ན། གང་ལ་སེར་སྣ་རྣམས་ཆགས་པ། །ཞེས་སོགས་སམ། འབྲིང་དུ་ན། སྟོན་མཆོག་དམ་པ་སོགས་ཀྱིས་བྱ་ཞིང་། བསྡུ་ན། ཟིན་ཐུན་གྱི་ཚེ་བསྒྲིག་པ་ལྟར། ཉིན་མོ་བདེ་ལེགས་མཚན་བདེ་ལེགས། །ཉི་མའི་གུང་ཡང་བདེ་ལེགས་ཤིང་། །ཉིན་མཚན་རྟག་ཏུ་བདེ་ལེགས་པའི། །དཀོན་མཆོག་གསུམ་གྱི་བདེ་ལེགས་ཤོག །ན་མཿསརྦ་ཏ་ཐཱ་ག་ཏ་ཀ་ཡ་ཝཀ་ཙིཏྟ་བི་ཤྭ་དྷ་ནི་ཧཱུྃ། ཞེས་བ…

ནི་རོ་དྷ་ཨེ་ཝཾ་ཝ་དཱི་མ་ཧཱ་ཤྲ་མ་ཎ་ཡེ་སྭཱ་ཧཱ། ཞེས་པའི་སྔགས་ཀྱི་ཡིག་འབྲུ་རྣམས་ཡོངས་སུ་གྱུར་པ་ལས། སྟོན་པ་ཡང་དག་པར་རྫོགས་པའི་སངས་རྒྱས་བཅོམ་ལྡན་འདས་ཤཱཀྱ་ཐུབ་པ་སྐུ་མདོག་གསེར་གཙོ་མ་ལྟ་བུ། སྐྱེས་བུ་ཆེན་པོའི་མཚན་བཟང་པོ་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་བརྒྱན་ཅིང་། འོད་འདོམ་གང་པ་དང་འོད་ཟེར་མཐའ་ཡས་པ་…

ཏན་གྱི་རིགས་ཀྱི་ལྷ་ཐམས་ཅད། ཛིཾ་ལས་རིན་ཆེན་འབྱུང་ལྡན། མ་མགོན་ལ་སོགས་པ་འཕྲིན་ལས་ཀྱི་རིགས་ཀྱི་ལྷ་ཐམས་ཅད་ཁཾ་ལས་དོན་ཡོད་གྲུབ་པར་བསྐྱེད་ཀྱང་རུང་ངོ་། །དེ་ཐམས་ཅད་ཀྱི་སྤྱི་བོར་ༀ། མགྲིན་པར་ཨཱཿ ཐུགས་ཁར་ཧཱུྃ་གིས་བྱིན་གྱིས་བརླབ་བོ། །དེ་རྣམས་ནི་རྟེན་སྟ་གོན་ནོ། །ལྔ་པ་ཡེ་ཤེས་པ་སྤྱན་དྲང་ཞིང་སྙན་གསན་དབབ་པ་ལ་གསུམ་སྟེ།…

ལར། གླང་ཆེན་ཐལ་དཀར་ལྟར་གཤེགས་ལྷུམས་བཞུགས་ལྟར། །ཟེར་ཡང་དཀྱུས་ཉིད་དག་པ་འདྲ། མཆན། རྡོ་རྗེ་རིན་ཆེན་པདྨའི་རིགས་མཆོག་དང་། །ལས་ཀྱི་རིགས་དང་དེ་བཞིན་གཤེགས་པའི་རིགས། །ཕྱོགས་བཅུའི་རྒྱལ་བ་སྲས་དང་བཅས་པ་རྣམས། །དུས་འདིར་བདག་གི་དད་པས་སྤྱན་འདྲེན་ན། །རྟེན་མཆོག་འདི་ལ་འབྱོན་པར་མཛད་དུ་གསོལ། །ན་མཿསརྦ་ཏ་ཐཱ་ག་ཏ་ས་མ་ཡ་ཛཿཧཱུ…

མཆོད་པ་བྱའོ། །༼སྔར་བུམ་པ་སྟ་གོན་དུ་སྨོས་པའི་མཆོད་པ་བྱིན་རླབས་ཀྱིས་མཆོད་པ་བཟང་དགུ་གསར་དུ་འདུས་བྱས་པ་རྣམས་བྱིན་གྱིས་བརླབ་ཏེ། རྒྱལ་བའི་སྐུ་ལ་ཉོན་མོངས་མི་མངའ་ཡང་། །ཞེས་སོགས་ཀྱིས་མཆོད་ཡོན་སྔོན་དུ་འགྲོ་བའི་ཉེར་སྤྱད་ལྔ་རོལ་མོ་དང་བཅས་པ་ཕུལ་བའི་རྗེས་ལ། ཡོ་ག་ལས་བྱུང་བའི་འདོད་ཡོན་ལྔ་འབུལ་བ་ནི། ཁ་དོག་དབྱིབས་ལེག…

