བྱེད་པ་ངེས་པར་ཡོད་པའི་ཕྱིར་རོ། །གང༌། དྲི་མེད་རྣལ་འབྱོར་དག་པ་ལས། །ཞེས་བརྟག་པ་གཉིས་པར་གསུངས་པ་དེ་ནི་མཐར་ཐུག་པའི་དབང་དུ་བྱས་ནས་སོ། །དེ་ནས་འབྲས་བུ་བཞི་པོ་འདི་ཡང་འཁོར་ལོ་བཞི་ལ་རིམ་པས་རྣམ་པར་དག་པར་འགྱུར་རོ་ཞེས་པས་དེ་ལ་སྡོམ་པར་བརྗོད་དོ། །ཅི་ཞིག་གིས་འབྲས་བུ་འདི་ཉེ་བར་སྤྱོད་ཅེ་ན་གསུངས་པ། ལས་ཞེས་པ་ལ་སོགས་པའོ།…

པ་ཡང་བརྟན་པ་ཁོ་ན་སྟེ། སྔར་བཤད་པའི་རིགས་པས་སོ་ཞེས་པས་སྤྲུལ་པའི་འཁོར་ལོ་ལ་དེ་སྡོམ་པའོ། །ཐམས་ཅད་ཡོད་དོ་ཞེས་གང་དུ་སྨྲ་བ་དེ་ནི་ཐམས་ཅད་ཡོད་པར་སྨྲ་བ་སྟེ། དེ་ལ་ནི་འདས་པ་དང་མ་འོངས་པའི་དུས་དག་གི་ཆོས་རྣམས་ཀྱང་ཡང་དག་པར་ཡོད་པའི་ཞེས་བརྗོད་དོ། །དེ་ཇི་ལྟར་ཆོས་ཀྱི་འཁོར་ལོར་ཡིན་ཞེ་ན། ཆོས་ཞེས་པ་ལ་སོགས་པའོ། །ཆོས་ཏེ་སེམ…

བཟླས་པ་དང་རྡོ་རྗེ་བཟླས་པའི་མཚན་ཉིད་ཅན་ནོ། །གཅེར་བུ་ནི་འདོམ་དཀྲིས་མེད་པའོ། །འོ་ན་དེ་ལྟ་བུ་ཡིན་ན་ཡང་ཇི་ལྟར་སེམས་ཅན་རྣམས་སངས་རྒྱས་ཡིན་ཏེ། ས་རྣམས་མ་ཐོབ་པ་ཉིད་ཀྱི་ཕྱིར་རོ་ཞེ་ན། གསུངས་པ། ས་རྣམས་ཞེས་པའོ། །ས་བཅུ་ཡོངས་སུ་དག་པས་ནི་ཟླ་བ་བཅུ་རྣམས་ས་བཅུ་རྣམས་སོ་ཞེས་གསུངས་སོ། །བདེ་བའི་ས་ལ་རབ་ཏུ་ཞུགས་པ་རྣམས་ཀྱི་ཟླ…

ཉིད་ནི་རྟོག་སྐྱེས་མིན། །ཞེས་སོ་ཞེ་ན། དེ་ལྟར་མ་ཡིན་ཏེ། གང་ཕྱིར་ཐ་མལ་པའི་གནས་སྐབས་ན། དེ་བཞིན་ཉིད་ཡོད་ཀྱང་རྟོགས་པ་ཡོད་པ་མ་ཡིན་པས་སོ། །བདེ་བ་ཆེན་པོ་ནི་རྟག་ཏུ་རྒྱས་པ་མེད་པ་ཁོ་ནའོ་ཞེས་སྔར་དཔྱད་ཟིན་ཏོ། །གཞན་ཡང་བདེ་བ་རང་རིག་པའི་ངོ་བོ་ནི་གལ་ཏེ་ཡོད་ན་རྟག་ཏུ་རྟོགས་ཏེ། མ་རྟོགས་པའི་སྣང་རུང་ནི་མེད་པ་ཁོ་ནའོ། །ཡང་ར…

