རྒྱ་གར་སྐད་དུ། རཏྣ་ཨ་བྷི་ཥིཉྩ་ཨ་ནུ་ཙཀྲ་པྲ་སེ་ནཱ་མ། བོད་སྐད་དུ། དབང་རིན་པོ་ཆེ་འཁོར་ལོ་རྣམ་པར་བཤད་པ་ཞེས་བྱ་བ། བཅོམ་ལྡན་འདས་པདྨ་དབང་ལ་ཕྱག་འཚལ་ལོ། །དེ་ནས་པདྨ་དབང་ཆེན་ལ། །གསང་བའི་བདག་པོས་འདི་སྐད་གསོལ། །ཀྱེ་ཀྱེ་བཅོམ་ལྡན་དབང་ཆེན་སྐུ། །གསང་བའི་དབང་གི་རྣམ་པའི་ཚོམ། །དབང་ཆེན་ཉིད་ཀྱི་བཀའ་སྩོལ་ཅིག །དེ་ནས་ཕྱག་ན་ར…

འཁོར་ནི་དབང་གི་ལམ་ཡིན་ནོ། །བྷན་ནི་འཛིན་པའི་དོན་ཡིན་ལ། །དྷ་ནི་གསང་མཆོག་བདེ་བའི་གནས། །སྐུ་ནི་སྤྲུལ་པའི་གསང་མཆོག་སྟེ། །རྡོ་རྗེ་ཐུགས་ཀྱི་དོན་ཡིན་ནོ། །དྲིལ་བུ་རྟོགས་པ་མཆོག་གསང་ཡིན། །སྤྱན་ལ་དབང་ནི་བསྐུར་བ་ནི། །ཐུགས་གསང་རྡོ་རྗེའི་སྐུ་ཐོབ་ཡིན། །དྲི་མེད་སྤྱན་ནི་རྣམ་པ་ལྔ། །མི་རྟོག་ཐོབ་པ་ཐེ་ཚོམ་མེད། །རྡོ་རྗེ་ལ…

བཅུ་དགུ་ལས། །མུན་པ་བཅུ་གཅིག་རྣམ་པར་སངས། །རིག་པ་རྩལ་དབང་བཅོ་བརྒྱད་ལས། །སྣང་བ་འཆར་ཚུལ་བཅོ་ལྔ་ཐོབ། །སྦྱོར་བའི་མཚན་ཡིག་དྲུག་ཅུ་ལས། །ཕྱག་མཚན་དྲུག་ཅུ་རྩ་གཉིས་གསལ། །ལྷ་ཡི་མཚན་མ་དྲུག་ཅུ་གཉིས། །སྐུ་གསུང་ཐུགས་དང་བཅས་པ་གསལ། །གཉིས་དང་གཉིས་ལས་བཞིར་འགྱུར་དང་། །ཕྱེད་ཕྱེད་དྲུག་པ་སུམ་ཅུ་བདུན། །ལྷག་མ་ལྷག་མ་དང་པོའི་བད…

ཚུལ་གསུམ་ཡང་ཐོབ། །སྣང་བ་རྣམ་པ་བཞི་དག་ལས། །མཐོང་བའི་ཐབས་ནི་སོ་སོར་ཐོབ། །འདིར་སྣང་གཅིག་ལས་མ་འདས་ཚེ། །བདེན་པའི་ཁྱད་ནི་རེ་རེ་ལས། །ཡུལ་ནི་སོ་སོར་གཅོད་པར་ངེས། །འབྲས་བུའི་སྣང་བ་སྐྱེས་ཚུལ་ཐོབ། །བར་གྱི་སྣང་བ་དང་པོ་ལས། །མཐོང་བའི་ཡུལ་ནི་རེ་རེ་སྟེ། །འཇུག་དང་གྲོལ་བའི་དུས་གསུམ་ཐོབ། །སྨིན་པའི་འབྲས་བུ་ཡིད་ཆེས་གསུམ།…