བཅུད་ལྡན་པའི། །ལུས་སེམས་བརྟས་བྱེད་རོ་མཆོག་ཅི་མཆིས་པ། །མོས་བློས༴ བཞེས་ཤིག༴ ར་ས། ཕྱོགས་དུས་ཀུན་ན་འཇམ་གཉེན་འཁྲིལ་ཆགས་པའི། །རེག་བྱའི་ཁྱད་པར་འཕགས་པ་ཅི་མཆིས་པ། །མོས་བློས༴ བཞེས་ཤིག༴ པརྴེ། མཆན། བསྟོད་པ་ནི། རྗེས་དྲན་དང་བརྩེ་བ་མ་ལ་སོགས་པས་བསྟོད། ༼འདི་ལྟར་སངས་རྒྱས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་…

མཐོང་ན་མི་མཐུན་པ་མེད་པ། དད་པས་མོས་པ་རྣམས་ལ་མངོན་པར་དགའ་བ། ཤེས་རབ་ཟིལ་གྱིས་མི་ནོན་པ། སྟོབས་རྣམས་ལ་བརྫི་བ་མེད་པ། སེམས་ཅན་ཐམས་ཅད་ཀྱི་སྟོན་པ། བྱང་ཆུབ་སེམས་དཔའ་རྣམས་ཀྱི་ཡབ། འཕགས་པའི་གང་ཟག་རྣམས་ཀྱི་རྒྱལ་པོ། མྱ་ངན་ལས་འདས་པའི་གྲོང་ཁྱེར་དུ་འགྲོ་བ་རྣམས་ཀྱི་དེད་དཔོན། ཡེ་ཤེས་དཔག་ཏུ་མེད་པ། སྤོབས་པ་བསམ་གྱིས་མི་ཁྱ…

པ། འདས་པ་དང་། མ་བྱོན་པ་དང་། ད་ལྟར་བྱུང་བའི་སངས་རྒྱས་བཅོམ་ལྡན་འདས་རྣམས་ཀྱི་ཡེ་ཤེས་ལ་གནས་པ། མྱ་ངན་ལས་འདས་པ་ལ་མི་གནས་པ། ཡང་དག་པ་ཉིད་ཀྱི་མཐའ་ལ་གནས་པ། སེམས་ཅན་ཐམས་ཅད་ལ་གཟིགས་པའི་ས་ལ་བཞུགས་པ་སྟེ། འདི་དག་ནི་སངས་རྒྱས་བཅོམ་ལྡན་འདས་རྣམས་ཀྱི་སྐུ་ཆེ་བའི་ཡོན་ཏན་ཡང་དག་པ་རྣམས་སོ། །ཞེས་དང་། སེམས་ཅན་རྣམས་ལ་བརྩེ་བ་ཅན…

རྟག་པར་ནི། །མཉམ་པར་བཞག་ཅིང་འདྲི་ཀུན་གྱི། །ལན་ལྡོན་ཁྱོད་ལ་ཕྱག་འཚལ་ལོ། །རྟེན་དང་བརྟེན་པ་བཤད་བྱ་དང་། །གསུང་དང་མཁྱེན་པ་འཆད་བྱེད་ལ། །བློ་གྲོས་རྟགས་ཐོགས་མི་མངའ་བ། །ལེགས་སྟོན་ཁྱོད་ལ་ཕྱག་འཚལ་ལོ། །གཤེགས་ནས་སྤྱོད་པ་མཁྱེན་མཛད་དེ། །དེ་དག་སྐད་ཀྱི་སེམས་ཅན་གྱི། །འོང་དང་འགྲོ་དང་ངེས་འབྱུང་ལ། །ལེགས་འདོམས་ཁྱེད་ལ་ཕྱག་འ…

པ། །སྟོན་མཛད་མུ་སྟེགས་གཞན་དག་གིས། །མི་བརྫི་ཁྱོད་ལ་ཕྱག་འཚལ་ལོ། །བསྲུང་མེད་བསྙེལ་བ་མི་མངའ་བ། །འཁོར་གྱི་ནང་ན་བག་རྐྱང་བསྲུང་། །ཀུན་ནས་ཉོན་མོངས་གཉིས་སྤངས་པ། །འཁོར་སྡུད་ཁྱོད་ལ་ཕྱག་འཚལ་ལོ། །ཀུན་མཁྱེན་ཁྱོད་ལ་རྒྱུ་བ་དང་། །གནས་པ་ཀུན་ལ་བརྟག་པར་ནི། །ཀུན་མཁྱེན་མིན་སྤྱོད་མི་མངའ་བ། །ཡང་དག་དོན་ལྡན་ཁྱོད་ཕྱག་འཚལ། །སེ…