ཆེན་པོ་ཡང་ལྷའི་རྣལ་འབྱོར་ལས་སྐྱེའོ། །དེའི་ཕྱིར་བསྒྲུབ་པར་བྱ་བའི་བདེ་བ་དོན་དུ་གཉེར་བས་འདི་ལྟ་བུ་ཁོ་ནའི་དོན་རིམ་པ་དག་གིས། ལྷའི་རྣལ་འབྱོར་ལ་གདོན་མི་ཟ་བར་བསྒོམ་བར་བྱའོ་ཞེས་མངོན་པར་དགོངས་པའོ། །དེ་ཡང་བདེ་བ་ཆེན་པོ་དང་རོ་གཅིག་པའི་ལྷའི་རྣལ་འབྱོར་བསྒོམ་པར་བྱ་བཞིན་པ་སྟོང་པ་ཉིད་ཀྱི་རང་བཞིན་ཁོ་ན་བསྒོམ་པར་བྱའོ། །…

ངོ་བོ་དེ་འདྲ་བ་ཐམས་ཅད་ལ་ཡོད་པ་ཁོ་ནའོ་ཞེས་པས་སེམས་ཅན་ཐམས་ཅད་མྱ་ངན་ལས་འདས་ཟིན་པ་ཐོབ་པར་འགྱུར་རོ་ཞེ་ན་གསུངས་པ། རྣམ་དག་རྣམ་པ་ཅན་སེམས་ཀྱིས། །ཞེས་པ་སྟེ། གློ་བུར་བའི་དྲི་མ་དང་བྲལ་བའི་ཕྱིར་རྣམ་དག་ཅན་རྣམ་པ་ཅན་ཏེ། །གང་སེམས་དེས་རྟོགས་པར་གྱུར་པ་ཞེས་གོ་བར་བྱའོ། །དེ་ལྟར་ལྷའི་རྣལ་འབྱོར་ལས་འདི་འདྲ་བའི་རྫོགས་པའི་ངོ་…

དུ་ཡིན་པ་སྟེ། བྱང་ཆུབ་སེམས་ཀྱི་རང་བཞིན་གྱི་ཏིང་ངེ་འཛིན་དེ་ལ་སྙོམས་པར་ཞུགས་ནས་གསུངས་པ། སེམས་ཅན་རྣམས་སངས་རྒྱས་ཁོ་ན་ཞེས་པའོ། །དེ་ལྟར་ནི་དེ་བཞིན་ཉིད་ཁོ་ན་རང་ཉིད་རྣམ་པར་དག་པ་སངས་རྒྱས་ཏེ། དེ་ཡང་རང་བཞིན་ཁོ་ནས་རྣམ་པར་དག་པའོ། །ཅིའི་ཕྱིར་འདི་ལྟར་མི་ཤེས་ཤེ་ན། གསུངས་པ། འོན་ཀྱང་ཞེས་པ་ལ་སོགས་པ་སྟེ། དྲི་མ་ནི་ཉོན་མ…

དེས་ཡུན་རིང་པོར་བསགས་པའི་རླུང་འབྱིན་དུ་འཇུག་པར་བྱེད་བཞིན་པས་འབྱིན་པར་བྱེད་དོ། །དེ་འདི་ནི་བཟློག་པའི་སྨན་ཏེ་ནད་དང་རིགས་མཐུན་པ་ཉིད་ཀྱི་ཕྱིར་རོ། །དཔེར་བྱ་གསུངས་པ། སྲིད་པ་ཞེས་པ་ལ་སོགས་པའོ། །སྲིད་པ་ནི་འཁོར་བ་སྟེ། དེ་དག་པ་ནི་ཟད་པར་འགྱུར་བའོ། །སྲིད་པ་ཁོ་ནས་ཞེས་པ་འཇིག་རྟེན་པའི་ལམ་ཁོ་ནས་བསྒོམ་པར་བྱ་བཞིན་པ་རྫོ…

