ཆུས་ཐབ་ཁུང་དུ་ལན་གསུམ་ཀུ་ཤས་གཏོར་ལ་བསང་བར་བྱའོ། །དེ་ནས་མེ་ལྷའི་ཐུགས་ཀར་དཀྱིལ་འཁོར་གྱི་ལྷའི་འཁོར་ལོ་བསམས་ལ། མེ་ལྷའི་ཁ་ཧོམ་ཁུང་དུ་བསམས། དེ་ནས་ཡེ་ཤེས་སེམས་དཔའ་གར་དང་ལྡན་པར་ཛཿ་ས་སྤྱན་དྲངས་མདུན་གྱི་ནམ་མཁའ་ལ་བཞུགས་སུ་གསོལ། པྲོཀྵ་ཎཾ་ལ་སོགས་པ་ཀུན་རྫོགས་པ་དང༌། ཡང་ཕྱག་རྒྱ་བཞིས་དགུག་པ་དང༌། གཞུག་པ་དང༌། བཅིང་བ་དང…

ལ་སོགས་པ་རྣམས་ནི་ཕྱག་ཏུ་དབུལ། དྲི་སྙིང་གར་དབུལ། མེ་ཏོག་དབུལ་དབུལ། བདུག་སྤོས་ཤངས་ལ་དབུལ། དྲི་ཆབ་ཞབས་ལ་དབུལ། ཨརྒྷ་དང་མར་མེ་མདུན་དུ་དབུལ། མེའི་དེ་ཁོ་ན་ཉིད་ནི་བླ་མའི་ཞལ་ལས་ཤེས་པར་བྱའོ། །ལྷ་རྣམས་མཉེས་པར་བྱ་བ་དང༌། སྔགས་རྣམས་གཟི་བྱིན་སྐྱེ་བ་དང༌། སྡིག་པ་རྣམས་ནི་བསྲེག་པའི་ཕྱིར། །བཟླས་པ་བས་ཀྱང་སྦྱིན་སྲེག་ཤིས། …

ཆེན་གྱིས། །ལྷ་མོའི་ཞལ་དང་བཅས་པར་མྱོས། །ཟླ་ཚེས་རྩེ་འདྲའི་མཆེ་བ་མཆོག །མཛེས་པའི་དཀྱིལ་འཁོར་ལོངས་སྤྱོད་པ། །ཐོད་ཆེན་རྒྱུ་མ་ལས་བརྒྱུས་པའི། །ཕྲེང་བས་སྐུ་ནི་རྣམ་པར་བརྒྱན། །རོལ་པར་མཛད་པའི་བཞད་ཆེན་གྱིས། །འཇིགས་བྱེད་རྣམས་ནི་འབྱེར་བར་མཛད། །ཡང་དག་དྲན་པས་འགྲོ་བའི་ཚོགས། །ཡིད་ལ་འདོད་པ་ཡོངས་རྫོགས་མཛད། །ཡིད་བཞིན་ནོར་…

ཅང་ཏེའུ་སྒྲ་སྒྲོགས་ཡན་ལག་ཀུན། །བཙོད་མདོག་ཙཽ་རཱི་དེ་ལ་འདུད། །ནུབ་ཀྱི་ཕྱོགས་སུ་ཉེ་དབང་གིས། །སྟེང་དུ་གར་གྱིས་བཞུགས་མཛད་པ། །བཙོ་མོའི་གསེར་མདོག་རྣལ་འབྱོར་མ། །མཆོག་གྱུར་པེ་ཏཱ་ལཱི་ལ་འདུད། །བྱང་ཕྱོགས་དྲག་པོའི་སྟེང་བཞུགས་ཤིང༌། །འཇིགས་པའི་སྦྲུལ་ནི་ཕྱག་ན་བསྣམས། །རིན་ཆེན་མར་ཀཏ་མདོག་འདྲ་བའི། །དྲག་གསོལ་གྷསྨ་རཱི་ལ་…

