མཆོག་དགའི་ལོངས་སྤྱོད་རབ་ཏུ་འབུལ། །རྣམ་པ་སྣ་ཚོགས་དུ་མ་ཡི། །བདེ་བའི་སྟོན་མོ་ལ་སོགས་པའི། །རྣམ་པ་མེད་པའི་སྐད་ཅིག་མ། །དགའ་བྲལ་ལོངས་སྤྱོད་རབ་ཏུ་འབུལ། །རྣམ་པ་སྣ་ཚོགས་དུ་མ་ཡི། །བདེ་མཆོག་ཆེན་པོ་ལ་སོགས་པ། །མཚན་ཉིད་བྲལ་བའི་སྐད་ཅིག་མ། །ལྷན་སྐྱེས་ལོངས་སྤྱོད་རབ་ཏུ་འབུལ། །འཇིག་རྟེན་མ་ལུས་ཐམས་ཅད་ཀྱང༌། །ནམ་མཁའ་ཀུན་ག…

བ་གདབ། །དེ་ཡི་དོར་བྱས་ལངས་ཏེ་བསྲུང༌། །རྡོ་རྗེ་ལྟ་སྟངས་རྡོ་རྗེ་འགྲོས། །དེངས་ཤིག་པ་དང་སྟང་སྟབས་སོགས། །དཀྱིལ་འཁོར་ཆོ་གའི་གཞུང་བཞིན་བྱ། །དེ་ཡི་མཚན་མོ་སྟ་གོན་ནི། །ལྷ་དང་བུམ་པ་སློབ་མའོ། །དེ་ལ་ལྷ་ཡི་བྱ་བ་ནི། །དང་པོར་ཀརྨ་བཛྲ་ཡིས། །བྱ་བ་ལ་ནི་འཇུག་པ་དང༌། །ཚོགས་བསགས་པ་དང་རྣལ་འབྱོར་ནི། །ཡན་ལག་དྲུག་པོ་སྔར་བཞིན་བ…

གདབ་པར་བྱའོ། །དེ་ནས་ལས་ཀྱི་རྡོ་རྗེ་ཡིས། །བུམ་པའི་བྱ་བ་རབ་ཏུ་བརྩམ། །དེ་ཡང་རྒྱུ་དང་མཚན་ཉིད་དང༌། །སྦྱང་དང་བྱིན་བརླབ་བྱ་བ་ལྔ། །དེ་སྡོམ་པ་ཡི་ཚིག་ཡིན་ནོ། །དེ་ལ་རྒྱུ་ཞེས་པ་ནི། གསེར་དངུལ་ཟངས་མ་ལ་སོགས་པའི། །རིན་ཆེན་ལས་སམ་འཇིམ་པའང་རུང༌། །མཚན་ཉིད་ཅེས་པ་ནི། ལྟོ་ཆེ་མགྲིན་པ་རིང་བ་དང༌། །མཆུ་འཕྱང་ལ་སོགས་ར་རི་མེད། །…

གཙོ་བོའི་ཐུགས་ཀ་ནས། །འོད་ཟེར་གྱིས་ནི་མདུན་དུ་དགོད། །དེ་ལ་མཆོད་ཡོན་མཆོད་པར་བྱ། །ཅུང་ཟད་སྔགས་དང་བཅས་པར་བརྗོད། །དེ་ནས་གཽ་རཱི་ལ་སོགས་པ། །དབྱེར་མེད་བསྟིམ་པར་བྱ་བ་དང༌། །མཆོད་ཅིང་བསྟོད་པ་སྔར་བཞིན་བྱ། །བདུད་རྩི་མྱང་བ་འདིར་མི་དགོས། །བྱ་བ་ཞེས་པ་ནི། དེ་ནས་བཟླས་པ་བྱ་བ་སྟེ། དང་པོ་ལྷ་མོ་བཞི་ཡི་སྔགས། །རུ་རུ་སྥུ་རུ…

