སྣ་ཚོགས་འཆར་བའི་ཕྱིར། །རེས་འགའ་སངས་རྒྱས་ཡིན་པར་འགྱུར། །རེས་འགའ་སེམས་ཅན་ཡིན་པར་འགྱུར། །ཅི་ཕྱིར་རེས་འཇོག་ཡོད་པའི་ཕྱིར། །དེ་ནས་དྲི་བ་བཟློག་སྟེ་སྨྲས། །འོ་ན་ཀུན་གཞི་མེད་དམ་ཅི། །དེ་ནས་དྲིས་པའི་ལན་བཏབ་པ། །ཀུན་གཞི་རྣམ་རྟོག་འཛིན་པ་ལ། །སྣ་ཚོགས་པ་ཡི་ཤེས་པས་བསླད། །ཀུན་གཞི་མ་རིག་དངོས་པོ་ཡིན། །ཀུན་གཞི་ཞེས་ཀྱང་དེ་…

པ་མེད་པས་སྤྲོས་པ་མེད། །བྱས་པས་མ་བྱུང་ཀུན་ལ་ཡོད། །འདུས་མ་བྱས་པ་རྣམ་དག་དབྱིངས། །འཛིན་པའི་ཐ་དད་ཆོས་དང་བྲལ། །རང་བཞིན་མེད་པས་བརྗོད་དང་བྲལ། །ཡང་དག་ཆོས་ཉིད་རིག་པའི་ཀློང་། །ཀུན་ལ་ཁྱབ་པས་ཡབ་ཀྱི་ངང་། །ཐམས་ཅད་བསྐྱེད་པས་ཡུམ་གྱི་དབྱིངས། །བསྟན་དུ་མེད་པས་འོད་ཀྱི་ཡུལ། །བརྗོད་དུ་མེད་པའི་ཤེས་རབ་ལ། །བསྟན་དུ་མེད་པའི་ལུ…

རྒྱ་མ་ཆད། །ཕྱི་དང་ནང་མེད་ཡངས་པ་ཆེ། །དག་པ་དྲི་མེད་ཤེལ་གོང་བཞིན། །སྣང་ལ་རང་བཞིན་མེད་པར་གསུངས། །ཆུ་ཟླ་སྒྱུ་མ་སྨིག་རྒྱུ་བཞིན། །མེད་པ་ཟོང་མ་མ་ཡིན་ལ། །ཡོད་པ་ཡང་ནི་མ་ཡིན་ནོ། །ཡོད་མེད་གཉིས་ལས་འདས་པའི་ཕྱིར། །རྟོགས་ལྡན་ཡིད་ལ་དྲན་པ་མེད། །རིག་པའི་ངོ་བོ་སྐྱེ་བ་མེད། །སྣང་བའི་རང་བཞིན་འགག་པ་མེད། །རིག་པའི་མཚན་ཉིད་དང…

སུ་གྲུབ། །རིག་པ་འོད་ཀྱི་སྐུར་མཐོང་ན། །ཆོས་རྣམས་ཐམས་ཅད་བདག་ལ་གསལ། །ཡངས་སོ་ཆེའོ་ཡེ་ཤེས་མཆོག །གསལ་ལ་དག་པ་འོད་ལྔ་ཤར། །འོད་ལྔ་གཉིས་སུ་མེད་པར་མཐོང་། །སངས་རྒྱས་སེམས་ཅན་སོ་སོའི་མཚན། །ཡེ་ཤེས་ཆེན་པོས་ཀུན་ལ་ཁྱབ། །ཕྱོགས་བཅུའི་སངས་རྒྱས་ཐམས་ཅད་པས། །རིག་པའི་དོན་ཉིད་གཉན་པ་ཡིན། །ཐེག་པའི་བྱེ་བྲག་བསམ་ཡས་ཀྱང་། །ཡེ་ཤེས་…