ལུགས་རྣམ་པ་བཞི་ཚེ་ན། །ཡི་གེ་དགོངས་པ་འོད་ཟེར་རོ། །རྒྱུད་པ་རྣམ་པ་བཞི་ཚེ་ན། །དམ་དང་ཆོད་དང་ཆེན་ལས་སོ། །སྒྲུབ་ཐབས་རྣམ་པ་བཞི་ཚེ་ན། །ཐབས་དང་རྒྱུ་དང་ཡོན་ཏན་ནོ། །རྫས་ནི་རྣམ་པ་བཞི་ཚེ་ན། །བདེ་འཁོར་ཆོས་དང་ལོངས་སྤྲུལ་ལོ། །ཏིང་འཛིན་རྣམ་པ་བཞི་ཚེ་ན། །རྫོགས་དང་ཡན་ལག་མ་ཡིན་ནོ། །ཐོབ་ལུགས་རྣམ་པ་བཞི་ཚེ་ན། །ངོ་དང་ཆོས་དང་…

མེད་རང་གསལ་ལོ། །དངོས་པོ་རྣམ་པ་བཞི་ཚེ་ན། །མཚན་མའི་མང་དང་ཡི་གེའོ། །མཆོག་ལྡན་དངོས་གྲུབ་རྣམ་པ་བཞི་ཡི་ཚེ། །དངོས་དང་སྣང་དང་རང་བཞིན་ནོ། །སྟོང་པའི་ཐིག་ལེ་དྲུག་གི་ཚེ། །ངོ་དང་འོད་དང་ནམ་མཁའོ། །མཚན་མའི་ཡིག་འབྲུ་གཉིས་ཀྱི་ཚེ། །དཀར་དང་དམར་དང་འཕྲོ་འདུའོ། །ཐབས་དང་ཤེས་རབ་འཁྲིལ་སྦྱོར་ཚེ། །ཡུལ་དང་རིག་པ་བདེ་བའོ། །དཀྱིལ་…

གཞི་དང་ལམ་དང་འབྲས་བུའོ། །རིན་ཆེན་རོ་མཆོག་བཅུད་ཀྱི་ཚེ། །འཛིན་དང་རྫོགས་དང་རྟོགས་པའོ། །པདྨ་སྲེ་བྱེད་ལུ་མའི་ཚེ། །ཤེས་རབ་ཡུམ་དང་སེམས་མའོ། །ལས་རྣམས་གྲུབ་བྱེད་ལས་ཀྱི་ཚེ། །སྐུ་ལྔ་ཡེ་ཤེས་ལྔ་ཆོས་ལྔའོ། །ལས་ཀྱི་རྫས་ནི་བརྒྱད་ཀྱི་ཚེ། །བསྐུར་དང་ཐོབ་དང་འབྲས་བུའོ། །རིན་ཆེན་རྫས་ནི་བརྒྱད་ཀྱི་ཚེ། །ཐོབ་དང་གནས་དང་བརྟན་པའ…

ཆོས་སྐུའོ། །ས་ལམ་རྣམ་པར་རྫོགས་བྱེད་ཚེ། །བཅུ་དང་ལྔ་དང་བཞི་ཡིན་ནོ། །རྟགས་དང་དབྱིངས་རིག་གསལ་བའི་ཚེ། །སྣང་བའི་ཡུལ་དང་བཟུང་ཐབས་སོ། །ཡེ་ཤེས་གཉིས་ལ་ལམ་གྱི་ཚེ། །སྣང་དང་མུན་དང་གོ་དབྱེའོ། །གོ་བའི་དུས་ནི་རྣམ་བཞིའི་ཚེ། །ཅོག་བཞག་རང་གྲོལ་མ་བསྐྱེད་པའོ། །ཕྱི་ནང་གསལ་བྱེད་གདམས་པའི་ཚེ། །ཞིང་ཁམས་ལུས་དང་ཐིག་ལེའོ། །སྐྱོན…