སོགས། །བྱས་ཏེ་གསོལ་བ་གདབ་པར་བྱ། །དགའ་ཆེན་ཁྱོད་བདག་སྟོན་པ་བས། །སློབ་དཔོན་ཁྱོད་ནི་དགོངས་སུ་གསོལ། །མགོན་པོ་ཆེན་པོ་ཚུལ་བསྟན་པ། །དམ་ཚིག་དེ་ཉིད་བདག་ལ་གསོལ། །སངས་རྒྱས་ཆོས་དང་དགེ་འདུན་ཏེ། །སྐྱབས་གསུམ་དག་ཀྱང་བདག་ལ་གསོལ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་བགྱི། །བུ་ཚུར་ཐེག་པ་ཆེན་པོ་ཡི། །ཁྱོད…

སྔར་མཆིས་ནས་སུ། །དེ་དག་ཐམས་ཅད་བཤགས་པར་བགྱི། །སངས་རྒྱས་བྱང་སེམས་དཔའ་དང༌། །རང་རྒྱལ་དགྲ་བཅོམ་འགྲོ་རྣམས་ཀྱི། །བསྒོམ་དང་བཟླས་བརྗོད་བསོད་ནམས་ཚོགས། །དེ་ལ་བདག་ནི་ཡི་རང་ངོ༌། །སེམས་བསྐྱེད་མངོན་པར་སངས་རྒྱས་དང༌། །ཆོས་ཀྱི་འཁོར་ལོ་བསྐོར་བ་དང༌། །བྱང་ཆུབ་སེམས་དཔའི་ཚོགས་མཆོག་ལ། །དེ་ལ་བདག་ནི་སྐྱབས་སུ་མཆི། །སངས་རྒྱས་འ…

ཕས་ཕམ་པར་ནི་རབ་ཏུ་བཤད། །རྩ་བའི་ལྟུང་བ་ཞེས་བཤད་དེ། །ཁ་ན་མ་ཐོ་སྦོམ་པོར་འགྱུར། །ཁྱོད་ཀྱིས་སྲོག་ཆགས་གསད་མི་བྱ། །མ་བྱིན་པར་ཡང་མི་བླང་ངོ༌། །འདོད་པ་ལོག་པར་མི་སྤྱོད་ཅིང༌། །བརྫུན་དུ་སྨྲ་བར་མི་བྱའོ། །ཕུང་ཁྲོལ་ཀུན་གྱི་རྩར་གྱུར་པའི། །ཆང་ན་རྣམ་པར་སྤང་བར་བྱ། །སེམས་ཅན་གདུལ་ཕྱིར་མ་གཏོགས་པར། །བྱ་བ་མ་ཡིན་ཐམས་ཅད་སྤང༌།…

ཡང་དག་སངས་རྒྱས་མཆོག་ཞི་བ། །ཡེ་ཤེས་སྤྱོད་པ་རྣམ་པར་སྦྱོང༌། །ཀུན་དུ་རྡོ་རྗེ་གསུམ་འབྱུང་བ། །འདྲེན་པ་བདག་ལ་བྱིན་གྱིས་རློབས། །སེམས་ཅན་ཀུན་གྱི་སེམས་ཆེན་པོ། །རང་བཞིན་དག་པའི་དྲི་མ་མེད། །རྣམ་པར་སྣང་མཛད་ཆེར་འབྱུང༌། །འདྲེན་པ་བདག་ལ་བྱིན་གྱིས་རློབས། །དེ་དག་གླུར་བཅས་སྔགས་འདི་བརྗོད། །ཨོཾ་སརྦ་ཏ་ཐཱ་ག་ཏ་སཱི་ཏཾ། སརྦ་ཏ་…