དང་རོ་གཅིག་པའི་འདོད་ཆགས་སོ། །དེ་ཁོ་ན་མེ་སྟེ། ཉོན་མོངས་པ་དང་རྣམ་པར་རྟོག་པའི་བུད་ཤིང་སྲེག་པའི་ཕྱིར་རོ། །དེ་དུག་ཏུ་བྱ་བ་ནི་ཡོངས་སུ་སྨིན་པར་བྱའོ། །འོ་ན་འདོད་ཆགས་ནི་ལས་དྲག་པོ་ཉིད་དེ། འཁོར་བ་བསྐྱེད་པ་ལ་བར་དུ་མཆོད་པའི་རྒྱུ་ཉིད་ཀྱི་ཕྱིར་ཏེ་དེ་ཉིད་ཀྱི་ཕྱིར་སྡོམ་བརྩོན་རྣམས་ཀྱིས་དེ་ཁོ་ན་གཙོ་བོར་ཡོངས་སུ་སྤང་བར་…

ཡང་རང་བཞིན་ལས་རྡོ་རྗེ་འཛིན་པའི་བདག་ཉིད་ལ་དེའི་རང་བཞིན་དུ་བསྒོམ་པ་ཁོ་ནས་དེ་ལྡོག་པ་ལས་སོ། དེ་ལྟར་ཤེས་རབ་དང་ཐབས་ཀྱི་བདག་ཉིད་ལྷའི་རྣལ་འབྱོར་ལས་དངོས་གྲུབ་ཏུ་བཤད་ནས། དེ་ཁོ་ན་ཆོས་ཐམས་ཅད་རྣམ་པར་དག་པའི་ངོ་བོའི་དཀྱིལ་འཁོར་གྱི་འཁོར་ལོའི་རྣམ་པ་གཞན་གྱི་དོན་དང་རོ་གཅིག་པར་སྟོན་པ་གསུངས་པ། ཀུནྡུ་རུ་ལ་ཞེས་པ་ལ་སོགས་པ་…

རུ་འགྲོ་བའི་ཕྱིར་རོ། །དེའི་ཕྱིར་ཕྲག་དོག་ཀྱང་དེ་ལ་གསལ་བར་འགྱུར་རོ། །དེ་གཉིས་རྣམ་པར་དག་པ་དོན་ཡོད་གྲུབ་པ་བཅོམ་ལྡན་འདས་སོ། །བདེ་བ་ནི་ལྷན་ཅིག་སྐྱེས་པའི་དགའ་བའོ། །དེ་ཁོ་ན་ནི་ཆགས་པའི་སེམས་ཏེ། དེ་ལ་ཀུན་ནས་ཞེན་པའི་སེམས་ནི་དེ་ལས་གཞན་མ་ཡིན་པ་ཉིད་ཀྱི་ཕྱིར་རོ། །དེ་ཁོ་ན་དགའ་བ་མཆོག་རྒྱས་པར་བྱེད་དོ་ཞེས་པས་རིན་ཆེན་ཆ…

པར་བྱེད་ཅིང་མཐའ་མེད་པའི་དུས་སུ་གནས་པའི་ཕྱིར་རོ། །དེ་ལྟར་འདོད་ཆགས་དང་ཞེ་སྡང་ལ་སོགས་པ་རྣམ་པ་ལྔའི་སེམས་ཀྱིས་བདེ་བ་ཆེན་པོའི་རབ་ཏུ་དབྱེ་བ་རིགས་ལྔ་རྣམས་སོ་ཞེས་བསྒྲུབས་སོ། །དེ་རྣམས་ཀྱི་ཡང་རབ་ཏུ་དབྱེ་བ་གྲངས་མེད་པའི་རིགས་རྣམས་སོ་ཞེས་བསྒྲུབ་པའི་ཆེད་དུ་ཚིགས་སུ་བཅད་པ་གཉིས་གསུངས་པ། བཅུ་ཞེས་པ་ལ་སོགས་པ་སྟེ། བྱེ་མ་…