མཐའ་ལ། །གཅིག་རྫོགས་གཉིས་རྫོགས་ཐམས་ཅད་རྫོགས། །ཡོད་མཐའ་རྫོགས་ལ་མེད་མཐའ་རྫོགས། །རྟགས་མཐའ་རྫོགས་ལ་ཆད་མཐའ་རྫོགས། །ཡིན་པ་རྫོགས་ལ་མིན་པ་རྫོགས། །དེ་ཕྱིར་རྫོགས་པ་ཞེས་བྱའོ། །རྫོགས་ཆེན་ཆོས་ཉིད་ཡངས་པ་ལ། །གོང་ན་གཞན་མེད་གཅིག་པུ་ཉིད། །དེ་ལ་ཚིག་གིས་མཚོན་དུ་མེད། །རང་བྱུང་དཀྱིལ་འཁོར་ཆེན་པོ་ཉིད། །འགྱུར་མེད་དཀྱིལ་འཁོར་…

གསལ་བ་ཆེ། །འོད་ཀྱི་ཤེས་རབ་རྒྱ་ཆད་མེད། །དབྱིངས་ཀྱི་ཤེས་རབ་ཕྱོགས་ཆ་མེད། །འབྱུང་བའི་ཤེས་རབ་མཚན་ཉིད་འཛིན། །ས་ཡི་ཤེས་རབ་ལྷུན་གྲུབ་དཔེ། །ཆུ་ཡི་ཤེས་རབ་སེམས་ཀྱི་དཔེ། །མེ་ཡི་ཤེས་རབ་ཤེས་རབ་དཔེ། །རླུང་གི་ཤེས་རབ་ཡེ་ཤེས་དཔེ། །ནམ་མཁའི་ཤེས་རབ་དབྱིངས་ཀྱི་དཔེ། །སྡུད་བྱེད་ཤེས་རབ་དབྱིངས་སུ་སྡུད། །སྐྱོད་བྱེད་ཤེས་རབ་མཁའ…

ཡེ་ཤེས་སྣང་བ་ཆེན་པོ་ལ། །ཤེས་རབ་རྣམས་ཀྱིས་མཐོང་བའི་ཚད། །མོས་པའི་འཁོར་ལ་གསུང་དུ་གསོལ། །ཞེས་ཞུ་བ་ཞུས་སོ། །དེ་ནས་ཡང་བཀའ་སྩལ་པ། ཀྱེ་མ་གསང་བའི་བདག་པོ་ཉོན། །ངས་བསྟན་ལེགས་པར་ཡིད་ལ་ཟུང་། །མཚན་མའི་ཡིད་ཀྱི་རྟོག་པ་སོལ། །རྟོག་པས་གཡེངས་པའི་བདུད་རྣམས་ཆོམས། །བྱ་བས་གཡེངས་པའི་བར་ཆོད་སོལ། །རིག་པ་འགྱུར་མེད་རྟ་ལ་ཞོན། །ཡ…

ཤེས་པ་མ་འགགས་པར་གསལ་བ་དང་། ཤེས་པ་མི་རྟོག་པར་འཆར་བ་དང་། ཤེས་པ་འཛིན་པ་མེད་པར་རང་གྲོལ་བ་དང་། ཕྱི་ནང་གི་ཆོས་ལ་འཛིན་པ་ཆུང་བ་དང་། ལུས་ལ་ཆགས་པ་དང་ཞེན་པ་མེད་པ་ཡིན་ནོ། །སྔ་རྟགས་དེ་རྣམས་དང་ལྡན་ན། ཡེ་ཤེས་ཀྱི་སྣང་བ་ལ་ཐོགས་རྡུགས་མེད་པར་གྲོལ་ལོ། །རིགས་ཀྱི་བུ་དེ་མྱ་ངན་ལས་འདས་པའི་རྟིང་ལ་ཡང་། འོད་དང་སྒྲ་དང་གདུང་དང་ར…