ར་ཨ་ཤྭ་ཏྠ། །བྷ་བ་ཏ་སོགས་ཤིང་བཟང་པོས། །མི་ཡོ་མ་ཆག་འབུས་མ་ཟོས། །མ་རྙིངས་སྲོག་ཆགས་སྤངས་པ་ནི། །སོར་ནི་བཅུ་གཉིས་ཚད་དུ་བྱ། །རྩེ་མོར་མེ་ཏོག་ལྡན་བཅིངས་ལ། །ལྕི་བ་ལ་སོགས་བ་བྱུང་ལྔས། །ས་གཞི་བྱུགས་པ་བ་ཀོ་ཙམ། །མཎྜལ་དེ་ཡི་དྲུང་དུ་ནི། །སློབ་མ་ལངས་ཏེ་འདུག་བྱས་ནས། །ལངས་ཏེ་ཁ་ཏོན་དག་བྱས་ནས། །ལྟོས་པ་མེད་པར་ཐལ་སྦྱར་གཟུང༌…

སྔར་བཞིན་བྱའོ། །བ་ལིཾ་ཆེན་པོའང་དེ་བཞིན་ནོ། །གདོལ་པ་ཁྱི་དང་བྲམ་ཟེ་སོགས། །མཉམ་པོར་གསོལ་བའི་ལྷག་མ་བསྡུ། །ཕུད་དང་བ་སྲེས་ལ་མཁའ་འགྲོ་མའི། །ཕྱི་རོལ་དཀྱིལ་འཁོར་ཚིམ་པར་བྱ། །ལག་པ་གཡས་གཡོན་པདྨའམ། །འཁོར་ལོ་ལྟ་བུར་བཅིངས་བྱས་ལ། །རྐང་པས་མནན་ཅིང་སྟེང་དུ་བལྟ། །གྱེན་དུ་ཕེཾ་གྱི་སྒྲ་སྒྲོགས་ཤིང༌། །སྤྱན་དྲངས་དབྱངས་དང་སྔག…

དང་ཡིད་ལ་བདེ་བ་དང༌། །གྲོང་དང་ཡུལ་འཁོར་ཤེས་པར་གྱིས། །བུ་དང་ཚ་བོ་རྣམས་འཕེལ་ཏེ། །རང་རང་གནས་སུ་ལེགས་པར་སྡུད། །གཞན་ཡང་ཕ་རོལ་རྒོལ་བ་དག །ཞི་ཞིང་དབང་དུ་བྱ་བའམ། །དགུག་དང་དབྱེ་དང་བསྐྲད་པ་དང༌། །གསད་པ་ཚར་གཅད་ལ་སོགས་པ། །ཅི་རིགས་པ་ཡིས་ཚར་གཅོད་བརྗོད། །ཀྱེའི་རྡོ་རྗེ་མཁའ་འགྲོ་མའི་ཚོགས། །དུས་ནི་མྱུར་བ་ཉིད་དུ་བརྗོད། །…

གཞལ་ཡས་ཁང༌། །འབྱུང་བཞི་དེ་ལ་ནམ་མཁའ་ཐིམ། །ལྷ་མོ་བརྒྱད་ནི་སྙིང་གའི་ཧཱུཾ། །ཐིམ་ནས་ལྷ་ཡི་ང་རྒྱལ་གནས། །དེ་ནས་བླ་མས་དཀྱིལ་འཁོར་གྱི། །ནང་དུ་ཞུགས་ལ་ལྷ་རྣམས་མཆོད། །ཕྱོགས་སྐྱོང་རྣམས་ལ་གཏོར་མ་སྦྱིན། །སློབ་མ་རྣམས་ལ་སྟ་གོན་གྱི། །གནས་དེའམ་ཉལ་ཁང་གཞན་ཡང་རུང༌། །སེང་གེའི་ཉལ་སྟབས་རྨི་ལམ་བརྟག །སྨྲ་བརྗོད་གཞན་དག་མི་བྱ་བར…