གཅོད་པ་ཁྱོད་ལ་ཕྱག་འཚལ་ལོ། །འཛིན་པ་མི་མངའ་ཉེས་མི་མངའ། །རྙོག་པ་མི་མངའ་མི་གནས་པ། །མི་གཡོ་ཆོས་རྣམས་ཐམས་ཅད་ལ། །སྤྲོས་མེད་ཁྱོད་ལ་ཕྱག་འཚལ་ལོ། །མཆན། དེ་ནས་སྙན་གསན་དབབ་པ་ནི། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྒྱལ་བ་སྲས་དང་བཅས་པ་ཕྱོགས་བཅུའི་འཇིག་རྟེན་གྱི་ཁམས་ན་བཞུགས་པ་རྣམས་དག…

༼གིས་མཚན་པས་རྒྱས་བཏབ་པར་གྱུར། མཆན། བསམས་ཏེ། དར་སེར་པོའི་གདོང་གཡོག་གསོལ་ཏེ། ༀ་བཛྲ་ཝསྟྲ་ཧཱུྃ། ཞེས་སོ། །དེའི་དོན་ནི་རྒྱལ་བུ་རྒྱལ་སར་མ་བཏོན་པ་དང་འདྲ་སྟེ། ཡེ་ཤེས་པ་མ་བཅུག་གི་བར་མཆོད་པ་མི་དབང་བ་ཡིན་ནོ། །ཞེས་གསུངས་སོ། །དེ་ལྟར་བསྟན་པ་རྣམས་སྔོན་འགྲོའོ། །སྤྱི་དོན་གཉིས་པ་དངོས་གཞི་ལ་གསུམ་སྟེ། ཆོ་གའི་སྔོན་དུ་བྱ་…

པ་གཞུག་ཅིང་མེ་ཏོག་དོར་བ་དང་། དབང་བསྐུར་བ་དང་། སྐུ་གསུང་ཐུགས་བྱིན་གྱིས་བརླབ་པ་དང་། སྤྱན་དབྱེ་བ་དང་། བརྟན་པར་བྱ་བའོ། །དང་པོ་ནི། འདི་ལྟར་བཅོམ་ལྡན་འདས། དེ་བཞིན་གཤེགས་པ། དགྲ་བཅོམ་པ། ཡང་དག་པར་རྫོགས་པའི་སངས་རྒྱས། རིག་པ་དང་ཞབས་སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་བསྒྱུར་བ། བླ་…

མཛད་དུ་གསོལ། ཞེས་གསོལ་བ་གདབ་ཅིང་། ལན་གསུམ་པ་ལ། བྱོན་ནས་ཀྱང་བརྟན་པར་བཞུགས་སུ་གསོལ། ཞེས་བརྗོད་ལ། གཉིས་པ་ཡེ་ཤེས་པ་གཞུག་ཅིང་མེ་ཏོག་དོར་བ་ནི། ༀ་ན་མོ་བུདྷཱ་ཡ། ན་མོ་དྷརྨཱ་ཡ། ན་མཿསངྒྷཱ་ཡ། ༀ་ཡེ་དྷརྨཱཿཧེ་ཏུ་པྲ་བྷ་ཝཱ་ཧེ་ཏུནྟེ་ཥཱནྟ་ཐཱ་ག་ཏོ་ཧྱ་བ་དཏྟ། ཏེ་ཥཉྩ་ཡོ་ནི་རོ་དྷ་ཨེ་ཝཾ་ཝཱ་དཱི་མ་ཧཱ་ཤྲ་མ་ཎཿཡེ་སྭཱ་ཧཱ། ཞེས་བརྗ…

ལྷ་མ་ཡིན་གྱི་མཆོད་པའི་གནས། །ཚོགས་ཀྱི་མཆོག་རབ་ངོ་ཚ་ཤེས་དང་དཔལ་གྱི་གཞི། །འདི་ནི་འཇིག་རྟེན་དགེ་བའི་བཀྲ་ཤིས་གསུམ་པའོ། །མཆན། ཏིང་ངེ་འཛིན་ནི། ཕྱོགས་བཅུའི་རྒྱལ་བ་སྲས་དང་བཅས་པ་རྣམས་ནས་འབྲུ་དང་ཐ་དད་མེད་པར་བྱོན་ནས། རྟེན་སོ་སོ་ལ་ཐིམ་༼པས་གཉིས་སུ་མེད་པར་གྱུར། མཆན། པར་བསམས་ཏེ། གཉིས་སུ་མེད་པར་བྱའོ། །དེ་ནས་དབང་བསྐུ…

