ལ་བཟླའོ། །དེ་ལྟར་ཉམས་སུ་ལེན་པ་ནི། །ཡོངས་རྫོགས་ཨ་ཏིའི་དགོངས་པ་སྟེ། །རྒྱུད་མཆོག་འདི་ཡི་ཁོང་སྙིང་ཡིན། ། ཞེས་བཀའ་སྩལ་ཏོ། །དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། གསང་བ་ཉམས་ལེན་ཡོངས་རྫོགས་མདོར་བསྡུས་ཀྱི་ལེའུ་སྟེ་བཅུ་གསུམ་པའོ།། །།དེ་ནས་ཡང་འདུས་པའི་འཁོར་རྣམས་མགྲིན་གཅིག་ཏུ། སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧ…

པའི་རྩ། །དེ་ནས་བྱང་སེམས་དམར་པོ་རྒྱུ། །གསང་བ་ཨ་ཝ་དྷཱུ་ཏཱིའི་རྩ། །རྩ་གཉིས་བར་ན་དྲང་པོར་གནས། །དེ་ནི་དཔེར་ན་བ་ཐག་ལ། །ཉི་ཟེར་ཕོག་པ་ལྟ་བུར་ཡོད། །དེ་ཉིད་རྩ་བ་མཚན་མར་ཟུག །རྩེ་མོ་སྤྱི་གཙུག་འཁོར་ལོའི་དབུས། །ཚངས་པའི་བུ་གའི་ནང་ན་གནས། །དེ་ནས་སོར་གསུམ་ཀླད་པའི་དབུས། །བདེ་བ་ཆེན་པོའི་འཁོར་ལོ་སྟེ། །རྩ་འདབ་སུམ་ཅུ་རྩ་ག…

ཅང་མི་དྲན། །དེ་ཕྱིར་ཨ་ཝ་དྷཱུ་ཏཱི་ནི། །མི་རྟོག་ཆོས་དབྱིངས་ཡེ་ཤེས་རྩ། །དེ་ནི་རྩ་གནས་རིམ་པའོ། །དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། ལུས་ལ་རྩ་གནས་ཡོངས་རྫོགས་བསྟན་པའི་ལེའུ་སྟེ་བཅུ་བཞི་པའོ།། །།དེ་ནས་ཡང་འདུས་པའི་འཁོར་རྣམས་ཀྱིས་མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེན་པོ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱ…

གནས་པ་ཡི། །རླུང་གསུམ་དག་ཏུ་འདུས་པ་ཡིན། །འབྱུང་བའི་རླུང་ནི་སོར་བཅུ་དྲུག །ཕྱིར་འབྱུང་ནང་རླུང་སོར་བཅུ་དྲུག །ནང་འཇུག་གནས་རླུང་སྐད་ཅིག་ཙམ། །ལྟེ་བ་དག་ན་གནས་པ་ཡིན། །རླུང་ལ་ཞོན་ནས་ཡིད་འགྱུ་བས། །འཁོར་བ་སྐྱེད་བྱེད་རླུང་ཡང་ཡིན། །དེ་ཕྱིར་རིགས་དྲུག་རང་ལ་ཚང་། །དེ་ནས་རྩ་རྣམས་འབྲི་ཚུལ་ཡང་། །ལོ་གཅིག་ལོན་ནས་ལོ་བརྒྱའི…

འདྲ་བའི། །རིག་པ་རླུང་མེད་གཡོ་འགུལ་མེད། །རིག་པ་ལས་སུ་རུང་བ་ཡིན། །མིག་མེད་རྟ་ཕོ་དང་འདྲ་བའི། །སྐྱོད་བྱེད་རླུང་རྟ་རིག་མེད་པའི། །འགྲོ་བར་མི་ནུས་རང་དབང་ཐོབ། །དེ་ཚེ་ཡང་དག་རང་ངོ་སྤྲོད། །རླུང་རིག་རང་དྭངས་དེར་སངས་རྒྱའོ། །དེ་ཕྱིར་རླུང་འཛིན་ཉམས་ལེན་ནི། །སྔོན་དུ་ཚོགས་བསག་བླ་མ་མཆོད། །བགེགས་བསྲུང་སྐྱབས་འགྲོ་སེམས་བ…

གཡོ་འགུལ་བྲལ། །རིག་པ་གར་སྦྱིན་སྦྲང་འབྱར་འདྲ། །དེ་ཚེ་རླུང་ཉིད་ལས་རུང་བས། །ཐ་མལ་ཤེས་པ་སྙིང་དབུས་སད། །ཆོས་རྣམས་ཀུན་གྱི་དེ་བཞིན་ཉིད། །མ་བཅོས་བྱང་ཆུབ་སེམས་རྟོགས་པས། །ཉོན་མོངས་རང་སངས་ཡེ་ཤེས་རྒྱས། །གསང་རླུང་ངོས་ཟིན་ངོ་མཚར་ཆེ། །དེ་ལྟར་རླུང་བསྒོམས་འབྱོངས་རྟགས་གསུམ། །ཕྱི་དང་ནང་དང་གསང་བའི་ཚུལ། །ཕྱི་རྟགས་དྲོད་ས…

