རིག་གཉིས་ཀྱི་ཁྱད་པར་ཡིན་ནོ། །ཚུལ་ཇི་ལྟར་མ་རིག་ཅེ་ན། ཀུན་བཏགས་འཁྲུལ་པའི་དབང་གིས་སོ། །གཉིས་པ་ཀུན་བཏགས་འཁྲུལ་པའི་མ་རིག་པ་ནི། དེ་ལྟ་བུའི་སེམས་ཉིད་དེ་རང་ངོ་རང་གིས་མ་ཤེས་ནས། དེ་ལ་ང་སྙམ། བདག་སྙམ། ངའོ་སྙམ་དུ་བརྟགས་པས་ཁ་ནང་དུ་བལྟས་ཏེ་འཛིན་པས་ཉོན་ཡིད་ཅེས་བྱ་སྟེ། དེ་ལ་ཡིད་གཡོ་བ་འདུ་བྱེད་པའི་སྐད་ཅིག་མ་ནི་ཆུའི་ར…

བསྔལ་ཉམས་སུ་མྱོང་བ་ཡིན་ཏེ། སྡུག་བསྔལ་དེ་རྣམས་ཀྱང་གཞན་གྱིས་བྱས་པ་མེད། རང་སེམས་འཁྲུལ་པས་ལས་ངན་བསགས་པའི་འཁྲུལ་སྣང་ཤར་བ་སྟེ། དཔེར་ན་སྲིན་བུའི་ཁ་ཆུ་རང་ལ་བྱུང་ནས་རང་བཏུམ་ཞིང་བསྟིམས་ནས་ཤི་བ་དང་འདྲ། རིགས་དྲུག་གི་སྡུག་བསྔལ་སྣ་ཚོགས་དེ་རང་རང་གི་སེམས་འཁྲུལ་པ་ལས་བྱུང་བ་ཡིན་གྱི། གཞན་གྱིས་སྡུག་བསྔལ་བྱེད་དུ་འཇུག་པའ…

ལ་བཞི་སྟེ། སྨིན་པར་བྱེད་པའི་དབང་དང་། གྲོལ་བར་བྱེད་པའི་ལམ་བསྐྱེད་རྫོགས་དང་། བརྟན་པར་བྱེད་པའི་དམ་ཚིག་དང་། མཐར་ཕྱིན་པར་བྱེད་པའི་སྤྱོད་པའོ། །དེའི་དང་པོ་ལ་སྨིན་པར་བྱེད་པའི་དབང་ནི། དཔེར་ན་ཞིང་ས་གཤིན་པོ་ལ། ཆུ་ལུད་དྲོད་གསུམ་འཛོམས་ཤིང་ས་བོན་དྲུང་པོར་བཏབ་པས། མྱུ་གུ་འབྱུང་རུང་དུ་བྱས་པ་དང་འདྲ་བ་ཡིན་པས། སྔགས་ཀྱི…

གསང་བའི་དབང་། བདེ་བ་མྱོང་བ་ཤེས་རབ་ཡེ་ཤེས་ཀྱི་དབང་། སེམས་མེད་པའི་གནས་སྐབས་བཞི་དབང་བཞི་པ། འཁོར་གྱི་སློབ་དཔོན་དུ་བསྐོས་པ་འོད་ཟེར་ཆེན་པོའི་དབང་སྟེ། དེ་རྣམས་སྦྱང་གཞིའོ། །འདི་རྣམས་དང་མཐུན་པར་སྦྱོང་བར་བྱེད་ཀྱང་། འཇིག་རྟེན་པའི་དབང་བཅུ་དང་། འཇིག་རྟེན་ལས་འདས་པའི་ཕྱག་རྒྱ་ཆེན་པོའི་དབང་། རྡོ་རྗེ་སློབ་དཔོན་གྱི་དབ…