དེ་ནི་གསང་བའི་གནས་དྲུག་ཡིན། །ཆོ་འཕྲུལ་ཡིག་འབྲུ་གསུམ་དག་ཡིན། །དྲན་པ་ལ་ནི་སུམ་འགྱུར་རོ། །ཤེས་པའི་དུས་ནི་གཅིག་ཤེས་སོ། །སྣང་བ་མཐོང་བའི་ཡུལ་དུས་ནས། །ཡུལ་ལས་ཐེ་ཚོམ་གཉིས་ཡིན་ནོ། །གཉིས་གཉིས་གསུམ་འགྱུར་དགུ་སྣང་སྟེ། །ཕྱག་མཚན་སུམ་ཅུ་རྩ་གཉིས་འགྱུར། །མཚན་མ་སྣང་བའི་རྒྱུ་དྲུག་ལས། །སོ་སོའི་ལམ་ནི་བརྒྱད་ཕྲག་གོ། །གསང་…

འབྲས་བུའོ། །དེ་ཉིད་རྣམ་པ་གསུམ་ལས་ནི། །གཞི་ལམ་དབང་གི་འབྲས་བུའོ། །དེ་ཡི་ལུང་ནི་རྣམ་བཞི་ལས། །ཡིད་ཆེས་དབང་གི་འབྲས་བུའོ། །དེ་ཡི་ལས་ནི་རྣམ་བདུན་ལས། །མཚོན་པ་དབང་གི་འབྲས་བུའོ། །དེ་ལྟར་རྫོགས་བྱེད་ལམ་ལྔ་ལས། །བློ་གཞན་དབང་གི་འབྲས་བུའོ། །དེ་ལྟར་རྟོགས་པའི་སྐྱེས་བུ་དེས། །སྐྱེ་མེད་ས་ལ་རྣམ་པར་ཕྱིན། །མཐར་ཕྱིན་དབང་གི་…

པར་བྱའོ། །ད་ནི་ཆད་པའི་ཡི་གེར་ཤེས་པར་བྱའོ། །ན་ནི་ལུས་ཀྱི་ཡི་གེར་ཤེས་པར་བྱའོ། །པ་ནི་སྟོང་པའི་ཡི་གེར་ཤེས་པར་བྱའོ། །ཕ་ནི་ཐབས་ཀྱི་ཡི་གེར་ཤེས་པར་བྱའོ། །བ་ནི་མ་རིག་པའི་ཡི་གེར་ཤེས་པར་བྱའོ། །མ་ནི་གཞི་མཉམ་པའི་ཡི་གེར་ཤེས་པར་བྱའོ། །ཙ་ནི་ལམ་གྱི་ཡི་གེར་ཤེས་པར་བྱའོ། །ཚ་ནི་འབྱུང་བའི་ཡི་གེར་ཤེས་པར་བྱའོ། །ཛ་ནི་འཛིན་པ…

རྒྱ་གར་སྐད་དུ། ཨ་ནཀྵ་ར་མ་ཧཱ་ཏནྟ་ནཱ་མ་རཏྣ་དྷཱ་ཛ་རཱ་ཛ་སནྟ་ཏི་དྲྀཥྚི་ག་ག་ན་ས་མ་མ་ཧཱ་ཏནྟྲ། བོད་སྐད་དུ། ཡི་གེ་མེད་པའི་རྒྱུད་ཆེན་པོ་ཞེས་བྱ་བ། རིན་པོ་ཆེ་རྒྱལ་མཚན་གྱི་རྒྱུད། རྒྱལ་པོའི་གདུང་རྒྱུད། ལྟ་བ་ནམ་མཁའ་དང་མཉམ་པའི་རྒྱུད་ཆེན་པོའོ། །ཨཱཿབཅོམ་ལྡན་འདས་སྐུའི་སྣང་བ་རྒྱ་ཆེར་སྟོན་པ་ཉིད་ལ་ཕྱག་འཚལ་ལོ། །འདི་སྐད་བད…