རྩལ་དབང་ངེས་པར་འཐོབ། །ཚེ་དབང་རིག་འཛིན་ལ་སོགས་པའི། །ཡོན་ཏན་བརྗོད་ཀྱིས་མི་ལང་ངོ་། །ཞེས་བཀའ་སྩལ་ཏོ། །དཔལ་གསང་བ་འདུས་པ་རྒྱུད་ཀྱི་རྒྱལ་པོ་ལས། འགྱུ་བྱེད་སྟོབས་ལྡན་རླུང་གནད་ཡོངས་རྫོགས་བསྟན་པའི་ལེའུ་སྟེ་བཅོ་ལྔ་པའོ།། །།དེ་ནས་འདུས་པའི་འཁོར་རྣམས་ཀྱིས། མགྲིན་གཅིག་ཏུ་སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གས…

སྒ་སྐྱ་པི་ལིང་ཕོ་བ་རིས། །ཚྭ་སྣ་ཚོགས་ཚད་ཞིབ་བཏགས་བསྲུབ། །སྐམ་ཐག་ཆོད་པར་མཉེས་ཟིན་ནས། །བུ་རམ་མགོ་བསྡུས་སྲན་ཚད་དྲིལ། །སྲན་ཚད་གསུམ་གྱིས་ཞག་གཅིག་དྲོས། །དྲོད་བུལ་སྲིད་ན་སྒ་དམར་སྦྱར། །བསྐུ་མཉེ་བྱས་པས་སེར་སློངས་ཏེ། །བདེ་དྲོད་མེ་ལྟར་འབར་བར་ངེས། །ནང་ནི་བསྐྱེད་རིམ་གཏུམ་མོས་ཏེ། །མེ་དབང་ཐོབ་པའི་རྣལ་འབྱོར་པས། །ལུས…

མན་ངག་འབར་འཛག་གནད། །སྟེང་འོག་གཉིས་ཀྱི་རླུང་ཡང་ནི། །ཧ་ཅང་བསྡམས་དྲགས་མ་ཡིན་ཏེ། །སྐབས་སུ་གསང་ཞིང་འཚམས་པར་མནན། །སྟེང་རླུང་ཐབས་ཀྱི་རང་བཞིན་ལས། །དཀར་པོ་འཁྱིལ་པ་སྤྲིན་དང་འདྲ། །འོག་རླུང་ཤེས་རབ་རང་བཞིན་ཉིད། །ཡར་ལ་དམར་པོ་འཁྱིལ་པ་ནི། །ལྟེ་བ་སྤྲུལ་པའི་འཁོར་ལོ་རུ། །སྦྲུལ་བཞིན་དཀར་དམར་འདྲེས་འཁྱིལ་པས། །ལྟེ་འོག་སོར…

དང་པོ་བྱང་སེམས་གཟུང་ཐབས་ནི། །སྤྱི་གཙུག་བདེ་ཆེན་འཁོར་ལོར་ཨོཾ། །མགྲིན་པ་ལོངས་སྤྱོད་འཁོར་ལོར་ཨཱཿ། །སྙིང་ག་ཆོས་ཀྱི་འཁོར་ལོར་ཧཱུཾ། །ལྟེ་བ་སྤྲུལ་པའི་འཁོར་ལོར་ཧཱཾ། །བྱང་སེམས་འཁོར་ལོར་བསྒོམ་པ་ཡཾ། །དེ་ལས་འོད་ཟེར་གྱེན་དུ་སྡུད། །འཁོར་ལོ་བཞི་ཡི་ཡི་གེ་བཞི། །འོད་ཞུ་འོད་ཀྱི་ཐིག་ལེ་བཞི། །དེ་ལ་སེམས་གཏད་མི་འཕྲོ་ན། །ས…

རྣམས་ཀྱིས་མགྲིན་གཅིག་ཏུ། སྟོན་པ་ཀུན་ཏུ་བཟང་པོ་དཔལ་ཆེ་མཆོག་ཧེ་རུ་ཀ་ལ་གསོལ་པ། ཀྱེ་ཀྱེ་ཀྱེ། ཡེ་ཤེས་ལྔ་བདག་ཀུན་ཏུ་བཟང་། །ཁྱབ་བདག་ཆེན་པོ་ཧེ་རུ་ཀ །རིམ་ལྔ་གདན་གཅིག་ཡོངས་རྫོགས་དོན། །བདག་ཅག་རྣམས་ལ་བཀའ་སྩོལ་ཅིག །དེ་སྐད་གསོལ་པའི་དོན་དགོངས་ཏེ། །སྟོན་པ་ཉིད་ཀྱིས་བཀའ་སྩལ་པ། །དཔལ་ཆེན་ཁྲག་འཐུང་ཧེ་རུ་ཀའི། །བསྐྱེད་རིམ…