པ་ལས་ནི་འཛིན་པར་བྱེད། །ཐབས་དང་ཤེས་རབ་སྙོམ་ཞུགས་ནས། །ཕྱི་མཐའི་བདེ་བ་ཉམས་སུ་མྱོང་། །ཞེས་སོ། །འདི་རྣམས་ཀྱི་འབྲས་བུ་ནི། ཚོགས་སྦྱོར་དང་། ས་བཅུ་དང་། སངས་རྒྱས་ཀྱི་ས་དང་། འོད་ཟེར་ཆེན་པོའི་དབང་རྣམས་ཡིན་ཏེ། དུས་འཁོར་ལས། དབང་བདུན་རྣམས་ཀྱིས་དབང་བསྐུར་བས་ན་དགེ་བའི་དབང་གིས་ས་བདུན་དབང་ཕྱུག་ཏུ་འགྱུར་རོ། །སླར་ཡང་ཕྱི…

མ་བྲིས་སོ། །ངོ་བོ་ནི་མ་སྨིན་པ་སྨིན་པར་བྱེད་པ་ཉིད་ལས། ཐོག་མར་དབང་བསྐུར་ཐོབ་པ་གལ་ཆེའོ། །དབང་ཐམས་ཅད་ལམ་གྱི་དག་གཞི་ཡིན་ཀྱང་། ལམ་ལ་འཇུག་པར་བརྩམས་པ་ན། ལུས་སེམས་ཀྱི་དོན་རྟོགས་པར་བྱེད་པའི་ཆ་ནས་ལམ་ཡང་ཡིན་ནོ། །གཉིས་པ་སྨིན་པ་གྲོལ་བར་བྱེད་པའི་ལམ་གྱི་རིམ་པ་ལ་གཉིས་ཏེ། བསྐྱེད་པའི་རིམ་པ་དང་། རྫོགས་པའི་རིམ་པའོ། །དང་…

ཞལ་ཕྱག་ཀྱང་དེ་དང་མཚུངས་པར་བསྒོམ་སྟེ། །དྭགས་པོ་རིན་པོ་ཆེའི་གསུང་ལས། བསྐྱེད་རིམ་ཉམས་སུ་མྱོང་བས་རབ་ཀྱིས་བདེན་པ་མཐོང་། འབྲིང་གིས་འཁོར་ལོ་སྒྱུར་བའི་རྒྱལ་པོ་ཐོབ། ཐ་མས་ཀྱང་ལྷ་མའི་གོ་འཕང་ཐོབ་གསུངས་སོ། ། འདིར་ཡང་ཆོས་དྲུག་གི་རྩ་བ་ལས། གསང་བའི་དབང་གི་དུས་དག་ཏུ། །མེ་ལོང་དྲི་མ་མེད་པ་ལ། །རྡོ་རྗེ་སེམས་དཔའ་ལེགས་བྲིས…

རྫོགས་ཚུལ་ནི། ལུས་རྩ་ཡི་ངོ་བོར་རྫོགས་པ། སྟོང་ཕྲག་བདུན་ཅུ་དོན་གཉིས་དབུ་མར་རྫོགས། རྩ་ཐིག་ལེའི་ངོ་བོར་རྫོགས། ཐིག་ལེ་ཐམས་ཅད་བདེ་སྟོང་གཉིས་མེད་ཀྱི་ཐིག་ལེ་ལ་རྫོགས། ཐིག་ལེ་ཐམས་ཅད་རླུང་གི་ངོ་བོར་རྫོགས། རླུང་ཐམས་ཅད་ཡེ་ཤེས་ཀྱི་རླུང་ལ་རྫོགས། ཡེ་ཤེས་ཀྱི་རླུང་དང་རང་བཞིན་བརྒྱད་ཅུའི་རྟོག་པ་ཐམས་ཅད་གཉིས་མེད་ཡེ་ཤེས་ལ…

