི་རཱ་ཀྲོ་དྷཱ་ཡང་ཏྲི་དྲིའི་ཡུལ་དང་བཅས། །ཕྲིན་ལས་ཆེ་ལ་ཐུགས་གཞོལ་ཏེ། །རིག་འཛིན་མཛད་པ་མཐར་འབྱིན་བྱེད། །ཝ་གཱི་ཤྭ་རིའི་ཐུགས་རྒྱུད་ཀྱི། …

གསུམ་གྱིས་འཆི་བ་བསླུ་བ་ཡིས། །མཐར་ཐུག་གི་ནུས་པ་མ་རྫོགས་ཚེ་འདིའི་རྟེན་གཞན་ལ་འཕོ་སྟེ། །སེམས་ལ་དངོས་པོའམ་མཚན་མ་མེད་པར་སྐྱེ་བ་རྒ་བ་ན་བ་འཆི་བའི་སོགས་པའི། །རྣམ་རྟོག་སྣ་ཚོགས་འདི་འཇིག་རྟེན་པའི་སྣང་བའི་རྟགས། །སེམས་ཀྱི་སྙིང་པོ་སྤྲོས་བྲལ་ལ། །ལུས་འཕོ་དང་སེམས་ཕྱི་མར་འགྲོ་བ་ཡོངས་མ་གྲུབ། །རང་བྱུང་རིག་པ་འཛིན་པའོ། །ག…

བར་མ་དོ། །སྔ་མའི་གཟུགས་ཀྱི་རྟོག་པ་ཅན། །དབང་པོ་ཡུལ་དམིགས་སྙམ་པ་དང་། །སྟོབས་དང་ནུས་པ་ཐོགས་མེད་ཅིང་། །མཚུངས་ལྡན་རིགས་ཀྱི་མཐོང་ཤིང་ཤེས། །རིགས་དྲུག་སྣང་བ་སྐྱེ་ཞིང་འཆར། །སྔར་བཞིན་ལམ་གྱི་གོམས་པ་མཐུད། །ཐ་མལ་ཕུང་པོའི་ལུས་སྤངས་པས། །ངོ་ཤེས་མ་བསྒྲིབས་འཇུག་པར་བླ། །སྔ་མའི་འཁོར་གྱི་དགེ་སྤྱོད་གྲོགས། །ལྷ་དང་མཁན་པོ་ས…

རྒྱ་གར་སྐད་དུ། ལོ་ཀ་སྟོ་ཏྲ་པཱུ་ཛ་ནོ་བི་ཀ་སཱུ་ལ་ཏནྟྲ་ནཱ་མ།བོད་སྐད་དུ། འཇིག་རྟེན་མཆོད་བསྟོད་སྒྲུབ་པ་རྩ་བའི་རྒྱུད་ཅེས་བྱ་བ། བཅོམ་ལྡན་འདས་རྡོ་རྗེ་འཛིན་པ་ལ་ཕྱག་འཚལ་ལོ། །འདི་སྐད་བདག་གིས་ཐོས་པའི་དུས་གཅིག་ན། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་སྐུ་དང་གསུང་དང་ཐུགས་ཀྱི་བདག་ཉིད་གསང་བ་ཆེན་པོ་རྡོ་རྗེ་འཛིན་པ།…

དྲག་ཤུལ་ཅན་དང་། དྲེགས་པ་ཅན་དང་། སྟོབས་ཅན་དང་། བཟོད་པར་དཀའ་བ་དག་མྱུར་དུ་འདུལ་བར་བྱེད་པ། བདེ་བར་གཤེགས་པ་ཐམས་ཅད་ཀྱི་ཐུགས་ཀྱི་སྙིང་པོ། དེ་ཁོ་ན་ཉིད་ལས་ཕྱུང་བ། བྱང་ཆུབ་སེམས་དཔའ་སེམས་དཔའ་ཆེན་པོ་གཙོ་བོ་ཆེན་པོ་མཐར་ཕྱིན་པ་ལ་རབ་ཏུ་ཞུགས་པ། འདོད་པའི་ཁམས་དང་གཟུགས་ཀྱི་ཁམས་སུ་གཏོགས་པའི་དབང་ཕྱུག་ལྷའི་རིགས་རྣམས་ཀྱི་བ…

རྔམས་པ།ཕྱག་གཡས་དང་པོ་ན་རྡོ་རྗེ་འབར་བས་གཡོན་གྱི་དུང་དམར་དཀྲུགས་ཤིང་གསོལ་པ། གཡས་འོག་མ་བརྒྱད་ན་ལྷ་ཆེན་པོ་བརྒྱད་བསྒྲལ་བའི་མགོ་བོ་བསྣམས་པ།གཡོན་གྱི་འོག་མ་བརྒྱད་ན་ཀླུ་ཆེན་པོ་བརྒྱད་ཀྱི་མགོ་བོ་བསྣམས་པ། དེ་དག་ཀྱང་གཡང་གཞི་དང་བཅས་པ། གཡས་ཀྱི་སྤྱན་དགུ་གྱེན་ལ་བཟློག་པ། གཡོན་གྱི་སྤྱན་དགུ་འཕྲེད་ལ་གཟིགས་པ། དབུས་ཀྱི་སྤ…