གདུང་བར་འགྱུར་རོ་ཞེ་ན་ཅིག་ནི་ཞེས་པ་ཅིག་ལའོ། །བྱེ་མ་ཞེས་པ་བྱེ་མ་ནི་བྱང་ཆུབ་སེམས་ཀྱི་རྡུལ་ཕྲན་ནོ། །དེ་ཁོ་ན་ལམ་སྟེ་དེར་རོ། །སྒྲའི་ལམ་ལ་ཞེས་པ་འདོན་པ་ལ་ནི་བ་སྤུའི་བུ་གར་རོ། །དོག་པ་ཞེས་པ་དོག་པ་ཉིད་དོ། །བཞེངས་ཤིག་ཅེས་པ་བཞེངས་ནས་ཏེ་སྤྲོས་ནས་སོ། །ཟློས་པ་ངེས་པར་བསྟན་པ་ནི། སྤྲོ་བ་བྱེད་པའི་གསལ་བའི་དབྱེ་བ་གྲངས་མ…

དག་སྦྱོར་འབྱུང་མཚན་ཉིད་ནི་རྡོ་རྗེ་སེམས་དཔའི་རང་གི་ངོ་བོ་སྟེ། བྱེ་བྲག་ཏུ་བཤད་པའི་ཁྱད་པར་རྣམས་ཀྱི་དང་པོར་རྣམ་པར་བཤད་ཟིན་ཏོ། །ཡང་ན་ཡང་དག་སྦྱོར་ནི་ཕྱི་རོལ་གྱི་ཤེས་རབ་དང་ཐབས་ཀྱི་པདྨ་དང་རྡོ་རྗེ་དག་དང་ནང་གི་གཏུམ་མོ་དང་ཁུ་བ་དག་སྦྱོར་བའོ། །དེ་ཡོད་ན་འབྱུང་ངོ་ཞེས་པ་འབྱུང་བ་ནི་ལྷན་ཅིག་སྐྱེས་པའི་དགའ་བའི་རང་བཞིན་…

ཀྱི་ཡེ་ཤེས་ལའོ། །མཆོག་སྟེ་ཆོས་རྣམས་ཐམས་ཅད་རང་བཞིན་མེད་པ་ཉིད་དུ་མཉམ་པ་ཉིད་རྟོགས་པའི་ཕྱིར་མཉམ་པ་ཉིད་ཀྱི་ཡེ་ཤེས་སོ། །དགྱེས་པ་ནི་སོ་སོར་རྟོག་པའི་ཡེ་ཤེས་ཏེ། རྣམ་པར་མི་རྟོག་པ་ཉིད་ན་ཡང་སེམས་ཅན་གྱི་སེམས་ཀྱི་སྤྱོད་པ་སོ་སོར་རྟོག་པ་ལ་སྤྲོ་བ་དང་བཅས་པ་ཉིད་ཀྱི་ཕྱིར་རོ། །ཐམས་ཅད་བདག་ཉིད་ནི་བྱ་བ་བསྒྲུབ་པའི་ཡེ་ཤེས་ཏེ…

པའི་རིམ་གྱིས། བདུད་རྩི་ལྔ་ཡི་དངོས་གོང་བུ། །ཞེས་པ། ཁམས་དང་ཡེ་ཤེས་དང་དེ་བཞིན་གཤེགས་པ་ལྔ་རྣམས་ནི་མི་གནས་པའི་མྱ་ངན་ལས་འདས་པའི་ངོ་བོ་ཉིད་ཀྱི་ཕྱིར་དང༌། དུས་མཐའ་ཡས་པ་མ་ཚང་བ་མེད་པར་འཚོ་བའི་རྒྱུ་ཉིད་ཀྱི་ཕྱིར་དང༌། གཞན་རྣམས་ཀྱི་ཡང་ཚོགས་གཉིས་རྒྱས་པར་བྱེད་པའི་ཕྱིར་བདུད་རྩི་རྣམས་ཏེ། དེའི་དངོས་ནི་དེ་རྣམས་ཀྱི་རང་བཞ…