གཏུམ་མོ་སྦར་བ་ཡི། །དེ་བཞིན་གཤེགས་པ་ལྔ་བསྲེགས་ཏེ། །སྤྱན་ལ་སོགས་པ་ཡང་བསྲེགས་ཏེ། །བསྲེགས་པས་རི་བོང་ཧཾ་ཅན་འཛག །ཅེས་དང་། ཧཾ་བསྲེགས་པ་ལ་ཟླ་རྒྱུན་འབབ། །ཅེས་སོ། །དེ་རྣམས་གང་ལ་ཡང་དྲོད་བདེ་གསལ་མི་རྟོག་པའི་ཉམས་འཆར་རོ། །གསུམ་པ་རང་བཞིན་གྱི་རྩ་རྣམ་པར་མི་རྟོག་པའི་གནད་འཆིང་བ་དུ་བ་ལ་སོགས་པའི་གནད་འཆར་རོ། །གཉིས་པ་རླུང…

རླུང་ཐིག་ལེའི་གནད་བཅངས་པས། ཀུན་རྫོབ་ཏུ་དྲོད་བདེ་གསལ་མི་རྟོག་པའི་ཉམས་སྐྱེ་ཞིང་། དོན་དམ་པར་བཞི་པོ་དེ་སྟོང་ཞིང་བདག་མེད་པ་སྒྱུ་མ་ལྟ་བུ་སྤྲོས་པའི་མཐའ་ཐམས་ཅད་དང་བྲལ་བའི་ཉམས་དང་རྟོགས་པ་འཆར་ཏེ། ཧེ་བཛྲ་ལས། གཞན་གྱིས་བརྗོད་མིན་ལྷན་ཅིག་སྐྱེས། །གང་དུ་ཡང་ནི་མི་རྙེད་དེ། །བླ་མས་དུས་ཐབས་བསྟན་པ་དང་། །བདག་གི་བསོད་ནམས་…

གཟུང་བ་དང་། རིམ་ལྔའི་ངག་དབེན། གཏུམ་མོ་དངོས། སེམས་དབེན། ཕྱག་རྒྱ་བཞིའི་དམ་ཚིག་གི་རྒྱ་འབར་འཛག་བྷཻ་པ་ནང་གི་ལས་ཀྱི་ཕྱག་རྒྱའོ། །ཆོས་དྲུག་གི་སྒྱུ་ལུས་ཏེ། རིམ་ལྔའི་སྒྱུ་ལུས་ཕྱག་རྒྱ་བཞིའི་ཆོས་ཀྱི་ཕྱག་རྒྱ་ཆོས་དྲུག་གི་རྨི་ལམ་དེ། རིམ་ལྔའི་ཟུང་འཇུག་།ལམ་གྱི་དུས་སུ་མ་ཡེངས་པར་ཉམས་སུ་ལེན་པ་ནི་སློབ་པའི་ཟུང་འཇུག །རྟོག…

སྐུའོ། །དྲུག་པོ་འདི་དག་རྗེ་རས་ཆུང་པས་ནི། འདོད་ཆགས་བདེ་ཆེན་དུ་བསྲེ་བ་གཏུམ་མོ། ཞེ་སྡང་འོད་གསལ་དང་བསྲེ་བ་སྒྱུ་ལུས། གཏི་མུག་མི་རྟོག་པ་དང་བསྲེ་བ་འོད་གསལ་ཏེ་བསྲེ་བ་གསུམ་མོ། །གཏུམ་མོ་དང་སྒྱུ་ལུས་བསྲེ་བ་ཉིན་པར་བསྒོམ། རྨི་ལམ་དང་འོད་གསལ་བསྲེ་བ་མཚན་མོར་བསྒོམ། བར་དོ་དང་འཕོ་བ་བསྲེ་བ་འཆི་ཁར་བསྒོམ་སྟེ་བསྲེ་བ་གསུམ།…