སྲོག་གི་བདག་པོ་དང་། ནོར་གྱི་བདག་པོ་དང་། ཚེའི་བདག་པོ་དང་། སྔགས་ཀྱི་བདག་པོ་དང་། སྲིད་པའི་བདག་པོ་དང་། གཞན་ཡང་འཇིག་རྟེན་གྱི་ཁམས་ཐམས་ཅད་དང་། དུར་ཁྲོད་ཆེན་པོ་དང་། ཡུལ་ཆེན་པོ་དང་། འཛམ་བུའི་གླིང་གི་མཐའ་ཁོབ་ཀྱི་ས་དང་། རི་ཡི་རྒྱལ་པོ་དང་། རི་ཕྲ་མོ་དང་། རྒྱ་མཚོ་དང་། ཆུ་བྲན་དང་། ཡོངས་སུ་འདུ་བའི་ཤིང་དང་། ནགས་ཚལ་ཆ…

འཁོར་དང་། རྒྱན་དང་།བཞོན་པ་དང་། གནས་དང་། ཉེ་བར་སྤྱོད་པ་ཕྲིན་ལས་ཀྱི་ཁྱད་པར་མ་ལུས་པར་བསྟན་ཅིང་། མིང་གི་སྙིང་པོ་རྣམས་མངོན་དུ་ཕྱུང་སྟེ་སྨྲས་སོ། །མ་ཧཱ་དེ་བ་ཨེ་ཛ། ཨུ་མ་དེ་བ་ཨེ་ཛ། དུ་པྲ་མ་དུ་ཕྲག་དུ་ཛ། དུན་ཏིང་མ་དུ་ཛ།འཇིག་རྟེན་གྱི་དབང་ཕྱུག་ཆེན་པོ་ཡབ་ཡུམ་བདུད་ཕོ་མོ་དང་བཅས་པ་རྣམས་ཀྱིས་རང་གི་མིང་ཕུལ་བའོ། །དེ་ནས…

འཇིག་རྟེན་གྱི་སྲོག་གི་བདག་པོ་དང་། གནོད་སྦྱིན་གླུའི་བདག་པོ་རྡོ་རྗེ་ཅན་དང་། དགྲ་བླའི་རྒྱལ་པོ་ཆེན་པོ་དང་། ལྷའི་དབང་ཕྱུག་ནག་པོ་ཆེན་པོའི་ཚོགས་ཀྱི་སྡེ་དཔོན་ཆེན་པོ་རྣམས་ཀྱིས་རང་རང་གི་མིང་གི་སྙིང་པོ་ཕུལ་བ། གིང་ཀ་རཏྲི་པ་ལེ་ར་ཙ་བཛྲ་བུ་རུ་ཛ། བཛྲ་སཱ་དྷུ་ཏྲི་ཛ། མ་ཧཱ་ཀཱ་ལ་ཡཀྵ་ཛ། ཞེས་ཕུལ་ལོ། །དེ་ནས་འཇིག་རྟེན་གྱི་ག…

པའི་རྗེས་སུ་སྤྱོད། །རིག་འཛིན་རྣམས་ཀྱི་བཀའ་བཞིན་སྐྱོངས། །ཁྱེད་ཅག་རྒྱལ་པོ་རྗེ་དཔོན་དང་། །བྲན་གཡོག་ཚུལ་དུ་སུས་བསྙེན་པ། །དངོས་གྲུབ་གསོལ་ཞིང་ཕྲིན་ལས་སྒྲུབས། །གལ་ཏེ་དེ་ལྟར་མི་བྱེད་ཅིང་། །གསང་བའི་ཚིག་ལས་འགལ་བྱེད་ན། །ཁྱེད་ཀྱི་ལུས་སེམས་སྲོག་གི་རྒྱུད། །ད་ལྟ་ཉིད་དུ་མ་རུངས་འགྱུར། །ཞེས་བཀའ་སྩལ་ནས། དམ་པའི་ཐ་ཚིག་ལ…

མངག་པ་དང་། གཉེར་གཏད་པ་དང་། བསྐུལ་བ་དང་། རྦད་པ་དང་། བཟློག་པ་དང་། ཚར་གཅད་པ་དང་། གཟིར་བ་དང་། སྤོག་པ་དང་། ལས་སྣ་ཚོགས་དག་གི་སྒོ་ནས། རོལ་པ་ཆེན་པོའི་གསང་བ་སྐུ་གསུང་ཐུགས་ཀྱི་རྡོ་རྗེ། དམ་ཚིག་ཆེན་པོ་ལས་ཕྱུང་སྟེ་བཀའ་སྩལ་ཏོ། །ཉོན་ཅིག་འཇིག་རྟེན་དྲེགས་པའི་ཚོགས། །ཕྱི་མའི་ཚེ་ན་སྙིགས་མའི་དུས། །དགེ་སྦྱོང་ཆེན་པོའི་བསྟ…