བསྒོམ་པ་གསུངས་པའོ། །ནམ་མཁར་རྗེ་བཙུན་བླ་མ་དང༌། །མི་བསྐྱོད་པ་ཡི་སྐུ་ལྟ་བུའི། །མངའ་བདག་རྡོ་རྗེ་དབང་དམིགས་ཏེ། །བློ་དང་ལྡན་པས་ཕྱག་འཚལ་མཆོད། །སྙིང་གར་རང་གི་ས་བོན་བསམ། །མཆོད་པའི་སྤྲིན་ནི་རབ་ཏུ་དབུལ། །རྟག་ཏུ་ལྷ་མོ་བརྒྱད་རྣམས་ཀྱིས། །བདུད་རྩི་ལྔ་ཡི་སྦྱོར་བ་ལས། །རྣལ་འབྱོར་མ་ལྔ་དཀར་མོ་སྩོགས། །བདུད་རྩི་ལྔ་ནི་འཛི…

རྩ་བའི་དབྱངས་ཡིག་ལ་སོགས་བསམ། །མེ་ལོང་མཉམ་ཉིད་ཡེ་ཤེས་དག །ཟླ་བ་ཉི་མ་རབ་ཏུ་གྲགས། །ཨཾ་ལས་བྱུང་བའི་གི་གུག་ནི། །སོ་སོར་རྟོག་པ་ཉིད་དུ་བརྗོད། །འདི་རྣམས་གཅིག་གྱུར་ནན་ཏན་ཏེ། །རྫོགས་པ་ཆོས་དབྱིངས་དག་པ་སྟེ། །རྣལ་འབྱོར་མ་ནི་རྣམས་ཀྱི་ལུས། །ཡེ་ཤེས་ལྔ་ཡི་བདག་ཉིད་གྲགས། །ཉི་ཟླ་དག་དང་གྲི་གུག་གིས། །ཇི་ལྟར་ཆུ་ནི་འདྲེས་འག…

བདག་མེད་རྣལ་འབྱོར་མ། །ཐམས་ཅད་དམ་པར་དགའ་བའོ། །སྙིང་གར་རང་གིས་བོན་བསམ། །འོད་ཟེར་ཕྱུང་སྟེ་དེ་ནས་ནི། །སངས་རྒྱས་རྣམས་ནི་སྤྱན་དྲངས་ཏེ། །ལྷ་མོ་བརྒྱད་ཀྱིས་མཆོད་པར་བྱ། །ཕྱི་ནས་གསོལ་བ་གདབ་པ་ནི། །བཅོམ་ལྡན་བདག་ཉིད་ཆེན་པོ་རྣམས། །བཅོམ་ལྡན་དེ་བཞིན་གཤེགས་པ་ཀུན། །བདག་ལ་དབང་བསྐུར་ལ་སོགས་གསོལ། །བུམ་པ་བདུད་རྩི་ལྔས་གང་བ…

རྡོ་རྗེ་འཛིན་པ་ལ། །སྨོད་ཚིག་མི་མཉན་པ་ཡི་ཕྱིར། །ཉན་པ་དག་ཏུ་རྣ་ཆ་འཛིན། །སྔགས་ཟློས་ཕྱིར་ནི་མགུལ་དོ་སྟེ། །ལག་གདུབ་སྲོག་ཆགས་གསོད་པ་སྤངས། །ཕྱག་རྒྱ་བསྟེན་ཕྱིར་སྐ་རགས་ཏེ། །སངས་རྒྱས་ལྔ་ཡི་ཕྱག་རྒྱ་ཡིས། །རྟག་ཏུ་ལུས་ལ་གདབ་པར་བྱ། །སྔགས་ནི། ཨོཾ་ཨ་ཨཱ་ཨི་ཨཱི་ཨུ་ཨཱུ་རྀ་རཱྀ་ལྀ་ལཱྀ་ཨེ་ཨཻ་ཨོ་ཨཽ་ཨཱཾ་སྭཱ་ཧཱ། ཕྱག་རྒྱའི་རྣ…