ཡིན། །འོད་གསལ་བསྒོམ་པའི་རིམ་པ་ཡང་། །རྡོར་སེམས་དཔྲལ་བར་ཨ་དཀར་བསམ། །ཨ་ལས་འོད་དཀར་ལུས་ཁྱབ་འཕྲོས། །སྒྱུ་ལུས་འོད་ཞུ་ཨ་ལ་འདུས། །ཨ་ནི་སྐྱེ་བ་མེད་པའི་སེམས། །སེམས་ལས་སེམས་བྱུང་སེམས་ཉིད་དོན། །སྟོང་པར་ཐིམ་ནས་འོད་གསལ་གནས། །རྟགས་ནི་དུ་འདྲ་རང་བཞིན་མེད། །ཟུང་འཇུག་བསྒོམ་པའི་རིམ་པ་ཡང་། །སྣང་རྣམ་པ་ཡང་བའི་ཆ་ནས་སྒྱུ་ལུ…

ག་རུ། །སྨེ་བ་ཡོད་ན་དེ་ཡི་མཁར། །དུར་ཅན་རྩ་ཞེས་བྱ་བ་གནས། །རྩ་དེས་རྡོ་རྗེ་འཇིབ་བསྡམ་ཤེས། །དེ་བཞིན་རིགས་ལྡན་གང་དུ་དག །ཁྲུས་བྱས་རྒྱན་གདགས་ཟས་བཅུད་གཏང་། །བདུད་རྩི་སྨན་དང་དྲི་ཞིམ་བྱུགས། །ཟས་ངན་སྐྱེས་པ་གཞན་བསྟེན་སྤང་། །རྒྱུ་འབྲས་ཆོས་བཤད་སྤྲོ་བ་བསྐྱེད། །ཆགས་པ་གཡོ་བྱེད་གཏམ་བརྗོད་པས། །རྟོག་པ་གཞན་འགགས་ཆགས་བདེ་ས…

མིག་བཟློག་སྟེ། །ཧིག་བརྗོད་འོག་རླུང་གྱེན་དུ་དྲང་། །དགྲམ་པ་འཁོར་ལོ་བཞིའི་རྩ་ཡི། །དམིགས་སུ་དགྲམ་པར་བསྟན་པ་ནི། །སེང་གེ་རྣམ་གྲོལ་ཕྱག་རྒྱ་ཡིས། །གཡས་བསྐོར་གཡོན་དུ་ཁྱབ་པར་དགྲམ། །རྗེས་སུ་ལུས་སྤྲུག་ཕྲིལ་ཕྲིལ་བྱ། །དེ་དག་ཉམས་ཀྱི་རིམ་པ་ཡང་། །སྤྱི་བོ་ནས་འཛག་དགའ་བ་སྟེ། །མགྲིན་པར་མཆོག་དགའ་སྙིང་ག་རུ། །བབས་པས་ལྷན་སྐྱ…

པ་ཉིད་ཀྱིས་བཀའ་སྩལ་པ། །གསང་སྔགས་མཐའ་སྡུད་སྦྱོར་སྒྲོལ་ལས། །ལོག་ལྟ་གདུག་པ་ཅན་དོན་དུ། །ལས་རྒྱུན་གཅོད་པའི་ཐུགས་རྗེ་ཡིས། །དྲག་སྔགས་ཡོངས་རྫོགས་གནམ་ཐོག་བཤད། །ང་ནི་ཀུན་བཟང་རྡོ་རྗེ་འཆང་། །རྒྱལ་བ་ཀུན་གྱི་སྤྱི་གཟུགས་ཡིན། །སངས་རྒྱས་ཀུན་གྱི་རང་བཞིན་ཏེ། །ང་ནི་ཆེ་མཆོག་ཧེ་རུ་ཀ །སྲིད་གསུམ་གདུག་པ་ཡོངས་བསྒྲལ་ཕྱིར། །ཆེ…