སྟབས་དང་གཉིས་གསུངས་ཀྱང་། དང་པོ་ནི་གཞུང་ལས། དེ་ནས་ལུས་ཀྱི་གནད་བཤད་པ། །རིན་ཆེན་སྟར་ལ་བརྒྱུས་པ་འདྲ། །ཤིན་ཏུ་བསྲང་།རྐེད་པ་ལ་དགུག་།མགྲིན་པ་པར་བྱ། །རྒྱ་མདུད་།འོག་སྒོ་ལྟ་བུའི་ཚུལ་གནས་བྱ། །དཔལ་ཀ་།དཔུང་པ་བཞིན་དུ་བསྐྱེད་པར་བྱ། །མཉམ་བཞག་།ལག་པ་ཕྱག་རྒྱ་བཙིར་བྱ་ཞིང་། །རེའུ་མིག་།རྐང་པ་ཚུལ་དུ་བསྣོལ་བར་བྱ། །ཞེས་པས། …

ཕྱིར་སྒལ་ཚིག་དོང་ཙེ་བརྩེགས་པ་ལྟར་བསྲང་ལ་རོ་སྟོད་སེང་གེ་ལྟར་དགྱེས་ཤིང་། དཔུང་པ་རྒོད་གཤོག་ལྟར་བརྒྱང་། མགྲིན་པར་གྱེན་རྒྱུའི་རླུང་དབང་དུ་བྱ་བའི་ཕྱིར་དང་། རྟོག་པ་འགོག་པའི་ཕྱིར་མགྲིན་པ་རྨ་བྱ་ལྟར་དགུག་སྟེ། སྲོལ་མདུད་སོགས་སྐུའི་སྒོ་བཞིར། ཡན་ལག་གི་རླུང་ལྔ་དབང་དུ་བྱ་བའི་ཕྱིར་དང་། རིག་པ་གསལ་བར་བྱ་བའི་ཕྱིར་ལྕེ་…

དུས་ཀྱི་གནད་ནི། གནས་སྐབས་བཞི་དང་སྦྱར་ཏེ། གཞུང་ལས། དེ་ལ་དུས་ཀྱི་གནད་བཤད་པ། །གཉིད་དང་རྨི་ལམ་སྙོམ་འཇུག་དང་། །ཐ་མལ་དུས་དང་རྣམ་པ་བཞི། །ཞེས་པས། སེམས་ཅན་ཐམས་ཅད་གནས་སྐབས་བཞིའི་རྟོག་པ་ལས་མ་འདས་པས། འདི་ཡང་གཞི་ལམ་འབྲས་གསུམ་དང་སྦྱར་ན། སྦྱང་གཞི་གནས་སྐབས་བཞི་ལ། སྦྱང་བྱ་འཁྲུལ་པ་བཞི། དེ་སྦྱོང་བར་བྱེད་པ་ལ་ལམ་རིམ་པ་བ…

ཐ་མལ་གྱི་སྐབས་སུ་ཚོགས་དྲུག་གི་ཤེས་པ་ལ་ཡུལ་སྣང་བ་སྣ་ཚོགས་སེམས་ཀྱི་རང་འོད་སྣང་སྟོང་དབྱེར་མེད་བྱ་བ་གྲུབ་པའི་ཡེ་ཤེས་ཡིན་པ་ངོ་མ་ཤེས་ནས། བླང་དོར་བྱས་པས་འཁྲུལ་པ་དེ། ལམ་སྒྱུ་ལུས་ཀྱི་སྦྱོང་ཞིང་ཆོས་དྲུག་སྐུ་ཕྱག་རྒྱས་བཅངས་པས། འབྲས་བུ་བྱ་བ་གྲུབ་པའི་ཡེ་ཤེས་དང་སྤྲུལ་སྐུ་འགྲུབ་བོ། །རྨི་ལམ་གྱི་གནས་སྐབས་སུ་ཉོན་ཡིད་ར…