རྒྱ་བདེ་བ་ཅན། །རང་གི་ལུས་ལ་རྩ་རྣམ་གསུམ། །རྡོ་རྗེ་རིན་ཆེན་ཆུ་སྐྱེས་ཀྱིས། །སྐུ་གསུང་ཐུགས་ནི་འཛག་པ་སྟེ། །གཅིག་པའི་དུས་ནི་རྡོ་རྗེ་ཡི། །རིན་ཆེན་འཛིན་པས་དཔྱིད་ཉིད་དོ། །དཔག་མེད་མགོན་གྱི་མངོན་རྫོགས་པའི། །སངས་རྒྱས་རང་བཞིན་བརྗོད་པ་སྟེ། །མཚན་མོའང་ཉིན་པར་དག་ཏུ་ཡང༌། །རྟག་ཏུ་ཡེ་ཤེས་སྐྱེ་བ་ཉིད། །ལྷན་ཅིག་སྐྱེས་པ་མཆ…

གཟིགས་ནས། །བདག་མེད་རྣལ་འབྱོར་མར་བསྒྱུར་གང༌། །ཐུབ་པས་ཕ་རོལ་ཕྱིན་ཕྱག་འཚལ། །སྒྱུ་མའི་ཕྱག་རྒྱ་ཕྱག་འཚལ་འདུད། །རྣལ་འབྱོར་དང་པོ་སློབ་དུས་ན། །ངེས་པའི་གནས་བཟང་བརྟག་བྱས་ཏེ། །གར་གནས་སྔས་པས་སྒྲུབ་བ་ཡི། །སེམས་ནི་གཅིག་བུ་མཉམ་གཞག་པའི། །རི་དང་ཚད་ཚིང་བྱ་སྐྱིབས་ནི། །མེ་ཏོག་འབྲས་བུ་སོགས་བརྒྱན་པའི། །རྡོ་རྗེ་སྐྱིལ་ཀྲུང་…

འགྲོ་བའི་བདུད་རྣམས་སེལ་བྱེད་པ། །ཧཱུཾ་ལས་གསལ་བར་སྤྲོ་བར་བྱ། །ཨོཾ་རཀྵ་རཀྵ་ཧཱུཾ་ཧཱུཾ་ཞེས་བརྗོད་དོ། །འདི་ལས་རྡོ་རྗེས་བསྐོར་བའི་གུར། །བླ་རེ་ཡང་ནི་བསྒོམ་པར་བྱ། །ནམ་མཁའི་ཁམས་སུ་བྷ་ག་བསམ། །དེ་ཡི་དབུས་སུ་བསྒོམ་པ་ནི། །ཡཾ་བྱུང་རླུང་གི་དཀྱིལ་འཁོར་ཏེ། །སྔོན་པོ་གཞུ་བདུངས་བ་དན་མཚན། །རཾ་བྱུང་མེ་ཡི་དཀྱིལ་འཁོར་ནི། །རྡོ་…

མཚན་ནི། །སོ་སོར་རྟོག་པ་ཡིན་ཞེས་བརྗོད། །ཐམས་ཅད་གཅིག་གྱུར་ནན་ཏན་ཏེ། །རྫོགས་པ་ཆོས་དབྱིངས་དག་པ་སྟེ། །འདི་དག་ཐམས་ཅད་རྫོགས་པ་ནི། །ཤེས་རབ་ཐབས་ཀྱི་རང་བཞིན་ཏེ། །ཟླ་བ་ཉི་མ་རབ་ཕྱེ་བས། །ཨཱ་ལི་ཤེས་རབ་ཀཱ་ལི་ཐབས། །གཽ་རཱི་ལ་སོགས་འདི་ལས་བྱུང༌། །དང་པོ་ནང་གི་ཁ་སྦྱར་བ། །ངེས་པར་རྣལ་འབྱོར་མ་ལྔ་གནས། །དབང་པོ་རྡོ་རྗེ་གཤིན་ག…