ཆེ་གེ་མོ་མཱ་ར་ཡ་ཧཱུཾ་ཕཊ། ཨོཾ་རྣལ་མ་རྣལ་ཏེ་སྲོག་ལ་རྔམ། སྲོག་ལ་མེར། སྦྲིས་སྲིས་ཀྱང་ལ་ཆུམ། ཐུམ་པིས་ཐུམ་པིས། ལྕགས་ཀྱི་སྐྲ་གཅིག་མས་དགྲ་བོའི་སྙིང་ཕྱུང་ཞིག །མཱ་ར་ཡ་རྦད། ཀཱི་ལི་ཀཱི་ལ་ཡ་དགྲ་བོ་ནྲྀ་རྦད། ཧཱུཾ། ང་ནི་པདྨ་དབང་ཆེན་སྐུ། །སྲིད་གསུམ་གདུག་པ་ཡོངས་བསྒྲལ་ཕྱིར། །པདྨ་ཡོངས་རྫོགས་དྲག་སྔགས་འདིའོ། །ཧྲཱྀཿཧ་ཡ་དཔ…

ནྲྀ་དུཥྚཱཾ་མཱ་ར་ཡ་རྦད་ཕཊ། བཛྲ་ཧེས་ཏ་ཀྲིམ། རྨུགས་ཤ་རྨུགས་ཤ །རྦད་ད་ར་རྦད་ད་ར། མུག་ཏི་མྱོགས་སྲོད། རྩི་སྲིབ་སྙིང་རི་མ་ཤ་ཡཱ་ཡཱ། སྲོག་རི་ཡ་ཡཱ། མིག་དཀྱུས་ནས་ཕྱུང་ཞིག །རྒྱུངས་པ་རྩད་ནས་ཆོད་ཅིག །ལྕེ་ལྐོག་ནས་དྲོངས་ཤིག །ཨོཾ་མ་མ་རཀྨོ་རྩེ། སྙིང་ཁ་རག་རྦད་སུ་བྷྱོ། རཀྨོ་ཡཀྨོ་རྦད་སུ་ངཱུ། མ་ར་ཡ་ངཱུ ་ངཱུ །རྦད་མཱ་ར་ཡ་རྦ…

ཧྲཱིཾ་ཛཿ། ཆེ་གེ་མོ་ནྲྀ་ཧུར་ཐུམ་ཛཿམཱ་ར་ཡ་རྦད། ཀཱི་ལི་ཀཱི་ལ་ཡ་དགྲ་བོ་ནྲྀ་རྦད། བདེ་གཤེགས་ཡོངས་རྫོགས་དྲག་སྔགས་འདི། །དྲེགས་པ་མ་རུངས་རྡུལ་དུ་རློག །གདབ་པའི་སྔགས་དགུ་ཞེས་ཀྱང་བྱ། །འདི་ལ་ཉམས་ལེན་རིམ་གསུམ་སྟེ། །ཤམ་བུར་གདགས་དང་ཕུར་ཚུགས་བསྒྲུབ། །གར་དགོས་ལས་ལ་སྦྱར་བའོ། །དང་པོར་ཤམ་བུར་བསྟན་པ་ཡང་། །གསང་བ་སྒྲུབ་ཆེན་…

ཡོངས་རྫོགས་དཔལ་ཆེན་བསྐྱེད། །དེ་ལས་སྤྲུལ་པས་དགྲ་བགེགས་དགུག །ཕུར་པའི་ལྷ་རྣམས་སྒོ་གསུམ་དུ། །ཨོཾ་དཀར་ཨཱཿདམར་ཧཱུཾ་མཐིང་བསྒོམ། །དེ་ནས་ཕུར་པའི་སྤྱི་གཙུག་དང་། །མགྲིན་པ་སྙིང་ག་ལྟེ་གསང་དུ། །འབྲུ་ལྔ་རིགས་ལྔ་བསྐྱེད་ལ་བཞག །དེ་ནི་ཡེ་ཤེས་ཕུར་པ་སྟེ། །ཀུན་གྱིས་མ་རིག་སྙིང་རེ་རྗེ། །ལོག་ལྟ་རྣམས་ལ་སྙིང་རྗེ་བསྐྱེད། །གཉིས…

གདབ། །ཚོགས་བརྒྱད་བསྒྲལ་ཞིང་སྒོ་ལྔ་ཆོད། །གདབ་ཕུར་ཀུན་གྱིས་ཁྱབ་པར་གདབ། །དེ་བར་དྲག་སྔགས་ཕུར་ཚུགས་བཟླས། །ལས་མཐའ་མནན་བསྲེག་འཕང་ལ་གཏད། །ཕུར་པ་ཐེབས་ཚད་འབྲས་བུ་ཡང་། །གདབ་ཕུར་འབེན་གསུམ་གྲུབ་མཐའ་གཅིག །ཐམས་ཅད་ཆོས་དབྱིངས་སྟོང་པར་བསྒྲལ། །རིག་པ་ཡེ་ཤེས་ཕུར་པ་དེ། །ཆོས་དབྱིངས་ཐེབས་པས་ཆོས་ཀྱི་སྐུ། །ཚད་མེད་སྙིང་རྗེའི་…