པའོ། །དེས་བསྐུལ་བ་ལྟེ་བའི་འོག་ནས་གནས་པའི་རླུང་སྟེ། དེས་མཆོག་ཏུ་འབར་བ་བྱས་པའོ། །སེམས་བརྟན་པ་ན་ལ་ལ་ནཱ་དང་ར་ས་ནཱ་རུ་རླུང་མི་རྒྱུ་བའི་ཕྱིར། ཨ་ཝ་དྷཱུ་ཏཱི་རུ་འཇུག་པ་ན་ལྟེ་བའི་འོག་གི་རླུང་གིས་སྔར་བཞིན་པ་གང་གི་ཚེ་འབར་བ་དེའི་ཚེ་འདི་ལྟ་བུའོ་ཞེས་དགོངས་པའོ། །སྐྲ་རྩེ་བརྒྱ་སྟོང་ཡན་ལག་ཅན། །ཞེས་སྐྲའི་རྩེ་མོ་རྣམས་ཀྱི…

མོའི་ངོ་བོ་ཡིས་བཅོམ་ལྡན་འདས་མ་འབར་བར་མོས་ཏེ། བདེ་བ་ཆེན་པོའི་གནས་རྗེས་སུ་ཐོབ་ཅིང༌། དབུགས་འཇུག་པ་ན་ཧཾ་ཡིག་ཟླ་བ་འཛག་པ་ཐིག་ལེའི་གཟུགས་ཀྱིས། དེ་ལ་དམིགས་བཞིན་པ་བདེ་བ་ཆེན་པོའི་རང་བཞིན་ནི་ལྟེ་བའི་དཀྱིལ་འཁོར་དུ་འོངས་ནས་དམིགས་པ་མེད་པར་འགྱུར་རོ། །དེ་ལྟར་ཇི་སྲིད་དུ་སྲོག་འགོག་པའི་བར་དུ་ངེས་པར་གནས་པས་དེ་ལྟ་ཁོ་ནར་…

ཇི་ལྟར་ནུས་པ་ལྟར་སྔར་བཤད་པའི་ཕྱོགས་བཞི་ལས་གང་ཡང་རུང་བའི་ཕྱོགས་ལ་དམིགས་ནས། རྣལ་འབྱོར་མའི་འཁོར་ལོ་མཐའ་དག་གི་རང་བཞིན་ཕྱག་རྒྱ་ཆེན་པོའི་བདག་ཉིད་བཅོམ་ལྡན་འདས་མ་བདག་མེད་མ་གཏུམ་མོའི་ངོ་བོ་ཉིད་འབར་དུ་འཇུག་གོ །དེ་འབར་བ་ཡང་འོད་ཕྲ་མོ་དཔག་ཏུ་མེད་པ་འཕྲོས་པ་རྣམས་ཀྱིས། བ་སྤུའི་བུ་ག་དང་རྩེ་མོ་དང་མཚམས་རྣམས་ཁྱབ་པར་བྱས…

ཏུ་འཛག་ཅིང༌། དེ་ཞུ་བ་དང་ཨོཾ་ཧཱུཾ་དག་དང་རོ་མཉམ་པ་སྔོན་བཞིན་དུ་ལྟེ་བར་གནས་པར་བྱའོ། །རྒྱས་པ་ལ་དགའ་བས་ནི། ཡང་ལྟེ་བར་སྟེང་དུ་ཁ་ཕྱོགས་པའི་ཆུ་སྐྱེས་དམར་པོའི་ལྟེ་བར་ཟླ་བའི་སྟེང་དུ་ཨཾ་ངོ༌། །ཤར་ལ་སོགས་པའི་ཕྱོགས་ཀྱི་འདབ་མ་རྣམས་ལ་གཡས་སྐོར་དུ་རིམ་པ་ཇི་ལྟ་བར་ཨ་ཀ་ཙ་ཊ་ཏ་པ་ཡ་ཤ་སྟེ་བརྒྱད་རྣམས་སོ། །སྙིང་གར་འོག་ཏུ་ཁ་ཕྱ…