དེ་ནས་ཡང་སྟོན་པས་བཀའ་སྩལ་པ། ཀྱེ་ཧོ་གསང་བའི་བདག་པོ་ཉོན། །ངས་བསྟན་ལེགས་པར་ཡིད་ལ་ཟུང་། །ཐབས་ཀྱི་དཀྱིལ་འཁོར་གསུངས་པ་ནི། །ཡང་དག་ཐུགས་ནི་རྣམ་པར་རོལ། །གསང་སྔགས་ཐབས་ཀྱི་རང་བཞིན་པས། །ཐབས་ལ་གནས་ཤིང་སྤྱད་པར་བྱ། །ཐབས་ནི་གསང་སྔགས་ཀུན་གྱི་ལམ། །ཡང་དག་ཆོས་ཉིད་ཐབས་ལ་གནས། །རིག་པའི་དཀྱིལ་འཁོར་གསལ་བ་ལ། །ཡིད་ཀྱི་རྟོག་པ་…

ཀྱི་ཟླ་བ་སྐུར་ཤར་བ། །རང་བྱུང་དོན་ཉིད་མཁའ་ལ་སྤྱོད། །ཡེ་ཤེས་དོན་ལ་ཅིར་སྣང་རྫོགས། །ཡང་དག་དོན་ལ་སྣ་ཚོགས་འཕྲོ། །ཐིག་ལེའི་སྐུ་ལ་སྣང་སྲིད་གསལ། །དག་པའི་ལམ་ལ་འོད་དུ་གསལ། །རིག་པའི་ངང་དུ་ཐམས་ཅད་འདུས། །གསང་སྔགས་ངོ་ལ་ཐམས་ཅད་རྫོགས། །དགོངས་པ་ཡང་སྟོང་པའི་ལམ་ལ་འོད་ཟེར་འཕྲོ། །སྣ་ཚོགས་གཟུགས་ལས་ཡེ་ཤེས་སྐྱེས། །སྐྱེ་མེད་…

བ། །ནམ་མཁའི་ཀློང་ན་ཡང་དག་ཐིམ། །ཙིཏྟའི་དཀྱིལ་ནས་འོད་འཕྲོས་པ། །རྡོ་རྗེའི་ལམ་ན་ལྷན་ནེར་གསལ། །བག་ཆགས་དཀྱིལ་ནས་མེ་འབར་བས། །སྣ་ཚོགས་འབྱུང་བའི་སེམས་ཉིད་བསྲེག །སྟོང་པའི་ནང་ནས་རྟགས་བྱུང་ནས། །འཁྲུལ་པའི་ཡུལ་ལ་མངོན་པར་སྣང་། །ཨེ་མ་ཧོ། བག་ཆགས་སྦུབས་ཀྱིས་ཡེ་ཤེས་བསྒྲིབས། །སྦུབས་ལ་མི་གནས་ཡེ་ཤེས་རང་སར་ཕྱིན། །དཔེར་ན་ས…

ཅག་མོས་པའི་འཁོར་རྣམས་ལ། །ཡང་དག་དོན་ཉིད་གསུང་དུ་གསོལ། །ཞེས་ཞུས་སོ། །དེ་ནས་ཡང་བཀའ་སྩལ་པ། ཀྱེ་མ་རྡོ་རྗེ་འཛིན་པ་ཉོན། །ངས་བསྟན་ལེགས་པར་ཡིད་ལ་ཟུང་། །ཡང་དག་ཆོས་ནི་བདག་དང་བྲལ། །སེམས་ལ་སོགས་པའི་ཉོན་མོངས་རྣམས། །དྲི་མའི་མཐའ་དང་བྲལ་བའོ། །ཐ་དད་གསུམ་དང་བྲལ་བའི་སྐུ། །འགྲོ་དང་འོང་བ་མེད་པར་རྟོགས། །དྲི་མ་གསུམ་དང་བྲལ་…