ཆགས་མེད་དོ། །མ་རིག་པ་མེད་དོ། །སེམས་མེད་དོ། །ཡིད་མེད་དོ། །ཤེས་རབ་མེད་དོ། །འཁོར་བ་མེད་དོ། །མྱ་ངན་ལས་འདས་པ་མེད་དོ། །རིག་པ་ཉིད་ཀྱང་ཡོད་པ་མ་ཡིན་ནོ། །ཡེ་ཤེས་ཀྱི་སྣང་བ་གང་ཡང་མེད་དོ། །དེ་ཐམས་ཅད་འཛིན་པ་མེད་པ་ལས་བྱུང་ངོ་། །ཀྱེ་མ་ང་རང་བྱུང་གི་ཡེ་ཤེས་ལ་སྲོག་མེད་པས། དགེ་སྡིག་གི་མཐའ་ལས་འདས་པའོ། །ཨ་ཧོ། ང་རང་བྱུང་ག…

མ་སྤངས་པར་རྫོགས་པའོ། །ཀྱེ་མ་ང་ལ་སྐྱེ་དང་འཆི་བ་མེད་པས། །འགགས་པའི་ཆོས་ཉིད་ཡོངས་སུ་རྫོགས། །ང་ལ་ཕྱི་དང་ནང་མེད་པས། །གསལ་བའི་ཆོས་རྣམས་ཡོངས་སུ་རྫོགས། །ང་ལ་སྟོང་དང་དངོས་མེད་པས། །སྣང་བའི་ཆོས་ནི་ཡོངས་སུ་རྫོགས། །ང་ལ་དམིགས་པའི་ཡུལ་མེད་པས། །མཐོང་བའི་ཆོས་ནི་ཡོངས་སུ་རྫོགས། །ང་ལ་ལུས་དང་སེམས་མེད་པས། །རང་སྣང་ཆོས་ནི་ཡ…

ལས་ཕ་རོལ་ཕྱིན། །ང་ནི་བྱ་བྱེད་གཉིས་མེད་སྣང་བ་སོ་སོ་པའོ། །ཐམས་ཅད་འབྱུང་ཞིང་འཁྲུལ་སྣང་ང་ཡི་སེམས། །ཐམས་ཅད་གནས་པས་འཁྲུལ་སྣང་ང་ཡི་ཐུགས། །ཐམས་ཅད་སྣང་བས་འཁྲུལ་སྣང་ང་ཡི་སྐུ། །ཐམས་ཅད་གྲགས་པས་འཁྲུལ་སྣང་ང་ཡི་གསུང་། །མཐོང་བ་མ་འགགས་ང་ཡི་གཟུགས་ལྟར་སྣང་། །ཐོས་པ་མ་འགགས་ང་ཡི་སྒྲ་ལྟར་གྲགས། །སྣོམ་བྱེད་མ་འགགས་ང་ཡི་དྲི་ལ…

སུ་ཤེས་ན་ཅོག་བཞག་གཅིག་གི་ངང་། །དེ་དང་རྒྱུན་དུ་གནས་ན་དེ་ལ་ཅི་ཞིག་བྱ། །སྣང་བ་ཆེན་པོ་ཀུན་ལ་ཡང་དག་གནས། །གསང་བ་སྔགས་ཀྱི་དངོས་པོ་དེ་ཉིད་དོ། །ཞེས་ཡི་གེ་མེད་པའི་རྒྱུད་གསང་བ་ཉིད་ལས། རྗེས་སུ་གླེང་གཞིའི་ལེའུ་སྟེ་དང་པོའོ།། །།དེ་ནས་རིག་པའི་རང་བཞིན་གང་ཡང་མ་འགགས་པར་གསལ་བའི་དགོངས་པ་ལ་སྙོམས་པར་བཞུགས་སོ། །དེ་ནས་མེད་བ…