སོགས། །སྙིང་གའི་ས་བོན་འོད་ཟེར་ནི། །ལྕགས་ཀྱུའི་རྣམ་པས་བདེ་གཤེགས་བཀུག །ལྷ་མོ་བརྒྱད་ཀྱིས་མཆོད་བྱས་ན། །དབང་བསྐུར་བ་ནི་བླང་བའོ། །བཅོམ་ལྡན་དེ་བཞིན་གཤེགས་པ་ཀུན། །བདག་ལ་དབང་བསྐུར་ལ་སོགས་གསོལ། །དེ་ནས་ཧེ་རུ་ཀ་ཡི་གཟུགས། །དེ་ནས་བདག་ལ་དབང་བསྐུར་བསམ། །སེམས་དང་རྟག་པ་རིན་ཆེན་བདག །སྣང་བ་མཐའ་ཡས་དོན་གྲུབ་རྣམས། །བདག་མེ…

ལྷ་ནི་གཅོད་པའོ། །ཐོད་པ་ཉོན་མོངས་མགོ་བོ་ཡི། །ཕུང་པོའི་བདུད་ནི་རོ་བརྗོད་དོ། །མི་བསྐྱོད་པ་ནི་འཁོར་ལོའི་གཟུགས། །སྣང་བ་མཐའ་ཡས་རྣ་ཆའི་བདག །མགུར་ཆུ་ལ་ནི་རིན་ཆེན་བདག །ལག་གདུབ་ལ་ནི་རྟག་པར་བརྗོད། །སྐ་རགས་ལ་ནི་དོན་ཡོད་གནས། །ཕྱག་རྒྱ་ལྔ་ནི་རྣམ་པར་དག །བསམ་གཏན་གྱིས་དུབ་གསང་སྔགས་བཟླས། །ཨཱ་ལི་མཐའ་ཡི་ཨ་སྤངས་པ། །ཨོཾ་ཡ…

ག་ལ་གཟིགས། །གདུག་པ་རྣམ་སྐྲག་རྣམ་སྣང་ཅོད་པན་ཐོགས། །དུར་ཁྲོད་རྒྱན་དང་ལྡན་ལ་ཕྱག་འཚལ་ལོ། །ཨི་ལས་བྱུང་བའི་གསང་བའི་གཽ་རཱི་མ། །གཟི་བརྗིད་མི་མཚུངས་གར་ལྡན་རོ་མཆོག་མྱང༌། །དོན་དམ་ཐུགས་ཆུད་དབུ་རྒྱན་རིན་ཆེན་ཏོག །སྤྱན་གསུམ་ཐོད་རློན་ཅན་ལ་ཕྱག་འཚལ་ལོ། །ཨཱ་ལི་ཀཱ་ལིའི་སྙོམས་འཇུག་རྣལ་འབྱོར་མ། །བདེ་ལ་རྟག་དགྱེས་བྱང་ཆུབ་ས…

ངང་ལ་ཕྱག་འཚལ་ལོ། །ཤེས་རབ་ཐབས་སུ་ལྡན་པའི་གྷ་སྨ་རཱི། །དེ་ཉིད་ལས་སྐྱེས་འདོད་ཆགས་རྡོ་རྗེས་བརྒྱན། །ཨོ་ལས་བྱུང་བ་དྲག་པོ་ལས་ལས་སྐྱེས། །སྐྱེ་མེད་སྐྱེ་བར་བསྟན་ལ་ཕྱག་འཚལ་ལོ། །སྒྱུ་མ་སྨིག་རྒྱུ་བཞིན་དུ་མཁའ་ལ་སྤྱོད། །བར་སྣང་མངའ་མཛད་ཧེ་རུ་ཀ་ཡི་ངང༌། །ཅོད་པན་སྣང་བ་མཐའ་ཡས་ཨཽ་ལས་སྐྱེས། །ཐམས་ཅད་མཁྱེན་ཅིང་གཟིགས་ལ་ཕྱག་འཚ…