དག་ཐུགས་སུ་ཆུད། །གསལ་བྱ་གསལ་བྱེད་མེད་པར་དེ་ཉིད་ཤར། །ལྟོས་པའི་ཆོས་ཉིད་གང་ལ་མ་ཆགས་ཤིང་། །ཆགས་པ་མེད་པར་ཡེ་ཤེས་དབྱིངས་སུ་སྡུད། །སྟོང་པ་རྡོ་རྗེའི་སྐུ་ལ་སྐྱེ་འཇིག་མེད་པ་ལྟར། །རིག་པའི་སྐུ་ལ་གསལ་འགྲིབ་མེད་པར་གསུངས། །ཆོས་དང་ཆོས་མིན་གཉིས་ནི་འདྲེས་ཤིང་མཚུངས། །དེ་ལ་ཆོས་ཅན་ཆོས་ཉིད་གཉིས་སུ་འདོད། །ཆོས་ཉིད་མེད་པས་ཆ…

སྲིད་པའི་ཡེ་ཤེས་རང་ལུགས་ཉིད། །སྟོང་པ་ཡུམ་གྱི་མཁའ་ལ་རྫོགས། །རྫོགས་པ་གསང་བའི་དཀྱིལ་འཁོར་ཉིད། །ཙིཏྟའི་དཀྱིལ་ན་ལྷུན་གྱིས་གྲུབ། །ཐུགས་ལས་འཕྲོས་པའི་འོད་ཉིད་ཀྱང་། །ཐུགས་ལས་འདས་པའི་དབྱིངས་སུ་རྟོགས། །སྐུ་དང་གསུང་དང་ཐུགས་ཉིད་ཀྱང་། །རྒྱལ་བ་ཉིད་ལས་མེད་པར་གསུངས། །སྐུ་གསུང་ཡོན་ཏན་རྒྱལ་བ་མིན། །སྐུ་གསུང་ཐུགས་ལ་མཚན་…

རྣམས་སྤངས་ན་བདེ་བ་ཐོབ། །གང་ལ་དཔེ་དང་དོན་ཡོད་ཕྱིར། །དཔེ་ཉིད་སངས་རྒྱས་ཉིད་དུ་འདོད། །དཔེ་ལ་བརྟེན་ཅིང་དོན་ལ་ཡང་དག་སྤྱོད། །སྤྱད་ཀྱང་དེ་ཉིད་འགྱུར་བ་མེད། །ཡོད་དང་མེད་པའི་ཆོས་རྣམས་ཀུན། །ཡོད་པས་ཡེ་ཤེས་དོན་ལ་སྣང་། །མེད་པས་འཁོར་བའི་ཡུལ་ལས་ཐར། །ཐར་པ་ཉིད་ནས་ཡེ་ཤེས་མཐོང་བའི་དོན། །དེ་ལས་འདས་ན་རིག་པ་མེད་པར་འགྱུར། །…

ཀྱེ་ཀྱེ་བཅོམ་ལྡན་ཐུགས་རྗེ་ཆེན་པོ་དང་ལྡན་པ། བདག་ཅག་མོས་པའི་འཁོར་མཁའ་འགྲོ་མ་དང་བཅས་པ་རྣམས་ལ། ཆོས་སྐུ་དང་། ལོངས་སྐུ་དང་། སྤྲུལ་སྐུ་གསུམ་གྱི་དབྱེ་བ་གསུང་དུ་གསོལ། ཞེས་ཞུས་སོ། །དེ་ནས་ཡང་བཅོམ་ལྡན་སྟོབས་ཆེན་བདག་པོ་དེས། འདི་སྐད་ཅེས་བཀའ་སྩལ་ཏོ། །ཀྱེ་འདུས་པའི་ཚོགས་རྣམས་ཉོན་ཅིག །ངས་ཐབས་ཀྱི་ཡན་ལག་རྒྱས་པར་བསྟན་གྱ…