སོགས་ཀྱིས་སྔགས་བརྗོད་ལ། །ལག་པར་ཕྱག་རྒྱ་དང་བཅས་པས། །ཨོཾ་ཨ་ནྱོ་ནྱཱ་ནུ་ག་ཏ་པ་ར་སྥ་ར་སརྦ་དྷམཱ། ཨ་ནྱོ་ནྱཱ་ནུ་ག་ཏ་པྲ་བིཥྚ་སརྦ་དྷརྨཱ། ཨ་ཏྱ་ནྟ་ཨ་ནུཏྟ་ར་སརྦ་དྷརྨཱ་ཞེས་པ་བརྗོད་ཅིང་བསྒྲིལ་བར་བྱའོ། །དེ་ནས་ཐིག་སྐུད་མཐའ་གཉིས་དབུས། །ཨོཾ་ཨཱཿ་ཧཱུཾ་གསུམ་བཀོད་པ་ཡིས། །བྱིན་བརླབས་ནས་ནི་སྔགས་འདི་བརྗོད། །ཨོཾ་བཛྲ་ས་མ་ཡ་སཱུ་ཏྲ…

སྒོ་ཁྱུད་ཐིག་གི་ནང་རོལ་དུ། །པདྨ་འདབ་མ་བརྒྱད་པར་བཅས། །ལྷ་ཡི་སྣམ་བུས་ཅི་རིགས་བསྐོར། །ཚ་རེ་རྡོ་རྗེ་ར་བ་དང༌། །མེ་འོད་ལ་ནི་བསྐོར་བའོ། །དེ་ཡི་ནང་དུ་རྟ་བབས་དང༌། །འདོད་ཡོན་སྣམ་བུ་ལ་སོགས་པས། །ཅི་རིགས་པར་ནི་བྲི་བར་བྱ། །དེ་ལྟར་ཐིག་ཟིན་ཐིག་སྐུད་མཆོད། །འབར་བའི་ལྟ་བས་སྒོ་དབྱེ་ཞིང༌། །ལྷ་རྣམས་བཅས་པ་གཤེགས་སུ་གསོལ། །…

བར་ཤེས་པར་བྱ། །ཞེས་པའོ། །ཕྱོགས་དང་སྒོ་ཡི་རིམ་པ་ཡང༌། །ཤར་དུ་དཀར་དང་ལྷོར་སེར་པོ། །ནུབ་དམར་བྱང་དུ་ལྗང་གུ་སྟེ། །དབུས་སྔོ་རྒྱུད་གཞན་དག་ལས་གསལ། །དབུས་སུ་པདྨ་འདབ་བརྒྱད་ནི། །དམར་པོ་གདན་དང་བཅས་པ་བྲི། །འདབ་མ་འཕར་མ་གཅིག་པ་ལ། །སྒོ་དང་གྲྭ་རུ་ཁྱབ་པ་རུ། །ལྷ་ཡི་སྣམ་བུ་བྲི་བར་བྱ། །ཕྱི་རོལ་རྟ་བབས་ལ་སོགས་པ། །དཀྱིལ་འཁོ…

མེ་ཏོག་སིལ་མ་དཀྲམ་། །སྤོས་སོགས་མཆོད་ཡོན་ཐམས་ཅད་དགོད། །རྟག་ཏུ་བླ་མ་ལ་སོགས་གདབ། །དེ་ནས་བླ་མས་ཉེ་རེག་དང༌། །བདུད་རྩི་རི་ལུ་ཁ་རུ་གཞུག །སྟན་དེར་འདུག་ནས་དཀྱིལ་འཁོར་བསྒྲུབ། །རིག་དང་བཅས་པས་ཡན་ལག་དྲུག །བསམ་རྒྱུད་ཏིང་འཛིན་གསལ་བ་དང༌། །ལས་ཀྱི་རྡོ་རྗེས་སྔར་བཞིན་དུ། །རཀྵས་བསྲུང་བ་ནས་བཟུང་ནས། །མཆོད་བསྟོད་བདུད་རྩི་མྱ…