ནས་བདེ་བའི་སྟན་ལ་ཉེ་བར་འདུག་སྟེ། ཞེན་པ་མེད་ཅིང་དོགས་པ་དང་བྲལ་བས་སེམས་ཅན་གྱི་དོན་དུ་བློ་བསྐྱེད་དེ་བདག་མེད་མའི་ང་རྒྱལ་བསྐྱེད་པར་བྱའོ། །སྙིང་གར་ཉི་མའི་དཀྱིལ་འཁོར་ལ་ཡི་གེ་ཧཱུཾ་སྔོན་པོ་བསྒོམས་ཏེ། དེ་ནས་དེའི་གསལ་བའི་འོད་ཟེར་རྣམས་ཀྱིས་ཁམས་གསུམ་སྣང་བར་བྱས་ནས་འོག་མིན་གྱི་གནས་ན་བཞུགས་པ་རྣམས་བཀུག་སྟེ། རྣལ་འབྱོ…

ཨཱཏྨ་ཀོ྅ཧཾ། སྟོང་པ་ཉིད་ཀྱི་ཡེ་ཤེས་རྡོ་རྗེ་རང་བཞིན་གྱི་བདག་ཉིད་ལ་ཆོས་ཐམས་ཅད་ཅེས་བྱ་བའི་སྔགས་ཀྱི་དོན་བསྒོམས་པས་རབ་ཏུ་མི་གནས་པའི་ངོ་བོར་གནས་སོ། །དེ་ནས་སྨོན་ལམ་གྱིས་དྲན་པས་ལངས་ཏེ། རཾ་ལས་མདུན་དུ་ཉི་མའི་དཀྱིལ་འཁོར་བལྟའོ། །དེ་ལ་ཡི་གེ་ཧཱུཾ་ལས་སྣ་ཚོགས་རྡོ་རྗེ་བསམ་མོ། །དེ་ནས་དེའི་སྣ་ཚོགས་རྡོ་རྗེའི་འོད་ཟེར་གྱི…

ཅན་དང༌། བདེན་བྲལ་དཀར་པོའོ། །རླུང་གི་མཚམས་སུ་ཀ་ཀུ་པའི་ཤིང་དང༌། རླུང་ལྷ་དང༌། རི་དགས་ཀྱི་གདོང་ཅན་སེར་པོའོ། །དབང་ལྡན་གྱི་མཚམས་སུ་འབྱུང་པོ་དང༌། ཁྱུ་མཆོག་གི་གདོང་ཅན་ནོ། །ནྱ་གྲོ་དྷ་སྣ་ཚོགས་པ་བསྒོམ་མོ། །འདི་དག་ཐམས་ཅད་ལག་པ་གཡོན་པར་ཐོད་པ་འཛིན་པ། ཕྱག་གཡས་པར་རང་རང་གི་མཚོན་ཆ་སྣ་ཚོགས་འཛིན་པའོ། །ལུས་ཀྱི་སྟོད་བསྟན་པ…

འཁྱུད་པའོ། །ཤར་ལ་སོགས་པའི་འདབ་མ་རྣམས་ལ། ཨ་ཨི་ཨཱི་ཨཱུའི་དབྱངས་ལས་བྱུང་བ། གཏི་མུག་དང༌། ཕྲ་མ་དང༌། འདོད་ཆགས་དང༌། ཕྲག་དོག་གི་རང་བཞིན། རྣམ་པར་སྣང་མཛད་དང༌། རིན་ཆེན་འབྱུང་ལྡན་དང༌། འོད་དཔག་མེད་དང༌། དོན་ཡོད་གྲུབ་པ་རྣམས་ཀྱིས་རྒྱས་བཏབ་པ། གཟུགས་དང༌། ཚོར་བ་དང༌། འདུ་ཤེས་དང༌། འདུ་བྱེད་ཀྱི་ཕུང་པོའི་བདག་ཉིད། རྡོ་རྗེ་…