འཁྱུག་པ་ལ་དབུགས་མེད་པ་ཆེན་པོ། གསལ་བ་ལ་མདོག་གནག་པ་ཆེན་པོ། མེད་པ་ལ་གཉེན་པོ་ཆེན་པོ། སྣང་བ་ལ་བརྟགས་དཀའ་བ་ཆེན་པོ། སྟོང་པ་ལ་སྣང་བ་ཆེན་པོ། གཅིག་པ་ལ་རྒྱ་མ་ཆད་པ་ཆེན་པོ། གཉིས་ལྟར་སྣང་བ་ལ་ཡོངས་སུ་རྫོགས་པ་ཆེན་པོ། མཛེས་པ་ལ་རྒྱན་མེད་པ་ཆེན་པོ། གང་བ་ལ་སྟོང་པ་ཆེན་པོ། སྨིན་པ་ལ་མ་རྫོགས་པ་ཆེན་པོ། སྐུ་ལྟར་སྣང་བ་ལ་འགྲོ་འ…

ཁྱབ། །རྩོལ་བ་མ་ཡིན་རྩོལ་བསྒྲུབ་ཆོས་དང་བྲལ། །གཅིག་པུ་མ་ཡིན་དུ་མའི་ཆོས་དང་བྲལ། །ཕྱི་ནང་མེད་པས་ཕྱི་ནང་མེད་པར་གསལ། །བལྟ་བྱ་མ་ཡིན་རྟག་ཆད་གཉིས་ལས་འདས། །དེ་ལ་བལྟ་བ་མེད་པས་དེ་ལ་བལྟ་རུ་མེད། །ལྟ་བའི་དོན་ལས་མི་འདའ་ལྟ་བ་ངང་གིས་མེད། །དེ་ཡོད་མ་ཡིན་དེ་ཡི་ངང་དུ་གནས་པར་བྱ། །ཨེ་ཨཱེཿ། རྒྱ་མཚོ་ཅོག་བཞག་དག་གི་དགོངས་པ་ནི།…

སངས་རྒྱས་སྐུ་ཡི་ཐིག་ལེར་འཆར། །དེ་ཉིད་གོམས་པའི་དྲོད་རྙེད་ནས། །རིག་པའི་སྐུ་ནི་ལུ་གུ་རྒྱུད། །སྐུ་དང་བཅས་པ་སྣང་བའོ། །སྣང་བ་གཅིག་ཆོད་དགོངས་པ་ནི། །རིག་པ་ཉིད་ནི་བཞག་ས་བཙལ། །གསང་བའི་གསང་བ་ཆེན་པོ་སྟེ། །སྣང་བ་སྟོབས་ཀྱི་ཕ་རོལ་སྒྲོལ། །ཆགས་པས་མ་བཅིངས་རང་སྣང་ངོ་། །དེ་ལ་གསང་སྔགས་ཉིད་ཀྱི་སྐུ། །ལུ་གུ་རྒྱུད་དུ་རབ་ཏུ་…

ཞོག །རྡོ་རྗེ་སེམས་དཔའི་རིག་པ་ཅོག་བཞག་ནི། །ཆོས་ཀྱི་སྐུ་ནི་སྣང་བ་ཐམས་ཅད་བསྟན། །ཡེ་ཤེས་དག་པའི་སྣང་བ་ཅིར་སྣང་བས། །གསང་བའི་བཞག་ཐབས་ཅེར་བཞག་ཐབས་ཀྱི་ངང་། །སྐུ་ཡི་སྣང་བ་འབྱུང་ལྔ་མ་སྤངས་པས། །སྤང་བ་མ་ཡིན་ངང་གི་དོན་ལ་ཞོག །ཆོས་ཉིད་ཀློང་ཡངས་ཅེར་སྣང་ཆེན་པོར་བརྟགས། །རྫོགས་པ་ཆེན་པོར་བསྒོམ་རྒྱུ་མ་དམིགས་ཏེ། །ལྟ་བའི་འ…