ནས་སློབ་མ་ཡིས། །སྐལ་ལྡན་བདག་ལགས་རྣམ་གྲོལ་འཚལ། །བདེ་བ་ཆེ་ལ་བདག་དགའོ། །ཞེས་བརྗོད་ཡང་ནི་འདི་སྐད་བརྗོད། །སངས་རྒྱས་ཀུན་གྱི་ཡེ་ཤེས་སྐུ། །སློབ་དཔོན་ལ་ནི་སྐྱབས་སུ་མཆི། །གཙོ་བོ་ལྷ་མོར་བཅས་པ་ཡི། །ལྷ་རྣམས་ལ་ཡང་ཕྱག་འཚལ་ལོ། །ཐར་པ་ཆེན་པོའི་གྲོང་མཆོག་ཏུ། །མགོན་པོ་བདག་ནི་འཇུག་པར་གསོལ། །ཞེས་པས་སློབ་དཔོན་ལ་གསོལ་བ་གདབ…

ནས་བརྩམས་ནས་ཁྱོད་ཀྱི་དཔལ་ཧེ་རུ་ཀ་ང་ཡིན་གྱི་གང་ངས་འདི་བྱོས་ཤིག་ཅེས་བསྒོ་བ་དེ་ཁྱོད་ཀྱིས་བྱ་དགོས་ཏེ། ད་ཁྱོད་ངལ་བརྙས་པའི་ལས་མ་བྱེད་ཅིག །བྱས་ན་ཁྱོད་ཀྱི་མི་བདེ་བ་མ་སྤངས་པར། ཚེའི་དུས་བྱས་ནས་དམྱལ་བར་ལྟུང་བར་གྱུར་ཏ་རེ། དེ་ནས་འདི་སྐད་བརྗོད་དོ། །དེང་ཁྱོད་དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱང་འགྲུབ་པར་དཀའ་བ་མ་ལ…

འདོད་པའི་ཡོན་ཏན་ལྔ་རྣམས་ནི་གཟུགས་དང་སྒྲ་ལ་སོགས་པ་རྣམ་པར་དག་པའོ། །རྡོ་རྗེར་བ་ནི་ཟབ་མོའི་ཆོས་ཀྱི་འཁོར་ལོ་བསྐོར་བའི་རྟགས་སོ། །མེ་འོད་ནི་ཕྱི་རོལ་གྱི་བགེགས་ལ་སོགས་པས་མི་ཚུགས་པའི་རྟགས་སོ། །བུམ་པ་བརྒྱད་ནི་ཆེ་བའི་ཡོན་ཏན་གྱིས་རྒྱས་ཤིང་ཐུགས་རྗེ་ཆེན་པོའི་ངོས་ཡོངས་སུ་གང་བའི་རྟགས་སོ། །དེ་ནས་ལྷའི་དེ་ཁོ་ན་ཉིད་བསྟན…

སློབ་དཔོན་བགྱིས། །ཞེས་པའོ། །དེ་ནས་ཐུན་མོང་དང་ཁྱད་པར་གྱི་སློབ་མ་རྣམས་ཐ་མལ་གྱི་སྟན་དང༌། ཁྱད་པར་གྱི་གདན་སེང་གེའི་ཁྲིའམ། པདྨས་མཚན་པ་གཞག་པར་བྱའོ། །གདུགས་དཀར་པོ་གསེར་གྱི་ཡུ་བ་ཅན་ཕུབ་ནས། སློབ་དཔོན་གྱིས་ཀྱང་ལྷ་རྣམས་ཅི་རིགས་པར་མཆོད་ནས། བདུད་རྩི་དང་དྲིའི་ཆུ་དང་ཉུངས་ཀར་ལག་ཏུ་ཐོགས་ནས་བདག་ཉིད་ང་རྒྱལ་དང་བཅས་པས་འད…