མ་རིག་པས་སྒྲིབ་པའི་འཁྲུལ་པ་དེ་ལམ་འོད་གསལ་གྱིས་སྦྱང་ཞིང་། ཕྱག་རྒྱ་ཆེན་པོས་བཅངས་པས། འབྲས་བུ་མེ་ལོང་ལྟ་བུའི་ཡེ་ཤེས་དང་ཆོས་ཀྱི་སྐུ་འགྲུབ་པར་བྱེད་དོ། །གསུམ་པ་ཡུལ་གྱི་གནད་ནི། གཞུང་ལས། ཡུལ་གྱི་གནད་ལ་རྣམ་གཉིས་ཏེ། །ཕྱི་དང་ནང་དུ་ཤེས་པར་བྱ། །ཕྱི་ཡི་སྣང་བ་དཀར་དམར་དང་། །ནང་དུ་འཁོར་ལོ་རྣམ་པ་བཞི། །ཞེས་པས། ཕྱི་རོལ་…

བོགས་དབྱུང་བར་བྱེད་པ། རང་བཞིན་གཉུག་མར་འཇོག་པ་སྟེ་བཞིར་བཤད་དོ། །དེ་དག་ལག་ལེན་དུ་འབྱུང་ངོ་། །བཞི་པོའི་ངོས་འཛིན་ནི། དང་པོ་གཏུམ་མོ་ལ་གསུམ་སྟེ། རྫས་ཀྱི་གཏུམ་མོ། ནང་ལྷའི་གཏུམ་མོ། གསང་བ་རླུང་འཛིན་གྱི་གཏུམ་མོའོ། །དང་པོ་གཉིས་གོ་སླ་བས་འདིར་མ་བཤད་དོ། །ཕྱི་མ་འདི་ལ་བཞི་སྟེ། ཐིག་ལེ་ལ་བརྟེན་པ་ཙཎ་ཏྲ་ལིའི་གཏུམ་མོ། ག…

བ་ཞེས་བྱ། དེ་ནས་ཤེས་པ་ཡུལ་ལ་མཆེད་པ་ལ་སྣང་བ་མཆེད་པ་ཞེས་བྱ། ཤེས་པ་ཡུལ་ལ་སྡུད་ཁ་ན་ནི་སྣང་བ་ཐོབ་པའོ། །དེ་གསུམ་སྟོང་པ་དང་། ཤིན་ཏུ་སྟོང་པ་དང་། སྟོང་པ་ཆེན་པོ་ཡིན་པ་ཞེས་བྱའོ། །རྟོག་མེད་ཀུན་ཏུ་སྣང་བ་གསུམ་པོ་དེ་ལ་བརྟེན་ནས་རྟོག་བཅས་རང་བཞིན་བརྒྱད་ཅུའི་སྣང་བ་འབྱུང་སྟེ་དེ་ནི་སྤང་བྱའོ། །གཉིས་པ་གཉེན་པོ་ཡེ་ཤེས་ཀྱི་ས…

གོ །གསུམ་པ་གཟུང་འཛིན་གྱི་རྟོག་པ་ཤིན་ཏུ་ཆེར་སྟོང་པ་ནི། བདེ་སྟོང་གིས་ཉམས་ཆེན་པོར་སྐྱེས་པ་ནི། སྣང་བ་ཐོབ་པའི་ཡེ་ཤེས་ཞེས་བྱའོ། །དེའི་དུས་སུ་གཏི་མུག་ལས་གྱུར་པའི་རྟོག་པ་བདུན་འགག་གོ །ཡེ་ཤེས་དེ་གསུམ་ལ་ཡང་སྟོང་པ་དང་། ཤིན་ཏུ་སྟོང་པ་དང་། སྟོང་པ་ཆེན་པོ་རྟོགས་པ་ཞེས་བྱའོ། །དེ་ནི་གཟུང་འཛིན་གྱི་རྟོག་པ་བརྒྱད་ཅུའི་སེམ…