མཿསརྦ་ཏ་ཐཱ་ག་ཏ་ཨ་བྷི་ཥེ་ཀ་ཏ་ས་མ་ཡ་ཤྲི་ཡེ་ཧཱུྃ། ཞེས་དབང་བསྐུར། བཞི་པ་སྐུ་གསུང་ཐུགས་བྱིན་གྱིས་བརླབ་པ་ནི། དྲིའི་ཆུས་ལྷ་རྣམས་ཀྱི་གནས་གསུམ་དུ་རེག་ལ། ༀ་ཨཱཿཧཱུྃ། ཞེས་བྱིན་གྱིས་བརླབ་ཅིང་། དེ་བཞིན་གཤེགས་པ་ཐམས་ཅད་ཀྱི་སྐུ་གསུང་ཐུགས་དང་དབྱེར་མེད་༼གྱུར་༽པར་བྱའོ། །རེག་ཏུ་མི་རུང་བ་རྣམས་ལ་མེ་ལོང་ལ་གཟུགས་བརྙན་འཆར་དུ…

གནས་པའི་མྱ་ངན་ལས་འདས་པ་མ་ཐོབ་ཀྱི་བར་དུ་བརྟན་པར་བཞུགས་སུ་གསོལ། བྱེ་བྲག་ཏུ་རྟེན་འདི་ལ་༼རྟེན་མང་པོ་ལ་རབ་གནས་ཕྱོགས་སུ་བྱེད་ན། རྟེན་འདི་ཞེས་པའི་ཚིག་གོང་འོག་གཉིས་པོ་ལ་རྣམས་ཞེས་མང་ཚིག་སྦྱར་རོ། །མཆན། ཇི་སྲིད་འབྱུང་བ་ཆེན་པོ་བཞིའི་གནོད་པས་ཞིག་པར་མ་གྱུར་གྱི་བར་དུ། སེམས་ཅན་གྱི་དོན་དུ་སངས་རྒྱས་དང་བྱང་ཆུབ་སེམས་དཔ…

པ་གཙང་ཞིང་བཟང་བ་བཤམས་ལ། བུམ་པ་སྟ་གོན་དུ་སྨོས་པ་ལྟར་བྱིན་རླབས་བྱས་ཏེ། མཆན། ཕྱིའི་མེ་ཏོག་ལ་སོགས་པ་དང་། རྒྱལ་སྲིད་སྣ་བདུན། བཀྲ་ཤིས་རྟགས་བརྒྱད་ལ་སོགས་པ་རྣམས་གང་ཤེས་འབུལ། བསྡུས་པ་བྱེད་ན། འཇིག་རྟེན་ཁམས་ནི་དཔག་མེད་ན། །མཆོད་ཡོན་ཇི་སྙེད་ཡོད་པ་དང་། །བདག་གི་གུས་པར་བཤམས་པ་འདི། །རྒྱལ་བ་སྲས་དང་བཅས་ལ་མཆོད། །ན་མཿསར…

གསེར་ཉ་པདྨ་དང་། །བུམ་པ་དཔལ་བེ་རྒྱལ་མཚན་འཁོར་ལོ་སྟེ། །ལྷ་ཡི་དགའ་ཚལ་མཛེས་པར་བྱེད་པ་ཡི། །བཀྲ་ཤིས་རྟགས་བརྒྱད་རྣམས་ནི་དབུལ་བར་བགྱི། །ན་མཿསརྦ་ཏ་ཐཱ་ག་ཏ་ཨཱཥྚ་ཧེ་ཏུ་མངྒ་ལ་པྲ་ཏཱིཙྪ་ཧཱུྃ། ཞེས་བཀྲ་ཤིས་རྟགས་བརྒྱད་ཕུལ། དེ་ལས་གཞན་ཡང་མཆོད་པའི་ཚོགས། །རོལ་མོ་དབྱངས་སྙན་ཡིད་འོང་ལྡན། །སེམས་ཅན་སྡུག་བསྔལ་སིམ་མཛད་པའི། །སྤྲ…

དཀོན་མཆོག་རྗེས་དྲན་དང་། སྔར་བརྗོད་པ་དང་གཞན་ཡང་ཅི་རིགས་པ་བྱའོ། །༼དང་པོར་སངས་རྒྱས་རྗེས་སུ་དྲན་པ་སྔར་སྨོས་པ་བཞིན་བརྗོད་པའི་རྗེས་ལ། ཆོས་དང་དགེ་འདུན་རྗེས་སུ་དྲན་པ་ནི། དམ་པའི་ཆོས་ནི་ཐོག་མར་དགེ་བ། བར་དུ་དགེ་བ། ཐ་མར་དགེ་བ། དོན་བཟང་པོ། ཚིག་འབྲུ་བཟང་པོ་མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ། …