ལོངས་སྤྱོད་རྫོགས་པའི་སྐུའི་སྣང་བ་ལྔར་ཤར་རོ། །སྤྲུལ་པའི་སྐུ་ལ་ཡང་གསུམ་སྟེ། སྤྲུལ་པའི་སྐུའི་ཆོས་སྐུ་དང་། སྤྲུལ་པའི་སྐུའི་ལོངས་སྐུ་དང་། སྤྲུལ་སྐུའི་སྤྲུལ་སྐུའོ། །དེ་ཡང་འདི་ལྟ་སྟེ། སྤྲུལ་སྐུའི་ཆོས་སྐུ་ནི་སྒྲོན་མ་གཉིས། སྤྲུལ་པ་སྐུའི་ལོངས་སྐུ་ནི་སྐུ་ལྔ་མཐོང་ལ། སྤྲུལ་པ་སྐུའི་སྤྲུལ་སྐུ་ནི་ཉོན་མོངས་པ་ལྔར་ཤར་…

སུ་ཞུགས་པ་ལ། །དབང་གི་སྡོམ་བྱང་དབྱེ་ལུགས་གསུངས། །ཞེས་ཞུ་བ་ཞུས་སོ། །དེ་ནས་ཡང་བཀའ་སྩལ་པ། ཀྱེ་མ་རྡོ་རྗེ་འཛིན་པ་ཉོན། །ཆོས་ཉིད་ཤེས་པར་འདོད་པ་རྣམས། །དབང་གི་སྡོམ་བྱང་ལེགས་པར་ཉོན། །དབང་གི་དབྱེ་བ་འདི་ལྟ་སྟེ། །ཆོས་ཉིད་མཚོན་པའི་དབང་དང་ནི། །བྱ་བ་རྫོགས་པའི་དབང་དུ་གསུངས། །སྡོམ་བྱང་ཚིག་ལན་འདི་ལྟར་བྱ། །ཚིག་གི་དབང་ནི…

ལོའི་དབང་། །གསང་བ་རྡོ་རྗེ་པདྨའི་དབང་། །དེ་ཡང་གཞི་ལ་ལྷུན་གྱིས་གྲུབ། །མཁའ་དབྱིངས་བུམ་པའི་དབང་བསྐུར་ནི། །རིག་པ་དབྱིངས་ཀྱི་རྒྱས་བཏབ་ནས། །གཞི་ལ་ལྷུན་གྱིས་གྲུབ་པའི་ཕྱིར། །མཁའ་དབྱིངས་བུམ་པའི་དབང་ཞེས་གྲགས། །རྒྱལ་ཐབས་སྤྱི་བླུག་དབང་བསྐུར་ཡང་། །གཞི་ལ་ལྷུན་གྱིས་གྲུབ་ནས་ཡོད། །དཔེར་ན་རྒྱལ་རིགས་སྤྱི་བོ་ནས། །དབང་བས…

བསྐུར། །གསང་བ་ངོ་སྤྲོད་ཉིད་དུ་བསྟན། །ཕྱི་ཡི་དབང་ལ་དོན་བཞིས་བསྟན། །དེ་ཡང་ཕྱི་དང་ནང་དང་ནི། །གསང་བ་ཡོངས་སུ་རྫོགས་པར་གསུངས། །ཕྱི་ཡི་ཕྱི་ནི་འདི་ལྟ་སྟེ། །རིན་ཆེན་རྫས་ལ་བརྟེན་པའོ། །ཕྱི་ཡི་ནང་ནི་འདི་ལྟ་སྟེ། །ཅིར་སྣང་རོལ་པར་བསྐུར་བར་བྱ། །ཕྱི་ཡི་གསང་བ་འདི་ལྟ་སྟེ། །དོན་དང་ཚིག་ལ་དབང་བསྐུར་བྱ། །ཕྱི་ཡི་ཡོངས་རྫོགས…